CLOSE WINDOW

D2118
བོད་ཡིག

sku par rgya che ba/ 'bi 'bi chos sku/ skur gyur pa longs sku/ 'od zer gyi 'phro 'du byed pa sprul sku'i don no/ /sAts+tsha gdab pa'i rim pa slob dpon sdom pa bzang pos mdzad pa rdzogs so//[ ]@/ /'jam dpal ye shes sems dpa' la phyag 'tshal lo/ /da ni rab tu gnas pa bya ste/dkyil 'khor bris la mtshan rnams dkyil 'khor la bkod la/ sku'i rab gnas rnam snang la bstim/ gsung gi rab gnas snang ba mtha' yas la bstim/ thugs kyi rab gnas mi bskyod pa la bstim par bya'o/ /gong ltar sAts+tsha btab nas mchod rten gyi mnga' gsol te/mchod pa rnams gzhung bzhin du bsams la/ dang po spyan drang ste/ ye shes rang snang sangs rgyas kun gyi gnas/ /'khor lo thig ma thig bzhi bang rim can/ /gnas bzhi'i dbyibs tshul sgo bzhi sgo brtsegs ldan/ /rang bzhin lhun grub mchod rten brgyad po gshegs su gsol//bcom ldan sprul sku mdzad pa las byung ba'i/ /lha las babs pa'i mchod rten gshegs su gsol/ /pad+ma can gyi mchod rten gshegs su gsol/ /byang chub chen po'i mchod rten gshegs su gsol/ /cho 'phrul chen po'i mchod rten gshegs su gsol/ /rang bzhin lhun grub mchod rten gshegs su gsol//rnam par dag pa'i mchod rten gshegs su gsol/ /ka ni ka yi mchod rten gshegs su gsol/ /bkra shis sgo mangs mchod rten gshegs su gsol/ /ye shes blo stegs mchod rten gshegs su gsol/ /chos kyi 'khor lo'i mchod rten gshegs su gsol//mya ngan 'das pa'i mchod rten gshegs su gsol/ /dregs pa'i phung po dur khrod brgyad kyi rten/ /mkha' 'gro'i gnas dang dngos grub kun gyi gzhi/ /bde gshegs rten dang ri bo la sogs pa/ /sgrub pa'i mchod rten brgyad po gshegs su gsol//de dag kun dang theg pa so so yi/ /tha snyad rnams dang mthun par rten bzhengs pa'i/ /sprul ba'i mchod rten mtha' dag dang / /'gro ba'i don phyir gshegs su gsol/ /e h+ye hi d+harma kA ya kha da la b+h+yo bruM dr-i sh+ya ho/ /sa ma ya ho/ sa ma ya s+t+waM/ dzaHhU~X baM hoHde nas gdan 'bul ba ni/ dag pa'i me tog dkyil 'khor dang / /rin chen sna tshogs 'bru nyid dang / /thabs dang shes rab nyi zla'i gdan/ /pad+ma'i gdan la gzhugs su gsol/ /oM pad+ma ka ma la ye hUM/ de nas phyag bya ba ni/ mdzad pa rdzogs pa'i byin rlabs las byung ba'i//shar nas byams ldan mthar legs rdo rje rdzogs/ /lho nas yid bzhin lhun grub ka ni ka /nub nas bsam 'das bde byed pad+ma brtsegs/ /byang nas khams gsum rmad grags bde rgyas sgron/ /byin rlabs mchod rten brgyad la phyag 'tshal lo/ /de nas bskor ba byas/me tog gtor la/ de nas mchod pa rnams gzhung bzhin du bya/ de nas smon lam gdab ste/ bdag cag gis dge sbyor du bya ba ni/ sems can mthun pa bskyed nas sa gzhi legs par snyoms nas chag chag btab pas/ sems can thams cad byang chub kyi sems su mnyam gyur cig /rmang bting ste 'gyed 'dud btang nas rab gnas dang mchod pa gzhung bzhin du bgyis pas dge bcu'i lam spyod cing ma chags par gyur cig /byang chub [(]gyi [,]kyi [)]phyogs kyi chos sum cu rtsa bdun lam la sbyor ba la/ tshogs kyi lam sbyor ba'i lam mthong ba'i lam bsgom pa'i lam/mthar phyin pa'i lam mo/ /tshogs lam bzhi sum cu gnyis la bang rim dang po brtsigs te/ rab gnas dang mchod pa gzhung bzhin du bgyis pas tshogs kyi lam du dran pa nye bar gzhag pa bzhi la/ lus dran pa nye bar gzhag pa dang / tshor ba dran pa nye bar gzhag pa dang /sems dran pa nye bar gzhag pa dang / chos dran pa nye bar gzhag pa dang ldan par gyur cig /bang rim gsum pa brtsigs te rab gnas dang mchod pa gzhung bzhin du bgyis pas yang dag par spong ba bzhi la sdig pa'i chos mi skye ba dang / skyes pa spang ba dang dge ba'i chos ma skyes pa bskyed pa dang /skyes pa'i chos rnams 'phel ba'o/ /bang rim gsum pa brtsigs te/ de la rab gnas dang mchod pa gzhung bzhin bgyis pas rdzu 'phrul gyi rkang pa bzhi la mos pa'i ting nge 'dzin gyis spod ba'i 'du byed dang ldan pa rdzu 'phrul gyi rkang pa dang / sems la spyod pa rdzu 'phrul gyi rkang pa dang ldan pa dang /brtson 'grus dang ldan pa rdzu 'phrul gyi rkang pa dang / ting nge 'dzin dang ldan pa rdzu 'phrul gyi rkang pa bzhi dang ldan par gyur cig /bang rim bzhi pa brtsigs te/ brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / dad pa'i dbang po dang ldan par gyur cig /bum rten nor bu brtsigs te/ de la rab gnas dang mchod pa gzhung bzhin du bgyis pas/ des mi mthun pa'i phyogs 'joms pas/ stobs lnga la dad pa'i stobs dang / brtson 'grus kyi stobs dang / dran pa'i stobs dang /ting nge 'dzin gyi stobs dang / /shes rab kyi stobs lnga dang ldan par gyur cig /bum pa brtsigs te rab gnas dang mchod pa gzhung bzhin du bgyis pas/ mthong lam la/ byang chub yan lag bdun la dran pa yang dag byang chub kyi yan lag /chos rnam par 'byed pa yang dag byang chub kyi yan lag /brtson 'grus yang dag byang chub kyi yan lag /dga' ba yang dag byang chub kyi yan lag /shin tu sbyangs pa yang dag byang chub kyi yan lag /ting nge 'dzin yang dag byang chub kyi yan lag /btang snyoms yang dag byang chub kyi yan lag bdun dang ldan par gyur cig /bre legs par brtsigs te/ de la rab gnas dang mchod pa gzhung bzhin du bgyis pas/ bsgom pa'i lam 'phags pa'i lam yan lag brgyad la/ yang dag pa'i lta ba/ yang dag pa'i rtog pa/ yang dag pa'i ngag /yang dag pa'i las kyi mtha'/ yang dag pa'i 'tsho ba/yang dag pa'i rtsol ba/ yang dag pa'i dran pa/ yang dag pa'i ting nge 'dzin/ 'phags pa'i lam yan lag brgyad la rgyun du gnas par gyur cig /oM badzra A yu She swA hA/ chos kyi sku'i srog shing la/ srog shing phul pa'i byin rlabs kyis sems can thams cad shes pa bcu dang ldan par gyur cig /oM pra marda na ye swA hA/ /de bzhin gshegs pa'i mchod rten la/ 'khor lo phub pa'i byin rlabs kyis mthar phyin pa'i sems can thams cad ma 'dres pa rnam par thar pa brgyad dang ye shes dang ldan par gyur cig /oM b+ha ma na ye swA hA/ chos kyi sku'i mchod rten la 'gro/gdugs phul ba'i byin rlabs kyis/ sems can thams cad bla na med pa'i skyabs dang ldan par gyur cig /oM kuM b+hi ra d+h+wa dza ya swA hA/ chos kyi sku'i 'gre/ chu srin gyi rgyal mtshan phul ba'i byin rlabs kyis sems can la 'khor ba mi spong mi stongs shes/ mi nub pa chos kyi rgyal mtshan thob par gyur cig /oM pa taM kA ya swA hA/ chos kyi sku'i mchod rten la/ ba dan phul ba'i byin brlabs kyis/ chos kyi snyan grags bsam gyis mi khyab pa thob par gyur cig /oM pa taM kA lam+pA ya swA hA/ chos kyi sku'i mchod rten la/ dar gyi cod pan phul ba'i byin rlabs kyis/sems can thams cad bde bar gshegs pa'i skur gyur te/ dar gyi lha ba lha ba dang / bsnyen bkur mchod pa rgyun mi 'chang pa thob par gyur cig /oM rat+na mA la tra'aM/ chos kyi me tog gi phreng ba phul bas/ sems can thams cad mtshan dang dpe byad kyis brgyan pa dang /blta bas chog mi shes par gyur cig /oM badzra dar swA hA/ /chos kyi/ dar dpyangs phul ba'i byin rlabs kyis/ sangs rgyas kyi chos ma 'dres par so sor gsal bar gyur cig /oM badzra g+haN+Ta swA hA/ chos kyi dril bu phul ba'i byin rlabs kyis/sangs rgyas kyi gsung gi rnga thob par gyur cig /chos kyi me tog phul ba'i byin rlabs kyis/ rnam par thar pa mthar phyin pa'i lam la 'khor 'das dbyer mi phyed pa kun du bzang po lta bu thob par gyur cig /chos kyi sku'i mchod rten la nyi zla gnyis kyi rgyan phul ba'i byin rlabs kyis/rang 'byung gi chos rnams rang bzhin gyis 'od gsal bar gyur cig /de bzhin gshegs pa'i sku gdung rnams spyan drangs/ gdan phul phyag btsal mchod pa phul bas/ sa dang po nas sa bcu gcig gi bar dmigs pa med pa'i shes rab sa bcu pa dmigs pa med pa'i snying rje/ de gnyis dbyer med pa rigs drug pa rdo rje 'chang gis bcu gsum pa ye shes thob par gyur cig /sku'i rab gnas ni/ mchod pa go rims gzhung bzhin bgyis la/ spyan dbye ste/ spyan lnga rab rib rnam dag skyon bral ba/ /gsal dang mi gsal rnam rtog mi mnga' yang / /sri zhu bkur sti rim gro'i tshul du ni/ /spyan gyi dbang po gsal ba'i tshul bstan nas//lha yi spyan dang rtag tu ldan gyur cig /ye shes spyan dang rtag tu ldan gyur cig /oM badzra tsak+Shu swA hA/ lhan cig skyes pa'i nang gi gzugs/ /rgyal ba rnams kyi spyan la 'bul/ /gzugs kyi longs spyod rdzogs gyur cig /oM sarba ta thA ga ta badzra A lo ke hUM/sgra skad kun la 'phrul gyi snyan mnga' ba/ /'on dang rmongs pa'i rnam rtog mi mnga' yang / /sri zhu bkur sti rim gro'i tshul tsam du/ /snyan gyi dbang po gsal ba'i tshul bstan nas/ /lha yi snyan dang rtag tu ldan gyur cig /snyan cing yid du 'ong ba'i sgra/ /sgra yi longs spyod rdzogs gyur cig /oM badzra g+haN+De hUM/ shangs kyi dbang po rnam dag skyon med pa/ /dri min dri ma'i rnam rtog mi mnga' yang / srid zhu bkur sti rim gro'i tshul can du/ /shangs kyi dbang po gsal ba'i tshul bstan nas/ /ye shes rlung gis nyon mongs gtor byas te/ /rnam par byang ba'i tshogs dang ldan gyur cig /lhan cig skyes pa nang gi dri/ /rgyal ba rnams kyi shangs la 'bul/ /dri yi longs spyod rdzogs gyur cig /oM sarba ta thA ga ta badzra buSh+pe hUM/ /ljags kyi dbang po le brgan 'bar ba la/ /mngar dang kha yi rnam rtog mi mnga' yang / sri zhu bkur ste rim gro'i tshul tsam du/ / ljags kyi dbang po gzhar po'i tshul bstan nas/ /gsung dbyangs yan lag drug cu ldan pa dang / /'gro ba kun gyi sgra ru chos ston shog /ro brgya ldan pa bdud rtsi'i zas/ /lhan cig skyes pa nang gi ro/ /rgyal ba rnams [(]gyi [,]kyi [)]ljags la 'bul/ /ro yi longs spyod rdzogs gyur cig /oM sarba ta thA ga ta badzra nai bi d+ye hUM/rgyal ba'i sku mchog lta bas mi 'bral yang / /'dod pa'i dri ma'i skyon gyis ma gos te/ /sri zhu bkur sti rim gro'i tshul tsam du/ /ras mchog 'di yis rgyal ba'i sku phyis pas/ /mtshan dang dpe byad ldan pa dang / /'gro ba kun gyi yid du 'ong bar shog /'jam mnyen 'khril dang ldan pa'i mchog /lhan cig skyes pa nang gi reg /rgyal ba rnams kyi sku la mchod/ /reg bya'i longs spyod rdzogs gyur cig /oM sarba ta thA ga ta ti k+ti sin+ti ri hUM/ kun tu rtog pa ma lus pa/ /dri ma bral ba'i bdag nyid can/ /chos dbyings ye shes ngo bo nyid/ /bde gshegs gtso la phyag 'tshal bstod/ / phyogs bcu'i 'jig rten khams bzhugs pa'i/ /rgyal ba sras dang bcas pa rnams/ /sku ni mi yi rten la bzhugs/ /gsung ni brjod pa rnam par rgyal/ /thugs ni mnyam gzhag mi rtog kyang / /sems can rnams kyi don slad du/ /dbu yi gtsug na yi ge oM/ /rnam snang yi ge phyogs bcur 'phros//sems can lus kyi sgrib pa sbyong / /ljags kyi steng na yi ge aM/ /snang mtha' yi ge phyogs bcur 'phros/ /sems can rnams kyi sgrib pa sbyong / /de nas mchod pa rnam pa lnga dbul/ bstod pa bya/ rab tu gnas pa'i cho ga slob dpon sdom pa bzang pos mdzad pa rdzogs so/