CLOSE WINDOW

D2099
བོད་ཡིག

@##/ /rgya gar skad du/ /tsar+ya da sha ka swa b+hA bas nA ma/ bod skad du/ rang bzhin du gnas pa'i sngags kyi spyod pa bcu pa zhes bya ba/ 'phags pa 'jam dpal ye shes sems dpa' la phyag 'tshal lo/ /bla ma dang ni lhag pa'i lha/ /tha dad med par mchod par bya/ / 'gro ba rnams dang rang nyid la/ /bdag gzhan mi 'byed dus gsum gter/ /lus dang longs spyod srog rnams kyis/ /'gro ba'i mchog gtso btsal bas rnyed/ /de yis dbang bskur rin po che/ /dus gsum du ni dran par byed/ /phyi dang nang gi chos spyod kun/ /gnyen po bsten pas ma yin zhing //dad pa'i stan las gang 'ongs pa/ /kha zas bzhin du bsten par bya/ /lha yi rnal 'byor 'byor ba can/ /yang na rigs gzungs mchog gtso bor/ /byas pa'i gang yin de dag ni/ /thun bzhir bstan pas bsgom par bya/ /gal te rdzogs pa'i skal yod na/ /ye shes sku ste rab 'byung ba//'jam dpal ye shes sems dpa' yi/ /ming ni yang dag brjod pa'i mchog /bzlas brjod don dang klog pa dang / /bya ba'i rim pa la mos na/ /rigs gzhan du ma ma yin pa'i/ /rang gi rigs la bslab par bya/ /gang zag 'o mar ldan pa dang / /de bzhin bza' dang mthun pa'i dus//sangs rgyas rnams ni bsdus byas la/ /bdud rtsi myang ba bsgrub par bya/ /glu dang gar ni ji snyed dang / /de bzhin yul la ro snyoms na/ /yul gyis bslang ba ma yin zhing / /rang gi nyams kyis rol par bya/ /dben pa'i gnas la brten dus su/ /gtsang sbra ngo tsha spyod pas min/ / dogs pa kun las grol ba'i sems/ /bsnyung dang dka' thub gnas mi bya/ /skyo dub sdug bsngal ci byung yang / /dam pa'i drin gyis gzengs bstod de/ /yi chad sgyid lug mi 'gyur bar/ /sems dge ba la gnas par bya/ sngags kyi spyod pa la gnas pa'i/ /sngags pa mkha' spyod gnas su 'gro//sngags la zhugs nas spyod pa spob/ /mkha' 'gro skrag cing mnar med 'gro/ /rang bzhin du gnas pa'i sngags kyi spyod pa bcu pa zhes bya ba/ dpal ldan gnyis med rdo rjes mdzad pa rdzogs so/ /rnal 'byor pa bsod snyoms pa pra dz+nyA shI dz+nyAn kI rtis rang 'gyur du mdzad pa'o// //