161a6 @##/ /rgya gar skad du/ trai kA ya wAka tsit+tA d+hiSh+Tha no de sha nA ma/ bod skad du/ lus ngag yid gsum byin gyis brlab pa'i man ngag ces bya ba/ bcom ldan 'das gshin rje'i gshed la phyag 'tshal lo/ /slob dpon dam tshig sdom ldan pas/ /legs bshams mdun du maN+Dal la/ /
161a7 lhag pa'i lha bsam phyi nang gi/ /mchod bstod gsol gdab byas rjes su/ /bdag mdun tha dad med par bya/ /spyi bo mgrin pa snying ga dang / /nu ma'i bar du yi ge bzhi/ /de las 'od 'phros phyogs bcu yi/ /dus gsum sangs rgyas thams cad kyi/ /sku gsung thugs dang ye shes
161b1 bsdu//yon phul gsol gdab byas pa yis/ /slob ma rjes su gzung bar bya/ /yi ge bzhi las bdud rtsi'i rgyun/ /slob ma'i gnas bzhir rim gyis dbab/ /de yi mthu dang nus pa yis/ /snang gsal bde dang ro gcig pa/ /rim bzhin nyams su myong ba yis/ /lus ngag yid gsum
161b2 bag chags bcas//ma lus spangs nas rdo rje bzhi'i/ /dngos grub g.yo med thob pa na/ /bde chen 'di ni bde ba che/ /'di las gzhan pa'i bde ba gang / /gzhan du yod pa ma yin zhes/ /rdo rje'i dgra yis rnam par bsgrag /de rjes phyag rgyas maN+Dal dbul/ /phra mo'i rnal 'byor rnam
161b3 bzhi yis//gnyis su 'dzin pa'i 'khri shing bcad/ /nam mkha' lta bur mtha' dbus spang / /'di ltar 'bad pa'i dge ba yis/ /thams cad phyag rgya chen por shog /slob ma rjes su gzung ba lus ngag yid gsum byin gyis brlab pa'i man ngag slob dpon sangs rgyas ye shes zhabs
161b4 kyis mdzad pa rdzogs so// //yul dbus kyi paN+Di ta A nan+da b+ha dra dang / bod kyi lo tsA ba se tsha bsod nams rgyal mtshan gyis grong khyer chen po ti ra ha te'i lho phyogs rang byung gi mchod rten rnam par dag pa'i drung du yul dbus kyi dpe dang mthun par bsgyur cing bcos te gtan la phab pa'o// //