135b3 [ ]@##/ /rgya gar skad du/ rak+ta ya mAn+ta ka niSh+pa na na yo nA ma/ bod skad du/ gshin rje gshed dmar po'i rdzogs pa'i rnal 'byor zhes bya ba/ bcom ldan 'das gshin rje gshed dmar po la phyag 'tshal lo/ /de la re zhig dang por bdag gis
135b4 sems can thams cad gshin rje gshed dmar po'i go 'phang la dgod pa'i phyir/bcom ldan 'das gshin rje gshed dmar po bsgom par bya'o snyam du bsams la/ phung po dang khams dang skye mched kyis bsdus pa'i chos thams cad sgyu ma lta bur stong pa nyid ro gcig par
135b5 bltas te/stong pa nyid la rab tu thim pa'i sgo nas chos thams cad bden brdzun gyi mtshan ma'i rnam pa thams cad dang bral zhing cir yang ma grub pa'i stong pa nyid du bsgom par bya'o/ /de'i ngang las skad cig gis ji ltar blos phyogs pa'i rgya chen por bar mtshams med cing snying po
135b6 gcig tu gyur pa'i rdo rje'i sa gzhi 'bar ba dang /de'i steng du rab tu mkhregs pa dum bu gcig tu gyur pa'i sra zhing 'bar ba'i rdo rje ra ba dang / de'i steng du bar mtshams med par gcig tu gyur pa'i rdo rje'i mda'i dra ba dang / de'i 'og tu rdo rje'i bla re dang /
135b7 de'i 'og tu rdo rje'i gur 'bar ba dang / de'i nang du 'khor lo rtsibs bcu pa ser po g.yas su shin tu drag por 'khor ba rtsibs kyi rtse mo la nye bar gnas pa'i shin tu 'jigs pa'i khro mo bcu dang bcas pa'i lte ba'i nang du/ rlung dang me dang / chu dang sa'i dkyil 'khor dang / ri rab kyi steng du gzhal yas khang gi dbus
136a1 su sna tshogs mtsho skyes dang nyi ma la gnas pa'i ma he dmar nag shin tu khros pa rus rgyan gyis brgyan pa'i rgyab tu/gshin rje yab yum zhabs g.yas bskum pa/ g.yon brkyang bas mnan pa'i bcom ldan 'das gshin rje gshed dmar po nyi ma bye ba'i 'od can/
136a2 zhal gcig phyag gnyis pa/ phyag g.yas na khams gsum rnam par 'joms pa'i dbyug to dkar po bsnams pa/ phyag g.yon na bdud ma lus pa'i khrag gis bkang ba'i thod pa thugs kar 'dzin pa/ brgyad gnyis lon pa'i rnam pa can/ mi mgo lnga'i phreng bas dpral bar
136a3 brgyan pa/phyag rgya lnga dang / klu brgyad kyis nye bar brgyan pa/ khrag 'dzag pa'i mi mgo lnga bcu'i phreng ba mgul par 'phyad ba/ stag gi pags pa'i sham thabs bsnams pa/ sma ra dmar skya dbu skra dmar ser gyen la brdzes pa/ thung zhing sbom pa/ gsus pa che ba/ nyi ma lta bu'i
136a4 spyan gsum dmar la zlum pa/zhal khro gnyer can mche ba gtsigs pa/ zhal cung zad gdangs pa/ khro bo'i tshul gyis bzhad pa'i zhal/ ljags bsgyur ba/ yum rdo rje ro langs mas 'khyud pa/ lha mo zhal gcig phyag gnyis pa/ spyan gsum pa/ dbu skra grol ba/ phyag
136a5 g.yon na gdug pa bdud kyi khrag gis bkang ba'i thod pa 'dzin pa/g.yas na rdo rje gri gug 'dzin pa/ mgo bo skam po lnga bcu'i phreng ba mgul par 'phyang ba/ de las gzhan yab nyid 'dra ba can bsgom par bya'o/ /de la sna tshogs pad+ma 'dab ma brgyad pa'i shar gyi 'dab ma la nyi ma
136a6 la gnas pa'i gti mug gshin rje gshed sku mdog dkar po/rdo rje tsartsi ka nag mo la 'khyud pa/ lho'i pad+ma'i 'dab ma la nyi ma la gnas pa'i phra ma gshin rje gshed sku mdog ser po rdo rje phag mo ser mo la 'khyud pa/ nub kyi pad+ma'i 'dab ma la nyi ma la gnas pa'i 'dod chags
136a7 gshin rje gshed sku mdog dmar po rdo rje dbyangs can ma dkar mo la 'khyud pa/byang gi pad+ma'i 'dab ma la nyi ma la gnas pa'i phrag dog gshin rje gshed sku mdog ljang gu lha mo gau rI ljang gu la 'khyud pa'o/ /gti mug gshin rje gshed la sogs pa'i dpa' bo bzhi ni zhal gcig
136b1 phyag gnyis pa/phyag g.yas rnams na rim pa bzhin 'khor lo dang / rin po che dang / pad+ma dang / ral gri 'dzin pa/ phyag g.yon thams cad khrag gis bkang ba'i thod pa thugs kar 'dzin pa/ de las gzhan thams cad gtso bo dang mtshungs pa'o/ /rdo rje tsartsi ka la sogs pa'i
136b2 dpa' mo bzhi ni zhal gcig phyag gnyis pa/g.yas rdo rje gri gug /g.yon khag gis bkang ba'i thod pa 'dzin pa/ phyag rgya lnga yis rnam par brgyan pa/ spyan gsum pa/ mche ba gtsigs pa/ dbu skra grol ba bsgom par bya'o/ /me'i mtshams kyi pad+ma'i 'dab ma la/
136b3 mu men gser chab kyi bum pa/ tsa tu ra sa ma yas gang ba/ bden bral gyi mtshams kyi pad+ma'i 'dab ma la gser gyi bum pa ka to ris gang ba/ rlung gi mtshams kyi pad+ma'i 'dab ma la byi ru'i bum pa sih+las gang ba/ dbang ldan gyi mtshams kyi pad+ma'i 'dab ma la dngul gyi bum pa
136b4 ga bur gyis gang ba/bum pa bzhi ka'ang kha thod pas bcad pa bsgom par bya'o/ /bcom ldan 'das kyi thugs kar sna tshogs pad+ma dang nyi ma la gnas pa'i rang nyid lta bu'i ye shes sems dpa'i thugs kar sna tshogs pad+ma dang nyi ma la gnas pa'i dbyug to dkar po'i dbus
136b5 su nyi ma'i dkyil 'khor la yi ge hUM dmar pos mtshan pa bsgom par bya'o//de la bcom ldan 'das nyid la ni mi bskyod pas rgyas btab pa'o/ /gti mug gshin rje gshed la sogs pa bzhi la ni go rims bzhin du rnam par snang mdzad dang / rin chen 'byung ldan dang / snang ba
136b6 mtha' yas dang /don yod grub pas rgyas btab pa'o/ /bcom ldan 'das kyi thugs ka'i snying po ni/ oM hrIHSh+T-iHwi kr-i tA na na hUM hUM phaT phaT swA hA/ zhes pa'o/ /de ltar bshad par gyur mod kyang / /phun tshogs sku ni dpag med de/ /chu yi gter las chu 'dzin gyis/ /chu blangs zad
par mi 'gyur bzhin/