| བོད་ཡིག |
155a2 /[ ]@/ /bla ma dam pa rnams la phyag 'tshal lo/ /sngags pa mtshan nyid dang ldan pas zhag bdun ro'i rab gnas bya ste/ de yang / ngan song thams cad rnam sbyong ba/ /mgon po sems can kun gyi mchog /gsung ngo / /shi ba sbyang ba bstan te/ dkyil 'khor cho ga rdzogs bya ste/ /
155a3 zhi ba'i dkyil 'khor steng du bya/ /khro bo de la 'og tu bya'o/ /thig gdab tshon gyi cho ga bya/ /dkyil 'khor dbus su bum pa gtsang ma la ras kha tshar ma nyams pas mgul chings bya/ der snying po lnga dang / 'bru lnga dang / sman lnga dang / chu gtsang mas dgang / dkyil 'khor gyi zur
155a4 bzhir mda' bzhi la dar sna lnga btags la gzhag /gshin bum mgul chings sngon por byas la gzhag go/ /de nas dri ma bca' ste/ dri ma la mtshan byang btags la/ gdugs dang dar sna dang me long btags la gzhag go/ /de nas bgegs bskrad pa ni las thams cad pa'i sngags bzlas shing
155a5 nyungs kar phyogs bzhir gtor ro//de nas bgegs mthong ba rnams la phyi'i gtor ma btang la bden pa bdar te 'di skad do/ /tshe 'das pa'i blo 'di rgyal po'am/ ma mo'am/ btsan nam/ bdud dam/ dmu'am/ klu'am/ sa bdag gam/ the'u rang la sogs te/ gang gi lag na yod kyang rung
155a6 ste/khyed la glud gtor rin po ches brgyan pa 'bul gyis/ 'di bzhes la gson gyi tshe la ma gnod/ gshin gyi bla ma bcad par rnal 'byor pa'i bka' la nyon cig /de skad byas la las rgyu 'bras kyi chos bshad la/ gtor ma sngags drug phyag rgya drug gis byin gyis brlab po/ /bgegs
155a7 dma' ba rnams la pho nya dgye/rdo rje'i le'u gdon/ nyungs kar gtor to/ /de ltar byas la dri ma la bla yang yang dgug go/ /de nas til la sdig pa'i gzugs byas la tshe 'das kyi sdig pa 'di la bstims/ de nas zhi ba'i sbyin sreg bya/ dus gsum du mchod pa dang gtor ma cha gsum
155b1 gtong ngo //dug sbyang ba ni de yang dag par byed cing sdig sel ba zhes so/ /khrus cho ga bshad de/ bum pa'i nang du chu dang sman dang / spos lnga la sogs pa blugs la/ bum pa'i khar pad+ma 'dab ma brgyad pa dkar po cig bsams la/ rgyud las/ dpal ldan sangs rgyas pad+ma skyes/ /zhes so/ /
155b2 de'i steng du a las 'jam dpal ye shes sems dpa' bsgom mo/ /rgyud las/ rdzogs pa'i sangs rgyas a las byung / /gsung ngo / /de la dzaHhUM baM hoHsa ye shes pa dgug gzhug bya/ las thams cad pa'i sngags bzlas/ 'jam dpal gyi gsang gnas nas bdud rtsi'i chu rgyun byung nas bum pa
155b3 dkar mer gyis khengs par bsam mo//de nas khrus byas te/ me long nang du mtshan byang gsal bar byas la/ a 'dod chags zhe sdang gti mug gsum/ /'di dag 'jig rten dug gsum ste/ /sangs rgyas bden pas dug mi mnga'/ /sangs rgyas bden pas dug bcom mo/ /chos dang
155b4 dge 'dun yang de bzhin du sbyar ro//sa ni dug gi pha yin te/ /sa ni dug gi ma yang yin/ bden pa'i bden tshig 'di brjod pas/ /tshe 'das dug ni dug med shog /las thams cad pa'i sngags kyis khrus dus gsum du bya'o/ /zhag bdun pa'i tha ma la phyir mi ldog par bya ba'i phyir/ bum pas
155b5 dbang bskur la/phyogs bzhir phyin la 'di skad do/ /tshe 'das nyon mongs snying re rje/ /gal te las kyi dbang btsan nas/ /shar gyi phyogs su skye srid do/ /shar gyi phyogs su skyes pa ni/ /de na skyob pa'i mgon po bzhugs/ /mgon po'i ming ni rnam snang mdzad/ /mgon po'i ming ni yul 'khor srung
155b6 sangs rgyas de la phyag 'tshal lo//mgon po de la skyabs song cig /des phyogs 'og ma gsum 'gre'o/ lhor rin 'byung mgon po'i ming ni 'phags skyes po/ /nub snang ba mtha' yas/ mgon po'i ming ni spyan mi bzang / byang sangs rgyas don yod grub pa/ /mgon po'i ming ni
155b7 rnam thos sras//de nas tshe las 'das pa'i rig pa a dkar po bsam/ a de 'jam dpal gyi thugs kar 'phang ngo / /de nas byang bu mar me la bsreg /tha ma la sAts+tsha gdab/ tshe 'das pa'i don du smon lam rgya chen po gdab po/ /sdom pa bzang pos mdzad pa 'bro lo tsA ba d+harmA b+his bsgyur ba ro'i
rab gnas cho ga rdzogs so/