CLOSE WINDOW

D2023
བོད་ཡིག

@##/ /rgya gar skad du/ shrI rak+ta ya mA sA d+ha naM/ bod skad du/ dpal gshin rje gshed dmar po'i sgrub thabs/ dpal gshin rje gshed dmar po la phyag 'tshal lo/ /bla ma de rjes rdo rje gshin rje gshed dmar po/ /rang snang lus 'khyud bde bas gang zhig gzhan don 'jug /rdo rjes mtshan pa'i dbyug pa mi mgor ldan pa'i phyag /zhal gcig 'jigs pa sel la gus pas mgos phyag 'tshal/ /sbyin pa tshul khrims la sogs ldan/ /blo bzangs sems can don rtse gcig /byams sogs yon tan yongs su rdzogs// dad dang thos pas rnam par brgyan/ snga bar brtse ba'i bdag nyid kyis/ /dang por kha sogs dag byas nas/ /skye bos dben sogs dur khrod sogs/ /bde ba'i stan la brtsam par bya/ /rang gi snying gar pad+ma bkod/ /shin tu gsal ba'i nyi ma blta/ aM yi yig dbus su hUM yig ni//dmar po 'od zer 'phro ba'o/ /de yi 'od kyis spyan drangs pa'i/ /rang lhag lha yi dkyil 'khor dang / /rdo rje 'chang bdag rnam pa can/ /bla ma sangs rgyas de yi sras/ /khams gsum gnas pa'i sems can yang / /dkyil 'khor pa yi rang bzhin can/ /dmigs nas de dag rnams la phyag /lus kyi tshogs kyis rnam par brtson/ /tsartsi kA la sogs pa yis/ /mchod pa byas la sdig pa bshags/ /lus dang ngag dang yid kyis sdig /bgyid dang de bzhin bgyid stsal gang / /gang yang rjes su yi rang ba/ /de dag dus gsum mgon la bshags//rdzogs sangs rgyas dang de yi sras/ /'phags rnams dge tshogs rjes yi rang / /rdzogs pa'i sangs rgyas dam pa'i chos/ /tshogs kyi mchog bcas skyabs su mchi/ /yon tan rgya mtsho khyed rnams la/ /rang gi lus ni dbul bar bgyi/ /dam pa'i chos kun ston pa yi//sgra dbyangs mdzes pas bzhugs su gsol/ /yang dag rdzogs pa'i sangs rgyas dang / /de sras lam gyur sbyin sogs tshul/ /sgu gsum ye shes thob bya'i phyir/ /rab tu dang bas bsten par bgyi/ /sems can rnams kyi don bsgrub phyir/ /rdzogs pa'i byang chub sems bskyed bgyi//bsod nams kun nas gang bsags pa/ /rdzogs pa'i byang chub phyir bsngo'o/ /dpal ldan gshin rje mthar byed du/ /gyur nas bdag gis 'gro phan bgyi/ /smon lam 'di ni byas nas su/ /blo yis de rnams gshegs de nas/ /brtse bas cho ga bzhin bltas te//sna tshogs stong par rnam par bsam rang bzhin dang bral stong pa ste/ /rgyu yis kyang ni mtshan ma med/ /rnam par rtog dang bral nyid kyis/ /smon pa rnam par spangs pa'o/ /oM shu n+ya tA dz+nyA na badzra swa b+hA ba At+ma kou0f85haM/ brtan par byas nas s ems de ni//saM yig las byung nyi ma der/ /hUM las byung ba'i rdo rje ste/ /kun nas sngon po rtse lnga pa/ /'od zer 'phro bas kun nas 'khrigs/ /bsrung ba'i don du bsgom par bya/ /rdo jes sa gzhi khor yug dang / /ra ba gur ni de bzhin du/ /sangs rgyas zhing ni rnam dag phyir/ / slar yang bsam gtan brtsam par bya/ /der ni sna tshogs pad zla la/ /saM byung rdo rje bzang po yi/ /yan lag chos 'byung zur gsum dkar / /sna tshogs pad+ma rdo rje dang / /son cing gyen du gnas bsgom de'i/ /dbus su slar yang dkyil 'khor ni/ /b+hUM yig 'khor lo las skyes pa//rtag pa'i yan lag yang dag byung / /gru bzhi pa la sgo bzhi pa/ /rta babs bzhi yis rnam par brgyan/ /dra ba dra phyed kyis spras shing / /stegs bu lha mos mdzes byas pa/ /sna tshogs rtse mo rlung gis bskyod/ /ba dan dril bu dang ldan pa/ /sna tshogs rdo rje mnyam par mnan//zla ba nyi ma rgyal ba'i gdan/ /shar phyogs su ni dkar po che/ /lhor ni ser po yang dag ldan/ /nub kyi cha ni dmar po ste/ /byang ni ljang gu yang dag mtshungs/ /dbang sngon 'od 'bar rnam par ni/ /dbus kyi sa gzhi rnam bsgom bya/ /phyogs kyi kha dog dbye ba 'dis //sna tshogs rdo rje'ang bsgom par bya/ /thog kyang de bzhin bsam bya zhing / /rtsig pa so so go rims bzhin/ /rnam pa lnga ni rnam bsgoms nas/ /sangs rgyas sku ni rnam par bsgom/ /rnam pa lnga des dpal ldan ni/ /rdo rje gshin rje 'joms mdzad pa/ /sangs rgyas sku zhes bya bar grags//de yang dbye bas brjod par bya/ /sna tshogs rdo rje'i lte ba la/ /pad+ma nyi ma dbyangs zung dgod/ /de yis zla ba ka yig sogs/ /Da b+hA da d+ha ya la yang / /spel te zung des rdzogs pa yi/ /zla ba dmar po bsgom par bya/ /'di dag kho na rdzogs pa ni/ / me long lta bu'i ye shes brjod/ /mnyam pa nyid ni de gcig nyid/ /so sor kun rtog de byung hUM/ /bya ba grub pa'i ye shes ni/ /de las byung ba'i rnam par bsam/ /rdo rje dbyug pa dbyug pa che/ /mi mgo ser pos rnam par brgyan/ /nor bu me shel lta bu yi/ /'od zer 'khrug pa'i sa bon bcas //oM badzra daN+Da At+ma kou0f85haM/ zhes pas nga rgyal bya'o/ /de las byung ba dkar po'i nyi 'od snang ba thub mchog 'od 'phro rang snang gis sku 'khyud/ /sgeg pa'i khro bo'i tshul can mchog tu bde ba'i rang bzhin rdo rje 'chang gi mtshan 'chang ba/ /g.yon brkyang gdan b zhugs 'bar ba'i rdo rje dang ldan mi mgo so sor mtshan pa'i dbyug pa thogs//gtum po bdud rtsi'i tshogs kyi khu bas yongs su gang ba'i pad+ma'i snod ni bsnams pa'o/ /chos kyi dbyings kyi rang bzhin gyi/ /ye shes rdo rje 'dzin bdag nyid/ /rnam pa lnga yi rang bzhin gang / / rnal 'byor zhes ni mngon par brjod/ /'di ni rnal 'byor ro/ /'dod chags chen po'i gdul bya ni/ /'go ba gsum po mnyam bltas nas/ /rang snying ye shes 'od zer gyis/ /'gro ba sangs rgyas gzugs can byas/ /rang gi lus la mnyam par gzhug /bde ba dam pa'i rang bzhin du//bdag nyid longs spyod rdzogs pa bsgom/ /kun du rtog pa thams cad spongs / /'di ni de nyid gsum sngags mchog /ho dmar gnyis kyi dbus gnas pa/ /ji ltar skar mda' 'pho ba ltar/ /de nas byang chub sems la gzhug /snying rje chags pa'i sems kyis ni//rdo rje 'dzin pa rang nyid zhu/ /byams sogs tsartsi ka sogs kyis/ /'khor lo'i 'dren pas bskul bar bya/ /thugs rje'i khro bo rje btsun nyid bzhengs shig /sa gsum mtha' dag rmongs pa sol mdzod cig /jo bo bdud bzhi po 'di las rgyal ba/ /sems ni g.yengs so rje btsun nyid bzhengs shig /'jig rten mgron gnyer stong nyid bzhugs sam ci/ /rje btsun 'jig rten bsod nams nyid kyis bzhengs/ /byang chub rang bzhin 'jig rten mgron gnyer nas/ /khyod ni stong nyid sems shing ci la bzhugs/ /khu ba de bskul zhu bar ni/ / gyur cing bcud de'i rjes su zhugs/ /glu 'di dag gi rjes mthun ngor/ /de rnams rgud bzhin 'bod pa'i phyir/ /khu ba yongs gyur paM las skyes/ /sna tshogs pad+ma nyi dkyil du/ /khros shing dregs bcas dmar po ni/ /rus pa'i rgyan gyis rnam par brgyan/ /smin ma rno zhing rab 'bar ba//rmig pa brdabs pas 'jigs par byed/ /baM yig sa bon las byung ba/ /'jigs pa yang ni 'jigs par byed/ /ma he de yi rgyab gnas pa/ /mi mgo ser pos mtshan pa yi / /rdo rje'i dbyug pa 'od zer can/ /dkar po gdul dka' 'dul byed bsgom/ /slar yang sa bon de dbus son//nyi ma dang bcas me long gi/ /gzugs brnyan ltar bsams de 'od kyis/ /sna tshogs dus dgra'i gzugs can byas/ /de la yang dag bcug nas ni/ /rdo rje'i dbyug pa las byung ba'i/ /'khor lo'i dbang phyug 'od gsal 'bar /bdag nyid 'di ltar bsgom par bya/ /khams gsum bdud kyi dkyil 'khor la/ /'od zer 'bar ba drag tu 'phro/ /drag shul bskal pa'i me 'bar sku/ /khro gnyer 'khyog po 'jigs su rung / /mgrin par hUM gi rnam pa gang / /ljags ni 'gyur zhing 'od zer 'phro//nyi ma'i gzugs la 'gran pa yi/ /spyan gsum 'phro ba dang ldan pa/ /mche ba 'bar zhing gtsigs pa'i zhal/ /smin ma sma ra mgo skyes gyen/ /nya phyis lta bu'i mgo bo lngas/ /dbu la rnam par brgyan pa ste/ /zhabs g.yon brkyang bas mnan pa yi/ /dus ni rgyal bar byed pa po//'bar ba'i phreng ba dmar po yis/ /sa yi dkyil 'khor mtha' dag khyab/ /dpa' bo zhal gcig phyag gnyis pa/ /dpal ldan gshin rje mthar byed dmar/ /phyag g.yas rdo rje'i dbyug pa ni/ /dkar po mi mgo ser pos mtshan/ /g.yon na pad+ma'i snod mchog ni//dkar po bdud rtsi lnga yis gang / /sbom zhing thung la gsus pa 'phyang / /mgo bo'i do shal rnam 'phyang ba/ /zhal nas khrag 'dzag mgul par ni/ /rang snang shes rab ma yis 'khyud/ /stag gi pags pa'i na bza' can/ /gdengs can dbang po khros pas brgyan//mtha' yas sngon po klu dbang gis/ /dbu skra bcings mdzes 'jigs par byed/ /klu rgyal 'jog po dmar po yi/ /rnam par drag po'i rna rgyan byas/ /sna tshogs rigs ldan dpung pa'i rgyan/ /klu rgyal dung skyong ser po ni/ /lag gdub dag tu 'dzin pa'o/ /pad+ma dkar po mgul pa'i rgyan//ljang gu stobs kyi rgyu yis kyang / /mchod phyir thogs pa shin tu mdzes/ /gdengs can nor rgyas bdud rtsi yi/ /kha dog lta bus ska rags byas/ /pad rtsa lta bur dkar ba'i mdog /pad+ma chen pos rkang gdub byas/ /thams cad phaT kyi sgra drag pos//lce gnyis mche ba'i phreng ba can/ /de nas rang nyid pad nyi la/ /sa bon hUM las byung ba yi/ /rdo rjes mtshan pa'i dbyug pa dkar/ /mgo bo ser pos rnam par brgyan/ /ji ltar dngas pa'i shel dag la/ /dza ba'i me tog drug tu gzhag /dza ba'i me tog des mtshungs pa/ / rab tu gsal bar snang bar 'gyur/ /de bzhin de dbus nyi mar gnas/ /gsal bar der son gdan dag la/ /mar me 'bar ba'i rtse mo lta'i/ /hUM gi rnam pa rab tu bsam/ /bcom ldan 'das 'di ci 'dra ba/ /sku mdog phyag mtshan la sogs pa/ /bcom ldan 'das ma'ang de dang 'dra//'on kyang mgo phreng skam po can/ /de mtshan rdo rje ro langs ma/ /kha cig rdo rje gshin rje yi/ /gshed ma zhes grags rig pa yi/ /dga' ba'i tshogs rgyun 'bab pa mo/ /phyi nas bcom ldan 'das gsang ba/ /hUM yig las byung rdo rje dang / /bcom ldan 'das ma'i gsang ba yang //AHyig las byung pad+ma ru/ /bltas nas gsang sngags oM sar+b+ba/ /la sogs brjod cing mdun gnas ma/ /bde chags thugs ma rang snang gi /shes rab ma yis gtso bo 'khyud/ /rdo rje pad+ma snyoms 'jug pas/ /bde ba 'bebs pa'i don du gnyer/ / lhan cig skyes dga'i rang bzhin du/ /de yi mjug thogs bsgom par bya/ /shes rab lte 'og mtsho skyes ni/ /'dab ma brgyad pa dmar po de'i/ /lte bar gnas pa'i hUM yig dmar/ /de yi steng du gnas pa yi/ /pad+ma'i snal ma'i gzugs can ni/ /spyi bo'i bdud rtsi las 'thon pa//ri mo dkar po gsal bar bya/ /shes rab 'phel ba nyer gnas gang / /'di ni 'khor ba myang 'das kyi/ /gzugs can gshin rje 'joms byed du/ /rtogs nas rnam rtog zhi bya'i phyir/ /sngags kyis kun nas byin gyis brlab/ /oM d+har+m+mad+hA tu swa b+hAb At+ma kou0f85haM/'di ni rjes su rnal 'byor ro/ /rang snying 'od zer lcags kyu yis/ /mkha' khyab rdzogs pa'i sangs rgyas kun/ /spyan drangs zhal nas rnam kun gzhug /bde ba zhugs pa snying ga ru/ /zhu byas blo ldan de dbyung bya/ /rdo rje'i lam nas zhu ba de/ /rang snang pad+ma'i dkyil gnas pa'i//sa bon rang bzhin can du blta/ /'od zer 'phro ba'i tshogs 'bar ba/ /cho ga bzhin du mkhas pas bsgom/ /dbus su ya yig las byung ba'i/ /gtso bo bshad pa'i mtshan nyid can/ /shar du k+She dang 'khor lo las/ /byung ba'i rtag pa phyag gnyis pa//dkar po g.yas na 'khor lo g.yon/ /de bzhin thod pa bsnams par bsgom/ /lhor ni ma yig rin chen las/ /skyes pa'i rin chen 'byung ldan ni/ /btso ma gser gyi mdog lta bus/ /g.yas na rin chen che mchog bsnams/ /g.yas pa min na thod pa'o/ /nub tu chags pa rdo rje can//me yi sa bon pad+mas khu skyes/ /pad+ma rA ga'i 'od mtshungs pa/ /pad+ma dmar dang thod pa ni/ /phyag g.yas cig shos dag tu dgod/ /byang du da yig ral gris bskyed/ /phrag dog gshin rje gshed ljang gu/ /g.yas na ral gri mchog bsnams shing / /g.yon na mi yi thod pa'o//'di rnams zhal gcig phyag gnyis pa/ /zhabs ni g.yon brkyang stabs kyis bzhugs/ /thams cad zhe sdang gshin rje gshed/ /mtshan nyid dag gi khro bo'i gzugs/ /'on kyang de rnams phyag g.yas na/ /rang rang sku mdog rang phyag mtshan/ /gnyug ma'i shes rab gnyis med gyur//sku ni bde ba'i rang bzhin can/ /nyi ma'i dkyil 'khor dag la gnas/ /rtag pa zla ba'i dkyil 'khor la/ /sna tshogs rdo rje'i ra rtsar gnas/ /sems can don mdzad bsgom par bya/ /shar du ya yig tho ba las/ /byung ba'i tho ba gshin rje gshed/ /ces grags sgu mdog sngon po'i tshul//phyag g.yas na ni tho ba ste/ /g.yon na pad+ma'i snod bsnams pa/ /lhor ni tsa yig dbyug pa las/ /byung ba'i dbyug pa gshin rje gshed/ /dkar po dbyug mchog mi thod can/ /nub tu pad+ma gshin rje gshed/ /ni skyes chags pa mthar byed tshul//byang du ral gri gshin rje gshed/ /ra las phrag dog mthar byed 'dra/ /cung zad sngo ba bye brag tu/ /mdzes shing rab tu 'jigs par byed/ /thams cad gdug pa sbrul gyis brgyan/ /mche ba gtsigs shing gad rgyangs can/ /dbu skra dmar ser gyen du 'bar/ /nyi ma'i dkyil 'khor yang dag bzhugs//rang snang shes rab yan lag spyor/ /gnyis med ye shes rang bzhin can/ /mche ba rnam gtsigs 'jigs pa'i zhal/ /rang rang phyag mtshan thod pa can/ /sna tshogs rdo rje'i grwa bzhi ru/ /de bzhin lha mo zla bar bzhugs/ /shar lhor dza dang 'khor lo las//lha mo rdo rje tsartsi ka /dkar mo skem zhing drag mo che/ /gti mug gshin rje gshed gzugs ma/ /lho nub dag tu rdo rje sa/ /las skyes rdo rje phag mo ste/ /drag mo phag gi gdong can nyid/ /zar ma'i me tog dang mtshungs ma/ /nub byang zur du dbyangs can ma/ / dmar mo de dang pad+mas bskyed/ /rab tu zhi ma phun sum tshogs/ /'dod chags gshin rje mthar byed gzugs/ /byang shar mtshams su dkar mo ste/ /ljang gu 'jigs byed ra las skyes/ /phrag dog gshin rje gshed byed kyi/ /tshul dang phyag mtshan 'dzin par brtson/ /thams cad g.yon brkyang ba yi zhabs//rang rang mtshan ma thod pa can/ /'on kyang rdo rje phag mo dang / /dkar mo bong thung sto ba 'phyang / /Na yo ni rA las byung ba'i/ /thod pa bzhi ni zur bzhi ru/ /bskyed de ji ltar rang rang sngags/ /gsungs pas blo dang ldan pas dbyung / /tIHbyeHla sogs gsang sngags sgras//dkyil 'khor bdag po la bskul nas/ /sprul pa dpag med spro bar bya/ /bla med sems can don byas nas / /dngos po kun gyi rang lus la/ /khro bo dpa' bo dgod par bya/ /dzi na dzika ces bya ba 'dis/ /shar gyi rmongs pa mthar byed ni/ /ra yi rtsa bar gnas sna tshogs/ /pad+ma zla ba dag la dgod//rat+na d+h+rika ces bya ba 'dis / /lho ra chu skyes nyi ma la/ /phra ma zhes grags spyan drangs nas/ /cho ga yis ni dgod par bya/ /A ro l-ika ces gsang sngags kyis/ /'dod chags gshin rje 'joms pa po/ /nub ra chu skyes nyi ma la/ /cho ga ji bzhin dgod par bya/ / pradz+nyA j-ika gi de nyid kyis/ /phrag dog gshin rje rnam 'jig pa/ /byang gi chu skyes 'od rno bar/ /cho ga bzhin du dgod par bya/ /mung+ga d+h+rika gi de nyid kyis/ /shar sgor chu skyes nyi ma la/ /tho ba gshin rje mthar byed dag /mkhas pas cho ga bzhin du bsam/ /daN+Da d+h+rika gi gsang sngags kyis//lho sgor yang dag bzhugs pa yi/ /dbyug pa dus dgra gdul dka' 'dul/ /sna tshogs pad+ma nyi mar dgod/ /pad+ma d+h+rika nyid 'di yis ni/ /pad+ma gshin rje 'joms mdzad pa/ /nub sgor pad+ma nyi ma la/ /stobs po che ni bsam par bya/ /khang+ga ng+h-ika gi de nyid kyis//ral gri gshin rje zad mdzad ma/ /byang du bdud rnams sel ba po/ /sna tshogs pad+ma nyi mar dgod/ /sna tshogs rdo rje'i grwa bzhi ru/ /de bzhin gzhan yang lha mo bsgom/ /shar lhor lha mo tsartsi ka /drag mo rab tu 'od 'phro ma/ /mo ha ra ti'i gsang sngags kyis/ /sna tshogs chu skyes zla bar bzhugs//de nas lho nub rigs kyi yum/ /rdo rje phag mo mkhas pa yis/ /dre Sha ra ti de nyid kyis/ /pad+ma zla bar dgod par bya/ /de nas nub byang mtshams su ni/ /pad+ma zla bar dbyangs can ma/ /rA ga ra ti'i sngags kyis dgod/ /de nas byang shar dkar mo ste/ /badzra ra ti'i gsang sngags kyis//zla bar 'di rnams shis pa mtshan/ /dkyil 'khor gyi ni grwa bzhi ru/ /de nyid gsum gyi thod pa'o/ /'di ltar 'khor lo dam pa spros/ /bde ba ldan pa brten byas nas/ /sngar gyi 'khor lo de nyid du/ /thim par mnyam par gzhag par blta/ /'di ni shin tu rnal 'byor ro//gshin rje gshed po dmar po yi/ /dkyil 'khor pa yi rang bzhin can/ /mig dang sku sogs ngo bo ni/ /lha yi mngon par byin gyis brlab/ /k+ShiM dang 'khor los gti mug bzhin/ /cung zad khro bo'i mig dag la/ /blo ldan rdo rje'i mig dgod bya/ /rna bar dzrUM dang rdo rje bskyed//rdo rje'i snang ba nag por snang / /snar khaM rin chen las byung ba'i/ /ser sna zhes bya zla ba la/ /rdo rje sna yang de bzhin gzhan/ /lce la re las pad+ma bskyed/ /rdo rje lce ni zla bar gnas/ /'dod chags dang mtshungs rdo rje lus/ /ske skyes ral gri las byung ba/ /phrag dog gshin rje gshed ngo bo//lus ming bral ba'i zla bar gnas/ /b+he ba'i steng du saM rdo rjes/ /sems kyi rdo rje de bzhin gshegs/ /sgeg pa'i khro bo'i gzugs can de/ /rdo rje 'dzin pa'i rnam par dgod/ /'di ni yan lag drug dgod pa/ /mngon shes don bsgrub ched du bshad/ /snying gar rdo rje'i dkyil gnas hUM//rdo rje hUM las thugs rdo rje/ /dus dgra'i sku mdog phyag mtshan ldan/ /sngon po 'od zer gsal ba'o/ /mgrin par AHyig pad+ma'i dbus/ /slar yang AHyig pad+ma las/ /'dod chags dus dgra lta bu'i sku/ /dpal gsum rdo rje rnam par bsam/ /spyi bor oM yig 'khor lo'i dbus//oM yig 'khor los 'od bzang dkar/ /sku yi rdo rje sgu dbang phyug /sku mdog dag dang phyag mtshan mchog /'di ni de nyid gsung rdo rje/ /mchog bskyed nam mkhar gnas pa yi/ /sangs rgyas mchod la gsang sngags kyis/ /de dag byin gyis brlab par bya//oM sat+tha ta thA ga ta tsit+ta badzra swa b+hA ba At+ma kou0f85haM/ oM sat+tha ta thA ga ta wAka badzra swa b+hA ba At+ma kou0f85haM/ oM sat+tha ta thA ga ta kA ya badzra swa b+hA ba At+ma kou0f85haM/ rang snying sa bon 'od zer gyis/ /'jig rten bzhugs pa'i sangs rgyas rnams/ /sras bcas spyan drangs mdu n bltas nas//gang zhig de rnams kyis spros pa'i/ /tsartsi ka sogs kyis gzung ba'i/ /zla ba lta bu'i bum pas ni/ /de rnams bkra shis glu la sogs/ /slar yang ca co'i sgra rnams kyis/ /thams cad dang ni bdag nyid la/ /dbang bskur bar ni bsam par bya/ /spyi bor gshin rje gshed dmar po//bdag nyid spyi bor rdo rje can/ /rang snying sa bon 'od zer gyis/ /ye shes 'khor lo spyan drangs la/ /bdag nyid mdun bltas khro bo yis/ /bgegs tshar bcad cing bsrungs nas ni/ /mchod yon zhabs bsil sogs phul nas/ /oM mung+ga ra dzaHzhes pa'i sngags kyis bkug nas/oM daN+Da hUM zhes pa 'dis bcug la/ oM pad+ma baM zhes pa 'dis bcings te/ oM khang+ga hoH zhes pa 'dis dbang du bya'o/ /snying ga'i sa bon 'od zer gyis/ /sangs rgyas spyan drangs 'dir bzhugs par/ /bltas te thugs kar zhu byas par/ /rdo rje'i lam nas 'thon gyur pa//rang gi rig ma'i pad+ma yi/ /ze 'brur zla bas bskyed lha mo'i/ /'khor lo phyag na sna tshogs pa'i / /me tog nyer spyod sogs bzung bas/ /bltas te thugs kar zhu byas pa/ /rdo rje'i lam nas 'thon gyur pa/ /sgeg bcas mchod byed de rnams kyis/ / mchod pa glu dbyangs yid 'ong dang / /sna tshogs gar gyi rang bzhin dag /bde ba chen po ster bas mchod/ /a ye kye kye gshin rje gshed dmar po/ /bla ma srin po'i gzugs rang bzhin/ /kho bo khyod mthong rnam par 'jigs/ /bla ma khro bo'i rang bzhin spangs/ /khyod kyis gar mdzad sa stengs dang //sa bla dang ni sa 'og g.yo/ /chags pas brgyan pa'i khro bo'i 'od/ /gar mdzad khyod nyid ro langs lags/ /sku lus sbom thung dmar po ste/ /rnam pa sna tshogs sku sprul pa/ /rdo rje dbyangs can ma yis btud/ /gar mdzad khyod ni bde ba che/ /d+hIHbyeHgsang sngags dag gis ni//khyod ni sa gsum 'khrul pa sel/ /rje btsun snying rje'i khro bo lags/ /gar mdzad khyod ni 'jig rten gzigs/ /oM sat+tha ta thA ga ta pU dza badzra swa b+hA ba At+ma kou0f85haM/ sgra yi tshogs rnams thams cad ni/ /brag ca lta bur rnam blta zhing / /'khor lo can gyi 'khor lo'i g tso//bstod bya de rnams de bzhin des/ /gti mug rdo rje'i rang bzhin khyod/ /gshin rje gshed po shin tu 'jigs/ /ston pa sangs rgyas kun rang bzhin/ /sku yi rdo rje khyod phyag 'tshal/ /ser sna rdo rje'i rang bzhin khyod/ /gshin rje gshed po shin tu 'jigs/ /sems kyi rdo rje rab tu gsal//rin chen rdo rje khyod phyag 'tshal/ /'dod chags rdo rje'i rang bzhin khyod/ /khyab bdag chags pa'i chos 'byung gnas/ /dbyangs mchog kun gyi mchog gi mchog /gsung gi rdo rje khyod phyag 'tshal/ /phrag dog rdo rje'i rang bzhin khyod/ /gshin rje gshed po las kun byed/ /sku yi rdo rje rab gsal ba//phyag na ral gri khyod phyag 'tshal/ /sangs rgyas kun gyi rang bzhin khyod/ /sangs rgyas thams cad gcig bsdus pa/ /sangs rgyas kun rab mchog gi mchog /dkyil 'khor dbang phyug khyod phyag 'tshal/ /mgo bo gsum kyi steng gnas pa/ /AHyi yi ge las byung dag /pad+ma'i snod ni bskyed nas su/ /de 'og me yi dkyil 'khor te/ /gru gsum re yig las byung ba/ /de 'og rlung gi dkyil 'khor te/ /g.yo zhing sngo ba gzhu lta bu/ /ba dan gyis mtshan yo las byung / /der ni rnam snang la sogs te/ /ming yig dang po las skyes pa/ /b+h+rUM yig la sogs byung ba yi//glang chen sha la sogs pa lnga/ /hUM skyes rdo rje'i kha chod kyis/ /bkab la de nas bsgom par bya/ /hUM skyes rdo rje'i dbyug pa yis / /yang dang yang du dkrugs bya zhing / /rlung gis bskyod par 'gyur ba'i me/ /'jig dus bskal pa'i me lta bus/ /bi ra ma sogs go ku sogs//de dag zhu bar gyur par bsam/ /de dang reg pa'i khol ba yi/ /khu bar 'di nyid yongs su zhu/ /rdo rje rdo rje'i dbyug pa yang / /rang nyid zhun mar lta bu ste/ /thams cad dag cing ro gcig 'gyur/ /shin tu dri ma med par blta/ /der ni oM yig 'od zer gyis/ /sangs rgyas ye shes tshul can bkug /gsang sngags gzugs kyis bcug nas su/ /bdud rtsi lnga po mchog bltas la/ /de nyid gsum gyis byin brlabs te/ /dkyil 'khor bdag po tshim par bya/ /ljags kyi hUM las byung ba yi/ /rdo rje dkar po bltas nas su/ /de 'od sbu gu'i rnam pa yis//mnyam par drangs nas de yis kyang / /sna tshogs gnas dang sangs rgyas kun/ /dkyil 'khor pa dang de bzhin gzhan/ /snying gar ye shes 'od zer dgod/ /kun du rtog pa thams cad spangs/ /thog mtha' dbus kyi dbye ba yis/ /'dir yang gcig tu yod min te/ /rdul phran la ni cha med phyir//du mar yang ni grub pa min/ /gcig dang du ma'i rang bzhin du/ /gang zhig bral te de bzhin no/ /'khrul pa'i ngo bo de nyid yin/ /gang phyir 'khrul pa gnyis la gnas/ /sems ni rtag tu 'khrul pa med/ /spro ba dag ni sdud pa'i lus/ /sems can don du ro gcig byung //'di las gzhan du de nyid min/ /ye shes zhabs sogs dpa' bo yis/ /'di nyid kho na gsal bar gsungs/ /dpal ldan gsang 'dus las gsungs pa/ /'dir ni cung zad rab tu bstan/ /byang chub med cing mngon rtogs med/ /dngos po med cing bsgom pa med/ /khams med rnam par shes pa'ang rnged//nam mkha' mnyam pa nyid kyi gzhi/ /nam mkha' lta bur bdag med pa/ /chos 'di bde ba chen po ste/ /sa med chu dang me med la/ /rlung med nam mkha' yod ma yin/ /rdo rje sems dpa'i sbyor ba yis/ /'di dag skye zhing rab tu gnas/ /dngos po thams cad dngos min zhes//des na dngos po med par grags/ /rnal 'byor rnal 'byor pa nyid 'brel/ /rtag pa ma yin chad pa'ang min/ /phyag min zhal dang sku mdog min/ /mchog tu dga' ba'i mtshan nyid do/ /dngos kun nges par bden pa min/ /thog ma dbus mtha' spangs pa nyid//'di ltar rig bcas 'khor lo mchog /kun du rtog pa thams cad spangs/ /phung po khams su bdag med ma/ /bde ba dam pa'i gzugs can bsgom/ /rang snying sa bon 'od zer gyis/ /'gro rnams gshin rje mthar byed byas/ /bkug nas de ru gnas bltas te//sku gsung thugs kyi rdo rje can/ /rdo rje dang ba dang ni chos/ /ye shes pa ni ya skyes dgod/ /de la de rnams rang sa bon/ /ye shes d+hIHSh+T+r-iHsogs 'od gsal/ /lta zhing kun rtog ma lus spangs/ /bde ba dam pa'i rnam pa ni/ /'phro zhing sdud pa yongs su rdzogs/ / bdag nyid mkhas pas bzlas par bya/ /sku sogs spro zhing gzhug pa ni/ /rim pa bzhin nam cig car bya/ /khro bo'i tshogs rnams sprul pa ni/ /nam mkha'i dkyil rnams ma lus khyab/ /sems can don ni phun sum byas/ /d+h+rIHSh+T+r-iHla sogs 'gro la sgrogs/ /hrIHla sogs pa'i sngags zlos te//oM dang swA hAs dang mthar brgyan/ /cho ga 'di dag kho na yis/ /rnam pa kun du bsgom zhing bzlas/ /gzhan yang zas kyi bya ba la/ /sogs pa bya phyir ldang 'dod na/ /mchod bstod bdud rtsi myang byas nas/ /sems can don la sems pa yis/ /de nyid gsum gyi cho ga bzhin//ye shes 'khor lo gshegs gsol te/ /cho ga ji bzhin bdag nyid la/ /bdag nyid 'khor lo bstims nas ni/ /rang gis bsags pa'i bsod nams dag /byang chub tu ni yongs bsngo zhing / /de nas smon lam gdab bya ste/ /oM AHhUM muH zhes pas gshegs su gsol lo//'di ni rnal 'byor chen po'o/ /langs nas rang gi lhag pa'i lha'i/ /rnam pa nga rgyal yang dag ldan/ /rnam pa kun du dngos po kun/ /gsang sngags ngo bo de bzhin te/ /gti mug dus dgra'i ngo bor yang / /bsgom par bya zhing gnas par bya/ /thun gzhan du ni rnal 'byor bzhin//dang po'i rnal 'byor pa yis bsgom/ /shin tu rnal 'byor rnal 'byor che/ /ye shes cung zad rjes spyor bas/ /shin tu rnal 'byor las rnal 'byor/ /chen po yang dag ye shes dbang / /gnas pas bshad bzhin cho ga yis/ /thun gcig la yang bsam gtan 'di//rnal 'byor chen po'i rang bzhin gyi/ /rnal 'byor pa yi spro bsdu'i sku/ /ye shes de nyid gsum bdag tshul/ /rang nyid gshin rje mthar byed do/ /dbang bskur cho ga bsgom bya zhing / /khrus bya bza' ba'i dus su ni/ /bdud rtsi lnga yi cho ga yis / /mchod pa gzhan ni rnam brtags pa/ / bdag nyid dang ni gzhan nyid kyang / /cho ga bzhin du rtag tu mchod/ /dpal ldan gshin rje mthar byed kyi/ /rnam par blta bya byang chub brten/ /bdag gzhan mnyam pa byang chub ste/ /dkyil 'khor bdag po'i rnal 'byor las/ /min na ji ltar rnal 'byor pa/ /dngos grub bla na med par 'gyur//ji ltar rnam pa sna tshogs su/ /brtags pas dngos po gcig nyid ni/ /grol ba sdug bsngal bde bar snang / /las kyi dbye bas skye bar 'gyur/ /rnam par mi rtog bdag nyid sems/ /bde ba dam pa'i mtha' yi gzugs/ /shes rab thabs kyi rang bzhin ni/ / dus dgra zhes bya gang las 'bras/ /'khor ba'i chu bo sin d+hu skye 'chi rba klong dang bcas zab cing 'jigs pa chags sdang sogs/ /chu srin na kras 'khrugs shing shin tu mi brtan gnyid rmugs la sogs dbu ba can sgrol ba/ /dpal ldan gshin rje gshed dmar bde ba'i rang bzhin srid bral sgrub thabs skye bo kun phyir byas//bdag gi bsod nams gang thob des 'dir de yi go 'phang 'jig rten don kun grub par shog /dpal gshin rje gshed dmar bo'i sgrub thabs/ paN+Di ta chen po rnal 'byor gyi dbang phyug phyag rgya chen po grub pa/ grub thob kyi 'khor los sgyur ba'i slob dpon dpal 'dzin gyi zhal snga nas mdzad pa rdzogs so// //paN+Di ta slob dpon chen po rje btsun nyi ma'i dbang po'i 'od zer gyi zhal snga nas dang / lo tsA ba chag dge slong chos rje dpal gyis gus pas mnyan nas/ mang yul gyi bzo gnas chen por bsgyur cing zhus te gtan la phab pa'o/