CLOSE WINDOW

D2045
བོད་ཡིག

dpal ldan gshin rje 'joms mdzad la/ /btud de de yi phrin las ni/ /bsgrub phyir 'khrul 'khor cho ga bshad/ /bsnyen pa byas ba'i rnal 'byor pas/ /ji lta'i sbyor bas 'khrul 'khor rnams/ /sgrub na de yi byin gyis rlob/ /blang bya de nas yang ni sgrub/ /dben par maN+Dal sogs byas la//rim pa gnyis kyi rnal 'byor mchog /mchod dang gtor ma bum pa bzlas/ /sbyin sreg de bzhin chos 'byung la/ /phyogs skyong bkod la phyi rol du/ /rnal 'byor gtor ma byin la bsgo/ /de nas dang bcas slob ma ni/ /khrus byas thal mo sbyar byas la//bla ma la ni phyogs par gzhag /skyabs 'gro sems bskyed la sogs dang / /sangs rgyas lnga yi sdom pa sbyin/ /ji skad gsungs pa'i las rab 'byams/ /bsgrub pa'i bsam pa nyer gzhag ste/ baM las byung ba'i pad+ma'i steng / /hUM byung dus dgra dmar po bsam/ snying dang mgrin par ya bsgom pa/ /lte bar re'u mig dgu pa'o/ /oM che ge mo'i/ zhi ba dang / rgyas pa dang / dbang du bya ba dang / rengs shing bsad pa rnams 'dod pa ltar 'grub pa gyis shig swA hA/ dbus su'o/ /hrI Sh+T+w-iHwi kr-i tA na na/ g.yas skor gyis phyogs bzhir ro//hUM hUM phaT phaT/ mtshams bzhi la'o/ /bcu gnyis rtsibs ni ser po la/ /k+She dza ya yig dbus dang g.yas/ /g.yon du dgod par bya ba nyid/ /lho ru ma yats+tsha yig go/ /nub tu yi ge me do na/ /byang gi gsum la do ru Na/ /rtsibs mtshams bkod pa'i yi ge ni/ /na yo ni ra lan gsum mo//de nas re'u mig phyi ma la/ /oM ya ma rA dza sa do me ya/ ya me do ru Na yo da ya/ ya da yo ni ra ya k+She ya/ yak+She yats+tsha ni ra ma ya hUM phaT swA hA/ 'khor lo kha sbyar rab dmigs la/ /spro dang bsdu ba'i sbyor ba yis/ /rgyal ba'i phrin las thams cad dang / /mthu dang yon tan tshogs bsdus la//snying dang mgrin pa'i 'khor lor gzhug /slob dpon dmar po'i 'khor lo'ang / /ji ltar me ni me gcig la/ /mar me gcig chad ji bzhin du/ /ma nyams 'phel ba 'phangs pa bzhin/ /slob ma'i snying dang mgrin par glan/ /gsang sngags rgyal po bcu bzhi dang //rtsa ba'i sngags ni sngon 'gro ba'i/ /yi ge bcu gnyis lung byin la/ /bris shing bsgrub pa byas pa yi/ /'khor lo'i rdzas ni lag byin la/ /brtan phyir rdo rje spyi bor gzhag /tiSh+Tha badzra tsakra rak+Sha sa ma ya mu dra ho/ /brtan dang g.yo ba'i bcud kun las/ /mi bskyod zhi dang dbang byed pa//mngon spyod dam pa'i 'khor lo ni/ /rab 'byams las rnams bsgrub phyir zung / /'di ni ding nas bzung byas te/ /mi 'bral bar ni bya ba'o/ /de ni rjes su gnang ba yi/ /las ni thogs med myur ba dang / /lha mnyes pa dang rim gnyis kyi/ /grogs kyi dam par 'gyur ba'o//gzhan du 'khor lo rtsom pa ni/ /mi mkhas 'grub par mi 'gyur zhing / /sngar byas dngos grub gang 'dod pa/ /bye phung chu la sogs bzhin no/ /'khrul 'khor gyi byin gyis brlab pa'i rim pa mkhas shing grub pa brnyes pa'i rnal 'byor gyi dbang phyug dpal 'dzin chen pos mdzad pa rdzogs so//de nas yang dag bshad pa ni/ /gsad dang rengs dang bskrad la sogs/ /bya'am gzhan gyis byas kyang rung / /phyir bzlog rim pa'ang gsal bar bya/ /'jigs dang bar chod mtshan ma'am/ /rmi sogs ngan pa byung gyur tshe/ /bzlog pa drug tu bya ba ste//rdzas dang sngags dang ting nge 'dzin/ /rlung dang mnyam med dag dang ni/ /srung ba med pa'i bsrung ba'o/ /de la re zhig rnal 'byor pas/ /seng ldeng dbyug pa gla rtsi dang / /gi waM shu dag gu gul dang / gan+d+hi til dang yungs kar dang / /mu men byi ru si la dang //tsan+dan dmar sogs de bzhin du/ /li khri mtshal dkar 'dus byas la/ /srung ba me las bcu gsum ltar/ /bskyed la bcu gsum gnas su gzhag /hUM k+She ma me da dza sa do ru yats+tsha ni ra/ snying ga mig dang rna ba sna/ /kha dang lte ba 'og sgo gnyis/ /brla gnyis phrag pa gnyis dang ni//de bzhin spyi bo'i gtsug la reg /ji ltar zhe sdang gshed sogs bsgom/ /rdzas rnams brdungs te lus la bcad/ /tshangs dang khyab 'jug drang srong sogs/ /log par byed pa'i rig sngags kyis/ /nam yang tshugs par mi 'gyur ro/ /phyi yo byad rdzas kyis phyir bzlog pa'o//shin tu ngan par byed pa yi/ /rig 'dzin la sogs med gyur na/ /de bzlog pa yi cho ga ni/ /tshad med sems sogs sngon 'gro bas/ /gsang sngags gsum gyis dag par bya/ /oM shA n+ya tA dz+nyA na badzra swa b+hA ba At+ma kou0f85haM/ nam mkha'i dkyil du bsam bya b a//baM raM las byung bad nyi'i snying / /sna tshogs rdo rje yongs gyur pa'i/ /srung ba'i 'khor lo bsgom bya ste/ /rtsibs bcu mu khyud lte bar bcas/ /b+h+rUM las byung ba'i gnas bcu la/ /hUM byung rgyu dang bsre ba las/ /ji ltar 'byung ba'i khro bo bskyed/ /dbus su rang nyid gshin rje gshed / / mdog gnag khros pa ma he'i steng / /de ltar bskyed nas cho ga bzhin/ /rdo rje gsum du bya ba dang / /gzhug dang bcing sogs legs byas nas/ /Tak+ki rA dza grangs med pas/ /gnod byed gdung zhing dgug la gzhug /rdo rje'i go gon snying ga yi/ /sems dpa'i gnas su bsrung bya ni//dmigs las bzlas te 'khor bas so/ /dus dus gtor ma sbyin par bya/ /gzir ba'i sbyin sreg mtshan phyed na/ /khro bo bcu la sbyin par bya/ /phyi'i byad sngags kyis phyir bzlog pa'o/ /gal te rnal 'byor lam pa la/ /rtog dang mtshan mas g.yengs pa'i byad/ / de bzlog pa yi rnal 'byor ni/ /rlung gi sbyor ba brtsam bya ste/ /u ba tan+ta d+ha ra na/ /Di ma bya gra mu sa la/ /g.yo dang 'jug pa'i rlung bzung ste/ /dbu mar rgyu ba ye shes rlung / /kun byed rnam rtog 'joms pa'o/ /nyon mongs las kyi rlung shugs dag /ye shes chen por byed pa ste/ / su yi mthus kyang mi tshugs so/ /nang byad rlung gis phyir bzlog pa'o/ /gdon dang 'jigs dang byad dang nad/ /bar du gcod pa'i chos rnams kun/ /phyi rol gyur pa la yin pas/ /phan tshun bsri ba'i ting 'dzin gyis/ /ji ltar dug la bdud rtsi bzhin/ /bar gcod ye shes chen por bya//'dzin sogs rtog pa'i bdud byung na/ /'dzin mkhan rtog pa rang nyid kyang / /pha rol gdon du bsgyur byas la/ /gdon nyid gang yin gdon par bya/ /de ltar rang nyid gnod byed ni/ /lhar blta pha rol de bzhin no/ /de nas bla ma dran byas nas/ /ji snyed brtan g.yo lha dang sngags//su yis su la gnod byed pa/ /'khrul pa'i mtshan ma rang sar grol/ /'dzin pa kun bshig spros med kyi/ /ting 'dzin chen po skye bar 'gyur/ /nang gi byad ting nge 'dzin gyis phyir bzlog pa'o/ /mthar thug ye shes bdud gyur pa/ /sdug bsngal 'khor ba 'dor 'dod dang //blang bya mya ngan 'das pa ste/ /gnyis su rgyu ba nyid yin no/ /de nyid lam du bya ba yang / /rdo rje 'dzin pa'i gsung bzhin bshad/ /dmyal sogs 'khor ba'ang legs shes na/ /sangs rgyas nyid las ma g.yos te/ /phung po lnga ru gnas phyir ro/ /ye shes lnga ni yin pa'i phyir//lus kyi dri chen la sogs lnga/ /bde gshegs lnga nyid bdud rtsi lnga/ /rig ma lngar ni gzhug phyir ro/ /rgyal sras brgyad du gnas phyir ro/ /lha mo drug tu gnas phyir ro/ /'jigs byed bcu ni yin phyir ro/ /de ltar thams cad sangs rgyas kyi/ /dkyil 'khor 'ba' zhig rang bzhin la//nad 'joms sman la dug bzhin du/ /'ga' zhig 'di la dor byar 'dzin/ /gal te 'khor ba nyid yin yang / /'khor ba thog ma dbus mtha' med/ /skye dang 'gag pa kun kyang spangs/ /skad cig rdul gyi cha spangs la/ /yod min med min med pa'ang min//sgyu ma'i glang po ji bzhin du/ /skye la skye ba yod min pas/ /sgyu ma'i skyes bus sgyu ma yi/ /bud med 'dor ba dag dang mtshungs/ /de ltar bsgoms pas 'khor ba la/ /'dor 'dod ma spangs par yang grol/ /gal te rang nyid bde ba yi/ /zag med dbyings la sems dga' na//gnyis med snying rje lhan cig skyes/ /zung du 'jug pa bsgom par bya/ /don gnyis 'byor ba'i sangs rgyas ni/ /bdag don kho na ma yin te/ /'bangs rnams bde la mi 'god par/ /rgyal srid rang bde'i phyir bzung na/ /gzhan phung 'jug tu bdag kyang phung / / bdag ni til tsam med pa'i phyir/ /bdag gi don gyis ci zhig bya/ /bdag med ye shes lhan skyes kyis/ /bdag sred ma lus rab bcad nas/ /gzhan don kho na'i blo yis ni/ /mi gnas lhan cig skyes dga'i mchog /brjod min cir yang snang ba nyid/ /rang bzhin spros dang bral ba ni//shel la tshon gyi kha dog ltar/ /sna tshogs stong pa'i gzugs nyid ni/ /bde stong gsal zhing mi rtog pa/ /brtan g.yo sangs rgyas dkyil 'khor nyid/ /yongs su khyab pa'i rang bzhin ni/ /spros med byang chub sems su gnas/ /gang du btsal yang mi rnyed de/ / bcom ldan gshin rje gshed dmar po/ /lhan cig skyes dga' zung 'jug na/ /gdod nas gnas pa yin phyir ro/ /de ltar shes pas 'khor 'das la/ /blang dor nam mkha'i sprin bzhin du/ /rang bzhin gyis ni zhi bar 'gyur/ /mthar thug ye shes kyi byad rnal 'byor gnyis kyis phyir bzlog pa'o// //de ltar bla ma'i drin las thob par gang gyur pa/ /gshin rje gshed dpal gsang ba'i man ngag gsang ba 'di/ /dri med ji bzhin gsal bar byas la nongs pa kun/ /chos dbyings yin phyir ye shes che rnams bzod mdzad rigs/ /gnyug mar gnas pa bde chen snying rjes brlan gyur pa//bdud bzhi 'joms mdzad dpal ldan dus dgra dmar po nyid/ /'di byas dge ba'i mthu yis srid gsum 'gro ba ma lus pas/ /chu la chu ltar rang gi ye shes chen po ro gcig rtogs gyur cig /phyir bzlog man ngag gsang ba las kyang ches gsang pa/bcom ldan 'das gshin rje gshed dmar po'i zhal gyi gdams pa rnal 'byor gyi dbang phyug chen po dngos grub mchog brnyes pa'i dpal 'dzin gyis mdzad pa rdzogs so// //rgya gar gyi mkhan po a nu pa mar k+Shi ta dang / lo tsA ba dar ma yon tan gyis bsgyur cing gtan la phab pa/dus phyis chos kyi rgyal po'i sku mkhar gnyis su rgya gar shar phyogs kyi mkhas pa chen po darbaN A tsAr+ya dang / lo tsA ba glo bo shes rab rin chen gyis bsgyur cing zhus so/ /'di'i dpe skabs su rgya gar bal po thams cad du rgyun chad pa las phyis u rgyan du mkha' 'gro ma rgya mtsho'i gos can las rnal 'byor sen+ta wa len+tas zhus te byung ngo/