| བོད་ཡིག |
159a7 nam phyed dam yang na tho rangs ka 'grub par byed do/ /nyi ma re re di na ra bcu bcu ster ro/ /'dre mo kha nag ma'i sgrub thabs rdzogs so// //[ ]gshin rje gshed la phyag 'tshal lo/ /gnod sbyin mo la sogs pa de rnams kyi mthus/ nyi ma re la ji tsam lag tu blangs pa de
159b1 thams cad gsog 'jog mi bya bar longs spyad cing zad par bya'o//gzhan la yang mi bshad do/ /de ltar ma byas na 'grub par mi 'gyur ro/ /de dag thams cad kyi dam tshig phyag rgya so sor gsungs pa'o/ /yang na de dag thams cad rdo rje'i rigs kho nas 'dug pas/ rdo rje'i rigs kyi
159b2 phyag rgya kho na bya ba ni thams cad la khyad med pa'i phyir ro//rdo rje bsdams pa byas nas ni/ /khros pa'i bsam pas bcing bar bya/ /mthe bo rdo rje brtan pas mnan/ /'di ni khro bo'i phyag rgyar dran/ /zhes so/ /'di rnams kyi rim pa ji lta bas lan bdun tshun chad kyis gal te ma grub na de'i tshe
159b3 khro bo'i rgyal po'i sngags sbyar te/stong phrag tsam rtog pa las gsungs pa'i grangs kyis nges par 'grub par 'gyur ro/ /dod de la sbyar ba ni/ oM ya mAn+ta ka oM b+ho ga ba ti swA hA hUM/ de bzhin du gzhan gyi yang sngags rnams sbyar la bzlas par bya'o/ /de ltar byas kyang ma grub na/ bdag gis byas
159b4 pa'i zhe gnod sbyin ma'i mngon rtogs kyi tshul gyis 'dir bsgrub par bya'o//de bzhin du gzhan gyi yang bya ba dang spyod pa dang / rnal 'byor gyi rgyud las bstan pa'i sgrub thabs thams cad/ dpal gshin rje'i gshed kyi rnal 'byor pas bsnyen pa bskyal ba dang / dgug pa la sogs pa dang
159b5 mchod pa rnams cho ga bzhin du byas te/bsgom pas bsgrub par bya'o/ /de las skyon bzlas pas bsgrub par bya'o/ /de ci'i phyir zhe na/ 'di rnams rnal 'byor chen po'i nang nas gsungs pa'i sgrub thabs thams cad bsgrub par bya'o zhes gsungs pa'i phyir ro/ /de'i phyir na theg pa
159b6 gzhan la yang gnas pa'i sgrub thabs sgrub par byed pa la the tshom du mi bya'o//sngags rnams yid bzhin nor bu ltar bsgrubs pa'i 'bras bu gcig tu ma nges pas so zhes so/ /bya ba spyod pa rnal 'byor rnams/ /de rnams don la khyad med kyang / /sems can bsam pa tha dad phyir/ /
159b7 de bzhin phye nas bstan pa'o/ /'gro la phan pa de nyid kyis/ /'gro kun sgyu ma ltar gsungs kyang / /khrus la sogs pa dag 'dod pa/ /de la ci phyir bdag med bshad/ /sna tshogs thabs kyi rgyan rnams ni/ /snying rje'i ro dang ldan pas ni / /de phyir byang chub sems dpa' yis/ /sgyu
160a1 ma'i gdan ni bstan pa'o//bya ba spyod pa rnal 'byor la/ /gang zhig blo ni chags gyur pas/ /des ni tshogs bsag khyad par du/ /de las gsungs pa'i las bya'o/ /dpa' bo'i 'khrugs pas gzhan 'joms sam/ /yang na 'bros pa legs pa yin/ /
160a2 gnyis po spangs pa'i spyod pa de/ /dgos pa med par ltung ba'i phyir/ /rgyud rgyal rgya mtsho'i nang nas shin tu rin chen cho ga 'di/ /'gro la phan phyir dpal ldan gshin rje gshed kyi sgrub thabs bton/ /de phyir 'di las rang gzhan don du rab tu sgrub par gyis/ /skabs don phan pa 'dod pa 'di
160a3 las thos par mi 'gyur ram//'di nyid byed pa sems kyi rnam pa thams cad kyis/ /lus can rnams kyi sems ni rang dbang spros pa la/ /srid pa de srid thar pa rab tu khyad pa'i phyir/ /blo yi nor ldan bla ma dag la thogs 'gyur ram/ /skye shi nad kyi chu rlabs 'khrugs pa'i phreng ba can/ /
160a4 srid chu'i ster las skye bo'i bsod nams 'dir thob shog /bdag kyang 'jam pa'i rdo rje'i sgur ni rab gyur te/ /srid pa gsum la phan byed ji srid nam mkha'i dbyings/ /bzang ngan rnam par dpyod pa'i rang bzhin grub mtha' dang / /'jam dpal zhabs kyi pad+ma'i rdul tshogs mgos len
160a5 cing //sdig pa phra zhing chung la'ang 'jigs pa rab tu 'dzem/ /thos dang snying rje sbyin dang bzod pa des tshim pa'i/ /shes rab skyong gis dpal ldan gshin rje gshed tshogs bstan/ /gshin rje gshed kyi yid bzhin gyi nor bu'i phreng ba zhes bya ba'i sgrub thabs rdzogs so// //