CLOSE WINDOW

D2125
བོད་ཡིག

/[ ]@##/ /rgya gar skad du/ shrI e ka dza TI b+ha ga wAn sA d+ha na/ bod skad du/ dpal bcom ldan 'das ral pa gcig pa'i sgrub thabs/ bcom ldan 'das ral pa gcig pa la phyag 'tshal lo/ /dngos gsum bdag nyid rnam gsum po//de dag dngos med dngos bral ba/ /mkha' 'dra dbang po gzhu 'dra ba/ /'bar ba'i sku gsung thugs rtag 'dud/ /de zhal de yi bka' drin gyis/ /mthong thos byin gyis brlabs pa'i rgyus/ /rgya mtsho che las mar bzhin du/ /dad ldan rnams la bsdus te bstan/ / de la re zhig sngags pas phun sum tshogs pa'i gnas su 'dug ste/ ji skad 'byung ba'i legs par spyad pa rnams kyis lus dang ngag dang yid bsrung bar bya'o/ /de nas dkon mchog gsum la skyabs su 'gro bar byas la lus dang sems rab tu sbyangs pa las ngang gis 'byung ba'i ting nge 'dzin rnam pa gsum bsgom pa ni/sna tshogs pad+ma mdzes pa'i dbus/ /mtshan ldan ka pA la yi nang / /rol pa'i bdud rtsis rab gang la/ /mi ro yis ni khab rgyan pa'o/ /de steng gri gug thod pa dag /shes rab thabs kyi bdag nyid bsam/ /sangs rgyas la sogs mchod tshogs dang //ma lus 'gro ba'i don bsgrubs pa'o/ /'od phreng dkar po 'dus pa las/ /chos kun ro gcig ye shes dngos/ /ye shes snying po hU~M yig bsam/ /de bzhin de las rdo rjer gyur/ /de bzhin de gyur dpal chen po/ /bcom ldan ral pa gcig mchog bsgrub//dmar mo gzhon nu sgeg mo dpal/ /ral gcig ma ni mdun du'o/ /nam mkha'i mdog can zhi zhing khro/ /sna tshogs rgyan gyis mdzes par spud/ /gri gug thod khrag phyag gnyis kyis/ /dam par 'khyud pas bde chen 'chang / /ral gri ut+pal g.yas dang g.yon//rnam bzhi yum yang de bzhin no/ /g.yas brkyang g.yon bskum lha mo dang / /dbang phyug 'jigs pa mnan par blta/ /de yi thugs kar pad dbus su/ /rang rig rgyal po hU~M yig go/ /snying po gsang ba'i sngags 'bru bzhi/ /zla ba skar ma'i phreng ba bzhin/ / hrIM triM hA+o+uM phaT/ de nas tshad med rnam bzhi yi/ /mi zad yid kyi rlung bskyod pas/ /'od zer me lce ltar 'bar gyur/ /don gnyis don gsum bsgrubs nas ni/ /bzlas pa'i 'khor lo 'khor lo bzhin/ /sa gsum yi ge gsum gyi 'od/ /sa gsum 'khor lo gsum dngos te//dngos gsum dag pa gsum du 'dod/ /bde gsal rnam par mi rtog dang / /gdod nas de bzhin nyid rdzogs bsgom/ /de nas gtor ma sbyin pa ni/ /cho ga sems bskyed sngon btang nas/ /rang nyid lha myur bskyed nas ni/ /cho ga rnam gsum phyag rgyar bcas/ / dpa' chen rang nyid lhar dran las/ /mchod rdzas bdud rtsi mchog gyur par/ /bsam byas snying gi 'od zer gyis/ /dgug pa'i 'gron rnams tshim par bya/ /oM AHhU~M hrIM triM hU~X byin gyis brlab pa'o/ /oM AHrat+na gu ru shrI b+ha ga wAn e ka dzaTI sarba aSh+Ta de ba tA sarba ng+harma ba liM ta kha kha khA hi khA hi/ma ma rak+Sha rak+Sha hU~M hU~M phaT phaT/ nye bar sbyin pa'o/ /ma lus lha sku gsang sngags dang / /ting 'dzin gang zhig gang gis ni/ /gang du ji ltar bsgom pa nyid/ /kun rdzob don dam mtshan nyid kyis/ /rmi lam nam mkha' dpe yis ni/ /mkhas pas chos rnam rtogs par 'gyur//blo sgra dpe zhes bya ba yis/ /bsam brjod mtshon par mi nus pa/ /so so rang rig 'od gsal yul/ /gang de nam mkha'i mtshan nyid do/ /ji srid sna tshogs sku gsung thugs/ /'di dag snang ba rang snang ba/ /bden brdzun gnyis dang gnyis min tshul/ /rmi lam gyi ni grong sogs bzhin//dpal ldan shar phyogs rig 'byung gnas/ /ga u ra yi bram ze'i grong / /mnyam med tshangs dbang gtsug lag tu/ /grogs po'i ming don ldan bskul nas/ /rjes 'dzin 'gro ba'i don du byas/ /dge bas rdo rje 'dzin thob shog /rgya gar gyi slob dpon chen po shrI badzra kIrti'i zhal snga nas mdzad pa rdzogs so/