196b3 @##/ /rgya gar skad du/ ku la lo ki shwa ra sA d+ha naM/ bod skad du/ rigs kyi 'jig rten dbang phyug sgrub pa'i thabs/ /de nas bdag gis bshad par bya/ /rigs 'jig dbang phyug sgrub pa'i thabs/ /gsang sngags rigs kyi rim pa ni/ /bla ma'i zhal las rjes su thob/ /mtshan mo tha
196b4 ma'i brgyad cha lus//thugs rje'i bdag nyid langs nas ni/ /'jam pa'i gdan la rnal 'byor bas/ /skyil krung bcas la 'dug par bya/ /bdud rtsi lnga ni blangs nas su/ /thod par rtog med sems kyis gzhag /shes rab can gyis me rlung ste/ /dag dang khol dang 'bar bar bya/ /rnal 'byor
196b5 skyes phyir phyi dang ni//nang gi gzugs ni dag par bya/ /de rjes thugs kar pad+ma dang / /nyi ma'i dbus su hrIHbsgom bya/ /khams gsum ma lus khyab pa yi/ /'gro ba'i 'od zer rab dgrol gyis/ /bla mas sangs rgyas 'jig rten mgon/ /spyan drangs nas ni mchod par bya/ /de rjes rang bzhin stong
196b6 pa nyid//sems ni cung zad nam mkha'o/ /de las langs nas phyogs bcur yang / /khro bo bcu ni bsgom par bya/ /dpag tshad bye snyed tshad du ni/ /rdo rje'i dkyil 'khor bsgom par bya/ /de yi dkyil du rang gi lus/ /khru bzhi po ni mnyam pa po/ /ka ba brgyad ldan sgo bzhi pa/ /thar pa yi ni grong mchog
196b7 ltos//de dbus chos kyi pad+ma la/ /'char kha nyi ma'i steng du ni/ /shes rab thabs kyi yi ge las/ /mchog gi pad+ma mdzes pa skyes/ /'phros shing 'dus par gyur pa las/ /rnam pa lnga ni bsgom par bya/ /de gyur pa las bdag nyid ni/ /rigs 'jig dbang phyug khyab bdag ni/ /'char kha nyi ma
197a1 brgya yi 'od//zhal gcig ral pa 'chang ba po/ /cung zad mche gtsigs mi bzad pa/ /pad+ma gar dbang dpral bar brgyan/ /zla ba nyi ma me yi spyan/ /de yi dkyil du rang gi lus/ /khru bzhi po ni mnyam pa po/ /phyag bzhi par ni blta bar bya/ /rdo rje skyil krung gis gnas pa/ /
197a2 sgeg pa'i nyams kyis yongs gang ba/ /g.yas pa mchog sbyin lcags kyu dang / /g.yon pa pad+ma zhags pa 'dzin/ /dpa' bo phyag rgya drug gis brgyan/ /pad+ma'i phreng ba'i do shal can/ /de yi thugs kar bsgom bya ba/ /hrIM gi yi ge dmar po las/ /'phros shing 'dus par gyur pa las/ /ye
197a3 shes 'khor lo gzhug par bya//de nas bde gshegs dngos grub kun/ /ster la dbang bskur mdzad par gsol/ /rlung gi sngags kyi phreng ba'o/ /'jug pa gnas pa 'byung ba'o/ /ha cang myur bul ma yin pas/ /yi ge yi ge 'brel bar bya/ /sngags kyi bzlas pa 'bum phrag gcig /sum
197a4 cu rtsa gsum pa blang bya//ra ni 'og tu gdan du bya/ /bzhi pa sbyar bar brtan pa la/ /thig le zla tshes 'brel ba'o/ /uSh+ma Na yi bzhi pa zung / /drug pa gdan du ldan pa'o/ /stong pa dbu la lce gnyis pa/ /tsheg drag gnyis ni blta bar bya/ /'di ltar yi ge don mang po/ /gnyis med ye shes kyis
197a5 rtogs 'gyur//bla ma'i man ngag lam gyis ni/ /rim pa rgyas par rtogs par bya/ /rna nas rna ru brgyud pa yis/ /gsang ba mchog gis zhi ba yi/ /brjod pas myur du grub pa thob/ /bdud sngags zlog par byed mi nus/ /dang por bsnyen pa'i cho ga bya/ /mnyam par gzhag pas khri bzlas bya/ /
197a6 mi gang bsod nams dman pa la/ /'grub 'gyur 'di la the tshom med/ /zhags pa lcags kyu stag sham thabs/ /rtse gcig sems kyis sgom byed na/ /'gro ba gsum po 'gugs par byed/ /brtan dang g.yo ba dbang du 'gyur/ /rang gi snying gar bu brgyad langs/ /sna bug g.yas las phyir phyung ste/ /
197a7 bsgrub bya'i sna bug g.yon par gzhug /snying ga'i blo ni dgug par bya/ /de ltar yang yang cho ga ni/ /dbang du ma gyur bar du bya/ /bsgrub bya rkang pa'i 'og tu bsam/ /khol po lta bur 'gyur ba yin/ /khyab 'jug me lha dbang phyug che/ /dbang po klu dang srin po srog /sngags kyi rgyal po'i nus pa yis/ /
197b1 skad cig nyid la dbang du 'gyur/ /de nas phyi rol mchog cho ga /mnyam par gzhag pa'i rnal 'byor bya/ /zha nye las byung ches dmar ba/ /gru drug 'khor lo bri bar bya/ /de yi nang du dpa' bo bri/ /'jig rten dbang phyug sngags gzugs 'chang / /dang por smos pa'i cho ga ni/ /tsA ru sna tshogs lha bshos dang / /
197b2 ba la sna tshogs ma da na/ /mang pos gzhon nu ma yang mchod/ /de bzhin mkha' 'gro ma kun yang / /sna tshogs rnga chen pa Ta ha/ /glu dang rol mo yid 'phrog ma/ /me tog sna tshogs cho ga yang / /rdo rje 'dzin gyis mnyes par bya/ /de nas gtor ma'i las bya ste/ /rnal 'byor dbang phyug nub tu blta/ /skra grol gcer
197b3 bu byas nas ni//langs te rkang pa g.yon pa brkyang / /de nas pad+ma'i phyag rgyas sbyin/ /'gro ba gsum po mnyes par 'gyur/ /'di ni sngags kyi rgyal po'o/ /thams cad dngos grub 'bras bu nye/ /oM AHA ro l-i ka i maM pany+tsa a mr-i ta ba liM bra tI ts+tsha gr-ih+Na ma ma sar+b+ba kar yaM sa ha ya hUM phaT/ de lta bu ni u rgyan dpal/ /bla ma
rnal 'byor 'dren dbang po/