CLOSE WINDOW

D2039
བོད་ཡིག

/[ ]@##/ /rgya gar skad du/ de wi d+ha ra pra b+hA a d+hiSh+ThA na/ bod skad du/ lha mo 'od 'dzin ma'i byin gyis brlab pa bcom ldan 'das gti mug dga' ma la phyag 'tshal lo/ /ma lus srid pa'i gti mug rnams/ /mthar byed ma la rab btud nas/ /spros med bdud rtsi za ba yi//ting nge 'dzin gyis byin brlab bshad/ /maN+Dal la sogs lta gon te/ /bdag bskyed bzlas pa mchod gtor dang / /'khor lo tshogs kyis mnyes byas la/ /yon bcas dad pa'i slob ma la/ /sdom pa byin la dam la gzhag /de nas 'dun pa drag po yis/ / bla ma la ni gsol ba gdab/ /pad+ma'i dbus gnas zla ba la/ /oM skyes lha mo mnyam bzhengs dkar/ /chu shel gri gug pad+ma'i snod/ /thugs kar 'dzin pa rgyan gyis brgyan/ /'od dkar 'phro 'du shel lta bu/ /de lta'i gnyis ka gsal byas nas/ /bla ma'i snying gar ji bzhin gyi//lha mo 'thon te snying gar gzhug /de yi brang dkyil oM skyes pa/ /gri gug as mtshan thod nang du/ /phyed nub tsam du bsam par bya/ /de yi 'od kyis khams gsum gyi/ /gnyis 'dzin 'khri ba kun bcad do/ /bdag med shes rab dam pa yis/ / sangs rgyas mchod de de rnams kyis/ /stong nyid ye shes bkug la bstim/ /thod pa'i 'od kyis srid gsum gyi/ /'dzin pa'i duHkha kun bsal te/ /zag med bde bar gshegs pa mchod/ /mi rtog bde chen ye shes mchog /bkug la gnyis su med par bya/ /sangs rgyas rnams kyi bde stong gi /ye shes zung 'jug rmad byung gis/ /bdud rtsis lus gang brtan g.yo yi/ /bcud bsdus ngo bor bsam byas la/ /bla ma'i ting 'dzin nus pas dbab/ /oM hrIHSh+T+r-iHwi kr-i tA na na hUM hUM phaT phaT swA hA/ a mo ha ra ti A gats+tsha ya A gats+tsha ya hUM hUM dza dza dza ya/ a A/ i I/ u U/ r-i r-I/ l-i l-I/ e ai/ o au/ aM aH/ 'phar dang g.ya' dang dgod pa dang / /bde stong nyams ni skye bar 'gyur/ /ji srid bran du khas blangs nas/ /yon phul mnyes pas dam tshig bzhin/ /bla ma bsten la brtson par bya/ /bla ma blo mi bde ba yi/ /slob ma'i dngos grub 'dod pa ni//chur shes smig rgyu ji bzhin no/ /ting nge 'dzin gyi bcud len gyi byin rlabs grub thob kyi bdag po mkhas pa chen po dpal 'dzin gyis mdzad pa rdzogs so// //rgya gar gyi mkhan po de ba A ka ra dang / lo tsA ba rin chen bzang pos bsgyur ba las/ dus phyis rgya gar shar phyogs kyi paN+Di ta darbaN A tsAr+ya dang lo tsA ba dge slong rdo rje 'dzin pa zhe sdang rdo rjes bsgyur cing zhus te slar dag par byas so/