CLOSE WINDOW

D2100
བོད་ཡིག

@##/ /rgya gar skad du/ swa pa na i k+Sha/ bod skad du/ rmi lam brtag pa/ 'phags pa 'jam dpal ye shes sems dpa' chen po la phyag 'tshal lo/ /lus ngag yid gsum rtag tu dang ba yis/ /'jam dpal ye shes sems dpa' la btud de/ /rigs kyi phyag rgya rin chen lta bu yi/ / gang dgongs 'gyur phyir rmi lam bshad par bya/ /ku sha'i gdan la gnas nas kyang / /dri ldan rtswa la sngas su gzhug /dzA ta ka yi phreng ba bcing / /bu mo gzhon nu'i 'o ma la/ /sngags kyi phreng ba bzlas shing bdar/ /gzhan dang ldan pa mig la byugs/ /dang po'i cha ni bag chags 'khrug /gnyis par yi dwags rgyu bar 'gyur//tha mar rmi lam brtags la nyal/ /me long lag tu thogs pa dang / /tshes gcig zla ba mthong ba dang / /shing rta'i 'khor lo zhon pa dang / /gos dkar rgyan dkar gyon pa dang / /glang po lcags kyus 'dul ba dang / /snying rjes ded dpon byed pa'o/ /rmi lam na ni gser rnyed dang //rang bzhin khrus la 'jug pa dang / /bum pa spyi gtsug bzhag pa dang / /gling gzhan kun la dbang sgyur dang / /rta zhon nor bu'i gling 'gro dang / /mi yi khyogs kyis 'degs pa'o/ /me tog pad+mo thu ba dang / /glegs bam lag na thogs pa dang / /dung la sogs pa 'bud pa dang / /me tog phreng ba 'dogs pa dang //rma bya rnyi yis 'dzin pa dang / /snying rjes pad+ma chos 'chang ba'o/ /mtshon thogs g.yul las rgyal ba dang / /rgyal po 'khor du gyur pa dang / /dmag mi g.yul du bskor ba dang / /zhi ba'i las la 'god pa dang / /bya shar te ru pho nyar gtong / /nags tshal me yis bsregs pa'o//chu la mi nub rkyal ba dang / /nam mkha' la yang 'gro zhing lding / /nyi zla rgyan du gon pa dang / /seng ge khri stan gnon pa dang / /gdugs dkar phub cing rgyal mtshan bsgreng / /kun gyis mchod pa'i 'os 'gyur ba'o/ /khrag dang chu ser zag pa dang / me dpung rdzi zhing mi 'jigs dang / / sprul dang sdig pa za ba dang / /rdo rje dril bu 'dzin pa dang / /ri bo rtse la gnon pa dang / /grong khyer mdzub mos skyor ba'o/ /bla ma yi dam mchod pa dang / /glegs bam 'dri zhing mchod rten brtsig /gcer bur byung glu gar byed dang / /dge slong tshogs dang lhan cig 'grogs/ /gos bzang gyon zhing shing 'bru za//de bzhin gshegs pa'i phyag rgya ste/ /shis pa brjod cing lung ston byed/ /chu yi rdzing chen 'khyil ba dang / /gnas khang mthon po brtsig pa dang / /yid dang mthun par 'byung ba'o/ /dgra yis rgyan dang bral ba dang / /na chung mya ngan byed pa dang / /khri mon nang du bcug pa dang //nor phrogs lcags su bcug pa dang / /'gro ba ngan pas rdzi ba dang / /gcan gzan lus la 'phyang ba dang / /srad bus dkris shing dri mas g.yogs/ /dri ma za zhing dri ma 'thungs/ /bla ma slob dpon grogs po dang / /pha ma rnams ni mthong nas 'bros/ /shin tu gcong rong mi med dang //yang na 'brog dgon la sogs par/ /zas dang skom gyis nyam thag ste/ /kyi hud bdag sdug zer gyi g.ya'/ /go cha bshus nas mtshon gyis 'debs/ /nags kyi dkyil na phyin nas kyang / /stag dang ce spyang dud 'gro 'debs/ /de sogs yid gdung bar 'byung ba/ /dge dang mi dge'i ltas su rigs//rnam par snang mdzad rin chen 'byung ldan dang / /'od dpag med dang don yod grub pa dang / /mi bskyod pa dang rdo rje sems rigs drug /go rims nyid dang sna tshogs 'dres pa'o/ /shis pa'i rmi lam la ni sgrub pa rtsam/ /rin chen phyag rgyar bshad pa'i cho ga bzhin/ /mi dge'i ltas la til gyi sbyin sreg bya//rigs de zhig la stong gis sbyangs pa'o/ /bag chags yi dwags yid brid pa/ /'khor ba'i chos kun rmi lam bzhin/ /rnal 'byor pa yis blta bar bya/ /'khrul pa yang dag min phyir ro/ /bzang po rtogs las ye shes skye/ /blos brtags don ni skye ba med//de phyir gsang sngags rten 'byung gi /thabs la rag las gtso bor gzung / /byang chub sems bskyed pa dang dbang bskur ba'i/ /rmi lam bstan pa klu sgrub gzhung las btus/ /legs dang nyes pa'i rim pa gsal byed pas/ /'jam dpal ye shes sems dpa'i zhal mthong shog /rmi lam brtag pa/ /rgya gar gyi mkhan po dpal ldan gnyis su med pas mdzad pa rdzogs so// //rnal 'byor pa bsod snyoms pa pradz+nyA shrI dz+nyA na kI rtis rang 'gyur du mdzad pa'o// //