135b4 rgya gar gyi mkhan po dpal ldan gnyis su med pa'i rdo rjes mdzad pa rdzogs so// //rnal 'byor pa bsod snyoms pa pradz+nyA shrI dz+nyA na kIrtis rang 'gyur du mdzad pa'o//[ ]@/ /gdams ngag nye bar bsdus pa bzhugs// @##/ /'phags pa 'jam dpal ye shes sems
135b5 dpa' la phyag 'tshal lo//chos kun rang bzhin 'jam dpal ye shes sems/ /ma lus bde gshegs kun gyi mtshan gyur pa/ /rdo rje 'chang chen rnams kyi glur blangs don/ /zab cing rgya che'i skye bo blo bzangs don/ /byang chub sems ldan lhag pa'i lhar mos la/ /sgyu ma'i rten 'brel
135b6 rnam gsum sbyor ba las//ma lus gnyis med mkha' khyab sprul tshogs dgu'o/ /ma skyes mi 'gag sgyu 'phrul dra ba'i tshogs/ /rdo rje mig gis snang thob bar du blta/ /sgyu ma brag nam mkha'i rang bzhin du/ /yongs su shes nas ma zhen sems kyis bklag /gsang sngags
135b7 tshul chen lam ni 'di yin te//ji ltar dngos rnams mkha' la gnas pa bzhin/ /dam tshig dkyil 'khor phyag rgya che la gnas/ /don de mi shes dka' ba'i lam gzhan gyis/ /'khor ba'i grong gsum dag la de mi g.yo/ /de lta'i don shes rang bzhin nyes pa spangs/ /spos kyi
136a1 glang po ke ta ka zos bzhin//nyes pa'i tshogs bcom gzhung tshogs yon tan ldan/ /'gag pa med pa'i chos kyi rgyal por 'gyur/ /thugs kyi gsang mdzod gtsug gi rin po che/ /'gro kun sems kyi rang bzhin chos rnams lung / /rgyud kun dbang po rdo rje tshig tu gnas/ /