CLOSE WINDOW

D2093
བོད་ཡིག

/gnyags dz+nyA nas bsgyur ba'o/ /[ ]@##/ /rgya gar skad du/ Ar+ya many+dzu shrI nA ma saM gI ti/ ar+tha A lo ka ra nA ma/ bod skad du/ 'phags pa 'jam dpal gyi mtshan yang dag par brjod pa'i don gsal bar byed pa zhes bya ba/ 'jam dpal ye shes sems dpa' la phyag 'tshal lo//mi g.yo 'gag med dag pa'i ngang / /rang byung ye shes 'od gsal ba/ /'jam dpal zhi ba'i ye shes sems/ /mi rtog gzugs sku rang byung ba'i/ /mgon po de la gus btud de/ /rgya cher rab zab dag pa'i rgyud/ /rin chen lta bu'i dgongs pa la//'gro ba thabs bsam mi khyab kyang / /bde gshegs ston pa'i byin rlabs gdams pa yis/ /nges don phyogs gcig bdag gis gsal bar dgrol/ /'jam dpal gyi mtshan yang dag par brjod pa 'di la spyi don rnam pa dgus bstan te/ le'u dang po zhus pa dang / zhus lan du phun sum tshogs pa lnga dang sbyar te bstan pa dang /le'u gnyis pa mi gnas pa'i ye shes chen po drug pa rdo rje 'chang gi don bstan pa dang / le'u gsum pa shes bya ngo bos stong pa chos kyi dbyings kyi don bstan pa dang / le'u bzhi pa gzhi 'gag pa med pa me long lta bu'i ye shes kyi don bstan pa dang /le'u lnga pa gzhi'i rtsal so sor dpyod pa so sor rtog pa'i ye shes kyi don bstan pa dang / le'u drug pa gzhi'i ngo bo skye 'gag med pa mnyam pa nyid kyi ye shes dang sbyar te bstan pa dang / le'u bdun pa shes bya thogs pa med pa bya ba grub pa'i ye shes kyi don bstan pa dang /le'u brgyad pa che ba brjod pa sngags kyi sgra dang bcas pa bstan pa dang / le'u dgu pa rjes su yi rang ba'i sgo nas bdag dang gzhan gyi don mthar phyin par bstan pa'o/ /de nas le'u dang po bshad de/ de nas zhes pa ston pa la sogs pa phun sum tshogs pa gnas so//'dis dus phun sum tshogs pa bstan pa'o/ /de nas dpal ldan rdo rje 'chang / /zhes pa zhu ba pos te de yang rtog pa bdag gi dpal dang / thugs rje gzhan gyi dpal lo/ /don gyi rdo rje chos kyi rgyud dang ldan zhing / yon tan gyi snang ba rgyu gnyis ngang gis gsal te mi 'bral ba'o//gdul dka' 'dul ba rnams kyi mchog /ces pa/ ston pa'i sprul pa gong ma'i phrin las te/ thabs ma 'gags pa'o/ /dpa' bo 'jig rten gsum las rgyal/ /zhes pa/ 'jig rten gsum gyi nyon mongs pa dang sdug bsngal 'joms shing / rang la de'i skyon gyis ma gos shing /'khrul snang gi ye shes su snang ba'o/ /de ltar 'khor ba 'joms nus pa ji lta zhe na/ rdo rje yin pa dang / dbang phyug yin pa dang / gsang ba'i bdag po yin pas gong ma las rgyal zhes pa'o/ /pad+ma dkar po rgyas 'dra'i spyan/ /zhes pa zhu ba pos don mdzad pa ni//gang la gang 'dul mkhyen te/ spyan lnga dang ldan pas don mdzad kyang skyon gyis ma gos te/ pad+ma lta bu'o/ /pad+ma rgyas pa'i gdan la bzhugs/ /zhes pa 'dis gnas phun sum tshogs pa ston to/ /bya rgod phung po'i ri la skyon med pa'i dgongs pa la gnas zhes bya'o/ /rang gi lag gi rdo rje mchog /ces pa/ don gyi rdo rje yod pa'i rtags su phyag mtshan rdo rje bsnams pa'o/ /yang dang yang du gsor byed pa/ /zhes pa ni khams gsum gyi nyon mongs pa dang / nyon mongs pa thams cad zil gyis gnon pa'o/ /khro gnyer rim par ldan la sogs/ /zhes pa da dang /tshul mthun pa 'khor phun sum tshogs pa'o/ /lag na rdo rje mtha' yas pa/ /zhes pa de'i 'khor rigs 'dzin pa sprul pa'i 'khor bgrang ba las 'das pa'o/ /dpa' bo gdul dka' 'dul ba po/ /zhes pa 'khor de rnams kyang ma rig pa dang log rtog 'joms nus pa'o//'jigs su rung ba'i dpa' byed can/ /zhes pa bdud dang srin po zil gyis gnon pa'i mdangs dang ldan pa'o/ /rdo rje zhes pa rig pa'o/ /rtse mo zhes pa ye shes so/ /'phro zhes pa ma 'gags pa'o/ /rang gi zhes pa rig pa'o/ /lag gi zhes pa yon tan gyi rtsal lo//gsor byed pa zhes pa thugs rjes 'gro don mdzad pa'o/ /snying rje che dang zhes pa mdzad pa dang bcas pa'i snying rje ma yin te/ mdzad pa med pa'i thugs rje chen po'o/ /de yang gang las 'byung zhe na/ shes rab dang zhes bya ste/ /phyogs lhung med pa'i shes rab bo/ /thabs kyis 'gro don byed pa'i mchog /ces pa bya brtsal mi mnga' ba'i ye shes lnga byung nas sku gnyis su gyur te/ 'gro ba'i don mdzad pa'o/ /de yang gzhan las dpag pa'i don bya brtsal las 'das pa'i sku dang ye shes mtshon pa'o/ /dga' mgu rangs pa'i bsam pa can/ /zhes pa nyon mongs pa mi mnga' bar dgyes pa'o//khro bo'i lus kyi gzugs ldan pa/ /zhes pa ni/ thabs ma 'gags pa'i skur de ltar yang snang ba'o/ /sangs rgyas phrin las byed pa'i mgon/ /zhes pa ste/ tshad med pa bzhi'am phrin las bzhis sems can skyob pa'o/ /lus btud rnams dang lhan cig pa/ /zhes pa//de'i 'khor dang bcas pa ston pa la bstod cing mos pa bskyed pa'o/ /de bzhin gshegs pa bcom ldan 'das/ /zhes pa dang / rdzogs sangs rgyas la phyag 'tshal nas/ /zhes pa ston pa la 'khor rnams kyis so/ /thal mo sbyar ba byas nas ni/ /zhes pa zhu ba po'i lus kyi 'dug tshul lo//spyan sngar 'dug ste 'di skad gsol/ /zhes pa ston pa'i drung du zhu ba po 'dug ste zhu ba dbul ba'o/ /ji skad 'bul zhe na/ khyab bdag ces pa ston pa po bdag la phan pa dang zhes zhu ba po la'o/ /bdag don zhes pa bdag la mi dgos kyang gzhan mos pa skyed pa'i ched du tshul bstan pa'o//bdag la thugs brtse'i phyir zhes pa ston pa de zhu ba po la byams thugs dang ldan pa'o/ /sgyu 'phrul zhes pa rig pa dang sems so/ /dra ba zhes pa gnyis su med pa'o/ /mngon zhes pa da ltar gsal ba'o/ /rdzogs zhes pa sku la che ba rdzogs pa'o//yang na rig pa la ye shes rdzogs pa'o/ /byang chub ces pa rig pa'i ye shes so/ /ci nas bdag thob mdzod ces pa ston pa'i thugs rje dang thabs kyis bdag gi don rang la yod pas de rtogs shing thob par mdzad du gsol zhes pa'o/ /nyon mongs pas ni sems dkrugs shing //mi shes 'dam du bying ba yi/ /sems can kun la sman pa dang / /bla med 'bras bu thob bya'i phyir/ /zhes pa 'gro drug dug lnga dug gsum gyis zin pa la ye shes kyi skyabs dam pa mdzad du gsol zhes pa ste/ gzhan don du zhus pa'o//gang la zhus she na/ rdzogs pa'i sangs rgyas bcom ldan 'das la'o/ /de'i phyir na/ /'gro ba'i bla ma ston pa po/ /zhes pa ci ste zhe na/ /dam tshig chen po de nyid mkhyen/ /dbang po bsam pa mkhyen mchog gi/ /zhes pa'o/ /de yang don spyod yin zhes pa'o/ /bcom ldan 'das kyi ye shes sku//gtsug tor chen po tshig gi bdag /ye shes sku ste rang 'byung ba/ /zhes pa ston pa'i sku bag chags kyi gdos pa can min te 'od kyi sku yin la/ sku de la nub pa dang 'gyur ba med de/ tshig gi tshogs thams cad kyi mnga' bdag go/ /ci'i phyir zhe na/ ye shes sku ste rang 'byung ba//zhes pa'o/ /de ni ston pa phun sum tshogs pa'i bdag nyid do/ /'jam zhes pa rig pa'o/ /dpal zhes pa rig 'dzin gyi sa'o/ /ye shes zhes pa longs sku'o/ /sems dpa'i zhes pa sprul pa'i sku'o/ /ming ni yang dag brjod pa'i mchog /ces pa de'i don mtshan tshig la brten te gcod cing mtshon pa'o//don zab ba zhes pa sgros 'dogs mi nus shing / skur pa gdab mi nus te/ gzhan gyi blos dpag par dka' bas so/ /don ni rgya che zhing zhes pa dang po'i gnas lugs/ bar du 'khrul lugs/ tha ma grol lugs la sogs pa ston pa'o//don chen mtshungs med rab zhi ba/ /zhes pa/ gzhi dag pa chos kyi sku la 'bras bu dag pa shes rab rig pa'i sku lngas brgyan pa de'i gong na gzhan med pa gzhan gyis 'gran zla med pa'o/ /thog ma bar dang mthar dge ba/ /zhes pa/ dus gsum du bzang por gnas pa'o//ci ste zhe na/ /'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba'i rdzogs sangs rgyas/ /yang dang yang du gsungs pa gang / /zhes pa'o/ /rgyud chen sgyu 'phrul dra ba las/ /zhes pa don gyi rgyud chen po rig pa'i ye shes gnyis su med pa las so//rdo rje 'chang chen gsang sngags 'chang / /zhes pa dpal rdo rje sems dpa' sku gsung thugs kyi bdag nyid don gzhan las khyad par 'phags pa gong bzhin rig pas skal ba dang ldan pas so/ /dpag med rnams kyis dga' bzhin du/ zhes pa sangs rgyas bsam gyis mi khyab pas gsungs so/ /glu blangs gang lags bshad du gsol/ /zhes zhus pa thugs las ni bkrol/ /mgur gyi bum par dril te/ ljags kyi dbang po la bkrom nas gsungs pa gang lags pa de ston pas bdag la gsungs zhes pa'o/ / mgon po rdzogs sangs rgyas kun gyi/ /gsang 'dzin ci nas bdag 'gyur phyir/ /zhes pa bshad pa'i dgos pa'o/ /de yang dus gsum bud+d+hA'i don gyi mtshan nyid sems la 'dzin te/ ci ste bdag kyang de ltar 'gyur ba'i phyir na'o/ /nges par 'byung gi bar du 'di zhes pa/ don ci tsam gsung gi bar du'o//bdag gis bsam pa brtan pos gzung / /zhes pa zhub pos gsungs pa'i don thugs la 'chang ba'o/ /nyon mongs ma lus bsal ba dang / /mi shes ma lus spang ba'i phyir/ /zhes pa gzhan gyi don gyi dgos pa'o/ /de'i phyir na/ bsam pa'i khyad par ji bzhin du//sems can rnams la bshad par 'tshal/ /zhes gsungs te/ 'gro ba'i blo dang mos pa'i khyad par dang sbyar nas don mdzad ces pa'o/ /gsang dbang lag na rdo rje yis/ /zhes pa zhu ba pos so/ /de bzhin gshegs la de skad du/ /zhes ston pa po la'o//gsol nas zhes pa dgongs skad do/ /thal mo sbyar ba byas te zhes pa zhu ba'i tshul gyis spyod pa'o/ /de nas zhes pa dgongs skad zhus nas so/ /bcom zhes pa bdud bzhi bcom pa'o/ /ldan zhes pa sku dang ye shes su'o/ /shA zhes pa ston pa rdo rje sems dpa'i sprul pa thub pa drug gdul bya so so la snang ba'o//kya zhes pa sprul sku re res don re re mdzad pa'o/ /thub ces pa thugs rjes 'gro ba'i ma rig pa dang lag rtog 'joms pa'o/ /rdzogs pa'i sangs rgyas rkang gnyis mchog /ces pa/ gong ma'i ston pa de 'khor rnams kyi nang na mchog tu gyur pa'o//nyid kyi zhal nas ljags bzang ba/ /zhes pa thugs las bkrol/ mgur gyi bum par dril/ ljags kyi pad+mar bkram/ tshems kyi bar nas bshar te don gsungs pa'o/ /de yang smra ba'i seng ger gyur pa'o/ /'jig rten gsum po snang byed cing //bdud bzhi'i dgra rnams sel byed pa/ /zhes pa gong ma'i dgos pa'o/ /sems can rnams kyi ngan song gsum/ /zhes pa sems can las kyi bye brag gis dmyal ba yi dwags kyi tshul dang byol song du snang ba'o/ /sbyong bar byed pa'i 'dzum bstan nas/ /zhes ston pa'i thugs rjes gong ma bzhin no//tshangs pa'i gsung ni snyan pa yis/ /zhes pa lha tshangs pa'i gsung lta bur 'gyur ba'i gsung blo rab 'bring la 'tsham pa cig gsungs pa'o/ /'jig rten gsum po kun bkang nas/ /zhes chos thams cad 'chad pa'i ston pa sprul pa'i skus gang ba'am/ yang na gsung de nyid mi'i gnas su bsgrags pas gzhan du yang de la mi che mi chung bar snang ba'o/ /lag na rdo rje stobs po che/ /zhes pa gang gdul dka' ba 'dul ba las gzhan ye shes kyi stobs kyis dug lnga 'joms pa'i thugs rje'i stobs kyis 'gro ba sgrol ba'i lhag pa'i mthu can no/ / gsang dbang la ni slar gsungs pa/ /zhes pa thun mong ma yin pa'i dgongs pa la mnga' mdzad cing dbang sgyur ba'o/ /de la ston pas zhus lan gsungs pa'o/ /snying rje che dang ldan gyur pas/ /zhes pa lag na rdo rje de la'o/ /'gro la phan pa'i don du khyod/ /ces zhu ba pos gzhan don du zhus pa'o//ye shes lus can 'jam dpal gyi'o/ /dgos pa ci yod ce na/ /ming brjod pas ni don che'o/ /don ji tsam du che zhe na/ dag par byed cing sdig sel ba/ /nga las nyan par brtson pa ni/ /zhes pa/ ston pa pos zhu ba po la'o/ /legs so dpal ldan rdo rje 'chang / /zhes pa rang don du mi dgos kyang gzhan don du mthar phyin pas so//lag na rdo rje khyod legs so/ /zhes pa khyod kyis zhus pa ma nor zhes pa'o/ /gsang ba'i bdag po de phyir ngas/ /zhes pa bstan pa'i dgongs pa thun mong ma yin pa mkhyen cing mnga' bas bdag por 'gyur ba'o/ / de'i phyir khyod la mi dgos kyang gzhan don du bstan zhes pa'o/ /khyod la legs par bstan par bya/ /zhes pa lag na rdo rje la shAkya thub kyis mtshan brjod bstan pa'o/ /dngos chos phun sum tshogs pa 'byung ba'o/ /khyod ni rtse gcig yid kyis nyon/ /zhes pa/ ston pa'i gsung la lag na rdo rje nyon cig pa ste ma yengs ma 'phros pa'o//bcom ldan de ni legs zhes gsol/ /zhes pa ston pas gsungs pa'i don la zhu ba pos 'khor dang bcas pa dgyes pa'o/ /de nas bcom ldan shAkya thub/ /ces pa ston pa'o/ /gsang sngags rigs chen thams cad dang / /zhes pa ston pa'i rigs 'dzin cing gsang sngags 'chang mos pa'i 'khor ro//gsang sngags rig sngags 'chang ba'i rigs/ /zhes pa gong ma'i 'khor gyi dbye ba'o/ /rigs gsum la ni rnam par gzigs/ /zhes pa ston pas 'khor gsum la gzigs nas don gsungs zhes pa'o/ / 'jig rten 'jig rten 'das pa'i rigs/ /zhes pa 'khor de dag kyang gnyis su 'dus te/ 'jig rten pa dang lha dang mi la sogs pa dang / 'jig rten las 'das pa phyag na rdo rje la sogs pa'o/ /'jig rten snang byed rigs chen dang / /zhes pa don byed nus pa'o/ /phyag rgya chen po'i rigs mchog dang //zhes pa/ de'i nang nas don mchog tu gyur pa'i dgongs pa bya brtsal dang bral ba la mos pa'o/ /rigs chen gtsug tor cher gzigs nas/ /zhes pa dang / 'khor gyi nang nas shes rab kyi snying stobs dang ldan par rig pa'i ye shes kyi don rtogs nus pa'o/ /'khor gyi nang nas dbu'i gtsug tor ltar gong du 'gyur ba'i dgongs pa nub pa med pa'o//de'i don du nges pa'i don du gsungs pa'o/ /ji ltar gsungs na/ tshig gi bdag por gyur pa'i ston pas tshigs su bcad pa'o/ /de yan chad du le'u dang po'i dgos pa bstan pa'o// //da ni le'u gnyis pa mi gnas pa'i ye shes chen po rdo rje 'chang gi don bstan te/gsang zhes pa/ rig pa dngos med kyi ye shes kun gyi thun mong ma yin pa'o/ /sngags zhes pa de las lhag pa med de/ don mchog tu gyur pa'o/ /rgyal po zhes pa/ rtogs ma rtogs kyi bye brag gam yon tan gyi snang ba 'khor 'das su shar la/de 'dus kyang de nyid du 'dus shing grol bas na thams cad kyi bdag po lta bu'o/ /ci'i phyir zhe na/ drug ldan zhing zhes 'byung ste/ gzhi de sku lnga ngo bo nyid kyi sku dang drug tu ldan/ rigs lnga a'i rigs dang drug tu ldan/ /yum lnga bdag tu med pa'i yum dang drug tu ldan/drug lnga khong khro dang drug tu ldan/ rigs drug dang ldan pa'o/ /gnyis su med par 'byung ba dang / /zhes pa de yang drug pa de rnams dngos su mtshan ma dang bcas par yod pa ma yin te/ yon tan gyi char yod ces bya'o/ /dngos su med pas skyon du mi 'gyur yon tan gyi char yod pas phyir snang nus te/mi skye chos can zhes 'byung ste/ rang 'byung gnyis med la yon tan 'gag med du gnas pa'o/ /de yang ji ltar gnas na chos nyid chos sku dbyer med pa'i ngang na rig pa'i rang gdangs 'byung ba lnga'i bum pa na shes rab rig pa'i sku lnga sa bon du smin la/'bras bur ma smin te/ stong pa ye shes kyi snying po can du gnas pa'o/ /'di gsungs pa zhe na/ de mtshon pa'i thabs sngags kyi sgra ji bzhin pa'o/ /a zhes pa dag pa skyon med de chos nyid yangs pa chen po'o/ /A zhes pa chos nyid de'i klong na chos sku ye nas gnas te/ rgyun gyis rtag pa'o/ /i zhes pa thugs rje chen po can/ I zhes pa thugs rje rgyun gyis rtag pa'o/ /u U zhes pa thugs rjes dang po'i rang sar gnyis su med par bsdus pa'o/ /e ai zhes pa mkhyen pa'i ye shes stobs dang ldan pa'o/ /o au zhes pa ngo bo skye med mi rtog kyang rtsal dpyod kyi ye shes mi 'gag par phyis 'char nus pa'o//aM aHzhes pa gzhi'i yon tan de ltar snang yang don skye med dag pa mnyam nyid du gnas zhes pa'o/ /s+thi to zhes pa rig pa 'gyur ba med pa la thugs rje thogs pa med pa 'byung ba'o/ /hr-i di zhes pa thugs rang 'byung gi ye shes mi 'gyur ba'o//dz+nyA na mUrti zhes pa thun mong gi ye shes mnyam pa'i thugs rje dang bcas pa mi 'gyur ba'o/ /ra haM zhes pa thugs rje 'gag med kun la snyoms pa'o/ /de bzhin du sgra'i don khong nas brda'o/ /bud+d+ho bud+d+hA nAn d+ya d+h+wa brti naM oM badzra tI k+Sh+Na/ duHkha ts+tshe da pradz+nyA dz+nyA na mUrta ye dz+nyA na kA ya bA gI shwa ra/a ra pa tsa na te na maH/ 'di ltar zhes pa gzhi'i yon tan las sku dang ye shes byung lugs ston pa'o/ /sangs rgyas bcom ldan 'das zhes pa rig pa'i ye shes rtog pa'i mtha' dang bral zhing / yon tan gyi snang ba phyogs med du 'byung ste/ rang gi ngo bo skyon gyi mtha' las grol ba'o//rdzogs pa'i sangs rgyas a las byung / /zhes pa gzhi skye ba med pa rang bzhin 'gag pa med pa las yon tan gyi snang ba ye shes su 'char te/ rig pa shes rab kyi sku lnga rin po che 'od 'bar ba'o/ /a ni yig 'bru kun gyi mchog /ces pa/ dper na a ni yig 'bru thams cad kyi ngo bo yin pa dang 'dra bar rig pa ye shes lnga dang 'byung ba las mchog tu 'gyur ba'o//don chen yi ge dam pa yin/ /zhes pa/ yi ge a lta bu'am de la brten pa'i tshig dang ming lta bu ma yin te/ rig pa chos kyi sku rang bzhin gyis rnam par dag pa/ rang 'byung dbyer med kyi don zhes pa'o//dper na yi ge a khong nas 'byung ste sgra gzhan gyi gnas lta bu yin pas sgra rang 'byung ngo / /rang byung yin pas skye ba med do/ /de bzhin du 'khor 'das kyi chos ni gzhi las 'byung la/ gzhi de la rgyu rkyen med par rang 'byung ba'o/ /de bas skye ba med do/ /tshig tu brjod pa spangs pa ste//zhes pa rig pa brjod pa las 'das pa'o/ /brjod pa kun gyi rgyu yi mchog /ces pa de'i yon tan nam rtsal du sgra dang tha snyad thams cad shar ba'o/ /thams cad kyi gzhi rtsa yin zhes pa'o/ /tshig kun rab tu gsal bar byed/ /ces pa mtshon bya don gyi gzhi mo de/ mtshon byed tshig gi sgron ma la brten nas mtshon cing brjod pas na tshig gsal bar ston pa'o//mchod pa chen po 'dod chags che/ /zhes pa 'di ni ye shes kyi mtshan nyid ston te/ sems can gyi 'dod chags rang rgyud las log ste/ de'i gnyen por rig pa'i shes rab dpyod byed ma 'gags pas so sor rtog pa'i ye shes so//sems can thams cad dga' bar byed/ /ces pa thugs rje chen pos rtsol ba bya mi dgos par 'dod chags ye shes su bstan pas gnyis su med de dga' ba'o/ /mchod pa chen po zhe sdang che/ /zhes pa 'gro ba'i nyon mongs pa sel te/ rig pa 'gag pa med de me long ye shes so//nyon mongs kun gyi dgra che ba/ /zhes pa nyon mongs pa mi gnas te ye shes ma 'gags pa yin pas so/ /mchod pa chen po gti mug che/ /zhes pa rig pa 'byed pa med pa'i shes rab ste/ chos kyi dbyings kyi ye shes so/ /gti mug blo ste zhes pa/mi rtog pa'i shes rab gcod pa'o/ /gti mug sel zhes pa mi gnas pa'o/ /mchod pa chen po khro ba che/ /zhes pa gnyis 'dzin dang bcas pa'i nyon mongs pa mi gnas te/ rang 'byung gi ye shes 'od du gsal ba'o/ /khro bo chen po dgra che ba/ /zhes pa ma rig pa'i khong khro 'joms pa'o//mchod pa chen po chags pa che/ /zhes pa zag pa med pa'i bde ba'o/ /chags pa thams cad sel bar byed/ /ces pa rtog bcas so/ /'dod pa chen po bde ba che/ /zhes pa rang gis rang gi sku dang ye shes rtogs par 'dod pa de rtogs pas bya brtsal las grol ba'o//yang na chags pa med pa'i bde ba'o/ /gnyis med kyi don la dgyes shing nyon mongs pa med pa'o/ /gzugs chen zhes pa ye shes kyi spyan lngas kun du khyab gdal ba'o/ /lus kyang che ba ste zhes pa rin po che'i lus nam mkha' lta bu'o/ /kha dog che zhing zhes pa gzugs yin te/de nyid kha dog rnam pa lnga dang ldan pa'o/ /lus bong che ba ni gzugs kyi rten nas rin po che'i dbugs so/ /che ba ni lus dang gzugs can las grol ba'o/ /ming yang che zhing zhes pa de'i mtshan no/ /rgya che zhes pa 'dogs shing brjod pa'i lugs mang ba'o/ /dkyil 'khor chen po yangs pa yin//zhes pa rig pa'i ye shes dbyings rnam par dag pa'i ngang nas 'gag pa med par ngang gis gnas so/ /shes rab mtshon chen 'chang ba ste/ /zhes pa rtsal dpyod nus pas rang rig rang gsal du rtogs pa'o/ /nyon mongs lcags kyu che ba'i mchog / ces pa gong mas nyon mongs pa ye shes su sgrol zhing gsal ba'o/ /grags chen zhes pa stobs cir yang snang zhing grags pa'o/ /snyan grags chen po ste zhes pa ma byas par mthun par snang ba'o/ /snang ba chen po gsal ba che/ /zhes pa chos nyid rang snang gsal ba ma 'gags pa/ yangs/ khyab/ dag /gsal/ mi 'gyur ba/ ston pa/ chos nyid mtshan nyid drug ldan no/ /mkhas pa sgyu 'phrul chen po 'chang / /zhes pa rig pa dang ye shes don gnyis su med de/ dbyings kyi ngang du 'du 'bral med pa'o/ /sgyu 'phrul chen po zhes pa bzhi'o/ /don grub ces pa ji bzhin rang gis rang gi don rtogs pa'o//sgyu 'phrul chen po dga' bas dga'/ /zhes pa/ rang la gnas pa'i thig le chen po rtogs pa'i don nyams su myong ba ste/ mngon du 'gyur bas na'o/ /sgyu 'phrul chen po mig 'phrul can/ /zhes pa shes rab zab mo nyid thabs kyi bye brag ma 'gags pa cir yang snang ba'o//sbyin bdag chen po gtso bo ste/ /zhes pa thams cad de las 'byung zhing snang ba'o/ /tshul khrims chen po 'chad pa'i mchog /ces pa bsrung mtshams med pas mi nyams pa'o/ /bzod chen 'chang ba brtan pa po/ /zhes pa dgongs pa nyag gcig la nyon mongs pa skye ba'i yul med de mi rtog pa'o//brtson 'grus chen po brtul ba yin/ /zhes pa ye nas byas zin pa'i chos la da sdod byar med pa'o/ /bsam gtan chen po'i ting 'dzin gnas/ /zhes pa rig pa rang gi ngo bo mi g.yo ba'i dgongs pa phun chen po gcig go/ /shes rab chen po'i lus 'chad pa//zhes pa phyogs lhung med pa'i shes rab rig pa rkyang par byung ba/ ye shes gzugs kyi sku gnyis kyi rten rin po che'i sbubs so/ /stobs po che la zhes pa 'khor 'das thams cad snang nus pa'o/ /thabs zhes pa bya brtsal mi mnga' bar grol nus pa'o/ /smon lam zhes pa gzhan la smon du med de/sku dang ye shes chen po'i yon tan thams cad rang la rdzogs pa'o/ /ye shes zhes pa gzhi gnas kyi ye shes chos kyi sku la mtshan nyid 'dzin pa'i ye shes 'od lngar rang chas so/ /rgya mtsho zhes pa de'i bzhugs gnas dbyings kyi thig le'o/ / byams chen zhes pa byin rlabs kyi sku gnyis 'byung ste 'gro la phan 'dogs pa'o/ /rang bzhin zhes pa rig pa snang ba ye shes dang sku mi 'dra ba'i bye brag tu snang ba'o/ /dpag tu med ces pa yon tan stobs la tshad gzung du med pa'o/ /snying rje chen po blo yi mchog /ces pa thugs rje 'gag pa med pa'o//shes rab chen po shes pa gzhi'i dgongs pa'o/ /blo cher ldan zhes pa rtsal lo/ /de yang ston pa de dang ldan pa'o/ /mkhas pa chen po thabs che ba/ /zhes pa shes rab rig pa'i sku'o/ /de yang bya brtsal mi mnga' ba'o/ /rdzu 'phrul chen po stobs dang ldan//zhes pa shes rab rig pa'i sku las nyid las mi zhan pa'i 'khor 'byin cing / de las tshom bu lnga sprul pa dang / yang sprul la sogs pa thogs pa med par 'byung nus pa'o/ /shugs chen zhes pa rig pa'i yon tan no/ /mgyogs pa ni skad cig ma la bskyod pa'o//chen po ste zhes pa rtsol ba dang bcas pas bgrod du med pa'o/ /de yang / /rdzu 'phrul chen po cher grags pa/ /zhes pa thabs ma 'gags pa'o/ /stobs chen pha rol gnon pa po/ /zhes pa skad cig ma gcig la 'khrul snang ye shes su bsgyur ba'o/ /sprul sku'i sa nas longs skur grol nus la de las mya ngan las 'das pa'i sa non pa'o//dngos gang zhe na/ /srid pa'i ri bo chen po 'joms/ /zhes bya ste/ srid pa'i ri bo chen po rtogs pas skad cig ma la grol ba'o/ /mkhregs shing rdo rje chen po 'chang / /zhes pa chos nyid 'gyur ba med pa'i ngang nas mi 'bral bar gnas pa'o//drag po chen po zhes pa gzhi'o/ /drag shul che/ /zhes pa 'khor ba'i chos can mtshan ma 'joms pa'o/ /'jigs chen 'jigs par byed pa'i mchog /ces pa sprul pa'i sku thub pa drug gis 'jig rten drug gi gdug pa can 'dul zhing gzung 'dzin 'joms pa'o//mgon po zhes pa rdo rje sems dpa'o/ /rigs mchog chen po ste zhes pa sprul ba'i sku drug ston pa'i rigs 'dzin pa'o/ /mchog ni 'dul byed kyi thabs de las lhag pa med do/ /yang na mthun pa'i sems can las snang ba'o/ /bla ma gsang sngags che ba'i mchog /ces pa gong ma'i sku drug po de 'gro ba drug gi don du chos 'chad de/ /de yang nges pa'i don gtso cher sngags 'chad par 'gyur ba'o/ /des na 'gro ba'i bla ma'o/ /theg pa chen po'i tshul la gnas/ /zhes pa bya brtsal bar sku dang ye shes kyi don la gnas pa'o/ / theg pa chen po'i tshul gyi mchog /ces pa theg pa chen po'i nang na mchog tu gyur pa'o/ /de yan chad du le'u gnyis pa'i don bshad pa'o// //da ni gzhi'i ngo bo stong pa nyid kyi don 'chad de/ /sangs rgyas rnam par snang mdzad che/ /zhes pa shes bya ngo bos stong pa nyid chos kyi dbyings kyi ye shes te/de'i mtshan nyid 'dzin pa'i 'od mthing ga'o/ /de'i don gyi sku rnam par snang mdzad rig pa'i sku lnga zhal phyogs bcur gzigs pa gcig tu shar te/ de'i snang ba longs sku'i dkyil 'khor gsal ba nas de longs sku'i gtso bor gyur pa'o/ /thub pa chen po thub chen ldan/ /zhes pa 'khor gyi sprul pa'i sku drug gis don byed nus pa'i thugs rje'o//gsang sngags tshul chen las byung ba/ /zhes pa don gong ma de sngags kyi tshul yin gzhan gyis rtogs par dka' zhes pa'o/ /gsang sngags tshul chen bdag nyid can/ /zhes pa gsang sngags don gyi ngo bo'i bdag por gyur pa'o//pha rol phyin bcu thob pa ste/ /zhes pa rtsol ba dang bcas pa'i pha rol tu phyin pa ni ma yin te/ 'o na gang zhe na/ khams gsum gyi chos la mi gnas pa dang / 'jug sgo med pa dang / brjod pa med pa dang / 'gran zla med pa dang / g.yo ba med pa dang / shes rab chen po yang yin pa dang /bya brtsal mi mnga' ba dang / skad cig mal 'char bskyod nus pa dang / yon tan thams cad rang la rdzogs pa dang / ye nas ye shes chen po'i don la 'du 'bral med pas 'thob cing gnas pa'o/ /pha rol phyin pa bcu la gnas/ /zhes bya'o/ /pha rol phyin bcu dag pa ste//zhes pa 'og ma pa'i pha rol tu phyin pa bcu re dogs dang rtsol ba dang bcas pa de mi gnas pa'o/ /pha rol phyin pa bcu yi tshul/ /zhes pa don gyi gnas lugs kyi yon tan de ltar snang ba'o/ /mgon po zhes pa sprul pa'i sku rnams so/ /sa bcu'i dbang phyug ni sangs rgyas kyis nas thugs rje ye shes shar te/'gro ba'i don du byang chub sems dpa'i sa la gnas pa don gzhan la sems pa'i sems dpa'o/ /dbang phyug ces pa thams cad kyi mnga' bdag go/ /sa bcu la ni gnas pa po/ /zhes pa sprul pa'i sku bag chags kyi lus can de ji ltar gnas na/rtogs pa rgyud la skyes pa'i dus na mos pa spyod pa'i sa pa yin no/ /bla mas ji bzhin pa rnam pa bzhi'o/ /ngo sprod bzhi dang bcas pas bsdoms pa bsgrags pa'i tshe sku dang ye shes rang bcas gnas pa de mthong bas rab tu dga' ba'o/ /gdeng dang ldan pas the tshom med de dri ma med pa'o//sems dang ye shes phyed de sems rig dbang du 'dus pas mtshan ma zil gyis gnon nas de bzhin la ston pa rag ma lus tsam na 'od gsal ba'o/ /gzhan don mthar phyin pa ni 'od 'phro ba'o/ /de yang ma rtogs pa dug lnga dug gsum sbyang dka' yang rtogs pa khyad par can rgyud la skyes pa ni dug lnga dug gsum ye shes lngar grol ba'o//de ni sbyang dka' ba'o/ /drug pa mngon du gyur pa ni sbubs gsum dang sku gsum gyi don ji lta ba bzhin du shes pa'o/ /bdun pa ring du song ba ni zag bcas kyi 'bras bu can las grol ba'o/ /brgyad pa mi g.yo ba ni 'byung ba dngas snyigs phyed pa'o//dgu pa legs pa'i blo gros ni dgos pa rang las 'byung ba'o/ /bcu pa chos kyi sprin zhes pa chos la dbang thob pa'o/ /sa ni gcig ste de man chad shes pa'i nyams la brtsis pa'o/ /bcu gcig yan chad de'i snang ba'i rtsal lo/ /don de la gnas pa ni/sa bcu la ni gnas pa po/ /zhes bya'o/ /shes bcu ni sa bcu dang pha rol tu phyin pa bcu dang gong bzhin shes pa'o/ /rnam dag ni de rnams kyi mtshan ma la mi gnas pa'o/ /bdag nyid chen po zhes pa ni/ rig pa thams cad kyi mnga' bdag tu 'dug pa'o/ /shes bcu'i rnam dag 'chang ba po ni don gyi ngo bo dang mi 'bral zhes pa ste/sa dang pha rol tu phyin pa nges pa'i don du bstan pa gong ma'o/ /rnam pa bcu po don bcu'i don/ /zhes pa 'byung ba'i dngas ma lnga dang / snyigs ma lnga'i don rig pa'i mtshan nyid dang ye shes kyi rang gdangs dang lnga lnga snang ba'i don to//thub ces pa drug ste sprul pa'i sku'o/ /dbang zhes pa zhing drug la so sor mnga' mdzad pa'o/ /stobs bcu zhes pa shes rab kyi stobs lnga yab yum du snang ba'o/ /khyab ces pa chos skus so/ /bdag ces pa rig pa'i ye shes sku gsum du snang ba'o/ /kun gyi don ni ma lus byed//ces pa sprul pa'i sku drug gis so/ /rnam bcu dbang ldan che ba'i mchog /ces pa rigs lnga yab yum bcu'i dbang rig pa'i sku lnga la yod la/ de'i dbang dang rig pa ldan te de'i gong na gzhan med pas so/ /thog ma med pa zhes pa chos nyid dang ye shes la dus med de ye nas gnas pa'o//spros med bdag ces pa gzhi la spros pa'i chos mi gnas pa'o/ /'o na ji ltar gnas she na/ /de bzhin nyid dag dag pa'i bdag /ces pa 'dis ston te/ chos kyi sku phyi nang med pa'i ye shes zhi ba ngo bos stong pa dang / ye shes 'gag pa med par gsal ba'i bum pa lnga dang rig pa shes rab kyi sku lnga ma 'dres par yongs su rdzogs par gnas so//ma rig pa dang log rtog dang gis bcom nas bdag med pa'i bdag nyid chen po lhun gyis grub pa'o/ /bden par smra zhing tshig mi 'gyur/ /zhes pa ston pa la nyes pa zad pas brdzun mi smra ste/ rgyu med pas so//'gag ma nor bar gsal zhing gsungs pa'i don mi 'gyur ba'o/ /ji skad smras pa de bzhin byed/ /ces pa gsungs pa'i don dang mthun par spyod pa'o/ /ji skad gsungs she na/ gnyis med gnyis su med par ston pa ste/ de yang gnyis pa ni bzhi'o/ /gnyis su med par ston pa'o/ / yang dag mtha' la rnam par gnas/ /zhes pa rin po che'i sbubs na sku gnyis nang gsal du gnas pa'o/ /bdag med ces pa rin po che'i sku la bag chags kyi bdag med pa'o/ /seng ge'i sgra dang ldan zhes pa de ltar ma rtogs pa'i log lta can zil gyis gnon pa'o/ /log lta can gang zhe na//mu stegs ri dwags ngan 'jigs byed/ /ces pa ste/ mu stegs ni rtag chad gnyis so/ /ri dwags ni nyan thos la sogs pa'o/ /'jigs pa ni don gong ma la'o/ /kun du 'gro ba don yod stobs/ /zhes pa/ /chos kyi dbyings kyi ye shes te/ /shar yang de nyid du shar la/ grol yang de nyid du grol ba'o//de yang don ni rig pa'o/ /yod pa ni rig pa las yon tan du snang ba'o/ /stobs zhes pa nang ka de nges 'byung ba'o/ /de bzhin gshegs pa'i yid ltar mgyogs pa ni ma 'gags pa'i shes rab dbugs med pa'i rgyu ba dang ngo / /rgyal ba zhes pa longs sku'o//rnam rgyal zhes pa tshom bu'o/ /dgra las rgyal zhes pa dug lnga dug gsum la sogs pa mi mnga' ba ste/ 'khor ba las grol ba'o/ /'khor los sgyur ba zhes pa yi ge drug pa'i ngo bo'o/ /stobs po che zhes pa sprul pa'i sku drug skyes nas 'gro drug gi nyon mongs ba las grol zhing mtshan ma zil gyis gnon pa'o//tshogs kyi slob dpon tshogs kyi bdag /ces pa 'gro drug gi slob dpon thub pa drug /thub pa drug ni rigs drug gi nang na mchog tu gnas pa'o/ /tshogs rje zhes pa ni rig pa'o/ /tshogs bdag ni 'khor 'das kyi gtso bo ste rig pa dang ye shes so//dbang dang ldan pa ni de las chos thams cad spros shing sdud pa ste/ mthu chen gces par 'dzin pa ste zhes pa rig pa dngos med kyi ye shes gdos pa can gyi chos yin te/ yon tan gyi sgo yangs pa thams cad kyi mnga' bdag tu gyur pa'o/ /tshul chen gzhan gyi dring mi 'jog /ces pa/ rig pa rang 'byung gi ye shes rgyu rkyen gzhan la rag ma lus pa'o/ /tshig rje tshig bdag smra mkhas pa/ /zhes pa chos thams cad kyi bdag po tshig thams cad kyi 'byung gnas rig pa yin pas de'i don ma nor bar gsung ba la smra mkhas pa zhes bya'o/ /tshig la dbang ba ni 'khor gyi bye brag dang sbyar nas chos ston pa'o//tshig mtha' yas pa ni theg pa sna tshogs so/ /tshig bden par smra ba ni ston pa'o/ /bden pa bzhi ni ston pa po/ /zhes pa chos sku longs sku sprul sku dang thugs rje 'od zer gyi sku dang bzhi'o/ /de bzhin mi slu ba'i brdzun te nges pa'o//phyir mi ldog pa phyir mi 'ong / /zhes pa dang po gzhi'i dus na sa bon bzhi rdzogs su bzhugs pa las spyi brtsal gyi dus su 'bras bu skur smin te/ phyis 'bras bu rgyur mi ldog pa'o/ /'dren pa rang rgyal bse ru'i tshul/ /zhes pa thugs rje dang thabs ma 'gags pa sna tshogs su bstan pa yang don thig le nyag gcig go//nges 'byung sna tshogs las byung ba/ /zhes pa rig pa las ye shes shar te/ rtogs ma rtogs kyis sna tshogs su snang ba'o/ /'byung ba chen po rgyu gcig po/ /zhes pa ye shes kyi 'byung ba lnga rig pa'i yon tan las shar ba'o/ /dge slong dgra bcom zag pa zad//ces pa rnam par mi rtog pa'i ye shes rang bzhin gyis dag pa'o/ /'dod chags bral bas dbang po thul/ /zhes pa sems can gyi nyon mongs pa mi mnga' ba ste/ rdo rje dang pad+ma mi gnas pa'o/ /bde ba rnyed pas 'jigs med thob/ /ces pa chos sku bya brtsal las 'das pa rang chas su rtogs pas 'khor ba la nyam ming ba'o//bsil bar gyur pas rnyog pa med/ /ces pa sku gsum rnam par dag pa'o/ /rig pa dang ni rkang par ldan/ /zhes pa rang snang rtogs shing thabs ma 'gags pas skad cig ma la grol nus pa'o/ /bde gshegs 'jig rten rig pa'i mchog /ces pa lus bar pa nas chos kyi spyan nam mkha' las nyi ma shar ba lta bur gyur pa'o/ /bdag gir mi 'dzin dar mi 'dzin/ /zhes pa gong bzhin rnam pa thams cad mkhyen yang gnyis 'dzin med de dbugs can min pas so/ /bden pa gnyis kyi tshul la gnas//zhes pa yar chos sku rin po che'i spugs bden/ mar sprul sku bag chags kyi sbugs bden te/ gnyis snang yod la gnyis 'dzin med pa'o/ /dngos longs sku'o/ /'khor ba'i pha rol mthar son pa/ /zhes pa mya ngan las 'das pa'o/ /bya ba byas pa skam sar gnas//zhes pa lus bar pa nas sangs rgyas kyi mdzad pa mdzad de/ de nas mya ngan las 'das pa'o/ /ye shes 'ba' zhig las byung ba/ /zhes pa 'khor 'das thams cad ye shes kyi rtsal lo/ /shes rab mtshon chas rnam 'joms pa/ /zhes pa shes rab can gyis de ltar rtogs pa'i dus na/'khor 'das gnyis sam gzung 'dzin gnyis mi gnas pa'o/ /dam chos chos rgyal gsal bar ldan/ /zhes pa sprul pa'i sku drug go/ /yang na gzhi la 'khor 'das kyi tshogs gnyis yon tan du snang ba'o/ /'jig rten snang bar byed pa'i mchog /ces pa rtsal 'jig rten du snang ba'am 'jig rten gyi 'gro ba la sku dang ye shes snang bar byed pa'i mchog go//chos kyi dbang phyug chos kyi rgyal/ /zhes pa sangs rgyas kyi sprul pas chos la dbang thob ste mnga' mdzad pa'o/ /legs pa'i lam ni ston pa po/ /zhes pa sprul skus 'gro ba la dbang po rab 'bring tha mal grol thabs bstan pa'o//don grub bsam pa grub pa ste/ /zhes pa sprul pa'i skus sems can gyi don grub pa ste/ ma nu'i sems la sogs pa shes pas bsam pa sgrub nus pa'o/ /kun du rtog pa thams cad spangs/ /zhes pa thugs kyi dgongs pa mi g.yo ba'o/ /rnam par mi rtog dbyings mi zad//ces pa dbyings mi g.yo mi 'gyur bas na'o/ /chos dbyings dam pa zad mi shes/ /zhes pa de'i nang nas yon tan 'byung ba rin po che'i sku las/ snang grags thams cad shar yang chos nyid la skye ba dang 'gag pa med pa'o/ /bsod nams ldan pa bsod nams tshogs//zhes pa gzhi chos kyi sku la mkhas pa tshogs gnyis rdzogs te/ yon tan gyi rtsal 'byung ba lnga ye shes su gsal zhing de ltar grub pa ni ye shes kyi tshogs/ ye shes bsod nams kyi tshogs so/ /ye shes ye shes khyad par che/ /zhes pa zhi gnas kyi ye shes dang mtshan nyid 'dzin pa'i ye shes kyi khyad par bstan pa'o//de yang zhi gnas las mtshan nyid 'dzin par shar la/ de las de byung ba'o/ /de las de 'phags pa'o/ /ye shes ldan pa yod med shes/ /zhes pa yon tan gyi snang ba gzhil grub tshul brtsi ba'o/ /tshogs gnyis tshogs ni bsags pa po/ / zhes pa chos sku dang gzugs sku gnyis 'du 'bral med par rtogs pa'o/ /rtog pa kun rgyal rnal 'byor can/ /zhes pa 'gyur ba med pa'i dgongs pa'o/ /bsam gtan bsam bya blo ldan mchog /ces pa/ bsgom bya sku dang ye shes sgom byed rig pa'i rgyal po gnyis kyi 'brel so brtsis pa'o//so so rang rig mi g.yo ba/ /zhes pa rig pa'i rtsal so sor rdzogs pa'i dus na/ so sor rig ste grol ba'i dus na yang rin chen sbubs na dgongs pa so sor gnas pa'o/ /de shes pa gnas 'gyur gyi ye shes med de/ rig pa zang thal yin pas na'o/ /mchog gi dang po sku gsum 'chang //zhes pa rin po che'i sbubs la sku gsum nang na gsal lo/ /sangs rgyas sku lnga'i bdag nyid can/ /zhes pa chos kyi sku'i sprul sku'o/ /khyab bdag ye shes lnga yi bdag /ces pa longs sku'i lus so/ /de yang yum lnga'i nang nas so/ /sangs rgyas mnga' bdag cod pan can//zhes pa gzhi la grub ste/ lha don gyi ngo bo la snang tsam na/ he ru ka lnga dbu rgyan du gnas pa'o/ /'gro ba 'dul ba'i skabs na/ he ru ka'i dbu rgyan rigs lnga'o/ /spyan lnga chags pa med pa 'chang / /zhes pa longs sku spyan lnga dang ldan te mi gnas pa'o/ /sangs rgyas thams cad skyed pa po//zhes pa rig pa las rnam snang la sogs pa shar te de dag la sogs pa thams cad rig pa las 'byung zhes pa'o/ /sangs rgyas sras po dam pa'i mchog /ces pa gzugs sku'i sangs rgyas thams cad chos sku'i sras te/ dbyer mi phyed pa'o/ /de las gzhan pa mi gnas so//shes pas srid 'byung skye gnas med/ /ces pa gong ma'i don rtogs pas srid pa gsum dang skye ba bzhi'i rgyu ma rig pa med pa'o/ /chos las 'byung ba srid pa sel/ /zhes pa mtshan ma phra rags rtog pa rtsing zhib las snang ba'o/ /srid pa rtogs pas mi gnas pa'o/ /gcig pu sra mkhregs rdo rje'i bdag /ces pa chos las grol nas chos 'gyur ba med pa'i gdan la sku zang thal chen po'i ngang na rin po che 'od 'bar lnga'i rang bzhin rig pa'i bdag nyid chen por gnas te phyis 'gyur mi srid do/ /skyes ma thag par 'gro ba'i bdag /ces pa/ shes rab ye shes me bo che//zhes pa phyogs lhung med pa'i shes rab las rtsal ye shes kyi me chen po lngar gsal ba'o/ /skye ma thag pa'i 'gro ba 'di yin thams cad rang snang yin zhing rang shar bas slar yang grol ba'o/ /nam mkha' las byung rang byung ba/ /zhes pa rig pa nam mkha' lta bu las ye shes kyi snang ba lnga chos nyid nam mkha' lta bu la shar ba'o//shes rab ye shes gong du bshad/ /'od chen rnam par snang bar byed/ /ces pa ye shes kyi me de ye nas rang 'byung yin la/ kha dog kyang mthing ga la sogs pa lngar gsal zhing de'i snang ba la rtogs ma rtogs kyis 'khor 'das su shar ba'o/ / ye shes snang ba lam me ba/ /zhes pa ye shes lnga'i snang ba ma 'gags pa'o/ /'gro ba'i mar me ye shes sgron/ /zhes pa/ gong ma'i ye shes kyi snang ba de/ 'gro ba'i rtags kyi ye shes kho na yin zhes pa'o/ /phyogs gcig ni sprul pa'i sku drug gis 'gro ba'i don byed pa la zer ro/ /gzi brjid chen po 'od gsal ba//zhes pa rig pa'i ye shes kyis 'khor 'das zil gyis gnon cing ngo bo ma 'gags pa'o/ /sngags mchog mnga' bdag rig sngags rgyal/ /zhes pa sngags kyi nang nas kyang gzhan las lhag pa'i don to/ /rang gi snang ba ma 'gags cir yang snang bas/rig pa ni thams cad kyi bdag po ste mnga' mdzad pa'o/ /gsang sngags rgyal po don chen byed/ /ces pa rig pa'i ye shes de yon tan gyi snang ba ma 'gags pa'o/ /gtsug tor chen po rmad byung gtsug /ces pa rig pa'i ye shes thams cad kyi bdag po nub pa med pa rgyal mtshan gyi rtse mo lta bu'o//nam mkha'i bdag po sna tshogs ston/ /zhes pa rig pa'i ye shes kyi stobs ma 'gags pa'o/ /sangs rgyas kun gyi sku yi mchog /ces pa gzugs thams cad kyi sku ni ye shes kyi phung po lnga yin la/ de'i sku rin po che'i sku'o/ /'gro kun dga' ba'i mig dang ldan//zhes pa ye shes kyi spyan ma 'gags pa chos kyi spyan du shar la/ chos kyi spyan ma 'gags pa shes rab kyi spyan du shar nas/ 'gro ba'i gcod byed ma 'gags pa'o/ /sna tshogs gzugs can skyed pa po/ /zhes pa rig pa'i rtsal ye shes kyi sku rin po che 'od 'bar ba ltar snang la de'i snang ba ma rtogs pa 'gro drug gi lus du mar snang ba/drang srong che dgus mchod cing brjod/ /ces pa dus gsum gyi sangs rgyas kyis de'i don gyi tshe ba dang yon tan ji ltar snang ba ltar gsungs pa'o/ /rigs gsum 'chang ba gsang sngags 'chang / / zhes pa sku bzhi sku gsum sku gsung thugs dang ldan pa'o/ /de yang mtshan ma'i yi ge gsum mo/ /dam tshig chen po gsang sngags 'dzin/ /zhes pa rig pa'i ye shes gsang sngags thams cad kyi rtsa bar gyur pa'o/ /de yang sku dang ye shes las mi 'da' zhing / de'i gsang sngags oM AH hUM lta bu'o//gtso bo dkon mchog gsum 'dzin pa/ /zhes pa gtso bo sangs rgyas dkon mchog dang / chos dkon mchog dang / dge 'dun dkon mchog lta bur lta ba'o/ /theg pa mchog gsum ston pa po/ /zhes pa gtso bo des 'khor rnams la'o/ /don yod zhags pa rnam par rgyal//zhes pa thugs rjes 'gro don mdzad cing rang mtshan ma'i chos las grol ba'o/ /'dzin pa chen po rdo rje zhags/ /zhes pa chos sku dang gzugs sku gnyis ma bzung ba ste/ 'du 'bral med pa'i dgongs pa'o/ /rdo rje lcags kyu zhags pa che/ /zhes pa thugs rje 'gyur ba med pas zhing dag pa nges pa'i sa la 'dzin cing thugs rjes chos nyid kyi don la sbyor ba'o//de yan chad du le'u gsum pa'o// //shes bya ngo bos stong pa chos kyi dbyings kyi ye shes kyi don bstan pa'o/ /da ni le'u bzhi pa gzhi 'gag pa med pa'i me long ye shes kyi don bstan pa'o//rdo rje 'jigs byed 'jigs par byed/ /ces pa chos kyi sku rdo rje lta bu ni dang po rgyu med pa/ tha ma rkyen med de mi 'gyur ba nam mkha' lta bur gnas te mtshan ma zil gyis gnon te gzung 'dzin gyi rtog pa 'joms pa'o/ /khro bo'i rgyal po gdong drug 'jigs/ /zhes pa gzugs kyi sku khro bo ltar bcos pa ni min te chos kyi sku ngang gis khro bas gzung 'dzin 'joms pa'o//de yang zhal phyogs drug gam bcur zang thal bar gzigs pas phyogs drug dang bcu'i mtshan mar mi gnas te/ yum gyi b+ha ga la bde ba klong gcig tu 'khyil zhing zang thal ba'o/ / mig drug lag drug stobs dang ldan/ /zhes pa phyogs drug zang thal du gsal zhing / ye shes lnga mi gnas pa'i ye shes dang drug ma 'gags pa'o/ /keng rus mche ba gtsigs pa po/ /zhes pa rig pa 'gag pa med pa'i ye shes kyis ma rig pa dang log rtog gzung 'dzin la sogs pa ngang gis bcom zhing 'tshal ba'o//ha la ha la zhes pa mtshan ma tshogs nas nus pas 'joms pa lta bu ni ma yin te/ rig pa'i stobs kyis 'joms pa'o/ /gdong brgya pa zhes pa rig pa'i ye shes kyi yon tan cir yang snang ba'o/ /gshin rje gshed po bgegs kyi rgyal//zhes pa chos kyi sku rig pa dngos med kyi ye shes kyis 'khor ba'i chos bcom ste/ ma rig pa ka nas dag /gzung 'dzin ka nas dag /thams cad la mnga' mdzad pa'o/ /de ci'i phyir zhe na/ rdo rje shugs 'chang 'jigs byed pa/ /zhes pa 'byung ste chos sku dang ngam shugs kyis mtshan ma dang bral ba'o//rdo rje grags pa rdo rje'i snying / /zhes pa chos sku 'gag pa med pa'i me long lta bur gnas pas 'khor 'das su snang zhing grags pa ste/ don rdo rje lta bu'i tshes sku 'gyur ba med par gnas pa'o/ /sgyu 'phrul chen po gsus po che//zhes pa thabs 'gag pa med pa'i ye shes dang / shes rab 'gyur ba med pa'i chos nyid gnyis dbyer mi phyed de/ thams cad yon tan du gzhi la byung yang de las byung ste/ thim yang de la thim pa'o/ /thams cad kyi 'byung gnas so/ /rdo rje las skyes rdo rje'i bdag / ces pa sku gnyis chos sku las byung zhing chos sku dang dbyer med pa'o/ /rdo rje snying po mkha' 'dra ba/ /zhes pa 'gyur ba med pa'i snying po 'gag pa med par gsal te dpe nam mkha' ltar gnas pa'o/ /mi g.yo ral pa gcig gis bsgyings/ /zhes pa chos nyid 'gyur ba med pa las/ ye shes 'gag pa med par gsal te/cir snang cir gsal yang don thig le nyag gcig tu gnas pa'o/ /glang chen ko rlon gos su gyon/ /zhes pa chos nyid 'gyur ba med pa'i ngang la gnas pa'o/ /grags chen ha ha zhes sgrogs pa/ /zhes pa rang byung gi ye shes la gsung 'gag pa med pa'o//hi hi zhes sgrogs 'jigs par byed/ /ces pa 'gag pa med pa'i thugs rjes mtshan ma zil gyis gnon pa'o/ /gad mo chen po gad rgyangs can/ /zhes pa 'jig rten pa'i gad mo ni ma yin te/ chos nyid kyi don la gnyis su med par bzhad cing rang byung ma 'gags pa'o//rdo rje gad mo cher sgrogs pa/ /zhes pa don la bya brtsal las 'das par gsungs pa'o/ /de sus gsungs she na/ rdo rje sems dpa' sems dpa' che/ /zhes 'byung ste ston pa de lta bus so/ /rdo rje rgyal po bde ba che/ /zhes pa chos sku bya brtsal las 'das pa'o//rdo rje drag po dga' ba che/ /zhes pa mtshan ma dang gis dag ste don gnyis med pa'o/ /rdo rje hUM ste hUM zhes sgrogs/ /zhes pa chos sku ye shes lnga dang ldan la/ thams cad dang ldan pa'i rtsal gyis mi 'gag ces pa'o/ /mtshon du rdo rje'i mda' thogs pa/ / zhes pa rig pa 'gag pa med pas mtshan ma'i gzung 'dzin 'bigs pa'o/ /rdo rje ral gris ma lus gcod/ /ces pa ma rig pa la sogs pa chos nyid la ngang gis mi gnas pa'o/ /rdo rje kun 'chad rdo rje can/ /zhes pa rig pa yon tan thams cad kyi mnga' bdag ste/ don dbyer med pa'o//rdo rje gcig pu g.yul sel ba/ /zhes pa chos sku nyag gcig la gzung 'dzin mi mnga' ste 'khor ba med pa'o/ /rdo rje 'bar ba mig mi bzad/ /ces pa chos sku la ye shes kyi spyan ma 'gags pa'o/ /skra yang rdo rje 'bar ba ste/ /zhes pa spros pa thams cad ye shes kyi snang ba yin zhes pa'o//rdo rje 'bebs pa 'bebs pa che/ /zhes pa chos sku'i rtsal bya brtsal mi mnga' bar gzugs sku gnyis kyi snang bar 'char zhes pa'o/ /mig brgya pa ste rdo rje'i mig /ces pa chos sku'i spyan ma 'gags par cir yang snang ba'o/ /de yang don chos sku thal 'byung ngo / / lus ni rdo rje'i ba spu can/ /zhes pa skye 'gag med pa rin po che'i sbugs so/ /rdo rje'i spu ni gcig pu'i lus/ /zhes pa gong ma de nyag gcig tu bzhugs pa'o/ /sen mo skyes pa rdo rje'i rtse/ /zhes pa chos sku'i rtsal lo/ /rdo rje snying po zhes pa chos sku 'gyur med 'gag med do/ / pags pa mkhregs zhes pa chos nyid mi 'gyur ba'o/ /rdo rje phreng thogs dpal dang ldan/ /zhes pa chos nyid la rig pas brgyan/ rig pa la ye shes kyis brgyan/ ye shes la thugs rjes brgyan pa'o/ /de yang thugs rje skyob pa ma 'gags pa'o/ /rdo rje'i rgyan gyis brgyan pa ste//zhes pa chos sku la 'bras bu sku dang ye shes kyis brgyan pa'o/ /rtsal ni rgyan bzhir shar ba'o/ /gad rgyangs ha ha nges par sgrogs/ /zhes pa rang 'byung ye shes kyi gsung ma 'gags pa'o/ /yang dag pa'i don la dgyes pa'o/ /gang zhe na/ yi ge drug pa rdo rje'i sgra/ / zhes pa la gnyis te/ sgra'i yi ge drug pa dang / chos nyid don gyi yi ge drug ste/ badzra pra tIts+tsha ya hUM zhes pa a ha sha sa ma/ de yang gzhi'i gnas lugs su shes par bya'o/ /de yang zhal gyi sbyor ba'i chos nyid kyi gsung ngo / /'jam dbyangs chen po sgra chen po/ /zhes pa chos kyi sku'i sgra las lhag pa gzhan med pa'o//de yang gong ma'o/ /'jig rten gsum na sgra gcig pa/ /zhes pa ste gnyis med brjod pas rang byung ye shes 'gag par gcig pa'o/ /nam mkha'i mtha' las sgra sgrogs pa/ /zhes pa/ zab mo'i don nam mkha'i mtha' dang mnyam par ston pa'o//sgra dang ldan pa rnams kyi mchog /ces pa chos sku'i rtsal sgrar shar bas rig pa chos sku ni sgra yon tan du ldan pa'o/ /de yang de ltar snang ba ni rig pa 'gag pa med pa me long lta bu yin pas so/ /de ltar brjod pa ni ma 'gags pa'i sku rdo rje sems dpa'o//de yan chad du le'u bzhi pa zhes bya ba 'gag pa med pa me long ye shes kyi don bstan pa'o// //da ni le'u lnga pa shes rab yongs su gcod pa so sor rtog pa'i don ston te/ ma hA pra sha pra ra/ yang dag bdag med de bzhin nyid/ /ces pa yang dag pa'i don rig pa'i ye shes la bag chags kyi bdag med de sku gsum 'du 'bral med pa'o//yang dag mtha' ste yi ge med/ /ces pa chos sku brjod pa las 'das pa'o/ /stong nyid smra ba'i khyu mchog ste/ /zhes pa chos nyid stong pa 'gag med smra ba ni smra ba'i nang nas mchog tu gyur pa'o//zab cing rgya che sgra sgrogs pa/ /zhes pa chos sku zab ste dpag par dka' yangs pa'i don 'chad pa'o/ /chos kyi drung ste sgra chen ldan/ /zhes pa rang byung ye shes kyi gsung ma 'gags pa'i don mtshon pa'i tshig go/ /chos kyi gaN+DI sgra bo che/ /zhes pa 'khor ba smin pa'i dus su theg pa'i don nges par sgrogs pa'o//mi gnas mya ngan 'das pa po/ /zhes pa rtsal so sor rtogs pa de de ltar snang yang gzhi chos nyid kyi sgra dang tha snyad la mi gnas pa'o/ /phyogs bcu chos kyi rnga bo che/ /zhes pa sprul pa'i sku drug gis 'gro ba drug la chos ston pa'o//gzugs med ces pa chos sku'o/ /gzugs bzang zhes pa gzugs sku gnyis so/ /dam pa ste gnyis su med pa'o/ /dngos rdo rje sems dpa'o/ /dpal ldan sangs rgyas pad+ma skyes/ /zhes pa bya ba dang bral ba'o/ /sna tshogs gzugs can yid las skyes//zhes pa sems can te srid pa'i sgo nga gnyis la yid kyi sbyor ba shor bas/ nor bu dri ma med pa dang / nyi ma rab tu snang ba la bya'o/ /yan lag bcu gnyis bya ba dang yang 'brel lo/ /gzugs rnams thams cad snang ba'i dpal/ /zhes pa rigs drug lus kyi dbyibs tha dad du shar ba'i dpal du rdo rje sems dpa' byon pa'o//gzugs brnyan ma lus 'chang ba po/ /zhes pa sprul pa'i sku dang ldan pa'o/ /tshugs pa med pa che bar grags/ /zhes pa gzhan las dpag pa'i don no/ /khams gsum dbang phyug chen po ste ston pa de khams gsum na gnas shing 'gro ba'i kha lo sgyur te khams gsum gyi mnga' mdzad pa'o//'phags lam shin tu mtho la gnas/ /zhes pa rtsol ba dang bral ba'i chos nyid kyi don la mi 'bral bar gnas pa'o/ /dar ba chen po chos kyi tog /ces pa sngags kyi bstan pa rgyas par byed pa'o//de yang don mi 'gyur bas gnas pa'o/ /'jig rten gsum na gzhon lus gcig /ces pa 'jig rten gsum gyi gzugs can mang gis kyang sku 'gyur ba med pa'i myu gu bgres rgud mi mnga' ba'o/ /gnas brtan rgan po skye dgu'i bdag /ces pa gzhi gnas lugs thams cad 'byung gnas so//sum cu rtsa gnyis mtshan 'chang ba/ /zhes pa longs sku dang sprul sku'o/ /sdu gu 'jig rten gsum na mdzes/ /zhes pa sprul pa'i skus sems can gyi don byed pa'o/ /'jig rten shes legs slob dpon te/ /zhes pa 'jig rten pa'i rgyud grol bar bstan pa'o//'jig rten slob dpon 'jigs pa med/ /ces pa 'jig rten na don mdzad kyang nyon mongs pas ma gos te 'khor ba la nyam nga ba med pa'o/ /mgon skyob 'jig rten yid gcugs pa/ /zhes pa mthun pa'i sgo nas 'dul zhing sems can dang mdzad pa'o//de yang gdul bya dang 'tsham par snang ba'o/ /skyabs dang skyob pa bla na med/ /ces pa 'gro ba'i mgon du ston pa las lhag pa gzhan med pa'o/ /nam mkha'i lam la rab gnas pa/ /zhes pa thugs kyi dgongs pa skye 'gag med de/ don gnyis med du gnas pa'o/ / thams cad mkhyen pa'i ye shes mtsho/ /zhes pa 'byed pa med pa'i shes rab dgongs pa chos nyid kyi dang ngo / /ma rig sgo nga'i sbubs 'byed pa/ /zhes pa sems dang ye shes 'byed thabs dang ngo sprod thabs so/ /srid pa'i ri bo chen po 'joms/ /zhes pa 'khrul snang ye shes su gyur pa'o//nyon mongs ma lus zhi byed pa/ /zhes pa sems dang ye shes phyed pas gzung 'dzin nam mkha'i mtha' la dengs pa'o/ /'khor ba'i rgya mtsho pha rol phyin/ /zhes pa ma dag pa'i 'khrul pa las grol nas chos nyid kyi bar do la gnas pa'o/ /ye shes dbang bskur cod pan can//zhes pa dang / rdzogs pa'i sangs rgyas rgyun du thogs te shes pa lnga ldan gyi dgongs pa mthar phyin te rigs lnga'i bde bar gshegs pa/ 'khor tshom bu dang bcas pa snang ste rig pa'i rgyan du thogs la sku de dag la yang he ru ka dbu rgyan du gnas par gsungs so/ /sdug bsngal gsum gyi sdug bsngal zhi//zhes pa lus ngag gi sdug bsngal las grol ba'o/ /gsum sel mtha' yas grol gsum thob/ /ces pa longs sku yab yum gyi ljags las rin po che sgra'i yi ge drug 'byung ste gsung gi 'od zer la rol pas sprul pa'i sku drug tu gyur te/ 'gro drug gi lus ngag yid gsum gyi sgrib pa bsal te/mtha' yas pa'i sems can gyi lus las grol te/ de yang blo rab 'bring gis grol nas sku dang ye shes mngon du gyur pa'o/ /de'i dus su sgrib pa kun las nges par grol te nyon mongs pa'i sgrib pa dang / shes bya'i sgrib pa ngang gis dag pa'o//mkha' ltar mnyam pa nyid la gnas/ zhes pa gong gi longs sku tshom bu dang bcas pa dang / phyis grol ba'i sangs rgyas gnyis ka rin po che'i sbubs nas dgongs pa dbyer med par gnas pa'o/ /de yang rang gsal rtog med de/ so sor ma 'dres pa la mi 'byed pa'o/ / dus der nyon mongs pa'i dri ma kun las 'das te/ dus gsum sku gsum dang du grol/ /dug lnga ye shes kyi bum pa lngar grol/ ma rig pa rig pa zang thal chen por grol bas mya ngan las 'das pa'o/ /dus gsum dus med rtogs pa po/ /zhes pa ma rtogs pa la dus gsum du snang yang rtog pa la mi gnas te/rig pa skye 'gag med pa gcig tu gnas so/ /sems can kun gyi gtso bo che/ /yon tan thod can rnams kyi thod/ /ces pa sprul pa'i sku 'gro drug gi gtso bo'am thod lta bur gyur pa'o/ /lus kun las ni rnam par grol/ /zhes pa sems can gyi lus gdos pa can las skad cig ma la grol ba'o//nam mkha'i lam la rab gnas pa/ /zhes pa chos nyid nam mkha' lta bu las ma g.yos pa'o/ /yid bzhin nor bu chen po 'chang / /zhes pa rig pa chos kyi sku yon tan gyi sku gnyis dang mi 'bral ba'i phyir/ /sku gnyis nang gsal du 'chang ba'o//khyab bdag rin chen kun gyi mchog /ces pa chos sku dngos med las ye shes 'gag med 'char zhing ye shes 'gag med kyi don gyis thams cad la ma khyab pa med de med pa de ni/ rin po che'i nang nas kyang mchog tu gyur pa'o/ /dpag bsam shing chen rgyas pa ste/ / zhes pa rig pa chos sku rin po che dang 'dra ba las yon tan phyogs med du 'byung ba dang / rin po che'i shing la rtsa ba yod pa dang 'dra bar rig pa nyid do/ /yal ga yod pa dang 'dra bar spros pa'i chos can no/ /de yang dngos 'khor ba'o/ /lo ma dang me tog dang 'dra bar sku dang ye shes so/ /'bras bu dang 'dra ba rtogs pa'i chos sku'o//bum pa bzang po che ba'i mchog /ces pa rin po che'i sbubs na gnas dgos pa grub pa dang 'dra bar chos sku bum pa chen po de'i nang nas ye shes kyi myu gu chen po lnga 'byung ste/ de las rin po che'i sku lnga gsal te/ de las thugs rje sprul pa'i sku byung nas sems can gyi don byed de nang nas nor bu rin po che'i mdzod phyung ba'o//byed pa sems can kun don byed/ /ces pa sku gnyis kyis so/ /phan 'dogs sems can mnyes gshin pa/ /zhes pa dang / /bzang ngan shes shing dus shes pa/ /zhes pa 'khor ba'i snod kyi bye brag dang gdul bya skabs la bab ma bab mkhyen pa'o//khyab bdag dam shes dam tshig ldan/ /zhes pa rig pa'i ye shes kyi don shes shing de dang mi 'bral ba'o/ /de yang rjes 'dug gi rtsa ba'i dam tshig gsum gyi gzungs thub pa'o/ /'du shes sems can dbang don shes/ /zhes pa gdul bya skabs la bab ma bab dang / sems can gyi bsam pa mkhyen pa'o//de yang shes rab rno rtul la sogs pa mkhyen pa'o/ /rnam grol gsum la mkhas pa po/ /zhes pa rnam pa gsum las grol ba la mkhas pa ste/ yul sems lus dang gsum mo/ /rnam grol gsum du grol ba la mkhas te rab 'bring tha ma'o/ / yon tan ldan zhing yon tan shes/ /zhes pa gzhi'i yon tan dang zhing gi yon tan shes pa'o/ /dngos sku dang ye shes so/ /chos shes bkra shis bkra shis 'byung / /zhes pa chos can dang chos nyid kyi don ma 'dres par ji lta bar shes pa de'i don rang chas su gnas par sdug bsngal gyi mtha' las grol ba ni bkra shis pa ste/bkra shis thams cad kyi rtsa bar 'byung ngo / /don rig pa'i ye shes de bkra shis thams cad yon tan du gnas pas na bkra shis kun gyi bkra shis pa'o/ /grags pa'i bkra shis snyan grags dge / zhes pa/ rig pa dang ye shes kun gyi ngo bor gnas to/ bdag gzhan gyi dpal gyi gnas su gyur pa dang yon tan thams cad dri ma med par grags pa dang /ma bsags pa'i tshogs gnyis la dgyes pa'i ngo bo nyid las dge ba'o/ /dbugs 'byin chen po dga' ston che/ /zhes pa don sku gsum ye shes lnga rtogs na bya brtsal bya mi dgos par sdug bsngal zhi bas na'o//de yang yon tan gyi sgo yangs pas rtsal phyogs med du 'char ba'o/ /dga' chen rol mo chen po pa/ /zhes pa snang srid rgyan dang rol par shar te rig pa rang snang ba'o/ /bkur sti rim gro phun sum tshogs/ /zhes pa 'dod yon dgag sgrub med pa bsam gtan gyi rtse chen por gyur pa'o/ / mchog tu zhes pa chos sku'o/ /dga' ba zhes pa rang la yod pas bya brtsal bya mi dgos so/ /grags zhes pa yon tan 'khor 'das su snang ngo / /bdag ces pa rig pa bdag por gyur pa'o/ /dpal zhes pa yon tan gyi sku gnyis gdul bya la shar ba'o/ /mchog ces pa sku gsum 'du 'bral med pa'o//ldan zhes pa rig pa'o/ /mchog sbyin zhes pa rtsal sku dang ye shes su shar ba'o/ /gtso bo ste zhes pa rnam snang rig pa'i sku lnga'o/ /skyabs kyi dam pa skyabs kyi 'os/ /zhes pa de'i thugs rje'i sprul pa'i sku drug go/ /'jig rten dgra ste rab kyi mchog /ces pa 'jig rten 'khrul ba'i dgrar 'gyur ba'o//de yang 'khrul snang 'joms pa'i mchog tu gyur pa'o/ /'jigs pa ma lus sel ba po/ /zhes pa thugs rjes sdug bsngal dang 'jigs pa las skyob pa'o/ /gtsug phud phud pu lcang lo can/ /zhes pa dang / ral pa muny+dza cod pan thogs//zhes pa longs spyod rdzogs pa'i 'khor nyid las mi zhan pa'i rigs lnga'o/ /de yang ye shes lnga'i thugs te he ru ka lnga dang ldan zhing ye shes kyi mdangs dang bcas pa'o/ /gdong lta gtsug phud lnga dang ldan/ /zhes pa rnam snang kun du zhal lo/ /de yang ye shes kyi he ru ka dbu la rgyas 'debs su thogs pa'o//zur phud lnga pa me tog thod/ /mgo zlum brtul zhugs chen po 'chang / /zhes pa longs sku'i thugs rje mi mthun pa'o/ /tshangs par spyod pa brtul zhugs mchog /ces pa dang / dka' thub mthar phyin dka' thub che/ /zhes pa thub pa de rnams kyis so//gtsang gnas dam pa gau ta ma/ /zhes pa thub pa'i dgongs pa dag pa dang spyod pa dag pa ste/ /'byed pa med pa'i shes rab la gnas pa'o/ /bram ze tshangs pa tshangs pa shes/ /zhes pa chos sku rnam par dag pa'o/ /de'i don shes shing dgongs pa dang ldan pa'o/ / 'bras bu gang zhe na/ mya ngan 'das pa'i tshangs pa thob pa'o/ /ji ltar thob ce na/ /grol ba thar pa rnam grol lus/ /zhes bya ste/ yul sems lus las grol zhing 'khor ba'i rgya mtsho las thar te/ dbang po yang rab ni 'jug pa dang snang ba dang / shes pa dang grol ba dus mnyam pa'o/ / 'bring po bsam gtan lnga pas mya ngan las 'das pa'o/ /de yang gang grol yang bar du sku lnga tshom bu dang bcas par gsal lo/ /tha ma rin chen sbubs na sku gsum na gsal ba'o/ /rnam grol zhes pa chos las grol ba'o/ /zhi ba zhes pa gzhi'i chos nyid do/ /zhi ba nyid ces pa rang de'i ngang la gnas pa'o//mya ngan 'das zhes pa gzhi'o/ /mya ngan 'das zhes pa sku lnga tshom bu dang bcas pa'o/ /legs par zhes pa de bzhin gshegs pa ji ltar grol ba ltar grol bas lam ma nor ba'o/ /mya ngan 'das dang nye zhes pa thugs rje sprul pa'i sku dang de'i grol ba'i yid kyi sku'o//bde sdug sel ba'i mthar gyur pa/ /zhes pa sprul skus 'gro don byas nas slar mya ngan las 'das pa'o/ /chags bral lus las 'das pa po/ /zhes pa rin chen sbubs so/ /thub pa med pa dpe med pa de lhag pa med pa'o/ /dpe med pa zhes pa gang gis kyang de'i phyogs la dpe mi btub pa'o//mi mngon zhes pa mya ngan 'das sku phyir mi mngon pa'o/ /mi snang zhes pa sku lnga po gdul bya la mi snang ngo / /gsal byed min zhes pa sku lnga la thugs rje mi 'gyur te/ nyon mongs pa dang blo'i rtog pa mi sel lo/ /mi 'gyur zhes pa phyis rgyu 'bras bur smin nas 'bras bu rgyur mi ldog go//kun 'gro ba zhes pa bud+d+hI dur sa'o/ /khyab pa po zhes pa rin chen sbubs la nub pa med pa nam mkha' lta bu'o/ /phra zhing zhes pa don de brtag dka' ba'o/ /zag med sa bon bral zhes pa rtogs pa dang ldan pa la 'khor ba'i sa bon mi gnas pa'o//rdul med rdul bral dri ma med/ /ces pa mya ngan 'das nas nyon mongs pa zhe sdang la sogs pa mi gnas shing bral ba'o/ /nyes pa spangs pa skyon med pa/ /zhes pa chos sku la nyes pa ngang gis spangs pa ste rtag chad la sogs pa'i skyon med do/ /shin tu sad pa sad pa'i bdag /ces pa/ dper na 'jig rten pa'i rmi lam sad pa dang 'dra bar 'gyur te/ ma rig pa'i gnyid sad nas rig pa'i mar me nang na gsal ba'o/ /kun shes kun rig dam pa po/ /zhes pa/ rin po che'i sbubs na kun gyi shes pa dang rig pa gnyis med par gnas pa'o/ /rnam par shes pa'i chos nyid 'das//zhes pa da lta'i shes pa rtog bcas 'di las grol zhes pa/ 'o na ji ltar gnas she na/ ye shes gnyis med tshul 'chang ba/ /zhes pa stong pa ye shes kyi snying bo can du gnas te/ rig pa'i nang na ye shes gnas pa'o/ /don gnyis med par snang ba mi 'gag pa'o//rnam par rtog med lhun gyis grub/ /ces pa sku gsum nang gsal du gnas te/ bag chags kyi dbugs med pas 'dzin rtog mi rgyu ba'o/ /dus gsum sangs rgyas las byed pa/ /zhes pa thugs rje'i sprul sku drug gis dus gsum gyi bud+d+hI phrin las 'gro ba sgrol ba'o//sangs rgyas thog ma tha ma med/ /ces pa dang po dang tha ma'i dus med pa ste ye shes pa'o/ /ci'i phyir zhe na/ dang po'i sangs rgyas rgyu med pas so/ /de yang don rang byung gi ye shes so/ /ye shes mig gcig dri ma med/ /ces pa rin po che'i lus la ye shes kyi spyan rnam par dag pa gsal ba'o//ye shes lus can de bzhin gshegs/ /zhes pa rin po che'i 'od 'bar ba'i sku lnga'o/ /tshig gi dbang phyug smra ba che/ /zhes pa don ngo mtshar can gsungs pa'o/ /smra ba'i skyes mchog smra ba'i rgyal/ /zhes pa gzhan pas lhag par gyur pa'o/ /smra ba'i dam pa mchog gi gnas//zhes pa gsungs pa'i don khyad par du 'phags pa'o/ /smra ba'i seng ge mtshungs pa med/ /ces pa don nges par sgrogs pa ston pa la 'gran nus pa med pa'o/ /kun du lta ba mchog tu dga'/ /zhes pa chos sku zad thal lo/ /gzi brjid phung po blta na sdug/ / ces pa ye shes kyi bag chags kyi lus can zil gyis gnon cing mdzes pa'o/ /'od bzangs 'bar ba dpal gyi be'u/ /zhes pa thugs rig pa'i ye shes rin po che 'od 'bar ba'o /lag na 'od 'bar snang ba po/ /zhes pa thugs rjes 'gro ba'i ma rig pa sel ba'o/ /sman pa che mchog gtso bo ste//zug rngu 'byin pa bla na med/ /sman rnams ma lus ljon pa'i shing / /zhes pa dpal rdo rje sems dpa' la sogs pa sprul pa'i sku rnams kyis nyon mongs pa'i dug dang gzung 'dzin 'joms pa ste sku gsum ye shes bzhi brtsis pas rlung mkhris sel ba las mchog tu gyur pa'o//sdu gu 'jig rten gsum gyi mchog /ces pa sprul sku'o/ /dpal ldan rgyu skar dkyil 'khor can/ /zhes pa longs spyod rdzogs pa'i sku las sprul sku nyi ma dang zer bzhin 'byung ba'o/ /phyogs bcu nam mkha'i mthar thug par/ /chos kyi rgyal mtshan legs par 'dzugs//zhes pa sangs rgyas kyi sprul pas sangs rgyas kyi bstan pa rim gyis 'dzin te/ de bzhin gshegs pa'i sku la sprul pa rgyun mi 'chad par 'byung bas sems can gyi don zhes pa'o/ /'gro na gdugs gcig yangs pa ste/ /byams dang snying rje'i dkyil 'khor can//zhes pa phyogs ris med pa'i snying rje dang ldan pa'o/ /de yang don gyi dkyil 'khor gyi rnam pa'o/ /dpal ldan pad+ma gar gyi bdag /ces pa don mdzad pa'i thabs dang ldan pas na/ don grub la rang la 'khor ba'i skyon gyis ma gos pa'o/ /khyab bdag chen po rin chen gdugs//zhes pa rin po che dang 'dra/ /gdugs dang 'dra/ sangs rgyas kun gyi bzi brjid che/ /zhes pa nyon mongs pa dang 'khor ba zil gyis gnon pa'o/ /sangs rgyas kun gyi sku 'chang ba/ /zhes pa rig pa la ye shes kyi sku lnga rdzogs pa'o/ /sangs rgyas kun gyi rnal 'byor can//zhes pa sangs rgyas kun gyi dgongs pa dang ldan pas na'o/ /sangs rgyas kun gyi bstan pa gcig /ces pa don gyi dgongs pa la gcig las mi mnga' bas na sangs rgyas kun gyi bstan pa gcig go/ /rdo rje rin chen dbang bskur dpal/ /zhes pa rig pa rtsal gyi dbang ste/de yang phyi bum pa'i dbang / rin po che myu gu'i dbang dang / nang rgyal rtags phyag rgya'i dbang dang / shes rab rig pa'i sku lnga'i dbang dang / gsang ba'i dbang de kho na nyid ces bya'o/ /de yang mtshon na rin po che sgra'i yi ge bstan pa'o/ /de nas rig pa rtsal gyi dbang mtshan ma la brten pa'o//rin chen kun bdag dbang phyug ste/ /zhes pa rig pa chos sku thams cad kyi bdag por gyur pa'o/ /'jig rten dbang phyug kun gyi bdag /ces pa rig pa'i rtsal gong du ma shar la/ 'du yang de nyid dang du 'du bas bdag po lta bur gyur pa'o//rdo rje 'chang ba kun gyi rje/ /zhes pa rig pa chos sku'o/ /sangs rgyas kun gyi thugs che ba/ /zhes pa rig pa rang byung gi ye shes so/ /sangs rgyas kun gyi thugs la gnas/ /zhes pa bzhugs pa'i gnas te/ tsit+ta rin po che na gnas/ /zhes gsungs so/ / sangs rgyas kun gyi sku che ba/ /zhes pa ye shes kyi sku ste lhun grub chen po'o/ /sangs rgyas kun gyi gsung yang yin/ /zhes pa rang byung gi ye shes 'gag pa med pa'i rtsal lo/ /rdo rje nyi ma snang ba che/ /zhes pa thabs 'gag pa med pa'i ye shes so/ /rdo rje zla ba dri med 'od//ces pa shes rab 'gyur ba med pa'i chos nyid ngang gis 'od gsal ba'o/ /rdo rje skyil krung rdzogs sangs rgyas/ /zhes pa rig pa dang ye shes de gzugs kyi skur grub pa'o/ /sangs rgyas 'gro ba'i chos 'dzin pa/ /zhes pa gdul bya dang mthun par snang ba'o/ / dpal ldan sangs rgyas pad+ma skyes/ /zhes pa sangs rgyas dang sems can rgyab gyes pa'i dus bdag gzhan gyi don thugs su chud pa'o/ /dpal rdo rje sems dpa' rtogs pa skad cig ma la grub pa'o/ /kun mkhyen ye shes mdzod 'dzin pa/ /zhes pa ston pa thugs shes rab yongs su rgyas pa'i dus kun mkhyen te/ye shes kyi mdzod dang ldan pa'o/ /rgyal po sgyu 'phrul sna tshogs 'chang / /zhes pa dbu'i gtsug tor la sogs pa las sprul ba'i sku bsam gyis mi khyab pa 'phros pa'o/ /dngos thugs rje 'gag pa med pa dang ldan pa'o/ /che ba sangs rgyas rig sngags 'chang /zhes pa gsang sngags thams cad kyi bdag por gyur pa'o/ /rdo rje rnon po ral gri che/ /zhes pa so sor rtog pa'i shes rab bo/ /theg pa chen po sdug bsngal gcod/ /ces pa theg pa chen po'i 'bras bu rtogs pas sdug bsngal la gnas pa'i skabs med pa'o//don rang chas rtsol ba dang bral ba'o/ /mtshon cha chen po rdo rje'i chos/ /zhes pa gnyis su med pa'i ye shes so/ /rdo rje zab mo dzi na dzig /ces pa nyan thos la sogs pa las rgyal ba las kyang rgyal bar 'gyur ba'i gsang sngags mchog go/ /rdo rje blo gros don chen rig /ces pa dbyer med pa'i don mi rtog pa'o/ /pha rol phyin pa kun rdzogs pa/ /zhes pa mnga' bas na'o/ /sa rnams kun gyi rgyan dang ldan/ /zhes pa dang po rab tu dga' ba nas sa bcu pa man chod sprul sku'i sa'o/ /shes rab kyi rtsal 'byongs pas so//bcu gcig nas bcu bzhi'i bar du longs sku'i sa ste che ba'i ye shes mthar rdzogs pas sprul pa'i sku'i sa ste/ sprul sku 'byin no/ /zhing dag pa nges pa'i sa la sbyor ba'o/ /bco lnga nas bcu drug tu mya ngan las 'das pa'i sa ste/ zhi ba'i chos kyi sku'i zhing ste 'byed pa med pa'i shes rab la gnas pa'o//de yang don gyi phyogs cha re re nas brtsis pa'o/ /rnam par dag pa bdag med chos/ /zhes pa chos sku rin po che'i dbugs so/ /yang dag ye shes zla 'od bzang / /zhes pa shes rab 'gyur ba med pa'i chos nyid ye shes kyi snang ba dang bcas pa'o//brtson chen sgyu 'phrul dra ba ste/ /zhes pa rtsol ba dang bcas pa'i brtson 'grus min te/ ye nas byas zin pa'i chos te da sdod byar med pa'o/ /rig pa 'gag pa med par gnas pas na'o/ /rgyud kun gyi ni bdag po mchog /ces pa tshig gi rgyud thams cad don gyi rgyud rigs las thams cad 'byung bas na rig pa'o//rdo rje'i gdan ni ma lus ldan/ /zhes pa thams cad chos nyid kyi dang la 'dug pa'o/ /ye shes sku rnams ma lus ldan/ /zhes pa sku re re la yang ye shes lnga char rdzogs pa'o/ /de dang rig pa ldan pa'o/ /kun du bzang po blo gros bzang //zhes pa sems can gyi blo dang gros su mthun pa drug bzang ba'o/ /sa yi snying po 'gro ba 'dzin/ /zhes pa bcu bzhi pa rdo rje 'dzin pa'i sa la thugs rje lcags kyus zhing dag pa 'dzin pa'o/ /sangs rgyas kun gyi snying po can/ /zhes pa rig pa'o/ /sprul pa'i 'khor lo sna tshogs 'chang //zhes pa rdo rje sems dpa' las sprul ba'i sku drug byung ba'am yang na lus bar pa nas sprul pa 'gyed pa'o/ /dngos po kun gyi rang bzhin mchog /ces pa rigs drug snang ba'o/ /dngos po kun gyi rang bzhin 'dzin/ /ces pa sprul pa'i sku drug gis so//rigs drug so so'i mtshan nyid 'dzin pa'o/ /skye med chos de zhes pa yang dag pa'i don skye 'gag med pa kho na'o/ /'dul thabs su sna tshogs pa'o/ /chos kun ngo bo nyid 'chang ba/ /zhes pa ston pa'i thugs la'o/ /shes rab chen po'i skad cig la/ /chos kun khong du chud pa'o//zhes pa rdo rje sems dpa' lus kyi mtha' med rtogs kyis sbubs su rdzogs pa'i tshe thos rtogs dus gcig tu 'char ba'o/ /'khor 'das kyi chos thams cad dus gcig tu mkhyen pa'o/ /chos kun mngon par rtogs pa ste/ /zhes pa 'khor 'das kyi chos thams cad lkog tu ma gyur par mngon par snang zhing rdzogs pa'o//thub pa blo mchog 'byung ba'i mtha'/ /zhes pa ston pa blo'i mchog dang ldan pas 'byung ba'i mtha' chos sku rin po che rtogs pa'o/ /de ji ltar rtogs she na/ /mi g.yo rab tu dang ba'i bdag /ces pa rin po che'i rdo rje'i gdan la dgongs pa mi g.yo bar gnas pa'o//rdzogs pa'i sangs rgyas byang chub 'chang / /zhes pa rig pa ye shes kyi sku lnga rin po che'i sbubs na nang gsal mi 'bral ba'o/ /sangs rgyas kun gyi mngon sum pa/ /zhes pa rig pa shes rab kyi sku la ye shes kyi spyan mngon sum du snang ba'o//dngos gong zhe na/ ye shes me lce 'od rab gsal/ /zhes pa rig pa'i ngang nas ye shes kyi bum pa lnga gsal te/ de'i ngang nas rig pa shes rab kyi sku lnga gnas so/ /de dag thams cad don so sor rtog pa'i ye shes kyi snang ba'o/ /des le'u lnga pa so sor rtog pa ye shes kyi don bstan pa'o// //da ni don grub pa shes bya rgyun gyis mnyam pa/ mnyam pa nyid kyi ye shes kyi don bshad par bya ste/ rat+na pra sa ra du pa ya ma la ma la/ 'dod pa'i don grub dam pa ste/ /zhes pa rig pa chos kyi sku las yon tan gyi snang ba sku gnyis dus gcig tu grub ste/ don sku gsum 'du 'bral med pa skye 'gag med pa mnyam pa nyid kyi ye shes su gnas pa'o//ngan song thams cad rnam sbyong ba/ /zhes pa thugs rje 'byung ba'i sku gsum mo/ /mgon po sems can kun gyi mchog /ces pa sprul pa'i sku des sems can drug gi mgon dang skyabs kyi mchog tu gyur pa'o//sems can thams cad rab grol byed/ /ces pa sprul skus sems can 'khor ba las grol zhes pa'o/ /nyon mongs g.yul du gcig dpa' ba/ /zhes pa rig pa'i ye shes la nyon mongs pa ma grub pas g.yul bzlog pa'o/ /mi shes dgra yi dregs pa 'joms//zhes pa ma rig pa dang dug lnga dang gzung 'dzin dang snang grags thams cad 'joms pa'o/ /dpal ldan blo dang rtogs par ldan/ /zhes pa mgon po rdo rje sems dpa' de blo dang ldan pas gyur pa'o/ /brtan po mi sdug gzugs 'chang ba/ /zhes pa gzhi mi 'gyur ba las yon tan mi 'gag pa 'char nus pa'o//lag pa brgya po kun bskyod pa/ /zhes pa rig pa'i rtsal lo/ /gom pa'i stobs kyis gar byed pa/ /zhes pa thabs 'gag pa med pa'i ye shes kyi snang ba 'od du gsal ba'o/ /dpal ldan lag pa brgyas gang la//zhes pa rtsal lam stobs ma 'gags pa'o/ /nam mkha' khyab par gar byed pa/ /zhes pa rig pa 'od kyi khang pa can 'od mtha' med par 'gyur ba'o/ /sa yi dkyil 'khor gzhi yi khyon/ /rkang pa ya gcig mthil gyis gnon/ /zhes pa chos nyid sa gzhi dang 'dra ba de rkang pa ya gcig gi mthil nyid kyis gnon pa'o//dngos rig pa'i ye shes nub pa med pa chen po'o/ /rkang mtheb sen mo'i khyon gyis kyang / /tshangs pa'i yul sa rtse nas gnon/ /zhes pa rig pa ye shes kyi snang bar ma gyur pa med pa'o/ /don gcig ces pa 'khor 'das thams cad do//gang du gcig na gnyis med du'o/ /gang du gcig na chos kyi don/ /zhes pa'o/ /dam pa'i don te 'jigs pa med/ /ces pa mi rtog pa'i ye shes yin pas 'khor ba'i chos la nyam mi dpa'o/ /rnam rig sna tshogs gzugs don can/ /zhes pa thams cad rig pa'i ye shes rang shar yin zhes pa'o//rnam shes sna tshogs rgyud dang ldan/ /zhes pa ston pas gong ma'i don thugs la gsal zhes pa'o/ /dngos don ma lus rnams la dga'/ /zhes pa gnyis su med par rtogs pas so/ /stong pa nyid dga' 'dod chags blo//zhes pa chos nyid zhi ba dang chos sku dngos med gnyis 'du 'bral med par rtogs pa'o/ /thugs rje chags pa bdag nyid du gnas 'gro ba'i nyon mongs pa rang rgyud la mi mnga' bas srid pa'i 'dod chags spangs pa ste zhes bya'o/ /srid gsum dga' ba chen po pa//zhes pa thugs rjes te srid pa gsum gyi don la dga' ba'o/ /don la spyod pa'o/ /sprin dkar dag pa bzhin du dkar/ /zhes pa 'gro ba'i don mdzad kyang 'khor ba'i skyon gyis ma gos pa'o/ /'od bzang ston ka'i zla ba'i 'od/ /ces pa gang gi skyon dang bral ba'i don de nyid shes rab 'gag pa med pa'i ye shes su gnas pa'o//nyi ma 'char ka'i dkyil ltar mdzes/ /zhes pa ye shes kyi snang ba chen po de yang gsal ba 'tsher ba dang ba'o/ /sen mo'i 'od ni shas cher dmar/ /zhes pa thugs rje chags pa'i bdag nyid do/ /yang na bde bar gshegs pa'i mtshan dpe'i khyad par ro//cod pan bzang po mthon ka'i rtse/ /zhes pa ye shes lnga'i cod pan la nub pa med pa'o/ /dngos rig pa'i rtse la ye shes gsal ba'o/ /skra mchog mthon ka chen po can/ /zhes pa ye shes kyi snang ba ma 'gags par gsal ba'o/ /nor bu chen po 'od chags dpal//zhes pa rig pa'i ye shes 'gag pa med pa'i thugs rje dang ldan pa'o/ /sangs rgyas sprul pa'i rgyan dang ldan/ /zhes pa chos sku'i sangs rgyas la gzugs skus brgyan pa'o/ /gzugs sku la sprul skus brgyan pa'o/ /'jig rten khams brgya kun bskyod pa/ / zhes pa thugs rje ma 'gags pa 'khrul pa'i snang ba dag pa ye shes kyi snang bar bsgyur ba'o/ /rdzu 'phrul rkang pa'i stobs chen ldan/ /zhes pa sa lam rim pas bgrod mi dgos par ye shes kyi rlung gis skad cig ma la byon pa'o/ /de nyid dran pa chen po 'chang / /zhes pa sngar 'dris pa phyis shes pa lta bu'o//dran pa bzhi po ting 'dzin rgyal/ /zhes pa dus der mthong ba'i yul la shes pa'i dran pa sad/ de yang shes rab kyi shes pa skye lugs dang rab dang 'bring dang tha ma'i bye brag gis dran pa sad pa'o/ /byang chub yan lag ces pa dus der sku'i snang ba gsal ba'o//yan lag ces pa gtso bo'i rtsal lo/ /me tog spos zhes pa lha mo me tog ma dang spos me ma la sogs pa'i tshom bu'i dkyil 'khor lnga gsal ba'o/ /de bzhin gshegs pa'i yon tan mtsho/ /zhes pa rigs lnga'i yon tan sku bzhi bcu rtsa gnyis su snang la de yang chos nyid mi g.yo ba'i ngang la gnas pa'o//lam gyi yan lag brgyad tshul rig /'du 'bral med pa'i dgongs pa ste/ /de yang yan lag tu bslab thabs bzhi dang dus bzhir sbyar ba'o/ /yang dag sangs rgyas lam rig pa/ /zhes pa sgom du med pa'i dgongs pa'o/ / sems can kun la shas cher chags/ /zhes pa rig pa la khyad par med pa'i gnad kyis sangs rgyas kyi dgongs pa sems can la yang yod pa'o/ /yang na sprul sku'o/ /nam mkha' lta bur chags pa med/ /ces pa chags bral chags med gnyis med par nam mkha' lta bur ye nas gnas pa'o//sems can kun gyi yid la 'jug /ces pa sems can gyi yid dang bud+d+ha'i thugs gnyis su med par yang na sprul skus mthun par snang ba'o/ /sems can kun gyi yid ltar mgyogs/ /zhes pa thugs rje'i rtsal thogs pa med pa'o/ /sems can kun gyi dbang don shes//zhes pa blo rab 'bring gi bye brag shes pa'o/ /sems can kun gyi yid 'phrog pa/ /zhes pa sprul pa'i skus 'dul ba'i don de la mdzes shid 'tsham par bstan nas don byed pa'o/ /phung po lnga don de nyid shes/ /zhes pa phung po lnga'i don nam de bzhin nyid shes pa'o//rnam dag phung po lnga 'chang ba/ /zhes pa rig pa de ye shes sgyu ma lnga dang mi 'bral ba'o/ /nges 'byung kun gyi mtha' la gnas/ /zhes pa 'og ma'i nges 'byed cha bzhi las grol te/ don mi 'gyur ba sku dang ye shes kyi mtha' la gnas pa'o/ /nges par 'byung ba kun la mkhas//zhes pa ni ston pa'o/ /nges 'byung kun gyi lam la gnas/ /zhes pa mi 'bral ba'o/ /nges par 'byung ba kun ston pa/ /zhes pa nges par 'byung ba la gnyis te/ 'khor ba dang mya ngan las 'das pa'o/ /de yang lkog tu ma gyur par gsal zhing snang ba'o/ /yan lag bcu gnyis srid rtsa bton//zhes pa/ dang po lus kyi mtha' ma rdzogs par shes bya'i rtsal ma rdzogs te/ mthong ba'i yul la shes pa'i dran pa sad mnus pas ma rig pa dngos su med pa la nyams pa yod pa'o/ /de la ma rig pa la sogs pa rten 'brel bcu gnyis su 'khrul lo/ /'khrul pa'i yan lag srid gsum rtse mo'o//dag pa rnam pa bcu gnyis 'chang / /zhes pa ma rig pa la sogs pa dag nas rtogs pa 'chang ba ste ston pa'o/ /bden bzhi'i tshul gyi rnam pa can/ /zhes pa ngo sprod bzhi'o/ /shes pa brgyad po rtogs pa 'chang / /zhes pa rnam par shes pa'i tshogs brgyad de/de'i don rig pa'i rtsal shes rab dang / de'i yon tan sku dang de'i yon tan sgo lnga'i yul dang de las rnam par shes pa'o/ /rang shar rang grol shes pa'o/ /bden don rnam pa bcu gnyis ldan/ /zhes pa bden bzhi'i gong bzhin mthong ba yul gyi gnas dang / bstan pa tshig gi gzer bzhi dang mthar phyin pa'i 'bras bu dang bzhi'o//de nyid rnam pa bcu drug rig /ces pa mthar phyin pa'i 'bras bu'i skabs su re re la yang mu bzhir phye ba ste de'i skabs su thig le nyag gcig gi a ti dang / thig le nyag gcig gi ma hA dang / thig le nyag gcig gi a nu dang //thig le nyag gcig gi dngos po'o/ /rnam pa nyi shus byang chub pa/ /zhes pa dang po rig pa'i rtsal 'byung ba lnga/ /de las thig le lnga/ de las rigs lnga'i sangs rgyas sgur grub pas na'o/ rnam par sangs rgyas kun rig mchog /ces pa gong ma'i rnam pa nyi shu'o/ /de yang kun rig go zhing rtogs pa'o//sangs rgyas kun gyi sprul pa'i sku/ /bye ba dpag med 'gyed pa po/ /zhes pa longs sku yab yum gyi zhal gyi bar nas yi ge drug pa'i 'od zer 'phro ba'o/ /skad cig thams cad mngon par rtogs/ /zhes pa skad cig ma la snad pa 'char nub dang skye 'gag med pa'i don rtogs pa'o//sems kyi skad cig don kun rig /ces pa rig pa'i rtsal du sems 'char lugs dang / sems de rang gi gnas la sogs pa'i chos lngar rtogs shing rig pa'o/ /theg pa sna tshogs thabs tshul gyis/ /'gro ba'i don la rtogs pa po/ /zhes pa sprul pa'i skus 'gro ba'i don mdzad pa ni gdul bya'i yul dang sbyar nas 'dul thabs theg pa sna tshogs gsungs pa'o//theg pa gsum gyi nges 'byung la/ /theg pa gcig gi 'bras bur gnas/ /zhes pa gong gi theg pa de dag kyang gsum du 'byung ste/ nyan thos rang rgyal byang chub sems dpa'o//gcig gi 'bras bur gnas te gsang sngags yang dag pa'i 'bras bu kho na'o/ /nyon mongs khams rnams dag pa'i bdag /ces pa ston pa sprul pa'i sku'i bdag po mdzad kyang nyon mongs pas gos pa med de/ don gyi dgongs pa dag pa'i bdag nyid du gnas pa'o//las kyi khams ni zad byed pa/ /zhes pa ston pa sprul pa'i skus 'gro ba'i skur don mdzad pa'i dgongs pa dang ldan pa'o/ chu bo rgya mtsho kun las rgal/ /zhes pa 'dod pa dang srid pa dang lta ba dang ma rig pa'i chu bo dang bzhi las 'das pa'i don de ston pa de'o//sbyor ba'i dgon pa las rgal ba/ /zhes pa srid pa la sogs pa bzhi la nges par gnas pa las ston pa nges par 'byung ba'o/ /nyon mongs nye ba kun nyon mongs/ /bag chags bcas pa gtan spangs pa/ /zhes pa ston pas dug lnga khong khro la sogs par bcas pa/ye shes chen por grol zhing bag chags ngang gis mi gnas te/ rig pa ka nas dag par mkhyen cing gnas pa'o/ /snying rje chen po shes rab thabs/ /zhes pa rig pa 'gag pa med pa bya brtsal mi mnga' ba'o/ /don yod 'gro ba'i don byed pa//zhes pa gong ma'i thabs shes rab kyi bdag nyid des so/ /'du shes kun gyi don spangs shing / /zhes pa don byed pa dang bya ba dang byed pa po'i rtog pa rang rgyud la mi mnga' ba'o/ /rnam shes don ni 'gag pa med/ /ces pa don byas nas rnam par shes pa'i tshogs brgyad las grol bar byed pa'o//sems can kun yid yul dang ldan/ /zhes pa mngon par shes pa lnga mnga' ba'o/ /sangs rgyas kun gyi thugs rig pa/ /zhes pa dang / /sems can kun gyi yid la gnas/ /zhes pa sangs rgyas kyi thugs ni dngos med kyi ye shes rig pa yin la de 'gro ba'i yid la gnas pa'o//de dag sems dang mthun par 'jug /ces pa sprul skus sems can gyi sems shes pas bsam pa ltar byed pa'o/ /sems can kun yid tshim par byed/ /ces pa bsam pa bsgrub pa'o/ /sems can kun gyi yid dga' ba/ / zhes pa bsam pa 'grub pas dga' ste dngos gang zhe na/ grub pa mthar phyin 'khrul pa med/ /ces pas so/ /de yang gang zhe na/ rin po che'i sbubs na'o/ /nor ba thams cad rnam par spangs/ /zhes pa gol sa dang bral ba'o/ /don gsum the tshom med pa'i blo/ /zhes pa sgra'i bye brag 'ga' la 'jug ste 'dir ngo sprod gsum la bya'o//de yang ngo sprad pas the tshom dang bral ba'o/ /kun don byed ces pa 'khor 'das kun gyi'o/ /yon tan zhes pa thams cad yon tan du shar ba'o/ /gsum gyi bdag ces pa sku gsum gyi bdag po'o/ /phung po lnga don dus gsum du/ / zhes pa phung po lnga'i don dus gsum du mdzad cing gnas pa'o/ /de yang ji ltar gnas na ye shes kyi sku rang gis rnam par dag par gnas so/ /skad cig thams cad bye brag phyed/ /ces pa da ltar skad cig ma gcig yin te/ phyis ye shes skye ba ste/ de ni dbang po rab 'bring gi grol lugs so//de las lhag pa ni skad cig gcig gis rdzogs sangs rgyas te rab bo/ /sangs rgyas kun gyi rang bzhin 'chang / /zhes pa longs sku bzhi bcu rtsa gnyis so/ /lus med lus te lus kyi mchog /ces pa bag chags kyi lus mi gnas te/ ye shes kyi sku'i mchog tu gnas pa'o//lus kyi mtha' ni rtogs pa po/ /zhes pa rin po che lta bu'i sku rtogs pa'o/ /gzugs rnams sna tshogs kun du ston/ /zhes pa sprul pa'i sku 'byin pa'o/ /nor bu chen po rin chen tog /ces pa de nas slar mya ngan las 'das te/ chos sku rin po che'i ngang la gnas te/ dgongs pa phyis mi 'gyur bar gnas pa'o//de yan chad du le'u drug pa gzhi skye 'gag med pa mnyam pa nyid du gnas pas mnyam pa nyid kyi ye shes kyi don bstan pa'o// //da ni don bdun pa shes bya thogs pa med pa bya ba grub pa'i ye shes kyi don bstan par bya ste/ /a ha dz+nyA na sarba karma tsakra'o//sangs rgyas kun gyis rtogs bya ba/ /zhes pa dus gsum gyi sangs rgyas kyis rtogs par bya ba ni rang rig pa'i ye shes nyid yin te/ /de rang la rang chas su gnas pa'o/ /sangs rgyas byang chub bla na med/ /ces pa rang bzhin rang chas yin te/ de'i gong na gzhan med bla na med pa'o//logs na med gung na med pa'o/ /gsang sngags las byung yi ge med/ /ces pa tshig dang yi ge thams cad gsang sngags kyi don ngo bo las byung ba yin la/ /de nyid rang tshig dang yi ge las 'das pa'o/ /gsang sngags chen po rigs gsum pa/ /zhes pa mtshon byed tshig gi sgron ma des phyi nang gsum du bstan pa'o//gsang sngags don kun skyed pa po/ /zhes pa gzhi gsang sngags kyi rtsa ba las/ /gsang sngags spros pa de nyid kyis de nyid mtshon cing rtogs pa skyed pa'o/ /thig le chen po yi ge med/ /ces pa rig pa rang 'byung gi ye shes 'gag pa med pa la gang gi yang sgra dang tha snyad mi gnas pa'o//stong pa chen po yi ge lnga/ /zhes pa chos sku dngos med kyi ngang nas rig pa yi ge rnam pa lnga 'od du gsal ba'o/ /de mtshon pa a lta bu'o/ /thig le stong pa yi ge brgya/ /zhes pa stobs dang thabs ma 'gags pa'i yi ge brgya zhes bya ste/'khor 'das kyi chos brjod bya rjod byed sna tshogs su shar ba'o/ /de yang yi ge brgyar grangs bcad pa ni med kyi mang ba'i tha tshig go/ /rnam pa kun ldan rnam pa med/ /ces pa yon tan sku gsum gyi rnam pa dang ldan zhing mtshan mar mi gnas pa'o//bcu drug phyed phyed thig le can/ /zhes bya ba de la gnyis te longs sku re re la sems dpa' sems ma bzhi bzhis bskor bas/ phyogs bzhi'i tshom bu ste 'khor ro/ /de yang bcu drug ni sems dpa' sems ma bcu drug go/ /phyed ni pho mo brgyad du bcad pa'o/ /phyed phyi ma ni bzhi bzhis bskor ba'o//sprul sku'i skabs su de la yang 'di ltar bstan par bya ste/ rang 'byung dbyings kyi thig le las rtsal ni phyi dang nang du shar te/ nang du rig pa'i ye shes dang sems su snang ba'o/ /phyi bde chen gsang ba'i thig le las bde ba chen po 'od 'bar ba'i thig ler byung //de las bde ba chen po yongs la khyab pa'i skabs su bcu drug gi phyed brgyad/ /de'i phyed bzhi ste/ gcig pad+mar shar/ gcig mnyam/ /gcig bde gsal mi rtog pa'o/ /gcig g.yo la ma thogs pa'i skabs su chos sku'i bde ba ngos zin cing thugs rje sprul pa'i sku 'byin pa'o//yan lag med pa'i rtsis las 'das/ /zhes pa chos sku spros bral chen po gong ma'i rtsis dang grangs de mi gnas zhes pa'o/ /bsam gtan bzhi yi rtse mo can/ /zhes pa 'jig rten pa'i bsam gtan las 'das te/ ngang dang rang bzhin bdag nyid chen po lhun gyis grub pa'o//de'i don la gnas pa'o/ /bsam gtan yan lag kun shes shing / /zhes pa bsgom pa bslang thabs dang bsgom pa'i sa mtshams so/ /ting 'dzin rig dang rgyud rig pa/ /zhes pa de bzhin gshegs pa'i bsam gtan ni rang rig rgyud la gsal zhing rtogs pa'o//ting 'dzin lus can lus kyi mchog /ces pa ting nge 'dzin mthar phyin pa'o/ /longs spyod rdzogs sku sku yi rgyal/ /zhes pa yar zhing dag cing mar 'khor ston pa'o/ /sku bzhi bcu rtsa gnyis tshom bu dang bcas par snang ngo / /sprul pa'i sku ste sku yi mchog /ces pa longs sku'i gsung gi zer la rol pa'i thub pa drug ste/'gro drug gi nang nas mchog tu gyur pa'o/ /sangs rgyas sprul pa'i rgyud 'chang ba/ /zhes pa sprul sku snga ma grol zhing de'i phyi mas 'gro don mdzad de de bzhin gshegs pa'i sku la sprul pa zam ma chad pa'o/ /phyogs bcur sprul pa sna tshogs 'gyed//ces pa lus bar pa na longs sku la chos kyi spyan shar ba'i dus su/ yi ge drug pa'i sgra las 'phro ba'o/ /ji bzhin 'gro ba'i don byed pa/ /zhes pa ji bzhin pa la gnyis te/ snga ma'i sprul pa'i sku ji bzhin du don mdzad pa dang / 'gro ba ji bzhin mthun par snang bas 'dul zhing don mdzad pa'o//lha yi dbang po lha yi lha/ /zhes pa dang / /lha yi bdag po lha min bdag /ces pa ni/ lhas 'dul ba la lha yi thub pa ltar yang snang / lha min gyis 'dul ba la lha min ltar snang ste/ 'gro drug gi gnyen por thub pa drug shar ba'o/ /'chi med dbang po lha yi bla//zhes pa lha'i thub pa de lha thams cad kyi bla mar gyur te/ mchog gam gtso bo'o/ /thub pa gzhan go sla'o/ /'joms byed 'joms byed dbang phyug po/ /zhes pa gzung ba dang 'dzin pa 'joms pa'o/ /srid pa'i dgon pa las rgal ba/ /zhes pa rtogs pa can 'chi ba'o/ /ston pa gcig pu 'gro ba'i bla//zhes pa/ ston pa sprul pa'i skur sprul nas 'gro ba drug gi bla ma dang gong mar gyur pa'o/ /'jig rten phyogs bcur rab grags pa/ /zhes pa gnyis te rig pa'i yon tan de ltar snang ba dang / de'i sprul pa de ltar snang zhing grags pa'o/ /chos kyi sbyin bdag che ba po//zhes pa yon tan chos skur 'gyur ba dang / de brjod par 'gyur ba dang / /byams pa'i go chas bgos pa ste/ /zhes pa dang / /snying rje yi ni ya lang bgos/ /zhes pa sprul pa'i sku de dag tshad med pa bzhis 'dul zhing don mdzad pa'o/ /shes rab ral gri mda' gzhu thogs//zhes pa dang / /nyon mongs mi shes g.yul ngo sel/ /zhes pa so sor rtog pa'i shes rab kyis nyon mongs pa dang ma rig pa dang gzung 'dzin gyi g.yul sel ba'o/ /dpa' bo gdul dka' 'dul ba po/ /zhes pa dang / bdud bzhi'i 'jigs pa sel bar byed/ /ces pa ston pas bdud bzhi ngang gis bcom zhing thugs rjes 'gro ba'i bdud shugs kyis sel ba'o//bdud kyi dpung rnams pham byed pa/ /zhes pa ma rig pa'i rtsa ba yan lag dang bcas pa rtsad nas bcad pa'o/ /rdzogs pa'i sangs rgyas 'jig rten 'dren/ /zhes pa lus bar pa la chos nyid kyi mkha' la ye shes kyi sku gsal ba'i tshe/chos nyid kyi spyan mngon shes dang ldan zhing zhal gyi bar nas yi ge drug pa'i 'khor lo 'byung ste/ sprul pa'i skus 'jig rten gyi 'gro ba 'dren no/ /mchod 'os bstod 'os phyag gi gnas/ /rtag tu ri mor bya ba'i 'os/ /bkur 'os rjed par byed pa'i mchog /phyag byar 'os pa bla ma'i rab/ /ces pa ston pa sprul pa'i sku de yon tan dang ldan pas ci'i phyir zhe na/ /'jig rten gsum po gom gcig bgrod/ /ces 'byung ste ston pa'i thugs rjes rtogs pa rgyud la bskyed nas sangs rgyas kyi sprul pa'i sa 'di nas sangs rgyas longs sku'i sar skad cig la seng ge'i mchongs stabs lta bu'o//mkha' ltar mtha' med rnam par gnon/ /zhes pa rig pa zang thal nam mkha'i mtha' dang mnyam pa'o/ /gsum rig gtsang ma dag pa ste/ /zhes pa sgra 'ga' la 'jug gis kyang zhes sbubs gsum rang lugs chen po'o//mngon shes drug ldan rjes dran drug /ces pa chos kyi spyan rnam pa drug drug go/ /rjes su dran pa yang de rang nyid do/ /rtsol ba'o/ /byang chub sems dpa' sems dpa' che/ /zhes pa don bdag la sems dpa' las log ste/don gzhan la sems dpa' sems dpa'o/ /rdzu 'phrul chen po'i 'jig rten 'das/ /zhes pa de yang rdzu 'phrul dang ldan pa'i sprul sku ste/ 'jig rten las 'das te rang sar grol ba'o/ /shes rab pha rol phyin pa'i mtha'/ /shes rab kyis ni de nyid thob/ /ces pa rtsol ba dang bcas pas 'khor ba las pha rol tu phyin pa ni ma yin te/shes rab khyad par can rtogs pa rgyud la shes pa'i stobs kyis pha rol tu phyin te/ phyogs lhung med pa'i shes rab rnam par mi rtog pa la gnas so/ /bdag rig gzhan rig thams cad pa/ /kun la phan pa'i gang zag mchog /ces pa ston pa sprul pa'i sku des bdag gi don kyang rig shes grol lo/ /gzhan gyi don stobs kyang rig shes grol te/ thams cad mkhyen te kun la phan 'dogs pa'i sku'o/ /dper bya kun las 'das pa ste/ /zhes pa [(]'gren [,]'gran [)]pa'i zla med pa'o/ /shes dang shes bya'i bdag po mchog /ces pa shes par bya ba'i dngos po'i gnas lugs dang / shes par byed pa rnams 'byor ba ste/ blo rnam pa gnyis su med par 'gyur bas bdag po'o/ /de'i gong na gzhan med pas mchog go/ /gtso bo chos kyi sbyin bdag ste/ /zhes pa rigs drug gi gtso bo thub pa drug gis gang la gang 'dul gyi chos ston pas na'o//phyag rgya bzhi po'i don ston pa/ /zhes pa/ chos sku dngos med 'gag med phyag rgya chen po'o/ /de'i yon tan gyi snang ba longs sku 'od 'bar ba ni dam tshig gi phyag rgya'o/ /rang byung gi ye shes gi sung 'gag pa med pa ni chos kyi phyag rgya'o//thugs rje sprul ba'i skus gdul bya'i don mdzad pa las kyi phyag rgya'o/ /'gro ba'i bsnyen bkur gnas kyi mchog /ces pa don de lta bu ston pas na'o/ /nges 'byung gsum po bgrod rnams kyi/ /zhes pa nyan thos rang rgyal byang chub sems dpa' de gsum rim pas bgrod pas bsnyen bkur bya ba gong ma bzhin no//don gyi dam pa rnam dag dpal/ /zhes pa nges pa'i don gsang sngags bla na med pa'o/ /de yang rang bzhin gyis rnam par dag pa dbyer mi phyed pa'i sku gsum du bstan pa'o/ /'jig rten gsum na skal bzang che//zhes pa gong ma'i don dang phrad pa rnams so/ /dpal ldan 'byor ba kun byed pa/ /zhes pa bdag dang gzhan gyi dpal dang ldan pas sku dang ye shes kyi 'byor ba byed pa'o/ /gang gis byed ce na/ 'jam dpal dpal dang ldan pa'i mchog /ces pa/ 'di kho nas so/ /de yan chad du le'u bdun pa shes bya thogs pa med pa'o/ /bya ba grub pa'i ye shes dang sbyar nas bshad pa'o// //da ni le'u brgyad pa che ba brjod pa sngags kyi sgra dang bcas pa bstan par bya'o/ /radz+nyA a b+h+yi t+ya ma hA rud pra sar/ /mchog sbyin rdo rje mchog khyod 'dud//ces pa gong gi don chen po khyad par 'phags pa rin po che lta bu'i dgongs pa grub/ /chos nyid 'gyur ba med pa dang 'du 'bral med pa'o/ /don gnyis su med par 'gyur ba'o/ /yang dag mthar gyur khyod la 'dud/ /ces pa rin po che'i sku 'gyur ba med pa/ don gyi phug chen por 'gyur ba'o//stong nyid las byung khyod la 'dud/ /ces pa/ dbyings stong pa dang / rig pa stong pa dbyer mi phyed pa'i nad nas sku gnyis nad gsal du 'byung ba'o/ /sangs rgyas byang chub khyod la 'dud/ /ces pa rang bzhin gyis rnam par dag par yon tan gzhan dbang du ma gyur ba'o//sangs rgyas chags pa khyod la 'dud/ /ces pa zag pa med pa'i bde ba'o/ /sangs rgyas 'dod la phyag 'tshal 'dud/ /ces pa thams cad kyis thob bya'o/ /sangs rgyas dgyes pa khyod la 'dud/ /ces pa gnyis su med pa'i don mthar phyin te/ /mya ngan las 'das pa'o//sangs rgyas rol la phyag 'tshal 'dud/ /ces pa gnyis su med pa'i don mthar phyin pa gdul bya theg pa chen po'i don gzhan la bzhag ste shin tu yang dgyes pa'o/ /sangs rgyas 'dzum pa khyod la 'dud/ /ces pa lung ston pa'o/ /de yang sangs rgyas bzhad pa ni mtshan ma zil gyis gnon pa'o//sangs rgyas gsung nyid khyod la 'dud/ /ces pa rang byung gi ye shes gsung ma 'gags pa thams cad kyi brjod bya'i rgyur gyur pa'o/ /sangs rgyas thugs la phyag 'tshal 'dud/ /ces pa mi 'gyur ba'i rig pa de bag chags dang bral ba'o//med pa las byung khyod la 'dud/ /ces pa yon tan gyi stobs sku gsum ye shes lngar 'byung ba'o/ /nam mkha' las byung khyod la 'dud/ /ces pa dngos por med la yon tan du yod pa'o/ /sangs rgyas 'byung ba khyod la 'dud/ /ces pa yon tan gyi stobs sku lnga ye shes lnga chos nyid kyi ngang na gnas shing gsal ba'o//ye shes las byung khyod la 'dud/ /ces pa gzhi gnas kyi ye shes las mtshan nyid gnyis su med pa'i ye shes lnga 'byung ba'o/ /sgyu 'phrul dra ba khyod la 'dud/ /ces pa rig pa 'gag pa med pa'i ye shes gnyis su med par gnas pa'o//sangs rgyas rol ston khyod la 'dud/ /ces pa ye shes kyi snang ba ma 'gags pa'o/ /thams cad thams cad khyod la 'dud/ /ces pa thams cad gnyis su med pa'o/ /ye shes sku nyid khyod la 'dud/ /ces pa ye shes kyi skur gyur ba'o/ /oM zhes pa zhi gnas kyi ye shes las mtshan nyid 'dzin pa'i ye shes lngar rang bzhin gyis 'od gsal ba'o//sa zhes pa de'i bzhugs gnas te/ chos kyi dbyings so/ /rba zhes pa gong ma'i thugs rje skur snang ba'o/ /de bzhin du sgra ji bzhin du bzhi sbag la sogs pa dang bstun la khong nas bda'o//d+harma a b+hA ba/ swa b+hA ba/ bi shud+d+ha/ badzra tsuk+Sha/ a A aM aH/ pra kr-i ti/ pa rishud+d+ha/ sarba d+harmaHya du ta/ sarba ta thA ga ta/ dz+nyA na kA ya/ many+dzu shrI pa ri shud+d+hi tA/ mu pA dA ya ti/ a AH/ sarba ta thA ga ta/ hr-i da ya/ ha ra ha ra/ oM hUM hrIH/ b+ha ga bAn dz+nyA na mUrti/ bA gI shwa ra//ma hA pA tsa/ sarba d+harma/ ga ga na/ a ma la/ su pa ri shud+d+ha/ d+harma d+hA tu/ dz+nyA na gar+b+ha AH/ de yan chad du le'u brgyad pa/ che ba brjod pa sngags kyi sgra dang bcas pa bshad pa'o// //da ni le'u dgu pa rjes su yi rang ba'i sgo nas bdag gzhan gyi sgo nas dgongs pa mthar phyin par bstan te/ de nas zhes pa ston pas gong ma'i don gsungs nas bar gzhan gyis mchod de/zhub pos rjes su yi rang ba phul ba'i tha tshig go/ /dpal ldan zhes pa rtogs pa bdag gi dpal ldan te/ ston pa'i thugs kyi dgongs pa mkhyen pas mkhyen pa'o/ /thugs rje gzhan gyi dpal dang ldan te/ gsang sngags kyi don chen po zhus nas 'gro don mdzad pa'o/ /zhu ba po rang rgyud pa med de rdo rje sems dpa'i thugs kyi klong nas phyung / 'od lnga shangs kyi rlung sgrom nas bton nas phyag na rdo rje'i skur gyur pa'o/ /de yang zhib tu gzhan na gsal bas ma smos so/ /rdo rje 'chang zhes pa phyag na rdo rje'o//dga' zhing mgu nas thal mo sbyar/ /zhes pa ston pa'i bka' phyin ci ma log pa'o/ /de yang bdag gzhan gyi don mthar phyin pa'o/ /mgon po zhes pa bdag gzhan gyi mgon no/ /de yang gang zhe na/ bcom ldan 'das de bzhin gshegs pa'o/ /rdzogs sangs rgyas la phyag 'tshal nas//zhes pa zhu ba pos ston pa la'o/ /de ni mgon po gsang ba'i bdag /ces pa zhu ba pos ston pa'i thugs mkhyen pa'o/ /lag na rdo rje khro bo'i rgyal/ /zhes pa khro bo gzhan las lhag par 'gyur ba'o/ /sna tshogs gzhan dang lhan cig tu/ /zhes pa 'khor rnams so//gsang bstod nas ni tshig 'di gsol/ /zhes pa dgongs pa skyes pa'o/ /mgon po bdag cag yi rang ngo / /zhes pa phyi nang gsang ba'i don ston pa la zhus pas 'khor dang bcas pa dgyes pa'o/ /legs so zhes pa tshig ma nor bas so/ /legs so gnyis pa don ma nor bas so//legs par gsungs zhes pa ston pas bdag gzhan gyi don du bshad thabs kyi yan lag dang ldan par gsungs pa'o/ /rnam grol 'bras bu 'tshal ba yi/ /zhes pa skad cig gsum la phyi nang gi rnam pa las grol nas 'bras bu ye shes chen po thob par 'tshal ba'i 'khor tam gong ma'o//gang zhe na/ 'gro ba mgon med rnams dang ni/ /zhes pa thun mong gi 'khor rnams so/ /bdag cag yang dag rdzogs pa yi/ /zhes pa ni khyad par gyi 'khor ro/ /byang chub thob pa'i don chen mdzad/ /ces pa gnas skabs kyi 'bras bu tsam yin te/ bud+d+ha sa mya ngan las 'das pa'i dgongs pa gsungs pa'o/ /sgyu 'phrul dra ba'i tshul ston pa/ /zhes pa rig pa dang ye shes kyi 'dug tshul lo/ /'di ni rnam dag legs pa'i lam/ /zhes pa don ma nor ba'o/ /zab cing yangs la rgya che ba/ /zhes pa gting dpag dka' ba'o/ /don kun 'byung ba'o//kun snang chen po'o/ /nam mkha' lta bur nub pa med pa'o/ /don chen 'gro ba'i don byed pa/ /zhes pa ston pas gong ma'i don gsungs pa ni/ don chen 'gro ba'i don mdzad pa'o/ /sangs rgyas rnams kyi yul 'di ni/ /zhes pa dus gsum gyi sangs rgyas kyi shes bya'o/ / rdzogs pa'i sangs rgyas rnams kyis bshad/ /ces pa che ba'i ye shes dang tshogs chen po gnyis ye nas rdzogs pa'i sangs rgyas rnams kyis bshad pa'o/ /bcom ldan 'das 'jam dpal ye shes sems dpa'i don dam pa'i mtshan yang dag par brjod pa'o zhes pa ni bdud bzhi ngang gis bcom ste/sku dang ye shes su shugs kyis ldan nas/ /rtag chad kyi mtha' las ye nas 'das pa'o/ /sku gsum ye shes lnga'i don gnyis su med pa'i mtshon tshig gting nas ma nor bar gsungs pa'o/ /bcom ldan 'das de bzhin gshegs pa shAkya thub pas gsungs pa zhes mi'i thub pa des ston pa rdo rje 'chang gi don 'khor rnams la gong bzhin gsungs pa'o//de yan chad du le'u dgu pa rjes su yi rang ba'i sgo nas bdag gzhan gyi don mthar phyin par bstan pa'o// //dam pa'i gdams pa thugs kyi gter/ /rnal 'byor kun gyi thugs 'chang ba/ / 'di bris nyes pa 'byung mi srid/ /gal te nyes pa 'byung ba na/ /bla ma bde gshegs chos skyong rnams/ /rtog med ye shes ngang du bzod/ /'di bris 'di yi dge ba yis/ /dri med rgyud chen grol 'gyur shog /'grel pa rgyun gcod spu gri zhes bya ba dga' rab rdo rjes mdzad pa rdzogs so/