CLOSE WINDOW

D2094
བོད་ཡིག

/[ ]@#/ /rgya gar skad du/ /nA ma saM gI ti u pa d+ha ra bi tar ka nA ma/ /bod skad du/ mtshan yang dag par brjod pa'i nye bar bsdus pa'i rnam par rtog ge zhes bya ba/ 'phags pa 'jam dpal gzhon nur gyur pa la phyag 'tshal lo/ / dpal rdo rje sems dpa' ye shes kyi sku dang ldan pa la phyag 'tshal lo/ /longs spyod min par 'bab pa yis/ /'od gsal las ni yang dag byung / /sangs rgyas byang chub sems rnams so/ /der gnas thim pas phyag 'tshal te/ /mtshan brjod pa yi rnam grangs tshig / ming ni du ma bshad par bya/ /ji ltar 'khor lo drug pa sems/ /rtsa ba'i 'khor lor de thim pas/ /'gro dang mi 'gro bar bgyid de/ /rlung dang rnam par shes phyir ro/ /bag chags kyis ni lus sogs gsum/ /tha mal rtag tu 'ching bar byed/ /mkhas pas rtag tu mi 'ching ste//mya ngan 'das pa'i bag chags tshul/ /stong dang snying rje dbyer med las/ /'gro dang mi 'gro yang dag byung / /gnyis med bzhi las gzugs brnyan gyis/ /pha rol dag gi don byed pa'o/ /de ltar thabs ni bzhir byas nas/ /bsam gtan rigs kyi ming nyid du//byang chub sems dpa' brjod pa yin/ /tshigs bcad brgya dang drug cu gnyis/ /de bzhin gnyis lhag de rnams so/ /gzhan dag kyang ni phan yon gyi/ /tshigs bcad brgya dang de bzhin phyed/ /sgyu 'phrul dra ba las byung ba'i/ /rtag tu bstod pa'i rgyal po de/ / dus gsum sangs rgyas rnams kyis bstan/ /de ltar man ngag mang po ni/ /theg bzhi gzhan yang 'jig rten pa'i/ /bstan bcos sna tshogs lugs nyid du/ /dgongs pa'i skad kyis bstan pa yin/ /rnal 'byor 'byung ba che dbus dang / /gyur pa rgyur byas spyod yul lo/ / de ltar tshigs bcad dang po sogs/ /ye shes sku yi bar du ni/ /phyag 'tshal bstod tshig ji snyed pa/ /a ba d+hU tI la gnas tshig /de nas yi ge sbyor ba yis/ /tshigs bcad tshig ni mi zad pa/ /rtsa ba'i mtha' ru gnas pa yi/ /'khor lo rnam pa drug gi ming / / de ni ji ltar rnal 'byor lung / /mdo ru bsdus te rab bshad bya/ /a ba d+hU tI thams cad rten/ /dga' ba bcu drug mtshan nyid do/ /ur+yan bu ga'i rtsa lam nas/ /dzA lan d+ha ra'i bu gar 'jug /ye shes cho ga'i nus pa las/ /'og nas steng 'jug yang dag rdzogs/ /a ba d+hU tI la brten nas//rnam par shes pa'i mtshan nyid do/ /rang bzhin mang po de dag las/ /rang rig pa ni mchog gi dus/ /de rim bral ba ma rungs pa/ /de nas dpa' sogs ro dgur ldan/ /ngag gi brda ru brtags las skyes/ /ji ltar pha yi bde las byung / /stong nyid snying rje dbyer med pas//ngag gis brjod pa las ma skyes/ /ji ltar bde las dga' ba'i sems/ /me long ltar gyur gzhan yang khro/ /lus 'dud ye shes 'phags pas so/ /rab 'dud sngon du cho ga yis/ /srog dang rtsol bar rnam dpyad bya/ /bcom ldan rtag tu stong nyid de//de bzhin gshegs pa chos dbyings so/ /thal mo sbyar ba steng 'og sbyor/ /kun rdzob bden pa'i spyan sngar 'dug /don dam de bzhin tha dad min/ /nor bu'i nang zhugs rnal 'byor gyis/ /de bzhin longs spyod grol ba'i 'bras/ /dbu ma nyid du rnam dpyad par//gyur pas bsam gyis mi khyab thob/ /nyon mongs shing don nye nyon mongs/ /mi shes 'dam gyi rtog pa ste/ /de dag rnam dpyod thob par ni/ /rigs med thams cad zad par 'gyur/ /gang zhig rab tu gsal bar 'gyur/ /mar me 'bar ba'i rtse ltar gyur/ / de bzhin rtag tu sangs rgyas te/ /las kyi phyag rgya sogs las skye'o/ /bcom ldan b+ha ga rnal 'byor dang / /bdag la sogs pa'i bden bzhi yis/ /shes pas shes bya gsal bya ba/ /srid dang mya ngan 'das pa spangs/ /song ba rang bzhin tha mal kun/ /rdo rje chen po'i lus bdag nyid//rnam pa sna tshogs so gsum mtha'/ /de ni ming brjod pa ru brtags/ /don chen po yi phyag rgya gang / /de ni 'di ru 'dzin pa'o/ /dus gsum bya ba byed pa ni/ /theg gsum rtogs pa sangs rgyas so/ /ma yi yi ge sbyor ba ni/ /yig bral gzhan yang ma yig bral//de nas sgyu 'phrul dra bar gsungs/ /a ba d+hU tI'i don rtogs pas/ /bdag nyid rtag tu mchog gis tshim/ /de la rang bzhin med pa ni/ /mi bden pa la bden ltar byung / /ye shes chen po ma lus pa'i/ /'bras bu rgyu las yang dag byung / / rgyu dang 'bras bu dbyer med las/ /rnal 'byor lus ni 'bras bu min/ /de skad bya dang mi bya kun/ /gang gis rdo rje rdo rje 'chang / /shes bya shes byed dbyer med pa/ /tshe 'di la ni 'bras longs spyod/ /de ltar gong du ci gsungs pa'i/ /bsdus pa'i don 'di bshad par bya/ / yi ge dang po'i sbyor ba ni/ /tshigs su bcad pa'i tshig gcig mthar/ /a ba d+hU tI thams cad rten/ /de ni rnam shes mtshan nyid do/ /rang bzhin mang po de dag kyang / /ngag gi brda ru brtags las skyes/ /de nas snying ga'i lam zhugs nas/ /srog dang rtsol ba rnams brtags shing //dbu ma nyid du rnam dpyad pas/ /rigs med thams cad zad par 'gyur/ /gang zhig rab tu gsal gyur pa/ /srid dang mya ngan 'das pa spangs/ /tha mal du gyur rang bzhin kun/ /theg gsum rtogs pas sangs rgyas so/ /ma yi yi ge sbyor ba ni//a ba d+hU tI'i don brtags nas/ /ye shes chen po ma lus pa'i/ /'di nyid la ni 'bras longs spyod/ /de dag mgrin pa'i 'khor lo ste/ /thog ma tha mar rtsa las grub/ /de nyid longs spyod 'khor lo ste/ /gang nas rnam par shes la 'bab/ /tshigs su bcad pa bcu drug po//phyag na rdo rjes tha mi dad/ /de nyid grub pas thabs su brjod/ /gzhan yang shes rab brjod bya ste/ /de nas shAka thub ces pa yi/ /bcom ldan 'das zhes pa yi mthar/ /nam mkha' 'di ni 'khor lo drug /'dzum pa gnyis gnyis gzhan don te//'khor lo drug la rtsa re re/ /'gog pa'i tshul gyis nam mkha' 'gengs/ /shes rab don 'byung gsal bar 'grub/ /'jig rten gsum ni rnam pa gsum/ /tshangs pa rkang gi bu ga 'gengs/ /gyen du gsang ba'i bug gnyis nas/ /gsum pos so so gsum snang byed//de ltar 'gro ba rdo rje 'dzin/ /legs so zhes ni brjod pa'o/ /snying rjes 'gro ba mngon du byas/ /de ni yan lag drug bzhi'o/ /phyag rgya chen po'i yan lag rdzogs/ /snying rje'i dus ni bcu drug pa'o/ /ye shes lus kyi mtshan brjod pa/ /brdar btags sbyor bas pha rol 'gro//de ni snying ga'i dbus dang ni/ /gsang ba lte ba dpral ba ru/ /yan lag drug bsam rnal 'byor gyis/ /de dag stong pas nga bla ma/ /de dag gi ni mtshan nyid do/ /don kun bsdus pa'i mtshan nyid de/ /de dag dang po'i yi ge yis/ /ji ltar tshigs su bcad pa'i don//nam mkha' 'di ni 'khor lo drug /shes rab don 'byung gsal bar 'grub/ /gsum pos so sor gsum snang byed/ /de ni yan lag drug gi gzhi/ /phyag rgya chen po'i yan lag rdzogs/ /de dag ston mas nga bla ma/ /tshigs su bcad pa de drug gis/ /thub pa chen po'i bka' stsal lan//gang phyir thub pa'i rnal 'byor de/ /rang rig pa ni rtogs pas na/ /sgra brnyan brag ca lta bu las/ /phyag na rdo rje rtogs pa byung / /gnyis su med pa'i don brjod pa'i/ /rig pa las ni brjod par bya/ /de nas sogs nas cher gzigs mthar/ / tshigs su bcad gnyis sngags las skyes/ /rigs kyi sgra yis gnyis med grub/ /dbang po kun ni rigs can yin/ /'khor lo drug gi thog ma mthar/ /rlung dang rnam par shes pa brten/ /rnal 'byor dbang pos phra mor dbye/ /bag chags ngan pa'i dri ma bcom/ /dbang po'i dbus na snang byed pa//rtag tu bdag gzhan med par 'gro/ /phyag rgya chen po'i ming gis ni/ /snang las rigs ni yang dag byung / /de dag gi yang don bsdus pa/ /tshigs bcad kyis ni bdag gis brjod/ /'khor lo drug gi thog ma mthar/ /snang las rigs ni yang dag byung //steng 'og rlung ni bkag pa las/ /gnyis dang gnyis med gnyis ka min/ /ye shes lta stangs snang ba yis/ /rigs drug rgyu ba brjod pa'o/ /de dag bdag yin brlabs gsal ba/ /grangs med pa ni rab tu spro/ /de ltar kun don bden pa yi/ /dbus su don dam bden pa ste//de ni ma skyes pa yi chos/ /sgyu ma yis ni yang dag bsdus/ /gang phyir mngon par rtogs pa ru/ /sems can rnams la yi ge'i don/ /de phyir rtag tu rab bshad pa/ /zab mo'i man ngag dbang las so/ /nye bar bsdus pa 'di dag gis ni/ gsol ba btab pa dang /bka' stsal pa'i lan dang / de bzhin du rigs drug snang ba'i rtogs pa zhes bya ba ste dang po'o// //tshigs su bcad pa gsum brjod pas/ /chos kyi phung po stong phrag ni/ /brgyad cu rtsa bzhi grangs med de/ /bsdus nas nye bar brjod pa yin/ /'di 'dra'i de nyid mang po de//dang po yi ge brda ru byas/ /rnal 'byor chen po bcu gnyis te/ /rdo rje 'dzin pa nyid kyis gsungs/ /de yi mtshan nyid rgyas bshad bya/ /shes dang shes par bya ba'i don/ /gus pas de yi mtshan nyid bshad/ /rtag tu gnyis med sbyor bsdus pas//nam mkha'i bu ga'i dbus gnas te/ /a ba d+hU tI'i mkha' drug ni/ /'khor lo drug gi dbus su 'dod/ /gang phyir bu ga gnyis gnyis po/ /drug po nyis 'gyur las bcu gnyis/ /de la de dag sa bon ni/ /yi ge gnyis gnyis rim bzhin te/ / lte ba'i bu gar a A dgod/ /i I snying ga'i bug gnyis su/ /mgrin pa dag tu u U'o/ /e ai dbral ba'i bug gnyis su'o/ /spyi bor 'khor lo la o au/ /aM aHgsang ba'i bug gnyis la/ /de dag dbyangs yig thung bshad pa/ /'og gi cha yi bu gar ro/ /ring po de bzhin steng du dgod//thabs dang shes rab lugs nyid du/ /nam mkha' drug gi dbus nyid du/ /rtag tu srog dang rtsol ba sdom/ /bcu gnyis pa ru gnas pa ste/ /sa yi rim par shes bya ste/ /pha rol phyin pa rnam par dag /de dag gi ni lugs nyid kyang / /ji ltar bla ma'i man ngag gis//nam mkha'i dbus su 'dzin cing gnas/ /sngon du bsam par shes par bya/ /gyen du bzlog cing thur du lta/ /e o yid kyis yang dag bsdu/ /de ltar a i gnyis po de/ /lte ba nas thur gsang gnas gyen/ /gzhan yang yi ge A o gnyis/ / lte ba dang ni spyi bor lta/ /mgrin nas thur du snying nas gyen/ /i u gnyis po bshad pa'o/ /de bzhin dpral bar yi ge e/ /mgrin par u yig de bzhin no/ /de bzhin i yig a yi ge/ /'og dang steng du gzhag par bya/ /de ltar A i yang dag sbyor/ /A i de bzhin lus nyid do//u e u o de bzhin du'o/ /gzhan yang e A rtag tu bsam/ /de bzhin o A yang dag sbyor/ /steng dang 'og tu bsam par bya/ /lta stangs sum cu rtsa drug gis/ /bla na med pa'i gnas la 'jug /de dag lte ba'i dbus nyid du/ /dang po'i sangs rgyas yang dag gnas//de yi ming ni gzhan dag kyang / /'jam dpal gzhon nu zhes byar btags/ /d+hI/ gnas pa'i sgra yis yang de bstan/ /sum cu rtsa gsum yi ge'i gtso/ /oM oM yi ge tshangs pa'i mchog /ba/ gnas pa khams gsum nyid du'o/ /dzra/ rol pa gang phyir rtag tu byed//tI/ drag po dman pa'i las 'joms pa/ k+Sh+Na/ yi ge phun sum tshogs pa'o/ /duH/ dka' ba srid pa'i rgya mtsho las/ /kha/ nam mkha' 'dra bar snying rje dag /ts+tshe/ gcod pa sems kyi bag chags so/ /da/ lta ba dag pa ma lus pas/ /pra/ tha mar dri ma med par gsal//dz+nyA/ shes dang shes bya'i tshig don te/ /dz+nyA/ ye shes rnam shes dbyer med thim/ /na/ mi gnas ming dang rnam par shes/ /mU/ rtsa ba u ma ni ru brjod/ /rta/ dka' thub de bzhin bzlas pa'o/ /ye/ gang byed gang phyir yid kyis so/ /dz+nyA/ ye shes la goms rnal 'byor gyis//na/ mi bden bden pa'i rtog pa med/ /kA/ lus kyi las ni rtag tu byed/ /ya/ gang las sangs rgyas mchog 'byung ba'o/ /bA/ bag chags gang phyir rtag tu gnas/ /gI/ brjod de thar pa'i rgyu ru'o/ /shwa/ dbugs dbyung ba ni rlung chen po/ /ra/ bu gar rnal 'byor stobs kyis dbab//a/ mi 'gyur ba yi gnas skabs dus/ /ra/ gsang ba'i rnal 'byor du brjod pa'o/ /pa/ ji ltar pad+ma'i ze 'bru'i sku/ /tsa/ zla ba 'dzag ltar yang dag byung / /na/ yod min skye ba cung zad kyang / /ya/ theg pa gsum las yang dag byung / /te/ de nas gzhan yang theg gsum por//na/ ming sogs rdzogs sangs rgyas kyis bsdams/ /ma/ rdo rje chen po'i lugs de las/ /brjod kyis mi lang sangs rgyas 'byung / /der gnas sangs rgyas zhing nyid du/ /sems can smin phyir rab tu zhugs/ /de ltar sngags [(]gyi [,]kyi [)]yi ge yis/ / don gyi brdar btags rab brjod pa'o/ /de don rtag tu bsgom bya ba/ /snying la 'khor lo brgyad drug sogs/ /de phyir byang sems rdo rje yi/ /sprul pa thog ma tha ma shes/ /de bzhin sgyu 'phrul dra ba las/ /sprul pa 'bum sogs grangs med do/ /de dag bde ba'i gzugs su ste//tshigs bcad gsum las yang dag byung / /de dag gzhan yang 'di ltar sogs/ /bskal pa bzang po 'di las skyes/ /a yig gsum las yang dag rdzogs/ /bod+hi tsit+ta'i yi ge de'o/ /de las sku rnams skyes pa ni/ /chos dang longs spyod bde chen po//sna tshogs rnal 'byor sbyor ba las/ /rtag tu sprul pa nyid kyang skye/ /gang phyir de ni srog chen po/ /mi zad skye ba rnam par spangs/ /sems can 'dul ba'i bsam pa yis/ /ngag gis thams cad brjod pa yin/ /gang phyir sgyu 'phrul dra ba tsam/ / rgyud med sangs rgyas rnams kyis gsungs/ /des na tshigs bcad de gnyis dang / /sgyu 'phrul dra ba'i de bzhin gsum/ /lnga yis spyi gtsug 'khor lo bshad/ /gnyis gnyis sbyor las yang dag byung / /yang ni 'di ltar shes bya sogs/ /de yang tshigs bcad bcu bzhi ste//de rnams tshigs bcad gnyis dang ni/ /lhag ma bcu gnyis kyi nang nas/ /brgyad kyis snying ga'i 'khor lo'o/ /gzhan yang bzhi yis shes bya ba/ /'khor lo'i nang nas dpral ba'i 'o/ /de ltar thams cad shes bya ba/ /ngag gi dbang phyug chos kyi dbyings//don dam la ni bstod pa'o/ /nye bar bsdus pa las spyi gtsug gi 'khor lo'i rnam par rtog ge zhes bya ba ste gnyis pa'o// //gzhan yang snying ga'i bu ga yi/ /tshigs bcad brgyad pa brjod par bya/ /sems kyi thig le dag gi ming / /dang po'i ming nas kun gzhi mthar//de rnams ming du btags pa ni/ /brgyad cu rtsa drug dag tu brjod/ /gzhan du gsungs pas rnyed sla bas/ /'di ni bdag gis ma brjod de/ /de dag nges tshig tu gyur pa/ /ji ltar bslab pa'i man ngag las/ /chen po chen po chen po sogs//theg pa chen po'i tshul mchog gis/ /ji srid mtha' ru thug pa'i bar/ /tshig dag drug cu rtsa lnga ste/ /rtag tu zhes bya chen po dag /de bzhin 'dod chags zhe sdang sogs/ /zla ba nyi ma'i dbye ba las/ /dkyil 'khor dag ni drug cu'o/ /de bzhin sngar ni brjod pa las//rA hu las ni longs spyod byed/ /de dag gis ni dang po'i don/ /ji ltar gsal bar brjod par bya/ /ji ltar de yi lha rnams ni/ /ngag gi dbang phyug chos kyi dbyings/ /dang po'i sangs rgyas snying ga ru/ /ye shes sems dpa' brjod pa'o/ /de yi snying gar sa bon dag /'dod chags la sogs lnga yi dngos/ /re re dag la bcu gnyis dngos/ /yi ge bcu gnyis dag tu dbye/ /dang po dbyangs yig thung ngu ste/ /gnyis pa de bzhin ring po'o/ /gsum pa thig ler sbyor ba'o/ /tsheg drag sbyor ba bzhi pa yin/ /lnga pa drag po'i thig le can//dbyangs yig grangs su shes par bya/ /ji ltar dbu yi rnal 'byor la/ /gzung bas rnal 'byor pha rol 'gro/ /de dag thung ngu chen po lnga/ /'dod chags la sogs dbu mar gnas/ /gang phyir rtag tu ring po ni/ /chen po chen po'i de ltar brtags/ /gang phyir 'dod chags la sogs bzhi//dang po sangs rgyas de bzhin gnyis/ /nam mkha'i dkyil 'khor gnas su ni/ /nyi ma'i lam gyi lha rnams so/ /gzhan yang g.yon pa'i lam gyi ni/ /nam mkha'i dkyil 'khor drug la ni/ /dang po'i sangs rgyas gnyis dag dang / / de bzhin rdo rje rnon po gzhan/ /rdo rje ral gri ye shes sku/ /dag gi dbang phyug drug pa'o/ /de bzhin g.yon pa'i zla ba las/ /rlung gi dkyil 'khor lha rnams so/ /sna tshogs rdo rje rdo rje las/ /bsrung ba gnod sbyin khu tshur te/ /rdo rje dang po kun ming la/ /de bzhin du yang rdo rje gar//de la me yi dkyil 'khor ni/ /chos kyi rdo rje rdo rje chos/ /de bzhin rnon po rgyur smra ba/ /de bzhin gzhan yang rdo rje glu/ /ming gi dang por rdo rjer ldan/ /de dag g.yon gyi zla 'bab pa'o/ /de la de bzhin chu dkyil 'khor/ /sems dpa'i rdo rje rdo rje sems/ / rgyal po tshangs pa de bzhin legs/ /de bzhin gzhan yang rdo rje sgeg /de las sa yi dkyil 'khor las/ /rdo rje rin chen rin rdo rje/ /nyi ma rgyal mtshan de bzhin bzhad/ /de bzhin gzhan yang rdor phreng ma'o/ /de bzhin g.yas kyi nyi ma yi/ /sa la sogs pa'i dkyil 'khor te//spos kyi glang po ye shes tog /'bar ba'i 'od dang nyi ma'i 'od/ /de bzhin me tog rdo rje zhags/ /gzhan yang chu yi dkyil 'khor las/ /de bzhin byams pa 'jam pa'i dpal/ /de bzhin du ni thabs kun skye/ /mya ngan mun pa thams cad ni/ /nges par 'joms pa'i blo gros gzhan//bdug spos rdo rje 'gugs byed pa'o/ /de bzhin me yi dkyil 'khor ni/ /de la rgya mtsho'i blo gros dang / /de bzhin blo gros mi zad rim/ /zla ba'i 'od dang bdud rtsi'i 'od/ /de bzhin mar me lcags sgrog ma'o/ /de la rlung gi dkyil 'khor gyi//pra ti b+ha na brtsegs pa'i mchog /gnas chen po ni thob pa dang / /nam mkha' mdzod ni gsum pa'o/ /sgrib pa rnam par sel ba dang / /'byung ba rdo rje dril bu ma'o/ /de ltar dbu ma'i rnal 'byor gyis/ /rA hu la yi rgyu bar shes/ /gang phyir rtag tu thim pa ni/ /'dod chags la sogs drug cu lnga//dkyil 'khor re re'i mtha' ru ni/ /ye shes pha rol 'gro bar shes/ /chen sogs tshigs bcad brgyad kyi mtha'/ /bsam pa ye shes rgya mtsho ste/ /de bzhin byams sogs ji srid pa/ /theg pa chen po'i tshul gyi mchog /bzhi dag spyi bo nas skyes pa'o//brgyad ni snying ga nang nas so/ /rdo rje 'jam pa'i rang bzhin la/ /ye shes skyes pa'i bstod pa'o/ /gang phyir brgyad cu rtsa drug tshig /mtha' ru bshad par yang dag gnas/ /de ltar snying gar 'khor lo yi/ /thig le'i sgra ni yi ge med/ /nye bar bsdus pa las ngag gi dbang phyug chos kyi dbyings kyi dkyil 'khor gyi rtog ge zhes bya ba ste gsum pa'o// //de bzhin dpral ba'i 'khor lo yi/ /rkang gcig med pa nyi shu lnga'i/ /tshigs su bcad pa chos dbyings kyi/ /ji ltar rgyal bas gsal bar bya/ /sangs rgyas rnam snang mdzad chen sogs//dang po'i ming du brdar btags pas/ /mtshan nyid du ni brjod pa yang / /rang nyid bsgom par glog pa'o/ /bdag nyid chos kyi dbyings lta bur/ /sems dang sems min brtags pa min/ /dbu ma'i nang gi rnal 'byor ro/ /yid kyi mthu bo'i gnas su de//gang phyir rnam par snang mdzad che/ /las dag pa yi dbyangs can yin/ /theg pa chen po'i chos yin te/ /sems can dgos pa'i rgyu can du/ /skye ba ma yin 'gag pa med/ /rkyen gyi don phyir 'ba' zhig po/ /gzugs brnyan smig rgyu lta bur ni/ / mthong ste spyod yul dngos ma yin/ /skyes kyang bdag tu grub ma yin/ /de las ma gtogs gzhan yang min/ /de la gang phyir byas skyes min/ /rang nyid ma grub byed po gang / /sems can chen po de phyir las/ /blo yi ming tsam gyis byas pa'o/ /des na ming dang tshig gis bsdus//rnam snang mdzad sogs yang dag byung / /de la sangs rgyas seng ge zhes bya'i ming / /thub pa chen po rab gsal byed/ /thub chen zhes bya thub pa'o/ /gsang sngags tshul chen sku sdud pa/ /skye 'byung zhes bya me tog go/ /gsang sngags tshul chen bdag nyid can//de bzhin gshegs pa spyan bzangs so/ /pha rol phyin bcu thob pa ni/ /kun gyi ded dpon du brjod pa'o/ /pha rol phyin pa bcur gnas pa/ /phyag rgya chen po'i ming nyid do/ /pha rol phyin bcu dag pa ni/ /stobs po che ru brjod pa yin/ /pha rol phyin pa bcu tshul ni//rgyu skar rnams kyi rgyal po'i ming / /sa bcu yi ni dbang phyug ni/ /sman ldan byang chub sems dpa'o/ /mgon po zhes bya de bzhin grags/ /sa bcu la ni gnas pa po/ /de bzhin gshegs pa rgyal mtshan ming / /shes bcu po ni 'od zer che/ /rnam dag bdag nyid grol phung po//shes bcu rnam dag 'chang ba ni/ /de bzhin gshegs pa rnam snang mdzad/ /rnam pa bcu po nyi ma'i snying / /don bcu zhes pa zla ba'i ming / /don zhes de bzhin 'od zer can/ /thug dbang zhes pa 'od 'phro bzang / /stobs bcu zhes pa mya ngan med/ / khyab bdag ces pa de bzhin sgeg /kun gyi don ni ma lus byed/ /phreng ba 'dzin par brjod pa'o/ /rnam bcu zhes pa yon tan 'od/ /dbang ldan zhes pa don ston pa'o/ /che zhes pa ni me mar ldan/ /thogs med ces par 'grub pa'o/ /spros med bdag ni sman zhe'o/ / dam pa'i bdag ni dpal zhes bya/ /de bzhin nyid bdag mdzod spu zhe'o/ /bden par smra ba brtag pa'o/ /ji skad smras pa de bzhin byed/ /de bzhin gshegs pa dpal gyi lha'o/ /gzhan gyi tshig min mthong bar dka'/ /gnyis su med pa yon tan tog / gnyis med ldan pa sgra gcan no/ /yang dag mtha' la rnam par gnas/ /byang chub sems dpa' grangs can min/ /bdag med seng ge'i sgra dang ldan/ /de bzhin gshegs pa tshangs pa'i dbyangs/ /mu stegs ri dwags zhes pa'i sgra/ /bstan pa'i mtshams zhes bya ba'i ming //'jigs byed ces pa rigs par ldan/ /kun du 'gro ba 'od mdzad pa'o/ /don yod stobs po zhes pa ni/ /ri bo chen po zhes brjod pa'o/ /de bzhin gshegs pa'i yid mgyogs ni/ /de bzhin gshegs pa rdo rje'i ming / /rgyal ba rgyal ming zhes pa'i mtshan/ /dgra rgyal zhes pa 'jigs med pa'o//rnam par rgyal ba'i rin chen mtshan/ /'khor los sgyur ba pad+mar gsungs/ /stobs po che ni stobs sde can/ /tshogs kyi gtso bo me tog 'od/ /tshogs kyi slob dpon ye shes 'od/ /tshogs rje zhes pa lha chen po/ /tshangs pa tshogs kyi bdag po'o//btsugs pa chen po snang mtha' yas/ /ring po ste ni klus byin no/ /gzhan gyi tshul ni bstan pa'i rim/ /tshul chen po ni don yod mthong / /tshig rje zhes pa dpa' bo sbyin/ /tshig bdag ces pa mi ltung ba/ /tshig mkhas pa ni seng rgyal mtshan/ /tshig dbang zhes pa rgyal ba'o//tshig mtha' yas pa chos pa'o/ /tshig bden pa ni dka' ba'i rgyal/ /bden pa smra ba don 'dod pa'o/ /bden pa bzhi ni nyer ston pa'o/ /de bzhin gshegs pa dga' ba mdzad/ /phyir mi ldog pa chu yi lha/ /phyir mi 'ong ba yon tan lag//bse ru zhes pa yangs pa'i spyan//'dren pa rang rgyal zhes bya ba/ /don yod dbyangs can zhes pa'i mtshan/ /sna tshogs mya ngan 'das las byung / /thugs bzang po zhes bya bar brjod/ /'byung ba chen po rgyu gcig po/ /rtag tu zla ba'i mtshan du gnas/ /dgra bcom zhes pa'i ri bong can//zag pa zad pa grags chen po/ /dge slong zhes pa gtsug nor bu/ /'dod chags bral ba zhes grags pa'o/ /grub pa zhes pa seng ge'i 'gros/ /bde ba rnyed pa dang ba'i ming / /'jigs med thob pa zhes pa ni/ /de bzhin gshegs pa rnam rgyal don/ /bsil bar gyur pa shes rab brtsegs//rnyog med pa ni legs gnas pa'o/ /rig pa spyod pa phun sum tshogs/ /de bzhin gshegs pa blo gros mtshan/ /bde gshegs shes pa yan lag skyes/ /'jig rten rig pa'i mchog ces pa/ /bdud rtsi blo zhes pa yi mtshan/ /bdag gir mi 'dzin gzugs bzang po//ngar mi 'dzin ni ye shes can/ /bden pa gnyis kyi tshul la gnas/ /de bzhin gshegs pa 'od zer mtshan/ /'khor ba'i pha rol mthar son pa/ /sangs rgyas bdar ba'i dkar 'od can/ /bya ba byas pa bkra shis ldan/ /skam sar gnas pa bden pa'i tog /ye shes 'ba' zhig las byung ba/ /de bzhin gshegs pa pad+ma'i mtshan/ /shes rab mtshon chen rnam 'joms pa/ /mi yi theg pa zhes pa'i mtshan/ /dam chos zhes bya bde ba'i lag /chos rgyal zhes pa'i mtshan yang ni/ /de bzhin ye shes mdzad pa'i blo/ /gsal ldan zhes pa 'od bral min//'jig rten snang byed ces pa ni/ /de bzhin gshegs pa tshangs pas byin/ /mchog ni de bzhin rin chen mdzad/ /chos kyi dbang phyug me tog lha/ /chos kyi rgyal ni legs bsam don/ /legs pa'i lam ni chos dbang phyug /nye bar ston pa blo gros grags//don yod grub pa rdo rje tog /bsam pa 'grub pa phan sgrub pa'o/ /kun du rtog pa thams cad spangs/ /rnam par rol pa'i ming can no/ /rnam par mi rtog rtogs pa'i mchog /mi zad ces pa du ma'i lha/ /chos dbyings zhes pa dri yi tog /chos kyi dbyings ni 'od kyi tshogs//chos dbyings dam pa mi zad ming / /dam pa de bzhin rin chen snying / /bsod nams ldan zhes bya ba ni/ /bsod nams ldan pa grong khyer mthong / /bsod nams tshogs ni tshes pa'o/ /ye shes shes pa yid kyi yul/ /ye shes mdzad pa yon tan grogs/ / chen po zhes bya zla ba'i don/ /ye shes ldan ni gsal ba'i ro/ /yod med shes zhes bya ba ni/ /de bzhin gshegs pa seng ge'i tog /tshogs gnyis tshogs ni bsags pa'o/ /lugs las bzlog dpal zhes bya'i mtshan/ /rtag pa zhes bya snying po'i dpal/ / kun rgyal dngos po'i mthar ston pa'o/ /rnal 'byor zhes bya klog gi'o/ /bsam bya zhes bya gser gyi sbyin/ /bsam pa'i bdag po gang phyir tshig /de bzhin gzhan gyis mi thub tog /so so rang rig ces pa'i rgyal/ /mi g.yo ba ni rab grub grags/ /mchog gi dang po brtson 'grus brtan//sku gsum 'chang ba zhes pa'i tshig /dpe bral zhes pa grags pa'i mtshan/ /sku lnga'i bdag nyid can zhes pa/ /sangs rgyas 'jigs pa shin tu gyur/ /sangs rgyas zhes pa dgra bcom lha/ /de la ye shes lnga bdag ni/ /mar me chen po zhes pa'i mtshan khyab bdag ces pa 'jig rten 'od//sangs rgyas lnga bdag ces bya ni/ /dri yi bdag por grags pa'o/ /yon tan rtse 'dzin cod pan can/ /spyan lnga zhes pa mun bral gyur/ /chags med 'chang ba seng ge spre/ /sangs rgyas thams cad skyed pa'o/ /de bzhin gshegs pa rin chen grags//sangs rgyas sras po skyo rang bzhin/ /dam chos yid skyes zla ba'o/ /shes rab srid pa legs par ston/ /skye 'byung gzugs brnyan brgyan pa'o/ /skye gnas zhes pa nor bu bzang / /chos las byung ba gang phyir tshig /ri bo brtsegs pa tog gi ming / / 'byung ba srid sel chos 'byung gnas/ /de la gcig pu sra mkhregs gzhan/ /rnam par don nges ye shes can/ /rdo rje'i bdag ni cher ster ba'o/ /skyes ma thag ni rin chen gnas/ /gang phyir 'gro ba'i bdag gi tshig /rgyal ba'i dbang po btags pa'i ming / /nam mkha' las byung ston pa ni//seng ge rnam gnon 'gro ba'o/ /rang byung ba ni gnas pa'i blo/ /shes rab ye shes shes pa ni/ /skal bral gdugs zhes pa yi mtshan/ /chen po thu bo de bzhin gshegs/ /rnam par snang mdzad brjod pa'i dpal/ /'od chen po ni seng ge'i sgra/ /snang bar byed ni rnam rol pa'o//rnam par snang ba klu yi 'od/ /'gro ba'i mar me zhes bya ni/ /me tog ri zhes bya ba'i mtshan/ /ye shes skar ma glu dga' can/ /gzi brjid chen po dri dbang phyug /'od gsal ba ni shin tu gsal/ /rig sngags rgyal ni stobs kyi lha/ /sngags mchog ces pa yon tan phrang //gsang sngags rgyal po klu yi phyag /don chen byed ni gzugs brnyan brgyan/ /gtsug phud chen po rgyas pa'i blo/ /rmad byung gtsug ni ye shes khyab/ /de bzhin sna tshogs ston pa ni/ /bdud rtsi mig can zhes bya'o/ /nam mkha' bdag po bden par smra//sangs rgyas kun gyi sku yi mchog /de bzhin gshegs pa rab zhi blo/ /'gro kun dga' ba'i mig ldan ni/ /mtha' yas gzugs zhes bya ba'i mtshan/ /sna tshogs gzugs ni rnam snang mdzad/ /skyes pa po ni rin chen tog /mchod pa zhes bya 'dod pa bral//gus pa legs gzhibs zhes pa'i mtshan/ /drang srong chen po zhes pa'i sgra/ /don yod sangs rgyas rim pa'o/ /gzhan yang rigs gsum 'chang zhes pa/ /de bzhin gshegs pa rtogs pa 'chang / /sngags can zhes pa me tog tog /dam tshig chen po sngags 'chang ba/ / ming ni rdo rje dbang rgyal po/ /dkon mchog gsum zhes bya ba'i tshig /sangs rgyas gzi brjid chen po can/ /gtso bo 'dzin pa don yod mdzad/ /theg pa mchog gsum ston pa po/ /de bzhin gshegs pa tshe dpag med/ /don yod zhags pa gang phyir gzhan/ /khro bo dbang phyug tu ni 'dod//rnal 'byor don gnas ye shes can/ /rdo rje zhags pa de bzhin du/ /mi shigs grags par ming du btags/ /'dzin pa chen por rnam bshad pa/ /de bzhin gshegs pa mya ngan med/ /rdo rje lcags kyu dri ma bral/ /zhags pa che ni tsha ba'i lha'o/ /de ltar de dag mtshan kun ni//a ba d+hU tI'i nang nas skyes/ /dkyil 'khor gcig gi nang du yang / /zhugs pas sangs rgyas spyod yul lo/ /skye dang 'gag pa shes pa las/ /lus kyi skye sogs rnam par spangs/ /ye shes chen po chos kyi dbyings/ /brgya dang brgyad cu rtsa gcig go//gang phyir tha mal 'khrul ba ni/ /dngos po skye dang 'jig la sogs/ /de nyid spangs pas grol ba ni/ /mkhas pas sred pa spangs pas so/ /de ltar rnam par snang mdzad rdzogs/ /sngags kyi ming gi sbyor ba ni/ /de rnams bshad par bya ba ni/ /theg pa gsum sogs chos lugs su//slob dpon du ma yis ni gsungs/ /de dag gis ni ma bshad de/ /rol pa'i rdo rje 'grel pa las/ /mdo ru bsdus pa rgyu gnyis tsam/ /de yi lhag ma shes par bya'o/ /yang na gzhan du bstan pa ste/ /'on kyang thams cad yongs ma rdzogs//gang phyir mtha' yas sangs rgyas gsungs/ /tshad mar thams cad mi gnas te/ /de phyir chos ni rgyal ba yis/ /ming nyid mang po chos mang po/ /chos kyi dbyings kyi dang du bshad/ /nye bar bsdus pa las chos kyi rnam par rtog ge zhes bya ba ste bzhi pa'o// // ming ni mang po bsdus pa yis/ /rnam pa mang po bshad par bya/ /cung zad man ngag gis kun bsgrubs/ /sngon du me long ye shes te/ /rgyud dang rgyud nang tha dad pa/ /'dir ni yang dag bsdus pa'o/ /tshigs su bcad pa bzhi cha sogs/ /mtshan ni bdun cu rtsa gcig gis/ / de yi nang nas tshigs bcad gsum/ /cha lhag ma ni 'bral ba ru/ /lhag ma bdun ni yang dag bshad/ /lte ba'i 'khor lo'i sbubs su ni/ /de phyir rdo rje 'jigs byed sogs/ /sgra dang ldan pa nam mkha'o/ /de lta bu yi bar du ni/ /'jam pa'i rdo rje rtag tu gnas/ /rdo rje 'jigs byed rgyud las te//rdo rje 'jigs byed khro bo ni/ /phyag dang zhal dang zhabs rnams ni/ /sum cu rtsa gsum dgu bcu drug /de ltar brda yi gzugs dang ni/ /rnal 'byor dus kyi bdag nyid do/ /dga' ba bcu drug zhabs nyid do/ /bu ga dgu ni zhal nyid do/ /phyag ni lta ba bdag nyid bshad//gnyis po gzhan ni nang song brtag /de ltar gsum gyi nang du ni/ /yid kyi sbyor bas 'jigs par byed/ /khro bo'i rgyal po zhes pa'i mtshan/ /khro bo rnam rgyal rgyud las ni/ /rtog pa phung po ma lus pa/ /gang du longs spyod bya phyir ro/ /de la 'di ni zhal drug pa//yan lag drug tu rnam par bstan/ /de nyid sgyu 'phrul dra ba ru/ /dngos po lnga bcu rtsa drug ste/ /gzhan yang de bzhin bshad par bya/ /gnyis bsdoms grangs ni drug cu ste/ /phyag dang zhabs su shes par bya/ /khro bo'i rgyal po'i ming nyid do/ /'jigs pa 'gro kun dbang byed de//khro bo'i gzugs ni spros pas so/ /de dag gi ni rang bzhin kun/ /phyag na rdo rje dbang bskur las/ /mig drug ces pa khams drug gi/ /ye shes la sogs pa yi mthar/ /lpags sogs la ni de shes bya/ /gang phyir sdom pa sor yang 'grub/ / lag drug ces pa dkyil 'khor te/ /zla ba nyi ma gnyis la brten/ /rtag tu thim par gyur pa'o/ /rdo rje dkyil 'khor rgyun las so/ /stobs ni kun gzhi rnam par shes/ /srog ni ming du brjod pa yin/ /rnal 'byor rgyud las spyod pa gsungs/ /bla med dpal gyi rgyud las so//keng rus mche ba gtsigs pa'i sgra/ /de ni nye bar bstan bya ste/ /sngon du mtshe ba bskum pa ni/ /lce yis ha yig la reg bya/ /phyi nas lces ni rkan bskyod gsungs/ /rdo rje tshogs 'thon rgyud las so/ /keng rus zhes pa bshad pa ni/ /'chi ba slu ba'i bdag nyid de/ / rak+ta 'bar bas 'dzag pa ste/ /'khor lo sdom pa'i rgyud las so/ /ha la ha la zhes sdom pa/ /shes rab dbugs kyi bar byed pa/ /gnyis gnyis sbyor ba gsungs pa ste/ /don yod zhags pa'i rgyud las so/ /gdong brgya pa zhes gsungs pa ni/ /rtsa brgya yi ni rang bzhin can/ /de yi gtso bo steng nyid de//rdo rje rtse mo'i rgyud las so/ /gshin rje gshed ni thig le ste/ /drug gi nang du yid nyid de/ /de yi mtshan nyid bshad pa yang / /gsang 'dus phyi ma'i rgyud las so/ /bgegs kyi rgyal zhes bya ba'i ming / /bdud rtsi 'khyil ba'i rnal 'byor can/ /'og gi sgo nas bkug pa ste//sgyu 'phrul dra sogs rgyud las so/ /rdo rje shugs zhes bya ba'i ming / /gang du rtag tu skye sa bon/ /sngon du bde ba 'dus pa ste/ /dam tshig chen po'i rgyud las so/ /gzhan yang 'jigs byed gsungs pa ni/ /log pa'i dpa' bo rnam par 'joms/ /steng dang 'og tu song zhing blta//gsang dbang thig le'i rgyud las so/ /rdo rje grags pa zhes bshad pa/ /lte bar gnyis med spyod yul can/ /rtag tu thabs dang shes rab las/ /gnyis med mnyam pa'i rgyud las so/ /rdo rje snying po zhes bya'i tshig /mtshan nyid mtshan med dang ldan pa//gnyis ka spangs par shes par bya/ /zla gsang thig le'i rgyud las gsungs/ /sgyu 'phrul rdo rje zhes pa ni/ /gnyis gnyis rdzogs pa'i mtshan nyid can/ /dngos po dngos med phyin bden/ /sgyu 'phrul dra ba las gsungs pa'o/ /gsus po che zhes bya ba'i tshig /stong gsum stong gi chen por 'gro/ /de 'og yang dag gsungs pa yang / /thams cad yod min lhag ma'o/ /rdo rje bdag ces bya ba'i tshig /rdo rje bu ga gnyis nas ni/ /steng dang 'og tu yang dag dbab/ /rdo rje sa 'og rgyud las so/ /rdo rje skye gnas shes pa ni//'byung bzhi bdag nyid las byung ba/ /rtag tu bdud rtsi rnam lnga 'dzin/ /'byung po 'dul ba'i rgyud las so/ /rdo rje snying po zhes bshad pa/ /spyi bor dri ma med par 'gyur/ /mi 'gyur ba yi rlung nyid de/ /rdor snying rgyan gyi rgyud las so/ /mkha' 'dra ba zhes bya ba'i ming //khams ni sum cu rtsa drug grangs/ /rigs dang rigs ni gnyis ka bral/ /de yang sangs rgyas rgyud las so/ /mi g.yo byang chub sa bon te/ /rlung dang srog ni g.yo bas so/ /des ni de nyid 'thob pa ste/ /sgyu 'phrul dra ba'i rgyud las so/ /ral pa gcig ces bshad pa yang //steng dang 'og gi lce gnyis gnyis/ /de dag bsdams pa gnad kyi sgor/ /rdo rje pad+ma'i rgyud las so/ /glang chen ko rlon zhes pa'i tshig /lha yi phyag rgya'i sbyor ba yis/ /a ba d+hU tIr yid song nas/ /nang gi bu ga'i dbus su bsgom/ /'gro ba dga' dang bcas par byed//lus dang ngag gnyis yang dag byung / /rtag tu chos kyi dbyings bdag las/ /'khor lo sdom pa'i rgyud las so/ /rnal 'byor ma rnams gnas las skye/ /tshogs kyi dbus na rol pa yang / /snying rje ro yi sbyor ba las/ /btub pa sa bon bde chen po//ha ha zhes sgrogs pa yi ming / /bsil ba bcu gnyis mtshams su song / /de yang sgra mtshams lkog gnyis mthar/ /khro bo rnam rgyal rgyud las so/ /de la grags chen zhes bya ba/ /rang 'byung sgra la brten nas ni/ /mthil gnyis sprad pas bdar ba ste/ /lce dang lce'u chung phrad pas so//hi hi zhes sgrogs zhes bshad pa/ /gong du bshad pa'i tshig bzhin te/ /rnal 'byor gyis ni 'grogs par byed/ /khro zla'i thig le rgyud las so/ /'jigs par byed ces bya ba ni/ /'gog pa mchog gi rim pa las/ /nan tan gyis ni 'du bar 'gyur/ / rgyud kun las ni bsdus las gsungs/ /gad rgyangs zhes pa mchog tshim pa/ /las kyi phyag rgya'i sbyor bas skye/ /rgyun mi 'chad par sbyor ba ni/ /gad mo chen po zhes brjod do/ /sa bon thim par gyur pa'i phyir/ /ye shes gad mo rgya chen po/ /rdo rje gad mo'i rnam grangs te/ /yid ldan rnal 'byor spyod pas so//cher sgrogs zhes ni rnam bshad pa/ /rtsa gsum dag ni gang ba'o/ /yang na kha dang kha sbyor ba/ /rtag tu shes rab kyis ni byed/ /gsang ba thun mong ma yin dpal/ /rgyan bkod pa yi rgyud las gsungs/ /rdo rje sems dpa' zhes pa'i mtshan/ / mchog gi tshim pa brjod pa'o/ /sems dpa' chen po zhes gsungs pa/ /rgyun mi 'chad par dbab pa'o/ /de bzhin rdo rje rgyal po ni/ /sa bon thim par byed pa'o/ /gang phyir bde ba chen po'i tshig /rtag tu shes rab las la gus/ /de ltar rdo rje sems dpa' sogs/ /gsum po dag ni go rims bzhin//mchog gi dang po gsung ba 'dus/ /de bzhin gsang mdzad gzhan yang ni/ /rnal 'byor rgyud gsung las gsungs pa'o/ /de dag thabs kyi mtshan nyid de/ /'khor lo sdom pa 'ba' zhig ni/ /shes rab kyi ni rgyud du bshad/ /des na rdo rje drag ces te//brjod pa las kyi shes rab las/ /gtum po 'bar ba'i sgyu ma ni/ /rdo rje rtsa bar lam nyid de/ /de ni myur 'gro rnal 'byor te/ /bdud rtsi btung ba steng du 'gro/ /yang dag 'jug la bdag las min/ /rdo rje gsang ba'i rgyud las so/ /dga' ba che zhes bya ba'i ming //rang gi ye shes bdag nyid che/ /gnas pa ma yin mi gnas min/ /gsang nor thig le'i rgyud las so/ /rdo rje hUM ste hUM zhes pa/ /bsam gtan bzhi pa'i rnam grangs te/ /suM b+ha ni la sogs pa'i sngags/ /de nyid bsdus pa'i rgyud las so/ /mtshon du rdo rje mda' thogs ming //don nyid kyi ni bshad bya ste/ /ji ltar shugs kyis sbyor gsungs dang / /dngos po de sgom gnyis pa'o/ /des na rdo rje dang ni mda'/ /rdo rje mda' ni mchog tu 'dzin/ /de dag dgongs pa'i tshig yin te/ /dam tshig chen po'i rgyud las so/ /rdo rje ral gri zhes pa'i mtshan//de yang gnyis su gsungs pa ste/ /nam mkha' lnga yi dbus rdo rje/ /ral gri gsang ba'i pad+mo'o/ /de ltar rdo rje dang ral gri/ /gnyis ka 'dzin pas phyag mtshan te/ /phan tshun las ni srog 'gugs pa/ /sgyu 'phrul dra ba'i rgyud las so/ /de dag ma lus gcod ces pa//rtog pa yang dag byung ba gcod/ /'od gsal bar gsungs bdag nyid de/ /sems dang sems byung rtog pa gcod/ /sna tshogs rdo rje 'chang zhes pa/ /srog la sogs pa'i rlung lnga po/ /rnal 'byor gyis ni ma lus gzung / /mngon par byang chub rgyud las so//de la rdo rje can zhes pa/ /ye shes dbyer med ngo bo ste/ /de 'dzin pas ni rdo rje can/ /yang na du ba la sogs lam/ /rdo rje gcig pu zhes bshad pa/ /rnal 'byor ngo bo sngar gsungs bzhin/ /gnyis ka thim par thal bar 'gyur/ /gnyis med mnyam pa'i rgyud las so//gang phyir g.yul las zhes pa'i tshig /'dod chags la sogs nyon mongs gcod/ /rgyal ba rnam par rgyal ba ste/ /khams gsum rnam rgyal rgyud las so/ /rdo rje 'bar ba mig mi bzang / /nang gi don du bsgrub pa ste/ /ji ltar me long gzugs brnyan bzhin//bden pa ma yin mthong ba tsam/ /ji ltar rmi lam de bzhin snang / /ji ltar sgyu ma de bzhin gzhan/ /de ltar rdo rje dang 'bar ba'i/ /rdo rje 'jigs byed rgyud las so/ /de lta bu yi snang ba ni/ /mtsho skyes rdo rje 'bar ba ste/ /rtsa rnams pad+mar yang dag bshad/ /'bar bas sems ni 'gugs pa'o//rdo rje 'bebs zhes la sogs pa/ /khro bo bzhi yi ming yin te/ /rtag tu rnal 'byor dbang po las/ /rtag tu rdo rje dbab par bya/ /de bzhin gzhan yang 'bebs pa che/ /spyod yul thim par longs spyod do/ /mig brgyas thams cad mthong ba dag / rigs mchog gnyis su med pa spong / /rdo rje mig ces bya ba'i sgra/ /sangs rgyas gnas ni mi zad pa/ /rna bas rna bar brgyud pa yis/ /bla mas slob ma shes par bya/ /de la rdo rje ba spu sogs/ /gnyis su dbye bar gsungs pa ste/ /dang po gcig ni mi 'gyur don/ /rnal 'byor ma dag rang las skyes//rdo rje ba spu gnyis pa ni/ /rtsa ni bye ba phyed dang bzhi/ /yang na brgyad cu grangs kyis te/ /byang chub sems kyi ba spu las/ /myu gu skyed pa de dag go/ /tha mal pa yi dri ma med/ /de yang las la rab 'jug phyir/ /rdo rje spu ni gcig pu lus/ /de yi don gyi khyad par yang //rdo rje dkyil 'khor rgyal las gsungs/ /rdo rje rtse zhes bya ba'i ming / /'dzag pa ru ni gsungs pa ste/ /de yi dus kyi gnas skabs kyang / /rdo rje rtse mo'i rgyud las so/ /de dag dang 'dra gzhan yang ni/ /sen mo skyes pa brjod bya ste/ /mi 'gyur ba ni 'byung ba ste//rdo rje rtse de sngar gzhan na/ /gang phyir rdo rje snying po'i tshig /chos 'byung nang du thim pa'o/ /pags pa mkhregs pa rnam bshad pa/ /bla ma brgyud pa'i gus rim gyis/ /rdo rje phreng sogs shes pa ni/ /rtag tu phra mo bya ba las/ /rtog pa thams cad rnam 'joms pa/ / dpal dang ldan pa'i sgrar gsungs pa'o/ /rdo rje rgyan gyis zhes pa ni/ /sngon du gsungs pa rnal 'byor tshul/ /brgyan pa skal ba phun sum tshogs/ /khro bo rnam rgyal rgyud las so/ /ha ha gad rgyangs zhes pa ni/ /rtag tu goms par bya ba ste/ /spyi bo sogs nas nor bu'i mtha'/ / 'dar zhing rgod pa thub pa'o/ /rgyangs ni srog gi thig le ste/ /de dag thim par bsam par bya/ /dur khrod sa ni rkang mnan pas/ /rgyangs dang ldan par gnas pa ste/ /dur khrod bcu drug rtag bshad pa/ /khams ni bcu yi bdag nyid do/ /ha ha gad rgyangs steng gi lam/ /lag bzangs dpal gyi rgyud las bstan//'on kyang de kun brjod pa ni/ /gsang ba la sogs tshig gi rim/ /nges par grags pa zhes pa'i tshig /nges par 'byung nas 'og tu song / /zhugs pa'i sgra ni rgyu ba ste/ /dpa' bo gcig pa'i rgyud las so/ /rdo rje sgra zhes bya ba ni//sgra yang a ba d+hU tI'i dbus/ /dgos pa thams cad nyan pa ni/ /brgya stong bsdus pa'i rgyud las so/ /yi ge drug ces bya ba ni/ /dkyil 'khor drug tu bsdam bya ba/ /mi 'gyur mchog gi rnal 'byor gyis/ /shes rab drug gi tshul rgyud las/ /'jam pa'i dbyangs zhes bya ba'i tshig /rtag tu 'khor lo drug tu srog /grub pa'i rnal 'byor ma yin sdom/ /'phags pa 'jam dpal rgyud las gsungs/ /sgra che ba zhes bya ba'i tshig /gnyis med ye shes spyod yul te/ /de bas sprul pa thams cad 'byung / /mngon par rtogs pa'i rgyan las so//'jig rten gsum las bya ba'i tshig /sen phra ba'i rang bzhin can/ /nang dang phyi rol dbyer med de/ /'jig rten gsum rgyal rgyud las so/ /de nas chen po sgra gcig ste/ /sgom pa thu bo'i dbus su ni/ /sgra gcig bstan pa'i chos kyis ni/ /sa 'og sa stengs mtho ris la//nam mkha'i dbyings la sogs pa yi/ /tshigs bcad du mas de nyid ston/ /pad+ma yongs rdzogs nam mkha' yi/ /khams ni rnam shes brgyad pa ste/ /rnal 'byor dgongs pa'i bar du 'gro/ /rang byung sgra ni sgrogs pa'o/ /de dag dus ni bzhi rnams so/ /sangs rgyas byang chub sems dpa' dang //yang na gzhan du'ang brjod par bya'o/ /sgra ldan nam mkha' zhes bya ba/ /sngags kun gsungs pa'i mtshan nyid yin/ /'jam dpal gyi ni rgyud las ni/ /rtag tu rnal 'byor pa yis bya/ /de ltar 'dir ni rnal 'byor bshad/ /bdun cu rtsa gcig ming gis so//thams cad spros pa'i rgyud nyid kyang / /ji ltar mngon rtogs rim las gsungs/ /rnal 'byor spyod dang bya rgyud dag /shin tu rgyas pa yang dag byung / /sna tshogs gzugs ni tshul chen po/ /yang na rnam pa sna tshogs byung / /me long ye shes kyi ni sku'i/ / cho ga rnam pa du ma byas/ /gzhung ni gsal dang mi gsal bas/ /zhal nas zhal du brjod par bya/ /de ltar mi bskyod rdo rje yi/ /ting nge 'dzin ni thams cad gsungs/ /chos kyi dbyings sogs ye shes kyi/ /nang nyid du ni rtag tu gnas/ /sngon du rnal 'byor yang dag byung / /sangs rgyas kyi ni so so rtog /rab tu gsal ba'i ye shes ni/ /rab tu gsal ba'i me long ngo / /nye bar bsdus pa las me long lta bu'i ye shes kyi bstod pa'i rtog ge zhes bya ba ste lnga pa'o// //sngags kyi mtshan gyis sangs rgyas te/ /de yi mtshan nyid brjod par bya/ /so sor rtog pa'i ye shes yin//rnal 'byor la brten rnal 'byor pa/ /des na bsam gtan yin pa bas/ /sangs rgyas dag gi phrin las mdzad/ /ming ni don can 'dus zhes bya/ /gnyis med la ni gnyis 'byung ba/ /gnyis ni bden pa yod ma yin/ /sgyu ma lta bur rab tu grags/ / sems can gdul ba'i don du ni/ /snang ba gnyis med rgyu can no/ /de la tshigs bcad bzhi bcu dang / /de bzhin du ni gnyis lhag gzhan/ /mtshan dag kyang ni gnyis brgya dang / /de bzhin bdun cu rtsa lnga dang / /de bzhin nyid ces sogs pa nas/ /ye shes 'od ni 'od gsal mthar/ / de ltar sngon gsungs bdun po dang / /de bzhin gzhan yang bzhi bcu dang / /gnyis lhag par ni gsungs pa dang / /bco lnga mnyam nyid ye shes kyi/ /nyer bsdus lte ba'i 'khor lo yi/ /drug cu ru ni gsungs pa yin/ /de bzhin zhes pa ye shes grags/ /yang dag pa zhes de bzhin rgyal//bdag med ces pa yon tan 'od/ /yang dag mthar sgra khyad par che/ /yi ge med pa zla ba gang / /stong nyid smra ba'i khyu mchog ni/ /de bzhin gshegs pa pad+ma'i 'od/ /zab mo zhes pa dka' thub bzang / /rgya che ba ni mar me rgyal/ /chos kyi dung ste glog gi tog /sgra chen po ni 'od kyi rgyal/ /chos kyi gaN+DI gsal ba'i rgyal/ /sgra bo che zhes bya ba'i mtshan/ /dpe bral grags zhes brjod pa yin/ /mi gnas mya ngan 'das pa ni/ /de bzhin gshegs pa pad+mor grags/ /phyogs bcu'i chos kyi rnga bo che/ /de bzhin gshegs pa me tog mtshan//gzugs med pa ni spyan bzang mchog /gzugs bzang ba ni grags med don/ /dam pa zhes pa grags pa'i ste/ /sna tshogs gzugs ni bsod nams 'od/ /yid las skyes pa khyad par ro/ /gzugs rnams thams cad snang ba'i dpal/ / tshogs med blo can zhes pa'i ming / /gzugs rnams ma lus 'chang ba ni/ /de bzhin gshegs pa rA hu la/ /mtshungs med pa ni ye shes 'od/ /cher grags zhes pa grogs dang ldan/ /khams gsum dbang phyug chen po ni/ /mtshan ni ye shes dbang por btags/ / 'phags lam shin tu mtho la gnas/ /de bzhin gshegs pa skar ma'i tog /chos kyi tog ni rA hu la/ /dar ba chen po sman chen po/ /'jig rten gsum gyi sman pa'i rgyal/ /gzhon lus bsod nams dbang po yi/ /gnas brtan zhes pa rgyu ba'i mtshan/ /rgan po skar ma'i rgyal po'o//skye dgu'i bdag po zhes pa'i mtshan/ /de bzhin gshegs pa rgyal ba'i sgra/ /sum cu rtsa gnyis mtshan zhes pa/ /nyi ma'i 'od zer 'char ba'o/ /sdu gu zhes pa chos kyi mdzod/ /'jig rten gsum na mdzes zhes pa/ /de bzhin gshegs pa blo gros legs/ / yon tan slob dpon 'jig rten shes/ /rgyal ba'i dbang po mtshan du grags/ /'jig rten slob dpon rdo rje sde/ /'jigs pa med ni rdo rje brtsegs/ /mgon po sangs rgyas legs gnas pa/ /skyob pa zhes pa rgyal ba'i blo/ /'jig rten gsum thob tshangs pa'i dbyangs/ / skyabs zhes bya ba klu yi dbang / /sgrol ba yon tan gsal dbang phyug /gang phyir bla na med pa'i tshig /ming gi mngon par shes pa'i tog /nam mkha'i mtha' la longs spyod ni/ /de bzhin gshegs pa 'od kyi tog /thams cad mkhyen pa'i ye shes mtsho/ /de bzhin gshegs pa dge ba'i mtshan//gzhan yang tshangs pa zhes su brjod/ /ma rig ces pa sgra mi snyan/ /sgo nga'i sbubs ni rol pa'i gar/ /yang dag 'byed ni klus byin no/ /srid pa'i dra ba bden pa'i tog /'joms pa de bzhin gshegs pa'i mtshan/ /nyon mongs ma lus zhi byed ni/ / mchan ni gzhan gyis mi thub dbyangs/ /'khor ba'i rgya mtsho pha rol phyin/ /sangs rgyas rin chen 'od zer can/ /ye shes dbang bskur cod pan can/ /de bzhin gshegs pa gsung dbyangs sbyin/ /rdzogs pa'i sangs rgyas rgyan byas ni/ /mtshan ni seng ge zhes btags pa'o/ / sdug bsngal gsum gyi sdug bsngal zhi/ /nyi ma sna tshogs shes pa'i mtshan/ /gsum mtha' ye shes dpa' bo yi/ /sel ba pad+ma'i phung po'o/ /gsum grol zhes pa me tog go/ /sgrib pa gsum las nges grol ni/ /rnam par mnan cing 'gro ba'i dpal/ /mkha' ltar mnyam pa nyid song ni//de bzhin gshegs pa bsod nams dpung / /nyon mongs dri ma kun spangs ni/ /mtshan ni mchog tu gyur pa'i blo/ /dus gsum zhes pa gsal ba'i mtshan/ /dus med par song rtogs pa ni/ /zla ba'i mar me zhes pa'i mtshan/ /sems can kun ni mi zad pa'o/ / gtso bo che ni blo bzangs spyan/ /yon tan thod can rnams kyi gtsug /de bzhin gshegs pa yan lag btsugs/ /nyon mongs kun las rnam grol ba/ /shes rab yul zhes bya ba'i mtshan/ /nam mkha' lta bu'i nor bu gnas/ /de bzhin gshegs pa mchog tu gyur/ / yid bzhin nor bu chen po 'chang / /rab tu 'joms pa'i 'od zer mtshan/ /rin chen kun gyi mchog ces pa/ /sangs rgyas shes pa byin zhes bya/ /gang phyir khyab pa zhes pa'i tshig /de bzhin gshegs pa 'jam pa'i dbyangs/ /dpag bsam shing chen zhes pa ni/ /tshogs med 'dod pa zhes pa'i mtshan//sangs rgyas pa zhes thu bo sbyin/ /bum pa bzang po che mchog ni/ /de bzhin gshegs pa dag pa'i mtshan/ /sems can kun don byed ces pa/ /ye shes rnam rig ces pa'i mtshan/ /byed pa de bzhin gshegs pa'i 'od/ /phan don zhes pa dbang po yi//sems can mnyes gshin zhes pa ni/ /de bzhin gshegs pa thugs 'chang ba'o/ /bzang ngan shes pa zhes pa'i lha/ /dus shes pa ni 'od zer bzang / /dam tshig ces pa gzugs bzang ba'o/ /dam tshig ldan ni rgyal ba'i mtshan/ /khyab pa dag ces pa don grub mdzad//sems can dbang po zhes pa ni/ /de bzhin gshegs pa seng ge ste/ /dus shes zhes ni dri ldan no/ /rnam grol gsum la mkhas pa ni/ /de bzhin gshegs pa grags pa'i mtshan/ /yon tan ldan ni rgyal po'o/ /yon tan zhes ni mchog snying po'o//chos shes bsod nams 'od zer can/ /bkra shis zhes pa mdog bzang po/ /bkra shis 'byung ba nyan 'dod pa'o/ /bkra shis kun zhes bya ba ni/ /mtshan ni mar me'i rgyal po'o/ /bkra shis pa ni rin chen brtsegs/ /grags pa zhes bya tshogs med lha//de bzhin bkra shis pa yi bdag /snyan grags zhes pa grol bar 'gro/ /dge ba gser gyi gtsug phud do/ /gang phyir dag pa chen po'i tshig /rA hu la ni bzang po'i mtshan/ /dbugs chen zhes pa thub pa'o/ /dga' chen khyod ni rang bzhin thub/ /rol mo chen po zla ba'i 'od//bkur sti zhes pa'i tshig nyid ni/ /gser mdog bzang po'i 'od ces bya/ /rim gro zhes pa dge ba'i mtshan/ /phun tshogs yon tan dpa' bo'i lha/ /mchog tu dga' ba chos kyi gdugs/ /grags bdag dpal zhes bya ba ni/ /de bzhin gshegs pa yon tan legs//mchog ldan 'gro ming zhes pa ni/ /mchog sbyin zhes pa ye shes rdzogs/ /gtso bo zhes pa zhib mo'i blo/ /skyabs ni 'od zer kun 'bar ba'o/ /dam pa skyabs kyi sman nyid do/ /'jigs pa chen po dgra zhes pa/ /rnam grol rtog ces bya ba'i mtshan/ / rab kyi mchog ni shes rab mchog /'jigs pa ma lus sel ba ni/ /de bzhin gshegs pa ye shes rgyal/ /gtsug phud ming ni 'jigs pa'i gzugs/ /phud bu zhes pa glo bur 'joms/ /lcang lo can ni thogs med grags/ /ral pa zhes pa bden pa spungs/ /muny+dzar mtshan ni ngag snyan pa'o//cod pan can ni ngag dbang grags/ /gdong lnga zhes pa chos kyi brtsegs/ /gtsug phud lnga ldan grol ba'i 'od/ /zur phud lnga pa legs par brgyan/ /thod ces pa ni rab zhi lus/ /brtul zhugs chen po 'chang zhes pa/ /yid ces dag ces bya ba'i mtshan//mgo zlum seng ge mche ba rno/ /tshangs par spyod ni sel ba po/ /brtul zhugs mchog ces bya ba ni/ /'gro ba mchod pa zhes pa'i mtshan/ /dka' thub chen po seng ge reg /dka' thub chen po phyin zhes pa/ /chos kyi mtshan zhes bya ba'i ming / /gtsang gnas zhes bya skal ba bzang //gau tam mi bskyod pa yi mdog /dam pa bya zhes 'bar rgyal ba'i/ /tshangs pa zhes ni rtogs pa'o/ /bram ze zhes pa spyan bzang ngo / /tshangs pa don rig pa yi blo/ /mya ngan 'das pa tshangs pa ni/ /'jigs pa med pa'i 'od zer mtshan/ /thob pa zhes pa dri yi 'od/ / grol ba de bzhin dga' ba'o/ /thar pa zhes pa don yod 'gro/ /rnam grol khro bo thal ba'i mdog /rnam grol mchog ni gzugs zhes bya/ /zhi ba de bzhin nyan pa'o/ /zhi ba zhes pa gtso bor grags/ /mya ngan 'das pa drag pa sbyin/ /mya ngan 'da' ba zhes pa ni/ /nyi ma lha zhes bya bar grags//zhi ba zhes pa shes rab snang / /bkra shis zhes brjod pa yi tshig /gshin rje 'joms pa'i yan lag mtshan/ /bde sdug sel ba mthar 'gyur ba/ /de bzhin gshegs pa shing rta 'gro/ /chags bral zhes pa gser btso ma/ /nyon mongs lus zad ces pa ni/ / skal bar ldan zhing gtsug phud ming / /thub pa med pa de bzhin phyug /dpe med ces pa dga' ba brten/ /mi mngon myos pa 'joms pa'o/ /mi snang ba ni ye shes mdzod/ /gsal byed min ni tshangs pa'i grong / /dus med ces pa tsan+dan no/ /kun 'gro zhes pa mya ngan med/ /khyab pa po ni seng ge 'od//phra zhing zhes pa tog gi yul/ /sa bon pad+mo'i snying po'o/ /gang phyir zag pa med pa'i tshig /'od zer mtha' yas zhes pa'i mtshan/ /rdul med ces pa lha yi 'od/ /rdul bral bsod nams me tog mtshan/ /dri ma med ni rig pa'i ho ma/ /nyes pa spangs pa ye shes dbang //skyon med tshangs pa gsal ba'o/ /shin tu sad pa rin chen phyag /blo gsal bdag ni dbang po ldan/ /kun shes zhes pa dpe bral 'gro/ /kun rig thu bo the tshom ldan/ /dam pa zhes pa mchod pa'i mtshan/ /rnam par shes pa 'bar ba'o/ /chos nyid spangs pa zhes pa'i mtshan//de bzhin gshegs pa sangs rgyas gdugs/ /ye shes zhes pa 'dam gyi mchog /gnyis med tshul 'chang zhes pa ni/ /ye shes 'od dang ldan pa'i mtshan/ /mi rtog ces bya grub pa'o/ /lhun gyis grub pa rma bya'i mtshan/ /dus gsum sangs rgyas las byed ni//de bzhin gshegs pa chos dang ldan/ /thog ma tha ma med ces pa/ /phan par ldan pa gzugs zhes mtshan/ /sangs rgyas ye shes mtshan de bzhin/ /dang po sangs rgyas zhes bya ba/ /grags pa yi ni mtshan du brjod/ /rgyud med pa ni 'od zer 'bar/ /ye shes mig gcig ces pa ni//de bzhin gshegs pa ma lus pa/ /dri ma med ces bya ba ni/ /bai DUr+ya yi snying po'o/ /ye shes lus ni rgyu skar ro/ /de bzhin gshegs ni lha nyid ldan/ /tshig gi dbang po zhes pa ni/ /ri bong can zhes bya ba'i mtshan/ /smra ba che ni dran pa'i 'od/ /smra ba'i rgyal po dge ba'i 'od/ / smra ba'i skyes bu zhes pa ni/ /yon tan kun 'byung 'od zer mtshan/ /smra ba'i dam pa zhes sogs nas/ /tshigs bcad phyed kyi nang du ni/ /rgyu dang 'bras bu'i bdag nyid du/ /tshig dbang phyug ni sngon gsungs pa/ /bdag gis des na 'dir ma bshad/ /gzhan du dgongs pa sna tshogs gsungs//kun du lta ba yid legs pa'o/ /rab tu dga' ba'i zhes pa ni/ /rigs kyi 'od ces bya ba'i mtshan/ /gzi brjid phreng ba spyad pa ni/ /blta na sdug ni ye shes mtsho/ /dpal gyi be'u zhes bya ba ni/ /chos kyi dbang phyug ri yi mtshan/ /'od bzangs skra la lta ba'o/ /'bar ba'i yon tan bye ba'i stobs//lag pa 'od 'bar zhes pa ni/ /de bzhin gshegs pa 'khor ba'i dbang / /sman pa che ni legs pa'i dbyangs/ /mchog ces pa ni legs par reg /gtso bo don grub ces pa'i mtshan/ /zug rngu 'byin pa zhes pa ni/ /yon tan gzi brjid dpal gyi ming / /de la bla na med pa'i tshig /kun du mnyam nyid ye shes mtshan/ /sman rnams ma lus ljon pa'i shing / /bdud rtsi dbyangs zhes bya bar brjod/ /nyon mongs nad kyi dgra che ni/ /de bzhin gshegs pa bde bar snang / /thig le 'jig rten gsum zhes pa/ /legs pa'i blo zhes bya ba'i mtshan//mchog ni rnam grol don tsam mo/ /dpal ldan zhes pa khyab dbang phyug /rgyu skar dkyil 'khor zhes pa ni/ /rol pa'i mchog ces bya ba'i mtshan/ /phyogs bcu nam mkha'i mthar thug ni/ /lhag mthong zhi gnas de bzhin gshegs/ /chos kyi rgyal mtshon chen po'i tshogs//nyes pa spangs zhes bya bar gsungs/ /'gro na gdugs gcig yangs pa ni/ /de bzhin gshegs pa nyi ma'i 'od/ /byams dang snying rje'i dkyil 'khor ni/ /bkra shis rgyas pa blo yi mtshan/ /dpal ldan pad+ma gar zhes pa/ /de bzhin gshegs pa pad+ma'i mchog /rin chen gdugs ni nyi ma'i 'od//de bzhin khyab bdag chen por brjod/ /so sor gsung mdog ces pa'i mtshan/ /sangs rgyas kun gyi rgyal bo che/ /de bzhin gshegs pa legs pa'i mu/ /sangs rgyas kun gyi dngos bdag 'chang / /tshogs kyi dbang po zhes pa'i mtshan/ /sangs rgyas kun gyi rnal 'byor ni//'jigs pa bral ba'i mtshan yin no/ /sangs rgyas kun gyi bstan pa gcig /de bzhin gshegs pa ye shes sred/ /rdo rje rin chen zhes pa'i tshig /spros pa'i mtshan nyid ces bya'i mtshan/ /'on kyang 'di las gzhan du ni/ /de bzhin gshegs pa drug tu gsungs//dbang bskur ba ni blo yi mchog /rin chen kun bdag dbang phyug ni/ /de bzhin gshegs pa ri bong can/ /'jig rten dbang phyug kun bdag ni/ /rin chen zla 'od ces pa'i mtshan/ /rdo rje zla 'od kun gyi rje/ /de bzhin gshegs pa thams cad kyi/ / sangs rgyas kun gyi thugs che ni/ /me long chen po zhes pa'i mtshan/ /sangs rgyas kun gyi thugs song ni/ /de bzhin gshegs pa tshangs pa'i dbyangs/ /sangs rgyas kun gyi sku che ba/ /snyan pa'i gsung zhes bya ba'i mtshan/ /sangs rgyas kun gyi gsung smra ni/ /shes rab chen po'i mu ru gsungs//rdo rje nyi ma snang chen ni/ /kun du mnyam pa blo yi mtshan/ /rdo rje zla ba dri med 'od/ /rdo rje tshogs kyi blo zhes bya/ /chags bral la sogs chags chen ni/ /de bzhin gshegs pa blo dang ldan/ /kha dog sna tshogs 'bar ba'i 'od/ /mtshan ni nam mkha'i dbang po'o//rdo rje skyil krung rdzogs sangs rgyas/ /de bzhin gshegs pa ngag dbang phyug /sangs rgyas chos 'dzin yang dag brjod/ /yon tan phyag ces bya ba'i mtshan/ /dpal ldan sangs rgyas pad+ma skyes/ /de bzhin gshegs pa kun gyi dpal/ /kun mkhyen ye shes mdzod ces pa//mtshan ni 'phags pa 'dod pa'o/ /sna tshogs sgyu 'phrul 'chang zhes pa/ /de bzhin gshegs pa gsal rgyal po/ /rgyal po zhes pa gsal ba'i ri/ /sangs rgyas rigs 'chang zhes pa ni/ /rnga sgra phun sum tshogs dbang rgyal/ /chen po 'dod pa'i spyan gdong can//rdo rje rnon po zhes pa ni/ /ye shes legs pa zhes brjod do/ /ral gri chen mo zhi gnas mtshan/ /rnam dag ces pa ye shes bzang / /yi ge mchog ni rab 'dug mtshan/ /sdug bsngal gcod ces pa la sogs/ /tshigs bcad phyed du gsungs pa ste/ /de ni tshig rkang bzhi yin pas//chos kyi rgyal mtshan bde gshegs so/ /rgyal ba 'dzin ni dri ma bral/ /rdo rje zab po ye shes phyug /rdo rje blo gros zhes pa'i tshig /de bzhin gshegs pa skar bral sgra/ /de bzhin rin zhes bya ba ni/ /yon tan gzi brjid 'od kyi mtshan/ /thams cad pha rol phyin pa 'gengs//de bzhin gshegs pa drang srong dbang / /sangs rgyas kun gyi rgyal yin no/ /blo gros phan zhes pa yi mtshan/ /rnam dag chos ni bdag med pa/ /de bzhin spros pa'i 'khor lo'o/ /yang dag ye shes zla 'od snying / /de bzhin gshegs pa zla ba'i zhal/ /brtson chen sgyu 'phrul dra ba ni//bde gshegs nyi ma zla ba'o/ /rgyud kun gyi ni mchog ces pa/ /yon tan rgya mtsho zhes pa'i mtshan/ /ma lus rdo rje skyil krung ni/ /bde gshegs yon tan bsdus pa'i mtshan/ /ye shes sku rnams ma lus 'chang / /de bzhin gshegs pa bla med thog /kun du bzang po bsod nams tog /blo gros bzang ni spobs pa'i yul/ /sa snying zhes pa rigs skyes mtshan/ /'gro ba 'dzin ni rgyal rigs so/ /sangs rgyas kun gyi snying po che/ /rnam grol don bsam zhes pa'i mtshan/ /sprul pa'i 'khor lo sna tshogs mtshan/ /gnyis pa'i mtshan du bstan pa las//khyad par dbang phyug brjod pa'o/ /dngos po kun gyi rang bzhin mchog /gang phyir de yi tshig gnyis ni/ /de bzhin gshegs pa mchog gi'o/ /dngos po kun gyi rang bzhin 'dzin/ /ye shes spangs zhes pa yi mtshan/ /skye med chos ni sna tshogs don/ / de bzhin gshegs pa nam mkha'i khams/ /chos rnams kun gyi rang bzhin 'chang / /de bzhin gshegs pa mchod byed mtshan/ /skad cig la sogs tshig gnyis ni/ /dpung tshogs dpal zhes bya ba'i mtshan/ /chos kun mngon par rtogs pa ni/ /bde gshegs yon tan zla ba'i mtshan//thub pa blo mchog 'byung po sel/ /yang ni rA hu la yi mtshan/ /mi g.yo rab tu dang ba'i bdag /bdud rtsi 'od ces bya bar brjod/ /rdzogs pa'i sangs rgyas byang chub 'chang / /de bzhin gshegs pa rin chen 'od/ /sangs rgyas kun gyi mngon sum ni/ /zla ba 'dod pa zhes pa'i mtshan//gang phyir ye shes 'od kyi tshig /blo ldan seng ge stobs kyi mtshan/ /rab tu 'od gsal zhes pa ni/ /ye shes sku zhes bya bar gsungs/ /gzhan yang rdo rje 'jam pa'i mtshan/ /sangs rgyas kun la khyab pa'o/ /gcig dang du ma'i rang bzhin las/ / bsam gyis mi khyab yang dag 'byung / /so sor rtog pa'i ye shes dang / /rang rig ye shes skye ba ste/ /'on kyang ji ltar shing las me/ /ma gtsubs par ni 'byung mi 'gyur/ /de bzhin lus las ye shes ni/ /srid pas bsdams las skye ma yin/ /de phyir bla ma dam pa las/ / bsrubs pas 'byung bar the tshom med/ /rnam par rtog pa kun 'joms pa'i/ /gnyis med pa ni bsrubs las skyes/ /de ltar ma lus phun sum tshogs/ /gang phyir pa ni srid mthar phyin/ /a wa d+hU tI'i dbus gnas yang / /sangs rgyas la sogs sku dag 'byung / /dkyil 'khor gcig gi dus su ste//sngar la ltos pas gnyis pa'o/ /de dag rnal 'byor mchog gi gtso/ /dbang po 'bring dang dman pa la'o/ /dbang po mchog tu gyur pa la/ /de bzhin pha rol phyin pa'i theg /mchog gi mchog tu gyur pa la/ /pha rol phyin dang gsang sngags gnyis//de dag 'khor lo drug gi lam/ /srid pa [(]'chid [,]'ching [)]las grol bar byed/ /nye bar bsdus pa las/ dpral ba dang lte ba'i 'khor lo gnas pa/ so sor rtog pa'i ye shes kyi rnam par rtog ge zhes bya ba ste drug pa'o// //ji ltar ming gi rnam grangs don/ / mnyam nyid ye shes brjod par bya/ /brgya las bzhi lhag pa yi ming / /tshigs bcad nyi shu rtsa bzhi yis/ /rnal 'byor dang ni ldan par brjod/ /dang por 'dod pa'i don grub nas/ /nor bu chen po zhes pa'i mthar/ /ji snyed dbang po don phyir song / /skyes so cog ni 'gag par 'gyur/ / de dang ldan pa'i mtshan gsungs pa/ /ji skad du gsungs las skyes te/ /'dod pa'i don grub ces pa ni/ /de bzhin gshegs pa bsgrub pa'i dpal/ /dam pa ye shes nyi ma'o/ /ngan song thams cad rnam spyod ni/ /don grub ces ni bya ba'i mtshan/ /sems can kun mchog ces pa ni//de bzhin gshegs pa ri rab brtsegs/ /mgon po zhes pa drag sbyin mtshan/ /sems can kun rab grol zhes pa/ /de bzhin gshegs pa pad+mo'i mtshan/ /nyon mongs g.yul las gcig dpa' ni/ /drag bcom grags zhes bya ba'i mtshan/ /mi shes dgra yi dregs 'joms ni//de bzhin gshegs pa ye shes stobs/ /blo ldan zhes bya nyon mongs 'joms/ /sgeg par 'chang ni me zhes pa'o/ /dpa' bo mi sdug gzugs 'chang ni/ /de bzhin gshegs pa bde ba'i dri/ /lag brgya zhes sogs tshig gnyis kyi/ /dpe bral bkod pa zhes pa'i mtshan//dpal ldan lag pa zhes sogs ni/ /de bzhin gshegs pa ri bo grags/ /gcig sogs nas ni tshig gnyis kyis/ /srid pa'i mtha' ston pa yi mtshan/ /tshangs sogs de bzhin tshig gnyis ni/ /de bzhin gshegs pa zla ba'i mtshan/ / gnyis med chos ni rin chen zla/ /dam pa'i don ni seng ge rgyal/ /'jigs pa med ni bsam gtan don/ /rnam rig sna tshogs gzugs don ni/ /de bzhin gshegs pa dpe dang bral/ /sems shes pa ni rnam par rol/ /rnam shes yon tan rin chen no/ /rgyud ldan tshig ni don grub mtshan//dngos don ma lus dga' ba ni/ /dgra bcom grags chen zhes pa'i mtshan/ /stong nyid dga' ba rin chen 'od/ /blo mchog ces pa gnyis su 'dod/ /gcig ni srid pas bcings pa ste/ /gnyis pa spyod pas rnam par 'khrul/ /srid pa'i 'dod chags spangs pa ni//de bzhin gshegs pa'i mdzod spu'o/ /srid gsum dga' ba chen po ni/ /spobs pa grags pa zhes pa'i mtshan/ /sprin dkar dag pa zhes pa ni/ /bde gshegs rdo rje nor bu'o/ /'od bzang ston ka'i zla ba ni/ /tshe dpag med ces bya ba'i mtshan/ /nyi ma shar ba'i dkyil 'khor ni//de bzhin gshegs pa nor bu bkod/ /sen mo'i mdangs ni shas cher dmar/ /dbang po chen po zhes pa'i mtshan/ /cod pan bzang po mthon ka'i rtse/ /de bzhin gshegs pa yon tan 'od/ /skra mchog mthon ka chen po 'chad/ /ri bo grags pa brtsegs pa'i mtshan//nor bu chen po 'od dpal ni/ /de bzhin gshegs pa 'od zer bcu/ /sangs rgyas sprul pa'i rgyan ldan ni/ /gnyis dang bral zhes bya ba'i mtshan/ /'jig rten khams brgya kun bskyod ni/ /de bzhin gshegs pa klu yi stobs/ /rdzu 'phrul rkang pa stobs chen ni/ / yid du 'ong ba zhes pa'i mtshan/ /dran pa chen po 'chang zhes pa/ /bde gshegs rin chen zla ba yin/ /de nyid ces pa shugs kyi mtshan/ /dran pa bzhi po'i ting 'dzin rgyal/ /de bzhin gshegs pa gsal bar byed/ /byang chub yan lag me tog spos/ /dga' ba'i dbang phyug ces pa'i mtshan//de bzhin gshegs pa'i yon tan mtsho/ /bde gshegs gtsug phud 'od zer ro/ /lam gyi yan lag brgyad tshul rig /'jigs bral zhes bya ba yi mtshan/ /rdzogs pa'i sangs rgyas lam rig ni/ /bde gshegs yon tan snying po'o/ /sems can kun la shas cher chags//dri med grags zhes bya ba'i mtshan/ /nam mkha' lta bur chags med ni/ /de bzhin gshegs pa gzi brjid zhi/ /sems can kun gyi yid 'jug ni/ /gdung ba grags zhes bya ba'i mtshan/ /sems can kun gyi yid mgyogs ni/ /de bzhin gshegs pa lha mang po//sems can kun gyi dbang don shes/ /legs par mnyam zhes pa yi mtshan/ /sems can kun gyi yid 'phrog ni/ /sangs rgyas lnga yi 'dod pa'o/ /phung po lnga don de nyid shes/ /de bzhin gshegs pa rin chen gzugs/ /rnam dag phung po lnga 'chang ni//rgyal ba'i stobs zhes bya bar 'dod/ /nges 'byung kun gyi mtha' la gnas/ /bde gshegs seng ge gshog pa'o/ /nges par 'byung ba kun la mkhas/ /grong khyer cher mthong zhes pa'i mtshan/ /nges 'byung kun gyi lam gnas ni/ /de bzhin gshegs pa blo gros legs//nges par 'byung ba kun ston pa/ /'jig rten 'od ces bya ba'i mtshan/ /yan lag bcu gnyis srid rtsa 'byin/ /de bzhin gshegs pa rin chen lha/ /dag pa rnam pa bcu gnyis 'chang / /skal ldan shing rta zhes pa'i mtshan/ /bden bzhi'i tshul gyi rnam pa ni//yang dag rgyal ba zhes pa'i mtshan/ /shes pa brgyad po rtogs pa 'chang / /de bzhin gshegs pa dga' ba'i bkod/ /bden pa rnam pa bcu gnyis so/ /'od kyi mu zhes bya ba'i mtshan/ /de nyid rnam pa bcu drug rig /de bzhin gshegs pa dka' thub che/ /rnam pa nyi shu mngon byang chub//bde gshegs zla ba'i mtshan zhes pa'o/ /rnam par sangs rgyas kun rig mchog /de bzhin gshegs pa chos brtan pa/ /sangs rgyas grangs med sprul pa ni/ /mi thub zla ba zhes pa'i mtshan/ /sku ni bye ba rnam grub pa/ /de bzhin gshegs pa ri bo 'od//skad cig thams cad mngon rtogs ni/ /tshangs pa'i dbyangs zhes bya ba'i mtshan/ /sems kyi skad cig don kun rig /de bzhin gshegs pa bden pa'i lha/ /sna tshogs theg sogs tshigs bcad gnyis/ /yon tan brtsegs zhes bya ba'i mtshan/ /theg pa gsum gyi nges 'byung ni//bde gshegs seng ge zla ba'o/ /theg pa gcig gi 'bras bur gnas/ /nor bu go cha zhes pa'i mtshan/ /nyon mongs khams rnams dag pa'i bdag /de bzhin gshegs pa zla ba'i mtshan/ /las kyi khams rnams zad byed ni/ /sgra dang mtshungs par bya ba'i mtshan//chu bo rgya mtsho kun las rgal/ /de bzhin gshegs pa grags chen no/ /sbyor ba'i dgon pa las rgal ba/ /gzi brjid shugs zhes bya ba'i mtshan/ /nyon mongs zhes sogs tshig gnyis ni/ /de bzhin gshegs pa chos kyi grags/ /snying rje chen po shes rab thabs//dga' bar ldan zhes bya ba'i mtshan/ /don yod 'gro ba'i don byed ni/ /de bzhin gshegs pa dri bzang po/ /'du shes kun gyi don spangs shing / /ri bo'i rgyal mtshan zhes pa'i mtshan/ /rnam shes don ni dga' ba'i 'od/ /'gog 'chang zhes bya ba yi sgra/ /de bzhin mchod yon can zhes brjod//sems can kun yid yid ldan ni/ /srid mtha'i nor bu zhes pa'i mtshan/ /sangs rgyas kun gyi thugs rig pa/ /de bzhin gshegs pa bden par gsungs/ /sems can kun gyi yid la gnas/ /rnam snang mdzad ces bya ba'i mtshan/ / de dag sems dang mthun par 'jug /rnam par nges pa zhes pa'i mtshan/ /sems can kun yid tshim pa ni/ /grags pa'i mtha' zhes bya bar brjod/ /sems can kun gyi yid dga' ba/ /de bzhin gshegs pa yid 'chang ba/ /grub pa mthar phyin 'khrul med ni/ /sangs rgyas seng ge'i 'od zer ro//nor ba thams cad rnam par spangs/ /srog dang ldan zhes bya ba'i mtshan/ /don gsum the tshom med blo ni/ /de bzhin gshegs pa 'gro ba'i theg /kun don zhes ni bya ba'i mtshan/ /de bzhin gshegs pa thun tshod do/ /yon tan kun gyi bdag ces pa//de bzhin gshegs pa grags pa'i mchog /phung po lnga don dus gsum ni/ /blo bzangs byang chub sems pa'o/ /skad cig thams cad bye brag phyed/ /nor bu zla ba zhes pa'i mtshan/ /skad cig gis ni rdzogs sangs rgyas/ /dka' thub mi bzad ces pa'i mtshan/ / sangs rgyas kun gyi rang bzhin 'chang / /gsal ldan sems can don byed pa'o/ /lus med lus ni nor bus 'khor/ /lus kyi mchog ni 'jig rten 'das/ /lus kyi mtha' ni rtogs pa po/ /seng ge glang po zhes pa'i mtshan/ /gzugs rnams ma lus kun ston no/ / sangs rgyas yon tan rgyan zhes bya/ /nor bu chen po rin chen tog /de bzhin gshegs pa rin chen 'od/ /de ltar de dag gsungs pa ni/ /mtshan ni sngags kyi ngo bo ste/ /dkyil 'khor gcig gi sbyor ba las/ /sngar la ltos par gsungs pa yin/ /rtogs bcas shes pa ma lus pa//rtog bral bdag nyid dngos po'o/ /dngos po dngos por mnyam gzhag pas/ /chos dbyings nang gi spyod yul lo/ /sangs rgyas byang chub sems dpa' rnams/ /de nyid dmigs pa thim pa ni/ /kun rdzob tshul ni rnam pa ste/ /don dam gyi ni mtha' ru thim//rang rig pas ni mchog yin la/ /gsang gnas spyi bo'i mthar lam skye/ /gang phyir 'dir ni gal te nang / /de dag mtshan ni brjod pa ni/ /rnal 'byor rgyud kyi gtso bo ste/ /sgyu 'phrul dra sogs gsung phyir ro/ /ji ltar nang gi bdag nyid de/ /rnal 'byor rtag tu bshad dam ci/ / 'dus pa la sogs ma gsungs phyir/ /bcom ldan 'das ni bden pa min/ /bya dang byed pa ma grub pas/ /rnam par 'khrul ba'i rnal 'byor bsgom/ /des na 'di dag brdzun min nam/ /yin na dmyal bar yang ni 'gro/ /phyin ci log tu bstan pas na/ /bdag dang gzhan dag brlag par byed//'di lta bu yi dgongs par ni/ /gyur pa de la brjod par bya/ /gang phyir 'di ni bstan pa ste/ /'jig rten byis pa'i ma yin te/ /gang phyir sgyu 'phrul dra ba las/ /rgyud kun gyi ni gtso bor gsungs/ /gang de ji ltar sngon du ni/ /bcom ldan shAkya thub pa yis/ /phyag na rdo rje dbang bskur phyir//chos dbyings dag gi dbang phyug gi/ /dkyil 'khor chen por rab tu bskor/ /khams gsum dag tu lung bstan pa/ /de yang sgyu 'phrul dra ba'i tshul/ /gsang 'dus la sogs dgongs pas min/ /gal te 'du sogs ma yin na/ /'o na bcom ldan brdzun smra mdzad//bcom ldan 'das kyis gsungs pa yang / /res 'ga' dag tu pu stir gsung / /ji srid gsung 'dus la sogs nas/ /gang phyir nam mkha' mnyam la sogs/ /gshin rje gshed mthar sngags dang ni/ /'khrul 'khor dag ste gnyis kyi tshig /ma yin pa dang ma grub par//bcom ldan 'das kyis de skad gsungs/ /de yang lung dang rigs pa min/ /sgyu 'phrul dra ba'i sbyor ba ni/ /gang phyir mtshan ni brjod pa yin/ /rgyud kun rdo rje'i tshig rnams la/ /de bzhin gshegs pas dang por gsungs/ /thog ma med nas mi gnas min/ / 'jig rten pa las grub pa'i gtam/ /sbyin bdag len pa po yi dus/ /dbang po dang ni ldan par ro/ /phyi ma'i dus su dag par 'gyur/ /de ltar de dag tshig mthun par/ /rdo rje can zhes bstan pa dag /gsang 'dus la sogs nang nas ni/ /gtso bor sgyu 'phrul dra ba ste/ / dbang bskur ba yi khyad par yang / /skal bar ldan yang skal med gyur/ /grub pas nang gi bdag nyid sbyor/ /mtshan brjod pa la sogs pas gsungs/ /rnal 'byor spyod pa bya ba sogs/ /de bzhin gzhan yang rgyud kun las/ /mtshan brjod pa ni thams cad kyis/ /bstod pa zhib mo'i rgyal po ste//gang de rmongs pa'i bdag nyid dang / /snyigs ma lnga yi dus yin pas/ /dka' ba'i sems ni 'ba' zhig dag /rtog ge skam po'i bdag nyid do/ /gzhan yang rtog ge skam po yis/ /gal te sems ni zhi gyur na/ /des na thams cad sangs rgyas su/ /mngon sum nyid du gdon mi za//nye bar bsdus pa las mnyam pa nyid kyi ye shes kyi ming bstan pa'i rnam par rtog ge zhes bya ba ste bdun pa'o// //'dir ni gzhan yang brjod bya ba/ /bya ba grub pa'i ye shes te/ /gang phyir tshigs bcad bco lngas 'dir/ /dgu bcu rtsa lnga'i ming can te/ /'od gsal las ni yang dag byung //byang chub sems dpa'i tshogs rnams so/ /de dag mtshan ni bstan pa yang / /sems nyid sgom par 'gyur phyir ro/ /sangs rgyas kun zhes rdzogs pa nas/ /dpal dang ldan pa mchog mthar ro/ /de la mtshan ni 'di dag kun/ /rnal 'byor sgom pa po yi rtags//sangs rgyas kun gyis rtogs bya ni/ /dbang du byed pa'i rgyal por gsungs/ /sangs rgyas byang chub ces pa'i sgra/ /bdud rtsi rab tu zhi ba'i mtshan/ /bla med de bzhin gshegs bya ba/ /sangs rgyas mnyam pa'i bsam gtan can/ /yi ge med cing rtog bral ba'o/ / gsang sngags las byung zhes pa ni/ /dri ma rab tu zhi ba'i mtshan/ /gsang sngags zhes pa rigs gsum pa/ /rmongs pa ston pa'i sangs rgyas so/ /gsang sngags don kun skyed pa ni/ /de bzhin gshegs pa rol pa'o/ /thig le chen po zhes bshad pa/ /dge bzang po yi mtshan zhes bya//gang phyir yi ge med pa'i tshig /gzhan yang rnam pa'i ye shes shugs/ /yi ge lnga ni smra ba'i dbang / /stong pa che ni lha chen po/ /thig le stong ni blo gros zab/ /yi ge drug ces bya ba ni/ /de bzhin gshegs pa tshe dpag med/ /rnam pa kun ldan rnam med ni/ /chos kyi stobs zhes bya ba'i mtshan//bcu drug phyed phyed thig le 'chang / /'jig rten gsum mchod sangs rgyas so/ /dus dang dus min zhes pa ni/ /de bzhin sgra gcan nyi ma'i snying / /bsam gtan bzhi yi rtse mo can/ /de bzhin gshegs pa rgyal mtshan grol/ /bsam gtan dus kun shes zhes pa/ / sman pa mchod pa'i mtshan zhes pa/ /ting 'dzin rigs dang rgyud 'dzin pa/ /de bzhin gshegs pa me tog 'od/ /ting 'dzin lus te lus mchog ni/ /dge ba'i gtsug phud ces pa'i mtshan/ /longs spyod rdzogs sku kun gyi rgyal/ /de bzhin gshegs pa bdud rtsi 'od/ /sprul pa'i sku ste sku mchog ni//byang chub sems dpa' rdo rje 'od/ /sangs rgyas sprul pa'i rgyud 'chang ba/ /rgya mtsho brtan zhes bya ba'i mtshan/ /phyogs bcur sprul pa sna tshogs ni/ /bde gshegs rin chen phung po'o/ /ji bzhin 'gro ba'i don byed pa/ /rol pa'i stobs zhes bya ba'i mtshan/ / lha yi lha ni nyi ma'i mtshan/ /lha yi dbang po dag pa'i 'od/ /lha min dbang ni rin chen gtsug /srid pa'i bdag po zhes pa ni/ /dpal ni rjes su mthun pa'i mtshan/ /'chi med dbang po seng ge'i 'gros/ /lha yi bla ma zhes pa ni/ /de bzhin gshegs pas gsungs pa'o/ /'joms byed ces pa me tog sbyin//'joms byed dbang phyug grol ba'i 'od/ /srid pa'i dgon pa las rgal ni/ /de bzhin gshegs pa pad+mo'i mtshan/ /gcig ces pa ni ye shes 'dor/ /ston pa rol pa bkod pa'o/ /'gro ba'i bla ma zhes pa'i tshig /don yod gnas pa zhes pa'i mtshan/ / rab grags la sogs brtan pa'i 'od/ /che ba po ni rgyal mtshan tog /byams pa'i go cha bgos pa'o/ /de bzhin gshegs pa bde ba'i bsam/ /snying rje'i ya lad gyon pa ni/ /rnam grol rgyal po zhes pa'i mtshan/ /shes rab ral gri mnga' gzhu ni/ /byang chub sems dpa'i tshul shes pa//nyon mongs mi shes g.yul ngo sel/ /rgya mtsho zhes pa'i sangs rgyas so/ /bdud dgra zhes pa rin chen 'dzin/ /bdud 'dul zhes pa mi thub pa'o/ /dpa' bo 'gro ba mnyes pa'o/ /bdud bzhi'i 'jigs pa sel byed pa/ /de bzhin gshegs pa sgra chen po/ /bdud kyi dpung las rgyal byed pa//de bzhin gshegs pa dul ba'i mtshan/ /rdzogs sangs rgyas zhes mngon gsungs pa/ /dkyil 'khor drug po dag gi lha/ /sangs rgyas byang chub sems dpa' rnams/ /de dag kun gyi rdzogs sangs rgyas/ /de bzhin gzhan yang nang du gnas/ /'jig rten 'dren pa zhes pa'i mtshan//dngos po srid pa'i dri ma spong / /phyag ces pa ni mchog gi mu/ /mchod pa zhes pa lha mang sgra/ /bstod pa'i gnas ni rin chen stobs/ /rtag tu rim gro bya ba'i 'os/ /de bzhin gshegs pa pad+ma'i phyag /bkur 'os mchod ces bya ba ni/ /de bzhin gshegs pa dgra las rgyal//phyag ces pa ni rtog pa grub/ /bla ma'i rab ni yul bzang po/ /'jig rten gsum po gom gcig bgrod/ /mi rtog 'od ces bya ba'i mtshan/ /mkha' ltar mtha' med rnam med de/ /de bzhin gshegs pa seng ge'i sgra/ /gsum rig pa ni zla ba smra/ /thos pa po ni rdul bkrus pa'o//gtsang ma zhes pa mi g.yo'i mtshan/ /mngon shes drug ni blo gros mtshan/ /rjes drug ldan zhes bya ba'i sgra/ /bsod nams mar me'i rgyal po'o/ /byang chub sems dpa' zhes pa ni/ /rtog pa'i sgra zhes bya bar brjod/ /sems dpa' che ni gau tam//'jig rten las 'das gzi brjid stobs/ /sgyu 'phrul che zhes bya ba'i tshig /blo rnams gzugs zhes bya ba'i ming / /shes rab pha rol phyin mtha' ni/ /de bzhin gshegs pa zla ba bzang / /shes rab de nyid ces pa ni/ /byang chub yan lag me tog mtshan/ /thob ces pa ni ston pa'o//bdag rig ces pa gzi brjid bzang / /gzhan rig ces ni bya ba'i tshig /ye shes gzi brjid stobs zhes brjod/ /thams cad ces pa dge ba'i 'od/ /kun la zhes pa brten pa'i stobs/ /gang phyir gang zag mchog ces pa/ /lha yi bu zhes pa yi mtshan//dper bya kun las 'das pa ni/ /de bzhin gshegs pa rab zhi ba'o/ /shes bya zhes pa nyi ma'i zhal/ /shes bya'i bdag po grol ba'i 'od/ /mchog ni tshul khrims 'od ces brjod/ /chos kyi sbyin bdag ces pa ni/ /dka' thub rnam pa zhes pa'i mtshan/ /gtso bo de bzhin rdul med pa'o//phyag rgya bzhi yi don ston pa'o/ /de bzhin gshegs pa rgya mtsho'i gsung / /bsnyen bkur gnas kyi mchog ces pa/ /mig sman zhes pa'i mtshan du brjod/ /'gro ba zhes pa kun las rgyal/ /nges 'byung gsum ni sems can 'od/ /bgrod rnams shes pa dri ma med//dam pa'i don zhes bya ba ni/ /dran pa'i dbang po zhes su brjod/ /rnam dag dpal ni zhal ras sdug /'jig rten gsum skal bzang zhes pa/ /rgyal mtshan mtha' yas zhes pa'i mtshan/ /chen po zhes pa blo mchog go/ /'byor pa kun zhes bya ba ni/ de bzhin dpung zhi rab zhi'i mtshan/ /dpal ldan zhes pa rin chen 'dod/ /'jam dpal zhes pa chos dbang phyug /dpal dang ldan pa mchog gi ming / /de bzhin gshegs pa sna tshogs lha/ /kun gyi tshig don brjod pa dag /ming nyid sngags kyi mtshan dag ste/ /de dag ltar na bu ga'i mda'//sangs rgyas mtshan ni sbyor la skye/ /dkyil 'khor gcig gi dbus su yang / /sngar bshad ltos pas bzhi pa'o/ /a wa d+hU la brten rnal 'byor/ /sa la sogs pa'i dkyil 'khor bzhi/ /g.yas pa dang ni g.yon gnyis la/ /nyi ma dang ni zla ba 'bab/ / dkyil 'khor re re dag la yang / /dkyil 'khor bzhi bzhi dag tu brtags/ /yang na dbus ni gcig la yang / /khyab par thams cad skye bar 'gyur/ /go rims ji ltar bzhi 'gyur gyis/ /nyi khri chig stong drug brgya'o/ /de dag bgrangs pa'i yon tan 'gyur/ /stong phrag brgyad cu rtsa bzhi'o//lhag ma brgya phrag drug po ni/ /drug dang brgyad kyi grangs 'gyur las/ /stong phrag brgya dang drug brgya'o/ /re re la yang go rims bzhin/ /brgya phrag drug tu shes par bya/ /drug brgya dag gi yon tan ni/ /de kun ston pa'i grangs shes ni/ /khri phrag bzhi dang stong phrag gsum//de ni brgya phrag gcig gi 'gyur/ /gnyis ka bsdom pa'i grangs nyid kyang / /'bum phrag bzhi bcu rtsa gsum mo/ /bya dang byed par gsungs pa ste/ /de ltar 'khor lo drug po la/ /dbugs rgyu ba ni lha rnams so/ /'khor lo gnyis su bshad par bya/ / gcig ni nang du bsgom bya ste/ /spyi gtsug sogs nas gsang ba'i mthar/ /rgyud dang rgyud kyi nang du gsungs/ /gnyis pa rdo rje dbyings la sogs/ /bya ba grub pa'i ye shes mthar/ /de dag ji bzhin rim pa bzhin/ /mgrin pa spyi gtsug snying ga dpral/ /de bzhin gsang ba lte ba ru//yang na ming gi rnam grangs ni/ /ngag gi dbang phyug chos dbyings kyi/ /ming can spyi gtsug 'khor lo'o/ /chos dbyings rnam par dag pa yi/ /ming ni mgrin par gsungs pa'o/ /me long ye shes sku yi ni/ /chos kyi dkyil 'khor 'dod pa'o/ /so sor rtog pa'i ye shes ni//lte ba'i 'khor lo'i ming can no/ /dpral ba'i 'khor lor gsungs pa ni/ /de bzhin mnyam nyid ye shes kyi/ /bya ba grub pa'i ye shes ni/ /gsang ba'i 'khor lo'i bdag nyid do/ /de ltar rnal 'byor rgyud kun la/ /ston pa'i rgyal po chen pos khyab/ /sna tshogs ye shes lnga bdag nyid//sangs rgyas lnga yi bdag nyid dngos/ /sangs rgyas byang chub sems dpa' rnams/ /gong nas gong du brgyud pa'o/ /gzhan dag lhag ma gzhan kun ni/ /slob dpon la sogs bdag chen rnams/ /kun gyis bsgom par bya ba dang / /bklags pa tsam gyis grol bar 'gyur//nye bar bsdus pa las bya ba grub pa'i ye shes kyi 'khor lo'i rnam par rtog ge zhes bya ba ste brgyad pa'o// //da ni rnal 'byor de dag gi /ye shes lnga po brjod par bya/ /phyag 'tshal 'dud la sogs pa nas/ /ye shes sku nyid tshig gi mthar/ /gang phyir tshigs su bcad pa'i tshig /nyi shu bya dang byed pa ste/ /bdag nyid chen po'i tshigs bcad ni/ /dang po nyid du byed pa'i rgyud/ /lhag ma bzhi ni gsungs pa ni/ /gang phyir bya ba ji ltar rim/ /de dag ye shes lnga nyid de/ /rgyu la sogs pa ji ltar rim/ /rgyu dang rkyen gyi ye shes dang / / gnad kyi ye shes de bzhin gzhan/ /sgom pa'i ye shes gsungs pa dang / /lnga pa grol ba ye shes so/ /rgyu ni me long yang dag bshad/ /rkyen ni chos kyi dbyings nyid do/ /so sor rtog pa gnad kyi'o/ /mnyam pa nyid ni bsgom pa'i mchog /grol ba'i ye shes bya grub kyi'o/ /de ltar rim bzhin shes par bya//rgyu yi ye shes rnam pa bzhi/ /phyi rol dang ni nang du 'dod/ /phyi rol dpe yi mtshan nyid de/ /nang nyid dpe yis mtshon pa'o/ /mchog sbyin rdo rje 'dud ces pa/ /dga' ba bzhi yi rang bzhin nas/ /yang dag mtha' yi bar du ni/ /bde ba'i longs spyod bzhi yi mchog /gang phyir stong pa nyid kyi tshig /rtag tu gzhi la dran med thob/ /de bzhin snying po zhes pa'i tshig /bde dang stong nyid dbyer med pa'o/ /sangs rgyas byang chub ces pa yang / /rnal 'byor dag ni sngon byang chub/ /de dag dpe tsam gzhan yod min/ /bde yang gsungs shing bstod pa'i mchog /phyag 'tshal 'dud pa rnam bzhi ste//mchod dang mchod bya'i rang bzhin can/ /rtag tu mchod bya'i las bya ba'ang / /sngar gsungs me long ye shes la'o/ /de bzhin du ni mchod pa'i ming / /bla ma rdo rje 'dzin pa'i dngos/ /de nyid 'od gsal bar ni bshad/ /steng 'og sbyor la phyag 'tshal lo/ /de ltar rnal 'byor rnam gsungs pa//dpe yis nye bar mtshon pa'i mchog /phyi rol gnyis gnyis snyoms 'jug pas/ /gzhan yang shes rab ye shes so/ /thabs dang rgyu yi sbyor bas ni/ /phyi rol ston pa ma yin no/ /des na sangs rgyas chags pa sogs/ /bcu drug po yi tshig rnams ni/ / de bzhin dga' ba bcu drug ste/ /tshig ni re re'i mtha' nyid do/ /de la sangs rgyas chags pa'i tshig /dga' ba bzhi yi mtshan nyid do/ /rnal 'byor dbang po mdzad dus su/ /thog ma tha ma dbus nyid yin/ /de yi chags chen zhes pa nas/ /gang de bzhi pa zhes pa'i mthar/ /gang phyir rtag tu chos dbyings ni//rdo rje mchog ces bya bar gsungs/ /sangs rgyas sku zhes bya ba'i gzhi/ /yang dag mtha' ru gsungs pa'o/ /chos kyi sku zhes gsungs pa ni/ /dga' bral ba ni bzhi pa'o/ /sangs rgyas dgyes pa'i tshig nyid ni/ /de bzhin stong nyid snying po las/ /lhan cig skyes pa'i dus nyid du//gnyis spangs par ni gsungs pa'o/ /de bzhin sangs rgyas rol pa ni/ /sangs rgyas byang chub rkyen can no/ /dga' ba la sogs bzhi pa yi/ /lhag ma lhag ma'i bar du ste/ /gang phyir sangs rgyas 'dzum pa'i tshig /so sor rtog pa gsung ba'o/ /gnad kyi ye shes bshad pa yang //bcu gnyis dang po gnad kyi sgo/ /sangs rgyas bshad pa zhes pa'i tshig /las kyi bya ba'i rang bzhin can/ /rnam pa gnyis su yang dag bshad/ /phyi rol dang ni nang du 'dod/ /sangs rgyas nyid ces bya ba'i mtshan/ /las kyi phyag rgya nyid kyi brdas/ /de la a wa d+hU tI gnas/ /srog dang rlung du rnam par gsungs//sangs rgyas 'byung ba zhes pa'i tshig /longs spyod du yang gsungs pa'o/ /sprul pa dag ni ma lus dang / /lhan cig skyes dang chos sku mchog /de dag gang phyir med las byung / /med pa rtag tu stong pa ste/ /ye shes 'byung ba nyid du bshad/ /sku bzhi po dag grangs med pa'i//de la gzhan yang sangs rgyas 'byung / /rang bzhin nyid ni sku dang ldan/ /nam mkha' zhes pa'i mtshan nyid ni/ /bzhi pa la ltos lnga pa yi/ /de yi rang bzhin sangs rgyas nyid/ /nam mkha' las byung rab brtags pa/ /mkha' ni lhan cig skyes par bshad/ /rnal 'byor pa dang rang las skyes//ye shes las byung ba yi tshig /ji ltar sems ni bzhi pa'i mtha'/ /yod dang med las rnam par 'das/ /rang rig pa yi sangs rgyas mchog /sgyu 'phrul zhes pa'i tshig nyid kyang / /bshad pa nang gi bdag nyid 'dod/ /rnal 'byor ma rnams sgyu 'phrul tshig /dra ba mchog tu bde ba'o//sangs rgyas rol pa zhes pa'i tshul/ /rnal 'byor rgyud dang rnal 'byor ma'o/ /thams cad lhan cig skyes pa tsam/ /bsam gtan bzhi yi nang las skye/ /thams cad thams cad ces pa ni/ /bcu drug phyed phyed thig le can/ /shes dang shes bya nyid du gsungs/ /rdo rje snying po rtse mo can//dga' ba zhes pa'i ming nyid ni/ /gsang ba'i gnas su skye ba ste/ /bcu drug tshig tu shes par bya/ /dang po sogs nas gang ba'i mthar/ /dang po reg pa'i dga' ba'o/ /de bzhin gzhan yang chags pa'i dga'/ /'dod pa'i dga' ba gsum po yang / / rus sbal dga' ba mchog tu 'dod/ /zla ba'i dga' ba de bzhin gshegs/ /keng rus dga' ba drug pa'o/ /bdun pa ru ni gsungs pa ni/ /sgra yi dga' ba ma lus pa'o/ /'jigs pa'i dga' ba brgyad par gsungs/ /de bzhin gzhan yang sna tshogs dga'/ /bcu pa bcu yi dga' ba'o/ / gzhan yang snying gi dga' ba'o/ /bcu gnyis pa ni nam mkha'i dga'/ /de dga' ba dang mchog tu dga'/ /bco lnga par ni gsungs pa ni/ /lhan cig skyes pa'i dga' bar 'dod/ /bcu drug pa yi mtshan nyid ni/ /dga' bral du ni bshad pa yin/ /de dag dga' chen bcu drug ni/ / zla ba lta bu'i dbus na'o/ /dkar po'i phyogs la yang dag bshad/ /gang ba gsum gyi bye brag gis/ /go rims ji bzhin bshad pa yang / /dga' ba gsum ste rtsa gsum pa'o/ /thams cad gzung bar ldan pa ni/ /go rims ji bzhin 'pho ba ste/ /shes rab de nyid khyab par ro/ / thabs ni bcu drug gsungs pa yang / /rtag tu stong pa nyid la bshad/ /dang po sogs nas gnam stong bar/ /gang phyir phyag 'tshal ba yi tshig /bcu drug pa yi ming can no/ /gnyis med rnal 'byor phun sum tshogs/ /dkar nag phyogs ni gnyis med 'dod/ /bdag nyid chen por gang spyod de//srid pa las ni rgal nas 'gro/ /lhan cig skyes pa gtsang ba yin/ /lhan cig skyes pa rtogs pa'ang yin/ /lhan cig skyes pa bla ma yin/ /mchod pa'i gnas kyang lhan cig skyes/ /slob ma lta bu mkhas pa'ang de/ /mchod pa po ni sgom pa dngos/ /gang phyir lhan skyes gnyis med ni//lhan skyes bya ba de yi mchog /lhan skyes bya ba ru yang bshad/ /ldang dang nyal la sogs pa'ang de/ /ji srid lhan skyes tsam nyid la/ /sems nyid ngal so spyod yul lo/ /de la bya dang byed pa yi/ /gnyis po dag las gnyis med 'byung / /de ni rtog med mtshan nyid de//rnal 'byor ma yi kha na las/ /de dag de rnams gsungs pa ni/ /bdag nyid 'ba' zhig dran pa'o/ /yang na dad pa can dag gi/ /rang gi slob ma brgyud pa las/ /mngon par dga' dang klags pa dang / /mnyan pa dang ni sgom pa dang / /gzhan dag la ni bstan pa ste/ /skal dang skal med rnam dpyad nas//de dag gsang ba'i 'khor lo yi/ /tshigs bcad dag la go rims bzhin/ /dgu pa dang ni bco lnga lnga/ /de bzhin du ni steng 'og gnyis/ /gcig pa nyid ni spyi gtsug dbus/ /kun bsdus sum cu rtsa gnyis mchog /nye bar bsdus pa las ye shes lnga'i bstod pa don bsdus pa rnam par rtog ge zhes bya ba ste dgu pa'o// //de bzhin gzhan yang phan yon ni/ /tshigs bcad lnga yi nang du ste/ /'di de rdo rje la sogs pa/ /bstod pa yi ni nang du gsungs/ /gzhan dag kyang ni rnyed bla ba/ /nye bar bsdus par ngas ma bshad/ /bla ma rdo rje 'dzin pa dang //sangs rgyas gzugs ni grangs med rnams/ /byang chub sems dpa'i tshogs mchog nyid/ /ma lus bdag la bzod par gsol/ /sgyu 'phrul dra sogs mdor bsdus nas/ /gleng gzhi mchog tu gsungs pa ste/ /bsod nams de yis 'jig rten pa/ /ji ltar de bzhin rol par smon//gnas ni phra ba pu ri ru/ /gzhan dag gis ni gsol btab nas/ /mtshon ma mchog dag mthong gyur pas/ /gnyis su med pa'i rdo rjes byas/ /nye bar bsdus pa las phan yon rtogs par sla ba rnam par rtog ge zhes bya ba ste bcu pa'o// //mtshan yang dag par brjod pa'i nye bar bsdus pa rnam par rtog ge zhes bya ba mkhas pa chen po nges par sbyangs pa dpal gnyis su med pa'i rdo rje zhes bya bas mdzad pa rdzogs so// //rgya gar gyi mkhan po chen po shrI badzra bo d+hi dang / zhu chen gyi lo tsA ba dpyal ser tsa bsod nams rgyal mtshan gyis bsgyur cing gtan la phab pa'o// //byang chub sems dpa'i rnam 'phrul gyis/ /gnas mchog smin lung gtsug lag khang / /rdzogs pa'i rim pa'i skal ldan mang / /de dag don du legs par bsgyur// //