163b5 /sgrub thabs sbyor ba 'di brtsams pas/ /'gro kun 'jam rgyal nyid gyur cig /bcom ldan 'das gshin rje'i gshed tshe bdag nag po'i sgrub thabs rdzogs so//[ ]@##/ /bcom ldan 'das gshin rje gshed la phyag 'tshal lo/ /dngos grub bsgrub dang bar chad bsal ba'i phyir/ /
163b6 gtor ma'i las la rnal 'byor 'bad par bya/ /hUM las sna tshogs rdo rje ni/ /bar snang la gnas bsam par bya/ /a las byung ba'i thod pa ni/ /de yi 'og tu bsam par bya/ /bdud rtsi oM kyis mtshan pa ni/ /de yi nang du bsam par bya/ /go ku da ha na/ bi shu ra ma mu/ hUM khaM dzI mAM rgyu/ raM las
163b7 me yi dkyil 'khor ni//thod pa'i 'og tu bsam par bya/ /yaM las rlung gi dkyil 'khor ni/ /me yi 'og tu bsam par bya/ /go las shar du ba glang sha /ku las lho ru khye yi sha /da las nub tu rta yi sha /ha las byang du glang chen sha /na las dbus su sha chen bsam/ /bi las shar du dri chen
164a1 bsam//shu las lho ru byang chub sems/ /ra las nub tu rang byung mtshal/ /ma las byang du dri chu bsam/ /mu las dbus su sman chen bsam/ /shar du rgyu la lho ru dze+e/ /nub tu bye la byang du khaM/ /dbus su hUM yig rnam par bsam/ /steng du rdo rje rgya gram bsgom/ /
164a2 ya~M` las rlung byung me sbar la/ /thod pa dros pas bdud rtsi khol/ /rlangs las 'od byung rigs lnga bskul/ /ye shes bdud rtsi phab la bstim/ /rdo rje yig 'bru bcas pa zhu/ /'bru gsum sngags kyis byin gyis brlab/ /gnyis su med pa'i mchod pa dbul/ /mchod bstod smon lam
164a3 rgyas par bya//oM ya ma kA la sarba tu pa sata ma hA ba li i ngam kr-iN+Da kr-it+na kha kha dekhA hi khA hi/ gtor ma dbul bar chad bsal ba/ /bcom ldan 'das gshin rje gshed la phyag 'tshal lo/ /sgrib dang bar chad nye bar bsal ba'i phyir/ /khrus kyi snod dag mdun du brtan par bya/ /lto ldir mgrin pa phra ba'i bum pa
164a4 la//kha tshar ma nyams ras kyis mgul chings bya/ /'bras bu lo 'dab ma nyams kha rgyan can/ /lus ngag yid gsum dag par bya ba'i phyir/ /dkar gsum mngar gsum ldan pa'i chu yis dgang / /phung po lnga po dag par bya ba'i phyir/ /'bru sna lnga yi snying po ldan par bya/ /yan lag lnga
164a5 po dag par bya ba'i phyir//sman sna lnga yi dri dang ldan par bya/ /ye shes lnga po rdzogs par bya ba'i phyir/ /rin chen lnga yi snying po ldan par bya/ /bdag lus lha yi rnal 'byor ldan pa yis/ /rgyu las bum pa gzhal yas khang chen bsam/ /dbus su ya las bcom ldan gshin rje'i gshed/ /
164a6 gshed bzhi 'khor dang phyi rol bcas pa bskyed/ /gzungs thag rang gi snying gar bzung nas ni/ /ting nge 'dzin gyis sngags kyi bzlas pa bya/ /rang gi snying ga'i hUM las 'od 'phros pas/ /skud pa'i lam nas yab kyi thugs kar zhugs/ /tshur la 'phros pas rang gi hUM la thim/ /bcu gsum
164a7 sngags la rten 'brel btags pa bzlas//'od dang du ba byung byung bsnyen pa bya/ /bsnyen pa thon nas gtsang ba'i dbus 'dus nas/ /yab yum gnyis med snyoms par zhugs pa yis/ /byang chub sems kyi chu yis khrus bya'o/ /khrus kyi cho ga sgrib pa sbyong zhing bar chod bsal ba rdzogs so// //