159a1 /[ ]@/ /'jam dpal ye shes sems dpa' la/ /ye shes me lce 'od 'bar gsal/ /'dod pa'i don grub dam pa ste/ /zhes pas/ las bzhi'i sbyin sreg gi cho ga bstan par bya ste/ de yang nub dang po lhan cig skyes pa'i bdud dang bral bar bya ba'i
159a2 phyir//zhi ba'i sbyin sreg bya/ de nas bar chod kyi bdud dang dbral bar bya ba'i phyir drag po'i sbyin sreg bya'o/ /dang po thab dang rdzas kyi mtshan nyid bstan te zhi ba la dbyibs zlum po/ dpangs dang zheng du sor bzhi pa bya'o/ /rgyar khru gang kha dog dkar po'o/ /yang na chur mdzub gang
159a3 dpangs su chag gang do/rdzas la me tog dang / dkar gsum mngar gsum gu gul dkar po de rnams so/ /drag po la zur gsum dpangs sor bzhi zheng chur khru re'o/ /rdzas khrag dang dug dang til nag dang nyungs nag ling+ga dmar nag dang rdzas rnams thams cad nag po'o/ /dbang
159a4 la zla gam zhi ba'i phyed de kha khyer la'o//dpangs dang zhing gong dang 'dra/ rdzas dmar po la sogs pa bya'o/ /tsan+dan dmar po/ me tog dmar po/ mar dang nas smug po rnams so/ /rgyas pa la gru bzhi rtse khru gang zer/ zheng khru gang ba/ sbom phra chag gang ba me tog la sogs pa'i
159a5 rdzas thams cad ser por bsag go//thun mong gi mchod pa'i rdzas rnams ni/ /mar dang 'bras dang sran ma dang / u dum+WA ra'o/ /dus ni zhi ba la nyin phyed/ kha shar du blta'o/ /drag po la nam phyed kha lhor bltas la bya'o/ /dbang la nyi ma nub ka kha nub tu bltas la bya'o/ /
159a6 rgyas pa la dus snga dro kha byang du bltas la bya'o/ /dgang gzar ni zhi ba la dngul/ dbang la zangs/ drag po la lcags/ rgyas pa la gser las bya'o/ /de nas me lha bskyed pa ni/ rang 'jam dpal du gsal ba'i thugs ka nas/ hUM dang dzaH'phros pas thab kyi nang du babs/ hUM zhu ba las gun+d+her
159a7 gyur/dzaHlas lcags kyur gyur/ gun+d+he zhu ba las me lha sku mdog dkar por gyur/ zhal gcig phyag bzhi pa/ gsus pa ldir ba tshangs pa'i skud pas brgyan pa/ g.yas pa na gun+d+he/ de 'og mchog sbyin/ g.yon dang po na se 'bru/ de 'og bgrang phreng ngo / /dzaHzhu ba las yum sku
159b1 mdog ser mo g.yas lcags kyu g.yon phreng ba 'dzin pa'o//yab kyi g.yon ngos su 'khril bar bsgom mo/ /me lha'i thugs kar me'i dkyil 'khor gru gsum cig bsam/ bdag gi thugs ka nas me'i dkyil 'khor la b+h+rUM cig 'phros de zhu ba las gzhal yas khang gdan dang [(]gcas [,]bcas [)]pa
159b2 bsgom/de'i nang du lha nyi shu rdzus skyes su bsgom/ rnam pa nyi shus byang chub pa gsung ngo / /rdzus skyes ni/ skad cig gcig gis rdzogs sangs rgyas/ /zhes so/ /dam tshig sems dpa' bskyed pa'i rim pa'o/ /de nas ye shes sems dpa' spyan drangs te/ dad pa dang ni dam tshig
159b3 gis//tshur gshegs tshur gshegs sems dpa' che/ /lha yi rgyal po bram ze yin/ /'bar ba'i nang du gshegs nas kyang / sreg rdzas mchod pa 'di bzhes shig /ag+ni dr-i sh+ya aM ku sha dzaHhUM baM hoHzhes gnyis su med par bstim/ de nas me lha la sreg rdzas dbul ba ni/
159b4 rdzas gong ma rnams dbul lo/ /oM wA gI shwa ri muM/ sarba ta thA ga ta ag+ni ha bya ka bya zhi ba shAn+tiM ku ru swA hA/ rgyas pa la puSh+TiM ku ru swA hA/ dbang la ba sh+yaM ku ru swA hA/ drag po la mA ra ya phaT swA hA/ nyi shu rtsa gcig dbul lo/ /de nas me lha bstod de/ tshangs pa 'jig rten mgon gyi sras/
159b5 me lha'i rgyal po drang srong mchog /'jig rten yongs la bskyab pa'i phyir/ /thugs rje dbang gis sku sprul pa/ /rig sngags 'dzin cing gsang sngags gsung / /bdud rtsi bcud ldan gun+d+he bsnams/ /thabs dang shes rab gnyis med pas/ /thugs rje'i sprul pa khyed la bstod/
159b6 ces bstod do/ /de nas dkyil 'khor gyi lha la mchod pa 'bul te/ oM na maHsaman+ta mA ra Ne zhi ba shAn+tiM ku ru swA hA/ oM badzra bi dza ye zhi ba shAn+tiM ku ru swA hA/ oM badzra ma le pa sha zhi ba shAn+tiM swA hA/ oM badzra ma hA ba le zhi ba shAn+tiM ku ru swA hA/ oM ka ma ri zhi pa shAn+tiM ku ru swA hA/ oM badzra ti ti pra
159b7 be zhi ba shAn+tiM ku ru swA hA/rgyas pa la puSh+TiM ku ru swA hA/ dbang la ba sh+yaM ku ru swA hA/ drag po la mA ra ya phaT swA hA/ nyi shu rtsa gcig dbul lo/ /oM badzra puSh+pe zhi ba shAn+tiM ku ru swA hA/ d+hU pe zhi ba shAn+tiM ku ru swA hA/ badzra A lo ke zhi ba shAn+tiM ku ru swA hA/ badzra gan+d+he zhi ba shAn+tiM ku ru swA hA/ badzra
160a1 nai bi t+ye zhi bshIn+taM ku ru swA hA/badzra shab+da zhi ba shin+taM ku ru swA hA/ paM sh+yaM ku ru puSh+TiM ku ru/ mA ra ya phaT/ mchod pa'i mjug tu re re brjod do/ /de nas bstod pa bya ba ni/ gzhon nu'i sku lus 'chad ba po/ /ye shes sgron mes rab brgyan cing / /'jig rten gsum gyi mun sel ba'i/ /
160a2 'jam pa'i dbyangs la phyag 'tshal bstod/ /nyid kyi 'dab bzang tshogs kyis ni/ /zla brgyas pa'ang zil gnon cing / /rig pa rnam par gsal 'gyur ba/ /'jam dpal de la phyag 'tshal lo/ /ma bgyis don gyis zur gsal ba/ /nor bu 'bar ba'i sku mnga' zhing / /nyid ni kun du gsal
160a3 ba'i sku//'jam dpal de la phyag 'tshal bstod/ /bdud rtsi dri zhim 'jam pa yi/ /yid 'ong gsum gyi sgra sgrogs la/ /dam pa chos kyi rin chen mdzod/ /'jam dpal de la phyag 'tshal bstod/ /gangs kyi chu ltar gsal ba la/ /'jig rten khams rnams rnam par bzhugs/ /
160a4 nyon mongs dri ma rnam spangs pa/ /'jam dpal de la phyag 'tshal bstod/ /mche ba gtsigs shing 'jigs pa yi/ /'jigs pa'i sku yi tshul gyis ni/ /gshin rje'i dregs pa 'joms mdzad pa/ /'jam dpal de la phyag 'tshal bstod/ /ras kyi spyan dang mdangs 'dra ba/ ut+pal/
160a5 sngon po rab mdzes pa/ /shes rab ral gri mda' gzhu 'dzin/ /'jam dpal de la phyag 'tshal bstod/ /phyogs bcur bzhugs pa'i sangs rgyas la/ /rgya che'i spyod pa rab ston pa/ /'gro ba'i lam ni ston pa po/ /'jam dpal de la phyag 'tshal bstod/ /de nas 'dud pa nyi
160a6 shus bstod do//de nas smon lam gdab ste/ /bar chad ma lus zhi ba dang / /gdug pa tshar ni gcad pa dang / /'jig rten dbang du bsdu ba dang / /tshe dang dbang thang bskyed pa'i phyir/ /thun mong mchog gi dngos grub stsol/ /oM badzra muH/ zhes pas gshegs su gsol/ /dam
tshig sems dpa' bdag la bsdu/