CLOSE WINDOW

D2129
བོད་ཡིག

bod kyi lo chung gnubs byams pa'i dpal gyis bsgyur cing zhus te gtan la phab pa'o//[ ]@##/ /rgya gar skad du/ swa tsit+ta bi shA mo pany+tsi baM sha ti kA gA thA nA ma/ bod skad du/ rang gi sems ngal so ba'i man ngag tshigs su bcad pa nyi shu rtsa lnga pa zhes bya ba/dpal rdo rje sems dpa' la phyag 'tshal lo/ /e ma'o gdod nas ma skyes pa/ /'khor dang 'das pa'i byed rgyu can/ /gzhan min rang gi snying dbus nas/ /bla ma'i zhal las shes par 'gyur/ /gang skyes gnyug ma nyid yin phyir/ /gang shar dran pa ma brjed na//de shar stong pa nyid bdag tu/ /rnal 'byor rgyal po gdon mi za/ /gang shar thams cad de yin te/ /de ni gang du'ang ma shar ba'o/ /de phyir gang skyes de ma skyes/ /ma skyes pa nyid skyes pa'i tshul/ /g.yas brkyang g.yon bskum sdigs mdzub gtad/ /rdo rje'i lta bas bltas nas ni//rta mchog dal bus 'gro 'ong la/ /gnas nas du ma gcig tu bya/ /rkang pa rgya mtsho che la gzhag /lag pa sa steng kun du nyul/ /mig gnyis nam mkha' blta bya ste/ /yid ni gang du'ang mi g.yo'o/ /sgeg mo'i me long stobs kyi gyad/ /khri btson rgyal po'i btsun mo dang //phyag dar ba dang smad 'tshong bzhin/ /gcig pur grogs dang 'grogs par byos/ /stag dang seng ge glang chen dang / /rnga mo khri snyan spre'u dang / /tsan+dan sdong po mi ro ltar/ /mkhas pas stong nyid rnal 'byor bya/ /ri gzar chu dang rgya mtsho che/ / bu gcig ma dang glang po skyong / /gangs ri dag dang shel dag bzhin/ /dmigs bral gyur nas gzhi tshugs pa'o/ /thog ma bar dang mthar rim bzhin/ /rtsa ba ngo bo bye bral ba/ /rmi lam gyi ni mar me bzhin/ /snying brtse mi g.yo goms pas 'grub/ / 'gro 'ong gnas ni skye gnas 'gag /rnam dag stong pa nyid rnam gsum/ /bde chen 'od gsal rnam mi rtog /blo bzangs rnams kyis mnyam par gzhag /snying rje chen po mdun gzhag ste/ /de nyid ma yengs rtag blta zhing / /lha dang bla ma'i sbyor ba yis/ /sgrub pa po ni ngal bso bya//bu nyon khyod gang rnam par rtog /'dir bdag ma bcings mi grol phyir/ /ma yengs ma bcos rang dgar ni/ /kye ho dub pa ngal so cig /gzugs brnyan gzugs dang brag ca sgra/ /dngos dang rmi lam dran pa'i yid/ /ting nge 'dzin dang 'brel ba dang / /rtag tu rgyun mi 'chad sgom pa//gser bzhin me bzhin nam mkha' bzhin/ /shes byed zhi byed dag par byed/ /snang med de snang rkyen gyis snang / /nam mkha' me long shel bzhin te/ /ting nge 'dzin dang ye shes dang / /gzungs kyi sgo yis de rtogs byed/ /mthong ba mnyam gzhag 'od gsal te/ / de tshe de mthong de ma skyes/ /shin tu mi rtog rtse gcig gnas/ /g.yeng ba'i rdul dang bral ba nyid/ /rlung ni gar 'gro der sems 'gro/ /de lus khyem nang btson bzung nas/ /yid kyis skyes bu gsad byas na/ /de med sems ni gang du 'gro/ /thams cad rang bzhin ma bcos pa//kun rtog thams cad rkyen gye dbang / /rang bzhin gsum gyis de shes nas/ /kun rtog kun rtog med par byed/ /mthong bas grub dang bshig pa nas/ /med ces rnam par rtog par zad/ /'di la gdod nas ci yang med/ /bu kye nam mkha' bsgom par byos/ /ga bur dang ni de yi dri//phan tshun de med de yang med/ /de bzhin rkyen dang rkyen bral ba/ /so so ma yin rang dgar bsgom/ /mnyam pa'i sems kyi g.yo ba 'gog /mi mnyam dran pas 'ching bar byed/ /de tshe de dang bral mnyam gzhag /rnam par rtog pa gsod par byed/ /khrus byas nam mkha'i gos gyon la//rnam par rtog pa sbyin sreg bya/ /dran pa'i thal ba 'jug ngogs su/ /chu lhung lhan cig sbyong bar gyis/ /snod bcud rlung rgyun brtan g.yo mkha'/ /nyi ma zla ba sgra gcan 'dzin/ /me khyer char dang bung ba'i dpes/ /dam tshig phyag rgya dbang du 'gyur/ / sna tshogs yid kyi me tog las/ /dga' ba rnam bzhi'i bcud blangs te/ /lhan cig skyes pa'i ro myangs pas/ /yid kyi skyes bu tshim par 'gyur/ /lus rlung rtsa chen phyag rgya yis/ /lus ngag yid ni bcing bar bya/ /drod thob pa la thogs pa med/ /kun spyod nges par mi bya'o//rnal 'byor pa rang gi sems ngal sos par byed pa'i man ngag tshigs su bcad pa nyi shu rtsa lnga pa zhes bya ba de kho na nyid rnal du mtshon par byed pa'i do ha rdzogs so// //jo bo spyan ras gzigs dbang phyug las man ngag gi tshigs su bcad pa nyid dngos su gsan nas grub pa brnyes pa'i rnal 'byor gyi dbang phyug chen po shrI dza ga mi tra A nan+da dang /