CLOSE WINDOW

D2140
བོད་ཡིག

@##/ /rgya gar skad du/ Ar+ya lo ke shwa ra gu h+ya sA d+ha na nA ma/ bod skad du/ 'phags pa 'jig rten dbang phyug gsang ba'i sgrub thabs zhes bya ba/ dpal pad+ma gar gyi dbang phyug la phyag 'tshal lo/ /pad+ma rnam rgyas phyag 'tshal nas/ /mchog dang thun mong dngos grub ni/ /tshe 'di nyid la thob byed pa'i//spyan ras gzigs dbang gsang sgrub bshad/ /dad dang brtson 'grus snying rjer ldan/ /dbang dang dam tshig ldan byas nas/ /dur khrod g.ya' ri gangs brag gam/ /nyams dga' dben pa'i gnas dag tu/ /phyi rgyud pa la gtor ma gtang / /maN+Dal gru bzhi dris byugs la/ /chang dang bdud rtsis chag chag gdab//chos 'byung bsnol ma pad 'dab brgyad/ /mu khyud gru chad ldan pa bri/ /sgo bzhi rgyan ldan bris kyang rung / /rdo rje ra ba me ris bskor/ /chos 'byung dmar po re khA dkar/ /mtshams su g.yung drung 'khyil pa bri/ /pad 'dab phyogs tshon mtshams mdzes tshon/ /gru chad ljang la sgo bzhi phyogs//sgo rgyan la sogs spyi dang mthun/ /dkyil 'khor dbus bum rgyan ldan du/ /chang dang bdud rtsi ril bu blugs/ /dgos pa'i cha rkyen tshang bar gzhag /thod pa chang dang bdud rtsis bkang / /bum pa'i khar bzhag dar dmar dga'/ /me long chang gis byugs pa la/ /pad+ma chos 'byung sin+d+hu ras//sa bon yi ge bcas pa dgod/ /thod pa'i kha ru bzhag pa'i steng / /sman sna rin chen sna tshogs dang / /dri bzang dag dang snying po'i tshogs/ /ka ra bu ram sbrang rtsi sogs/ /'bru sna tshogs kyi phye ma la/ /gur gum gi wang sin+d+hu ra/ /sha lnga bdud rtsi lnga sbyar nas/ /chang gis sbrus pa'i ril bu la//sin+d+hu ra dang pad mtshal byug /mo gsar phrul 'khor lo bri/ /de la gong gi rdzas kyis byug /ril bu 'khor lo'i lte bar gzhag /dar gyis bkab la me long khar/ /bzhag ste steng du dar gdugs phub/ /sba lcag dkar po tshigs gsum pa'i/ /nang du sngags dang 'khor lo gzhag /ril bu lha grangs la sogs bcug /kha bcad mgo mjug zangs kyis dkris/ /zhing lpags lcag 'bras btags pa la/ /rin chen lnga dang dung sogs dang / /shel dang pha wang long bu btags/ /dar tshon sna lnga sngags ldan rgyan/ /dkyil 'khor dbus su gzugs par bya/ /gtor ma mchod pa tshogs kyi rdzas//ji ltar 'byor pa'i bye brag bsham/ /rkang gling thod rnga tshil chen spos/ /zhun chen mar me la sogs bya/ /bgegs la blud byin mtshams bcad la/ /srung ba'i 'khor lo brtan par bsgom/ /dkon mchog spyan drangs phyag byas nas/ /mchod cing maN+Dal dbul ba ste//bdun po rnam par dag pa dang / /gsol ba drag tu gdab par bya/ /de dag sngon du 'gro ba'o/ /dngos gzhi phyi nang gsang gsum las/ /phyi ltar rgyal ba rgya mtsho'i tshogs/ /nang ltar lus la dgod pa dang / /gsang ba rtsal dgod pa dang / /yang gsang de nyid sems la dgod/ / dang po bsnyen sgrub las gsum ste/ /yang gsang 'bras bu'i ngo sprod do/ /phyi ltar bsnyen pa bya ba ni/ /bde ba'i stan la bsam gtan gyi/ /phyag rgyas bsdad la skyabs 'gro dang / /sems bskyed byas la stong pa'i ngang / /pad sdong kha gsum gyes pa'i dbus/ /nyi zla'i gdan la rang sems hrIH/ / 'od 'phros sems can sgrib pa sbyangs/ /rgyal ba rgya mtsho'i tshogs su gyur/ /tshur 'dus sangs rgyas byin rlabs bsdus/ /hrIHla thim pas 'od du zhu/ /rang nyid spyan ras gzigs dbang sku/ /dmar gsal zhal gcig phyag bzhi pa/ /rin chen rgyan rdzogs skyil krung bzhugs/ /dang po'i phyag gnyis thal mo sbyar//g.yas 'og pad+ma'i bgrang phreng dmar/ /g.yon pa ut+pal dmar po 'dzin/ /ral pa'i cod pan dar gyis mdzes/ /rin chen ze'u 'bru'i srog ldan pa/ /spyan dmar zhal 'dzum thugs rje yis/ /sems can yongs la gzigs pa la/ /bskal bzang sangs rgyas stong rtsas bskor//de ltar rang nyid gtso bo ni/ /rgyal ba rgya mtsho ma lus pa/ /dkyil 'khor thams cad 'dus pa'o/ /bdag gi spyi gtsug pad zla'i steng / /rtsa ba'i bla ma de nyid ni/ /'od dpag med pa'i ngo bo ste/ /skyil krung mnyam gzhag phyag rgya can/ /sprul pa'i sku ru bsgoms pa la//bka' brgyud bla ma rig 'dzin rnams/ /gcer bu spyan gsum rus rgyan can/ /rdo rje dril bus 'khyud pa yi/ /rdo rje 'chang gi rnam pas bskor/ /byin rlabs dbang bskur byas par bsgom/ /g.yas phyogs pad sdong nyi ma'i steng / /bdud bzhi'i gdan la rta mchog sku/ /dmar nag zhal gcig phyag gnyis pa//g.yas pa Da ru g.yon sdigs mdzub/ /dril bur bcas pas dku la brtan/ /stag lpags dur khrod sbrul rgyan can/ /khro zhal spyan gsum mche bzhi gtsigs/ /ral pa dmar ser 'khyil pa'i dbus/ /rta mgo ljang gu rta skad mtsher/ /rdog ma dmar po me ltar 'bar//ma mo mkha' 'gro la sogs pa/ /snang srid lha 'dre thams cad dang / /klu rnams dbang du sdud par byed/ /zhabs gnyis g.yas bskum g.yon brkyang nas/ /ye shes me dpung dbus na bzhugs/ /'khor du dpa' bo rgya mtsho'i tshogs/ /ye shes mkha' 'gro brgyad cu sogs/ /ha ha hUM hUM phaT sgra sgrogs//snang srid zil gyis gnon par bsgom/ /g.yon phyogs pad sdong chos 'byung bsnol/ /de dbus pad nyi ro yi steng / /gsang ba ye shes sku mdog dmar/ /zhal gcig phyag bzhi spyan gsum dmar/ /khro 'dzum mche gtsigs spyan rtsa dmar/ /dbu skra grol zhing sku stong khebs//g.yas bskum g.yon brkyang ro gdan brdzis/ /skyil krung phyed pa'i gar gyis bzhugs/ /g.yas kyi dang po gri gug 'phyar/ /'og ma ral gri bsnams pa'o/ /g.yon gyi dang po thod khrag 'dzin/ /'og ma kha T+wAM bsnams pa'o/ /thod skam lnga yis dbu brgyan zhing / /thod rlon lnga bcu'i do shal can//rus pa'i rgyan cha lnga yis mdzes/ /rin chen dar dpyangs brgyan par bsgom/ /me ri 'bar ba'i dbus bzhugs shing / /dpa' bo mkha' 'gro rgya mtshos bskor/ /a ral+li dang pheM sgra sgrogs/ /ma mo mkha' 'gro dbang du sdud/ /snang srid dbang du sdud par bsgom/ /'og phyogs me dpung 'khrugs pa yi//'byung ba'i dkyil 'khor dbus su ni/ /rigs bzhi mkha' 'gro dpa' bo dang / /chos skyong dam can pho nya'i tshogs/ /phyi nang srung ma ma lus rnams/ /mkha' 'gro sde bzhi'i ngo bor gyur/ /gri gug thod khrag kha TI bsnams/ /thod pa skam rlon rus rgyan can/ / rin chen rgyan dang dar gyis mdzes/ /ha ri ni sa'i sgra sgrogs shing / /gdan 'og pad+ma 'degs par bsam/ /de ltar dkyil 'khor yongs rdzogs pa'i/ /spyi bor zla steng oM dkar po/ /mgrin par pad steng AHdmar po/ /snying gar nyi steng hUM sngon po/ /sku gsung thugs su byin gyis brlab/ /de nas gtso bo'i thugs ka ru//pad+ma nyi ma'i gdan steng du/ /hrIHlas 'od zer 'phros pa yis/ /ye shes spyan drangs mchod la bstim/ /rigs lnga yab yum sems dpa' dang / /khro bo'i tshogs dang mchod pa yi/ /lha mor bcas pa spyan drangs la/ /mchod de dbang bskur gsol ba btab/ / rgyal bas dbang bskur dgongs pa mdzad/ /khro bo rnams kyis bgegs bskrad cing / /mchod pa'i lha mos mchod pa dang / /yum lngas bum pa'i dbang bskur bas/ /sdig sgrib dag nas spyi bo ru/ /rigs bdag snang ba mtha' yas dang / /rigs lngas dbu la brgyan par bsgom/ /de ltar ji srid mi skyo'i bar//gsal bar bsgom pa bskyed rim yin/ /bzlas pa byed pa'i dus su ni/ /bdag dang rang bzhin gsang ba'i yum/ /spyi bor bla ma rigs bdag dang / /kun gyi thugs kar pad nyi dang / /zla ba'i gdan la hrIHyig mthar/ /sngags kyis g.yas su bskor ba las//'od 'phros phyogs bcu'i bde gshegs mchod/ /mnyes nas byin rlabs dngos grub rnams/ /bdag la thim pas sdig sgrib dag /tshogs rdzogs dbang bzhi thob par bsam/ /khams gsum 'gro drug sems can la/ /'od zer phog pas sgrib sbyang nas/ /phyi snod gzhal yas khang du gyur//nang bcud lha yi rang bzhin la/ /pho rnams spyan ras gzigs su gyur/ /mo rnams gsang ba ye shes la/ /bdud dang log 'dren rta mgrin sku/ /'od dang me dpung rab 'bar zhing / /gzugs snang lha yi rang bzhin la/ /sgra grags thams cad sngags kyi sgra//sems kyi dran rtog chos sku'i ngang / /de ltar bzlas pa ci rigs bya/ /rjes su phyi snod nang bcud rnams/ /rim gyis thams cad bdag la bsdu/ /bdag kyang hrIHnas stong ba'i bar/ /mi dmigs ma bcos spros bral ba/ /mi dmigs ci yang mi bsam par//chos sku'i ngang la ci gnas gzhag /dge ba bsngo zhing smon lam gdab/ /thun mtshams lha yi nga rgyal dang / /spyod lam rnam bzhi thams cad bya/ /oM AHhUM hrIHoM ma Ni pad+me hUM/ /yab kyi snying po'o/ /oM hrIHbadzra khro d+ha ha ya grI wa hu lu hu lu hUM dzaH/ rta mgrin gyi snying po'o/ /oM d+hu ma g+ha ye na ma swA hA/gsang ba ye shes kyi snying po'o/ /DA ki nI ha ri ni sa ra tsa hri ya hUM dzaH/ mkha' 'gro sde bzhi yum gyi snying po'o/ /ba su sid+d+haM na na/ kha d+he sid+d+hi/ sarba sid+d+hi pha la hUM/ sid+d+hi sid+d+hi sa ma ya/ bsdus bsdus/ hUM hUM/ puSh+Ti/ wa shaM ku ru hUM hUM/ rat+na sid+d+hi sa ma ya/ hriM hriM/ dza dza/ /dbang du bsdu ba'i snying pa'o/ /de ltar phyi sgrub bsnyen pa la/ /dkyil 'khor bcu bzhi mi dgos so/ /rgyun du yi dam nar mar bya/ a+ti/ nang ltar 'jig rten dbang phyug gi /lha rnams lus la dgod pa ni/ /sngon 'gro yan lag bdun pa dang / /skyabs su 'gro zhing sems bskyed nas//tshad med bzhi yis blo sbyangs te/ /stong pa'i ngang las pad nyi dang / /zla ba'i gdan la hrIHdmar po/ /'od 'phros tshur la 'dus pa las/ /gong ltar bdag nyid spyan ras gzigs/ /'jig rten dbang phyug sku mdog dmar/ /zhal gcig phyag bzhi zhabs skyil krung / / rgyan rdzogs 'ja' 'od dkyil bzhugs pa/ /phyi sgrub ji lta ba ru gsal/ /bla ma rigs bdag bka' brgyud bcas/ /spyi bor rdo rje 'chang ltar bsgom/ /snying ni pad+ma 'dab brgyad de/ /nyi zla'i gdan la rta mgrin ni/ /dmar nag dur khrod chas kyis brgyan/ /g.yas pa dbang sdud phyag rgya yis//pad+ma'i phreng ba dmar po 'dren/ /g.yon pa ut+pal dmar po yi/ /zhags par bcas pa'i sdigs mdzub kyis/ /dku la brten nas gar stabs mdzad/ /de yi thugs kar pad+ma dang / /nyi zla'i dbus su hrIHla sngags/ /g.yas su 'khor bar bsgom pa'o/ /lte bar chos 'byung bsgoms pa'i steng //pad+ma nyi ma ro steng du/ /gsang ba ye shes mkha' 'gro ma/ /gsang gnas pad+ma 'dab bzhi'i steng / /rigs bzhi mkha' 'gro yab yum ste/ /shar du rdo rje mkha' 'gro dkar/ /lho ru rin chen mkha' 'gro ser/ /nub tu pad+ma mkha' 'gro dmar/ /byang du las kyi mkha' 'gro ljang / / yab rnams yum dang mtshungs pa ste/ /gri gug thod khrag rgyan dang ldan/ /lte ba'i yum gyi gdan nas bteg /de nas sku gsung thugs byin brlab/ /ye shes bstims nas dbang bskur ro/ /lte bar bde chen gtum mo'i me 'bar dmigs/ /rlung bzung dbang bsdus byang sems rin chen bzhu/ /rngubs nas me la bstims pas ye shes 'bar//'khor 'das gnyis med dgongs pa bskyang bar bsam/ /phyogs bcu'i sangs rgyas spyan drangs rlung dang bsre/ me la bstims la longs sku bde chen bskyed/ /'gro drug sems can dbang bsdus byang sems bsgom/ /snying rje bskyed dus rlung rngub me la bstim/ / sprul skus 'gro 'dul phreng las ci yang ston/ /dmigs med ngang nas rlung bzung cir mi dgongs/ /mkha' ltar dag pa chos sku mngon du gyur/ /sngags bzlas dus su 'od zer lcags kyu'i dbyibs/ /me ltar tshal gdung ba'i tshogs 'phros pas/ /skye 'gro'i snying nas bzung ste bkug byas la/ / rig pa'i ngo bo thugs ka'i hrIHla thim/ /lus po 'od du zhu nas lte bar sdud/ /mkha' 'gro yab yum pho mo'i snying po la/ /dngos grub sdud pa'i sngags ltar bzlas pa bya/ /rjes su lha rnams thams cad rang sar zhu/ /mkha' la sprin dengs lta bur yal ba'i ngang / /ma bcos dmigs gtad med pa'i dang nyid las//ma bcos blo yis mi dpyad mi bsgom par/ /gzung 'dzin blang dor yid byed med pa'i rang / /dngos po'i rang bzhin gsal dang bde stong dang / /chags 'dzin mi bya rnam dag de rang bskyong / /rjes su thun mtshams bya ba gong ltar bya/ /nang du lus la lha dgod bsgrub pa'o/ / gsang ba rtsa la dgod pa ni/ /rim par nyams su blang bya ba/ /stan la bsam gtan phyag rgyas gnas/ /sngon 'gro yan lag bdun pa bya/ /skyabs 'gro sems bskyed tshad med bzhi/ /shU n+ya tA yis stong par bsgom/ /chos nyid stong par byang chub dang / /chos kyi dbyings kyi ye shes so//stong pa'i ngang las pad nyi dang / /zla ba rgyas pa'i gdan bsgom ste/ /nyi zla'i gdan la mngon byang chub/ /me long lta bu'i ye shes so/ /gdan steng rang rig yi ge hrIH/ /gsung yig 'bru la mngon byang chub/ /mnyam pa nyid kyi ye shes so/ /hrIHlas pad+ma hrIHsa mtshan pa//thugs kyi phyag mtshan mngon byang chub/ /so sor rtog pa'i ye shes so/ /pad+ma hrIHsa mtshan 'od zer gyis/ /'gro ba'i rgyud sbyangs lhar gyur nas/ /sangs rgyas rnams kyi byin rlabs bsdus/ /sngar gyi hrIHsa mtshan pad+mar thim/ /de nyid yongs su gyur pa las/ /bdag nyid lha yi skur rdzogs pa//yongs su rdzogs las mngon byang chub/ /bya ba nan tan ye shes so/ /de yang bdag nyid spyan ras gzigs/ /zhal gcig phyag gnyis sku mdog dmar/ /g.yas brkyang g.yon bskum gar gyis 'gying / /dbu skra gyen brdzes dar gyis brgyan/ /rin chen dar gyis mdzes par spras//phyag g.yas pad phreng g.yon pad dmar/ /gsang ba ye shes yum gyis 'khyud/ /dmar mo gcer bu spyan gsum ma/ /phyag g.yas gri gug g.yon thod khrag /thod pa skam rlon rus rgyan can/ /rin chen sna tshogs dar dpyangs brgyan/ /ye shes me ri'i dbus su bzhugs//de yi sku yi rtsa gsum dang / /'khor lo bzhi sogs gsal btab la/ /spyi bor bde chen 'khor lo la/ /rtsa 'dab sum cu rtsa gnyis kyi/ /dbus su bde gshegs spyan ras gzigs/ /dkar po 'khor lo dril bu can/ /bde gshegs mkha' 'gro sum cu gnyis/ /'khor lo gri gug thod khrag can//rus pa rin chen rgyan ldan bskor/ /mgrin pa longs spyod 'khor lo na/ /rtsa 'dab bcu drug dbus su ni/ /pad+ma rigs kyi spyan ras gzigs/ /dmar po pad+ma dril bu can/ /pad+ma'i mkha' 'gro bcu drug ni/ /pad+ma gri gug thod khrag can/ /rus pa rin chen rgyan ldan bskor//snying ga chos kyi 'khor lo na/ /rtsa 'dab brgyad kyi dbus su ni/ /rdo rje rigs kyi spyan ras gzigs/ /mthing la rin chen dril bu can/ /rdo rje rigs kyi mkha' 'gro brgyad/ /rdo rje gri gug thod khrag can/ /rus pa rin chen rgyan ldan bskor/ /lte ba sprul pa'i 'khor lo na//rtsa 'dab drug cu rtsa gnyis dbus/ /rin chen rigs kyi spyan ras gzigs/ /ser po rin chen dril bu can/ /rin chen mkha' 'gro drug cu bzhi/ /rin chen gri gug thod khrag can/ /rus pa rin chen rgyan ldan bskor/ /gsang gnas nor bu'i 'khor lo ru/ /rtsa 'dab bzhi yi dbus su ni//las kyi rigs kyi spyan ras gzigs/ /ljang gu rgya gram dril bu can/ /las kyi mkha' 'gro ljang gu bzhi/ /rgya gram gri gug thod khrag thogs/ /rus pa rin chen rgyan ldan bskor/ /de ltar 'khor lo'i lha rnams te/ /slar yang snying po rgyan gyi lha/ /yab kyi thugs kar rta mgrin dang //spyi bor bla ma lte ba ru/ /dpa' bo sde bzhi bsgom par bya/ /de bzhin yum gyi thugs kar yang / /rdo rje phag mo zhal gnyis ma/ /spyi bor na bza' dkar mo dang / /lte bar rigs bzhi mkha' 'gro bsgom/ /kun kyang thod pa skam rlon dang / /rin chen rus rgyan dar gyis mdzes//pad+ma nyi zla ro gdan can/ /me dpung 'bar ba'i dbus na bzhugs/ /de ltar gsal bar bsgom byas nas/ /sku gsung thugs ldan byin rlabs te/ /ye shes sems dpa' spyan drangs bstim/ /dbang bskur dbang rtags dbu rgyan la/ /de nas rang gi mdoms par nas//yaM las rlung gi dkyil 'khor g.yos/ /gsang gnas lha tshogs me 'bar te/ /'khor lo bzhi yi gtso bo rnams/ /ltos chags med pa'i me 'bar te/ /lte ba'i a la gtugs nas ni/ /me 'bar haM la reg pa yis/ /byang chub sems kyi rgyun bab pas/ / 'khor lo bzhi gang lha tshogs rnams/ /bde ba chen por 'bar ba dang / /dus gsum sangs rgyas ma lus dang / /skye 'gro sems can byams sdang sogs/ /dus dang gnad du gang 'gro ba/ /rlung dang dbyer med bsdus la bstim/ /me 'bar nyon mongs rab bsregs nas/ / stong nyid snying rje chen po'i ngang / /gnyug ma yid la mi byed pa/ /tha mal shes pa ma bcos ngang / rang rig dri med bskyang byas la/ /rlung bzung rig pa phyogs med sbyang / /mdun gyi dkyil 'khor bum pa dang / /thod pa me long 'khor lo dang / /dril bu sba lcag dag la yang //rang nyid ji lta'i bskyed bstim bya/ /bdag dang de rnams thugs ka nas/ /'od zer dmar po lcags kyu'i dbyibs/ /me ltar tshal gdung 'phros pas/ /gang dmigs la sogs skye 'gro yi/ /pho yi snying dang mo yi ni/ /gsang ba'i gnas nas bzung nas ni//rang dbang med par mdun du bkug /'od zer 'phros bas phog pa yis/ /de rnams 'od du zhu nas ni/ /byang sems dkar dmar rnam par gyur/ /ril bu la sogs rdzas rnams dang / /rang gi gsang bar bsdus la bstim/ / thugs ka'i hrIHla 'dus par bsam/ /byams dang snying rje drag tu bsgom/ /rlung bzung sngags bzlas gang goms bya/ /thun rjes thogs rim thun mtshams su/ /bsngo ba smon lam spyod lam bya/ /thun bzhi thun drug la sogs spyad/ /tshogs dang gtor mas thun mtshams mchod//bstod pas bstod cing bkra shis brjod/ /yig brgya la sogs bshags pa bya/ /rtags dang cho 'phrul mkha' 'gro'i ltas/ /dngos grub mtshan ma la sogs pa/ /bzang ngan bye brag ji ltar yang / /rmi lam bzang dang ngan la sogs//gang la'ang dga' dang mi dga' yi/ /mtshan mar 'dzin par mi bya'o/ /de ltar zhag bdun nyer gcig dang / /zla gsum zla drug la sogs par/ /mchog dang thun mong dngos grub bsgrub/ /de nas sgrub pa tshar rjes su/ /ril bu 'khor lo lus la bcad//sid+d+hU ra yis spyi bor byug /dpral ba mgrin pa snying ga dang / /lte ba gsang gnas dag tu byug /bum pa'i chu yis bkru btung bya/ /thod chang btung la dngos grub blang / /gtor ma la sogs sbyin sreg bya/ /bum chu gang blud dbang du 'gyur/ /sba lcag bzad zhing glad la bskor//'gro ba dbang du 'dus par bsgom/ /sbyin sreg dkyil 'khor zla gam khar/ /dbang gi shing dmar zla gam brtsigs/ /me sbar lha tshogs bskyed par bya/ /ye shes pa bstim mchod bstod dbul/ /sreg rdzas 'dod yon sna tshogs dang //ril bu mar dang 'bru sna bsreg /zas nor gos dang rin po che/ /shing thog 'bru sna ji snyed 'bul/ /gsol ba gdab cing mchod bstod bya/ /rjes su ye shes sems dpa' gshegs/ /thal ba chu bo'i gzhung du dor/ /de yis snang ba dbang du 'gyur/ / rtsa la bkod pa'i sgrub thabs 'di/ /las spyor lta bur bzhed pa yin/ /yang gsang sems la bkod pa ni/ /dben gnas phyi ru mi btsal te/ /lus 'di gzhal yas khang nyid yin/ /lha sku logs su mi btsal te/ /sems nyid skye 'gag med pa de/ / rigs kyi bdag po bla ma yin/ /ma rtogs nyon mongs gti mug 'di/ /rtogs grol thugs rje chen po yin/ /yid byed rtog tshogs 'phro ba de/ /rtogs pas sangs rgyas stong rtsa yin/ /zhe sdang gdug rtsub ldan pa de/ /gzhi med rtogs pas rta mgrin yin/ / 'dod sems gdung ba tur tur de/ /rtsa bral rtogs pas gsang ye yin/ /nyon mongs nga rgyal rtog tshogs rnams/ /ngar 'dzin bral bas dpa' bo yin/ /phrag dog rlung ltar 'tshub pa de/ /re dogs zad pas dpa' mo yin/ /chu khams khrag dang rnam shes dag /rdo rje rigs kyi mkha' 'gro ma/ /sa khams sha dang tshor ba de/ /rin chen mkha' 'gro zhes su grags/ /me khams drod dang 'du shes de/ /pad+ma rigs kyi mkha' 'gro yin/ /rlung khams dbugs dang 'du byed de/ /las kyi mkha' 'gro zhes su grags//nam mkha'i khams dang sems nyid gzugs/ /mkha' 'gro pad+ma'i dra ba'o/ /skye mched tshogs drug de yi yul/ /'dod yon mchod pa'i lha mo yin/ /dge dang mi dge'i rtogs tshogs rnams/ /dam can bka' sdod srung mar bshad//de ltar sems kyi ngo bo de/ /ma rtogs 'khrul bas 'khor ba ste/ /de shes rtogs pas mya ngan 'das/ /lha sku sems kyi rang rtsal de/ /dngos por bzung bas 'khrul pa ste/ /lha yang sems nyid chos skur gsal/ /sngags ni smra brjod bral ba'i phyir//phyi nang rlung gi rgyu ba yang / /smras tshad grag stong brjod med yin/ /gdod nas dag pa'i rig pa 'di/ /ye nas chos skur gnas pa la/ /ngo sprad de ngo shes pa yin/ /chos dbyings ye shes rtogs pa la/ /sangs rgyas zhes su grags pa'o//goms 'dris brtan na drod rtags 'char/ /de sbyangs chos sku'i ngo bo la/ /gzung bar bya ba'i yul tsam med/ /drod rtags tshad dang nyams myong la/ /ma chags rang byung rtsad nas dag /rang don chos sku mngon gyur te/ /gzhan don gzugs sku lhun grub 'byung /