130a5 /de yis gshin rje gshed nyid de'i/ /rnal 'byor mchog la brtson par shog /rang byin gyis brlab pa'i rim pa man ngag dang bcas pa gshin rje gshed dmar po'i mngon par rtogs pa rdzogs so// //slob dpon chen po mkhas shing dngos grub brnyes pa blo gros
130a6 bzang pos mdzad pa//paN+Di ta chen po bla ma rje btsun nyi ma'i dbang po'i 'od zer gyi zhal snga nas gus pas mnyan nas chag lo tsA ba dge slong chos rje dpal gyis bsgyur cing zhus te gtan la phab pa'o/[ ]@##/ /rgya gar skad du/ rak+ta ya mAn+ta ka yan+t+ra ut+ta ka /
130a7 bod skad du/ gshin rje gshed dmar po'i 'khor lo'i gsal byed/ bcom ldan 'das gshin rje gshed la phyag 'tshal lo/ /'di rnams bri gzhi ni/ n+ya gro d+ha'i lo ma la sogs pa la/ dang po 'khor lo rtsibs brgyad pa zlum po/ /gnyis pa la rtsibs bcu gnyis pa/ gsum pa
130b1 la rtsibs bcu drug pa/rtsibs brgyad pa'i phyogs su ya ma la sogs pa'i yi ge dgod/ mtshams kyi 'dab ma la bsgrub bya'i ming gi yi ge dgod/ rtsibs bcu drug pa'i rtsibs kyi bar gyi rtsibs brgyad la/ de ltar bsgrub bya zur rnams su'o/ /'khor lo dang po'i dbus kyi lte bar/
130b2 ya ni rab tu 'byung bar 'gyur/ shar du ma/ rtsibs bcu gnyis pa'i shar du rA/ gnyis par dza/ gsum par sa/ bzhi par do/ /rtsibs brgyad pa'i lho'i rtsibs la me/ slar yang rtsibs bcu gnyis pa'i 'dab ma lnga pa la ru/ drug pa la Na/ bdun pa la yo/ slar yang
130b3 rtsibs brgyad kyi nub kyi 'dab ma la da/yang rtsibs bcu gnyis pa'i rtsibs brgyad pa la ni/ dgu pa la rA/ bcu pa la ya/ slar yang rtsibs brgyad pa'i byang gi rtsibs la k+She/ yang rtsibs bcu gnyis pa'i bcu gcig pa la ts+tsha/ bcu gnyis pa la ni/ de bzhin du gsungs pa/ yam
130b4 rA dza sa do me ya/yame da ru Na yo da ya/ yad yo ni ra ya k+She ya/ yak+She yats+tsha ni rA ma ya/ zhes pa rtsa ba'i sngags so/ /yi ge bcu drug ni rtsibs bcu drug la'o/ /gcig ni gtso bo'i ste 'di ltar dbus su rab tu 'byung bar 'gyur ro/ /ya ma rA dza sa dom ru Na yo/ de nas dbus kyi snying po'i
130b5 rtsibs nas 'byung bar 'gyur ro//da ni rak+Sha yats+tsha/ de nas na'i mtha' can no/ /'khor lo rtsibs brgyad pa dang / rtsibs bcu gnyis pa'i nges pa'o/ /de nas rtsibs bcu drug pa'i ngos bsgrub bya'i ming gi bar bar gyi 'dab ma la sngags 'di rnams bri bar bya ste/ oM hrIHSh+n+r-iHwi kr-i
130b6 tA na na hUM hUM phaT phaT swA hA/sdang ba rnam par dbye ba la dbus su gtso bo ya'o/ /gsad pa lam/ dbang du sdud pa la rA 'byung bar 'gyur ro/ /rgyas pa la rA/ mnan pa la k+She/ dgug pa la da/ rmongs pa la me/ stobs dang ldan par bya ba la do/ /zhi ba las/ bskrad pa la ts+tsha/
130b7 chad pa btab pa la Na/ sems mnan pa la ru/ rgyal ba la dza/ rab tu gdung ba la yo/ dgra brlag par bya ba la ni/ 'dir las kyi rang bzhin gyis yi ge dbus su gtso bor gyur pa de'i gnas su ya bri bar bya/ gshin rje gshed kyi 'khor lo la des pa 'di dang po'i sangs rgyas
131a1 nas btus pa'o// //'di rnams kyi zhi ba la sogs pa'i las 'chad par 'gyur ba'i 'khor lo bri ba'i cho ga brjod de/ de la zhi ba dang rgyas pa'i 'khor lo ni n+ya gro d+ha'i lo ma rlan dang ma bral ba'i bri gzhi la/ 'bras sA lu btags pa'i chu yis/ dUr ba'i smyu gus so/ /
131a2 rgyas pa la 'jag rgod dkar po la sogs pas bri'o/ /de bzhin du gsad pa dang bskrad pa la dur khrod kyi ras la dug dang khrag dang sol bas mi rus kyi smyu gus so/ /skrod pa la bya rog gi sgro rkang gis bri'o/ /dbang du bya ba dang dgug pa la gro ga la gur gum dang gi wang gser gyi thur
131a3 mas so//dgug pa la tsan+dan dmar po seng ldeng gi smyu gus so/ /rengs pa dang rmongs pa ni mchod sbyin gyi lo ma yongs su smin pa kha dog ser po la 'bras bu gsum gyi khu ba dang bsres pa'i ba bla'am yung bas so/ /ka ped kyi smyu gu dang mchod sbyin kyi smyu gus rmongs par byed pa la'o/ /
131a4 'di ni nges pa'o// //'khor lo de rnams kyi rab tu gnas pa'i cho ga bshad de/ zhi ba dang rgyas pa'i 'khor lo bris la/ 'khor lo la sogs pa skud pa dkar pos bcing bar bya/ ji ltar 'khor lo mi mthong ba'i tshul lo/ /de bzhin las kyi bye brag gis skud pa dkar po dang /
131a5 ser pos bcing bar bya'o/ /de nas zhi dang rgyas pa ni mar dang 'o ma dang sbrang gis bkang ba'i rdza phor kha sbyar du gzhag pa'o/ /gsad pa dang bskrad pa la thod pa khrag gis bkang bar gzhag par bya/ dbang dang dgug pa la spra tshil gyis g.yogs la gyo mo kha sbyar du mes gdung bar
131a6 bya'o//mnan pa dang rmongs pa la ba bla'i chus bkang ba'i so phag dbus su gzhag par bya'o/ /gnas gtsang zhing rlan dang bcas pa'i maN+Dal gyi steng du zhi ba dang rgyas pa la gzhag par bya'o/ /gsad pa dang bskrang pa la dong gi nang du zho dang mar blugs la sba bar bya'o/ /dgug pa dang dbang
131a7 la thab kyi 'og tu'o//mnan pa dang rmongs pa ni sa skam por sba bar bya'o/ /dge ba dang mi dge ba'i las kyi 'bras bu 'di ni sngags pas nges par rig par bya'o/ /'khor lo bris ba de rnams kyi phyi rol gyi 'khor lo'i nges pa gsungs te/ de la zhi ba'i 'khor lo'i phyi rol tu zla ba'i
131b1 dkyil 'khor gyis bskor zhing re khAs bskor bar bya'o//rgyas pa la glang po ches bskor bar bya ste/ ji ltar glang po che'i lto bar 'khor lo chud pa'o/ /gsad pa la yi dags kyi lus su'o/ /bskrad pa la rnga mo'i lto bar ro/ /dbang du bsdu ba la ri dgas kyi lto bar ro/ /dgug pa la rta'i
131b2 lto bar ro//rmongs pa la ra'i lto ba'am lug gi lto bar ro/ /mnan pa rus sbal gyi lto bar ro/ /ji ltar 'khor lo lto bar 'gyur/ /phyi rol gzugs kyang de bzhin no/ /de nas gong du gsungs pa'i skud pas dkri bar bya'o/ /rig pa de rnams kyi dus su thun gyi nges pas gsungs te/
131b3 thun dang po phyed g.yon pa chu'i dkyil 'khor la kha byang du bltas te zhi ba'i las sgrub/ thun byed kyi gnyis pa la de bzhin du rgyas pa'i las la dbang ldan du kha bltas la'o/ /thun tshod gnyis pa'i thun phyed la g.yas pa rlung gi dkyil 'khor rgyu ba'i tshe kha shar du bltas la gsad pa'i las
131b4 sgrub/thun tshod gnyis pa'i phyed kyi phyi ma la me ru bltas te bskrad pa'i las sgrub/ thun tshod gsum pa'i phyed la g.yas pa me'i dkyil 'khor gyi dus su kha lho ru bltas te dbang gi las sgrub/ thun tshod gsum pa'i phyed kyi phyi ma la bden bral du bltas te dgug pa'i las sgrub/ thun tshod bzhi
131b5 pa la g.yas pa sa'i dkyil 'khor 'byung ba'i dus su kha nub tu bltas te mnan pa'i las sgrub/thun tshod bzhi pa'i phyed la rlung du bltas te rmongs pa'i las sgrub/ dbang du bya ba dang dgug pa ni gro ga la gur gum dang gi wang la gser gyi smyu gus bri/ zhi ba dang rgyas pa la n+ya gro d+ha'i lo ma la
131b6 dUr bas 'bras kyi khu bas bri/gsad pa dang bskrad pa ni dur khrod kyi ras la sogs pa dag la mi'i rus pas so/ /mnan pa dang rmongs pa dag la so phag gi phyi ma 'am yung bas so/ /'khor lo'i cho ga nye bar bsdus pa rdzogs so// //paN+Ti ta rdo rje gdan pa ni ska laM ka'i zhal snga nas/