178a7 / //gnubs lo tsA bas bsgyur ba'o//[ ]@##/ /rgya gar skad du/ shrI dwa ya b+ha ta ra ya k+Sha sA d+ha naM/ bod skad du/ gnod sbyin spun gnyis kyi sgrub thabs/ dpal rdo rje 'dzin pa la phyag 'tshal lo/ /gang gi bka' sdod 'jigs pa'i gzugs/ /gzhon nu
178b1 khros pa rngams pa'i tshul//gnod sbyin rgyal po nor sbyin dang / /grags chen 'jigs pa mkhas pas bsgrubs/ /dur khrod la sogs ya nga bar/ /'jig rten mgon po'i ltas mthong bas/ /de nyid rig pa dran byas la/ /tshar gcod rjes su 'dzin pa yis/ /byang chub sems gnyis yang dag bsgom/ /
178b2 stong dang snying rje dbyer med las/ /rang nyid spyan ras gzigs khror bsgom/ /zhabs mthil 'khor lo'i hUM gnyis las/ /ri rab byang nas gnod sbyin dgug /'dam skyes thod pa dbugs bral gyi/ /gdan ni g.yas dang g.yon bsams la/ /de steng zar ma li khri'i mdog /hUM las gnod sbyin
178b3 gnyis gzugs blta//bsad gri tsat+ti g.yas dang g.yon/ /de bzhin rnga chen mgo phyed 'dzin/ /rus pa rin chen stag lpags brgyan/ /khro zhing zhi la rab tu mdzes/ /mchod cing byin rlabs dbang bskur dang / /rgyas gdab bka' la gdags pa dang / /dam tshig brjod cing bskul ba dang / /thams
178b4 cad bdag po'i bka' yis bya//dkar dmar ba dan gyis mtshan pa'i/ /dkar dmar gtor ma gnyis bshams la/ /rang sngags 'bru gsum ldan pa yis/ /bdud rtsir bsgyur la thog mar sbyin/ /de rjes 'gro la phan yid kyis/ /nor 'phel gnod sbyin srog snying ni/ /snying gar bkod la 'dod pas
178b5 bzlas//'od 'phros rin chen char phab bsam/ /oM AHhUM kaM badzra kA la ma hA d+ha naM hUM phaT swA hA/ gnod sbyin kA la'i snying po'o/ /de bzhin phyogs bcur grags 'dod pas/ /gnyis pa'i snying gar 'bab pa'i sngags/ /phyogs bcur snang byed gsal byas la/ /gang 'dod 'dun pas rig pa
178b6 bzlas//oM AHhUM baM badzra bi ka la ma hA kI rti hUM phaT swA hA/ gnod sbyin bi ka la'i snying po'o/ /yig 'bru'i grangs kyis khrir bsnyen la/ /sbyin sreg brgya rtsa brgyad sngon 'gros/ /mgon pos srog snying dbang mdzad de/ /las sgrub sngags ni de rjes so/ /oM AHhrIHshrI kA la ma ma d+ha na puSh+TiM ku ru
178b7 ye hUM swA hA//gnod sbyin kA la'i las sngags so/ /oM AHhrIHshrI bi kA la ma ma pra sid+d+haM s+pha ra ye hUM swA hA/ gnod sbyin bi ka li'i las sngags so/ /gal te 'di dag khro byed nas/ /bsgo ba'i las myur mi byed na/ /dpa' mo ral pa gcig khros pas/ /bdun phrag bdun du gzir bar bya/ /sgrub
179a1 po rnams la phan gdags phyir//phyi nang rnyed grags sgrub byed 'di/ /rkun pos rnyed pa'i nor bzhin du/ /'bad de gsang bas bsgrub par bya/ /dpal gnod sbyin spun gnyis kyi sgrub thabs/ /slob dpon a ji mi tras mdzad pa rdzogs so// //rnal 'byor gyi dbang phyug mi
tra A nan+dI phrin las kyi lha'i rigs gnubs lo tsA ba byams pa dpal gyis bsgyur ba'o/