CLOSE WINDOW

D2032
བོད་ཡིག

rgya gar gyi mkhan po bla ma rje btsun chen po nyi ma'i dbang po'i 'od zer gyi zhal snga nas tshag lo tsA ba dge slong chos rje dpal gyis bsgyur cing zhus te gtan la phab pa'o//[ ]@##/ /rgya gar skad du/ u pa de sha swa a d+hiSh+ThI na kra ma rak+ta ya mAn+ta ka a b+hi sa ma ya/ bod skad du/ rang byin gyis brlab pa'i rim pa'i man ngag dang bcas pa gshin rje mthar byed dmar po'i mngon par rtogs pa/ bcom ldan 'das gshin rje gshed dmar po la phyag 'tshal lo/ /gang gi dngos grub dug zhi dbang du byed/ /rgyas pa dang ni mngon spyod gnod sbyin sogs/ /zhi byed gang yang ngag 'byed blo yod pa//dpa' bo gshin rje gshed de'i blo ldan gyur/ /zhal gcig phyag gnyis ma he'i gdan la bzhugs/ /sku lus nyi mdog dag pas yongs su tshim/ /gnyug ma'i grogs kyis ngor rgal dbang gis ni/ /de yi sgrub thabs brtsam bya grogs dag nyon/ / de la dbang gi sems ni rnam par dag /rnal 'byor bdag nyid dag bya dang por ni/ /sems dang rjes su mthun pa'i sa phyogs su/ /brtul zhugs la gnas 'jam pa'i stan la 'dug /de nas mgo bor pad+ma dkar po dang zla ba la gnas pa'i oM yig dang / mgrin par pad+ma dmar po dang nyi ma la gnas pa'i AHyig dang /snying gar sna tshogs pad+ma dang nyi ma la gnas pa'i hUM yig sngon po bsgoms te/ oM AHhUM rim pa bzhin brjod cing lag pa g.yon pas dgod de lan gsum mgo bo nas brtsams nas bdag nyid bsrung bar bya'o/ /gdan yang rdo rje'i rang bzhin du bsgoms te lag pa g.yon pas reg la/oM AHhUM badzra A sa na hUM zhes pas gdan bsrung bar bya'o/ /de nas 'gro ba drug na gnas pa'i sems can rnams la yid kyis bltas nas byams pa'i sems bsgom par bya ste/ ji ltar bdag gi bu la sogs pa dang rang gi lus la byams pa de ltar bdag gis sems can thams cad la byams par bya'o zhes bya'o//ji ltar sems can de rnams skye ba dang / dga' ba dang / na ba dang / 'chi ba dang / mya ngan dang smre sngags 'don pa dang / bkres pa dang skom pa la sogs pa'i sdug bsngal rnam par bsams la snying rje'i sems bsgom par bya ste/ji ltar bdag gi bu la sogs pa dang / rang gi lus kyi sdug bsngal sel bar bya ba de ltar bdag gis sems can thams cad kyi sdug bsngal bsal bar bya'o zhes pa'o/ /ji ltar sems can de rnams 'dod yon lnga la nye bar spyod pa'i bde ba dang dbang phyug rnams rig par byas nas dga' ba'i sems bsgom par bya ste/'khor ba ji srid bar sems can rnams bde ba 'di nyid kyis gnas par 'gyur na legs so legs so zhes bya'o/ /de bzhin du sems can de rnams rnal 'byor ba la rnyed pa dang / ma rnyed pa dang bstod pa dang smad pa dang /grags pa dang ma grags pa dang / bde ba dang sdug bsngal stong par rig par byas la btang snyoms kyi sems bsgom par bya ste/ sems can de rnams bzang po byed kyang rung ngan pa byed kyang rung ste/ de ltar na yang bdag gis sems chags pa dang sdang ba rnam pa kun du btang snyoms bya'o zhes pa'o//'dis ni tshangs pa'i gnas bzhi bsgom pa bstan pa'o/ /de nas rang gi lus la bsam par bya ste/ re zhig bdag gi lus 'di ni sdug bsngal brgya stong du ma'i snod du byas pa sems kyang rang bzhin gyis mi brtan pa de'i phyir ji srid 'chi bdag gi dbang du ma gyur pa de srid du bdag gis gshin rje gshed kyi gzugs su bdag nyid bsgrubs la sems can thams cad sdug bsngal gyi mthar phyin par bya'o//bcom ldan 'das kyis kyang shin tu brtson 'grus dang ldan pas ni re zhig skye ba 'di nyid la da ltar byung ba'i sangs rgyas nyid du nus pa yin no zhes gsungs so//de bas na bdag gis brtson 'grus brtan par brtsams te/ de ltar yang / 'di ltar brtson la byang chub gnas/ /zhes gsungs so/ /brtson 'grus kyang dge ba la spro ba nyid de/ de ltar yang / brtson 'grus gang dge la spro ba'o/ /zhes gsungs so/ /des na brtson 'grus byas te dpa' bo gshin rje gshed bsgrub par bya'o//rang gi don sgrub pa po thams cad kyang bkra shis sngon du 'gro ba kho nas sgrub par byed do/ /de bas na dang por re zhig bkra shis par bya'o/ /gang yang sangs rgyas nyid kyi rgyu ni bsod nams kyi tshogs rdzogs pa'o zhes bsams la rang gi snying gar sems rtse gcig par byas nas skad cig gis sna tshogs pad+ma dang nyi ma la gnas pa'i hUM yig dmar po 'od zer dang bcas pa bsgoms te/de'i 'od zer gyis spyan drangs pa'i bla ma dang / sangs rgyas dang byang chub sems dpa' dang / yi dam gyi lha la sogs pa mdun du bltas la/yid las byung ba'i pU dzas mchod par bya ste/ de la me tog dang / bdug spos dang mar me dang / dri mchog dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / dril bu dang / ba dan la sogs pas mchod par bya'o/ / mchod pa bla na med pa bdun yang 'dis bya ste/ sdig pa thams cad bdag gis bshags/ /dge la dga' bas rjes yi rang / /bcom ldan thub pa dam chos sku/ /ji srid 'khor bar bzhugs su gsol/ /dkon mchog gsum la skyabs su mchi/ /sangs rgyas byang chub yid kyis gzung //lam 'di yang dag bsten par bya/ /dge ba cho gas byang chub bsngo/ /de nas phyag byas la bzod par gsol te gzhag par bya'o/ /de la 'di ltar bsgom par bya ste ting nge 'dzin du gtogs pa'i bsod nams kyi tshogs kyang ji srid ye shes kyi tshogs ma rdzogs pa de srid du sangs rgyas su mi 'gyur ro//de'i phyir re zhig ye shes kyi tshogs rdzogs par bya'o/ /gzhan yang mi'i lus yongs su gyur pa kho na las sangs rgyas nyid de/ des na mi'i lus kyang bsgyur bar bya'o zhes rnam par bsams la/ stong pa nyid bsgoms te/ dngos po med pa bsgom pa med//sgom pa bsgom pa ma yin nyid/ /de ltar dngos po dngos med pas/ /bsgom pa dmigs su med pa'o/ /zhes pa 'di'i don yid kyis bsams te/ rang gi snying gi nang du son pa'i sngags la sems gtad de/ de'i 'od zer gyis ga bur bsregs pa bzhin du rang gi lus bzhu bar bsams la/de nas pad+ma bzhu bar bsam mo/ /de nas nyi ma'o/ /de nas U yig go/ /de nas ha yig go/ /de nas zla tshes so/ /de nas thig le'o/ /de nas nA da'o/ /de nas ji ltar bud shing zad pas me nam mkhar thim pa de ltar 'od kyi phung po yang zhu bar bsams te cung zad kyang bsgom par mi bya'o//shing ltar brtan par byas la yud tsam gnas te sngags brjod do/ /oM shU n+ya tA dz+nyA na badzra swa b+hA ba At+ma kou0f85ham/ de nas skad cig gis bdag nyid sha dang rus pa dang khrag la sogs pa med pa shin tu dang zhing gzhom du med pa zhal g cig phyag gnyis pa ting nge 'dzin gyi phyag rgya 'dzin pa gcer bu rtags gyen du brtan pa ral pa 'phyang ba dkar po pad+ma dang zla ba la gnas pa zhi ba'i gzugs can sems dpa'i skyil krung can rlung sems zung du 'jug pa bsgom mo//de nas 'di ltar bsams te ye shes kyi tshogs kyang rdzogs la mi'i lus kyang yongs su gyur pas de'i phyir na da ni bdag nyid gshin rje gshed kyi gzugs su bsgrubs la rang gzhan gyi don du dngos grub bskyed par bya'o//de yang rgyu khyad par du 'phags pa'i rjes su 'bras bu khyad par du 'phags pa 'gro ba de'i phyir khyad par du 'phags pa'i rgyu nye bar brtag go zhes bsams la/oM dmar po yongs su gyur pa'i nyi ma la gnas pa'i hUM las skyes pa'i sna tshogs rdo rje bsgoms te de yongs su gyur pa las rdo rje'i sa gzhi dang / rdo rje'i ra ba dang rdo rje'i gur dang / rdo rje'i mda'i dra ba la sogs pa bsgom mo/ /de'i dbus su paM gyi rnam par yongs su gyur pa las sna tshogs pad+ma dang zla ba la gnas pa'i saM yig yongs su gyur pa las gru gsum gyi dkyil 'khor dkar po'o//de'i dbus su sna tshogs pad+ma la gnas pa'i sna tshogs rdo rje bsam mo/ /de nas sna tshogs rdo rje'i lte ba'i dbus su yi ge yaM sngon po yongs su gyur pa las rlung gi dkyil 'khor sngon po gzhu lta bu rtse mo gnyis su ba dan gyis mtshan pa'o//de'i steng du yi ge raM dmar po yongs su gyur pa las me'i dkyil 'khor gru gsum dmar po 'bar bas mtshan pa'o/ /de'i steng du yi ge baM dkar po yongs su gyur pa las chu'i dkyil 'khor zlum po dkar po bum pas mtshan pa'o//de'i steng du yi ge laM ser po yongs su gyur pa las sa'i dkyil 'khor gru bzhi ser po rdo rje rtse gsum pas mtshan pa'o/ /de'i steng du yi ge suM yongs su gyur pa las ri rab lhun po gru bzhi pa dngul dang bai DUR+Ya dang shel dang gser gyi rang bzhin lcog brgyad kyis mdzes pa'o//de'i steng du yi ge b+h+rUM ser bo bsgoms te de mtha' dag yongs su gyur pa las dkyil 'khor gyi 'khor lo bsgoms te/ gru bzhi pa la sgo bzhi pa/ /rta babs bzhi yis rnam par brgyan/ /rin chen dra ba dra phyed dang / /'dod yon lnga yis nye bar mdzes/ /de'i dbus su paM yig las byung ba'i sna tshogs pad+ma'i steng du yi ge oM las skyes pa'i nyi ma'i dkyil 'khor mnyam pa nyid kyi ye shes so//AHlas zla ba me long lta bu'i ye shes nyi ma dang lhan cig bsgom par bya'o/ /de'i steng du yi ge hUM dmar po las dbyug pa dkar po nyi ma la gnas pa'i hUM gis mtshan pa bya ba grub pa'i ye shes so//de nas bdag nyid skad cig gis skar mda' 'pho ba ltar zhugs nas gcig tu 'dres pa shin tu rnam par dag pa chos kyi dbyings kyi ye shes rnam par bsam mo/ /rnam pa lngas mngon par byang chub pa 'di ni rnal 'byor ro/ /de nas dbyug pa dngul chu dmar po'i rnam pa nyi ma'i dkyil 'khor gyi steng du khu ba'i gzugs su bsgoms la/khu ba de las skad cig gis rdo rje tsartsi kA dang / rdo rje phag mo dang / rdo rje dbyangs can ma dang / rdo rje dkar mo ste lha mo de dag 'thon nas shar dang / lho dang nub dang /byang phyogs su gnas te khu ba de dbyangs dang bcas pas bskur bar bsam ste/ thugs rje'i khro bo rje btsun nyid bzhengs shig /sa gsum mtha' dag rmongs pa sol mdzod cig /tsartsi kA yis so/ /jo bo bdud bzhi po 'di las rgyal ba/ /sems ni g.yengs so rje btsun nyid bzhengs shig /phag mo yis so/ /'jig rten mgron gnyer stong nyid bzhugs sam ci/ /rje btsun 'jig rten bsod nams nyid kyis bzhengs/ /dbyangs can mas so/ /khyod ni stong nyid sems shing ci la bzhugs/ /byams sems rang bzhin 'jig rten mgron gnyer bas//dkar mo yis so/ /bskul nas de rnams slar bcud de nyid la thim ste/ de nas khu ba de gyur pas/ /bdag nyid lha yi rang bzhin te/ /ma he dmar po'i rgyab tu bzhugs/ /gar gyi nyams dgu dang ldan pa/ /ban+d+ru ka yi me tog 'dra/ /zhal gcig phyag ni gnyis pa ste//sbom zhing thung la gsus pa 'phyang / spyan gsum dmar la zlum pa po/ /sma ra dmar ser shin tu 'jigs/ /dbu skra dmar ser gyis du brdzes/ /zhal ni mche ba rnam par gtsigs/ /ljags ni bsgyur zhing gad rgyangs can/ /dbyug pa dkar po mgo bos mtshan/ / phyag ni g.yas pa dag gis bsnams/ /g.yon gyi phyag na pad+ma yi/ /snod ni mdzes pa dang bcas pa/ /nyi ma bye ba'i 'od 'bar ba/ /g.yon brkyang ba yi zhabs kyis bzhugs/ /ma he yi ni rgyab nas su/ /gshin rje 'gyel zhing 'jigs mdzad pa/ /brgyad gnyis lon pa'i rnam pa can//klu brgyad pos ni rnam brgyan pa/ /dbu la mgo bo'i phreng ba bcings/ /mgo bo'i do shal 'phyang ba po/ /khyab bdag stags lpags na bza' can/ /rdo rje ro langs ma yis 'khyud/ /bcom ldan sku mdog dag dang ni/ /ldan zhing gri gug thod pa bsnams/ /phyag rgya lnga yis sku la brgyan//de dag mchog tu bsgom par bya/ /de nas bdag gi grub thob nyid/ /the tshom med ces nga rgyal bya/ /de nas/ oM d+harma d+hA tu swa b+hA ba At+ma kou0f85ham/ zhes pa'i sngags brjod do/ /'di ni rjes su rnal 'byor ro// //de nas bcom ldan 'das ma'i thugs rjes su chags par byas la yan l ag dang nying lag thams cad bltas te pad+ma dang rdo rje g.yo bas gnyis ka'i stag lpags kyi na bza' 'phyar bar bsgoms te de nas 'di dag rjes su chags par bya'o zhes pad+ma dang rdo rje la sems gtad la oM yig dmar po yongs su gyur pa las rdo rje rtse gcig pa oM yig ser pos rtse mor mtshan pa bsgom mo//pad+ma yang AH yig dmar po las byung ba 'dab ma gsum pa kha bye ba ze 'bru la yi ge AHsa mtshan pa 'dab ma gsum pa kha bye bar bsam mo/ /de nas oM sarba ta thA ga ta A nu rA ga Na badzra swa b+hA ba At+ma kou0f85haM/ zhes pa brjod de rdo rje dang pad+ma'i sbyor bas bdag nyid bde bar bsgom p ar bya'o//phyi rol gyi gnyis gnyis ltar 'pho ba'i gnas skabs gnyis par bdag nyid bsgoms la lha mo'i pad+ma'i dkyil du dus mtshungs par 'phos pas khams gnyis 'dres par bsgoms te dkar po dang dmar po'o/ /de nas yongs su gyur pa las gti mug gshin rje gshed la sogs pa gnas ji lta bar pad+ma'i dbus su bsgoms la bcom ldan 'das ma las byung bar bsgoms te/de nas de rnams mdun du bltas la rang rang gi gnas su bzhugs par bsgom mo/ /de nas shar gyi 'dab mar nyi ma la gti mug gshin rje gshed dkar po la tsartsi ka sku lus skam zhing nag pas 'khyud pa'o//lho'i 'dab mar nyi ma la ser sna gshin rje gshed ser po phag mo ser mo phag zhal can gyis 'khyud pa'o/ /nub kyi 'dab mar nyi ma la 'dod chags gshin rje gshed dmar po dbyangs can ma dkar mo'i sbyor ba can no/ /byang gi 'dab mar nyi ma la phrag dog gshin rje gshed ljang gu dkar mo ljang ser dang mnyam par ldan pa'o//'di dag kun kyang gshin rje gshed dmar po dang ro langs ma lta bur bsgom par bya'o/ /me'i mtshams su mu men gyi bum pa bzhi mnyam gyis gang ba bsgom mo/ /bden bral gyi mtshams su gser gyi bum pa gla rtsis gang ba'o//rlung gi mtshams su byu ru'i bum pa sih+las gang ba'o/ /dbang ldan gyi mtshams su dngul gyi bum pa ga bur gyis gang ba'o/ /'di dag thams cad kyi kha thod pas brgyan pa'o/ /de nas rang gi snying gar pad+ma dang nyi ma la gnas pa'i dbyug pa dkar po yi ge hUM dang bcas pa bsgoms la/de'i 'od zer gyis thog ma med pa nas yang dag par grub pa'i dkyil 'khor gyi 'khor lo spyan drangs te blos yang dag par mchod la dzaHhUM baM hoH zhes bya ba 'dis dgug pa dang / gzhug pa dang / bcing ba dang dgyes par bya'o/ /'di ni shin tu rnal 'byor ro// //de nas phyogs bcu na bzhugs pa'i grub pa'i rnal 'byor dang rnal 'byor ma'i tshogs spyan drangs la blos mchod la dbang zhu bar bya ste/ rnal 'byor dang rnal 'byor ma'i tshogs thams cad kyis gshin rje gshed kyi go 'phang gtan pa thob par bya ba'i phyir bdag la dbang bskur du gsol zhes pa'o//de nas de rnams dga' ba dang bcas pas bkra shis kyi klu dang rol mo sngon du 'gro bas bdud rtsi lngas gang ba'i gser gyi bum pas/ dbang bskur ba ni rdo rje che/ /khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya//zhes brjod pas dbang bskur te/ de nas dbang bskur ba'i chus spyi bor rdo rje sems dpa'i bdag nyid can bsgom mo/ /dkyil 'khor pa'i spyi bor ni rang gi gzugs brnyan no/ /dbang bskur nas rnal 'byor dang rnal 'byor ma'i tshogs thams cad dang dkyil 'khor ba'i lha rnams kyang sgrub pa pos bstod par bsgom mo//gti mug rdo rje'i rang bzhin khyod/ /gshin rje gshed po shin tu 'jigs/ /ston pa sangs rgyas kun rang bzhin/ /sku yi rdo rje khyod phyag 'tshal/ /ser sna rdo rje'i rang bzhin khyod/ /gshin rje gshed po shin tu 'jigs/ / sems kyi rdo rje rab gsal ba/ rin chen rdo rje khyod phyag 'tshal/ /'dod chags rdo rje'i rang bzhin khyod/ /khyab bdag 'dod chags chos 'byung gnas/ /dbyangs mchog kun gyi mchog gi mchog /gsung gi rdo rje khyod phyag 'tshal/ /phrag dog rdo rje'i rang bzhin khyod/ /gshin rje gshed po las kun byed//sku yi rdo rje rab gsal ba/ phyag na ral gri khyod phyag 'tshal/ /sangs rgyas kun gyi rang bzhin khyod/ /sangs rgyas thams cad gcig bsdus pa/ /sangs rgyas kun rab mchog gi mchog/ /dkyil 'khor dbang phyug khyod phyag 'tshal/ /e ma kye kye gshin rje gshed dmar po//bla ma srin po'i gzugs rang bzhin/ /khro bo khyod mthong rnam par 'jigs/ /bla ma khro bo'i rang bzhin spongs/ /khyod kyis gar mdzad sa steng dang / /sa bla dang ni sa 'og g.yo/ /chags pas brgyan pa'i khro bo yi/ /gar mdzad khyod ni ro langs lags/ /sku lus bong thung dmar po ste//rnam pa sna tshogs sprul pa'i sku/ /rdo rje dbyangs can ma yis btud/ /gar mdzad khyod ni bde ba che/ /hrIH Sh+T+r-iHgsang sngags dag gis ni/ /khyod ni sa gsum 'khrul pa sel/ /rje btsun snying rje'i khro bo las/ /gar mdzad khyod ni 'jig rten gzigs/ /zhes pas so//de nas sngags brjod do/ /oM sarba ta thA ga ta pU dza badzra swa b+hA ba At+ma kou0f85haM/ zhes pa'o/ /de nas sngar bzhin rlung gi dkyil 'khor gyi steng du me'i dkyil 'khor bsgoms la/ de'i steng du yi ge oM yongs su gyur pa las mgo bo skam po gsum gyi steng du yi ge AHyongs su gyur pa l as thod pa bsgom ste de'i nang du zho dang 'o ma dang chang dang nya la sogs pa bdud rtsi lnga dang /sgron ma lnga dang dbyug pa la sogs pa des ro mnyam par byas pa smin pa rgya skyegs kyi bcud lta bur bltas la oM AH hUM zhes pa 'dis bsil bar byas la/ yi ge hUM yongs su gyur pa las ljags rdo rje'i sbu gur bsgoms nas btung ngo //rang gi zhal nas lha mo'i zhal du ste/ dkyil 'khor so so la yang rgyun sbyin no/ /de ltar bdud rtsi myangs pas tshims par byas nas sngags bzlas te/ thugs kar gnas pa'i sa bon dang phyag mtshan la sems brtan par byas la/ oM hrIH Sh+T+r-iH wi kr-i tA na na hUM hUM phaT phaT swA hA/ji srid 'dod par bsgom zhing bzlas la/ ldang bar 'dod na rang lus [(]gyi [,]kyi [)]'od zer gyis sems can thams cad kyi don byas nas thams cad bdag nyid la yid kyis bcug la lhan cig skyes pa'i gshin rje gshed kyi rnal 'byor gyi nga rgyal gyis ji ltar bde bar gnas par bya'o//lhan cig skyes pa'i gshin rje gshed kyi rnal 'byor ni bdag nyid kyi gzugs kho na rang bzhin gyis grub pa'i gshin rje gshed kyi nga rgyal brjod de bdag nyid gshin rje gshed zhal gcig phyag gnyis pa nyid du rang bzhin gyis grub pa nyid do zhes pa'o/ / de ni rnal 'byor chen po'o// //rnal 'byor bzhi'i rim pa 'dis thun gsum mam thun bzhi'am ji ltar 'dod pa'i dus su bsgom par bya'o/ /'bum yongs su bzlas pa de srid du bzlas so/ /de nas 'bum gyi mthar mtshan thog thag bzlas te sngon du bsnyen pa byas par 'gyur ro/ /de nas las thams cad pa'i thab khung du cho ga bzhin du mngar gsum gyis bskus pa'i me tog dmar po stong phrag bcu sbyin sreg bya ste sngags re re nas bzlas nas so//oM hrIHSh+T+r-iHwi kr-i tA na na man tra si d+d+hiM me de hi hUM hUM phaT phaT swA hA/ de nas gsang sngags kyi dngos grub 'byung ngo/ /las thams cad bsgrub pa la'o//de nas phyag rgya chen po'i dngos grub bsgrub par 'dod na re zhig skad cig gi rnam pa'i rnal 'byor gyis bdag nyid bcom ldan 'das kyi skur bsgoms te rgyun mi 'chad pa chu bo'i rgyun 'bab pa lta bus so/ /bsgom pas skyon sngags bzlas te ji srid lus yongs su gyur nas gshin rje gshed kyi skur ma gyur gyi bar du'o//de nas phyag rgya chen po grub par 'gyur te lha'i skur grub pa nyid phyag rgya chen po'i dngos grub po/ /de dag kyang goms pa tsam kho nas 'byung ste/ de skad du/ yang dag ma yin mdun gnas pa/ /skyes bu goms pa'i sbyor bas 'grub 'gyur te/ /'dod pas 'khrugs pa bzhin du nyams dga' bde//sems kyang rjes su 'brang ba nges sbyong ldan/ /zhes gsungs so/ /gzhan yang / goms pa'i spyod yul ma gyur med/ /ces so/ /de nyid kyi phyir bcom ldan 'das kyis kyang skye ba 'di nyid la sangs rgyas nyid du gsungs so/ /gzhan yang bsten pa'i cho gas bcom ldan 'das bsgrub par bya ste/de la cho ga ni 'di yin te/ bcom ldan 'das kyi sku gzugs sam thang ka bzhugs su gsol te ci 'byor ba'i mchod pa bya ste bya ba thams cad spangs nas/ bya ba de la sems rtse gcig pas bzlas par bya ste/ ji srid rang nyid byon nas kye kye sgrub pa po khyed la mchog ci sbyin par bya zhes gsungs pa'i bar du'o//de nas mchod yon phul te btud nas mngon par 'dod pa'i don zhu bar bya ste de gnang bar 'gyur ro/ /oM hrIHSh+T+r-iHwi kraM tA na na A gats+tsha hUM hUM phaT phaT swA hA/ zhes pa'i sngags bzlas so/ /gzhan yang rdo rje ro langs ma bsgrub par 'dod na rdo rje ro langs ma'i sku gzugs bya zhing ras sam shing la bri bar bya ste/sku mdog dmar mo spyan gsum ma/ phyag gnyis gri gug dang thod pa dang ldan pa thung zhing sbom la lto ba 'phyang ba nu ma mkhrang ba zhabs g.yon brkyang ba/ phyag rgya lnga dang ldan pa dbu skra dmar ser gyen du brdzes pa 'dzag pa dang bcas pa'i mgo bo'i phreng ba dang ldan pa sna tshogs pad+ma dang nyi ma la bzhugs pa ma he la zhon pa'o//de nas de'i mdun du 'dug la ji ltar 'byor ba'i mchod pa bya ste bdag nyid kyang de'i gzugs brnyan 'ba' zhig tu bltas la ji srid byon nas sgrub pa po la 'khyud nas kye kye sgrub pa po ci bka' stsal lags zhes gsungs pa de srid bzlas so//sgrub pa pos kyang mchod yon phul la kye lha mo bdag gi mchis brang mdzod cig ces brjod do/ /de nas brtsams te mchis brang du 'gyur ro/ /des reg pa tsam gyis gshin rje gshed kyi gzugs su 'grub par 'gyur ro//oM dwe Sha ra ti A gats+tsha A gats+tsha nu Ta nu Ta tru Ta tru Ta hUM dzaHswA hA/ yang na/ oM badzra be tA lI A gats+tsha A gats+tsha hUM dzaHswA hA/ zhes bzlas so/ /bu mo lo bcu drug ma'am gzhon nu ma yan lag rags pa bag ma'am grogs mor bsgrubs la snod ldan du bya ste dbang bskur ba'i rnal 'byor ma sngags dang sgom pa la sogs pas mdun du bzhag la yang dag par mchod de lag pa g.yon pas de la 'khyud la rnal 'byor ma'i ngo bor bsgoms nas bzlas te 'bar ba de srid du'o//de nas de bzung nas gshin rje gshed kyi ngo bor grub par 'gyur ro/ /oM badzra ba tA lI dz+wa la dz+wa la hUM dzaHswA hA/zhes bzlas so/ /de nas gti mug gshin rje gshed bsgrub par 'dod na gti mug gshin rje gshed kyi gzugs brnyan g.yas pa dang g.yon pa'i zhabs kyi pad+ma'i mthil gyis mnan la ji srid kye sgrub pa po bka' ci stsol lags zhes smra ba de srid du'o/ /sgrub pa pos bdag gi bka' sdod du mdzod cig ces brjod do//de nas brtsams nas khams kyi rgyal srid kyang ster bar 'gyur na dngos grub gzhan lta ci smos/ de ltar ser sna gshin rje gshed dang / 'dod chags gshin rje gshed dang / phrag dog gshin rje gshed kyang bsgrub par bya ste 'bras bu de lta bu nyid do//'dir sngags ni/ oM mo hAn+ta kr-ita A gats+tsha A gats+tsha hUM hUM phaT phaT swA hA/ oM pi shu nAn+ta kr-i ta A gats+tsha hUM hUM phaT phaT swA hA/ oM rA gAn+ta kr-i ta A gats+tsha A gats+tsha hUM hUM phaT phaT swA hA/ oM i r+Sh+yAn+ta kr-i ta A gats+tsha A gats+tsha hUM hUM phaT phaT swA hA/ zhes pa bzlas so//de nas gti mug dga' ma 'ba' zhig bsgrub par 'dod na gti mug dga' ma'i sku gzugs sngar bshad pa'i lha mo'i gzugs can ma he med pa bdag nyid kyi sku mdog dang bcas pa byed du bcug la sngar bzhin mnan nas bzlas par bya ste/ ji srid byon nas bka' sdod byed kyi bar du'o//de nas brtsams te sgrub pa po'i mngon par 'dod pa thams cad sgrub par byed do/ /de bzhin du ser sna dga' ma dang / 'dod chags dga' ma dang / phrag dog dga' ma rnams bsgrub par bya'o/ /'di'i sngags ni/ oM mo ha ra ti A gats+tsha A gats+tsha hUM hUM dzaH/ oM pi shu na ra ti A gats+tsha A gats+tsha hUM dzaH/oM rA ga ra ti A gats+tsha A gats+tsha hUM dzaH/ oM i R+Sh+ya ra ti A gats+tsha A gats+tsha hUM dzaH/ oM badzra tsartsi kA A gats+tsha A gats+tsha hUM dzaH/ oM badzra bA rA hI A gats+tsha A gats+tsha hUM dzaH/ oM badzra sa ra swa tI A gats+tsha A gats+tsha hUM dzaH/ oM badzra gau rI A gats+tsha A gats+tsha hUM dzaH/ zhes bzlas so/ /de nas gnod sbyin bsgrub par 'dod na de'i tshe 'jig rten pa'i lung la grags pa'i tha snyad kyis gnod sbyin gyi gzugs brnyan byed du bcug la de kho na bzhin du mnan nas bsgrub par bya'o//bka' thams cad sgrub par 'gyur ro/ /mi dang mi mo la sogs pa gzhan thams cad kyang bsgrub par bya'o/ /oM hrIHSh+T+r-iHwi kr-i tA na na che ge mo sA d+ha ya sA d+ha ya hUM hUM phaT phaT swA hA/zhes bzlas so/ /de nas rdo rje'i dbyug pa bsgrub par 'dod na/ rgyal la pa da ra'i shing las byas pa'i dbyug pa sor sum cu so gnyis pa byas la ba'i rnam lngas bkrus la tsan+dan dang me tog gi phreng ba la sogs pas mdzes par byas la shubs nas ral gri 'don pa'i stangs kyis lag pa gnyis kyis bzung la ji srid 'bar ba de srid bzlas so//de nas dbyug pa'i rig pa 'dzin par 'gyur ro/ /gshin rje gshed dang mtshungs par pha rol gnon par 'gyur ro/ /oM hrIHSh+T+r-iHwi kr-i tA na na badzra daN+Da dz+r+wa lA ya hUM hUM phaT phaT swA hA/ zhes pa bzlas so/ /de nas thod pa bsgrub par 'dod na shing sA la las thod pa sor sum cu so gnyis pa byed du bcug la sngar bzhin du lag pa g.yon du bzhag la lag pa g.yas kyis bkab la ji srid 'bar ba de srid du bzlas so//'bras bu de kho na bzhin no/ /sngags la ka pA la dz+wa lA ya zhes pa khyad par ro/ /de nas dbyug pa'i phyag rgya bsgrub par 'dod na de'i tshe lag pa g.yas khu tshur bsdams te sdigs mdzub brkyang bar bya ba'i phyag rgya 'di bcings la ji srid 'bar ba de srid bzlas so//de nas gshin rje gshed kyi gzugs su grub par 'gyur ro/ /sngags la daN+Da mu drI dz+wa lA ya zhes pa khyad par ro/ /'di dag thams cad 'dod yon lnga la nye bar spyod pa kho nas bsgrub par bya'o//ji ltar rnyed pa'i dam tshig gi rdzas sems gsal ba'i don du bza' bar bya'o/ /gang cung zad za ba dang 'thung ba de thams cad gshin rje gshed la dang por phul te bza' btung bya'o/ /'di ni grub pa chen mo'i cho ga'o/ /de nas dngos grub phran tshegs bsgrub par 'dod na de'i tshe zhi ba la sogs pa bsgrub par bya'o//de la cho ga ni 'di yin te/ grog la brgya rtsa brgyad bsngags te 'o mas rtsibs bcu gnyis pa'i 'khor lo gnyis tha dad du bris la de'i shar gyi rtsibs nas brtsams te yi ge hUM gnyis dang phaT gnyis gcig pas bcu gnyis g.yas skor du bri'o//oM hrIHSh+T+r-i tA na na hUM hUM phaT phaT swA hA/ dbus su chu'i sa bon baM yig bris te/ baM yig gnyis kha sbyar ba'i bsgrub bya'i ming de'i lte ba'i dbus su bri'o/ /phyi rol du ba'i rnam pa gsum gyis bskor ro/ /de nas kha sbyar la skud pa dkar pos bcings la myos byed dang spra tshil gyis dkris shing brgya rtsa brgyad du byin gyis brlabs shing 'o mas gang ba'i bum par bcug la sngags bzlas so//ci 'byor pa'i mchod pa byas la/ oM hrIHSh+T+r-i tA na na baM lha sbyin gyi shAn+tiM ku ru baM hUM hUM phaT phaT swA hA/ zhes pa ji srid zhi bar ma gyur pa de srid bzlas so/ / 'jig rten thams cad la sdig pa'i nad la sogs pas nye bar 'tshe ba la ni grong gi phyogs bcur/ oM hrIHSh+T+r-iHwi kr-i tA na na grong che ge mo'i nye bar 'tshe ba thams cad shAn+tiM ku ru he he ba liM gr-i h+Na gr-i h+Na hUM hUM phaT phaT swA hA/ zhes pa 'dis lan bdun gyis byin gyis brlabs pa'i gtor ma cho ga bzhin phul la rol mo la sogs pa sngon du 'gro bas grong gi dbus su 'o ma la bsgres pa'i til gyis sbyin sreg bya ste ji srid du nye bar 'tshe ba thams cad zhi bar gyur pa'o//de nas rgyas par byed par 'dod na gur gum gyis sngar lta bu'i 'khor lo gnyis kyi dbus su yi ge bcu gnyis kyang bris la dbus su yi ge b+hUM dkyil 'khor gyi 'khor lo'i sa bon bri'o//de'i dbus su bsgrub bya'i ming bau ShaT gnyis kyis kha sbyar ba bri'o/ /phyi rol du gru bzhi pa'i ri mo gsum gyis bskor ro/ /de nas skud pa ser pos dkris la lan brgya rtsa brgyad du byin gyis brlabs shing mar dang sbrang rtsis gang ba'i bum par bcug la sngags bzlas te/'byor pa ji lta bas mchod pa byas la/ oM hrIHSh+T+r-iHwi kr-i tA na na b+h+rUM bau ShaT lha sbyin gyi pu Sh+TiM ku ru bau ShaT hUM hUM phaT phaT swA hA/ zhes bzlas so/ /rgyas pa 'phel ba'i mtshan nyid du gyur pa de srid du'o/ /sngags bzlas pa'i mjug thogs su zho zan gyi sbyin sreg bya'o/ / de nas dbang du bya bar 'dod na sngar bzhin rgya skyegs kyi khu bas 'khor lo gnyis dang yi ge bcu gnyis bris la dbus su ku ru l+le'i sa bon yi ge hrIH'o/ /de'i dbus su yi ge hoHgnyis kha sbyar ba'i bsgrub bya'i ming bri'o/ /phyi rol tu gru gsum gyi ri mo gsum gyis bskor ro/ /de nas skud pa dmar pos dkris la brgya rtsa brgyad kyis byin gyis brlabs pa'i sbrang rtsi dang rgya skyegs dang ske tshes gang ba'i thod pa'am kham phor kha sbyar du bcug la ci 'byor pa'i mchod pa bya ste sngags bzlas so//oM hrIHSh+T+r-iHwi kr-i tA na na hrIHhoHlha sbyin ba sha ma na ya ho hUM hUM phaT phaT swA hA/ zhes pa dbang du gyur pa ji srid du bzlas so//sngags bzlas pa'i mthar ni lan tshwa dang bcas pa'i me tog dmar pos sbyin sreg bya'o/ /de nas gong bus dgug par 'dod na de'i tshe dur khrod kyi sol ba dang sa las byas pa'i gzugs brnyan gyi snying ga'i dbus su bcug la der rkang pa g.yon pa'i mthe bong bzhag la bzlas te/de nyid bsgrub bya'i gong bur bsgoms nas ji srid gong bu khugs pa de srid du bzlas so/ /sngags la ba sha ma na'i shul du A kaR+Sha ya dang hoH'i shul du dzaH/ zhes pa bye brag go/ /de nas rkang pa dgug par 'dod na bsgrub bya'i snying gar yi ge hrIHdmar po dang / rtags kyi lte ba'am skye gnas kyi lte bar bo'i rnam pa dkar po bsgoms la ji srid rkang pa khugs pa de srid bzlas so//sngags bzlas pa'i mthar skye che'i sbyin sreg bya'o/ /de nas skrod par 'dod na sngar bzhin 'khor lo gnyis dang yi ge bcu gnyis bris la dbus su yi ge yaM rlung gi sa bon no/ /de'i dbus su dgra bo'i ming yaHyig gnyis kha sbyar ba can te phyi rol du zla ba phyed pa'i rnam pa'i ri mo gsum gyis bskor ro//sreg pa'am bya rog gi khrag gis so/ /de nas skud pa ljang gus dkris la brgya rtsa brgyad mngon par bsngags par byas la chu bo'i rgyun la bskur ro/ /yang na bya rog gi ske la btags la yul gzhan du khrid la dor te de nas ji srid bskrad par gyur pa de srid bzlas so//oM hrIHSh+T+rIHwi kr-i tA na na tsa la ya tsa la ya sA dA tsa la na ya lha sbyin uts+tsha Ta ya hUM hUM phaT phaT swA hA/ bzlas pa'i mthar bya rog gi khrag gis sbyin sreg bya'o/ /brgya rtsa brgyad kyis byin gyis brlabs pa'i khwa ta'i sgro dgra'i khyim du sba'o//de nas dgra'i srog nyams par 'dod na sngar bzhin 'khor lo gnyis dang yi ge bcu gnyis bris la dkyil du me'i sa bon raM bri'o/ /de'i dbus su dgra'i ming g+hu yig dang spel pa'o/ /de'i phyi rol du ri mo gru gsum pa gsum gyis bskor ro/ /tsha ba gsum dang dug dang skye tshe la sogs pas so//skud pa nag pos dkris la dur khrod kyi sol ba dang sa las byas pa'i gzugs brnyan gyi snying gar bcug la lcags kyi phur pas sgo bcu dang snying gar btab la skam por bya ste dug dang skye tshe la sogs pas byugs la tsha ba'i shing gi me du ba can la skam pas bzung la sngags zlos shing ji srid srog dang bral ba de srid bsro bar bya'o//bzlas pa'i mthar ni dgra bo'i skra dang / bshang ba dang / rkang pa'i rdul dang / sen mo dor ba dang / zos pa'i lhag ma dang / me tog dang / gos dang / dril phyis kyi dri ma la sogs pa ji ltar rnyed pa'i sbyin sreg bya'o//med na phag sha dgra bo'i sha bzhin du bsgoms la bsreg go/ /oM hrIHSh+T+r-iHwi kr-i tA na na raM g+huHlha sbyin mA ra ya g+huHhUM hUM phaT phaT swA hA/ zhes bzlas so/ /de nas rengs par 'dod na sngar bzhin 'khor lo gnyis dang yi ge bcu gnyis bris pa'i sa bon yi ge laM yig dang baM gnyis kyis spel ba'i bsgrub bya'i ming bri bar bya'o//gru bzhi pa'i re khA gsum gyis bskor ro/ /yung ba'i khu bas so/ /de nas skud pa ser pos dkris la myos byed kyi gzugs brnyan gyi nang du byas la ji ltar rnyed pa'i tsher mas yan lag thams cad phug la/ brgya rtsa brgyad kyis byin gyis brlabs pa'i yung ba'i chus gang ba'i bum par bcug la rgyas btab ste sngags bzlas so//ji srid re das par gyur pa de srid sngags bzlas so/ /bzlas pa'i mthar ni yung ba'i sbyin sreg bya'o/ /oM hrIHSh+T+r-iHwi kr-i tA na na laM baM lha sbyin s+t+waM b+ha ya laM baM hUM hUM phaT phaT swA hA/ zhes bzlas so/ /ngag rengs par byed na bA tsaM staM b+ha ya zhes pa spel lo//de nas mkha' 'gro ma dang tshangs pa srin po la sogs pa las grol bar 'dod na de'i tshe sngar bshad pa'i dbyug pa'i phyag rgyas lus ngag yid gsum gyi gnas su brdeg cing sngags bzlas na mkha' 'gro ma la sogs pa las grol bar 'gyur ro//oM hrIHSh+T+r-iHwi kr-i tA na na che ge mo'i lus kyi DA ki ni nAM brah+ma rA k+Sha saM bA a pa sA ra ya hUM hUM phaT phaT swA hA/ brdeg pa'i mtha' ni gtor ma sbyin la lus la gshin rje mthar byed yid kyis sbyar bar bya'o/ /de ltar rims dang sdig pa'i nad dang gdon dang sbrul dang mche ba dang dug dang gza' dang 'bras la sogs pa las grol bar bya ste/ji ltar rjes su mthun pa'i sngags la spel tshig reg par bya'o/ /thams cad du 'khrul 'khor bshig na zhi bar 'gyur ro/ /bdag snyan ngag mkhan no zhes nga rgyal du bsgoms nas bzlas na snyan ngag mkhan du 'gyur ro/ /de nas char ma 'bab na gtor ma chen po byin pas nye bar 'tshe ba thams cad zhi bar 'gyur ro//bdud rtsi myang ba'i cho gas gtor ma bsgrubs la mdun du gshin rje gshed dmar po'i 'khor lo skad cig gis khams gsum gyi sems can yongs su gyur par bsams la dril bu dkrol zhing sngags brjod do/ /o rak+ta mu ku TA ya/rak+ta dzA TA ya/ rak+ta mu khA ya/ rak+ta shA ri rA ya/ rak+ta b+hu dzA ya/ sa rak+ta muN+Da mA lA b+ha ra NA ya/ rak+ta ra tha sa mA rU d+d+hA ya/ rak+ta pad+ma A sa nA ya/ rak+ta A b+ha ra Na b+hU Sha NA ya/ i daM ba liM gr-ih+Na gr-ih+na ma ma bi b+h+ni ha ra ha ra tsa turmA rA na ni bA ra ya ni bA ra ya b+h+rA ma ya b+h+rA ma ya/ ts+tshin+da ts+tshin+da/ b+hi n+da b+hin+da/ nA sha yanA sha ya/ sho Sha ya sho Sha ya/ ts+tshe da ts+tshe da/ b+hed b+hed/ hUM hUM phaT phaT swA hA/ oM mo ha ya mA ra ya hUM hUM phaT phaT swA hA/ oM pi shu nA ya mA ra ya hUM hUM phaT phaT swA hA/ oM rA gA ya mA ra ya hUM hUM phaT phaT swA hA/ oM i r+Sh+YAya mA ra ya hUM hUM phaT phaT swA hA/ oM mar+m+mA mar+m+mA bi ga te hUM badzra tsartsi ke ha ra ha ra bu k+kaM mA ra ya mA ra ya bi g+h+nAM dzaH/ oM g+ho Ne su g+ho Ne badzra mA ma kI b+hA ra b+hA ra sam+b+hA ra sam+b+hA ra ha ra ha ra big+h+nAM dzaH/ oM mar+m+me mar+m+ma k+Sho b+ha ni badzra sa ra swa sti da ra da ra/ tha ra tha ra/ dza ra kam+pa thu na thu na hUM big+h+nAM dzaH/ oM gaM b+hI re badzra kArti ke g+haHg+haHhUM ra k+ta shro Ni ta pri ye gau R+Yai big+h+nAM dza/oM in+d+ra ya hr-IH/ ya mA ya Sh+T+r-iH/ ba ru NA ya bi/ ku be rA ya kr-i/ i sha nA ya ta/ ag+ne ye A/ nai r-i ta ye na/ bA ya be na/ tsan+zA ya hUM/ arkA ya hUM/ brah+ma Ne phaT/ ba su d+hA ra ye phaT/ be ma tsi tra Ne swA/ sarba b+hU te b+h+yo hA/ hA hA hA/ hI hI hI/ hUM hUM hUM/ pheM pheM pheM swA hA/ zhes so/ /de nas me tog la sogs pas yang dag par mchod la so rtsi la sogs pa yang dbul te/ bzod par gsol zhing gshegs su gsol te aHyig gsum dang se gol gsum gyis gshegs su gsol nas shar la sogs pa'i phyogs thams cad du dor ro/ / ji srid 'dod pa'i don grub pa de srid du bya'o/ /med na chu dang bsres pa'i bza' ba'i snod la mngon par bsngags la sbyin no/ /de ltar las gzhan stong phrag la yang bcom ldan 'das sbyar bar bya'o/ /bsgom pa'i bdag nyid can gyis thams cad 'grub par the tshom med do/ /'di ni dngos grub phran tshegs kyi cho ga'o//de nas bcom ldan 'das mchod par 'dod na/ de'i tshe oM badzra satwa sarba big+h+nAM u tsa ta ya hUM phaT/ ces pa 'dis tsan+dan dmar po'am sin+d+hu ra bdud rtsi lnga dang bsres pa'am 'ba' zhig pas dkyil 'khor gru bzhi pa nye bar byugs la/ oM AH badzra re khe hUM dkyil du zlum po byas te oM su re khe sarba ta thA ga ta a d+hiSh+Thi n+tu swA hA/'dis me tog bzhag nas lag pa bkrus nas skad cig gis rang gi lus las 'thon pa'i dkyil 'khor gyi 'khor lo maN+Dal du bzhugs par bsgoms la mchod par bya ste/ oM rak+ta ya mA ra ye badzra be tA la ma A liM gi ta kan+d+ha rA ya AHhUM phaT swA hA/dbus su'o/ /oM mo hA ya mA ra ye badzra tsartsi ka A liM gi ta kan+d+ha rA ya AHhUM phaT swA hA/ shar du'o/ /oM pi shu nA ya mA ra ye badzra bA rA hI a liM gi ta kan+d+ha rA ya AHhUM phaT swA hA/ lho phyogs su'o/ /oM rA ga ya mA ra ye badzra sa ra swa sti a liM gi ta kan+d+ha rA ya AHhUM phaT swA hA/nub tu'o/ /oM i R+Sh+yA ya mA ra ye badzra gau rI A liM gi ta kan+d+ha rA ya AHhUM phaT swA hA/ byang du'o/ /oM rA dza paT+Ta g+ha TA ya tsa tuHsa ma pU r+NA ya AHhUM phaT swA hA/ me mtshams su'o/ /oM sU bar+Na g+ha TA ya kas+tshu ri kA pU r+NA ya AHhUM phaT swA hA/ bden bral du'o/ /oM pra bA la g+ha TA ya sih+la ka pU r+NA ya AHhUM phaT swA hA/rlung du'o/ /oM rA dza ta g+ha TA ya karbU ra pU r+NA ya AHhUM phaT swA hA/ dbang ldan du'o/ /sngags 'di nyid kyis ji lta ba bzhin mngon par bsngags pa'i mchod rdzas bcom ldan 'das la dbul lo/ /bstod pa bsdus pa yang bya ste/ phyag btsal nas bzlas pa byas nas gshegs so//oM muHswA hA/ zhes pa 'dis rang nyid kyi lus kho na la gzhug go/ /de la 'di ni bstod pa'o/ /ma he dbang phyug chen po lha bdag po/ /gnyug mar gsungs pa'i dngos grub mnga' bdag po/ /sdig pa 'jigs rung bgegs rnams 'joms bdag po/ / gshin rje'i 'khrul 'khor gsang sngags mchog bdag po/ /dbyug pa dkar bsnams dbyug dkar bsnams pa po/ /mi thod phyag na mi thod 'dzin pa po/ /zung 'jug bde ldan zung 'jug bde ba po/ /gshin rje gsod mdzad gshin rje gsod pa po/ /mi thod klu yis brgyan byas 'jigs pa po//bcos ma'i sku lus sprul gzhi mdzad pa po/ /mthar bde'i go 'phang gnas gzugs 'god pa po/ /brtan ster blo ste tshe ring ster pa po/ /de bzhin yid mdzad pha rol phyin pa po/ /lhan skyes bde chen gcig thugs dgyes pa po/ /thugs rje ro gcig bsod nams mdzad pa po//thugs gsung bstod dge'i las kyi lam pa po/ /zhabs la lha mo cod can btud pa po/ /bgegs tshogs mtha' dag go 'phang bcom pa po/ /nor ster sku mdog nyi ltar dmar pa po/ /bde chen gshin rje gshed la phyag 'tshal lo/ /de nas rnam par dag pa bsgom par 'dod na/de'i tshe bsam gtan dang sngags bzlas pas skyon rnam par dag pa bsgom par bya'o/ /bgegs rnams zhi phyir bsrung ba byas/ /de nyid rgyur ni byams la sogs/ /smon lam 'bras bu rnyed pa'i phyir/ /mchod pa bsod nams 'phel bya'i phyir/ /lta ba gzhom phyir stong pa nyid/ /rang lus mchog tu lta ba yi//sangs rgyas zhing ni rnam dag phyir/ /rgyal ba rnams kyis dkyil 'khor gsungs/ /gru bzhi bden bzhi bsgrub phyir sprul/ /bdud bzhi bzlog pa'i don du na/ /sgo bzhi po ni kun nas gsungs/ /zur bzhi dag ni tshangs pa yi/ /gnas bzhi rdzogs par bya ba'i phyir//sgyu 'phrul sna tshogs bsgrub don du/ /ka ba brgyad ni gsal bar bshad/ /kun rtog thams cad gzhom pa'i phyir/ /dra ba dra phyed rin po che/ /bsdu ba'i dngos po bzhi bsgrub phyir/ /rta babs bzhi po kho na ste/ /phun sum tshogs pa'i rgyu yi phyir/ /sa bon la sogs zhu ba'i tshul//byams sogs 'bras bu lta ba'i phyir/ /tsartsi ka la sogs pas bskul/ /gshin rje'i dgra ru rab grags phyir/ /gshin rje gshed gzugs bsgom pa'o/ /chags can sems can gdul bya'i phyir/ /sku yi kha dog dmar po'o/ /dus gsum ye shes grub bya'i phyir//spyad gsum par ni brtags pa'o/ /phyag gnyis gnyug ma'i ngo bo'i phyir/ /shes rab de nyid rgyu yi phyir/ /dbyug pas gdug pa gdul ba'i phyir/ /bsrung ba'i don du thod pa phyag /g.yon brkyang shin tu chom pa'i phyir/ /klu ni klu rnams 'dul ba'i phyir/ /gdug pa bsdigs phyir mgo bo'i phreng //ma he gdul dka' 'dul byed phyir/ /khro bo shin tu chags sbyor phyir/ /sbom pa gang ba thob pa'i phyir/ /stag lpags la sogs khro bo'i phyir/ /skra grol ba ni grol ba'i phyir/ /snying rje'i ngo bo'i rtogs pa'i phyir/ /skyes pa'i gzugs ni rtag tu bshad//shes rab gri gug dngos po dang / /dngos med lta ba bzlog pa'i phyir/ /lha rdzas bdud rtsi myang ba'i phyir/ /ro dang ldan phyir thod pa'o/ /stong nyid ngo bo rtogs bya'i phyir/ bud med gzugs su yang dag bstan/ /stong nyid snying rje'i sbyor ba la/ gnyis kyis sbyor ba bshad pa'o/ /dbang phyug brgyad kyi khyab bdag nyid/ /phyir ni dkyil 'khor pa rnams bstan/ /de phyir rdo rje thugs bsgrub phyir/ 'di la rnal 'byor gzhan yod min/ /zhes pa'i rnam par dag pa bsam par bya'o/ /bzang po'i blo yis 'dud kyi brtson pas sprul pa'i brjod pa rgya chen nus gyur cig /de nyid de nyid rigs pas nges byas 'di ni sems can don rnams bsgrub bya'i phyir/ /dpal ldan gshin rje'i dgra yis rab bsgrags rgyud chen sna tshogs bla ma dam pa yi/ /zhal las rtogs nas the tshom med pa'i yid kyis bsam pa rnam par dag pas byas//dad pa med par 'bras bu mi 'thob nyid/ /des na dad pa nyams pa nyid mi bya/ /blo gros bzang po mkhas pas sgrub thabs mchog /dag byas gshin rje gshed dmar skur gyur cig /gshin rje gshed dmar sgrub pa'i thabs/ /byas la bsod nams gang bsags pa/