143a2 @##/ /rgya gar skad du/ a mr-i ta a d+hiSh+ThA na nA ma/ bod skad du/ bdud rtsi byin gyis brlab pa zhes bya ba/ 'jam pa'i rdo rje la phyag 'tshal lo/ /gang zhig rnal 'byor gnyis brten nas/ /gshin rje gshed dpal gnyer byed na/ /de yi bsten bya dam tshig ni/ /
143a3 byin gyis brlab pa'i rim pa bshad/ /de la rnal 'byor pas dben pa'i gnas ri'i phug gam dur khrod la sogs pa mi'i skye bos dben par byas la/ bcud ma nyams pa'i dri chen dang / g+hany+dzi dang / ba ru ra dang / a ru ra dang / bla ba dang / mar dang / sbrang rtsi dang / bu ram dang /
143a4 so ga'i dus ma yin pa'i dus su 'dus byas pa'i pa ra na dang / legs par sbyar ba'i ril bu u rin d+ha ba'i snod dang / /lwa ba dmar po'i na bza' dang bcas pa sta gon du byas la/ ji skad bshad pa'i rim pa gnyis sngon du 'gro bas mchod pa dang gtor ma'ang phul zhing / slob dpon
143a5 la yon phul nas 'khod la//lhan cig skyes dga'i gnyug ma'i bde ba che/ /gnyis med mnyam sbyor srid zhi dus kyi dgra/ /dpal ldan phyag 'tshal 'dir ni brtser dgongs nas/ /brtan g.yo 'jig mdzad dam tshig mchog stsol mdzod/ /ces lan gsum mo/ /de nas slob
143a6 dpon gyis ji ltar snang ba'i 'jig rten thams cad de bzhin gshegs pa lnga'i ngo bor shes te rang gi bu byin gyis brlab par bya'o//snying gar dbu ma'i nang du hUM ngo / /phyogs bzhir b+hUM AM dzrIM khaM ngo / /dbus dang mtshams bzhir mu bi shu ma ra'o/ /kha dog ni rigs dang mthun par ro/ /
143a7 de bzhin du lte ba dang mgrin par yang dgod par bya'o/ /de nas lus kyi 'dug stangs dang rlung ran par bya zhing / snying ga'i yi ge las so so'i kha dog dang mthun pa'i 'od zer byung nas ma lus pa'i sangs rgyas dang byang chub sems dpa' thams cad kyi sku dang gsung dang thugs dang yon tan
143b1 dang phrin las sku lnga'i rnam par bkug ste yi ge lnga la so sor bsdu'o//de lta bu'i rim pa kho na ye shes lngas 'byung ba lnga sbyangs shing slar yang yum lnga'i rnam pas bsdu'o/ /de bzhin du lte ba dang mgrin pa las kyang ste/ 'dod pa dang gzugs dang gzugs med pa sbyang ba'i phyir ro/ /
143b2 rgyu dang lam dang 'bras bu'i dus kyi dngos grub bsdu ba'i phyir ro/ /phung po lnga dang 'byung ba lnga dang nyon mongs pa lnga ni bsdus te ye shes su byin gyis brlab pa'i phyir ro/ /de yang dus gsum du gnas pa'i phyir ro/ /slar yang 'og gi 'khor lo yi ge dang bcas pa snying ga'i hUM la bsdu zhing yi
143b3 ge brgyad kyang bsdus te/de'i 'od kyis sangs rgyas thams cad kyi yon tan bdud rtsi lnga'i ngo bo hUM cha lnga pa'i rnam pas bstim zhing / oM hrIHSh+T+riHl+Wi kr-i tA na na hUM hUM phaT phaT swA hA/ pany+tsa a mr-i ta yut+g+ha Ta sa ma yA tiSh+ThA ba badzra dza dzaHhUM baM hoHmung+ga ra hri ha ha ha hUM/ spyi bor me tog dang bcas pas
143b4 brtan par bya ste/'dod pa la sogs pa dus gsum gyi dngos grub rigs lnga dang / dpa' mo lnga dang / ye shes lnga la sogs pa'ang brtan g.yo thams cad kyi bdag po rnam par shes pa hUM 'di'o/ /zhes nges par byas la/ dag pa rjes su dran pas rnam par shes pa lhan cig skyes
143b5 pa'i ye shes sgyu ma lta bu'i ngo bo nyid rtag tu chos kyi dbyings las ma g.yos shing g.yo ba med pa nyid la sems gnas par byas la/bla mas rdo rje dril bu 'dzin pas tshad med pa'i sems kyis bzlas pa dang gdug pa can rnams bzlog par bya'o/ /de nas yang ji skad gsungs pa'i
143b6 ril bu'am/thod pa chang gis bkang ba slob ma la sbyin zhing / dpa' bo rnal 'byor ma 'khor lo'i/ /dngos grub bdud rtsi las byung ba/ /sngags pa mchog gis rab bsngags pa/ /dam tshig 'di ni khyod la sbyin/ /des kyang blangs te 'thungs pas lus thams cad byang chub kyi
143b7 sems kyis gang ste/zag pa med pa'i bde bas tshim ste/ 'dod pa'i sred pa ma lus pa zad nas bde ba dang rab tu mi rtog pa'i ye shes zung du 'jug pa bskyed par bya'o/ /de nas rgyun ma chad pas gsum mam/ bdun nam thun bzhi la sogs pa ji ltar nus pas brtan
144a1 par bya ste phan yon ni dpal ldan 'das pa'i rgyud las gsungs pa'i rim pa dang /mthar thug pa ni dam tshig 'dis bcom ldan 'das gshin rje gshed dmar po nyid mngon du byed pa nyid do zhes bcom ldan 'das nyid las thos so/ /bdud rtsi lnga yi byin gyis
144a2 brlab pa'i rim pa rnal 'byor gyi dbang phyug chen po dpal bi rU pas mdzad pa rdzogs so// //rgya gar gyi mkhan po darbaN A tsAr+ya dang / lo tsA ba zhe sdang rdo rjes mang yul gyi gtsug lag chen por zhugs shing bsgyur ba'o// //
144a3 @##/ /rgya gar skad du/ tsakra rak+Sha a d+hiSh+ThA na priSh+ThA ya u pa de sha nA ma/ bod skad du/ srung ba'i 'khor lo'i byin brlab dang phyir bzlog pa'i man ngag ces bya ba/ bcom ldan 'das zhe sdang gshin rje gshed la phyag 'tshal lo/ /srid gsum ro mnyam bde chen po/ /