| བོད་ཡིག |
134a3 @##/ /rgya gar skad du/ /ti la ka e ka nA ma/ bod skad du/ thig le gcig pa zhes bya ba/ 'phags pa 'jam dpal ye shes sems dpa' chen po la phyag 'tshal lo/ /rang bzhin bde ba brnyes pa yi/ /ye shes sems la phyag 'tshal lo/ /dmigs pa la ni sems bzhag nas/ /sbyor
134a4 ba ye shes thig le bshad//sna tshogs chos kun shes rab kyis bltas nas/ /gcig dang du ma mtha' yis brtags pa dang / /gcig kyang mi dmigs rang bzhin stong pa yin/ /thams cad rig pa'i ngo bor gsal 'gyur ba/ /gnyis kyi mtha' yis dben pa gnyis med de/ /rnam pa
134a5 thams cad ldan pa ye shes skur//bsgoms te sa bon nyid du sems gnas bya/ /de la dmigs pa nye ba nyid du gyur pa ni/ /gsal dang mi gsal phyi ma'i blo yis brtags na yid kyi yi ge nyid/ /rjes la 'gro ba rnam par dag byas la/ /rten dang brten pa skul ba'i ku ru bzhag /yi ge la
134a6 sems gzung ba'i thig le dang po'o// //thabs dang shes rab kha sbyor la/ /shigs pa med pa'i yi ge nas/ /tshangs pa'i mig gsum bzhi yis bskor/ /de la rnam shes brtan pa dang / /'dren pa brgyad dang dgur ldan pa'o/ /bde ba'i lhag pa'i bzlas pa bya/ /reg bya chen po
134a7 skyes pa ni//lhag pa'i thig le chen por bsdu/ /mthar phyin reg bya skyes pa na/ /steng gi gnas su 'pho bar bya/ /reg bya la sems gzung ba'i thig le ste gnyis pa'o// //ye shes sems dpa' rab mdzes sku/ /zla ba ltar rgyas rdo rje la/ /bcu drug thig le gcig pa gang / /bcu
134b1 bdun ldan par bzlas bya ste//'pho ba 'byung la bzlas pa bya/ /'jug pa thig la bzlas pa bya/ /gsal dang bde dang yongs rdzogs nas/ /dbyu gu drug cu'i grangs su bgrang / /phra mo'i rnal 'byor rdzogs 'gyur ba/ /bag dang ldan pa'i sbyor bas brtsam/ /phra mo la sems gzung ba'i thig le ste
134b2 gsum pa'o// //rnam par shes pa'i rdo rje'i sku/ gang+gA'i klung gi sangs rgyas kyis/ /byin gyis brlabs la bsgom par bya/ /de nyid ye shes thig le bsgom/ /mi shigs sa bon 'dzin pa can/ /dran pa lhan cig skyes pa gsal/ /'gro 'ong med par nyin mtshan du/ /yul min shes pa'i mtshan
134b3 nyid ni//gnas pa'i thig le rdzogs pa yi/ /cung zad mi gsal phra mor gsang / /ye shes la sems gsang ba'i thig le ste bzhi pa'o// //rnal 'byor lam la bslab pa ni/ /steng dang 'og gi mdud pa la/ /oM dang hUM gi thig le blta/ /thig le stong pa'i sa bon las/ /A li kA li 'dzag
134b4 pa'i phreng //rlung gis mnan la so kar bstim/ /de la legs rol skyes pa dang / /'og gi thig le stong pa las/ /nyis 'gyur phul la steng du bstim/ /de la legs rol skyes bas na/ /rang 'byung ye shes chen po bsgom/ /dbang po lnga la yi ges khyab/ /yul lnga legs rol chen
134b5 por bsgom//de nas bcom ldan 'das ma las/ /thig le yi ge med pa gnyis/ /dbugs 'byung chen po bdag med bsgom/ /lhan cig skyes dga' rna ba'i dus/ /gsal stong bde ba dbyer med pa/ /gnyug ma nyams su myong bas shes/ /gal te mi gsal gyur pa na/ /rdo rje'i
134b6 bzlas pa brtsam par bya//sbyor ba las byung 'od gsal sems/ /rnam par shes pa'i chos nyid 'das/ /ye shes gnyis med tshul 'chang ba/ /rnam par rtog med lhun gyis grub/ /dus gsum sangs rgyas las byed pa/ /sangs rgyas thog ma tha ma med/ /dang po'i sangs rgyas rgyu med
134b7 pa//ye shes mig gcig dri ma med/ /ye shes lus can de bzhin gshegs/ /thig le chen po grub pa bstan pa ste lnga pa'o// //man ngag bdud rtsi lta bu grol ba'i rim pa thig le grub pa gsal byed gcig pa bstan/ 'di las byung ba'i bsod nams ji snyed des/ /bde ba chen po'i
gnas dngos rnyed par shog /