138b7 rgya gar gyis N+Di ta dngos grub brnyes pa dar+paN A tsAR+ya de nyid dang / glo bo lo tsA ba dge slong shes rab rin chen gyis/ chos kyi rgyal po'i sku mkhar nyi zungs su bsgyur cing zhus te gtan la phab pa'o//[ ]@##/ /rgya gar skad du/ rak+ta ya ma a ri de sha pa a d+hi Sh+Tha na/ bod skad du/
139a1 gshin rje mthar byed dmar po'i byin gyis brlab pa'i rim pa/ khams gsum po ni ma lus pa/ /snying rjes chags pa'i ngo bo nyid/ /bde chen gshin rje gshed po la/ btud de 'dir ni byin brlab bshad/ /de la 'dir ni rim pa 'dis/ /rnal 'byor byang chub 'dod
139a2 pa yis//dad pa chen po brtan par byas/ /bla ma'i kha las shes par bya/ /rdo rje 'dzin rgyal gsang sngags dang / /bla ma bkur dang mkha' 'gro bsnyen/ /ji ltar gsungs pa'i rdo rje la/ /mchod sogs las su rung bar bya/ /maN+Dal la sogs yo byad dang / /bum pa dkyil
139a3 'khor gsang sngags bri//lha yi gzugs brnyan gsal ba dang / /bzlas dang mchod sogs sngon 'gro bas/ /bgegs sbyang gsol ba gdab pa dang / /dam tshig gzung dang sems bskyed bya/ /oM badzra yo ga ci t+ta ut+pA da yA mi su ra ta sa ma ya s+t+waM haM/ sid+d+hi badzra ya thA su khaM/ de nyid
139a4 gsum gyi skad cig la//lus sogs ye shes gsum du bya/ /ji skad gsungs pa'i man ngag gis/ /rang nyid ye shes dran pa dang / /rdo rje sgra ni brjod par bya/ /cho ga las byung chu sogs lnga'i/ /ji bzhin dbang ni sbyin byas la/ /'dod na rang snying pad 'dab la/ /yi ge lnga ni
139a5 dgod par bya//hUM b+hUHAM dzrIM khaM/ kha dog lnga yi 'od zer gyis/ /ma lus lus pa med pa yi/ /sangs rgyas la sogs yon tan tshogs/ /'od ni gsal bas yang dang yang / /bkug nas spro dang brtan par bya/ /rdo rje rnams dang dbyer med pa/ /skad cig nyid la thob par 'gyur/ /
139a6 oM hrIHSh+T+r-iHwi kr-i tA na na hUM hUM phaT phaT swA hA/ gsang sngags rgyal po bris pa yi/ /maN+Dal byin la 'di skad do/ /gdod nas rang bzhin rnam dag mchog /'od gsal srid gsum kun gyi gzhi/ /shin tu bde ba'i bde ba ste/ /sems kyis yid ni de ltar blta/ /bsdus te dmar pos
139a7 thig le bya//bla ma'i man ngag gi rjes 'gro/ /rig pa'i rgyal po'i bzlas pa'ang sbyin/ /bu ga'i sbyor ba dam pa yis/ /yid ni bde ba can du 'phang / /de ltar rten dang brten med par/ /gang la gang gis bdag 'dzin med/ /gdod nas skye ba med pa yi/ /skye sogs spros
139b1 las 'das pas na//spros pa nyid ni spros med pas/ /zung 'jug 'od gsal bde chen nyid/ /bde bas bde ba rtogs pa'o/ /rdo rje 'dzin rgyal ye shes che/ /gang na btsal yang mi rnyed de/ /bla ma mnyes thabs kha las so/ /de ni rtogs pa tsam gyis ni/ /srid dang mya ngan 'das
139b2 pa yi//'ching ba kun spangs rnam grol gyi/ /ye shes mchog ni thob pa'o/ /'jig rten gsum na mnyam pa spangs/ /'di ni bla ma gshin rje'i dgrar gyur pas/ /bdag la rjes su bzung bas dngos grub thob/ /de don gzhan la'ang sbyin phyir yi ge ru/ /bris la bla ma mkha' 'gro
139b3 bzod par mdzod//phod la ma yin man ngag med la min/ /shin tu gces pas phangs pas phangs par bya/ /de ltar bla ma'i drin las zab mo gsal phye bas/ /'gro kun lhan cig skyes dga' bde ba'i gtso/ /kun khyab bde gsal mi rtog ye shes zung 'jug sku/ /thob nas
139b4 bde bas bde la rnam rol dgyes par shog /gshin rje mthar byed dmar po'i byin gyis brlab pa'i rim pa grub thob kyi 'khor los sgyur ba bram ze dpal 'dzin gyi zhal snga nas mdzad pa rdzogs so// //rgya gar gyi mkhan po darbaN A tsAr+ya dang / glo bo lo tsA ba dge slong shes rab rin chen gyis
bsgyur ba'o/