CLOSE WINDOW

D2014
བོད་ཡིག

@##/ /rgya gar skad du/ shrI ya mAn+ta ka badzra pra b+hed nA ma mU la man+t+rAr+tha/ bod skad du/ dpal gshin rje gshed po'i rtsa ba'i sngags don rdo rje rab tu 'byed pa zhes bya ba/ dpal 'jam mgon la phyag 'tshal lo//'jam rgyal khro bo'i gsang sngags gang / /rgyud gzhan kun du sbas byas shing / /ma byung 'byung bar mi 'gyur ba/ /rgya mtsho rgya dang rdo rje ltar/ /brtag dang 'da' dka' mi phyed pa//ded dpon nyi ma bcud len bzhin/ /'dren sel rnam par sbyong ba'o/ /dri za'i grong dang sangs rgyas bzhin/ /sgo dang byin rlabs mtha' yas pa/ /ji ltar nam mkha' lding gi rigs//gcig kyang skye ba'i bye brag gis/ /rigs kyi bye brag rnam pa bzhi/ /de dag nang gi dbye ba yis/ /stong phrag nyi shu gcig la sogs/ /mtha' yas bshad pa ji lta bar/ /rtsa ba'i snying po la sogs pa'i//gsang sngags gang yin rigs gcig kyang / /yi ge bsdu dang gtor ba dang / /de bzhin rab tu gtor ba dang / /yan lag so sor phye ba yis/ /sngags don sgo bzhir shes par bya//sngags don de dag re re yang / /rnam grangs sgo zhes bya ba yis/ /sgo mtha' yas par gyur pa ni/ /ye shes chags pa mi mnga' ba'i/ /'jam pa'i dbyangs kyis mkhyen pa las/ /nyan thos rnams kyis mi shes na//'jig rten pa yis smos ci dgos/ /'di ltar sngags don mtha' yas shing / /byin rlabs bsam gyis mi khyab kyang / /thub pa bdag nyid chen po yis/ /gang gi don du gang sbyar ba'i//gleng gzhi'i dbang du mdzad pa bzhin/ /gang gis de ltar sbyar byas pa/ /de la de yi dngos grub dag /ngo bo nyid kyis myur bar gsungs/ /de phyir rgyal ba'i bstan pa la/ /bdud rnams 'dul bar byed pa yi/ / khro bo'i mchog ni gshin rje gshed/ /las rnams grub par byed pa la/ /'khor lo sbyor ba rnams kyi mchog /sngags kyi nang na rtsa ba ste/ /khro bo nyid yin mnyes byed cing / /de yi bka' bzhin grub byed pa'o/ /gsang sngags yi ge sum cu gnyis//bcu bdun yin te lngar yang shes/ /'di dag rab tu gtor tshul bshad/ /ya/ khro bo'i rgyal po gshin rje gshed/ /sangs rgyas kun gyi rdo rje thugs/ /ye shes rab tu mi g.yo ba/ /gzung 'dzin rnam shes dag pa'o//k+She/ zhing khams rnam par dag pa na/ /tshogs mchog gnyis las grub pa'i sku/ /mchog tu snang bas snang mdzad de/ /lus dang gnas gzugs dag pa'o/ /ma/ sa chen gter gyi 'byung khungs bzhin/ /yon tan zad med gter gyur pas/ /rin chen 'byung gnas zhes bya ste//longs spyod tshor ba rnams dag pa'o/ /me/ lhun po bzhin du bstan pa yi/ /chos mchog mi g.yo brnyes pa yang / /chos 'od dpag med ston mdzad de/ /tha snyad 'du shes dag pa'o/ /da/ sbyin dang snyan smra la sogs pa/ /'gro don spyod pa'i mtshan nyid ni/ / bde gshegs mdzad don grub pa ste/ /'du byed dag pa'i bdag nyid do/ /dus gsum 'byung ba'i rgyal ba kun/ /thugs sogs chos kyi bdag nyid de/ /de phyir mi bskyod rdo rje sogs/ /rgyal ba rnam pa lngar 'dod do/ /ya/ gzung dang 'dzin pa spong byed pa'i/ /ye shes zung mthar phyin pa ste//lta dman spong ba'i dran pa ni/ /bde gshegs kun kyang 'gugs par byed/ /ts+tsha/ dpyod pa rnam par bral ba yi/ /ye shes shes rab mthar byed yin/ /yang dag spong ba'i brtson 'grus ni/ /rgyal ba'ang sems can don du 'jug /ni/ nges tshig brjod pa mtha' yas pa/ / brjod pa bral ba pad mthar 'byin/ /rdzu 'phrul ting 'dzin mi g.yo ba/ /rgyal ba'ang sems can don du 'ching / /rA/ rdul bral rnam par mi rtog pa'i/ /ye shes bgegs mthar 'byin pa ste/ /dad sogs dbang du gyur pa ni/ /rgyal ba'ang sems can dbang du byed/ /byang chub phyogs chos rang bzhin ni//thar pa'i grong khyer sgo yin te/ /sgrib pa spong ba'i ye shes ni/ /khro bo sgo skyong zhes bshad do/ /dzA/ 'gro 'dzin shes bya stong nyid sa/ /byams pa chen po'i ngo bo nyid/ /gzigs pa rnam dag spyod yul phyir/ /sangs rgyas spyan zhes brjod pa yin/ /sa/ sems can kun du sdud byed pa//snying rjes brlan pa chu yi khams/ /'gro ba bdag gir byed pa na/ /rgyal ba'i yum mchog mA ma kI/ /do/ /nyes pa sel byed shes rab me/ /dga' ba chen po'i bdag nyid de/ /dri ma kun nas dag pa'i phyir/ /gos dkar mo zhes 'dod pa yin/ /ru/ khro dang chags pa gnyis med pa'i//btang snyoms ye shes chags bral rlung / /'gro ba gnas nas 'don pa'i thabs/ /sgrol ma zhes su rnam par bshad/ /stong nyid dang ni snying rje dang / /shes rab dang ni thabs rnams las/ /rgyal ba 'byung phyir spyod yul phyir/ / 'gro ba skyob phyir yum du 'dod/ /naM/ sna tshogs rnam par spras pa'i gzugs/ /phyag rgya'i mchod pa bla med pa/ /byang chub sems kyi ngo bo nyid/ /rgyal ba mnyes byed dam pa'o/ /yo/ /gang zhig rab tu gdangs snyan glu/ /sgra yi mchod pa bla med de/ /bstan pa dam pa'i dngos nyid chos//mchod pa rgyal ba mnyes par byed/ /ni/ dri med rnam par dag pa'i dri/ /tshul khrims dag pa'i bdag nyid de/ /bla med dri yi mchod pa 'dis/ /sangs rgyas thams cad dgyes par byed/ /ra/ khu ba bcud len ro yi mchog /ting 'dzin rab tu mi g.yo ba/ / bde gshegs mdzad pa'i bdag nyid de/ /rgyal ba mnyes byed dam pa'o/ /gzugs sogs 'dod pa'i bdag nyid ni/ /byang chub sems sogs 'dod pa'i mchog /longs spyod mchod pa'i rang bzhin 'di/ /bud med gzugs su rnam par brtags/ /lus dang gnas dang longs spyod las//sgrib pa kun du 'byung bas na/ /'di dag tsam gyis zag bcas kyi/ /chos kun yongs su bsdus par 'dod/ /de dag nyid las bzlog pa'i chos/ /'bras bu dang ni don dam dang / /lam dang bstan pa dam pa yis/ /zag pa med chos bsdus pa yin/ /gtso bo yum dang mchod pa dang //de bzhin sgo skyong bcas pa yi/ /zag bcas zag med dbyer med pa'i/ /rdo rje'i dkyil 'khor thams cad bsdus/ /gang zhig yi ge phreng ba'i don/ /rdo rje'i dkyil 'khor bdag nyid du/ /bsgom dang bzlas la brtson byed pa/ /myur du rdo rje'i dkyil 'khor 'gyur/ / de la 'di ni rdo rje'i dkyil 'khor gyi lha'i rgyud de/ /ya ni rdo rje gshin rje dgra'o/ /k+She ni rdo rje zhing ngo / /ma ni rdo rje sa'o/ /me ni rdo rje lhun po'o/ /da ni rdo rje sbyin pa'o/ /ya ni rdo rje zung ngo / /ts+tsha ni rdo rje dpyod pa'o/ /ni ni rdo rje nges tshig go/ /rA ni rdo rje rdul bral lo/ /dzA ni rdo rje 'gro 'dzin no/ /sa ni rdo rje kun sdud do//do ni rdo rje nyes sel lo/ /ru ni rdo rje gnas med do/ /na ni rdo rje sna tshogs gzugs so/ /yo ni rdo rje gdangs so/ /ni ni rdo rje dri med do/ /ra ni rdo rje ro'o/ /de la 'di ni rdo rje dkyil 'khor gyi 'khor lo'i rgyud de/ /rdo rje gshin rje'i sgra ni zhing dag pa'i rang bzhin no/ /rdo rje'i zhing ni zhing dag pa'i gzugs so//rdo rje sa ni zhing dag pa'i yon tan gyi bdag nyid do/ /rdo rje lhun po ni zhing dag pa'i chos so/ /rdo rje sbyin pa ni zhing dag pa'i dpyod pa'o/ /rdo rje zung ni sgo dag pa'i dang po ste 'jug pa dang 'byung ba'i sgo'o/ /rdo rje dpyod pa ni sgo dag pa gnyis pa ste btang ba dang len pa'i sgo'o//rdo rje nges tshig ni sgo dag pa gsum pa ste dpyod pa dang brtson pa'i sgo'o/ /rdo rje rdul bral ni sgo dag pa bzhi pa ste sbyong ba dang sbyor ba'i sgo'o/ /rdo rje 'gro 'dzin ni gnas dag pa bzhi'o/ /rdo rje kun sdud ni gnas dag pa'i bla gab bo/ /rdo rje nges tshig ni sgo dag pa'i gdan no//rdo rje gnas med ni gnas dag pa'i snang ba'o/ /rdo rje sna tshogs gzugs ni longs spyod dag pa dang po ste/ rab tu spro ba'i kha dog dang dbyibs so/ /rdo rje gdangs ni longs spyod dag pa gnyis pa ste rab tu spro ba'i dbyangs dang tshig dag go/ /rdo rje dri med ni longs spyod dag pa gsum pa ste rab tu spro ba'i dri sna tshogs so//rdo rje ro ni longs spyod dag pa bzhi pa ste/ rab tu spro ba'i ro sna tshogs so/ /de la 'di ni rdo rje'i dkyil 'khor gyi yan lag gi rgyud de/ rdo rje gshin rje'i dgra ni lus dang snying ga'i gnas byin gyis rlob pa ste/ nag po dang rdo rje ni kha dog dang mtshan ma'o//rdo rje'i zhing ni mtshog ma byin gyis rlob pa ste/ dkar po dang 'khor lo ni kha dog dang mtshan ma'o/ /rdo rje'i sa ni lte ba'i gnas byin gyis rlob pa ste/ ser po dang rin po che ni kha dog dang mtshan ma'o/ /rdo rje lhun po ni mgrin pa'i gnas byin gyis rlob pa ste/ dmar po dang pad+ma ni kha dog dang mtshan pa'o//rdo rje byin pa ni rkang pa'i gnas byin gyis rlob pa ste/ ljang gu dang ral gri ni kha dog dang mtshan ma'o/ /rdo rje zung ni lag pa g.yas byin gyis rlob pa ste/ dkar po dang tho ba ni kha dog dang mtshan ma'o/ /rdo rje dpyod pa ni lag pa g.yon byin gyis rlob pa ste/sngon po dang dbyug pa ni kha dog dang mtshan ma'o/ /rdo rje nges tshig ni kha byin gyis rlob pa ste dmar po dang pad+ma ni kha dog dang mtshan ma'o/ /rdo rje rdul ni gsal ba'i gnas byin gyis rlob pa ste/ ljang gu dang ral gri ni kha dog dang mtshan ma'o/ /rdo rje 'gro 'dzin ni mtshog ma'i gnas su g.yas phyogs byin gyis rlob pa ste/dkar mo dang 'khor lo ni kha dog dang mtshan ma'o/ /rdo rje kun sdud ni lte ba'i gnas su g.yon phyogs byin gyis rlob pa ste/ mthing ga dang rdo rje ni kha dog dang mtshan ma'o/ /rdo rje nyes sel ni mgrin pa'i gnas su g.yon phyogs byin gyis rlob pa ste/dmar mo dang pad+ma ni kha dog dang mtshan ma'o/ /rdo rje gnas med ni rkang pa'i gnas su g.yon phyogs byin gyis rlob pa ste/ ljang gu dang ut+pal ni kha dog dang mtshan ma'o/ /rdo rje sna tshogs gzugs ni mig byin gyis rlob pa ste/ dkar mo dang me long ni kha dog dang mtshan ma'o//rdo rje gdangs ni rna ba byin gyis rlob pa ste/ dmar mo dang gling bu ni kha dog dang mtshan ma'o/ /rdo rje dri med ni sna byin gyis rlob pa ste/ mthing ga dang spos phor ni kha dog dang mtshan ma'o/ /rdo rje ro ni lce byin gyis rlob pa ste/ ljang gu dang ro snod ni kha dog dang mtshan ma'o//de la 'di ni rdo rje dkyil 'khor gyi gsang sngags kyi rgyud de/ ya rdo rje gshin rje dgra'i sa bon no/ /oM badzra ya mA ri rdo rje gshin rje dgra'i gsang sngags so/ /k+She rdo rje zhing gi sa bon no/ /oM badzra k+She tra rdo rje zhing gi gsang sngags so/ /ma rdo rje sa'i sa bon no/ /oM badzra ma hI n+d+ri/rdo rje sa'i gsang sngags so/ /me rdo rje lhun po'i sa bon no/ /oM badzra me ru rdo rje lhun po'i gsang sngags so/ /dA rdo rje sbyin pa'i sa bon no/ /oM badzra dA na rdo rje sbyin pa'i gsang sngags so/ /ya rdo rje zung gi sa bon no/ /oM badzra ya ma rdo rje zung gi gsang sngags so/ /ts+tsha rdo rje dpyod pa'i sa bon no//oM badzra tsartsa na rdo rje dpyod pa'i gsang sngags so/ /ni rdo rje nges tshig gi sa bon no/ /oM badzra me ruk+ti rdo rje nges tshig gi gsang sngags so/ /rA rdo rje rdul bral gyi sa bon no/ /oM badzra rA dza rdo rje rdul bral gyi gsang sngags so/ /dza rdo rje 'gro 'dzin gyi sa bon no//oM badzra dza g+haM d+ha ra rdo rje 'gro 'dzin gyi gsang sngags so/ /sa rdo rje kun sdud kyi sa bon no/ /oM badzra saM ha ra ni/ rdo rje kun sdud kyi gsang sngags so/ /do rdo rje nyes sel gyi sa bon no/ /oM badzra do ra hi da rdo rje nyes sel gyi gsang sngags so/ /ru rdo rje gnas med kyi sa bon no/ / oM badzra ru ni la rdo rje gnas med kyi gsang sngags so/ /Na rdo rje sna tshogs gzugs kyi sa bon no/ /oM badzra Na na rU pa/ rdo rje sna tshogs gzugs kyi gsang sngags so/ /yo rdo rje gdangs kyi sa bon no/ /oM badzra yo ya ge yaM rdo rje gdangs kyi gsang sngags so/ /ni rdo rje dri med kyi sa bon no/ / oM badzra nir ma la rdo rje dri med kyi gsang sngags so/ /ra rdo rje ro'i sa bon no/ /oM badzra rA sa rdo rje ro'i gsang sngags so/ /gsang sngags kyi yi ge tshig 'di dag la brten nas/ rdo rje dkyil 'khor gyi 'khor lo dang / rdo rje'i dkyil 'khor gyi yan lag rnams legs par byin gyis rlob par 'gyur ro//de ni yi ge rab gtor ba/ /mdor bsdus nas ni bshad pa yin/ /de nas yi ge gtor ba yi/ /sbyor ba tshul bzhin bshad par bya/ /gsang sngags yi ge sum cu gnyis/ /bsdu ba bcu bdun dag tu shes/ /gdug pa 'dul ba'i las rnams la/ /gtor ba 'di ni bshad par bya//dang por ya zhes gang gsungs pa/ /gdug pa thams cad 'jigs par byed/ /k+She zhes bya bas dgra rnams kun/ /zad par byed par gdon mi za/ /ma zhes bya bas de bzhin du/ /de dag myur du gsod par byed/ /me zhes bya ba'i ngo bo yis/ /kun nas gnon par byed par bshad//da zhes bya ba 'joms pa ste/ /lus dang yan lag ma rung byed/ /de nas phyi rol bshad bya ste/ /ya zhes bya bas de bzhin du/ /'jig cing rnam par g.yeng bar byed/ /ts+tsha zhes bya bas pags pa nas/ /snying gi mthar yang za bar byed/ / ni zhes bya bas lhag ma nas/ /cung zad lus par mi byed do/ /rA zhes bya bas gzugs rnams kun/ /rdul bzhin du ni bsnyil bar byed/ /dzA zhes bya bas dbang po rnams/ /rmugs par byed par gdon mi za/ /sa zhes bya bas yi dwags bzhin/ /'khor nas 'khyams par byed pa yin//do zhes bya bas bzang po yang / /dman pa dag tu byed par 'gyur/ /ru zhes bya bas khrag rnams kun/ /sbu gu'i gnas nas rmongs par 'gyur/ /na zhes bya bas thams cad du/ /rnams par 'dren par byed par bshad/ /yo zhes bya bas las dag la//kun nas sbyor bar byed pa'o/ /ni zhes bya bas de bzhin du/ /dbang po nyams par byed pa ste/ /ra zhes bya ba dran pa'i gnas/ /bral bar byed par bshad pa'o/ /sgrub par byed pas tshul bzhin du/ /rdo rje dkyil 'khor mchog bsgoms te/ / gsang sngags yi ge bcu bdun 'di/ /tshul bzhin sbyor ba gang shes pa/ /de ni ring po mi thogs par/ /gdug pa 'dul ba gdon mi za/ /gzhan yang gsang sngags yi ge ni/ /dpag bsam shing dang nor bu bzhin/ /dgos pa thams cad sgrub byed de/ /sgra dang yid la byed pa yis//rjes su mthun par 'gro ba yin/ /ya zhes bya bas 'gugs pa dang / /bskrad dang dbye ba sogs kyang byed/ /k+She zhes bya bas bsrung ba dang / /gtong dang 'khrug pa'i las kyang byed/ /ma zhes bya bas rmongs pa dang / /bskyed dang shes pa'i las kyang byed/ /me zhes bya bas bdag nyid la//gang dag dgos pa de sbyor byed/ /da zhes bya bas 'dzin pa dang / /sbyin dang 'dul ba'i las kyang byed/ /ya zhes bya bas de bzhin du/ /gang dag bstan pa de sbyor byed/ /ts+tsha zhes bya bas g.yo ba dang / /'gro 'ong spyod pa'i las kyang byed/ /ni zhes bya bas 'gog pa dang //ma lus gdon mi za bar byed/ /rA zhes bya bas dga' ba dang / /chags dang grags la sogs pa'ang byed/ /dzA zhes bya bas mig 'phrul dang / /bskyed dang bsgyur ba la sogs byed/ /sa zhes bya bas bde ba dang / /rdzogs dang sdud pa'i las kyang byed/ /do zhes bya bas ring 'gro zhing //sman la sbyor dang sel bar byed/ /ru zhes bya ba khro ba dang / /chags dang kun nas sgra sgrogs byed/ /na zhes bya ba thob byed cing / /mthong dang 'dod pa 'dren par byed/ /yo zhes bya ba gang dang gang / /rigs pa kun la sbyor bar byed/ /ni zhes bya ba snga ma bzhin//'gog pa la sogs sbyor bar byed/ /ra zhes bya ba de bzhin du/ /dga' dang chags la sogs pa byed/ /sgra yi rjes su zhugs pa yis/ /las rnams gang dang gang byed pa/ /yi ge gtor ba'i tshul gyis ni/ /de dag mdor bsdus bshad pa yin/ /de nas bshad par bya ba ni//kun nas bsdu ba zhes bya ba'i/ /gsang sngags sbyor ba'i tshul gang yin/ /mdor bsdus 'dir ni bshad par bya/ /thog mar brjod pa'i yi ge ni/ /ya ma rA zhes gang gsungs pa/ /yi dags bdag po bod pa ste/ /las la skul bar byed pa'o/ /dzA sa zhes bya ba'i yi ge gnyis//rmugs shing 'khrul dang 'khor ba ste/ /rgyas btab nas ni rmongs 'gyur ba'o/ /de nyid myur du bskul ba ni/ /do me ya zhes brjod pa ste/ /gshin rje dgra yi gsang sngags 'dis/ /'bad nas bskul ba byas pa ste/ /rgyas 'debs rnams kyis rgyas btab na//yi dags bzhin du 'khyams par 'gyur/ /gsang sngags tshig rkang dang po 'di/ /'gro ba rgyas 'debs dam pa'o/ /gnyis pa dag tu brjod pa'i sngags/ /ya me do zhes gang gsungs pa/ /ma gdon bdag po bod pa ste/ /las la skul bar byed par bshad//ru Na zhes bya ba'i yi ge gnyis/ /lus kyi gnas rnams thams cad kyi/ /sbu gu'i gnas rnams thams cad nas/ /khrag kun yongs su 'dren par bshad/ /de nyid myur du skul byed pa/ /yo da ya zhes brjod pa ste/ /gang zhig gshin rje gshed kyi sngags//'bad nas zlos par byed pa des/ /ma gdon bzhin du 'gro kun gyi/ /khrag rnams 'dren par gdon mi za/ /gsang sngags tshig rkang gnyis pa 'dis/ /khrag 'dren rnams kyis khrag drangs nas/ /rmongs par bya ba la sbyor ba/ /gshin rje gshed kyi bka' yis so//gsum pa dag du gsungs pa yi/ /ya da yo zhes gang brjod pa/ /'joms byed bdag po bod pa ste/ /las la skul bar byed pa'o/ /ni ra zhes bya'i yi ge gnyis/ /dbang po gnas rnams thams cad du/ /nus pa nyams shing 'gog pa yis/ /dran pa bral bar byed pa ste//de nyid myur du bskul ba ni/ /ya k+She ya zhes brjod pa ste/ /gang zhig gshin rje gshed po'i sngags/ /'bad nas zlos par byed pa des/ /'joms byed rnams kyis bcom nas ni/ /brgyal bar 'gyur bar gdon mi za/ /gsang sngags tshig rkang gsum pa 'dis//shin tu rmongs par byas par 'gyur/ /bzhi pa dag tu gsungs pa'i sngags/ /ya k+She ya zhes gang gsungs pa/ /za byed bdag po bod pa ste/ /las la skul bar byed par bshad/ /ts+tsha ni zhes bya'i yi ge gnyis/ /pags pa mig dang snying gi mthar//gzhib dang myang dang bza' ba yis/ /lhag ma cung zad ma lus byed/ /de nyid myur du bskul ba ni/ /rA ma ya zhes brjod pa ste/ /gang zhig gshin rje gshed po'i sngags/ /'bad nas zlos par byed pa des/ /gdug pa za bar bya ba la/ /za byed rnams kyis za bar 'gyur//gsang sngags tshig rkang bzhi pa 'dis/ /gdug pa za ba'i mchog tu bshad/ /bstan pa dag la gnod byed pa'i/ /gdug pa tshar gcod bya ba'i phyir/ /rdo rje'i dkyil 'khor bsgoms nas ni/ /gsang sngags tshul bzhin gang zlos pa/ /de yis gdug pa 'jig pa la//gsang sngags bsdu ba bshad pa'o/ /gzhan yang rgyal ba'i bstan pa la/ /kun nas dang ba'i 'gro ba rnams/ /de la phan gdags bskyab pa'i phyir/ /yi ge bsdu ba tshul bzhin bshad/ /gsang sngags yi ge sum cu gnyis/ /tshul bzhin phreng ba bkod pa la//gang dang gang du ya dang ni/ /ni zhes bya ba'i yi ge dag /bsal nas lhag ma brjod byas nas/ /'gro la phan 'dogs byed par bshad/ /ma rA dzA zhes gang smos pa/ /'chi bdag las la gso bar bshad/ /sa do me zhes smos pa ni/ /de la de nyid sbyin byed pa'o//dang por brjod pa'i gsang sngags 'dis/ /'gro la srog sbyin byed pa'o/ /gnyis par brjod pa'i gsang sngags gang / /me do ru zhes smos pa dag /bdag la nyes par brjod pa las/ /gang dang gang ni med byed pa/ /na yo da zhes brjod pa ste/ / gsang sngags gnyis pa 'di yis ni/ /grags pa nyams pa gso bar byed/ /gsum pa dag tu gsungs pa'i sngags/ /da yo ra k+She zhes brjod pas/ /gang dag ji snyed yod pa yi/ /nor rnams kun du srung byed pa'o/ /gsum par gyur pa'i gsang sngags 'dis/ / longs spyod nyams pa gso bar byed/ /bzhi par gyur pa'i gsang sngags gang / /k+She ts+tsha ra ma zhes brjod pa/ /dga' ba'i spyod yul phun sum tshogs/ /yongs su srung bar byed pa ste/ /gsang sngags bzhi par gyur pa 'dis/ /dga' ba'i spyod yul thams cad la/ / spyod par rang dbang thob pa ste/ /rgyal po chom rkun me la sogs/ /'jigs pa dag las thar bar 'gyur/ /dad ldan sems can bsrung ba'i phyir/ /gsang sngags bsdu ba bshad pa'o/ /de dag tsam gyis rtsa ba yi/ /sngags don kun nas bsdu ba bshad/ /de nas gzhan yang bshad bya ba//yan lag so sor phye ba yi/ /sngags don cung zad bshad par bya/ /gsang sngags kun gyi thog ma ru/ /phyag 'tshal yi ge gang bzhag pa/ /a ni gdod nas skye ba med/ /u ni byang chub sems bskyed pa/ /de dag zung du 'byor pa yi/ /o ni cho 'phrul 'byung ba'i sgo//oM ni mngon par rdzogs byang chub/ /de bas yi ge oM zhes bya/ /bkra shis phun sum tshogs pa'i phyir/ /phyag 'tshal yi ge zhes bya ste/ /gsang sngags gang dag brjod pa yi/ /thog mar yi ge 'di bzhag na/ /rab tu bsngags zhes bshad pa yin//tha mar phyag 'tshal brjod pa las/ /ha ni mi phyed rdo rje ste/ /u ni byang chub sems bskyed pa/ /aM ni mngon par rdzogs byang chub/ /de phyir yi ge hUM zhes pa/ /thugs kyi rdo rje rten byed pa'o/ /gzhan yang bkra shis yi ge ni/ /sa ni yang dag mnyam pa nyid//ba ni sgra snyan yid 'ong ba/ /a ni skye ba med pa'o/ /ha ni sdig pa sel ba la/ /a ni de bzhin skye ba med/ /de phyir swA hA zhes bya ba/ /bkra shis phun sum tshogs pa ste/ /swA zhes bya ba swa sti ka /hA zhes bya ba ro ru ha/ /bkra shis gzhi tshugs zhes brjod pa'o/ / de phyir sngags rnams thams cad kyi/ /mjug tu tshig 'di bsngags pa yin/ /de la sogs pa'i sngags tshig la/ /yi ge yan lag gang ldan pa/ /de dag bye brag rnam phye ste/ /chos don lha dang las rnams dag /bye brag so sor sbyar byas pa/ / yan lag so sor phye ba yi/ /sngags don bshad pa zhes bya'o/ /de la 'di ni rdo rje dkyil 'khor gyi 'khor lo bsgom pa'i cho ga'i rgyud de/ thog ma nyid du rang gi snying gar nyi ma'i dkyil 'khor gyi steng du 'byung ba chen po bzhi'i sa bon du gyur pa/ yaM maM raM dzaM zhes bya ba'i yi ge bzhi/byang dang shar dang lho dang nub rnams su rim pa bzhin du sngon po dang ser po dang dmar po dang dkar po'i kha dog dang ldan pa/ 'od dang ldan pa bsam par bya'o/ /de nas yi ge maM de las oM badzra maM s+pha ra Na zhes bya bas bskul bas/ yi ge maM de las ye shes kyi rdo rje byung nas 'jigs rten gyi khams thams cad du khyab ste/'gro ba thams cad kyi ma rig pa dang mtshungs par ldan pa'i nga rgyal dang bcas pa'i rnam par rtog pa dang / phyi rol dang / nang gis thams cad la phog pas/ de dag gi dri ma thams cad yongs su dag par byas te dbyer med par gyur nas/ye shes kyis rdo rje de nyid dang dbyer med par gyur te rdo rje de nyid kyang de nyid du mi snang bar gyur to/ /de nas yi ge dzaM de las oM badzra dzaM swa ra Na zhes bskul bas/ yi ge dzaM de las ye shes kyi chu byung nas 'jig rten gyi khams thams cad du khyab ste/ 'gro ba thams cad kyi ma rig pa dang mtshungs par ldan pa'i 'dod chags dang bcas pa'i rnam par rtog pa dang /phyi rol dang nang gi chu thams cad la phog pas dri ma thams cad dag par byas te/ ye shes kyi chu dang dbyer med par gyur te/ ye shes kyi chu de yang de nyid du mi snang bar gyur to//de nas yi ge raM de las oM badzra raM sba ra Na zhes bya bas bskul bas/ raM de las ye shes kyi me byung nas 'jig rten gyi khams thams cad du khyab ste/ 'gro ba thams cad kyi ma rig pa dang mtshungs par ldan pa'i zhe sdang dang bcas pa'i rnam par rtog pa dang phyi rol dang nang gi me thams cad la phog pas dri ma thams cad dag par byas te/ye shes kyi me dang dbyer med par gyur nas/ ye shes kyi me de yang de nyid du mi snang bar gyur to/ /de nas yi ge yaM de las oM badzra yaM sba ra Na zhes bskul bas/ de las ye shes kyi rlung byung nas/ 'jig rten gyi khams thams cad du khyab ste/ 'gro ba thams cad kyi ma rig pa dang mtshungs par ldan pa'i phrag dog dang bcas pa'i rnam par rtog pa dang phyi rol dang nang gi rlung thams cad la phog pas dri ma thams cad dag par byas te/ ye shes kyi rlung dang dbyer med par gyur nas/ye shes kyi rlung de yang de nyid du mi snang bar gyur to/ /de nas dri ma thams cad yongs su dag pa'i bdag nyid bdag dang gzhan gyi rgyud kyi dbyer med pa'i ngo bo nyid ye shes rang rig pa tsam sgyu ma lta bu chos kyi dbyings kyi bdag nyid du ro gcig par gyur pa ji ltar nus pa de tsam du bsgom par bya'o//de nas snying rje chen po'i sems skyes pas/ de ma thag tu byang chub sems kyi rang bzhin de nyid nyi ma'i dkyil 'khor gcig tu gyur to/ /nyi ma'i dkyil 'khor de yang dkyil 'khor gyi 'khor lo bzhin du dbus sa'i cha dgu dang ldan pa/ gru bzhi sgo dang ldan pa'i phyi rol 'khor yug kun nas zlum pa/'od zer rab tu 'phro ba dang ldan pa dang / dbus kyi cha la yi ge ya kha dog mthing ga 'od zer gyi phreng bas kun nas bskor ba bsam par bya'o/ /shar phyogs kyi cha la yi ge k+She kha dog dkar po 'od zer gyi phreng bas kun nas bskor ba bsam par bya'o//lho phyogs kyi cha la yi ge ma kha dog ser po 'od zer gyi phreng bas kun nas bskor ba bsam par bya'o/ /nub phyogs kyi cha la yi ge me kha dog dmar po 'od zer gyi phreng bas kun nas bskor ba bsam par bya'o/ /byang phyogs kyi cha la yi ge da kha dog ljang gu 'od zer gyi phreng bas kun nas bskor ba bsam par bya'o//'od zer gyi phreng ba de dag kyang dang po rang rang gi kha dog dang 'dra ba'i 'od las/ phyi rol nyi ma'i 'od zer lta bu rab tu gsal bar 'phro ba'o/ /de nas shar lho'i cha la yi ge dzA kha dog dkar po 'od zer gyi phreng ba can no//lho nub kyi cha la yi ge sa kha dog sngon po 'od zer gyi phreng ba can no/ /nub byang gi cha la yi ge dza kha dog dmar po 'od zer gyi phreng ba can no/ /byang shar gyi cha la yi ge ru kha dog ljang gu 'od zer gyi phreng ba can no/ /de'i phyi rol gyi grwa rnams la/shar lhor yi ge Na kha dog dkar po 'od zer gyi phreng ba can no/ /lho nub tu yi ge yo kha dog mthing ga 'od zer gyi phreng ba can no/ /nub byang du yi ge ni kha dog dmar po 'od zer gyi phreng ba can no/ /byang shar du yi ge rA kha dog ljang gu 'od zer gyi phreng ba can no//'od zer gyi phreng ba brgyad po de dag kyang / dang po rang rang 'dra ba'i 'od zer las phyi rol zla ba'i 'od zer lta bur gyur pa'o/ /shar gyi sgor yi ge ya kha dog dkar po/ /lho phyogs kyi sgor yi ge tsa kha dog mthing ga /nub phyogs kyi sgor yi ge ni kha dog dmar po/ /byang phyogs kyi sgor yi ge rA kha dog ljang gu de dag kyang 'od zer phreng ba can sha stag ste/'od zer gyi phreng ba de dag kyang dang po rang rang gi 'od zer las phyi rol me'i 'od lta bur gyur pa'o/ /de ltar ji ltar nus pa zhig bsam par byas nas/ /de nas yi ge ya la dmigs te/ oM badzra ya mA ri zhes bya ba'i gsang sngags kyis bskul bas/ya las ya'i 'od zer byung nas/ nam mkha'i khams thams cad du gang bar gyur to/ /yi ge de dag bcom ldan 'das gshin rje gshed po'i sku sha stag tu gyur te nam mkha'i khams yongs su gang bar bsam mo/ /de nas sku de dag thams cad 'od du gyur pa las de bzhin gshegs pa thams cad kyi gnas kyi rang bzhin chos 'byung ba zhes bya ba'i phyag rgya shel lta bur dkar zhing dngas pa gru gsum pa gyen du gnas pa/nang pad+ma dang sna tshogs rdo rjes mtshan pa nam mkha'i khams dang mnyam pa zhig tu gyur par bya'o//sna tshogs rdo rje las kyang ye shes kyi rlung gi phung po chen por gyur te/ sangs rgyas kyi zhing brtan par nus so/ /de nas yi ge k+She la dmigs te/ oM badzra k+She tra zhes bya ba'i gsang sngags kyis bskul bas/ k+She las k+She 'i 'od zer byung nas chos 'byung ba'i phyag rgya thams cad gang bar byas te/yi ge de dag kyang bcom ldan 'das rnam par snang mdzad kyi sku sha stag tu gyur nas/ chos 'byung ba'i phyag rgya yongs su gang bar byas so/ /de nas sku de dag kyang 'od du zhu bar gyur pa las bdud rtsi'i rgya mtsho chen po'i nang nas rin po che pad+ma 'dab ma dang ge sar dang snying por bcas pa sangs rgyas kyi zhing yongs su dag pa gzugs kyi mtshan nyid du bsam par bya'o//de nas yi ge ma la dmigs te/ oM badzra ma hI n+d+ri zhes bya ba'i gsang sngags kyis bskul bas/ ma las ma'i 'od zer byung bas pad+ma'i dkyil 'khor gyi steng thams cad yongs su gang bar byas so//de nas yi ge de dag kyang bcom ldan 'das rin chen 'byung ba'i sku sha stag tu gyur nas pad+ma'i snying po la 'dus par gyur pas 'og tu zhu bar gyur nas/ rin po che gser gyi rang bzhin du kun nas 'khrigs par gyur par bya'o//de nas yi ge me la dmigs te/ oM badzra me ru zhes bya ba'i sngags kyis bskul bas/ me las me'i 'od zer byung nas pad+ma'i dkyil 'khor gyi steng du yongs su gang bar byas so/ /de nas yi ge de dag bcom ldan 'das 'od dpag med kyi sku sha stag tu gyur te pad+ma'i snying po gser gyi rang bzhin gyi gzhi la 'dus par gyur pas 'od du gyur nas rin po che sna bzhi las grub pa'i ri'i rgyal po lhun po rab tu brtan par gyur par bsam par bya'o//de nas yi ge da la dmigs te/ oM badzra da na zhes bya ba'i gsang sngags kyis bskul bas/da las da'i 'od zer byung nas phyogs kun du gang bar byas so/ /de nas yi ge de dag bcom ldan 'das don yod grub pa'i sku sha stag tu gyur te de dag ri rab kyi rtse mor 'dus pa las/ 'od du gyur nas sangs rgyas kyi zhing gi longs spyod sna tshogs kyi gzhir gyur pa ni 'di lta ste dpag bsam gyi shing dang /ljon pa'i shing dang / me tog gi shing dang / 'bras bu'i shing dang / spos kyi shing dag kyang kha dog dang dbyibs dang gnas pas khyad par du byas pa'o/ /gser dang / dngul dang / shel dang / bai DUR+Ya la sogs pa'i rin po che sna tshogs kyang kha dog dang /dbyibs dang / reg bya dang gnas pas khyad par du byas pa'o/ /bdud rtsi'i chu dang / btung ba'i chu dang / khrus kyi chu dag kyang kha dog dang dbyibs dang dri dang ro dang yan lag dang gnas pas khyad par du byas pa'o//gos dang rgyan dang / bza' ba'i bye brag dag kyang de bzhin du yon tan gyis khyad par du byas pa ste/ de lta bu la sogs pa'i yon tan bsam gyis mi khyab pa dang ldan par bsam par bya'o/ /de nas yi ge dza la dmigs te/ oM badzra dzA gad+d+har zhes bya ba'i gsang sngags kyis bskul bas/dza las dza'i 'od zer byung ste/ phyogs kun du gang bar byas nas de dag kyang sangs rgyas spyan gyi sku sha stag tu gyur te slar 'dus nas 'od du gyur pa las gzhal med khang gi gzhir gyur pa ni/ 'di lta ste/ gzhi sna tshogs rdo rje las grub cing /phyogs kun du yang sna tshogs rdo rje ra ba dang / dra ba 'ang 'khrigs par gyur pa de'i nang du/ rin po che sna bzhi'i rgyu las grub pa'i gzhal med khang gi gzhi grub par bsam mo/ /de nas yi ge sa la dmigs te/ oM badzra saM ha ra Ni zhes bya ba'i gsang sngags [(]gyis [,]kyis [)] bskul bas/sa las sa'i 'od zer byung nas phyogs kun gang bar byas te/ de dag kyang mA ma kI'i sku sha stag tu gyur nas slar 'dus te 'od du gyur pa las gzhal yas khang gi bla gab tu gyur pa ni 'di lta ste/ rin po che sna tshogs kyi gdung dang / phyam chen dang / phyam dgu po dang /phyam phran dang / lan kan gyi dra ba dang / rten ma dang / gzer mig la sogs pas spras pa'i dbus na gser gyi 'khor lo rtsibs stong dang ldan pa gnas pa/ phyi rol rdo rje gur gyis yongs su 'khrigs par gtams pa'o/ /de nas yi ge do la dmigs te/ oM badzra do ra hi ta zhes bya ba'i gsang sngags kyis bskul bas/do las do'i 'od zer byung nas/ phyogs kun du gang bar byas te/ de dag kyang na bza' dkar mo sha stag tu gyur nas/ slar 'dus te 'od du gyur pa las gzhal yas khang gi gdan du gyur pa ni 'di lta ste/ pad+ma dang / nyi ma dang / zla ba'i dkyil 'khor ro/ /de nas yi ge ru la dmigs te/ oM badzra ru ni la zhes bya ba'i gsang sngags kyis bskul bas/ ru las ru'i 'od zer byung nas phyogs kun du gang bar byas te/ de dag kyang sgrol ma'i sku sha stag tu gyur nas slar 'dus te 'od du gyur pa las gzhal yas khang gi rnam par gyur pa ni 'di lta ste/phyogs mtshams rnams su rin po che snang bar gyur te shin tu 'od gsal bar gyur pa'o/ /rin po che snang ba de dag kyang gzhi rten pa med cing 'od sgrib pa dang chod pa med de/ 'dod dgur 'phrul ba snang ba sha stag go/ / de nas yi ge ya la dmigs te/ oM badzra ya ma zhes bya ba'i gsang sngags kyis bskul bas/ ya las ya'i 'od zer byung nas shar phyogs su 'phros te de dag kyang gshin rje mthar byed kyi sku sha stag tu gyur nas shar phyogs kyi sgor 'dus te 'od du gyur nas shar phyogs kyi sgo phun sum tshogs par gyur pa ni 'di lta ste/sgo de yang sgo khang dang bcas pa/ sgo glegs dang / them skas dang rta babs dang bcas pa/ 'gro ba 'jug pa dang thugs rje 'byung ba'i mthu phun sum tshogs pa dang ldan pa'i sgor gyur pa'o/ /de nas yi ge tsa la dmigs te/oM badzra tsa ra tsa na zhes bya ba'i sngags kyis bskul bas/ tsa de las tsa'i 'od zer byung nas/ lho phyogs su 'phros te de dag kyang khro bo shes rab mthar byed kyi sku sha stag tu gyur nas lho phyogs kyi sgor 'dus pa las/ 'od du gyur nas lho phyogs kyi sgo de yang phun sum tshogs par gyur pa ni 'di lta ste/gtong ba dang len pa'i mthu phun sum tshogs pa'i sgo'o/ /de nas yi ge ni la dmigs te/ oM badzra ni ru ka ti zhes bya ba'i gsang sngags kyis bskul bas/ ni las ni'i 'od zer byung nas nub phyogs su 'phros te de dag kyang pad+ma mthar byed kyi sku sha stag tu gyur nas nub phyogs kyi sgor 'dus pa las 'od du gyur nas nub phyogs kyi sgo de yang phun sum tshogs pa'i sgor gyur pa ni 'di lta ste/dam pa'i chos sna tshogs bstan pa la spyod cing rtsen pa'i mthu phun sum tshogs pa'i sgo'o/ /de nas yi ge ra la dmigs te/oM badzra rA dza zhes bya ba'i gsang sngags kyis bskul bas/ rA las rA'i 'od zer byung nas byang phyogs su 'phros te/ de yang bgegs mthar byed kyi sku sha stag tu gyur nas byang phyogs kyi sgor 'dus pa las 'od du gyur nas byang phyogs kyi sgo de yang phun sum tshogs pa'i sgor gyur pa ni 'di lta ste/sangs rgyas kyi zhing yongs su sbyong ba dang / sems can yongs su sgrol ba la sbyor ba'i mthu phun sum tshogs pa dang ldan pa'i sgo'o/ /de nas yi ge Na la dmigs te/ oM badzra Na na rU pa zhes bya ba'i gsang sngags kyis bskul bas/Na las Na'i 'od zer byung nas phyogs thams cad du 'phros te de dag kyang gzugs kyi rdo rje zhes bya ba'i lha mo'i sku sha stag tu gyur te slar gzhal yas khang gi 'khor yug tu 'dus nas gzugs kyi mchod pa thams cad byin gyis rlob par mdzad par gyur to//de nas yi ge yo la dmigs te/ oM badzra yo ya ge yaM zhes bya ba'i gsang sngags kyis bskul bas/ yo las yo'i 'od zer byung nas phyogs thams cad du 'phros te de dag kyang sgra'i rdo rje zhes bya ba'i lha mo'i sku sha stag tu gyur nas/ slar gzhal yas khang gi 'khor yug tu 'dus te/sgra'i mchod pa thams cad byin gyis rlob par mdzad par gyur to/ /de nas yi ge ni la dmigs te/ oM badzra ni ra ma la zhes bya ba'i gsang sngags kyis bskul bas/ ni las ni'i 'od zer byung nas phyogs thams cad du 'phros te de dag kyang di'i rdo rje zhes bya ba'i lha mo'i sku sha stag tu gyur nas/slar gzhal yas khang gi 'khor yug tu 'dus te dri sna tshogs kyi mchod pa byin gyis rlob par mdzad par gyur to/ /de nas yi ge rA la dmigs te/ oM badzra rA sa zhes bya ba'i gsang sngags kyis bskul bas/ ra las ra'i 'od zer byung nas phyogs thams cad du 'phros te de dag kyang ro'i rdo rje zhes bya ba'i lha mo'i sku sha stag tu gyur te/slar gzhal yas khang gi 'khor yug tu 'dus nas ro sna tshogs kyi mchod pa byin gyis rlob par gyur to/ /de nas rdo rje'i dkyil 'khor 'khor lo'i bsgom pa bshad pa yin/ de nas rdo rje'i dkyil 'khor gyi/ /yan lag bsgom pa bshad par bya/ /dkyil 'khor 'khor lo'i dbus gnas par/ /sa bon bcu bdun gyis gang ba'i/ /nyi ma'i dkyil 'khor gnas pa las/ /cung zad tsam zhig bltas nas ni/ /de las 'od zer spro bya ste/ /phyogs bcu'i 'jig rten khams kun du//rgyal ba kun dang de yi sras/ /rigs sngags rgyal po rgyal mor bcas/ /yi ge'i 'od kyis spyan drangs nas/ /snga ma'i gnas su thim par gyur/ /de yi nyi ma sa bon bcas/ /nyi ma'i nor bu 'bar 'dra ba'i/ /ye shes 'od kyi gong bur gyur/ / chos sku dag pa'i rang bzhin du/ /gnyis med ye shes brtan pa las/ /sangs rgyas rnams kyis bskul ba dang / /snying rje chen po'i mthus bslangs nas/ /gshin rje gshed ni bzhengs par bya/ /sku ni ri sngon 'dra ba 'am/ /yang na char sprin 'dra ba'i mdog /sngo rang dag gam stag zil bzhin//yang na las kyi bye brag gis/ /dkar dang dmar dang ser yang rung / /zhal drug phyag drug zhabs kyang drug /sbrul gyi rgyan gyis bzhugs pa la/ /stag lpags rlon pa na bzar gsol/ /smin ma spyan dang skra yang ser/ /sen mo spu dang pags pa dang //lus kyang rdo rje'i rang bzhin can/ /'bar zhing mtshan ma'ang rab 'bar ba/ /be con ral gri dgra sta rnams/ /g.yas pa'i phyag na bsnams pa ste/ /b+han+d+ha sdigs mdzub zhags pa ni/ /g.yon pa'i phyag na bsnams pa la/ /dpa' bo g.yas brkyang stabs kyis ni//ma he ro dang bcas pa brdzis/ /mi bzad 'bar ba'i skur gyur pa'o/ /yang na zhal gcig phyag gnyis te/ /g.yas pas mtshon cha be con gdengs/ /g.yon pas sdigs mdzub thugs kar 'dzin/ /gang dag phyag bzhi 'dod pa na/ /g.yas na be con ral gri ste//g.yon na b+han+d+ha zhags pa bsnams/ /'di la sogs pa'i phyag mtshan ni/ /bcu gnyis dag gam bco brgyad dam/ /yang na brgya dang stong dag dang / /'bum dang bye ba rdul snyed du/ /ji ltar 'dod par bsgom par bya/ /ji ltar 'dod pa de nyid kyis/ /dngos grub thob par gdon mi za//de nas snying ga'i gnas dag la/ /sa bon bcu bdun gyis gang ba'i/ /nyi ma'i dkyil 'khor snga ma bzhin/ /'dir yang gnas par blta bar bya/ /de nas sa bon yaM yig la/ /sngon bzhin gsang sngags kyis bskul bas//gshin rje'i dgra ru gyur nas ni/ /slar 'dus thugs kyi rdo rjer gyur/ /sngon po rdo rje mtshon cha can/ /snying ga'i gnas phyogs nyid du ni/ /nyi ma'i dkyil 'khor gdan la bzhugs/ /de nas sa bon gyis gang ba'i/ /nyi ma'i dkyil 'khor de nyid kyang / / thugs kyi rdo rje thugs kar gnas/ /de la gsang sngags ni 'di'o/ /oM badzra ya mA ri/ de nas k+She yi sa bon de/ /snga ma bzhin du sngags kyis bskul/ /rdo rje'i zhing du gyur nas ni/ /dkar po 'khor lo'i mtshon cha can/ /mtshog mar zla ba'i dkyil 'khor la/ /sku yi rdo rje bzhugs par gyur//de la gsang sngags ni 'di'o/ /oM badzra k+She tra/ de nas sa bon ma las ni/ /rang gi gsang sngags kyis bskul bas/ /rdo rje sa zhes bya bar gyur/ /gser 'dra rin chen mtshan ma can/ /lte bar nyi ma'i dkyil 'khor la/ /mnyam pa'i rdo rje nyid du gyur//de la gsang sngags ni 'di'o/ /oM badzra ma hI n+d+ri/ /de nas me zhes bya ba la/ /gsang ba'i sngags kyis bskul ba yis/ /rdo rje lhun po zhes byar bshad/ /pad+ma rA ga 'dra ba la/ /me tog pad+ma'i mtshan ma can/ /mgul bar nyi ma'i dkyil 'khor la/ /gsung gi rdo rje nyid du gyur//de la gsang sngags ni 'di'o/ /oM badzra me ru/ de nas sa bon da zhes pa/ /de bzhin gsang ba'i sngags kyis bskul/ /rdo rje sbyin pa zhes byar gyur/ /rin chen margata 'dra ba la/ /ral gri 'bar ba'i mtshon cha can/ /rkang pa g.yas su nyi ma la/ /las kyi rdo rje nyid du gyur//de la sngags ni 'di'o/ /oM badzra da na/ de nas dza la bltas nas ni/ /rang gi sngags kyis bskul ba yis/ /rdo rje 'gro 'dzin zhes byar gyur/ /dkar mo 'khor lo'i mtshon cha can/ /rdo rje zhing gi g.yon phyogs su/ /zla ba'i gdan la gnas nas ni/ /rdo rje zhing la gzigs par mdzad//de la gsang sngags ni 'di'o/ /oM badzra dzA gad+d+ha ra/ de nas sa la bltas byas te/ /de bzhin sngags kyis bskul ba yis/ /rdo rje kun sdud ces byar gyur/ /bai DU ra rdo rje mtshan ma can/ /rdo rje sa yi g.yon phyogs su/ /zla ba'i gdan la gnas nas ni//rdo rje sa la gzigs par mdzad/ /de la gsang sngags ni 'di'o/ /oM badzra saM ha ra Ni/ yi ge do la dmigs byas te/ /de nyid gsang sngags kyis bskul bas/ /rdo rje nyes sel zhes byar gyur/ /dmar mo lag na pad+ma can/ /rdo rje lhun po'i g.yon phyogs su/ / zla ba'i gdan la gnas nas ni/ /rdo rje lhun po la gzigs mdzad/ /de la gsang sngags ni 'di'o/ /oM badzra do ra hi ta/ yi ge ru la dmigs byas te/ /de bzhin sngags kyis bskul ba yis/ /rdo rje gnas med ces bya ba/ /ma rgad ut+pal shes rab mtshan/ /rdo rje sbyin pa'i g.yon phyogs su//zla ba'i gdan la gnas nas ni/ /rdo rje sbyin pa la gzigs mdzad/ /de la gsang sngags ni 'di'o/ /oM badzra ru ni la/ de nas na la dmigs byas te/ /rang gi sngags kyis bskul ba yis/ /rdo rje sna tshogs gzugs su gyur/ /dkar mo lag na me long can//zla ba'i dkyil 'khor gdan la ni/ /mig gi gnas su bsam par bya/ /de la gsang sngags ni 'di'o/ /badzra Na na rU pa/ yi ge yo la dmigs byas te/ /sngon bzhin gsang ba'i sngags kyis bskul/ /lha mo rdo rje gdangs su gyur/ /dmar mo lag na pi wang 'dzin//zla ba'i dkyil 'khor la gnas par/ /mkhas pas rna ba'i gnas la bsam/ /de la gsang sngags ni 'di'o/ /oM badzra yo ya ge yaM/ yi ge ni la dmigs nas ni/ /de bzhin sngags kyis bskul ba yis/ /rdo rje dri med ces byar gyur/ /sngon mo lag na phreng ba 'dzin//zla ba'i dkyil 'khor la gnas par/ /sna yi gnas la bsam par bya/ /de la gsang sngags ni 'di'o/ /oM badzra ni ra ma la tsa/ de nas ra la dmigs nas ni/ /rang gi sngags kyis bskul pa yis/ /rdo rje ro zhes bya bar gyur/ /ljang gu ro ldan zas snod can//mkhas pas lce yi gnas la bsam/ /de la gsang sngags ni 'di'o/ /oM badzra rA sa/ de nas yi ge ya la dmigs/ /sngags kyis bskul bas de bzhin du/ /rdo rje zung du gyur nas ni/ /dkar po rdo rje tho ba can/ /nyi ma'i dkyil 'khor la gnas pa//dpung pa g.yas pa'i gnas la dgod/ /de la gsang sngags ni 'di'o/ /oM badzra ya ma/ de bzhin tsa la dmigs nas ni/ /rang gi sngags kyis bskul ba yis/ /rdo rje dpyod pa zhes bya ba/ /sngon po lag na dbyug pa can/ /nyi ma'i dkyil 'khor la gnas pa//dpung pa g.yon pa'i gnas la dgod/ /de la gsangs sngags ni 'di'o/ /oM badzra tsa ra tsa na/ yi ge ni la dmigs byas te/ /de bzhin sngags kyis bskul ba yis/ /rdo rje nges tshig ces bya ba/ /dmar mo lag na pad+ma can/ /nyi ma'i dkyil 'khor la gnas pa/ / mkhas pas rkan la bsam par bya/ /de la gsang sngags ni 'di'o/ /oM badzra ni ru ka ti/ yi ge ra la dmigs byas te/ /de bzhin gsang ba'i sngags kyis bskul/ /rdo rje rdul bral zhes bya ba/ /ljang gu lag na ral gri can/ /nyi ma'i dkyil 'khor la gnas pa/ / gsang ba'i gnas la bsam par bya/ /de la gsang sngags ni 'di'o/ /oM badzra rA dza/ de ltar dkyil 'khor bsgom byas nas/ /ci nus gsal bar blta bar bya/ /de nas snying rje chen po yis/ /gdug pa 'dul phyir khros nas ni/ /rtsa ba'i gsang sngags lan gsum mam//bdun nam nyi shu gcig brjod pas/ /khro bo 'bar ba'i ye shes las/ /'od zer yi ge mtshon cha dang / /rab 'bar sku yang 'phros nas ni/ /de tshe sangs rgyas zhing yang g.yos/ /gdug pa'i tshogs kun bcom nas ni/ /sha dang khrag dang rus pa dang / /yan lag mgo yi dum bu dang //ro dang yan lag nyams pa'i ro/ /mtshon chas phug pa'i khrag bcas pa/ /kun nas sprin bzhin 'dus par gyur/ /de nas sangs rgyas zhing 'di yang / /mi bzad dur khrod chen por gyur/ /shin tu rul ba 'bu dang rnag /khrag dang zhag dang glang pa dang //gsar dang rnying dang tshig pa dang / /dri yang phyogs su ldang bar gyur/ /keng rus dag las me yang 'bar/ /'bu dang sbrang ma mang po dang / /kang ka rgod dang bya rog dang / /sha la dga' ba'i 'dab chags kun/ /kun nas za zhing 'thab par byed/ /seng ge stag dang wa dang khyi//sha la dga' ba'i srog chags kun/ /de bzhin za zhing 'thab par byed/ /'byung po yi dwags sha za'i tshogs/ /ma mo srin mo mkha' 'gro'i tshogs/ /kun nas 'du zhing 'tsho bar byed/ /de nas sprul pa'i tshogs chen kun/ /sangs rgyas kun dang 'dres gyur nas/ / gshin rje gshed la thim par gyur/ /de nas khro bo gshin rje gshed/ /lus ni ri rab lta bu'i tshad/ /sku las khro tshogs rngam pa'i tshogs/ /rgya mtsho'i rlabs bzhin 'phro zhing 'du/ /pho nya mngag gzhug mngag gzhug ma/ /mgyogs shing rab tu mi srun pa/ /go cha sra zhing mtshon cha rno//sde tshogs dpung gis kun nas bskor/ /'di ltar gang zhig sgom byed pa/ /de ni gshin rje gshed po dang / /mtshungs par 'gyur ba gdon mi za/ /de la gshin rje gshed po nyid/ /dgyes nas dngos grub gsol bar byed/ /de la lha'am bdud kyi rigs/ / kun gyis gnod par mi 'gyur ro/ /bdud dang gshin rje mang po dang / /ma mo srin mo mkha' 'gro ma/ /skrag nas thal mo sbyar byas te/ /de yi mngag gzhug byed par 'gyur/ /'jig rten dag na gang gnas pa'i/ /'byung po thams cad bran bzhin 'gyur/ /'di ni rdo rje dkyil 'khor gyi//'khor lo bsgom pa rgyas pa'o/ /de nas rdo rje dkyil 'khor gyi/ /cho ga kun nas bsdus pa bshad/ /nyi ma yi ge ra las skyes/ /yi ge ya yis mtshan byas pas/ /'od zer rab tu 'phro ba ni/ /thog mar rang gi snying gar bsam/ /ting 'dzin gsal bar gyur pa dang //me ni rab tu 'phro ba dag /rdo rje lta bu'i rlung ldang ba/ /'jig rten yongs su khyab par ni/ /mkhas pas rab tu spro bar bya/ /'jig rten rab tu bsregs nas ni/ /rdo rje rlung gis gtor byas pas/ /chos kun nam mkha' lta bu yi/ /bdag nyid du ni gyur par bya//sngags pas de tshe bsam pa ni/ /chos kun rang bzhin 'od gsal ba/ /gdod nas dag pa nam mkha' bzhin/ /ming dang mtshan ma bral ba ni/ /blo gros brtan pas bsgom par bya/ /de nas snying rje las byung ba/ /snga ma'i gnas bzhin bsgom bya ba//nyi ma yi ge ya yis mtshan/ /mkhas pas gsal bar bsgom par bya/ /de nyid yongs su gyur pa las/ /gshin rje gshed du gyur par bya/ /zhal dang phyag sogs sngon bzhin te/ /dkyil 'khor 'khor lo med kyang rung / /gdan tsam la ni bsgom par bya/ / yang na sku dang lhan cig tu/ /mkhas pas rdzogs par bskyed par bya/ /rtog pa gzhan las gsungs pa bzhin/ /gdan la yi ge'am mtshan ma rnams/ /gnyis gnyis dag gam gsum las kyang / /bskyed kyang nyes par mi 'gyur te/ /dngos grub 'bras bu mtshungs par 'gyur//phyag zhal kha dog mtshon cha sogs/ /mang dang nyung dang tha dad dang / /de bzhin go rims 'khrugs pa yang / /dngos grub 'bras bu mtshungs par bshad/ /'on kyang bag med le lo yis/ /bka' bzhin byas par ma gyur na/ /dam tshig nyams pa'i rgyu yis ni//dngos grub nyams pa'i rgyur 'gyur ro/ /de dag tsam gyis rdo rje yi/ /dkyil 'khor bsgom pa'i cho ga rnams/ /rgyas dang bsdus pa'i tshul gyis ni/ /legs par phye ste bshad zin to/ /de nas las rnams sna tshogs dag /mkhas pas bsgrub par bya ba la/ / dkyil 'khor dag dang mi ldan zhing / /ri mo la sogs cho ga dang / /brtul zhugs drag po med kyang rung / /legs par bsgom dang bzlas pa dang / /sbyin sreg 'khor lo'i sbyor ba la/ /sogs pa'i sbyor ba phra mo la/ /brten nas mchod la brtson pa yis/ /las rnams sna tshogs 'grub 'gyur ba//mdor bsdus nas ni bshad par bya/ /khro bo'i rgyal po'i gsang sngags gang / /rgyud gzhan dag du sbas byas pa/ /gshin rje gshed po mnyes byed cing / /thugs yin thugs las byung ba ste/ /'di ni bklags pa tsam gyis kyang / /phra mo'i gdon rnams skrag byed na//gang zhig bzlas brjod brtson pa yis/ /gdug pa 'dul ba la sogs pa'i/ /las rnams grub pa smos ci dgos/ /de bas sngags kyi bzlas brjod kyi/ /cho ga tshul bzhin bshad par bya/ /thog mar rdo rje'i dkyil 'khor dag /snga ma bzhin du bsgom byas nas//snying gar nyi ma'i dkyil 'khor la/ /sa bon bcu bdun gyis gang ba'i/ /dkyil 'khor 'khor lo 'dra ba dag /snga ma'i bag chags kyis bsgom bya/ /de nas ya la dmigs nas ni/ /rang gi sngags kyis bskul ba yis/ /khro bo rdo rje zung zhes pa/ / 'jig rten khyab par spros byas te/ /rgyal ba sras bcas spyan drangs te/ /gshin rje gshed du gyur nas ni/ /'khor yug yongs su gang bar bsam/ /de nas Na yo ni ra yi/ /yi ge bzhi la dmigs byas te/ /rang rang sngags kyis bskul ba yis/ /gzugs sogs lha mo spros nas ni//la la gshin rje gshed po yi/ /dbang po rnams la thim par gyur/ /la la phyogs bcu thams cad na/ /mchod pa la sogs cho ga byed/ /la la me tog bdug pa dang / /mar me dri dang zhal zas dang / /sil snyan rdzas la thim par gyur/ /spyi ru byin gyis brlabs byas nas//khyad par dag tu byin brlab par/ /me tog dang ni mar me la/ /gzugs kyi rdo rje thim byas te/ /gzugs kyis khyad par phye bar bya/ /de bzhin bdug pa byug pa la/ /dri yi rdo rjes phye ba yis/ /yon chab bshos dang gtor ma rnams/ /de bzhin ro yi rdo rjes phye//sil snyan rnam pa sna tshogs ni/ /sgra yi rdo rjes phye ba'o/ /spyi dang bye brag dbye ba yis/ /rdzas dang de bzhin shes bya ste/ /lha mo'i lus nyid phul ba yis/ /reg bya'i mchod par gyur pa'o/ /de ltar ting 'dzin sa bon dang / /sngags dang rdzas dang ldan pa yis/ / gshin rje gshed po mnyes byas te/ /rdo rje dpyod pa'i sbyor ba yis/ /bdag gi lus la 'jug par bya/ /de nas rdo rje'i nges tshig gi /sbyor bas shin tu brtan par bya/ /rdo rje rdul bral sbyor ba yis/ /shin tu dbang du gyur byas te/ /bzlas pa la ni 'jug par bya/ /de nas snying ga'i sa bon rnams//rab tu gsal bar dmigs nas ni/ /ji srid brtan par ma gyur tshe/ /gsang sngags spro bar mi bya zhing / /ting 'dzin 'bad de bzlas pa brtsam/ /gsang sngags yi ge sum cu gnyis/ /thog mar oM dang ldan byas te/ /tha mar phaT gnyis ldan byas pa//gsang sngags kun gyi rgyal po ste/ /ma yengs pa yi yid kyis bzlas/ /dmigs pa brtan par ma gyur tshe/ /lha dang yi ge zhes bya ba/ /dmigs pa gnyis las ma gtogs pa/ /rtog pa thams cad spang bar bya/ /de ltar ci nus bzlas nas ni/ / bzlas pa btong bar 'dod pa na/ /gshin rje gshed po zhes bya ba/ /bdag gi lus las phyung nas ni/ /mdun na dgyes bzhin bzhugs pa la/ /bshags dang smon lam btab byas te/ /de nyid du ni mi snang gyur/ /de nas rang lus la bltas te/ /chos kun skye med dran byas nas//bdag kyang de bzhin mi snang gyur/ /yang na lha dang mi dbye bar/ /bzod pa yid kyis gsol nas ni/ /lhan cig mi snang gyur par bya/ /de nas stong nyid dran pa yis/ /langs te rang gi spyod lam bya/ /stong nyid blo dang ldan pa na/ /srung ba dag kyang bya mi dgos/ /dngos grub dag kyang myur du 'byung //byang chub mchog la nye bar 'gyur/ /gal te sngon gyi bag chags kyis/ /tha mal lus su mthong gyur na/ /gsang sngags yi ge bcu bdun po/ /snying ga mtshog ma la sogs par/ /'od 'bar gdan dang bcas pa dang / /rang rang gnas su bsam byas te//rdo rje 'bar ba'i mig gis kyang / /bsrung ba'i bsam pa ldan byas te/ /lus dang gnas dang grogs po dang / /rdzas la bltas nas bsrung bar 'gyur/ /de ltar nyin re cho ga bzhin/ /yang na dus bzhir sbyor ba bya/ /'di lta bu yi sbyor ba yis/ /gshin rje gshed po mnyes par 'gyur//de yi bka' nyan thams cad kyang / /sgrub pa po la dga' bar 'gyur/ /gal te 'chag gam khrus byed dam/ /kha zas za dang nyal ba dang / /de bzhin spyod lam kun du yang / /ji srid g.yeng 'gyur thams cad la/ /stong pa nyid dam bsrung ba'i shugs//nam kyang btang bar mi bya ste/ /shugs btang na ni srung ba nyams/ /gal te shugs dang ldan pa na/ /glo bur yid ni g.yeng gyur kyang / /srung ba bral ba ma yin no/ /nam zhig yid ni brtan gyur na/ /lha dang yig 'bru gsal ba'i tshe/ /de tshe g.yo ba brtsam par bya/ / gal te dngos grub mchog 'dod na/ /'od zer yi ge'am mtshan ma'am/ /sku yi tshul gyis spros byas te/ /rgyal ba sras dang bcas pa kun/ /bsdus nas bdag la thim par bya/ /gal te bsod nams mchog 'dod na/ /khams gsum gnas pa'i sems can kun/ / 'od zer tshul du bsdus pa ni/ /sangs rgyas kun la thim byas te/ /sku gsum rdo rjer gyur par ni/ /'dod na gnyis ka'ang lhan cig tu/ /'di lta bu yi sbyor ba yis/ /yi dam bcas pa rdzogs par bya/ /gal te sgrub par byed pa ste/ /bzlas pa'i grangs la mos pa na/ /rtog pa las gsungs ji bzhin du//yi dam bcas pa rdzogs byas pa/ /de nas sgrub la 'jug par bya/ /gal te dus la dga' ba na/ /de bzhin lo grangs ji nus par/ /dam bcas nas ni sgrub la 'jug /gal te sgrub par byed pa ste/ /shin tu brtson dang ldan pa na/ /mtshan ma thob la dam bcas nas//ting 'dzin shin tu gsal ba yis/ /mtshan ma thob par gyur pa'am/ /gal te lha yis lung bstan pa/ /rigs pa dang ldan thob pa'am/ /mtshan ma rab 'bring bye brag rnams/ /rtog las gsungs pa ji bzhin du/ /sgrub pa la ni 'jug par bya/ / sngags pas bzlas brjod bya ba'i tshul/ /legs par phye ba bshad zin to/ /de nas las rnams sna tshogs kyi/ /dngos grub cho ga bshad par bya/ /thog mar shes rab cho ga ni/ /mdor bsdus nas ni bshad par bya/ /sngags pas bsnyen pa rdzogs byas pas/ /gtsang ma'i gnas su song nas ni//ras dkar gtsang ma'i gos byas nas/ /rin chen 'bar 'dra'i gnas la 'dug /khrus kyang legs par byas nas ni/ /mngar gsum ldan pa'i kha zas dang / /sman dang ldan pa'i mar dag kyang / /sngags dang ldan pas ci ran bza'/ /mchod pa dag kyang byas nas ni//snying gar shes rab 'khor lo dag /zla ba 'dra dang shel 'dra dang / /de bzhin nyi ma 'dra yang rung / /rtsibs bzhi'am yang na rtsibs bcu gnyis/ /bcu drug sum cu gnyis kyang rung / /de la rang gi sa bon ni/ /gsang sngags yi ge sum cu gnyis//dkar po cung zad rtsa dmar ba/ /'od dang ldan pa bsgom par bya/ /A li kA li phreng ba yang / /'khor lo'i tshul du bsgom par bya/ /de yang 'phro dang g.yo ba dang / /myur du rab tu 'khor ba rnams/ /ci dga' bar ni bsgom par bya/ /de ltar zla drug zla ba gsum/ / gcig dang phyed du bsgom byas nams/ /blo gros rab tu rgyas par 'gyur/ /de nas srung ba'i cho ga yang / /mdor bsdus nas ni bshad par bya/ /shes rab cho ga ji bzhin du/ /sbyor ba legs par byas pa las/ /yi ge ya dang ni bsal nas/ /lhag ma'i yi ge bsgom par bya/ /zla ba'i dkyil 'khor 'dra ba yi//maN+Dal byas nas de steng du/ /bum pa lnga ni gzhag par bya/ /de bzhin gsang sngags bzlas pa'i mthar/ /che ge mo zhes bya ba la/ /rak+Sha rak+Sha zhes pa dang / /swA hA ldan pa bzlas pa yi/ /bum pa yis ni spyi bor yang / /bsrung bar 'dod la dbang bskur bya//de ltar lan cig lan gsum mam/ /lan bdun gyis ni srung bar 'gyur/ /de nas bshad par bya ba ni/ /'byung chen bzhi yi dkyil 'khor gyis/ /las rnams sna tshogs grub 'gyur ba/ /mdor bsdus nas ni bshad par bya/ /gang zhig dbang du byed 'dod na/ /chu bgram dag du song nas ni//zla ba phyed pa 'dra ba yi/ /kha dog dmar po'i gnas la 'dug /zla ba phyed pa'i dus dag la/ /sngags pas sbyor ba brtsom par bya/ /rdo rje'i dkyil 'khor bsgom par bya/ /de bzhin mchod pa byas nas ni/ /snying gar ya las byung ba yi/ /rlung gi dkyil 'khor bsgom bya ba//kha dog sngo la rtsa dmar po/ /de yi steng du pad+ma ni/ /sum cu rtsa gnyis 'dab ldan pa/ /rtse la ba dan g.yo ba dag /legs par bsam par byas na ni/ /de yi steng du yi ge yang / /sum cu rtsa gnyis go rims bzhin/ /kha dog dmar skyar bsgom par bya//de nas bsgrub bya mdun gnas pa/ /kha dog dmar zhing gos kyang dmar/ /myos bzhin thal mo sbyor byed pa/ /'di ltar bsam pa byas nas ni/ /de nas rang gi yi ge las/ /me tog la ni grub pa'i mda'/ /rlung gi shugs kyis 'phangs nas ni/ /bsgrub bya'i dpral ba mgul ba dang //snying ga lte ba gsang gnas su/ /rgyun mi 'chad par phog par bsam/ /bud med la ni khyad par du/ /gsang ba'i gnas la phog par bsam/ /'di ltar sbyor ba brtan pa yis/ /brgya byin dbang chen grags pa yang / /de la dga' zhing dbang du gyur/ /de bzhin lha dang bdud la sogs//bram ze rgyal po blon por bcas/ /kun nas dbang du byed par 'gyur/ /lha mo'am ni gnod sbyin mo/ /mngon par shes pa ldan pa dag /dbang du bya ba sgrub pa ni/ /ring por mi thogs 'grub par 'gyur/ /mthu chen bsgrub par dka' ba dang / / rang gi 'dod pa mi ldan dang / /rags las grub pa'i gzugs can dang / /mngon par shes pa mi ldan pa/ /dbang du bya bar dka' bar bshad/ /lha mo gnod sbyin mo la sogs/ /phra ba'i lus can mngon shes ldan/ /rang gi 'dod pa ldan pa dang / /mthu che ba yang dbang 'gyur bar//rab tu dka' ba ma yin no/ /gal te bsgrub par bya ba dag /sngags pas dgug par 'dod pa ni/ /sbyor ba de nyid bsgom byas te/ /lcags kyu rlung dang ldan pa dag /sa bon rnams las nges spros te/ /bsgrub par bya ba'i snying ga nas/ /drangs te dgug pa'i sbyor ba bya/ / gal te bskrad par 'dod na yang / /sbyor ba de nyid bsgom byas te/ /rlung dang ldan pa'i rnga mo dag /rab tu gnag cing mgyogs pa ni/ /rang gis bon gnas las 'thon/ /de la bsgrub bya bskyon byas te/ /myur du lho phyogs bda' bar bya/ /gal te dbye bar 'dod pa na/ /sbyor ba de nyid bsgom byas te//sbrul dang ne'u le mang po dag /rang gi sa bon gnas las 'thon/ /de dag bsgrub bya gnyi ga yi/ /so sor lus la zhugs par bya/ /de nas bsgrub bya de dag kyang / /sbrul dang sre mo'i rang bzhin du/ /gyur nas phan tshun 'thab par bsam/ /sbyor ba 'di ni brtan pa yis//bsgrub bya dbye zhing 'thab par 'gyur/ /de nas bsgrub par bya ba dag /gnon cing rmongs par byed 'dod na/ /rdo rje dkyil 'khor bsgoms pa yi/ /snying gar sa yi dkyil 'khor ni/ /gru bzhi ser po ma las byung / /de steng sna tshogs rdo rje ni//rtse mo sum cu gnyis dang ldan/ /de la rang gi sa bon yang / /kha dog ser po ldan pa dag /sum cu rtsa gnyis tshang bar bsgom/ /de nas de 'dra spro bya ste/ /bsgrub bya gang na gnas pa yi/ /steng du yang dang yang mnan na/ /skye 'gro mnan cing rmongs par 'gyur/ /gal te rgyas par byed 'dod na//sbyor ba de nyid bsgom pa las/ /de las cung zad mi 'dra ba/ /rdo rje gnas su rin chen bsgom/ /de la 'od zer 'phro ba yis/ /rin chen lta bus 'od zer dag /bsgrub bya la ni thim pa yis/ /bsod nams yongs su rgyas par bya/ /gzhan yang drag po'i sbyor ba la//me yi dkyil 'khor ra las byung / /rdo rje rtse gsum 'od 'bar ba/ /rang gi yi ges mtshan pa yis/ /rdo rje me ltar 'phro ba dag /gang dang gang du bsams pa der/ /gsad pa'i las la sngags pa yin/ /gzhan yang zhi bar bya 'dod na/ /chu yi dkyil 'khor dza las byung //zlum zhing dkar la bum pa ni/ /shel dang 'dra ba nyi shus brgyan/ /de yi nang du yi ge'i tshogs/ /ya ni gsal ba nyi shu bsam/ /yi ge dag la bdud rtsi chu/ /'dzags pas bum pa gang bar bsam/ /de nas ma rungs bgegs la sogs/ /rab tu gdug pa'i sems ldan la//de la bdud rtsi 'od zer dag /kun nas thim par gyur pa yis/ /gdug pa'i tshogs ni zhi bar 'gyur/ /'byung chen bzhi yi dkyil 'khor gyi/ /ting nge 'dzin gyi sbyor ba yis/ /las kyi sbyor ba gang sgrub pa/ /so sor phye ste bshad pa yin/ /bsgom pa dang ni bzlas ba dag /gal te 'bad nas byas pa yang / /skal dang mos pa dman pa yis/ /las rnams grub par ma gyur ba'i/ /sgrub pa po la phan gdags phyir/ /sbyor ba la ni brten par bshad/ /sangs rgyas bstan la gnod byed pa'i/ /rgyal po ngan pa byung gyur tam//blon po la sogs de bzhin te/ /skye bo ngan pa'i tshogs byung nas/ /thabs gzhan dag gis ma dul na/ /bstan pa yongs su bsrung ba'i phyir/ /sangs rgyas rnams kyi bka' bzhin du/ /byang chub sems dang ldan byas te/ /de tshe drag po'i sbyor ba brtsam/ / gdug pa gzhig par bya ba'i thabs/ /drag po'i sbyor ba gang gsungs pa/ /rgyal ba'i bka' nyid bsrung ba'i phyir/ /mdor bsdus nas ni bshad par bya/ /sbu gu rig par bya ba dang / /gnad kyi gnas rnams gzir ba dang / /byug dang gtor ba la sogs kyis/ /rul sogs ma rungs bya ba dang //bskam zhing sreg pa'i cho ga dang / /lus kun yongs su gzhom pa dang / /byad kyis phog par bya ba dang / /'khrugs shing myos par 'gyur ba yis/ /gdug pa brlag par 'gyur ba yi/ /cho ga mdor bsdus 'di zhes bya/ /de la sbu gu rig pa yi/ / cho ga dag kyang bshad par bya/ /rdo rje'i dkyil 'khor bsgom byas te/ /srog dang yi ge gnyis med par/ /kha dog lnga ru gyur byas te/ /sbrang bu trai la'i mchu 'dra ba/ /bdag gi sna nas dbyung bar bya/ /bsgrub bya'i lte ba'i pad+ma las/ /skud pa 'dra ba'i sbu gu nas/ /srog gi yi ge drang bar bya//de nas bsgrub bya'i rdul dag dang / /rjes dang dri ma sna tshogs dang / /grog mkhar sa sogs sbyar byas te/ /kha sbyar ldan pa'i gzugs brnyan bya/ /gzhan yang chu'am dur khrod dam/ /'byung po gnas pa'i sa dag las/ /klu 'am sa yi bdag po 'am/ /ma mo'i tshogs sam 'byung po dag /kha dog bzhir ldan gzugs byas te/ /rang rang gnas su sbas byas nas/ /chu yi hom dang de bzhin du/ /sa dang me yi hom dag gis/ /tshim par byas nas des gzung 'gyur/ /de la sbu gu rig pa'i thabs kyi cho ga ni 'di yin te/ thog ma nyid sbu gu rig pa'i cho ga gang gis bsgrub bya klu yis zin par 'gyur ba'i thabs kyi cho ga bshad par bya'o//de la dang por sngags pas rdo rje dkyil 'khor ji lta ba bzhin du bsgoms te/ rang gi snying gar yi ge'i tshogs ji lta ba bzhin du bsgoms pa dag srog ces bya ba'i rlung dang 'dres par gyur bas 'od zer kha dog lnga pa'am bzhi pa sbrang bu trai la'i mchu ltar bcud thams cad 'byin par nus pa rab tu rno ba gdug pa sna'i bu ga gnyis nas byung bar bsam mo//de bzhin du dmigs pa byas pas rang gi snas de'i reg pa myong bar 'gyur ro/ /de nas ting nge 'dzin de dbang du gyur na ni dang por rdzi rno bar 'gyur ro//de nas dbugs rngub cing drangs pas gzhan gyi ro dag kyang nyams su myong bar 'gyur ro/ /de nas ting nge 'dzin de shin tu dbang du gyur na ni bsgrub bya'i lte ba'i gnas na pad+ma kha sbyor gyi dbus srog gnas pa'i rtsa skud pa 'dra ba 'dus pa'i rtsa na srog gi rang bzhin yi ge a'i dbyibs su gnas pa ni rtsa kha dog dmar skyar gnas pa zhig yod de/de bzhin du gsal bar bsgoms nas de nas bdag gi sna nas dbugs kyi 'od zer rab tu rno ba de dag phyung ste bsgrub bya'i lte ba'i ba spu'i bu ga nas zhugs nas/ sbu gu skud pa 'dra ba'i nang du zhugs te srog gi rang bzhin gyi yi ge la zug nas/ yi ge de dag thams cad gzhibs te/ yi ge nyid kyang blangs nas drangs pas/ dper na pags pa rlon pa las byas pa'i snod zhabs nas thon nas slog pa bzhin du srog gi gnas pad+ma kha sbyar te nang phyir bzlog par gyur par byas nas rab tu drangs par byas na sbyor ba de 'ba' zhig gis kyang gang su yang rung ste de 'chi bar 'gyur ro//ting nge 'dzin ma thob pa rnams kyis ni sbyor ba dang bcas pa brtsam par mi bya ste/ thog ma nyid du ting nge 'dzin de nyid kyang 'bad pas goms par byas nas gsang sngags kyi bzlas brjod kyang byas la/de nas bsgrub bya de'i rkang rjes kyi sa dang / phyi sa che chung gi rjes dag dang / gzhan yang mchil ma dang skra dang gos kyi dum bu dag dang / gzhan yang de'i khyim gyi sa dang / /them pa rtsa'i sa dag ji ltar rnyed pa blangs te/ grog mkhar gyi sa dang / 'bru sna tshogs kyi phye dang / sa bzang po gzhan dag dang sbyar te legs par btags nas bsgrub bya'i gzugs brnyan sor brgyad pa zhig bya'o/ /de nas gro ga 'am/ 'dab ma gang yang rung ba la pad+ma kha sbyor dong tse tsam gyi dbus su/ a dmar pos mtshan pa kha dog dmar po zhig bya'o//de nas tshon sna lnga 'am/ sna bzhi'i skud pa mtho do pa'i tshad bya ste de dag gi rtse mo gcig tu bsgril nas zangs kyi sbu gu sog ma'i mgrin pa tsam zhig byas te/ de'i nang nas skud pa de dag phyung nas pad+ma kha sbyor gyi snying po'i yi ge a la phug ste gdags par bya'o//de nas pad+ma de bsgrub bya'i gzugs brnyan gyi lte ba'i dkyil du lus ji ltar gnas pa bzhin du gzhug par bya'o/ /zangs kyi sbu gu de yang lte ba la zug par gzir bar bya'o/ /de nas gzugs brnyan de ba lang gi pags pa zhig tu dril te skud pa de dag phyir phyung nas de cung zad bskam par bya'o//de nas bskams par gyur pa dang gzugs brnyan de khyer te bsgrub bya'i khang pa mthong ba'i sa phyogs bsgrub bya'i khang pa la zug pa'i lam yod pa zhig tu dong brkos te de'i nang du sbas nas sa skam pos bkang ste gzhag go/ /de nas rang gi khyim du 'ongs te ting nge 'dzin snga ma bzhin du bsgrub bya'i srog rengs nas gzugs brnyan la thim par bya'o//de ltar sbyor ba 'di zhag gcig gam gnyis sam gsum du byas nas/ de nas sgrub pa pos dgug pa'i sbyor ba ji ltar nus pa byas te/ sgrub pa'i grogs mchog dag gis lha'i ting nge 'dzin dang ldan pas lha'i cha lugs bzung ste/bsgrub bya'i gzugs brnyan blangs la rang gi gnas su 'ong bar bya'o/ /de nas stegs bu'i steng du btsag gam rdo rgyus sam sol ba dag gis rlung gi dkyil 'khor zla gam bsgrub bya'i phyogs su blta ba zhags pa dang lcags kyu mang pos mtshan pa zhig bris la/de'i steng du bzhag la zhag bdun gyi bar du dgug pa'i sbyor ba bya zhing gzugs brnyan la bstims te/ skud pa nag po la rang gi gsang sngags bzlas pas shin tu bsdams par bsam zhing / tshon skud lag pas bzung ste bzlas pa la brtson par bya'o//de nas zhag bdun lon pa dang rgya mtsho'i sa'am/ de bzhin du chu chen po'i 'gram dang / lteng ka dang rdzing chen po dang / chu mig sna tshogs nas sa dang chu blangs te/ de nas sa de dag dang / sman dang spos dang / me tog bzang po dag dang legs par btags te 'bras sam gro'i phye ma dag dang yang sbyar nas klu chen po'i gzugs byas nas/'di ltar sbrul rab tu 'bar ba'i kha gdangs pa bzhi byas te/ de dag gi snying gar oM phu zhes bya ba'i snying po bris la gzhug go/ /khar khaM nag po bris la gzhug /sbrul de dag kyang gtsug na nor bu yod pa lce gnyis pa so phreng ba 'dra bar gnas pa'o//kha dog ni dang por gu gul dkar po dang ba'i mar bsres te bskol nas byug par bya'o/ /de nas tshon sna bzhis kha dog bsgyur bar bya ste/ gcig ni dkar po'o/ /gcig ni ser po'o/ /gcig ni dmar po'o//gcig ni nag po'o/ /de dag gi lce gnyis gnyis po de dag kyang tshon skud legs par bsgril ba mtho re ba gnyis gnyis la/ oM pa na nA ga bi Sha khaM/ zhes bya ba'i gsang sngags bzlas te rtsa ba sbrul gyi khar bcug la/ dug 'bar ba'i lcer gyur par bsam par bya'o/ / de nas sa phyogs gtsang ma zhig tu ras sam gos gtsang ma'i gur phub la/ der maN+Dal ba'i rnam lnga dang ldan pa zhig byas te/ der pad+ma 'dab ma bzhi pa zhig bris nas ge sar sngon por byas nas de'i steng du bcom ldan 'das gshin rje gshed po nyid khams gsum rnam par rgyal ba'i gzugs su gzhag par bya'o//shar phyogs kyi 'dab ma dkar por bya ste/ der sbrul dkar po gzhag go/ /de bzhin du lho ser por bya ste/ sbrul ser po gzhag go/ /nub kyi dmar por bya ste sbrul dmar po gzhag go/ /byang gi nag por byas te sbrul nag po gzhag go//sbrul de dag kyang mgo dbus su blta bar bya'o/ /de nas sngags pa bdag nyid khrus legs par byas nas gos gtsang ma bgos te lag pa dri bzang pos byugs nas nub phyogs kyi sgor 'dug ste/ rang gi lha'i ting nge 'dzin du zhugs nas/ maN+Dal gyi dbus su bcom ldan 'das spyan drangs te/legs par bsams nas/ ar+g+ha dang me tog la sogs pa'i mchod pas mnyes par bya'o/ /de nas sbrul chen po bzhi'i mdun du sa las byas pa'i snod gtsang ma bzhi'i nang du rgya mtsho'i chu la sogs pa chu sna tshogs dang / ba'i 'o ma dang //me tog dri nga ba med pa rnams blugs te bzhag la/ der chu'i hom byas te klu rnams tshim par bya'o/ /de la chu'i hom bya ba'i cho ga ni 'di lta ste/ de lta bu'i chu'i gzhi bshams nas gzhan yang mchod pa'i rdzas su gyur pa/ ba las byung ba'i dkar gsum dang / mngar gsum dang /khre dkar po dang / til dkar po dang / 'bras dkar po la sogs pa 'bru kha dog dkar po sna tshogs dang / rin po che sna tshogs dang / ga pur dang tsan+dan dkar po la sogs te spos dang sman sna tshogs dang / gzhan yang chu dag dkar po la sogs pa de dag dang mthun pa'i rdzas ji snyed pa dang /me tog dri nga ba med pa rnams dang / 'o ma dang 'bras chan dang / sha kha ra gsum du sbyar ba'i kha zas kyang gzhag par bya'o/ /de nas sngags pa lha'i nga rgyal dang ldan pas snod kyi chu rnams kyi nang du yi ge pa las byung ba'i pad+ma'i steng du/ yang yi ge pa rang rang gi kha dog can bsams pa las de yongs su gyur pa'i chu lha rang rang gi mdog can/sbrul mgo'i gdengs ka dang ldan pa/ lag na zhags pa dang ut+pal bsnams pa re re bsam par bya'o/ /de nas bdag gi snying ga nas so so'i phyogs dang mthun pa'i 'od zer 'phros pas/ phyogs bzhi nas chu'i lha tshul snga ma dang mthun pa dag spyan drangs par bsam zhing / oM ba ru Na de ba dAd+ta A kaR+Sha ya dzaH hUM baM hoH/ zhes brjod nas/ mchod snod du me tog gtor nas/ chu lha de dag sngar bsams pa'i chu lha dang gnyis su med par gyur nas 'o ma'i rgya mtsho'i nang du pad+ma'i gdan la bzhugs par bsam mo//de nas dri bzang po'i spos rnams bsregs pa yang phyogs bzhir btang / ba'i mar sar las byas pa'i mar me yang phyogs bzhir bltams te/ tsan+dan dkar po dang sbyar ba'i dri chab kyang phyogs kun du gtor nas/ de nas dang por me tog gtor te//oM ba ru Na de ba dA t+tA ya swA hA/ zhes bya ba'i gsang sngags kyis phul bas/ 'o ma'i rgya mtsho la me tog gi tshal chen po chags par bsam mo/ /gsang sngags de nyid kyis spos phul bas/ gnas der rin po che'i rang bzhin gyi sprin chags par bsam mo/ /de nas gsang sngags de nyid kyis byugs la gtor te/sprin de las bdud rtsi'i char bab pas/ de dag shin tu dga' ba dang rangs pa skyes par bsam mo/ /de bzhin du mar me phul bas spyi bo la yid bzhin gyi nor bu rin po che 'od 'bar ba gnas par gyur te/ nam mkha' lding gi 'jigs pa dang bral bar bsam mo//de bzhin du dkar gsum dang / mngar gsum la sogs pa'i rdzas rnams la gsang sngags de nyid kyis phul bas/ rang rang gi rdzas dang mthun pa'i 'dod pa'i yon tan gyi tshogs su gyur te mnyes par gyur par bsam mo/ /de nas me tog chu la gtor te/chu'i lha chen po khyod mkhyen par mdzod cig /chu thams cad khyed kyi rang bzhin lags te/ bdag gis chu la ci mchod pa thams cad khyed kyi 'khor du bcas pa thams cad mnyes par gyur nas/ bdag cag la yang dgyes shing dngos grub gsol bar mdzod cig ces brjod do//de nas yang rang gi snying ga nas ye shes kyi 'od zer 'phros pas phyogs bzhi nas klu'i tshogs bkug ste/ de yang shar phyogs su rgyal po phru gu 'dra ba kha dog dkar po pho dang mo'i cha byad 'dzin pa mang po 'dus par 'gyur bar bsam mo/ /de bzhin du lho phyogs su ni kha dog ser skya bram ze'i cha byad can no//nub phyogs su ni kha dog dmar skya byis pa gzhon nu'i cha byad can no/ /byang phyogs su ni dud 'gro'i cha byad can de 'di ltar sbrul nag po dang sbal pa nag po dang / glang nag po la sogs pa 'dus par bsam zhing / oM sarba pan nA ga phuH/phuH/ A kaR+Sha ya dzaHhUM baM hoH/ zhes brjod cing lag pa thal mo sbyar ba las gung mo gnyis gshibs te bsgreng / lhag ma phyir bkyed de ut+pal ltar byas pa 'di ni klu thams cad dga' bar byed pa'i dam tshig gi phyag rgya ste/ 'dis spyan drangs pas phyogs bzhi'i 'o ma'i mtsho chen po bzhi'i nang du 'dus par bsam mo//de nas de dag chu lha dang rang bzhin gcig par yang gyur cing 'khor dang gtso bo'i tshul du 'dug par yang dmigs la/ dri chab kyis gtor te phyogs shin tu gtsang bar gyur par bsams la/ de nas chu lha mchod pa'i rim pa ji lta ba bzhin du mchod par bya zhing phyag rgya de nyid dang ldan pas/oM sarba pan nA ga phuH/ phuH/ sarba pU dza me g+ha sa ma ye swA hA/ zhes brjod cing sngon du brjod pa'i bsam rgyud dang ldan pas mnyes par 'gyur bar bya'o/ /de nas gshegs su mi gsol bar/ de bzhin du zhag gsum mam lnga'am bdun gyi bar du byas la/de nas sgrub pa'i grogs mchog zhig gis sngon gyi rang gi gnas su song ste/ gro ga'am shog bu la bsgrub bya'i ming rus bri bar bya'o/ /'di ltar yul che ge mo na gnas pa'i mi che ge mo zhes bya ba 'di/ rang bzhin ngan pa bstan pa la gnod pa nga rgyal can zhig ste/sngon yang 'dis bdag cag la bar chad byas/ /da ltar yang bdag cag klu chen po khyed rnams mchod pa la bar chad byed de/ 'di ni bdag cag la brnyas par ma zad kyi/ /khyed cag lta bu mthu dang ldan pa rnams la yang brnyas par byed khyad du gsod par byed 'tshe bar byed pas/de bas na mi 'di khyed rnams kyis gzung bar rigs so zhes bya ba bris la zangs sam lcags kyi sbu gu zhig la dril te skud pa nag pos dkris nas/ de nas gu gul nag po dang rgya skyegs su sbyar ba'i me la bzhu bas dril te/ bsgrub bya'i tshon skud la gzhug par bya'o//de nas gzugs brnyan de blangs nas klu mchod pa'i gnas su khyer te maN+Dal gyi lho phyogs su bzhag nas/ sgrub pa po dang grogs mchog rnams kyis me tog mang po thogs te/ mchod snod dang phyogs thams cad du gtor la thal mo sbyar te/ sngon du bris pa'i tshig snga ma de lan bdun nam/nyi shu rtsa gcig gi bar du brjod par bya'o/ /de nas chu de dag snod gtsang ma cig gi nang du bsdus la sbrul de rnams kyang rim pa bzhin du phyogs gcig nas bsdus nas/ sbrul gyi lce'i tshon skud re re dang / bsgrub bya'i lte ba'i tshon skud re re kha dog mthun par sbrel te/ de nas snod bzang po sbrul gyi gzugs brnyan chag par mi 'gyur ba zhig gi nang du bcug ste/ klu chen po ma rungs pa zhig yod pa'i sa phyogs zhig tu khyer te dong khru gang tsam pa gnyis brus nas de'i bar yang 'brel mar brus te/ bsgrub bya'i ngos su bsgrub bya'i gzugs brnyan gzhag / gcig tu sbrul gyi gzugs brnyan bcug ste/ der chu yang blugs te legs par kha bcad la sbas te gzhag /de nas de phan chad sa phyogs der song ste sbrul gyis phyogs kyi steng du snod gtsang ma'i nang du snga ma bzhin du chu'i hom byas te/ snga ma'i tshig gis de bzhin du bsgo ba byas nas klu rnams ni phra ma la dga' ba dang /sngon du 'dris pa gtsor byed pa yin pas bsgrub bya de dag klu rnams kyis 'dzin par 'gyur ro/ /de yang sgrub pa po rab rnams kyis ni rjes su bskul bas zhag bdun byas pas 'dzin par 'gyur ro/ /tha ma rnams kyis kyang rjes su bskul ba zla ba drug byas pas 'dzin par 'gyur ro//sngon du gtang pa'i cho ga ni bye brag med do/ /sbu gu rig par bya ba zhes bya ba'i cho ga las bsgrub bya klu'i gdon gyis zin par bya ba'i sbyor ba rdzogs so// //da ni sbu gu rig par bya ba'i thabs kyi cho ga las/ bsgrub bya sa'i bdag pos zin par bya ba'i sbyor ba bshad de/de la thog mar sngon du brjod pa'i ting nge 'dzin dang ldan pas bsgrub bya'i gzugs brnyan snga ma bzhin du bya'o/ /de las cung zad bye brag tu na bsgrub bya'i khang pa las sa blangs te/ grog mkhar gyi sa dang sa gzhan du yang sbyar nas/ bsgrub bya'i khang pa'i gzugs brnyan sor bcu drug pa chu zheng gab pa zhig bya'o//gzugs brnyan de gnyis ka la yang srog chags skye bas thob pa'i dgrar gyur pa rnams las mthu rtsal chung ba rnams kyi spu rnams ji ltar rnyed pa blangs te sbyar bar bya'o/ /de nas bsgrub bya'i gzugs brnyan de'i snying gar bsgrub bya skyes pa dang bud med dang khye'u dang bu mo la sogs pa 'khor dang bcas pa'i ming dang rus dag bris te gzhug par bya'o//de nas bsgrub bya de khang pa'i dkyil du gzhug par bya'o/ /khang pa de yang glo skar bzhi dang bcas pa mda' yab dang bcas par bya'o/ /sgo ngos kyi glo skar gyi nang nas lte ba'i tshon skud drangs te/snga ma bzhin du rlung gi dkyil 'khor gyi steng du bzhag nas/ bsgrub bya dgug pa'i sbyor ba yang nas yang du bya'o/ /de'i tshe sa'i bdag po ma rungs pa gnas pa'i gnas sna tshogs nas sa blangs la cha gsum du bcad de/ cha gcig dang sa bzang po gzhan du sbyar nas bum pa bzang po khru gang ba'i tshad tsam zhig bya'o//cha gcig las sdig pa'i gzugs brnyan khru gang gi tshad tsam zhig byas te/ de yang sa bzang po gzhan dang grog mkhar gyi dang yang sbyar bar bya'o/ /cha gcig las dum bu gsum du bgos te/ dum bu gcig las phag gi gzugs brnyan bya'o//dum bu gcig las bud med skra lhug par bshig pa zhig gi gzugs brnyan bya'o/ /dum bu gcig ni sa nyid du gzhag go/ /de la bum pa ni kha dog ser por bya'o/ /sdig pa ni nag po la sngon po'i thig le can du bya'o/ /phag ni ser po la nag po'i thig le can du bya'o//bud med ni ser po la sngon po'i thig le can du bya'o/ /de nas phag dang bud med kyi gzugs gnyis bum pa'i nang du gzhag go/ /gzugs brnyan gsum po de dag la yang srog chags skye bas thob pa dang nang mi mthun pa rnams las gnyen por gyur pa rnams kyi sbu ji ltar rnyed pa dang yang ldan par bya'o//gzhan yang 'byung khungs sna tshogs pa 'di lta ste/ gser gyi 'byung khungs kyi sa dang / gser dang de bzhin du dngul dang / zangs dang lcags la sogs pa rnams kyi 'byung khungs kyi sa dang / de dag gi rgyu rdo nyid dang / sngar gyi sa'i dum bu gcig bzhag pa rnams legs par btags te/de'i nang du byu ru dang shel dang dung la sogs te rin po che sna tshogs ji ltar rnyed pa dang sbyar nas bum pa'i nang du blugs par bya'o/ /de nas rang gi gnas nas mi mthong ba'i sa phyogs shig tu dong zhig brkos te/ der bum pa de bcug nas de'i mdun du sdig pa'i gzugs bzhag ste/ bum pa dang mnyam pa tsam du dong de kha gcad par bya'o/ /de'i steng du maN+Dal pad+ma dang 'dra ba byas nas/ dbus kyi snying po kha cung zad tsam phye ste/ bum pa'i nang snang bar gyur pa tsam du bya'o/ /de'i steng du gur nag po zhig phub ste der 'dug nas/ sa'i hom gyi sa'i bdag po rnams tshim par bya'o/ / de'i cho ga 'di yin te/ mchod pa'i rdzas sngon du brjod pa rnams dang / khyad par du yang rin po che sna tshogs 'byung khungs kyi rdo rnams dang sbyar ba dang / 'bru sna tshogs dang gos kha dog mi mthun pa sna tshogs pa bsag par bya'o/ /de nas sngags pa bdag nyid shar phyogs su 'dug ste/ dri sna tshogs kyis lag pa byugs/kha dog sna tshogs kyi gos gyon nas rang gi lha'i ting nge 'dzin bsgom par bya'o/ /de nas bum pa'i nang du yi ge ba kha dog ser po zhig las sa'i bdag po phag chen po zhes bya ba phag ser khra la zhon pa/ kha dog ser khra phag gi mgo can lag na lcags kyu dang phag gi mche ba thogs pa bsam mo//de'i g.yon ngos su yang sa'i bdag mo pad+ma li zhes bya ba/ mdog dmar ser la ris bkra ba lag na gser gyi bum pa thogs pa zhig bsam mo/ /de dag gi mdun du dus thams cad kyi srung ma br-its+tshi ka zhes bya ba/ lus lcags kyi sdig pa chen po rwa dang yan lag dang mjug ma rnams kyang gnam lcags 'bar ba las grub pa rno ba gdug pa sa thams cad bdag gir byed cing srung ba zhig yi ger bris la bsam par bya'o//de nas bdag gi ye shes kyi 'od zer 'og gi phyogs su 'phros pas/ 'og gi phyogs nas sa'i bdag po rnams ji ltar bsams pa de 'dra ba spyan drangs par bsam zhing /oM b+hu a d+hi pa ti ma hA bA rA hA pad+ma mA li ni tsa A kaR+Sha ya dzaH hUM baM hoH/ zhes brjod cing / lcags kyu'am bum pa'i phyag rgya bcas te spyan drangs pas/ sngar bskyed pa dang gnyis su med par 'gyur bar bsam mo//de nas ar+g+ha la sogs pa mchod pa'i rdzas rnams la bum pa'i phyag rgyas bzung ste/ gsang sngags gong ma nyid las/ A kaR+Sha ya/ la sogs pa'i gnas su ma hA pU dza me g+ha sa ma ye swA hA/ zhes bya ba'i gsang sngags kyis bskul bar bya'o/ /de ltar mchod pas bum pa de nyid rin po che gter gyi sa gzhi chen po la/'dod pa'i yon tan sna tshogs kyis phun sum tshogs par ldan pa'i gnas na/ sa'i bdag po rnams shin tu longs spyod par bsam mo/ /'di ltar zhag gsum mam lnga'am bdun gyi bar du byas na de nas bum pa dang sdig pa'i gzugs su bcas pa de nas blangs te/sngon gyi bsgrub bya'i gzugs brnyan dang bcas pa khyer nas/ sa bdag ma rungs pa yod pa'i gnas shig tu dong ring po brus te/ dang por bum pa bcug la bum pa dang mnyam po tsam du sas legs par dgang bar bya'o/ /de'i steng du sdig pa'i gzugs bsgrub bya'i yul phyogs su kha bstan te bzhag la/de'i rwa bar du bsgrub bya mkhar dang bcas pa bcug nas/ bsgrub bya'i lte ba'i tshon skud rnams sdig pa'i khar bcug ste gzhag go/ /de'i bar du bsgrub bya'i pha dang ma dang mes po la sogs pa rnams kyi ming dang rus pa la sogs pa rnyed kyang rung / de dag ras kyi nang du dril te/che ge mo rnams kyi gnas rtag tu 'dir 'cha' ba yin no zhes bya ba'i yi ge yang bris la de dag de'i rwa bar du lhan cig tu bcug ste/ legs par sbas te gzhag par bya'o/ /de nas rang gis khyim du 'ongs te srog chags skye bas thob pa'i nang mi mthun pa gnyis kyi gzugs kha sprod du bris te/de'i bar du thab khung gcan gzan khro bo'i kha 'dra ba byas nas/ de'i nang du shing rtsub pa brdzangs te mi nang mi mthun pa gnyis kyi khyim nas me blangs nas/ srog chags skye bas thob pa'i nang mi mthun pa rnams kyi sha dang khrag dang rus pa dang / spu dang pags pa rnams la rtsa ba'i sngags bskul ba dang bcas pa bzlas shing sbyin sreg byas na/snying stobs can kha cig gis zhag bdun rjes su bskul bas bsgrub bya sa'i bdag pos gzung bar 'gyur ro/ /tha ma yang zla ba drug rjes su bskul ba byas pas de bzhin du gzung bar 'gyur ro/ /de la bskul ba'i sngags ni 'di yin te/che ge mo dang sa bdag rnams de sha ya dzu da ya phaT ces bya ba 'di rtsa ba'i sngags kyi rjes su bskul bas/ de dag shin tu 'khrug pas 'thab par bsam par bya'o/ /sbu gu rig par bya ba zhes bya ba'i cho ga las/ bsgrub bya sa'i bdag pos zin par bya ba zhes bya ba'i sbyor ba bstan pa rdzogs so// //da ni sbu gu rig par bya ba'i cho ga las/ bsgrub bya ma mo'i gdon gyis zin par bya ba'i sbyor ba bshad par bya ste/ dang po nyid du gang yang rung ba'i gnas su rdo rje'i dkyil 'khor ji lta ba bzhin du bsgoms nas rtsa ba'i gsang sngags bzlas brjod byed cing sems brtan par gyur par bya'o//de nas ma mo'i gnas su song nas/ thab khung zla gam du shing dmar po la me sbar te rdzas kha dog dmar po rnams kyis nyi ma re re sbyin sreg brgya rtsa brgyad bya'o/ /de ltar nyi ma brgya rtsa brgyad kyi bar du byas nas/ de nas bsgrub bya'i gzugs brnyan snga ma bzhin du byas te/gro ga 'am shog shog la bud med kyi gzugs khros pa/ kha dog dkar po dang / dmar po dang / ser po dang / nag po dang bzhi byas la lte ba'i tshon skud dang / kha dog mthun par gu gul gyis bud med kyi kha dang sbyar te gzhag go/ /de nas bud med kyi thod pa bkra mi shis pa zhig gi nang du bsgrub bya'i gzugs brnyan bcug ste/de'i steng nas bud med kyi gzugs brnyan bzhag nas/ dug sna tshogs dang khrag kyang blugs par bya'o/ /skye tshe'am yungs kar nag la rtsa ba'i sngags bskul ba dang bcas pa ci nus bzlas te yang blugs par bya'o/ /de nas rdo leb la rdo rje rgya gram bris pas kha bcad nas legs par sbas te/de'i steng du thab khung gru gsum du 'dug pa'i shing las me sbar la/ sha sna tshogs kyi sbyin sreg nyi ma nyi shu rtsa gcig tu bya'o/ /de nas sha chen po'i sbyin sreg nyi ma bdun du bya'o/ /gsang sngags ni che ge mo gr-ih+NA ma mi hA mA tri ga Ne na hUM phaT/ces bya ba rtsa ba'i gsang sngags kyi rjes su brjod pa ni sha'i sbyin sreg gi gsang sngags so/ /mA tri ga Na ba shaM mA nA ya swA hA/ zhes bya ba rtsa ba'i gsang sngags kyi rjes su brjod pa ni dbang du bya ba'i sngags so/ /'di ni sngon du ma mo dbang du bya ba'i sbyin sreg la sbyar bar bya'o//de nas ma mo'i gdon gyis zin par 'gyur ro/ /gal te des kyang 'dzin du ma btub na sngags pa gcer bur byung ste/ skra lhug par bshig nas/ lus khrag sna tshogs kyis bskus te/ gdong shin tu bsgyur bas gsang sngags zlos shing g.yon brkyang ba'i stabs kyis thod pa mnan te//sems rab tu khros pas gshin rje gshed po'i skur bsgoms nas/ 'di lta bu'i sbyor ba nyi ma bdun gyis de ma mo'i gdon gyis zin par 'gyur ro/ /tha ma rnams kyang zla ba drug gis zin par 'gyur ro/ /phyis las grub par gyur nas de dag phyung ste 'o mas bkru bar bya'o/ /sbu gu rig pa'i cho ga las/bsgrub bya ma mo'i gdon gyis zin par bya ba'i sbyor ba rdzogs so// //da ni sbu gu rig par bya ba'i cho ga dang / bsgrub bya smyo 'dres zin par bya ba'i sbyor ba bshad de/ dang po sngags pa bdag nyid kyis rdo rje dkyil 'khor legs par brtan par bsgoms shing gsang sngags legs par bzlas te drod thob par byas nas de nas bsgrub bya'i ling+ga snga ma bzhin byas te/'byung po smyo 'dre gnas pa'i sar song nas shing leb dkar po bzang po zhig la/ rtse mo ngos su smyo 'dre kha dog dkar po la lag na shing ring ri mo sna tshogs pa thogs shing gar byed pa bzhin mtshal gyis byugs shing brkos pa/snying ga nas yi ge b+hu zhes bya ba gnas pa zhig bri'o/ /sba ba'i rtsar bsgrub bya'i gzugs brnyan skud pa nag pos shing leb dang bcing bar bya'o/ /bsgrub bya'i lte ba'i tshon skud 'byung po'i rkang pa la gu gul gyis sbyar bar bya'o/ /de nas shing leb de dong du bcug ste legs par kha gcad par bya'o//de'i steng du thab khung zla gam byas te/ shing sna tshogs la me spar nas kha zas sna tshogs kyi sbyin sreg byas te/ gsang sngags he ma hA b+hU ta che ge mo zhes bya ba i daM du Sh+TAM gr-ih+Na hUM phaT/ ces bya ba rtsa ba'i gsang sngags kyi rjes su bskul bas sbyin sreg bya'o//'di yang snga ma bzhin du zhag bdun nam zla ba drug gis 'dzin par 'gyur te/ gal te sgrub pa po sems stobs chung ba'i dbang gis des 'dzin du ma btub na de phyin chad kyang 'dzin par mi byed do/ /sgrub pa po nyid kyang bkra mi shis par byed do/ /sbu gu rig par bya ba zhes bya ba'i cho ga las/bsgrub bya 'byung po smyo 'dres zin par bya ba'i sbyor ba rdzogs so// //gdon chen po bzhi po 'di dag kyang sgrub pa pos sbyin sreg dang mchod pa la sogs pa'i sgo nas mgu bar gyur pas sgrub pa po la phan 'dogs pa 'ba' zhig tu ma zad kyi/ 'di ltar klu'i gdon ni phra mo'i sgo nas gzhan la gnod pa'i las byed do//sa'i gdon ni brnab sems dang phrag dog gi sgo nas gzhan la gnod pa'i sbyor ba byed do/ /ma mo'i gdon ni chags sems kyi sgo nas gzhan la gnod pa'i sbyor ba byed do/ /'byung po'i gdon ni gnod sems kyi sgo nas gzhan la gnod pa'i sbyor ba byed de/ de bas na gdon chen po 'di dag las myur bar byed pa yin yang las rtag tu brtan par byed pa yang ma yin la/sgrub pa po bkra shis par byed pa yang ma yin/ 'on kyang bye brag ni yod pa yin te/ 'byung po ni blo sna tshogs can te des legs pa brtan par mi byed do/ /sa bdag ni rang 'dzin can te 'grogs na bde bar byed pa ma yin no//klu ni blun zhing rgyud gcig pa ste/ thog mar 'dris shing dga' bar 'gyur ba dka' ba'o/ /ma mo ni dga' che ba ste/ rtag tu de'i sems gzung bar dka'o/ /de bas na sgrub pa po rnams kyis rang gi nus pa dang sbyar te cho ga rnams la sbyar bar bya'o/ / sbu gu rig pa zhes bya ba'i thabs kyi cho ga sbyor ba dang bcas pa bstan pa rdzogs so// //de nas gnad rnams gzir ba yi/ /cho ga yang ni bshad par bya/ /rdo rje'i dkyil 'khor bsgom byas te/ /gsang sngags tshul bzhin bzlas byas nas/ /yi dam bcas pa rdzogs nas kyang / /dur khrod la sogs song nas ni//phur bu dpal rtse mdung la sogs/ /khrag chen gyis ni bskus nas kyang / /gu gul nag pos bdug par bya/ /rus pa dag gi rgyan yang gdags/ /maN+Dal khrag gis byugs pa yi/ /steng du legs par gzugs par bya/ /mi yi tshil las byas pa yi/ / mar me dag kyang phul nas ni/ /me tog nag po gtor nas kyang / /de nas gsang sngags bzlas pa brtsam/ /gal te grub par gyur na ni/ /de ni dngos grub can du 'gyur/ /grub pa dag tu ma gyur kyang / /mnan rnams gzir bar gdon mi za/ /mnan dang gzir ba'i thabs kyi cho ga ni 'di yin te/dang por sngags pas bsnyen pa'i cho ga ji ltar nus pa bzhin du byas te/ ji ltar rang gi dam bcas pa rdzogs par gyur pa dang / nag po'i phyogs kyi tshes brgyad dam bcu bzhi la dur khrod la sogs pa'i gnas su song ste/ khrag gis bsgos pa'i maN+Dal gru gsum zhig byas nas/ der phur bu'am rtsang chen nam/ mdung thung rnams bzo bo mkhas pas legs par byas pa gang yang rung ba lnga'am dgu gzhag par bya'o/ /de'i phyi rol du lcags kyi tsher ma'am/ po son cha'i tsher ma'am gdug pa rnams la dug dang khrag gis bsgos pa'ang gzhag par bya'o/ /phur bu la sogs pa gang yod pa de la khrag chen pos bskus te/mi rus kyi rgyan yang gdags shing / gu gul nag po'i spos kyis kyang bdugs te gzhag go/ /phyogs rnams su yang tshil chen po'i mar me dang / me tog dug gis bsgos pa dang / chang dang mi'i khrag sbyar pa'i ar+g+ha dang / khrag sna tshogs dang sbyar ba'i gtor ma rnams kyang gzhag go//de nas sngags pa bdag nyid gos nag po gon skra lhug par bshig ste/ lag pa khrag gis bskus nas rdo rje'i dkyil 'khor ji lta ba bzhin bsgom par bya'o/ /de nas khro bo gshin rje gshed po yang mtshon cha la spyan drangs te mchod par bya'o/ yang na mtshon cha de dag la sbyin sreg gis kyang mchod par bya'o/ /de nas mtshon cha de'i spyi bor nyi ma'i dkyil 'khor gyi steng du/ yi ge ya 'od 'bar ba kha dog nag po zhig bsgom par bya'o/ /de'i rked pa la shar phyogs su k+Sha dkar po/ lho phyogs su ma ser po/ nub phyogs su me dmar po/ byang phyogs su da ljang gu/ de dag kyang nyi ma'i dkyil 'khor la gnas pa 'od 'bar ba'o/ /rtse mo'i cha la shar phyogs su ya dkar po/ lho phyogs su ts+tsha ser po/ nub phyogs su ni dmar po/ byang phyogs su ra ljang gu/ de dag kyang nyi ma'i dkyil 'khor la gnas pa 'od 'bar ba'o/ /rtse mo nyid du phaT nag po 'od 'bar ba bsam ste/mtshon cha de dag kyang shin tu gzi byin dang ldan par byin gyis brlab par bya'o/ /de nas sngags pa bdag nyid rtsa ba'i gsang sngags ji lta ba bzhin du brjod pas bskul bas/ rang gi snying ga'i yi ge'i sa bon las 'od zer las mtshon cha ji 'dra ba de lta bur gyur te/ phyogs thams cad du 'phros pas sangs rgyas rnams la phog ste/'od du gyur nas mtshon cha la 'dus te slar dus nas/ mdun gyi mtshon cha la thim par bya'o/ /'di lta bu dang ldan pa'i bzlas brjod ji ltar dam bcas pa bzhin du byed pa ni mtshon cha sgrub pa'i cho ga'o/ /gal te mtshan ma byung na ni rang gi lha la 'dud pa'i bsam pas mtshon cha de lag tu blangs pas dngos grub can du 'gyur ro//gal te mtshan ma ma byung na yang tha mal bar mi gzhag par ji lta ba bzhin du blangs te/ snod bzang por sbas la phyis las la sbyar bar bya'o/ /gal te de nyid kyi tshe las la sbyor bar 'dod na/ mtshan ma thob pa rnams kyis ni/mtshon cha gzas pa tsam gyis las grub par 'gyur ro/ /mtshan ma ma thob pa rnams kyis bya ba'i cho ga ni 'di yin ste/ bsgrub bya'i rjes dang dri ma la sogs pa ji ltar rnyed pa'i rdzas rnams dang / dur khrod kyi sa dang thal ba rnams su sbyar te/ bsgrub bya'i gzugs brnyan sor brgyad pa zhig bya'o/ /de'i nang du yang dug dang skye tshe dang /lan tshwa dang / mi dang khyi'i khrag rnams sbyar te blugs par bya'o/ /ming dang rus kyang gro ba'am shog shog la bris te gzhag par bya'o/ /phyi rol du 'ang dur khrod kyi sol ba dang dug dang khrag gis bsku bar bya'o/ /de nas gzugs brnyan de skud pa nag pos btags te maN+Dal gyi dbus su gan rkyal du mgo lhor bstan te bzhag la dgug pa'i sbyor ba ji ltar nus pas bsgrub bya bkug ste/gzugs brnyan la phab ste gzhug par bya'o/ /de nas dbus kyi mtshon cha blangs te snying gar gdab par bya'o/ /de bzhin du shar phyogs kyi blangs te dpral bar gdab bo//lho phyogs kyi blangs te lte bar gdab bo/ /nub phyogs kyi blangs te mgrin par gdab po/ /byang phyogs kyi blangs te gsang gnas su gdab po/ /gal te dgu yod na ni lhag ma bzhi yan lag bzhi la gdab po/ /tsher ma'i tshogs thams cad ni dbang po'i gnas thams cad dang / tshigs chen po rnams nas brtsams nas tshigs phra mo thams cad dang mthar lus ma lus par yongs su gang bar bya'o//de nas dkyil 'khor gyi dbus sam phyi rol gyi grwa'am/ yang na ji ltar bde ba'i gnas shig tu dong gru gsum zhig brkos te/ de'i nang du bud med kyi b+han+d+ha bkra mi shis pa zhig gi nang du bcug nas/skyes pa'i b+han+d+ha bkra mi shis pa zhig gis steng nas bkab ste/ dong de yang mgal dum dang tsher ma dang sol ba dang / rus pa sna tshogs brdungs pa'i dum bu dang / dug gi lo ma dang / smad 'tshong ma'i smad dkris dang / lam po che'i rdul rnams kyis bkang nas/ legs par sbas pa'i steng du sna tshogs rdo rje zhig bris te/de'i 'og tu sngags pa g.yas brkyang ba'i sbyor ba gnas nas gzir cing gsang sngags de nyid bzlas na gnad kyi gnas yongs su gzir bar 'gyur te/ gang dang gang gi mi ldan pa de dang de thams cad brlag par 'gyur ro/ /ji srid las grub par ma gyur pa de srid du sbyor ba gtang bar mi bya'o//las grub par gyur nas de dag slar phyung ste/ phur bu'am rtsang la sogs pa'i mtshon cha rnams ni phyung la 'o mas bkrus te/ sbyin sreg gis mchod nas gzhag go/ /ling+ga ni 'o mas bkrus la sdig pa sreg pa'i sbyin sreg gam/ yang na chu klung du dor te bsod nams spel pa'i las bya'o//thod pa dang sol ba la sogs pa'i rdzas gzhan rnams ni phyi rol gyi gnas shig tu sbas te/ dus phyis dgos na de nyid nas blang bar bya'o/ /dong de nyid sa bzang pos bkang ste gzhag go/ /sbyor ba 'di lta bu legs par byas kyang rjes su bskul ba zla ba drug gis kyang las grub par ma gyur na/sgrub pa po'i dad pa dang rtsol ba la nyes pa yod pa'am/ yang na bsgrub bya'i rgyud la bsod nams kyi nus pa yod pa ste/ de lta bu dag la zla ba drug cing sbyor ba 'di lta bu re bsnan par bya'o/ /gsang sngags ni rtsa ba'i gsang sngags nyid kyi rjes su che ge mo mA ra ya phaT phaT/ces bya ba bskul ba 'ba' zhig mtshon cha thams cad la thun mong du 'gyur ro/ /las 'di'i dus su yang dus drug dang bzhi'am re rer yang mchod pa dang gtor ma sbyin pa dang / dkon mchog la thugs dam bskul zhing spyi dang khyad par gyi srung ma rnams la phrin las bcol ba ni las kyi grogs su 'gyur te las myur du grub par byed pa'o//gnad kyi gnas rnams yongs su gzir ba zhes bya ba'i cho gas gdug pa 'dul ba'i sbyor ba bstan pa rdzogs so// //byug dang gtor ba la sogs kyis/ /rul sogs ma rung bya ba yis/ /sbyor ba bstan pa gang yin de/ /bde bar 'dir ni bstan par bya'o//dug dang ma mo'i gdon la sogs/ /phra men la sogs kha cig ni/ /dug dang kha rlangs dri ma sogs/ /bsgos pa'i rdzas kyis reg byas na/ /rul sogs yan lag ma rung byed/ /bsgrub pa gsang sngags mthar ldan pa/ /de dag bskul ba'i sbyor ba yis/ /yan lag ma rung byed par 'gyur//de yi cho ga bsdus pa dag /bde bar 'dir ni bstan par bya/ /khrag dang dug tu ldan pa dag /maN+Dal dbus su gzhag par bya/ /yi ge ru dang kha ldan pa'i/ /rdzas ni rab tu gzhag par bya/ /glang po phag dang ma he yi/ /mchin pa dug dang sbyar ba la/ /nag po'i 'bru dang sbyar byas nas//dur khrod sol bas bsku bar bya/ /gzhan yang yungs kar dag la yang / /dug gis bsgos pa gzhag par bya/ /khrag dang dug dang ske tshe dang / /lcags phye rdo rje la sogs dang / /nag po'i 'bru dang sbyar ba yi/ /gtor ma dag kyang gzhag par bya/ /seng ge stag dang wa la sogs/ / bya rgod 'ug pa la sogs pa'i/ /spu'am 'dab ma ldan pa'i mda'/ /bcu drug dag kyang gzhag par bya/ /khro bo'i sngags kyis gzir byas pa'i/ /dug dang ma mo'i sngags dag dang / /phra man sngags dang sbyar byas te/ /gdug pa gang na gnas pa der/ /gtor zhing 'phangs na ma rung 'gyur//de la byug pa dang gtor ba'i rdzas kyis bsgrub bya'i lus 'drul ba la sogs pa dang / sgo kun nas ma rung par 'gyur ba'i thabs kyi cho ga bshad par bya ste/ dang por bsgom pa dang bzlas pa'i sgo nas sngon du legs par bsnyen pa byas la/ mar gyi ngo la dur khrod la sogs par song ste/der maN+Dal gru gsum zhig byas nas khrag sna tshogs dang dug gis bran par bya'o/ /de'i dbus su khrag sna tshogs dang / bong bu dang ba long gi dri chu dang / dug sna tshogs dang sbyar ba'i chu dang de rnams gcig tu sbyar ba bre bdun nam bcu bzhi'am nyi shu rtsa gcig zangs kyi snod du blugs te de'i khar bal sngon po dang dmar po bsres pas kha rab rib tsam du gcad par bya'o//de'i phyi rol du glang po che'i mchin pa dang / phag gi mchin pa dang / ma he'i mchin pa dang / dug sna tshogs dang sbyar ba dang / 'bru nag po legs par btags pa'i phyi dang sbyar nas de las gru gsum sor bzhi pa brgya rtsa brgyad byas te/dur khrod kyi sol bas nag por bskul la 'og ngos su yi ge ru dmar po bris te/ dug thams cad kyi rten khrag me long tsam rer 'gyur bar bsgom mo/ /steng gi dbus su dug thams cad kyi snying po yi ge kha nag po bris te dug nag po me ltar 'bar bar bsgom mo/ /gru gsum du dug gi ming gi sngags bi Sha zhes bya ba re re bris la gzhag /de'i phyi rim du yungs kar dug dang khrag gis bsgos pa bya gag gi sgo nga tsam gyis kham pa'i snod kyi nang du blugs te brgya rtsa brgyad kyis bskor te gzhag /de'i phyi rim du drag po'i gtor ma brgyad 'bru nag po'i chan dang dug dang ske tshe dang lan tshwa dang /lcags phye dang rdo phye rnams blugs te dug gi lo mas kha bcad la gzhag /de'i phyi rim du gshin rje'i rgyal po 'khor gyi phra men ma bcu drug tu byin gyis brlabs pa'i mda' bcu drug rang rang gi pags pa spu dang bcas pa dang / 'dab gshog gis bsgron pa mde'u'i sbu gur yungs kar la dug gi sngags dang /phra men ma rang rang gi snying po bzlas pa blugs te shing gdug pa las byas pa'i mde'u dbyibs gru gsum dug dang khrag gis bskus pa bcug ste phyogs mtshams brgyad du gzhag /phyogs bzhir gzhu bzhi dang mi ro'i skra las byas pa'i 'khrul 'khor bzhi yang gzhag go//srog chags kyi pags pa'am 'dab ma ma rnyed pa dag ni shing shun la sogs pa la phra men ma'i ming bris te snga ma bzhin du bsgron par bya'o/ /de nas sngags pa bdag nyid gos nag po gyon skra lhug par bshig /lag pa khrag gis byugs te kha lho phyogs su bltas nas/ snga ma bzhin du dkyil 'khor gyi rnal 'byor bsgoms te/dang por bcom ldan 'das gshin rje gshed po sngon bzhin du legs par mchod nas/ de nas dug dang ma mo dang phra men ma rnams la yang gtor ma bzang po byin te dga' bar bya'o/ /de nas bdag gi mdun du mi thod kyi nang du yungs kar dang ske tshes bkang ste bzhag nas bdag nyid lha'i rnal 'byor dang ldan pas khros te rtsa ba'i gsang sngags bzlas pa'i yungs kar gyis rdzas de dag thams cad la gtor bar bya'o//de nas rtsa ba'i gsang sngags kyi rjes su dug thams cad kyi rten gyi snying po yi ge ru zhes bya ba dang / dug nyid kyi snying po'i yi ge kha zhes bya ba dang /dug gi ming gi sngags so sor byas te/ dug gzhug pa'i snying po dang bcas te spel nas yungs kar la bsngags te rdzas de dag thams cad la gtor bar bya'o/ /de nas ma mo dang phra men ma'i sngags kyang rtsa ba'i gsang sngags kyis gzir cing bzlas te gtor bar bya'o/ /de yang khrag gi snod du ni ma mo rnams kyi snying po rtsa ba'i sngags kyis gzir ba yungs kar la bzlas shing blugs par bya'o//phra men ma'i snying po rtsa ba'i sngags kyis gzir ba ni mda' rnams la bsngags par bya'o/ /yungs kar dang gtor ma la ni rtsa ba'i gsang sngags 'ba' zhig bzlas par bya'o/ /dug ni rdzas thams cad la khyab par bzla bar bya'o//de la rtsa ba'i sngags kyis gzir bar bya ba'i dug gi sngags ni 'di yin te/ rtsa ba'i sngags kyi rjes su bi Sha rU pI sha kha pra be sha ya phaT phaT/ ces bya ba 'di yin no/ /rtsa ba'i sngags kyis gzir cing bskul ba'i ma mo'i sngags ni 'di yin te/ rtsa ba'i sngags kyi rjes su mA tri ga Na b+h+yo ru lu ru lu phaT phaT/ces pa 'di yin no/ /rtsa ba'i sngags kyis phra men ma rnams kyi snying po gzir cing bskul ba ni rtsa ba'i gsang sngags kyi rjes su/ te he he siM ha mu khA dz+dza dz+dza ru lu ru lu phaT phaT/ ces bya ba 'di yin no/ /de bzhin du byAg+h+ra mu khA/sri la mu khA/ shwa na mu khA/ gr-ih+Na mu khA/ kang+ka mu khA/ kA ka mu khA/ hu lu mu khA/ zhes bya bas snga ma bzhin du spel te/ mda' zung re la phra men ma re re'i sngags kyis byin gyis brlab par bya'o/ /'di lta bu zhag bdun nam bcu bzhi'am nyi shu rtsa gcig gam ji ltar nus par byas te/tha ma gza' dang rgyu skar ram dus tshod bkra mi shis pa zhig gi nub mo bsgrub bya'i gzugs brnyan snga ma bzhin du byas te/ stegs bu'i steng du bzhag la dgug pa'i sbyor ba ji ltar nus pa byas te/ de nas mda' rnams thogs te yang lag pa khrag gis byugs nas/ phra men ma'i gsang sngags zlos shig /phyogs bzhir brgyug pa'i tshul ston cing phyogs bzhi nas gzugs brnyan la mda' brdeg go/ /de nas mda' de dag dang gzugs brnyan de bsdus te/ gzugs brnyan phye mar byas la khrag dang gtor mar blugs so/ /mde'u de dag phyung la e'i kha rnams la bzhag /mda' ni gud du bzhag ste phyis dgos pa la yang sbyar bar bya'o/ /de nas rdzas de dag khyer te bsgrub bya'i yul mthong ba'am de'i phyogs su khyer te/ dang po yungs kar rnams mi ro'i skra las 'khrul 'khor gyi nang du bcug ste/ khro bo'i gsang sngags bzlas shing 'phang bar bya'o/ / des gnam lcags kyi rdo rje 'bar ba 'dra ba bsgrub bya'i gnas su bab ste gnas dang bcas nas rdul bzhin bshig cing bsregs par bsam mo/ /de nas dug gi e kha mde'u dang bcas pa 'khrul 'khor gyis 'phangs la dug gi gsang sngags dang phra men ma'i gsang sngags kyis snga ma bzhin du bzlas pas/de dag dug gis phog cing phra men ma rnams kyang de'i rjes su brgyug cing song bar bsam mo/ /de nas khrag la dug gi sngags dang ma mo'i sngags snga ma bzhin du bzlas shing mi thod kyis gtor bsam mo rnams kyis dug sna tshogs dang ldan pa'i khrag gi rjes su zhugs te/ nad sna tshogs khyer nas rang rang gi bzhon pa la zhon te brgyug cing song bar bsam mo//de nas gtor ma gtor bas na bun 'dra ba de phyogs thams cad du khyab ste shin tu ma rung bar gyur nas/ slar gsor mi rung bar gyur par bsam mo/ /sbyor ba 'di lta bu la ni phyogs de dag na gnas pa'i zhing skyong dang lam srung dang /glo bur du rgyu ba'i mi ma yin pa dag kyang mi dga' bas legs par bsgo bar bya ste 'phang bar bya'o/ /maN+Dal gyi steng du yungs kar la sogs pa'i rdzas lhag ma rnams lus na bkra mi shis pas legs par phyags te dang po nyid du khrag dang gtor ma'i nang du blugs par bya'o/ / sa gzhi la yang sangs rgyas spyan gyi snying po bzlas shing 'o ma dang sbyar ba'i chus bkru bar bya'o/ /bdag nyid kyang legs par khrus byas te/ gnas der gzhan dag 'ongs na dal gyis phog par 'gyur bas bsrung bar bya'o/ /sbyor ba 'di ni spyi'i sbyor ba yin te/ 'dod na gang yang rung pa re re yang sbyar bar bya'o//ma mo'am phra men ma gang dag bdag nyid dga' bar 'gyur ba'i rigs dag yod na/ de dag re re'am gnyis sam gsum la sogs pa ji ltar 'dod pa'i rang rang gi snying po dag khro bo'i sngags kyis gzir te bzlas pas sbyor ba 'di lta bu dag la sbyar bar bya'o/ /sbyor ba 'di ni ji ltar bsgrub bya la nye bar phog pa de ltar las grub par 'gyur ro//'di yang lan cig gis grub par ma gyur kyang snga ma bzhin du brnag pa'i sbyor ba'o/ /byug pa dang gtor zhing 'phang pa'i sbyor bas gdug pa 'dul ba'i thabs bstan pa rdzogs so// //de nas gdug pa bskam pa dang / /bsreg pa'i cho ga'ang bshad par bya//de la bskam pa mdor bsdus pa/ /cho ga bstan pa 'di yin no/ /rdo rje'i dkyil 'khor bsnyen byas shing / /rdo rje mkha' 'gro ma kun la/ /gtor ma'i las rnams rtag tu bya/ /dug sogs tsha ba'i rdzas kun gyis/ /bsgrub bya'i gzugs brnyan dgang bar bya/ /dur khrod me la bskam byas te/khro bo'i gsang sngags zlos byed cing / /rkang pa g.yon pas mnan nas ni/ /lus kun rdo rje 'bar bas dgong / /rdo rje mkha' 'gro ma yang bskul/ /'di ltar rtag tu bsgom byas na/ /'dod pa bzhin du bskam par 'gyur/ /de la bsgrub bya bskam pa'i cho ga ni/ dang po rdo rje dkyil 'khor ji lta ba bzhin du bsgom zhing rtsa ba'i sngags legs par bsnyen pa byas te/ rdo rje mkha' 'gro ma rnams la yang rtag tu gtor ma sbyin par bya'o/ /de la mkha' 'gro ma la gtor ma sbyin pa'i tshul ni 'di yin te/ dang por pad+ma 'dab ma bzhi pa zhig yi ge ba las bskyed de/de'i dbus su shrI ya mAn+ta ka bsgom/ de'i mdun dang 'dab ma bzhi la yi ge di kha dog mthing ga dang / dkar po dang ser po dang dmar po dang / ljang gu rnams las rdo rje mkha' 'gro ma chen po lnga gzugs skem bag rdo rje'i mchu can/ bsgrub bya rnams kyi khrag gzhibs nas lus skam par byed pa/phyag g.yas dang po na rdo rje dang 'khor lo dang / rin po che dang pad+ma dang / ral gri rnams 'dzin pa/ g.yas 'og ma gri thogs pa/ g.yon dang po na bsgrub bya 'dzin pa/ 'og ma na gzhong pa thogs pa 'di lta bu dag bsams te/ gtor ma byin gyis brlab pa byas nas/de nas lag pa thal mo sbyar ba las mdzub mo gnyis mdud par bcings te/ gung mo dang mthe bong rtse sprad lhag ma 'od zer ltar btang ba 'di ni/ dpal rdo rje mkha' 'gro dang mkha' 'gro ma rnams dgug cing las la bskul ba'i phyag rgya ste/ 'khor lo'i tshul du dpral bar lan gsum bskor zhing bzhag nas gsang sngags 'dis mkha' 'gro ma'i dkyil 'khor dgug cing gtor ma sbyin par bya'o//oM shrI ya mAn+ta ka/ /A kaD+D+h+ya/ A kaD+D+h+ya/ pra be sha ya/ pra be sha ya/ ban+b+ha ya/ ban+d+ha ya/ to Sha ya to Sha ya/ badzra DA ki nI nAM hr-i da hUM phaT/ oM badzra DA ki nI pra tIts+tsha man ba liM hUM phaT/oM bud+d+ha DA ki nI/ pra tIts+tsha man ba liM hUM phaT/ oM rat+na DA ki ni pra tIts+tsha man ba liM hUM phaT/ oM pad+ma DA ki ni pra tIts+tsha man ba liM hUM phaT/ oM bi shwa DA ki ni pra tIts+tsha man bi liM hUM phaT/ ces bya ba brjod de/ pad+ma'i lag gis dang por rang gi lce la bzhag ste/ de nas lhag ma rnams mkha' 'gro ma'i tshogs tshim par bsam mo//'di ni bskam pa 'ba' zhig tu ma zad kyi gang du sbyar yang nyes pa med do/ /de nas skam pa'i las la sbyor ba na/ bsgrub bya'i rjes dang dri ma la sogs pa ji ltar rnyed pa las gzugs brnyan byas te/ dug dang ske tshe dang lan tshwa la sogs pa tsha ba'i rdzas kyis nang yongs su bkang ste ming dang ldan par byas pa la/yungs kar la khro bo'i gsang sngags ldan pas brdeg cing rkang pa g.yon pas mnan te/ rdo rje mkha' 'gro ma yang bskul bar bya'o/ /de nas dur khrod me 'bar ba'i steng du bzhag ste yungs kar la gsang sngags bzlas shing rjes su bskul bar bya'o//'di yang yungs kar rdo rje 'bar bas rtsa ba'i gnas thams cad gang nas bskam zhing mkha' 'gro ma rnams kyi rdo rje mchu yis kyang khrag rnams gzhibs nas skam pa byas par 'gyur ro/ /de nas bsreg pa'i cho ga yang / /legs par rab tu bshad par bya/ /dur khrod la sogs song nas ni//dur khrod me ni 'bar ba la/ /gdug pa'i yid can ma rungs pas/ /bsgrub bya bsregs na ma rung 'gyur/ /de la 'dir bsregs pa'i cho ga bshad par bya ste/ dang po sngon du bsnyen pa'i cho ga legs par byas nas phyis las la sbyor ba'am/ nag po'i tshes brgyad dam bcu bzhi la dur khrod la sogs pa'i gnas su song ste/der thab khung gru gsum du byas nas/ dug shing dang dur khrod kyi shing dag la me sbar te bdag nyid lha'i brtul zhugs dang ldan pas lho phyogs su bltas te rab tu 'khrugs pa'i yid kyis sbyin sreg gi las brtsam par bya'o/ /de la bsgrub bya'i gzugs brnyan ni sngon du brjod pa'i rdzas la cho ga bzhin byas te/bdag gi mdun du mtshon cha dang bcas te gzhag par bya'o/ /gzhan yang dmar chen dang chang du sbyar ba'i ar+g+hadang / de bzhin du lha bshos dang gtor ma dang / bdug pa dang mar me dag kyang sha chen po dang ldan pa dang /me tog dang byug pa dag kyang khrag chen po dang ldan par byas te/ /gzhan yang bdud rtsi rnam pa lnga dang / sha rnam pa lnga la sogs pa ji ltar 'byor pa'ang bsham mo/ /de nas sngags pa bdag nyid bdud rtsi lngas lus la byug cing dri dang ldan pa'i gos gyon nas kha lho phyogs su bltas te/nag po'i tshes brgyad dam bcu bzhi'i nam phyed na sbyin sreg gi las brtsam par bya ste/ dang por rang gi lha'i rnal 'byor du sngon bzhin du bskyed la/ de nas thabs kyi dbus su yi ge raM nag po las me'i pad+ma gru gsum zhig gi steng du me lha ci dga' bar bskyed do/ /yang na lag pa bzhin bgrang phreng dang dbyug pa dang /ril ba spyi blugs dang / mchog sbyin par byed pa drang srong gi cha byad rgyan med pa shin tu khros shing 'khrugs pa zhig tu bsam mo/ /de nas oM kro d+ha ag+na ye ma hA r-i Shi ma hA b+hU ta/ pra tIts+tsha dzaH hUM baM hoH/ sa ma ya s+t+waM/ zhes brjod cing me tog thab khung du gtor bas bdag gi bsam pa dang mthun pa'i ye shes kyi lha zhig byon te/de nyid dang gnyis su med par gyur par bya'o/ /de nas mchod pa'i tshogs rnams rang rang gi ming gi thog mar oM zhes bya ba dang ldan pa'i rjes su ma hA pU dza s+pha ra Na sa ma ye hUM/ zhes brjod de/ mchog sbyin pa'i phyag rgyas dbul bar bya'o/ /de nas der khro bo'i rgyal po bsams nas sngon du brjod pa'i sngags sam/ rtog pa gzhan las gsungs pa'i gsang sngags gang yang rung ba'am/ rtsa ba'i gsang sngags nyid kyis spyan drang bar bya'o/ /de nas rtsa ba'i gsang sngags de nyid kyis ar+g+ha la sogs pa'i mchod pa thams cad dbul bar bya'o//de nas bsgrub bya dgug pa'i sbyor bas bkug ste gzugs brnyan la bstim par bya'o/ /de yang rang gi ting nge 'dzin gyi sbyor ba ji lta ba goms par byas pa dang / sangs rgyas la mngon par dga' ba'i 'byung po gang dag mngon par shes pa dang rdzu 'phrul du ldan pa rnams la bka' dang dam tshig gi 'khor los bskul ba dang /'jig rten dang 'jig rten las 'das pa'i lha gang dag rang gis lhag par bsnyen pa byas pa rnams bskul ba'i sbyor bas dgug pa la sogs pa bya'o/ /tshul 'di ni gang dag la yang sbyar bar bya'o//bka' dang dam tshig gi 'khor lo ni skabs nyid las rig par bya'o/ /de nas gzugs brnyan de dag rkang pa nas gtub cing rtsa ba'i sngags rig pas lan brgya'am stong la sogs pa ji ltar nus pas bsreg par bya'o/ /de nas lha gshegs su gsol ba byas te thal ba de dag bsdus nas gdon gang dag srog chags rnams me'i nad kyis 'dzin par byed pa de dag gi gnas su bskyal na/bsgrub bya de dag me'i nad kyis zin te brlag par 'gyur ro/ /de la gsang sngags ni rtsa ba'i gsang sngags kyi rjes su che ge mo da ha da ha/ pa tsa pa tsa/ mA ra ya mA ra ya phaT phaT/ ces bya ba 'di yin no//bsgrub bya bskam zhing bsreg pa'i cho ga bstan pa rdzogs so// //de nas lus kun gzhom pa yi/ /cho ga dag kyang bshad par bya/ /be con rdo rje gtun shing las/ /sngar bsnyen cho ga legs byas te/ /sgrub pa dag kyang brtsam par bya/ /de nas las la sbyor ba na/ / bsgrub bya'i gzugs brnyan legs byas te/ /de bzhin bkug bcug bcings nas kyang / /be con rdo rje la sogs pas/ /rdul bzhin du ni gzhom byas na/ /de dag myur du ma rung 'gyur/ /de la bsgrub bya yongs su 'joms pa'i cho ga ni/ /dang por be con nam/ rdo rje'am/ gtun shing ngam/ rdo rje tho ba la sogs pa legs par byas te maN+Dal gyi steng du bzhag nas bsgom pa dang / mchod pa dang / bzlas pa dag gi sngon du bsnyen pa dang / bsgrub pa'i cho ga dag ji ltar dam bcas pa bzhin byas nas/ de nas las la sbyor bar 'dod pa na/ bsgrub bya'i gzugs brnyan ji lta ba bzhin du byas nas/cho ga bzhin du bkug ste/ dgug pa dang / gzhug pa dang / bcing ba dang / dbang du bya ba'i cho ga rnams byas pa'i rjes su be+e con la sogs pa'i mtshon chas rdul bzhin du gyur pa de srid du brdung bar bya zhing / rtsa ba'i gsang sngags bskul ba dang bcas pa brjod par bya'o/ /de la bskul ba ni be con dag la ni/ha na ha na dan+te na tsUr+Na ya che ge mo phaT phaT/ ces bskul bar bya'o/ /rdo rje dag la ni ha na ha na badzre Na che ge mo hUM phaT ces bya'o/ /gtun shing dag la ni mu sa le na tsUr+Na ya che ge mo phaT phaT ces bya'o/ /rdo rje tho ba dag la ni A ko Ta ya mung+ga rA ko Ta ya che ge mo phaT phaT ces brjod par bya'o//'di rnams gang yang rung ba rtsa ba'i sngags kyi rjes su brjod pa ni yongs su gzhom pa'i gsang sngags so/ /lus kun yongs su 'joms pa'i cho gas gdug pa 'dul ba bstan pa rdzogs so// //byad kyis zin pa'i cho ga yang / /bye brag gyur par bshad par bya/ /skud pa dkar po nag po dag /log par dril ba'i dru bu ni/ /dug dang khrag gis bsgos byas te/ maN+Dal gru gsum steng du gzhag /byad stems zhes bya gdon gyi rnams/ /bud med skyes pa'i gzugs 'dzin pa/ /sngags kyis bkug ste de la bstim/ /gtor ma yang ni rtag tu sbyin/ /nam zhig mtshan ma byung ba dang //de yis gang dag bcings pa ni/ /ming dang gzugs sogs sbyar byas pa/ /de dag byad ces bya ba ni/ /rigs kyi gdon gyis gzung bar 'gyur/ /de la 'dir byad kyis phog par bya ba'i cho ga ni/ /gzhan gyis bskul zhing spod gtong byas pas gzhan 'dzin par 'gyur ba las/khyad par du yang byad ces bya ba'i gdon gyi rigs skyes pa dang bud med kyi gzugs 'dzin pa/ skud pa bkra mi shis pa dag la zhugs nas gzhan dag la 'dzin par byed pa'i gdon yod de/ 'di dag bskul ba'i sbyor bas byad ces bya ba'i gdon gyis zin par 'gyur ro//de'i sbyor ba ni 'di yin te sngon du legs par bsnyen pa byas pa'i rnal 'byor pas/ bal nag po dang dkar po log par bsgril ba'i skud pa gro'i mgrin pa tsam gyi tshad du bkal ba srang gsum tsam zhig byas te/ gro ga'am shog shog la gsang sngags spel ba bris nas/ skud pa de dug dang khrag gis bsgos te gsang sngags kyis snying po byas nas de la dril te/khrig gi maN+Dal gru gsum gyi steng du gzhag par bya'o/ /de nas bdag nyid lha'i rnal 'byor dang ldan pas mchod pa byas nas/ de nas mdun du yaM las rlung gi dkyil 'khor gyi steng du lcags kyu'i 'khor lo dang ldan pa bsgoms nas gsang sngags kyis bskul bas/de las de dang mthun pa'i 'od zer phyung ste/ 'od zer de dag gis phyogs bcu nas byad ma zhes bya ba'i ma mo bud med kyi cha byad kha dog nag mo lag na tshon skud kyi dru bu thogs pa dang / gzhan yang byad ces bya ba'i gdon kha dog sna tshogs lag na tshon skud kyi dru bu thogs pa rnams bkug ste tshon gyi dru bu la thim par bya'o//de nas bzlas pa gtong bar 'dod pa dang / gdon de dag la gtor ma byin te/ bcom ldan 'das kyi bkas byad ces bya ba'i gdon khyed rnams 'dir brtan par 'dug la/ nga'i gtor ma yang blangs te dga' bar gyis/nga'i 'dod pa'i las kyang legs par sgrubs shig ces bya'o/ /de bzhin du ji ltar nus pa bzhin byas pas nam rmi lam mam/ bdag gam gzhan dag gis shes pa la der srog chags gdug pa dag zhugs pa dag mthong ngam/ gzhan yang lhag par snang ba dag byung na/de'i tshe bsgrub bya'i gzugs brnyan snga ma bzhin du byas te dgug pa'i sbyor ba dag kyang legs par byas nas/ de nas gzugs brnyan de skud pa des dra ba'i tshul du yongs su dril te/ bsgrub bya'i grong ngam/ srang ngam/ sgo'am/ yang na der 'jug pa'i lam dag tu sba bar bya'o/ / 'dis sems bsgyur dang / g.yeng byed dang / gzhan yang sbod gtong sna tshogs la sbyar yang nyes pa med do/ /gsang sngags ni rtsa ba'i sngags kyi rjes su sarba ka khorda/ A kaR+Sha ya/ A kaR+Sha ya/ pra be sha ya/ pra be sha ya/ ban+d+ha ya/ ban+d+ha ya/ toSha ya/ toSha ya phaT phaT ces bya bas byad ces bya ba'i gdon tshon gyi dru bu la gzhug par bya'o//de nas des gzugs brnyan bcing bar bya ba'i gsang sngags ni/ rtsa ba'i sngags kyi rjes su b+h+yo b+h+yo sarba ka khord che ge mo gr-ih+Na mi phaT phaT/ ces brjod par bya'o/ /cho ga 'dis legs par bskul ba gang la byas pa de byad kyis zin par 'gyur ro//gdug pa can 'dul ba'i cho ga las bsgrub bya byad kyis zin par bya ba'i cho ga bstan pa rdzogs so// //de nas 'khrugs shing myos pa yis/ /gdug pa rnams ni brlag 'gyur ba'i/ /'khor lo'i sbyor ba zhes bya ba/ /las rnams grub par byed pa la/ /sbyor ba rnams kyi mchog 'gyur ba//legs par rab tu bshad par bya/ /rtsa ba yan lag sngags rnams las/ /spyi dang khyad par 'khor lo dang / /kha sbyor dag dang ya bral dang / /snying po phan tshun sbyor ba dang / /las rnams sna tshogs sgo nas ni/ /'khor lo'i dbye ba shes par bya/ /rtsa ba'i sngags kyi 'khor lo yang //rgyas dang 'bring dang bsdus pa yis/ /yi ge sum cu gnyis pa dang / /yi ge bcu bdun de las gzhan/ /yi ge lnga pa dag tu bshad/ /de las rgyas pa'i 'khor lo ni/ /tshangs thig la sogs dbye ba yis/ /phyogs mtshams thig gis phye byas te/ /rim pa bzhir ni bskor byas nas//re mig nyi shu bzhir ldan pa'i/ /lte ba dang yang bcas par 'gyur/ grwa bzhir 'khor lo bzhi byas pas/ /re mig sum cu rtsa gnyis 'gyur/ /dang por lho yi cha dag la/ /tshangs thig gi ni ngos gnyis su/ /yi ge ya gnyis bskyed la dgod/ /de nas rim pa gnyis pa la//yi ge ma gnyis dbus su dgod/ /de nas rim pa gsum pa la/ /yi ge ra gnyis bsgril te dgod/ /des ni 'khor lo 'dra bar 'gyur/ /de bzhin nub kyi phyogs dag tu/ /dang por a gnyis bskyed byas te/ /gnyis par me gnyis dbus su bri/ /gsum par do gnyis bsgril bar bya//de nas byang gi phyogs dag tu/ /dang por ya ste gnyis par da/ /snga ma bzhin du bri bar bya/ /gsum par yo zhes bya ba dang / /snga ma bzhin du bri bar bya/ /shar phyogs su yang de bzhin du/ /dang por ya ste gnyis par k+She/ /gsum par ya zhes bya ba yang / /snga ma bzhin du bri bar bya/ /lho nub mtshams kyi 'khor lo'i rtser//yi ge dza sa bsgril te dgod/ /de bzhin nub byang rtse mo la/ /yi ge ru na dgod par bya/ /byang shar 'khor lo'i rtse mo la/ /yi ge ni rA de bzhin dgod/ /de bzhin shar lho'i rtse mo ru/ /yi ge ts+tsha ni bri bar bya/ /lho nub mtshams kyi nang gi grwar/ /lte ba'i cha la brten nas ni//yi ge ya gnyis bar dag tu/ /'khor bar byed pa'i bskul tshig dag /phyir la 'khyil ba lta bur bri/ /nub byang mtshams su'ang de bzhin du/ /yi ge ya gnyis par dag tu/ /khrag 'byung pa yi bskul tshig dag /phyir la 'khyil ba lta bur bri/ /byang shar du yang de bzhin du/ / brgyal bar byed pa'i bskul tshig dag /phyir la 'khyil ba lta bur bri/ /shar lho mtshams su'ang de bzhin du/ /gsod par byed pa'i bskul tshig bri/ /lho stod nas ni nub smad du/ /yi ge 'khor ba'i lam rnams la/ /na bun kha dog 'dra ba yi/ /lam gyi kha dog bri bar bya/ /dbus nas phyir la bskor nas ni//nub stod nas ni byang smad du/ /khrag dang 'dra ba'i lam bri'o/ /byang stod nas ni shar smad du/ /yi ge 'khor ba'i lam rnams la/ /kha dog ser po sprin 'dra bri/ /shar stod nas ni lho smad du/ /yi ge 'khor ba'i lam rnams la/ /dur khrod sol bas nag por bri/ /dbyangs dang ming gi yi ge dag /'khor lo'i tshul du phyi rol du/ /bris na yang ni rung bar bshad/ /ma bris na yang nyes pa med/ /gzhi ni dur khrod ras la bya/ /dug dang khrag dang ske tshe dang / /gser shing zhes bya'i khu ba dang / /dur khrod sol ba dag gis kyang / /ras la bsgo zhing snag tsha bya/ / smyu gu mi yi rus pa dang / /lcags sam sgro rtsa dag gis bri/ /kha sbyor ram ni re re dag /ji ltar dga' ba bzhin du bya/ /gal te re re byed pa na/ /bsgrub bya'i snying gar gzhug par bya/ /yang na 'khor lo'i snying po ru/ /bsgrub bya legs par gzhug par bya/ /gal te kha sbyor byed 'dod na/ /'khor lo'i snying po bsgrub bya gzhug /thod pa dag dang ldan byas nas/ /mthar byed ltor yang sbyar bar bya/ /rtsa ba'i 'khor lo rgyas pa dag /legs par rab tu bshad pa yin/ /de la 'khor lo'i sbyor ba zhes bya ba/ nus mthu thams cad yongs su rdzogs pa'i sgo nas sbyor ba thams cad kyi mchog tu gyur ba 'khrugs shing smyos pas gdug pa 'dul ba'i thabs gtso bor gyur pa/'phags pa 'jam dpal gyi rtog pa rnams su bsngags pa/ rtog pa gzhan du ma bstan pa/ gsang ba bas kyang ches gsang ba/ bcom ldan 'das gshin rje gshed po nyid kyi sku dang mtshungs par bstan pa'i las kyi 'khor lo 'di yang spyi'i 'khor lo zhes bya ba dang /nyi tshe ba'i 'khor lo zhes bya ba'i dbye bas rnam pa gnyis so/ /nyi tshe ba'i 'khor lo de yang rtsa ba'i 'khor lo dang / yan lag gi 'khor lo zhes rnam pa gnyis su shes par bya'o/ /de la yan lag gi 'khor lo de nyid kyang snying po'i 'khor lo dang / zhal gyi 'khor lo dang /go cha'i 'khor lo dang / mtshon cha'i 'khor lo'o/ /de dag rang rang gi 'khor lo gzhan dang ma 'dres pa ni nyi tshe ba'i 'khor lo zhes bya'o/ /rtsa ba dang yan lag gnyi ga 'dres pa dang ldan pa'i 'khor lo ni spyi'i 'khor lo zhes bya'o/ /de las 'dir nyi tshe ba'i 'khor lo'i khongs su gtogs pa rtsa ba'i 'khor lo las brtsams te/de yang rgyas par bstan pa dang 'bring du bsdus te bstan pa dag las/ dang por rtsa ba'i 'khor lo rgyas par bstan pa zhes bya ba bshad par bya'o/ /dang po sngags pa bdag nyid rdo rje dkyil 'khor ji lta ba bzhin du bsgoms shing mchod pa dang / rtsa ba'i gsang sngags kyi bzlas brjod legs par byas pa/rang gi dam bcas pa rdzogs nas rtsa ba'i 'khor lo rgyas pa'i sgo nas gdug pa 'dul ba'i las la sbyar bar 'dod pa na/ dur khrod la sogs pa'i gnas su nag po'i tshes brgyad dam bcu bzhi la song ste dur khrod kyi ras la dug dang khrag dang ske tshe dang / lan tshwa nag po dang /shing nim pa dang / shing ka na ka zhes bya ba'i khu ba dang / dur khrod kyi sol ba rnams sbyar bas bsgos shing / dur khrod kyi sol ba shas cher byas pa'i snag tsha dang / mi rus sam lcags sam/ bya rog dang 'ug pa la sogs pa'i sha la dga' ba'i bya rnams kyi sgro rtsa'am/de dag gang yang rung ba las smyu gu byas te/ gshin rje gshed kyi rnal 'byor gyis kha lho phyogs su bltas te 'khrugs pas bri bar bya'o/ /de la dang por tshangs pa'i thig gdab/ /de nas grwa'i thig gdab ste des phyogs cha brgyad du 'gyur ro/ /de nas rim pa bzhi zlum por bskor nas/ rim pa dang po dbus kyi lte bar bya ste/de yang grwa'i thig bzhag la tshangs thig phal cher bgyi bar bya'o/ /lhag ma rim pa gsum la re mig nyi shu rtsa bzhir 'gyur ro/ /de yi phyi rol du tshangs thig nas grwa bzhir drangs la/ grwa bzhir 'khor lo rtsibs bzhi'i tshul du bya'o/ /de la grwa'i thig gis gnyis gnyis su phye bas brgyad du 'gyur te spyir sum cu rtsa gnyis su 'gyur ro//de la yi ge dgod pa ni rim pa dang po la phyogs bzhi char du/ tshangs thig gi g.yas g.yon gnyis su yi ge ya re re bri bar bya'o/ /de yang tshangs thig gi ngos las phyir bskyed de/ grwa'i thig gi rtsa ba'i phyogs la dbus ngos kyi grwar bri bar bya'o//de nas lho phyogs su rim pa gnyis pa la re mig gnyis kyi dbus su yi ge ma re re bri bar bya'o/ /de'i phyi'i rim pa la tshangs thig ngos las phyi rol gyi grwar yi ge ra gnyis mig gi tshul du bsgril mar bri bar bya'o/ /'dis 'khor lo'i tshul du 'gyur te gru gsum gyi dbyibs su 'gyur ro//gzhan yang yi ge ya gnyis ni skyes bu rkang pa bgrad pa'i rkang pa lta bu'o/ /yi ge ma gnyis ni dpung mgo lta bu'o/ /yi ge ra gnyis ni mig lta bu'o/ /de nas 'khor lo'i rtsibs la bsgrub bya brgyangs nas yi ge rnams kyis gzer btab ste/ drag tu 'khor zhing lam spyir 'khor ba dang khyad par du 'khor ba rnams su 'khor bar byed par 'gyur ro//der phyogs thams cad du'ang rim pa dang po'i yi ge rnams kyis ni 'khor lo'i rtsa ba'i grwa gnyis su bsgrub bya'i rkang pa gzer btab pa bzhin du 'gyur ro/ /rim pa gnyis pa'i yi ge rnams kyis ni 'khor lo'i dkyil du bsgrub bya'i dpung pa gzer btab pa bzhin du 'gyur ro//rim pa gsum pa'i yi ge rnams kyis ni 'khor lo'i rtse mor bsgrub bya'i mig gzer btab pa bzhin du 'gyur ro/ /mtshams kyi yi ge rnams kyis ni de dag gcig kyang mi gnas par rnam pa gsum gyi tshul gyis 'khor bar 'gyur ro/ /de la rnam pa gsum gang zhe na/ rang 'khor ba dang / lam 'khor bar 'jug pa dang / lam lhag par 'khor bar 'jug pa'o/ /de la rim pa dang po'i yi ge ni phyogs thams cad du ya 'ba' zhig go/ /rim pa gnyis pa'i yi ge ni lho phyogs su ma gnyis so/ /nub phyogs su me gnyis dang / byang phyogs su da gnyis so/ /sher phyogs su k+She gnyis so//rim pa gsum pa'i yi ge ni lho phyogs su ra gnyis so/ /nub phyogs su do gnyis so/ /byang phyogs su yo gnyis so/ /shar phyogs su ya gnyis so/ /grwa bzhi'i 'khor lo bzhi'i rtse mo la/ thig rkang gi g.yas g.yon gnyis su yi ge zung re bsgril te bri bar bya ba ni/ lho nub tu dzA dang sa bri'o/ /nub byang du ru dang na bri'o/ /byang shar du ni dang ra bri'o/ /shar lhor ts+tsha dang ni bri'o/ /grwa bzhi'i dbus kyi lte ba la bskul ba'i sngags kyis ya dang ya'i bar du phyir bskor zhing 'khyil ba ltar bri bar bya ba ni/ /grwa'i thig ngos su yi ge rnams kyi mgo bstan nas bris pas phyir bskor ba ltar 'gyur te/de la dang po ya ma rA dzA sa do me ya zhes lho stod nas nub smad du bskor ba'i rjes su che ge mo b+h+ra ma yaM ku ru hUM phaT/ ces bya ba'i sngags dbus ngos su mgo bstan te phyir 'khyil pa'i tshul du bris pas nub smad nas nub stod du 'byor par bya'o/ /'di ni 'khor bar byed pa zhes bya ba'i bskul tshig go//de nas ya me do ru Na yo da ya zhes bya ba nub stod nas byang smad du bskor ba'i rjes su che ge mo rak+ta tsar pa ya hUM phaT/ ces bya ba snga ma bzhin du mgo lte ba'i dbus su bstan te byang stod du slar 'khor bar bri'o/ /de nas ya da yo ni ra yak+She ya zhes byang stod nas shar smad du bskor ba'i rjes su che ge mo mur tsa ya ba hUM phaT/ces shar smad nas shar stod du snga ma bzhin du 'khyil bar bri'o/ /de nas ya k+She yats+tsha ni rA ma ya/ zhes shar stod nas lho smad du 'khor lo'i tshul du bris pa'i rjes su che ge mo mA ra ya hUM phaT/ ces bya ba snga ma bzhin du lho stod du 'khyil ba bri bar bya'o/ /phyi rol gyi mtshams kyi yi ge dag dang nang gi bskul tshig dag ni las rnam bzhi la skul bar byed pa'i sa bon gyi yi ge dang legs par bskul ba'i tshig dag ste/de la las rnam bzhi ni dang pos dbang du byas shing myos par 'gyur ro/ /gnyis pas ni srog gi gnas nas khrag 'dren par 'gyur ro/ /gsum pas ni dran pa shin tu nyams te brgyal nas srog zad la khad par 'gyur ro//bzhi pas ni srog zad nas 'chi bar 'gyur ro/ /de ltar 'khor lo legs par bris pa'i phyi rol du dbyangs dang ming gi yi ge 'khor lo'i tshul du bskor bas kyang byin gyis rlob par 'gyur ro/ /'di lta bu'i 'khor lo 'di gal te kha sbyor du sbyor bar 'dod na ni rim pa dang rim pa ma yin par bris pa gnyis kha sbyar te mi'i thod pa'i nang du bcug la bdag nyid kyis lha'i sbyor ba dang ldan pas rkang pa g.yon pas mnan te/gsang sngags bzlas pa'i sbyor ba bya ba'am/ yang na dur khrod du sbas te gsang sngags rjes su bskul ba'am/ yang na maN+Dal gyi steng du bzhag ste gsang sngags la sbyar nas phyis dur khrod la sogs par sba bar bya'o//yang na grog mkhar gyi sa las gshin rje'i gzugs brnyan byas te/ de'i ltor bcug nas dur khrod la sogs par sba bar bya'o/ /gal te kha sbyor bar byed mi 'dod na ni/ 'khor lo gcig byas te bsgrub bya'i snying gar bcug nas snga ma bzhin du sba ba la sogs pa bya'o//yang na 'khor lo'i snying por bsgrub bya bcug ste snga ma bzhin du sba ba la sogs pa'o/ /gsang sngags bzlas pa'i sbyor ba yang rnam pa gnyis yin te/ bskul tshig ji ltar ldan pa bzhin du nyi ma bzhir sngags so so la sbyar bar bya ba dang /rtsa ba'i gsang sngags ji lta ba bzhin du bzlas pa'i rjes su che ge mo mA ra ya phaT phaT/ ces bya ba bskul tshig dang bcas pa bzlas par bya'o/ /de la bzlas pa la sbyor ba'i cho ga'i tshul ni 'di yin te/ dang por sngon du smos pa bzhin du 'khor lo'i cho ga legs par byas nas gshin rje'i gzugs byed par mi 'dod na/'khor lo de nyid gshin rje'i ltor chud par bri'o/ /gal te gzugs byed par 'dod na yang 'di bris pa la nyes pa med do/ /kha sbyor du byed par 'dod na gcig gshin rje'i chung ma'i tshul du bri'o/ /de nas mi thod gnyis btsal te/ de yang thod pa 'og ma bud med bkra mi shis pa zhig gi thod pa la rgyab tu sna tshogs rdo rje bri nang du rlung gi dkyil 'khor gyi dbus su pad+ma 'dab ma brgyad pa bris la der bud med nyid kyi ming dang rus dang gshin rje'i chung ma'i snying po dang /oM badzra A be sha a a zhes bya ba dbab pa'i snying po yang bri/ thod pa gang ma yang khol po nag po zhig gi thod pa la nang du dbus su me'i dkyil 'khor bri/de'i phyi rol du skyes pa de nyid kyi ming dang rus kyang bri/ gshin rje'i snying po yang spel te bri'o/ /thod pa de'i rgyab tu ri rab ri bdun dang bcas pa rwa brgyad kyis brgyan pa de dag gser gyis gzhi chen pos mnan pa bri'o/ /de'i steng du sna tshogs rdo rjes mnan par bri'o//thod pa de gnyis kyi nang du 'khor lo de gnyis dpral ba'i ngos su yi ge'i mgo bo bstan la bcug ste kha sbyar nas skud pa dkar nag gis dkri bar bya'o/ /de sgo cung zad cig bzhag nas lhag ma mtshams rnams khrag dang sa la sogs pa sbyar bas bsgos te mi mngon par bya'o/ /de nas de maN+Dal la sogs pa'i gnas su bzhag la/sngon du brjod pa bzhin du mchod pa'i yo byad dang gtor ma rnams ji ltar 'byor bar bsham mo/ /de nas sngags pa bdag nyid gos nag po khrag gis bsgos pa'am/ de bzhin du dri chen gyis bsgos pa'am/ dur khrod kyi sol ba'am thal bas bsgos pa gyon te/skra lhug par bshig nas ro'i stan nam/ me'i dkyil 'khor ram/ sna tshogs rdo rje'i stan la rdo rje'i skyil mo krung ngam/ g.yas brkyang ba 'am/ g.yon brkyang ba 'am/ khro bo chen po'i tsham ngam gyi stabs gang yang rung bas 'dug ste dang por sngon du brjod pa bzhin du rdo rje'i dkyil 'khor bsgom pa byas te/bcom ldan 'das gshin rje gshed po 'khor dang bcas pa la mchod pa dang gtor ma sbyin pa'i cho ga legs par bya'o/ /de nas bdag nyid dam sgrub pa'i grogs mchog mi ma yin pa dag mthong zhing des 'jigs par mi 'gyur ba'i nus pa dang ldan pa/ mi 'dod pa'i gdon bar du gcod pa dag byung na/de la yungs kar dang phreng ba dag 'phen nus shing ral gris bsdigs par nus pa dag drung du byung na yang ral gris 'debs par nus pa/ rang 'dod pa dag mthong na yang ar+g+ha dang gtor ma byin nas legs par 'ongs so zhes spro ba'i tshig byin nas/ da 'dir bzhugs la bdag dga' ba'i las kyang mdzod cig ces bsgo bar nus pa/de lta bu'i grogs dang ldan pas kha zas bzang po gtor ma dang / chang gi ar+g+ha dang / khrag dang chang dang sbyar ba'i ar+g+ha dag kyang mdun du bzhag /yungs kar ser po bzang po phul gang yang sgrub pa'i grogs mchog gi thu ba g.yon par blugs/de'i lag pa g.yon pa la bgrang phreng dag kyang gdags/ lag pa g.yas par ral gri byin te gzhag go/ /sngags pa bdag nyid lag pa g.yas par be con nam rdo rje thogs te phyar nas g.yon pa sdigs mdzub bsgreng ste lha'i nga rgyal dang ldan pas thod pa'i khang bzangs su bsgoms te/de'i nang du yi ge nr-i kha dog ljang dmar zhig las bud med ljang dmar zhig bsgom/ yang yi ge nr-i ljang nag zhig las skyes pa ljang nag zhig bsgom/ de nas rtsa ba'i gsang sngags kyi rjes su bud med che ge mo dang skyes pa che ge mo A kaR+Sha ya dzaH zhes bya ba'i gsang sngags zlos shing ji skad du gsungs pa'i dgug pa'i sbyor ba dang ldan pa'i ting nge 'dzin lan mang du byas pas thod pa de dag nyid kyi bdag por 'gyur ba'i skyes pa dang /bud med yid la byed pa'i sprul ba'i lus gzhan la phan pa dang gnod par nus pa'i mtshan nyid can ro langs kyi gdon dang lhan cig pa bgegs kyi tshogs du ma dang dbyer med pa'i lus der 'ong bar 'gyur te bdag gam gzhan la snang bar 'gyur ro//de ltar snang bar gyur pa dang / chang gi ar+g+ha lag tu thogs te 'di skad ces smra'o/ /grogs po dag legs par 'ongs so/ /ar+g+ha dang gtor ma 'di dag kyang long la khang bzangs 'dir 'dug shig /'di ni khyod kyi lus dang gnas kyi rang bzhin yin te/ gnas dang longs spyod kyang ngas legs par sbyar gyi bdag gi dgos pa dag kyang gyis shig ces bsgo la/ thod pa'i sgo de nas chang yang cung zad gtor zhing kha zas kyi phud kyang cung zad blugs la rin po che rnams kyang blugs la/dar la sogs pa gos kyi dum bu yang gzhug par bya'o/ /lhag ma'i rdzas rnams ni nye 'khor gyi snod cig tu blugs par bya'o/ /'di lta bu'i sbyor ba lan gsum mam bdun tsam snang bar gyur cing / yang dang yang du 'ong bar mthong na de dag gshin rje chung ma dang bcas pa snga ma'i gdon gyi gzugs de la dgug par bya ste/lha'i ting nge 'dzin dang ldan pas rtsa ba'i gsang sngags kyi rjes su ya ma pu ru Sha tri tsa A kaR+Sha ya dzaH zhes bya ba'i gsang sngags zlos shing snga ma bzhin du dgug pa'i sbyor ba byas pas gshin rje mi mdog nag po lag na be con thogs pa dang / gshin rje'i chung ma lag na zhags pa dang gri thogs pa bkug ste/khang bzangs kyi nang na gnas pa'i bud med la gshin rje'i chung ma thim/ skyes pa la gshin rje nyid thim ste/ gnas par gyur par bsam zhing dgug pa'i sbyor ba bya'o/ /des ji ltar smos pa'i gzugs dag bdag gam gzhan la snang bar gyur tam/yang na skyes pa nag po gzugs shin tu che ba'am/ bud med nag mo ral pa can kha bgrad pa dag bdag gam gzhan la snang bar 'gyur te de la 'di skad ces smra'o/ /khrag dang chang sbyar ba'i ar+g+ha lag tu thogs te/ cung zad sbreng zhing grogs po dag legs par 'ongs so/ /bdag gis phul ba'i ar+g+ha dang mchod pa 'di dag bzhes la 'dir bzhugs shig /'di ni khyod kyi gnas dang lus kyi rang bzhin te/ rang gi gnas dang longs spyod chen po las kyang ma nyams par spyod bzhin du/ bdag gis phul ba 'di dag kyang bzhes la bdag gi dgos pa phra mo yang mdzod ces bsgo ste/snga ma bzhin du thod pa'i nang du yang mchod pa'i phud rnams cung zad blugs shing lhag ma rnams nye 'khor du snod du snga ma bzhin du dbul bar bya'o/ /'di ltar lan gsum tsam snang bar gyur pa dang / de nas yang bsgrub bya dgug pa'i sbyor ba byas te/ lha'i sbyor ba dang ldan pas rtsa ba'i gsang sngags kyi rjes su che ge mo A kaR+Sha ya dzaHzhes bya ba'i gsang sngags zlos shing /snga ma bzhin dgug pa'i sbyor ba byas pas bsgrub bya bkug ste thod pa'i nang du song bar bsam mo/ /'di lta bu'i sbyor ba yang nas yang du byas pa dang / bsgrub bya de khugs nas thod pa'i nang ngam nye 'khor du 'ongs par bdag gam gzhan la snang bar gyur te/de la 'di skad ces bsgo'o/ /gshin rje chen po 'khor dang bcas pa khyed cag mkhyen par mdzod cig /bcom ldan 'das gshin rje gshed kyi bkas che ge mo zhes bya ba 'di khyod kyi bza' ba'i skal par gtad par gyur pa yin gyi/ 'di da lta nyid du zung shig gal te ma bzung na bcom ldan 'das kyi bka' las kyang 'das shing /rang gi ngag kyang nyams par byas pa yin gyi/ de bas na legs par sgrubs shig ces bsgo'o/ /de ltar lan gsum snang bar gyur pa dang sgo de legs par kha bcad de/ der sna tshogs rdo rje bris nas gsang sngags la sbyar bar bya'o//de yang gal te sgrub pa po drod dang ldan pa yin na ni nyi ma bzhir las la sbyar ba byas pas las grub par 'gyur ro/ /de la nyi ma bzhi pa'i sbyor ba ni gong du bstan pa bzhin du 'khor ba dang / khrag 'dren pa dang / brgyal ba dang / gsod par byed pa zhes bya ba'i bskul tshig dang ldan pa'i sngags rnams so sor sbyar bar byas nas/nyi ma bzhir so sor sbyar ba nyid kyis 'grub par 'gyur ro/ /gal te drod ma thob pa rnams nyi ma bzhir sbyor bar 'dod pa na de bzhin du byas te/ tha mar dur khrod la sogs pa'i gnas su song ste yang gshin rje la gtad pa'i sbyor ba brtan pa byas pas legs par sbas te phyis kyang gsang sngags rjes su bskul bar bya'o//gal te drod ma thob pa rnams nyi ma bzhi kho nar sbyar bar mi 'dod na/ thod pa de khrag gi maN+Dal gru gsum byas la de'i steng du bzhag ste/ nyi ma re re thod pa'i bdag po'i mi pho mo yang bkug gshin rje pho mo yang snga ma bzhin du bkug ste/ar+g+ha dang gtor ma yang legs par byin nas/ bsgrub bya yang snga ma bzhin du bkug ste/ legs par gtad pa'i sbyor ba yang de bzhin du byas nas/ de'i rjes su gsang sngags yi ge sum cu gnyis pa'i rjes su che ge mo mA ra ya phaT phaT/ces bya ba ji ltar nus pa bzlas par bya'o/ /ji ltar nyi ma re re bzhin nyi ma'i gung dang nam gyi gung la bar chad med par las ma grub [(]gyi [,]kyi [)]bar du bya'o/ /gal te de ltar mi nus na dur khrod la sogs pa'i gnas su yang gtad pa'i sbyor ba byas te legs par sbas te gzhag go/ /de nas las legs par grub par gyur pa na de dag de nas phyung ste bdud rtsi 'khyil ba'am/sangs rgyas spyan gyi gsang sngags zlos shing 'o mas bkrus la bzod par gsol ba byas te btang ngo / /gal te de ltar byas kyang las ma grub na sngags pas bka' dang dam tshig gi 'khor lo bsgoms te thod pa de rkang pa g.yon pas mnan nas rtsa ba'i sngags kyi rjes su ta thA ga ta A dz+nyA pa ya ti swA hA/zhes zlos shing sems rab tu 'khrugs pas bka' dang dam tshig gi 'khor lo ji skad smos pa bzhin du bskul zhing bsgo bar bya'o/ /de nas las 'grub par 'gyur ro/ /'di ni dam tshig gi 'khor los gshin rje dang thod pa can dag gzir ba ste/de'i dus su maN+Dal gyi dbus su dong gru gsum thod pa shong ba zhig brus la/ de'i nang du dug gi me 'bar ba du ba dang bcas pa blugs te de'i steng du thod pa bzhag nas/ de'i steng nas brdzis te snga ma bzhin du sbyar bar bya'o/ /'dis bgegs de dag steng nas bka' dang dam tshig gi 'khor los gzir ba dang /'og nas dug gi mes bdugs pas de dag rab tu ma bzod nas 'khrugs te bsgrub bya myur du 'dzin par 'gyur ro/ /de'i mthus las 'grub par 'gyur ro/ /grub par gyur nas snga ma bzhin 'o mas bkrus te gdon de dag la zhi ba'i sbyin sreg zhag nyi shu rtsa gcig gi bar du bya'o//de ltar ma byas na de dag sgrub pa po la phyir gnod par 'gyur ro/ /'di ni nyi tshe ba'i 'khor lo las rtsa ba rgyas pa'i 'khor lo zhes bya ba bstan pa rdzogs so// //de nas rtsa ba'i 'khor lo de/ /'bring du bstan pa bshad par bya/ / bcu gnyis rtsibs can 'khor lo dag /lte bar re'u mig dgu ldan pa/ /dur khrod ras la bri bar bya/ /cho ga gzhan ni sngon bzhin du/ /'dir yang de bzhin shes par bya/ /yi ge ya zhes bya ba ni/ /re'u mig dbus ma la bri'o/ /yi ge k+She ni shar phyogs su/ /lho yi phyogs su yi ge ma/ / nub tu me zhes bya ba bri/ /byang du yi ge da bri'o/ /bsgrub bya'i ming ni blangs nas su/ /hUM dang phaT kyis gzir byas te/ /bskul ba'i tshig dang ldan pa dag /grwa bzhi la ni bri bar bya/ /'khor lo'i rtsibs kyi mig rnams su/ /yats+tsha ni ra zhes bya ba/ /shar nas brtsams te legs par bri/ /dza sa do ru zhes bya ba'i//yi ge de yi rjes su bri bya ba/ /Na yo ni rA zhes bya ba'i/ /yi ge bzhi ni legs par dgod/ /de yi phyi rol khor yug tu/ /yi ge'i phreng ba bris kyang rung / /ci bde bar ni bris nas ni/ /cho ga lhag ma thams cad kyang / /sngon du brjod pa bzhin du bya/ / yang na 'khor lo'i bye brag dag /re'u mig bcu drug ldan byas te/ /yi ge snga ma bzhin du dgod/ /yi ge phreng ba 'am bskul tshig dag /nang ngam de bzhin khor yug tu/ /ci bde bar ni bri bar bya/ /cho ga gzhan ni sngon bzhin du/ /'dir yang de bzhin shes par bya/ / de la rtsa ba'i 'khor lo 'bring du bstan pa zhes bya ba'i sgo nas las la sbyor bar 'dod pa'i sngags pas dur khrod kyi ras la sngon du brjod pa'i cho gas 'khor lo bri bar bya ste/ 'khor lo rtsibs bcu gnyis par bris pa'i lte ba la/ re'u mig dgu pa byas te de'i re'u mig dbus ma la yi ge ya bri/ de nyid kyi nang ngam khor yug tu bskul ba'i tshig hUM dang phaT kyis gzir bar bris te/'dir 'di ltar hUM che ge mo mA ra ya phaT phaT/ ces bya ba 'khor lo'i tshul du bri/ mtshams bzhir yang bskul ba de nyid bri bar bya'o/ /phyogs kyi re'u mig dang 'khor lo'i re'u mig rnams su yi ge rnams tshigs su bcad pa nas spros pa ltar bris te/de'i phyi rol khor yug tu dbyangs dang ming gi phreng ba dang / bskul ba'i tshig ngag bris kyang rung / gal te ma bris kyang rung ste/ snag tsha la sogs pa cho ga rgyas pa'i skabs su brjod pa bzhin du bris nas/ de nas kha sbyor du byed par 'dod na yang /rim pa dang rim pa ma yin pa'i tshul bris nas de dag kha sbyar te thod pa kha sbyar ba'i nang du gzhug pa la sogs pa ji ltar rgyas pa'i skabs su bstan pa bzhin du 'dir yang sbyor bar bya'o/ /gal te 'khor lo rkyang bar byed par 'dod na yang cho ga gzhan de bzhin du bya'o/ /gal te sngags pa brtson 'grus chung ba dag cho ga mang po la sbyor bar mi nus na thod pa can dang gshin rje dag dgug pa'i sbyor ba med par/bsgrub bya 'ba' zhig dgug pa'i sbyor ba bya zhing gsang sngags la sbyar bar bya ste/ tha mar dur khrod la sogs pa'i gnas su gshin rje'i skyes bu la gtad pa'i sbyor ba byas na cho ga 'di dag tsam gyis kyang las grub par 'gyur ro//gzhan yang re'u mig bcu drug pa'i 'khor lo dag la/ cho ga gzhan sngon du brjod pa bzhin du byas kyang rung / rtog pa gzhan las gsungs pa'i yi ge bcu bdun gyi 'khor lo dag kyang rung ste/ cho ga'i tshul de dag gis bsgrub par bya'o/ /nyi tshe ba'i 'khor lo zhes bya ba las rtsa ba'i 'khor lo 'bring du bstan pa rdzogs so// //de nas rtsa ba'i dkyil 'khor nyid/ /bsdus te bstan pa bshad par bya/ /dur khrod ras la blo ldan gyis/ /ya ma me da k+She zhes pa/ /dbus dang lho nas brtsams te bri/ /nang ngam phyi rol khor yug tu//bskul tshig dag kyang de bzhin bri/ /yi ge'i phreng ba'ang sngon bzhin du/ /mkhas pas de bzhin shes par bya/ /yang na re'u mig dgu ldan par/ /snga ma bzhin du bri bar bya/ /de la 'dir rtsa ba'i dkyil 'khor kun nas bsdus pa 'di la sbyor bar 'dod pas/ 'khor lo rtsibs bzhi pa'am re'u mig dgu pa'i 'khor lo la ya ma me da k+She zhes bya ba'i yi ge lnga po 'ba' zhig bris te/re'u mig dgu pa'i grwa bzhi 'am/ 'khor lo'i dbal kha bzhi la yang hUM dang phaT kyi bar du che ge mo mA ra ya/ zhes bya ba smos pa bri bar bya'o/ /dbus dang mtha' khor yug tu yang de ltar bri bar bya'o//yi ge phreng ba bris kyang rung ste de ltar legs par bris te cho ga gzhan sngon du brjod pa bzhin sbyar bar bya'o/ /'di ltar 'khor lo rgyas pa dang bsdus pa 'di dag kyang 'khor lo bri ba tsam gyi sgo nas phye ba yin te/ gsang sngags bzlas pa'i tshul dang cho ga lhag ma dag ni bye brag med par shes par bya'o//nyi tshe ba'i 'khor lo las rtsa ba'i 'khor lo bsdus te bstan pa yin te rtsa ba'i 'khor lo yongs su bstan pa rdzogs so// //da ni yan lag gi 'khor lo zhes bya ba rtogs pa rnams las ji skad du bstan pa rnams de zhar la 'dir bdag gis bsdu bar bya'o/ /de la dang por snying po'i 'khor lo zhes bya ba bstan par bya ste/snying po'i gsang sngags rnams las yi ge ji srid yod kyang rung ste/ gal te yi ge zung mar yod na ni/ yi ge dang mnyam pa'i 'khor lo'i rtsibs byas te/ yi ge dang po dbus kyi lte ba la bri'o/ /'khor lo'i rtsibs rnams la yang yi ge tshang bar bri ste/lte ba'i nang dang phyi rol gyi khor yug rnams su bskul pa'i yi ge snga ma bzhin bri ste/ cho ga gzhan ni rtsa ba'i 'khor lo bzhin du sbyar te/ bye brag tu na gsang sngags bzlas pa ni snying po'i gsang sngags nyid de/ legs par bsnyen pa bya zhing las la sbyor ba'i tshe na yang snying po'i gsang sngags de nyid la bskul ba dang bcas pas bzlas par bya'o//'di dag la ni nyi ma bzhir sbyar ba med de/ nyi ma bzhi'i sbyor ba ni yi ge sum cu rtsa gnyis pa 'ba' zhig la gsungs par shes par bya'o/ /yang na yan lag gi 'khor lo thams cad 'khor lo rtsibs bcu drug par byas te rang rang gi gsang sngags dang bskul ba'i gsang sngags dag spel mar bri bar bya'o//de la zhal gyi 'khor lo zhes bya ba ni zhal gyi gsang sngags bkod pa'i 'khor lo ste/ 'di ni oM hrIHSh+T+r-iHwi kr-i tA na na hUM phaT/ ces bya ba'i gsang sngags 'di snying po'i 'khor lo ltar dgod pa dang /bzlas pa dag byas te de nyid kyi las la sbyar bar bya ba ni zhal gyi 'khor lo zhes bya'o/ /gzhan yang mtshon cha'i sngags la sogs pa rnams la yang de bzhin du sbyar bar bya ste/ 'di ni 'khor lo rnams kyi rang rang gi bya ba bstan pa ste/ gzhan du yang de bzhin du shes par bya'o//yan lag gi 'khor lo bsdus pa'i mtshan nyid bstan pa rdzogs so// //nyi che'i 'khor lo zhes bya ba/ /de dag mdor ni bshad pa yin/ /de nas spyi yi 'khor lo yi/ /cho ga 'dir ni bshad par bya/ /dur khrod ras la mkhas pa yis/ /dug la sogs pas legs byugs te//rim pa gsum du bskor ba la/ /dang por re'u mig dgu par bya/ /de bzhin gnyis par bcu gnyis te/ /rim pa gsum par re'u mig dag /bcu drug dag tu legs par bri/ /dang po dag dang gnyis pa la/ /yi ge bcu bdun legs bri ba/ /ji ltar sngon du brjod pa bzhin//grwa bzhi dag la'ang de bzhin du/ /bskul tshig sngags kyis gzir bar bri/ /tha ma'i re'u mig bcu drug la/ /yan lag sngags su gang bshad dang / /bskul ba'i gsang sngags spel te bri/ /de nas sngon du brjod pa bzhin/ /cho ga thams cad sbyar bar bya/ / gdug pa 'dul ba'i cho ga la/ /spyi yi 'khor lor bshad pa ste/ /'di dag tsam gyis drag po yi/ /'khor lo'i sbyor ba bsdus pa yin/ /sprul pa dang ni gsang sngags kyi/ /bden pa'i byin rlabs shes bya dang / /de bzhin sbyor ba'i nus mthu dang / /gzhan gyis bsdongs pa zhes bya ba'i//rnam bzhi nus mthu rdzogs pa'i phyir/ /'khor lo sbyor ba rnams kyi mchog /rgyas 'debs rmongs dang za ba dang / /slar yang gsol ba zhes bya ba'i/ /mkha' 'gro'i las bzhi rdzogs pas kyang / /de phyir 'khor lo sbyor ba'i mchog /dbang du bya dang gzir ba dang / /rmongs dang gzhig par bya ba rnams//dus gcig sgrub par byed pas na/ /gdug pa gzhig par bya ba la/ /'khor lo sbyor ba'i mchog tu bshad/ /de la spyi'i 'khor lo'am nyi tshe ba'i gang yang rung ste/ 'khor lo'i sbyor ba'i sgo nas las grub par byed pa ni sbyor ba'i mchog tu bshad de 'di ltar las grub par byed pa las nus pa'i mthu rnam pa bzhi yongs su rdzogs pa'i phyir yang mchog tu bshad de/'dir ni sbyor ba gzhan la yang tshang bar shes par bya'o/ /de la nus mthu rnam pa bzhi ni sprul pa'i nus pa zhes bya ba'i byin gyi rlabs dang / gsang sngags bden pa'i tshig gi nus pa zhes bya ba'i byin gyi rlabs dang /rdzas dang spyod pa'i mtshan nyid bka' bzhin sbyor ba byas pa'i nus pa zhes bya ba'i byin gyi rlabs dang / gzhan gyis bsdongs shing grogs byas pa zhes bya ba'i nus pa'i byin gyi rlabs so/ /de la sprul pa ni rnam pa bzhi ste/ ye shes kyi sprul pa dang / ting nge 'dzin gyi sprul pa dang /las kyi sprul pa dang / yid la byed pa'i sprul pa'o/ /de la ye shes kyi sprul pa ni gang dag ye shes thob pa rnams sprul bas gzhan dag la phan gdags pa dang / tshar gcod pa'i las dag byed pa'i nus pa yod pa'o/ /ting nge 'dzin gyi sprul pa ni sems mnyam par gzhag pa thob pa rnams rdzu 'phrul sna tshogs kyis rang dang gzhan gyi bya ba sgrub pa'o//las kyi sprul pa ni gang dag las kyi dbang gis skye bas thob pa'i rdzu 'phrul can rnams rang dang gzhan gyi don dag spyod par nus pa'o/ /yid la byed pa'i sprul pa ni gang gis sprul pa rnam pa gsum po bzhin/ dbang 'byor pa'i rdzu 'phrul ma thob kyang / yid la byed pa rtse gcig tu byas pa nyid kyis gzhan la phan 'dogs pa dang / gnod pa sgrub pa'i rgyur 'gyur zhing don byed pa'i snang ba dag gzhan dang gzhan gyi rgyud la 'byung bar 'gyur te/ sprul pa rnam pa bzhi po 'di dag gang yang rung ba la brten nas byin rlabs lhag ma gsum po dag gis byin gyis brlab tu rung ba'i gzhir 'gyur ro//gsang sngags bden pa'i nus mthu ni/ /gang dag nus mthu khyad par du/ /'gyur zhing byin rlabs phun sum tshogs pa la dbang 'byor pa thob pa rnams kyis yi ge dang ming dang tshig gi tshogs dag la byin gyis brlabs te 'jig rten du gzhag pa dang /de bzhin du phyag rgya dang ting nge 'dzin dag la byin gyis brlabs te bzhag pa rnams gang zag gang gis de dag bzlas shing bsgoms te/ gzung ba dag byin rlabs khyad par can thob par 'gyur ro/ / sbyor ba'i nus pa ni rdzas la sogs pa du ma tshogs shing sbyor ba byas pas/ de dag dngos po rang rang gi chos nyid kyi nus pa dang / bka'i mtshan nyid kyi nus pas byin gyi rlabs 'byung bar 'gyur te/ kun rdzob kyi bden par chos rten cing 'brel bar 'byung ba mi slu bar snang ba'i phyir ro/ /gzhan gyis grogs byas pa'i nus pa ni gang dag byin gyi rlabs phun sum tshogs pa la dbang thob pa rnams la mchod pa dang bzlas brjod dang sbyin sreg la sogs pa dag gis mnyes par byas shing /legs par bsnyen pas de dag sgrub pa po la grogs byed par 'gyur te/ /de ltar na nus mthu rnam pa bzhi'i sgo nas sngags pa rnams kyis las grub par 'gyur ro//de la mkha' 'gro ma'i las bzhi ni/ mkha' 'gro ma gang dag sems can dbang du byed par 'dod na dang po blta ba dang reg pa la sogs pa'i sgo nas rgyas 'debs par byed do/ /de nas dbang po nyams par byas te rmongs par byed do//de nas za bar byed de 'dod na slar gso bar yang byed do/ /de bas na las 'di dag kun kyang 'khor lo'i sbyor ba la rdzogs te de'i phyir mchog tu bshad do/ /gzhan yang sbyor ba gcig gis dbang du bya ba dang / rmongs pa dang / gzir ba dang / mnan pa dang / lha dang dbral bar bya ba dang /brlag par bya ba rnams dus gcig tu byed par nus pa yin pas/ khyad par du gdug pa 'dul ba'i las la 'khor lo'i sbyor ba mchog tu bshad par gsungs pa yin no/ /thabs kyi cho ga 'di dag ni gdug pa can 'dul ba'i thabs nyi tshe bstan pa ste/ gang gi phyir gsang sngags rnams ni yid bzhin gyi nor bu rin po che ltar dgos pa thams cad yongs su grub par byed pa yin yang /gsang sngags gang zhig gzhi gang gi dbang du gsungs pa de nyid dgos pa de la sbyar na dngos po ngo bo nyid kyi mthus grub par bsngags pa mdzad de/ de bas na 'dir rtsa ba'i gsang sngags ni bar gcod kyi bdud gdug pa can 'dul ba'i thabs kyi dbang du gsungs pa yin pa de'i phyir/'dir yang gtso bor gdug pa 'dul ba'i thabs nyid la sbyar bar bya'o/ /sbu gu rig par bya ba dang / gnad kyi gnas yongs su gzir bar bya ba la sogs pa gdug pa 'dul ba'i thabs kyi cho ga rnam pa bdun bstan pa rdzogs so// //de nas bka' yi 'khor lo yis/ /sangs rgyas sras dang bcas pa dang / /lha dang bcas pa'i 'jig rten gyi/ /dam tshig ldan pa thams cad kun/ /bskul ba'i cho ga gang yin pa/ /legs par rab tu bshad par bya//phyogs bzhi'i zhing khams ma lus par/ /rgyal ba sras dang bcas pa dang / /zhabs 'bring bcas pa bsgom par bya/ /sangs rgyas zhing gi dbus gnas par/ /mi bskyod rdo rje bsgom par bya/ /'jam dbyangs dang po'i sangs rgyas ni/ /de yi thugs kar bsgom par bya//bdag nyid de yi thugs kar yang / /'jam dbyangs ye shes sems dpar bsgom/ /sku mdog rin chen bai DUR+Ya/ /mtshon cha ye shes ral gri 'chang / /ye shes sems dpa'i thugs kar yang / /bka' yi 'khor lo bsgom par bya/ /ral gri 'dab 'dra'i 'khor lo ni/ /rtse mo sum cu rtsa gnyis pa//rtsa ba'i sngags kyis rnam par brgyan/ /de ltar brtan par bsgoms byas nas/ /de las yi ge'i 'od zer ni/ /phyogs bcu kun du spros byas nas/ /sangs rgyas zhing rnams khyab par bya/ /bka' yi 'khor lo bskul ba yi/ /tshig 'di rab tu brjod par bya//sku gsung thugs su bdag sbyor bas/ /sangs rgyas thams cad bdag la gson/ /nga ni dus gsum bzhugs pa yi/ /sangs rgyas kun gyi ye shes sku/ /yang sangs rgyas te thugs la gnas/ /shar gyi phyogs kyi 'jig rten du/ /zhing khams dpag tu med pa na/ /sangs rgyas thams cad 'dus pa'i sku//rdo rje zhing chen rnam snang mdzad/ /de yi 'khor na gnas pa yi/ /byang chub sems dpa' bye ba brgya/ /de dag mdun du brgyug pa yi/ /rdo rje 'chang ba lnga brgyar bcas/ /rgyal ba 'khor bcas bdag la gson/ /de yi zhabs 'bring byed pa yi//lha dang drang srong gshin rje dang / /srin po klu dang rig sngags 'chang / /gnod sbyin 'byung po la sogs pa/ /sa dang mkha' la gnas pa yi/ /'byung po thams cad nga la nyon/ /nga ni dpal ldan ral gri 'chang / /bka' yi 'khor lo sbyor ba yi/ / dam tshig ral gri'i 'khor lo 'dis/ /gang zhig bka' ltar mi byed cing / /de bzhin dam la mi gnas pa/ /sku gsung las byung sangs rgyas kyang / /zhig par gyur par gdon mi za/ /oM sarba ta thA ga ta A dz+nyA pa ya ti swA hA/ 'di ltar bskul ba'i mod la ni/ /sras bcas rgyal ba thams cad dang //de bzhin du ni 'jig rten pa/ /dam tshig ldan pa thams cad kyi/ /dam tshig snying po gang yin pa/ /rang rang snying las byung nas ni/ /rtsa ba'i sngags la 'dus par 'gyur/ /de dag 'od du gyur pa las/ /dam tshig bka' yi 'khor lor gyur/ /ral gri 'bar ba'i 'khor lo ni//rtse mo sum cu rtsa gnyis pa/ /rtsa ba'i sngags dang ldan pa dag /rab tu khro zhing mi bzang pa/ /sgra che zhing ni 'joms bag can/ /rang rang steng gi nam mkha' la/ /mi bzad rab tu 'khor bar gyur/ /nam mkha' dag kyang 'grum pa dang / /sa yang kun du 'khrug par byed//sangs rgyas zhing yang g.yo byed pa'i/ /sgra grag pa dang tshig kyang 'byin/ /nga ni dam tshig 'khor lo ste/ /sangs rgyas byang chub sems dpa' dang / /de bzhin rdo rje 'chang bar bcas/ /lha dang bcas pa'i 'jig rten gyi/ /dam tshig 'khor lo nga yin pas/ / sangs rgyas sras dang bcas pa kun/ /dam tshig dbang gis gshegs par mdzod/ /'jam pa'i rdo rje'i bka' bzhin du/ /sangs rgyas mdzad pa sgrub par mdzod/ /lha dang bcas pa'i 'jig rten pa'i/ /dam tshig ldan pa thams cad kyang / /dam tshig dbang gis gshegs par mdzod//'jam dpal gzhon nu'i dam tshig bzhin/ /sangs rgyas phrin las grub par mdzod/ /gang zhig dam la mi gnas pa'i/ /'byung po rnams kyang nga la nyon/ /'jam dpal gzhon nu'i dam tshig zung / /bde gshegs bka' ltar ma byas shing / /legs par dam tshig ma bzung na//nga ni dam tshig 'khor lo ste/ /gnam lcags rab tu mi bzad pa/ /da lta nyid du 'bab par 'gyur/ /thal ba nyid du brlag nas kyang / /gsor mi rung bar gyur ta re/ /dam tshig 'khor los de bsgos pas/ /shar phyogs 'jig rten dpag med kyi/ / rgyal ba sras dang bcas pa dang / /lha dang bcas pa'i 'jig rten gyi/ /dam tshig ldan dang mi ldan pa/ /kun nas 'dus par gyur pa las/ /sangs rgyas sras dang bcas pa kun/ /sku gsung rdo rje bzhugs par 'gyur/ /de nas 'jam rgyal khro bo yang / /'jam pa'i khro bo mi bzad pa//gshin rje gshed po nyid du gyur/ /dam tshig ldan pa'i 'jig rten pa/ /phyag 'tshal thal mo sbyar nas ni/ /bdag cag dam tshig ldan pa rnams/ /dam tshig bzhin du 'dus 'gyur bas/ /bka' ci stsal ces gsol bar byed/ /'byung po dam tshig med pa rnams/ / de bzhin thal mo sbyar nas ni/ /'jam rgyal khro bo'i bka' bzhin du/ /bdag cag dam tshig 'dzin par 'tshal/ /mthu chen khyod kyi bka' bzhin du/ /deng nas bzung ste gnas par bgyi/ /de skad gsol ba thos nas kyang / /'jam rgyal khro bo'i rnal 'byor pas/ /rgyal ba 'khor bcas thams cad la//'dod don gsol ba gdab pa dang / /rdo rje mngag gzhug bcas pa la/ /rang gi 'dod pa'i las bskul bya/ /de ltar shar phyogs zhing khams kyi/ /bka' yi 'khor lo rdzogs pa dang / /de nas lho yi 'jig rten gyi/ /bka' yi 'khor lo bskor bar bya//ye shes 'khor lo'i 'od zer de/ /de bzhin lho yi phyogs su 'phros/ /lho phyogs zhing khams dpag med kyi/ /rdo rje sa chen rin chen 'byung / /rgyal ba 'khor dang bcas pa la/ /snga ma bzhin du bskul bar bya/ /lho phyogs bka' yi 'khor lo de/ /legs par rdzogs par gyur pa dang //nub kyi 'khor lo bskul bar bya/ /ye shes dam tshig 'od zer de/ /nub kyi phyogs su 'phros nas kyang / /rdo rje lhun po 'od dpag med/ /rgyal ba 'khor dang bcas pa kun/ /snga ma bzhin du bskul bar bya/ /de nas dam tshig 'od zer de//byang gi phyogs su spros nas kyang / /rdo rje sbyin pa don grub pa/ /'khor bcas de bzhin bskul bar bya/ /de nas sangs rgyas zhing 'di ru/ /rgyal ba 'khor bcas 'dus gyur nas/ /kun kyang sngon gyi dam tshig bzhin/ /ye shes rdo rje khro bor gyur/ /khro bo de dag re re yang //rdo rje 'chang ba mang pos bskor/ /rdo rje 'chang ba re re yang / /mngag gzhug pho nya mang po yis/ /sde dpon tshul du bskor ba ni/ /rab tu 'bar zhing mi bzad pa/ /rdo rje spu dang smin ma dang / /rdo rje skra dang yan lag dang / /rdo rje nyid lag sen mo can/ / kun kyang rab tu 'jigs pa'i gzugs/ /gnod sbyin srin po gshin rje yi/ /tshul 'chang ba dang rang bzhin nyid/ /de bzhin 'byung po ro langs sogs/ /skyes pa bud med gzugs dag dang / /kha cig gcan gzan khro bo'i gzugs/ /dud 'gro gtum po'i gzugs can te//lag na be con ral gri dang / /tri shUl mdung dang dgra star bcas/ /kha cig lcags kyu zhags pa dang / /de bzhin lcags sgrog dag kyang 'dzin/ /mi mgo rlon dang skam pa dang / /thod pa khrag gis bkang ba 'thung / /gzong dang phur bu mdung dang ni/ /sna tshogs gri dag rab tu thogs//kha cig so dang mchu dag kyang / /mtshon cha rab tu 'bar ba ste/ /kha cig gnam lcags kha rlangs can/ /de bzhin rlung mkhris bad kan gyi/ /kha rlangs ldan zhing dri ma dang / /mi bzang rab tu 'bar ba yi/ /rdo rje mngag gzhug 'di dag kyang / /nyi zla zhon zhing 'jig rten bskor//kha cig sprin dang rlung dag dang / /chu la zhon zhing rgyu bar byed/ /kha cig seng ge phag seng dang / /sa la zhon zhing mkha' la rgyu/ /de bzhin stag dang ma he dang / /dom dang dred dang byi la zhon/ /kha cig rnga mo bong bu la/ /zhon te 'jig rten skor bar byed/ /kha cig ro dang rdo la yang //zhon te rnam par 'phrul pa ston/ /de dag 'jam rgyal khro bo yi/ /bka' nyan mngag gzhug byed pa ste/ /'jam pa'i dbyangs kyi rnal 'byor pas/ /rang rang dam tshig bskul ba bzhin/ /gdug pa gzhig dang mnan pa dang / /bskrad dang dbye dang gzir la sogs//dam tshig bzhin du bskul byas nas/ /ji ltar 'dod pa'i las byed do/ /'dir rdo rje mngag gzhug bskul ba zhes bya ba'i thabs kyi cho gar gtogs pa/ 'jam dpal ye shes sems dpa'i ting nge 'dzin gyi bka' dang dam tshig gi 'khor lo bskor zhing bskul ba byas pas phyogs bcu'i sangs rgyas sras dang bcas pa thams cad kyang thugs dam bskul zhing sangs rgyas kyi mdzad pa la nye bar bskul ba dang /sangs rgyas kyi bstan pa la mngon par dga' zhing dam tshig 'dzin par byed pa rnams bskul te/ dpal 'jam pa'i dbyangs kyi rnal 'byor pa la dam tshig gi grogs rjes su bsgrub par bya ba dang /gang dag dam tshig dang mi ldan pa'i 'byung po rnams kyang bka'i 'khor los tshar gcad pa byas nas sgrub pa po la dngos grub kyi gegs mi byed cing las kyi grogs rjes su bsgrub pa dang / khyad par du yang sangs rgyas kyi bka' dam pa skyong bar byed pa rdo rje 'chang gi sde 'khor dang bcas pa rab tu 'bar zhing mi bzad pa'i tshogs chen po khro bo'i lus kyis gdug pa can 'dul bar mdzad pa/dam tshig bka'i 'khor lo bskor te drag po'i las nye bar bsgrub par bya ba'i phyir/ dam tshig bka'i 'khor lo bskul ba'i cho ga zhes bya ba 'di la sbyar bar bya'o//de la re zhig dang por rdo rje dkyil 'khor gyi 'khor lo bsgom pa snga ma bzhin du sbyor ba bya ba las/ cung zad bye brag tu na chos 'byung ba'i rdo rje phyogs rnams su/ phyogs gzhan gyi sangs rgyas kyi zhing khams thams cad chud par bsgom par bya'o//de'i bum pa la sangs rgyas kyi zhing 'di khongs su chud pa'i mchod rten gyi phyag rgya'i nang du sngon brjod pa lta bu'i rdo rje dkyil 'khor bsgom par bya'o/ /de'i nang du nyi ma'i dkyil 'khor gyi gdan la/ bcom ldan 'das mi bskyod pa sku mdog rin po che bai DU r+ya'i kha dog lta bu/sa gnon gyi phyag rgya can sku la rdo rje'i dkyil 'khor thams cad yongs su rdzogs par bsgom par bya'o/ /de'i thugs kar 'jam dpal gdod nas sangs rgyas zhes bya ba/ sku mdog dkar po zhal lnga zur phud lnga dang ldan pa me tog gi rgyan can phyag na shes rab kyi pha rol tu phyin pa'i glegs bam bzhi la sogs pa brgyad kyis nye bar mtshan pa bsam par bya'o//de'i thugs kar yang zla ba'i dkyil 'khor gyi steng du/ 'jam dpal ye shes sems dpa' zhes bya ba sku mdog bai DUr+Ya'i mdog lta bu phyag na ral gri dang rdo rje 'dzin pa bsam par bya'o//de'i thugs kar dam tshig bka'i 'khor lo zhes bya ba ral gri lo ma 'dra ba'i 'khor lo'i rtse mo sum cu rtsa gnyis pa/ rin po che in+d+ra nI la lta bu'i kha dog can ste ba la yi ge oM gyis mtshan pa/ rtsi bas rnams rtsa ba'i gsang sngags yi ge sum cu rtsa gnyis kyis mtshan pa/de dag kyang kha dog de nyid 'dra ba las 'od zer dmar po 'phro ba bsgom par bya'o/ /de nas shar phyogs kyi zhing khams dag tu yang / sangs rgyas kyi zhing yongs su dag pa na/ bcom ldan 'das rnam par snang mdzad rdo rje zhing zhes bya ba sku bzang po khyad par 'phags pa/yongs su dag pa'i gdul bya la snang bar mdzad pas thams cad kyi don mdzad pa/ byang chub sems dpa' mchog tu gyur pa bye ba phrag brgya la sogs pas bskor zhing mdun gyis bltas pa rdo rje 'chang rnams kyi gtso bo lnga brgya la sogs pas bskor zhing rjes su bsrung ba mdzad pa/lha dang klu dang lha ma yin la sogs pa skal ba dang ldan pa'i tshogs rnams kyis legs par bskor zhing mdun gyis bltas te/ mchod cing brjod pa'i zhing khams legs par bsam par bya'o/ /de bzhin du lho dang nub dang byang rnams su yang rdo rje sa zhes bya ba bcom ldan 'das rin chen 'byung gnas dang /rdo rje lhun po zhes bya ba bcom ldan 'das 'od dpag med dang / rdo rje sbyin pa zhes bya ba bcom ldan 'das don yod grub pa rnams rang rang gi zhing khams rnam par dag par de bzhin du bsam par bya'o/ / sangs rgyas kyi zhing 'dir yang 'khor gyi dkyil 'khor de bzhin du bsam ste/ khyad par du yang sangs rgyas kyi zhing khams 'di ni lhag par gang zag ngan pa gnas pa'i sa yin pas/ de dag gdul bar bya ba'i phyir rdo rje 'chang rnams kyi 'khor gyi dkyil 'khor na/ sngon du brjod pa lta bu'i rdo rje mngag gzhug gi tshogs rab tu mi srun zhing drag po'i las la shin tu byin gyis rlob par mdzad pa rnams kyis bskor bar bsgom par bya'o//de nas dang por dam tshig bka'i 'khor lo las/ yi ge phreng ba'i 'od zer shar phyogs kyi 'jig rten gyi khams su 'phros pas/sangs rgyas kyi zhing de dag khyab par gyur par bya'o/ /de nas bka'i 'khor lo rab tu bskul ba zhes bya ba'i tshig ji skad smos pa bzhin du bskul bas/ sangs rgyas 'khor dang bcas pa rnams rang rang gi dam tshig rjes su dran par gyur nas/ rang rang gi snying ga nas dam tshig gi snying po'i 'od zer byung ste/rtsa ba'i gsang sngags kyi yi ge la thim nas 'od du gyur te dam tshig bka'i 'khor lor gyur to/ /de nas 'khor lo rang rang gi mgo'i thad ka'i nam mkha' la rab tu 'khor zhing / shin tu rab tu 'khor bas 'ur 'ur chem chem gyi sgra gnam grum pa lta bu'i sgra rnar mi bzod pas sa 'khrug cing /sangs rgyas kyi zhing rab tu g.yo bar byed pa/ gnam lcags zhun ma ltar 'bar bas bltar mi bzod pa/ rang rang gi dam tshig gi mthu las byung bas sangs rgyas rnams kyis kyang gzhig cing gzhom par mi nus pa/ dam tshig gi bsgo ba legs par byed pas mnyan par 'os shing bden pa'i tshig sgrogs par bsgoms te bskul nas sangs rgyas kyi zhing 'dir 'dus te sangs rgyas dang byang chub sems dpa' rnams dang /rig pa'i rgyal po rdo rje 'chang 'khor dang bcas pa thams cad 'dus nas 'jam dpal ye shes sems dpa' la thim ste/dam tshig gi dbang gis 'od du gyur nas/ khro bo'i rgyal po gshin rje gshed rab tu 'bar ba'i skur gyur par bya'o/ /lha dang bcas pa'i 'jig rten pa dam tshig dang ldan pa dang / mi ldan pa dag kyang khro bo'i rgyal po'i mdun du 'dus te phyag 'tshal zhing thal mo sbyar nas/dam tshig dang ldan pa rnams ni dam tshig bzhin las nye bar sgrub par byed/ mi ldan pa rnams kyang dam tshig rjes su 'dzin par 'gyur bar bya'o/ /de nas de dag la bdag gis ji ltar 'dod pa'i las rjes su bskul zhing bcol bar bya'o//de nas lho dang nub dang byang rnams su yang de bzhin du bskul bar bya'o/ /de nas sangs rgyas kyi zhing 'dir sangs rgyas thams cad 'dus par gyur nas/ drag po'i phrin las rjes su dran par gyur te/ khyad par du yang rdo rje mngag gzhug gi tshogs rab tu mi bzad par gyur pa'i dkyil 'khor snga ma bzhin du bsgoms te bskul bar bya'o//bka'i 'khor lo bskul ba zhes bya ba'i cho ga 'di ni sngon du brjod pa'i las thams cad myur du 'grub par byed pa'o/ /dam tshig bka'i 'khor lo zhes bya ba de bzhin gshegs pa thams cad kyi dam tshig rjes su skul bar byed pa/lha dang bcas pa'i 'jig rten thams cad kyi dam tshig srog gi 'khor lo mngag gzhug gi las thams cad rab tu sgrub par byed pa/ byin rlabs thams cad sdud pa dbang phun sum tshogs pa thams cad kyi thams cad du las nye bar bskul ba zhes bya ba'i bdag nyid bstan pa rdzogs so// //gdug pa 'dul ba'i las rnams kyi/ /bya ba bzang po bshad pa las/ /bsgrub bya gang zhig brgya byin sogs/ /lha dang gnod sbyin mthu ldan pas/ /gal te bsrung bar gyur na ni/ /bsgrub bya mthu dang ldan pa ru/ /sgrub pa po la snang bar 'gyur//de tshe las gnyis ldan pa yi/ /sbyor ba rab tu brtsam par bya/ /ji skad smos pa'i rdzas rnams las/ /bsgrub bya'i gzugs brnyan rab tu bya/ /sbrul gyi sha dang pags pa dag /gzugs brnyan de la ldan par bya/ /lha yi gzugs brnyan gang yin pa//spra tshil las ni rab tu bya/ /ne le'i spu dang pags pa dag /gzugs brnyan de la ldan par bya/ /de nas bsgrub bya'i gzugs brnyan la/ /gu gul nag po dag dang ni/ /stag dang wa dang spyang ki dang / /khyi dang phag pa la sogs te/ /gzhan srog 'phrog pa'i srog chags kyi//so dang dri ma thams cad dang / /ma len byed ces grags pa yi/ /srog chags gsang ba'i dri ma dang / /smad 'tshong ma yi smad dkris dang / /de rnams gcig tu sbyar byas te/ /bsgrub par bya ba'i gzugs brnyan dang / /gnas la bdug dang byug par bya/ /de tshe rtsa ba'i gsang sngags la//dbye ba'i bskul tshig ldan pa bzlas/ /de nas bsgrub bya'i gzugs brnyan de/ /chu klung lam chen ldan pa yi/ /g.yon gyi phyogs su sba bar bya/ /de nas bdag nyid khrus byas te/ /lha yi gzugs brnyan blangs byas nas/ /sman dang spos dang rin po ches//legs par rab tu byug par bya/ /tsan+dan gnyis dang gu gul dag /dkar po'i bdug pas bdugs byas te/ /lam chen ldan pa'i chu klung de'i/ /g.yas kyi phyogs su sba bar bya/ /sngon du bstan pa'i ting nge 'dzin/ /'byung chen 'khor lo bshad pa yi/ /dbye ba'i ting 'dzin 'dir bsgom bya//de tshe gsang sngags bzlas pa ni/ /che ge mo dang de yi lha/ /b+he de sha ya phaT ces pa/ /rtsa ba'i sngags kyi rjes su bzlas/ /de nas zla ba phyed du ni/ /ting 'dzin rtse gcig gyur pa yis/ /bzlas brjod sbyor ba brtson par 'bad/ /nag po'i phyogs kyi tshes gcig nas//bcu bzhi'am bco lnga'i bar du bya/ /de nas dkar po'i tshes gcig la/ /dbang du bya ba'i sbyin sreg brtsam/ /thab khung gzhu yi dbyibs 'dra bar/ /dmar po'i shing ngam dris bsgos pa'i/ /bud shing dag dang ldan byas te/ /bud med dag las me blangs te//bdug pa me tog dmar po yi/ /sbyin sreg rab tu brtsam par bya/ /sngon du brjod pa'i ting nge 'dzin/ /'byung chen 'khor lo zhes bya ba'i/ /dbang du bya ba'i ting nge 'dzin/ /gang yin de 'dir bsgom par bya/ /de tshe gsang sngags bzlas pa ni/ /che ge mo zhes bya ba'i lha//b+ha sha ya na ye shes pa/ /mtha' mar swA hA ldan pa dag /rtsa ba'i sngags kyi rjes su brjod/ /de tshe kha zas bzang po yi/ /gtor ma de la nyin re sbyin/ /de ltar zla ba nya yi bar/ /sbyor ba rab tu brtson byas na/ /bsgrub bya bsod nams ldan pa yang / / de tshe lha dang bral gyur nas/ /bdag la rab tu dga' 'gyur te/ /sgrub po bdag nyid chen po ste/ /gdug pa rnams las rgyal bar 'gyur/ /bsgrub bya gang dag bsod nams dang ldan pa rnams la skye bas thob pa la sogs pa'i srung ma byung ste/ 'di ltar brgya byin zhes bya ba lha dang mi'i 'jig rten skyong bar byed pa des bskor bar gyur pa'i mi rnams srung bar byed pa dag /mi'i 'jig rten na gnas te gang dag bsod nams dang ldan pa'i mi rnams la mthu dang ldan pa mang pos srung bar byed do/ /gzhan yang zhing skyong dang rigs skyong la sogs pa'i lha dag dang /gang gis sbyin sreg la sogs pa'i sgo nas bsten pa'i lha rnams kyis srung bar 'gyur te/ sgrub pa po'i dbang du 'du bar mi 'gyur ba zhig na/ de'i tshe sgrub pa po'am sgrub pa'i grogs mchog dag gi rmi lam la sogs pa 'di lta bu'i snang ba 'byung ste/ bsgrub bya de ngag ni gzi byin che ba dang / dpung che ba dang / gnas bzang ba dang / go cha dang / mtshon cha dang ldan par snang bar 'gyur ro/ /gal te de lta bur gyur na de'i tshe sgrub pa pos las gnyis dang ldan pa zhes bya ba'i sbyor ba brtsam par bya'o/ /de la las gnyis gang zhe na/ dbye ba dang dbang du bya ba'o/ /de'i sbyor ba ni 'di yin te/ dang por bsgrub bya'i rjes dang dri ma la sogs pa dang / khang khyim gyis dang / dug dang ske tshe la sogs pa tsha ba'i rdzas rnams dang / sbrul gyi sha dang pags pa rnams las bsgrub bya'i gzugs brnyan bya'o/ /gro ga 'am shing shun la sogs pa la yul dang rigs dang rus dang ming rnams legs par bris te gzugs brnyan gyi snying gar gzhug par bya'o//de nas gu gul nag po dang / stag dang wa la sogs pa gcan gzan khro bo rnams kyi so dang / brun dang ma len byed ces bya ba'i srog chags byi la dang /ra thug re yin te 'di dag rang gi ma la 'jug pa'i phyir ro/ /de dag gi gsang ba'i gnas kyi dri ma ni/ de dag gi chus yang nas yang du bsgos pa shin tu dri nga bar gyur cing smad pa'i rdzas dang / smad 'tshong ma'i smad dkris rnams gcig tu sbyar te dre'u dang mdzo'i rmig pa dang dri chu rnams dang sbyar te cha gcig byug par sbyar te/bsgrub bya'i gzugs brnyan dang gnas la yang byug cing gtor bar bya'o/ /cha gcig bdug par bya ste gzugs brnyan la yang bdug cing gnas la bdug par bya'o/ /de nas bsgrub bya de gzugs brnyan la legs par dgug cing gzhug pa'i sbyor ba yang bya ste/de nas ra'i thod pa zhig la rtsa ba'i gsang sngags bris pa'i rjes su che ge mo dang de'i lha rnams b+he de sha ya phaT/ ces bya ba'i gsang sngags bris nas gzugs brnyan thod pa'i nang du bcug ste/ lam chen po dang ldan pa'i chu klung gi g.yon ngos su dong brus te/de der lam dang chu la ltag pa bstan te bcug nas dgug pa'i sbyor ba yang bya ste legs par sbas te gzhag par bya'o/ /de nas sngags pa bdag nyid khrus legs par byas gos gtsang ma bgos te lag pa dri bzang pos byugs nas/ spra tshil las bsgrub bya'i lha'i gzugs brnyan sor bzhi pa'am tshon gang ba bzhi byas te/de dag la snying gar yi ge a re re bri/ gro ga'am shog shog la che ge mo kar me Na pA laM tsa b+he de sha ya phaT/ ces bya ba bris te gzugs brnyan gcig la glan/ gzugs brnyan gcig la che ge mo'i k+She tra pA laM tsa b+he de sha ya phaT/ces bya ba bris/ gcig la che ge mo go tra pA laM tsa b+he de sha ya phaT/ ces bya ba bris/ gcig la che ge mo se be na pA laM tsa b+he de sha ya phaT/ ces bya ba bri/ de nas gu gul dkar po dang tsan+dan rnam pa gnyis dang ga bur la sogs pa sman bzang po dang / spos dang rin po che sbyar te gzugs brnyan de la byug par bya'o//de nas spyang ki'am wa'am khyi'i thod pa zhig la rtsa ba'i gsang sngags bris pa'i rjes su che ge mo dang de'i lha rnams b+he de sha ya phaT/ ces bya ba bris te/ de nas gzugs brnyan de dag ne le'i spu dang pags pa dag gis kyang dkris nas thod par bcug ste/lam dang chu klung gi g.yas ngos su dong brkos te/ de der bsgrub bya la ltag pa bstan te sba bar bya'o/ /de nas rang gi gnas su 'ongs te/ rdo rje dkyil 'khor bsgom pa dang mchod pa byas nas/ de'i 'og tu sngon du brjod pa dang 'byung ba chen po'i dkyil 'khor gyi ting nge 'dzin bstan pa las/dbye ba'i ting nge 'dzin ji skad bshad pa bzhin legs par bsgoms te/ rang gi snying ga'i sa bon gyi 'od zer las sbrul dang ne le'i tshogs mang por gyur te byung nas/ sbrul rnams ni bsgrub bya la thim/ ne le rnams ni de'i lha la thim ste/lha rnams ni ne ler gyur/ bsgrub bya rnams ni sbrul du gyur te/ de dag phan tshun sdang ba'i sems kyis shin tu 'thab par gyur par bsam zhing gsang sngags kyi bzlas brjod bya'o/ /de la gsang sngags ni ji skad du smos shing thod pa dag la bri bar bstan pa de nyid yin no//de ltar nag po'i tshes gcig nas bzung nas/ nag po'i tshes bcu bzhi'am bco lnga'i bar du zla ba phyed du brtson par bya'o/ /'dis bsgrub bya de dag lha rnams dang bral bar 'gyur ro/ /de nas lha de dag bdag la shin tu dga' bar bya ba'i phyir dbang gi sbyin sreg brtsam par bya ste/dkar po'i tshes gcig nas bzung nas bco lnga'i bar du nyi ma re re ji skad bstan pa'i sbyin sreg la brtson par bya'o/ /de yang dang po me lha mchod nas/ de nas bcom ldan 'das gshin rje gshed po mchod de/ de nas bcom ldan 'das gshegs su gsol nas/ de'i rjes su chu gtsang gis me lha la gtor te bsgrub bya'i lha rnams spyan drangs nas sbyin sreg ji ltar 'byor ba dbul bar bya'o/ /de la 'di ni bsgrub bya'i lha spyan drang ba'i snying po ste/ oM e h+ye hi sad+ya s+ya de ba dat+ta A gats+tsha ya A gats+tsha ya/ dzaHhUM baM hoH/ zhes brjod de/ lag pa'i sor mo rnams pad+ma'i tshul du sbyar bas me tog bzung ste thab tu gtor bar bya'o/ /de nas lha rnams thab tu byon par gyur pa dang / sngon du smos pa'i sreg rdzas rnams re re nas bsreg par bya zhing rtsa ba'i sngags kyi rjes su ma ma sad+ya s+ya de ba dat+ta ba sha ma na ye swA hA/ zhes pa'i sngags kyis sreg rdzas dbul bar bya'o//kha zas bzang po'i gtor ma rnams la yang gsang sngags gang yang rung bas sbyin par bya'o/ /'di ltar zla ba phyed du nyi ma re re byas na bsgrub bya'i lha de dag bdag la dga' bar 'gyur te/ de nas bdag gi las rab tu grub par 'gyur ro/ / bsgrub bya bsod nams can lhas rab tu bsrungs pa rnams lha dang dbral bar bya ba'i thabs kyi cho ga las gnyis dang ldan pa zhes bya ba rdzogs so// //de nas bshad par bya ba ni/ /gang dag gdon gyis zin pa rnams/ /gdon de dag las thar pa'i thabs/ /cho ga bzang po bshad par bya//skye dgu gang dag rang rang gi /mtshan nyid gzhan du gyur pa na/ /gdon gyis zin par shes par bya/ /de yi nad kyis btab la sogs/ /de dag thar par bya ba la/ /zhen pa dang ni ma zhen dang / /lus kun ma rungs byas pa las/ /cho ga'i bye brag shes par bya/ / sbyin sreg gtor ma 'dod phyir ram/ /gal te kyal ka'i phyir yang rung / /bza' ba'i bsam pas zhugs pa las/ /cho ga'i bye brag shes par bya/ /gal te gdon dag mthu chen dang / /mthu chung gyur ba'i bye brag las/ /cho ga'i bye brag shes par bya/ /sngags pa bzlas sogs mthu ldan dang //de bzhin mi ldan gyur pa las/ /cho ga'i bye brag shes par bya/ /dang por sbyin sreg gtor ma dag /rab tu zhi ba'i sbyor ba yis/ /bgegs rnams rab tu zhi bar bya/ /phra mo'i thabs kyis thar pa rnams/ /thabs de nyid kyis thar bar 'gyur/ /de yis thar par ma gyur na//dbang gi sbyin sreg gtor ma yis/ /gdon rnams rab tu dga' bar bya/ /'bring po rnams ni der thar 'gyur/ /gal te thal bar dka' ba rnams/ /de la bskrad pa'i sbyor ba bya/ /rdo rje rlung gi rnga mo la/ /tshogs bdag bcas pa bskyon byas te/ /mi g.yo ba zhes bya ba yi//rdo rje gtum po sprul nas ni/ /lho'am dbang ldan phyogs su bskrad/ /rdo rje sbyin sreg gtor ma yis/ /bskrad pa'i sbyor ba brtson par bya/ /rab tu thar bar dka' ba rnams/ /de yis thar bar ma gyur na/ /gsad pa'i sbyor ba brtsam par bya/ /bag zan bzang po dag las ni//gdon gyi gzugs brnyan legs par bya/ /grang ba'i nad dang ldan pa na/ /gzugs brnyan kha dog sngo skya la/ /skra tshugs thur la byil bar bya/ /tsha ba'i nad dang ldan pa na/ /gzugs brnyan kha dog dmar ser la/ /skra tshugs gyen la brdzes par bya/ /de nas kha dog bzang po yi//steng du gzugs brnyan gzhag par bya/ /de nas rdo rje pho nya yis/ /nad pa'i lus la gdon rnams kun/ /drangs shing gzugs brnyan la bstim bya/ /de nas skud pa nag po dag /nad pa'i gzugs la bskor byas shing / /gdon gyi gzugs la bcing bar bya//de nas gzugs de blangs byas te/ /lho'am dbang ldan phyogs song la/ /drag po'i hom ni sbar byas nas/ /mtshon cha ral gri bzang po yis/ /gzugs brnyan dum bur gtub bya zhing / /khros pas me la sbyin sreg bya/ /de nas nad pa dag la yang //tshe yi bum pas dbang bskur bya/ /cho ga'i rim pa 'di yis ni/ /gang zhig lo grangs bcu gnyis su/ /gdon gyis zin par gyur pa las/ /gsor mi rung ba ma gtogs par/ /gzhan las yongs su thar par 'gyur/ /'di ni gdon las thar pa yi/ /cho ga mdor bsdus bshad pa yin//de la gdon las thar bar bya ba'i cho ga yang / cho ga sla ba dang bar ma dang dka' ba'i bye brag yod pa ste/ de yang zhen pa'i bye brag dang / bsam pa'i bye brag dang / nus mthu'i bye brag dang / sngags pa'i mthu rtsal gyi bye brag gis shes par bya'o/ /de la zhen pa'i bye brag gis ni 'di ltar 'gyur te/gang ma zhen pa'i gdon las ni thar par sla'o/ /cung zad zhen pa las ni 'bring du 'gyur ro/ /cher zhen pa las ni thar par dka' bar 'gyur ro/ /gang bsam pa'i bye brag gis ni 'di ltar 'gyur ro/ /kyal ka'i bsam pas zhugs pa rnams ni thar par sla'o//gtor ma dang sbyin sreg la sogs pa 'dod pa'i phyir zhugs pa ni 'bring du 'gyur ro/ /gsad pa'i bsam pas zhugs pa rnams ni thar bar dka' bar 'gyur ro/ /nus mthu'i bye brag gis ni 'di ltar 'gyur ro/ /gang mthu med pa'i gdon gyis zin pa rnams ni thar bar sla'o//mthu dang ldan pas zin pa rnams ni 'bring du 'gyur ro/ /mthu che ba rnams kyis zin pa ni thar par dka' bar 'gyur ro/ /sngags pa'i nus mthu'i bye brag gis ni 'di ltar 'gyur te/ gang dbang bskur ba dang ting nge 'dzin dang bzlas pa la sogs pa rtsol ba'i mthu dang lhas byin gyis brlabs pa'i mthu dag che ba dang chung ba'i sgo nas kyang thar par dka' ba dang sla ba'i bye brag tu 'gyur ro//de la thar bar sla ba rnams la ni zhi ba'i gtor ma dang sbyin sreg gi sgo nas thar bar 'gyur ro/ /bar ma rnams ni zhi ba'i rjes su dbang gi gtor ma dang sbyin sreg byas te/ de ltar las gnyis kyi sgo nas thar bar 'gyur ro/ /gang dka' ba rnams ni de dag gi rjes su drag po'i las su gyur pa/ bskrad pa dang gzhom pa zhes bya ba dang ldan pas de ltar las gsum pa'am bzhi dang ldan pas thar bar 'gyur te/ gang las 'di dag legs par byas nas gsor mi rung bar gyur pa ma gtogs par gzhan thams cad la yongs su thar par 'gyur ro//de la gdon gyis zin pa'i mtshan ma ni 'di lta bu ste/ skyes bu gang dag snga ma'i gnas las bzhin mdangs dang bsam pa dang / spyod pa dag gzhan du gyur pa ste/ 'di ltar mdzes par gyur kyang rung mi mdzes par gyur kyang rung /bsam pa dge bar gyur kyang rung / mi dge bar gyur kyang rung / tshul dang ldan par spyod kyang rung / mi ldan par spyod kyang rung ste rkyen gzhan gyis gyur pa med na gdon gyis zin par shes par bya'o/ /gzhan yang skye dgu rnams nad kyi gzhi la brten nas gdon dag 'jug par 'gyur te/nad cher 'phel bar yang byed do/ /gdon dag kyang bshams pa'am bskul ba'am phrad pa'am lan gyi rgyus skye dgu 'tshe bar 'gyur bas de dag las thar pa'i cho ga brtsam par bya'o/ /de la gdon dag kyang zas kyi sgo nas rigs rnam pa gsum ste/'o ma la sogs pa kha zas gtsang ma dag la dga' ba dang / sha dang khrag la dga' ba dang / kha zas sna tshogs la dga' ba'o/ /gdon gang dag chu dang sa la dga' ba'i klu la sogs pa ni kha zas gtsang ma la dga' ba ste/ gang de dag gis zin par gyur pa nad grang zhing lus dang yan lag sprid cing rengs pa dang /nad lci zhing lus dang sems yang bar gyur pa rnams la dang po chu dang sa'i hom dang gtsang ma'i gtor mas zhi bar bya'o/ /gdon gang dag dur khrod na gnas par mos shing sha dang khrag la dga' ba'i ma mo lha bu ni nad tsha ba dang sems dang lus lci bas 'dzin par byed de/de dag la yang thog mar zhi ba'i sbyin sreg dang gtor mas dga' bar bya'o/ /de nas sha'i sbyin sreg dang khrag dang ldan pa'i gtor mas dga' bar bya'o/ /gdon gang dag gnas sna tshogs la mos shing kha zas sna tshogs la dga' ba'i gnod sbyin dang 'byung po dang ro langs lta bu ni nad glo bur ba sna tshogs kyis 'dzin par byed de/de dag la kha zas sna tshogs kyi sbyin sreg dang gtor mas dga' bar bya'o/ /de la klu yi gdon gyis zin pa rnams la klu'i hom dang / 'o ma'i gtor mas thar bar bya bar 'dod na des mtsho dang lteng ka dang chu mig dang rdzing dang khron pa dang /chu klung sna tshogs nas chu dang sa blangs te/ de nas chu de dag thams cad rin po che la sogs pa'i bum pa bzang po'am/ snod gtsang mar blugs te der ba dmar ser gyi 'o ma dang me tog bzang po yang blugs te gzhag go//sa de dag dang gu gul dkar po dang bkra shis pa'i sman sna tshogs dang bag zan du sbyar te klu rnams kyi gzugs brnyan ji skad du grags pa sna tshogs byas te chu'i nang du gzhug par bya'o/ /de nas maN+Dal pad+ma dkar po'i dbyibs su byas pa'i ge sar la chu'i snod gzhag par bya'o//'bras chan la sogs pa kha zas bzang po dang / 'o ma dang sman du sbyar ba'i gtor ma yang gzhag par bya'o/ /gzhan yang sngon po'i me tog la sogs pa'i mchod pa dang / 'o ma dang sman la sogs par sbyar ba'i mchod pa'i rdzas kyang snga ma bzhin du bshams te/bdag nyid khrus legs par byas gos gtsang ma gyon lag pa dris bskus te/ dang por rang gi lha'i rnal 'byor dang ldan pas/ dang por chu'i lha bsam pa dang spyan drang ba dang mchod pa snga ma bzhin du byas te/ de nas rang gi lha yang mchod nas de'i rjes su klu thams cad mchod par bya'o//de la klu rnams mchod pa'i sngags ni snga ma bzhin no/ /de'i rjes su 'o ma'i nang du sman dang 'bru dang / me tog dang / spos dang / rin po che rnams blugs pa'i dgang blugs dbul zhing gsang sngags rjes su bzlas par bya'o/ /de la gsang sngags ni rtsa ba'i sngags kyi rjes su sarba pan nA ga shI n+taM ku ru sA hA/zhes bya ba'i gsang sngags 'dis lan brgya phrag du ma stong phrag du mar dbul bar bya'o/ /de nas gtor ma la yang sarba pan nA ga i daM ba liM gr-i h+nA pa ya swA hA/ zhes bya ba'i gsang sngags lan du mar brjod de bsngo bar bya'o//de dag la phyag rgya ni ut+pal dang ldan par bya'o/ /de nas chu dang gtor ma bcas nas klu gnas pa'i sar bskyal bar bya'o/ /'di ni klu gdon las thar bar bya ba'i cho ga'o/ /sa bdag gi gdon gyis zin pa la ni/ sa'i hom dang rin po che'i gtor mas dga' bar bya'o//'di yang sngon du bstan pa'i sbyor ba las sdig pa'i gzugs brnyan ma gtogs pa bum pa'i sbyor ba byas te pad+ma'i steng du bzhag nas mchod pa snga ma bzhin du bya'o/ /de nas rin po che sna tshogs las gsang sngags sngon du smos pa'i pad+ma li ni zhes bya ba'i rjes su shAn+tiM ku ru swA hA/zhes bya ba brjod par bya'o/ /gtor ma la yang de nyid kyi rjes su i daM ba liM gr-ih+Na gr-ih+NA pa ya swA hA/ zhes bya bas bsngo bar bya'o/ /de dag la phyag rgya ni bum pa dang sbyar bar bya'o/ /de nas bum pa de sa bdag gnas pa'i sar sba bar bya'o/ /'di ni sa bdag gi gdon gyis zin pa las thar par bya ba'i cho ga'o//ma mo'i gdon gyis zin pa la sbyor ba khyad par du gyur pa med de zhi ba'i sbyin sreg nyid sbyar bar bya'o/ /gsang sngags ni a ti ga Na pra sha ma Na ye swA hA/ zhes bya ba sbyar bar bya'o/ /khrag gi gtor ma la yang sarba ma tri ga Na i daM ba liM gr-ih+NA pa ya swA hA/zhes bya bas bsngo bar bya'o/ /gsang sngags de gnyi ga yang rtsa ba'i gsang sngags kyi rjes su sbyar bar bya'o/ /gnod sbyin dang 'byung po la sogs pa la ni zhi ba'i sbyin sreg dang gtor ma nyid sbyar bar bya'o/ /yang na gdon thams cad la zhi ba'i sbyin sreg dang gtor ma nyid sbyar bar bya'o//gsang sngags ni rtsa ba'i gsang sngags kyi rjes su sarba gra hAn shAn+tiM ku ru swA hA/ zhes bya bas sbyin sreg bya'o/ /gtor ma yang sarba gra hAn i daM bi liM gr-i h+NA pa ya swA hA/ zhes bya ba rtsa ba'i gsang sngags kyi rjes su sbyar te bsngo bar bya'o//gal te zhi ba'i las la 'bad pa byas kyang thar par ma gyur pa rnams la ni dbang gi gtor ma byas te/ dang por me lha dang bcom ldan 'das gshin rje gshed po mchod par bya ste/ de'i rjes su gdon thams cad bkug ste sbyin sreg byin nas/ de nas yungs dkar dmar po la rtsa ba'i gsang sngags kyi rjes su sarba gra hAn pa shaM ku ru swA hA/zhes bya ba sbyar te lan stong du mar bsreg par bya ste/ de'i tshe ting nge 'dzin yang sngon du brjod pa'i 'byung ba chen po'i dkyil 'khor las dbang gi las kyi sbyor ba bzhin du bsam par bya'o/ / gtor ma yang kha dog dmar por bya ste/ ting nge 'dzin de nyid dang gsang sngags de nyid kyis sbyar bar bya'o/ /cho ga 'dis gdon dag dbang du gyur te gdon las thar par 'gyur ro/ /da ni thar bar dka' ba rnams la bgegs bskrad pa'i sbyor ba bstan par bya ste/ grog mkhar gyi sa las rlung gi rnga mo nag po zhig byas te/de'i rgyab tu tshogs kyi bdag po'i gzugs brnyan byas te bskyon nas tshogs kyi bdag po'i snying gar yi ge ga sngon po bris te gzhug /de nas gzugs brnyan de kha lho'am byang shar du bstan te bzhag la/ de'i drung du rlung gi dkyil 'khor gyi dbus su bgegs bskrad pa'i sbyin sreg bya ste/de bzhin du bgegs bskrad pa'i gtor ma yang btang nas/ gtor ma'i nang du gzugs brnyan bcug ste/ sngags pa bdag nyid bcom ldan 'das gshin rje gshed kyi ting nge 'dzin du zhugs la/ sgrub pa'i grogs mchog gi mdun na bka' nod pa'i tshul du 'dug la/de nas bdag gi dpral ba nas 'phags pa mi g.yo ba gtum po sprul te grogs mchog de nyid gyur par bsams nas/ de'i lag tu gri bzang po gtad de langs nas rang nyid kyi gsang sngags zlos shing ral gri'i thabs kyis gdon gyis zin pa la khros te/bskor zhing bgegs bskrad pa'i sbyor ba bya'o/ /sngags pa bdag nyid kyis kyang gshin rje gshed kyi ting nge 'dzin dang ldan pas/ rtsa ba'i gsang sngags kyi rjes su ma hA ga Na pa ti sa pa ri bA ra Na phaT phaT/ ces yungs kar dang phreng ba la bzlas shing zin pa la brdeg par bya'o//de nas skyes pa'am bud med gang yang rung ba zhig gis gtor ma gzugs brnyan dang bcas pa khyer te lho'am dbang ldan gyi phyogs su rgyang grags gcig tsam du 'gro bar bya'o/ /de'i rjes su 'phags pa mi g.yo ba'i sngags pa des rang gi gsang sngags bzlas pa dang / ral gri bskor ba'i thabs byed cing 'dom bdun gyi phyi nas bgegs bsdigs shing 'gro bar bya'o//de nas de dag gzugs brnyan de bskyal te slar log pa dang sngags pa bdag nyid kyis kyang bskrad par bya'o/ /de nas de'i phyi de'i nyin mo bgegs bskrad pa'i sbyin sreg dang gtor ma'i rjes su mnan pa bya'o//cho ga 'dis ni thar par dka' ba rnams kyang thar par 'gyur ro/ /da ni gdon dag zhen par gyur pa dang bsam pa dang mthu'i bye brag gis thar par shin tu dka' bar gyur pa rnams la drag po'i sbyor ba brtsam par bya ste/ de bas zhen pa dbral bar dka' bar gyur pa la ni sbyor ba drag po nyid kyis thar par 'gyur/mthu yis dbral dka' bar gyur pa la ni/ bsgom pa dang bzlas pa'i stobs bskyed pas thar bar 'gyur ro/ /de la 'dir zhi ba dang dbang dang bskrad pa'i las rnams kyis thar bar ma gyur pa de dag la yongs su gzhom pa'i cho gas 'dul bar 'dod na dang por thab khung gru gsum nag por byas te/rdo rje'am be con mtshan ma nag po sor brgyad pa byas te gzhag par bya'o/ /der dur khrod kyi mgal dum mam tsher ma can gyi shing gdug pa can blangs te gru gsum gyi dbyibs su brtsig par bya'o/ /gdon gyi gzugs brnyan grog mkhar gyi sa'am/gro ga'am shog shog la sogs pa la tshon gyis bris kyang rung ste/ gal te tsha ba'i nad dang ldan pa zhig na gdon gyi gzugs brnyan mdog dmar ser skra gyen du brdzes pa zhig bya'o/ /gal te grang ba'i nad dang ldan pa zhig na gdon gyi gzugs brnyan kha dog sngo skya skra thur du byil byil por 'dug pa zhig bya'o//de gnyis ka'i snying gar yi ge pre bri'o/ /de nas skud pa nag pos btags te phur pa zhig la brtod par bya'o/ /de nas phur pa dang gri dang gtun shing ngam be+e con yang nye 'khor du bzhag par bya'o/ /mchod pa dang gtor ma yang sngon du brjod pa bzhin du gzhag par bya'o//de nas sngags pa bdag nyid kha lho phyogs su bltas te lha'i rnal 'byor bsgom par bya ste/ me yi lha bskyed cing mchod pa'i cho ga dang / bcom ldan 'das gshin rje gshed bsam zhing mchod pa'i cho ga dag ni dgra bsreg pa'i skabs su bstan pa bzhin 'dir yang rig par bya'o//de nas gdon gyi gzugs brnyan de nad pa'i drung du bzhag ste/ de nas ting nge 'dzin dang gsang sngags dang lha rnams la nye bar bskul ba'i las rnams kyis gdon dgug pa'i sbyor ba byas te gzugs brnyan la bstim par bya'o//de nas skud pa nag po la oM badzra ban+d+ha hUM duSh+Ta gra hA na ban+d+ha baM hUM/ zhes bya ba rtsa ba'i gsang sngags kyi rjes su bzlas te gzugs brnyan bcing bar bya'o/ /de ltar yang dang yang du dgug pa'i spyor ba byas te/ khugs par mthong ba dang dang por gnas lngar phur bus gdab par bya'o//de nas gris gtub par bya'o/ /de nas be con nam gtun shing gis phye mar brdung bar bya'o/ /de nas de dag bsdus te hom du bsreg par bya'o/ /de nas thab khung gi nang du sol ba'i phye ma la sogs pa thams cad yongs su bsdus te/so so'i steng nas legs par brdzis la/ de'i steng du rdo leb la sna tshogs rdo rje bris pas mnan nas/ de'i steng du sngags pa bdag nyid g.yon brkyang ba'i sbyor bas mnan te/ gad mo drag po dgod cing gsang sngags kyi rjes su bzlas par bya'o/ /de la phur bu gdab pa dang /brdung ba dang / bsreg pa rnams kyi gsang sngags ni gong du bstan pa las bsgrub bya'i ming gi gnas su duSh+Ta gra hAn/ zhes bya ba gzhug par bya'o/ gris gtub par bya ba la ni rtsa ba'i sngags kyi rjes su ts+tshe da ts+tshe ri da ma ra ma ra khaD+gen hUM phaT/ ces brjod pa'o/ / mnan pa la ni rtsa ba'i gsang sngags kyi rjes su duSh+Tha na gra hA na sta m+b+ha ni ku ru laM hUM phaT/ ces brjod pa'o/ /'di ltar ci nus zhig drag po'i sbyor ba byas nas de nas nad pa de la sngon du bstan pa'i zhi ba'i sbyor bas khrus legs par bya ste/ de nas tshe gso ba'i cho ga la sbyar bar bya'o//de'i cho ga ni 'di yin te/ dang por maN+Dal pad+ma 'dab ma brgyad pa dkar po byas te/ der bkra shis brgyad kyi gzugs phyag rgya bri bar bya'o/ /de'i dbus su bum pa bzang po mtshan nyid thams cad yongs su rdzogs pa kha dog dkar po zhig tu sman dang / rin po che dang / 'bru la sogs pa dang ldan par byas te ba dmar ba dang dkar ba'i 'o mas legs par gang bar byas so/ /shing bzang po'i kha rgyan la sogs pa dang yang ldan par bya'o/ /de nas bdag nyid khrus legs par byas te/ lus dri bzang pos bsgos nas ras dmar po gtsang ma gyon te/ ku sha'i stan la kha nub phyogs su bltas nas 'dug par bya'o/ /nad pa'ang gos dkar po gtsang ma bskon te dkyil 'khor gyi nub phyogs su kha shar du bstan de gzhag par bya'o/ /de nas bdag nyid lha'i rnal 'byor dang ldan pas mdun du gzhal yas khang bzang po rdo rje dkyil 'khor gyi 'khor lo ji lta ba bzhin du bsgoms nas/de'i dbus su pad+ma dang zla ba'i dkyil 'khor gyi steng du nad pa dang bum pa dbyer med pas sangs rgyas tshe dang ye shes dpag tu med pa sku mdog kha ba la mtshal bzang po gtor ba ltar dmar skyar gnas pa mnyam pa'i phyag rgya'i steng na bdud rtsi'i bum pa bsnams pa zhig tu bsgom par bya'o//de'i thugs kar yang zla ba'i dkyil 'khor gyi steng du 'jam dpal gdod nas sangs rgyas zhes bya ba/ sku mdog dkar po dbu la gtsug phud lnga dang ldan pa phyag brgyad kyis nye bar mdzes pa/ shes rab kyi pha rol tu phyin pa'i glegs bam du ma la sogs pas mtshan par bsam par bya'o//de'i thugs kar yang zla ba'i dkyil 'khor gyi sting du 'jam dpal ye shes sems dpa' zhes bya ba sku mdog dmar skya phyag na pad+ma'i steng na tshe'i bum pa bsnams pa bsam par bya'o/ /yang na snga ma bzhin du mnyam gzhag gi phyag rgya'i steng na pad+ma dang bum pa bsnams pa bsam par bya'o//de'i thugs kar ye shes sems dpa' de lta bu nyid do/ /de'i thugs kar yang de bzhin du grangs med pa ji ltar nus pa bzhin bsgom par bya ste/ 'di ltar rim pa bcu'am/ rim pa brgya'am/ rim pa stong la sogs pa nas/ji srid du bye ba phrag bsam gyis mi khyab pa dang brjod du med pa thug gi bar du bsgom par bya'o/ /de nas bdag gis gsang sngags bzlas pa dang lha rnams las ye shes kyi 'od zer 'phros pas khro bo gshin rje gshed mdog dmar po lcags kyu dmar po lag na thogs pa/lus me ltar 'bar ba mtha' yas pa 'phros pas bgegs kyi gnas thams cad yongs su bcom ste/ de dag gi lag nas tshe'i rang bzhin 'od le brgan nam/ yang na bsgrub bya ci 'dra ba'i gzugs kun nas bkug ste/ phyag rgya bum pa la thim par bya'o//de la gsang sngags ni yi ge drug pa zhi ba zhes bya ba'i rjes su dzI baM wa ra de swA hA/ zhes bya ba bzlas par bya'o/ /de'i tshe bka'i 'khor lo yang bskul bar bya'o/ /de nas bum pa de bsgrub bya'i gnas lngar yang nas yang du bstim par bya'o/ /de nas rdo rje'i go cha la sogs pas srung ba'i cho ga byas pas bsgrub bya de bsrung bar 'gyur ro//de la rdo rje go cha'i phyag rgya ni lag pa gnyis sor mo phan tshun cung zad bsnol te/ mthe bo gnyis bsgreng nas bsgrub bya'i snying gar bzhag ste/ 'jam dpal gyi rtogs pa gzhan las gsungs pa'i gsang sngags bzlas pa'am/yang na go cha thams cad kyi spyi'i gsang sngags oM badzra kapa tsa rak+Sha hUM/ bya ba 'di dang sbyar bar bya'o/ /de nas skud pa la yang bsrung ba'i gsang sngags rjes su bzlas pa'i mdud pa bor te mgul ba'am dpung ba la gdags par bya'o/ /gro ga'am shing shun la sogs pa la rtsa ba'i gsang sngags mngon par bris te/phyi rol 'khor lo'i tshul du byas pa las mtshon cha sna tshogs kyis brgyan te/ gsang sngags kyis byin gyis brlabs nas legs pa dril te spyi gtsug tu gdags par bya'o/ /de bzhin du zhal gyi gsang sngags kyi 'khor lo bris te mgul par gdags par bya'o//go cha'i gsang sngags dang snying po'i gsang sngags kyi 'khor lo de bzhin du byas te dpung par gdags par bya'o/ /mtshon cha'i gsang sngags 'khor lo de bzhin du bris te lag pa'i mkhrig ma gnyis la gdags par bya'o/ /snying po dang go cha dang mtshon cha'i gsang sngags dag ni 'jam dpal gyi rtogs pa gzhan las ji skad gsungs pa de 'dir sbyar bar bya'o//las rnam bzhi'i sgo nas gdon las thar bar bya ba'i cho ga tshe bsrung ba dang bcas pa bstan pa rdzogs so// //de nas gzhan yang bshad bya ba/ /rdo rje mngag gzhug sbyor ba yis//bkra shis phun sum tshogs 'gyur pa/ /mchog tu gyur ba bshad par bya/ /sngags pa bdag nyid bkra shis shing / /de bzhin skye dgu gzhan dag kyang / /bkra shis bsgrub par bya ba dang / /bud med gang zhig bu mi 'tsho/ /yang na gdon gyi bye brag gis/ / mo gsham gyur pa gang yin pa/ /de dag bkra shis bya ba'i phyir/ /rdo rje mngag gzhug bsgrub par bya/ /lha klu gnod sbyin dri za dang / /sa'am mkha' la gnas pa yi/ /bkra shis lha rnams thams cad las/ /mchog tu gyur pa 'di yin te/ /de phyir 'dir bsgrub par bya/ /bkra shis rab tu gtsang ba'i sar//yar gyi ngo yi tshes gcig la/ /sngags pas dkyil 'khor bri bar bya/ /khru do'i tshad dang ldan pa la/ /dbus su gru gsum sum brtsegs bya/ /dbus kyi gru gsum gang yin par/ /kha dog dmar por ldan byas te/ /yi gi nr-i yis mtshan par bya/ /de nas rim pa gnyis pa la//thod pa dag gis kun du bskor/ /de nas rim pa tha ma la/ /rdo rje phreng bas bskor byas te/ /grar ni mngag gzhug phyag rgya gzhag /de yi phyi rol khor yug tu/ /ro dang mgo med ro dang ni/ /de bzhin yan lag mtshang ba/ /yan lag dag dang keng rus dang / /khyi dang wa dang ce spyang dang //kang ka bya rog 'ug pa sogs/ /shing yang rnam pa sna tshogs dang / /zhing skyong la sogs ldan par bri/ /ras dkar rab tu gtsang ma ni/ /khru phyed dang ni khru gang ba/ /gal te de las lhag kyang rung / /legs par byi dor byas nas ni/ /bcu gnyis rtsibs can 'khor lo dag /gur gum mtshal dang bsres pas bris/ /lte bar sna tshogs rdo rje bri/ /'khor lo'i rtse mo rnams la yang / /mtshon cha sna tshogs bri bar bya/ /rdo rje 'khor lo be con dang / /dgra sta ral gri tri shU la/ /mdung dang mda' dang lcags kyu dang / /tho ba gtun shing zhags pa rnams//'khor lo'i tshul du mnyam par bri/ /sna tshogs rdo rje'i lte ba la/ /yi ge oM zhes bya ba bri/ /sna tshogs rdo rje'i rtse mo yi/ /khor yug phyogs rnams thams cad du/ /rak+Sha rak+Sha zhes bya ba'i/ /yi ge phreng ba'i tshul bri ba/ /lan grangs bcu gnyis bri par bya//de nas 'khor lo'i rtsibs rnams la/ /rdo rje mngag gzhug ming gi sngags/ /yi ge bcu gnyis dgod bya ste/ /nr-i to ta ni zhes bya ba/ /lan gnyis brjod par gyur ba yis/ /yi ge brgyad du gyur bar bya/ /me sgra sgrogs byed yi ge gnyis/ /lan gnyis brjod par gyur pa yis/ / yi ge bzhi ru gyur pa yi/ /gsang sngags yi ge bcu gnyis des/ /'khor lo bcu gnyis mdzes par bya/ /yi ge de dag re re yi/ /phyogs mtshams brgyad du hUM brgyad kyis/ /so sor 'khor lo'i tshul du bskor/ /mtshon cha rnams kyi rtsa ba la/ /yi ge phaT kyis mtshan par bya/ /bkra shis srung ba'i 'khor lo de//dkyil 'khor steng du bla re bya/ /me tog bdug pa mar me dang / /dri dang bshos dang mchod yon la/ /gur gum mtshal dang bsres pa'am/ /tsan+dan dmar pos gtor bar bya/ /kha zas sna tshogs sbyar ba yi/ /gtor ma gnyis kyang gzhag bya ste/ / dang por gshin rje gshed la dbul/ /gnyis pa rdo rje mngag gzhug la/ /de bzhin mchod pa thams cad kyang / /cha gnyis lan par shes par bya/ /sngags pa gos dmar gyon nas ni/ /gshin rje sgra zhes bya ba yi/ /rnal 'byor bdag nyid bsgom par bya/ /de nas khro bo gshin rje gshed//rdo rje sbyor bas spyan drangs te/ /mdun gyi nam mkha' pad+ma la/ /nyi ma ldan pa'i steng bsams te/ /mchod dang gtor ma dbul bar bya/ /de nas bdag gi lus la gzhug /de nas mngag gzhug bsgrub pa'i phyir/ /ba spu rnams kyi bu ga las/ /ye shes 'od zer 'phros 'gyur bas//dkyil 'khor la ni thim par 'gyur/ /dkyil 'khor dur khrod byin brlabs te/ /dkyil 'khor snying por 'dus pa yis/ /kha dog ljang dmar ldan pa yi/ /yi ge nr-i la thim par 'gyur/ /'od zer 'phro 'du'i sbyor ba yis/ /sngon du brjod pa'i tshul 'dra bas/ /rdo rje mngag gzhug 'gyur bar bya//spyan drang ba dang mchod pa dang / /rang gi sngags kyis legs par bya/ /de nas rdo rje mngag gzhug gi/ /gsang sngags bzlas pa'i sbyor ba bya/ /bzlas pa'i ye shes 'od zer dag /'phro dang 'du ba'i sbyor ba yis/ /bkra shis srung ba'i 'khor lo la/ /zhu ba'i tshul du thim par bya//de ltar mchod dang bzlas pa dag /brtson dang dad par ldan pa yis/ /zla ba gcig gam yang na gsum/ /yang na zla ba drug gi bar/ /mkhas pas legs par bsnyen pa bya/ /de tshe sbyin sreg cho ga yang / /ji ltar nus pa bzhin du bya/ /de ltar bsnyen pa rdzogs gyur nas//de dag bdag nyid 'jug pa'am/ /yang na bkra shis 'dod pa yi/ /bud med skyes pa byis pa dag /khrus byas gos dmar bgos nas ni/ /me tog dmar po'i phreng ba dag /lag tu thogs te nub phyogs 'dug /thal mo sbyar nas gsol ba gdab//mngag gzhug rdo rje'i dkyil 'khor gyi/ /bkra shis srung ba'i 'khor lo 'dir/ /dam tshig bzhin du bzhugs par bgyi/ /bkra shis byin rlabs dam pa dag /ji ltar dam tshig bzhes pa bzhin/ /deng 'dir dbang bskur bdag la stsol/ /pra tI ts+tsha badzra ho/ me tog 'khor lor dor bar bya/ /de nas bdag nyid chen po des/ /rdo rje mngag gzhug bzhengs nas ni/ /bkra shis 'khor lor thim par bsam/ /de nas bkra shis 'khor lo de/ /bdag gam yang na gzhan yang rung / /gang zhig bsrung bar 'dod pa yi/ /spyi bo la ni dbang bskur bya//oM sarba mang+ga la si ka l+ya Na ba ra de swA hA/ zhes pas legs par dbang bskur nas/ /bkra shis srung ba'i 'khor lo de/ /legs par dril te rgyas btab nas/ /mgul lam dpung pa dag la gdags/ /de nas rdo rje mngag gzhug kyang / /de yi lha ru gzung bar bya//'di yis bgegs rnams thams cad las/ /bsrungs nas bkra shis ldan par bya/ /'dir sgrub pa po gang zhig bu dang tsha bo la sogs pa rigs rgyud brtan zhing bkra shis par 'dod pa dang / skyi dgu gang dag bkra mi shis par gyur pa rnams phyir bkra shis par bya ba dang / bud med gang dag bu mi 'tsho ba dang / gzhan yang gdon gyis dbang byas te mo gsham du gyur pa rnams bkra shis par bya ba'i phyir rdo rje mngag bzhug bsgrub par bya ba'i cho ga bya ste/ gang gi phyir ji skad du gsungs pa'i rdo rje mngag gzhug 'di ni lha dang bcas pa'i 'jig rten na bar du gcod pa sel bar byed pa'i mchog yin te/gang dag lhar 'dzin pa de la bkra shis sbyin par bya ba yin no/ /de bas na lhag par bkra shis 'dod pa rnams kyis 'di nyid mchog tu bsngags te bsgrub par bya'o/ /de la 'di'i cho ga ni dus bzang po dang ldan pa'i yar gyi ngo'i tshes gcig dang /bkra shis gtsang ma'i gnas su man+tal khru do pa zhig byas te/ de'i dbus su gru gsum rtse mo lhor bstan pa sum brtsegs shig bya'o/ /de la gru gsum dbus ma dmar por bya ste/ de'i steng du sna tshogs pad+ma'i steng du nyi ma'i dkyil 'khor gyi steng du yi ge nr-i ljang gu zhig bri bar bya'o//yi ge de las 'od rtsa dmar bar 'phro ba 'dra bar bri'o/ /bar ma la sa'i cha dkar por bya ste/ thod pa skam rlon gyi phreng ba bri bar bya'o/ /tha ma'i sa cha nag por byas te rdo rje'i phreng ba bris la/ grwar lcags kyi mda' gzhu kha phyir bstan te bri ba'am gzhag par bya'o//de'i phyi rol du dur khrod kyi tshul du ji dga' bar bri bar bya'o/ /de nas bkra shis srung ba'i 'khor lo yang sngon du brjod ba bzhin du bris te maN+Dal gyi steng du bla re'i tshul du dgab par bya'o/ /de nas sngags pa bdag nyid gos dkar po gyon te kha lho phyogs su bltas nas/sngon du brjod pa'i mchod pa dang / gtor ma rnams nye bar bzhag ste/ bcom ldan 'das gshin rje gshed kyi rnal 'byor ba spom par bya'o/ /de nas bcom ldan 'das ye shes kyi gshin rje gshed po spyan drangs te/ mdun gyi nam mkha' la pad+ma dang nyi ma'i gdan la bzhugs par bsam ste ji skad du smos pa'i mchod pa dang gtor ma rnams kyis sngon du brjod pa bzhin mchod nas de nas de bdag nyid la thim par bya'o//de nas rdo rje mngag gzhug bsnyen par bya ba'i phyir/ bdag gi ba spu'i bu ga thams cad nas 'od zer 'phros te dkyil 'khor gyi gnas thams cad du thim par gyur pas/dkyil 'khor de nyid du dur khrod gyi gnas su byin gyis brlabs te/ de nas yang 'od zer de dag dkyil 'khor gyi snying por 'dus te/ yi genr-i la thim par gyur nas shin tu 'od 'bar bar 'gyur te phyogs thams cad du 'phros nas rgyal ba sras dang mngag gzhug tu bcas pa rnams la thim pas 'od du gyur nas/slar 'dus te sa bon dang dbyer med par gyur pa las rdo rje mngag gzhug gi skur gyur te/ sngon du smos pa lta bu'i mtshan nyid dang ldan par bsgom mo/ /de yang snying ga'i sa bon gyi 'od zer gyis rdo rje mngag gzhug gi tshul de nyid dang 'dra ba zhig spyan drangs te bsams pa de nyid dang gnyis su med par bya'o//de yang lag pa g.yas pa khu tshur bcangs te mdzub mo dang gung mo brkyang ste cung zad phyar te g.yon pa khu tshur dkur bzhag nas gsang sngags 'di brjod par bya'o//oM e h+ye hi b+ha ga bA na ma hA badzra king+ka ra dzaHhUM baM hoH/ rak+Sha rak+Sha sa ma ya ho/ /zhes brjod par bya'o/ /de nas ar+g+haM la sogs pa'i mchod pa rnams rdo rje mngag gzhug gi snying po nyid dam/ mchod pa rang rang gi sngags kyis dbul bar bya'o//de nas rdo rje mngag gzhug gi snying po de nyid bzlas brjod bya ste/ sngags pa bdag nyid kyi lce dang rdo rje mngag gzhug gi gnas rnams nas/ gsang sngags kyi 'od zer kha dog dmar po 'phros pas phyogs bcu'i rgyal ba sras dang bcas pa mngag gzhug dang bcas pa rnams la 'phros pas 'od du gyur te/slar bsdus nas bkra shis srung ba'i 'khor lo la thim par gyur pas shin tu 'od 'bar bar gyur par bsam par bya'o/ /de nas bzlas pa gtong bar 'dod na/ 'jig rten gsum na mchog gyur pa'i/ /rdo rje mngag gzhug chen po khyod/ / bkra shis 'khor lo 'dir bzhugs la/ /bsrung ba phun sum tshogs par mdzod/ /oM muM zhes brjod de/ ar+g+ha phul bas rdo rje mngag gzhug dur khrod kyi gnas nas bzhengs te/ bkra shis kyi 'khor lo la thim par gyur par bsam mo/ /de nas bdag gis rdo rje lta bas 'khor lo de la bltas bas/bcom ldan 'das gshin rje gshed po'i mthu dang / rdo rje mngag gzhug gi mthus sus kyang dbrog par mi nus par gyur par bsam mo/ /bdag gis bsrung bar bya'o zhes bya ba'i shugs kyang gtang bar bya'o/ / 'di lta bu'i sbyor ba dang ldan pa zla ba gcig gam gsum mam drug tu sbyar nas/ de nas dkyil 'khor du gzhug par bya'o/ /tha ma'ang 'bum phrag gsum bzlas brjod byas te gzhug par bya'o/ /de yang bdag nyid bkra shis par 'dod na ni bdag nyid me tog dmar po'i phreng ba thogs te/tshigs su bcad pa la brjod pa bzhin du dkyil 'khor gyi 'khor lor me tog dor bar bya'o/ /de nas 'khor lo me tog tu bcas te bdag gi spyi bor bzhag pa bdag nyid la thim par bsam mo/ /de nas 'khor lo de legs par dril te rgyas btab la mgul pa'am dpung par gdags bar bya'o//de phyin chad rdo rje mngag gzhug nyid kyang bdag gi srung mar bya'o snyam bsams te/ 'phangs te rtag tu mchod par bya'o/ /rdo rje mngag gzhug dag dga' bar gyur pa'i zangs kyi gtsug can yang bsten par bya'o/ /'di lta bu'i sbyor ba byas pa'i sngags pa de la ma mo rnams dga' bar gyur te/ma mo'i dbang du sngags pa mi 'gyur zhing sngags pa'i dbang du ma mo rnams 'du bar 'gyur ro/ /gal te skye dgu gzhan bsrung bar 'dod na gang bsrung bar 'dod pa de nyid dkyil 'khor du gzhug par bya ste/ des snga ma bzhin du me tog dor ba dang / 'khor los spyi bor dbang bskur ba 'khor lo lus la bcang ba rnams legs par byas te/ de dag gi srung mar rdo rje mngag gzhug phog nas/ de dag gis dus dus su mchod par bya'o/ /'di lta bu'i sbyor ba dang ldan pa'i skye dgu de la/bkra mi shis par byed pa'i byis pa'i gdon dang / bud med dbang du byed pa'i gdon dang / skyes pa'i longs spyod la bar du gcod pa la sogs pa bkra mi shis par byed pa'i gdon thams cad las thar par 'gyur ro/ /rdo rje mngag gzhug gi sbyor bas bkra shis bsgrub ba'i cho ga bstan pa rdzogs so// //gang zhig 'jam dpal gzhon nu 'am/ /'jam rgyal khro bo chen po la/ /mchod dang bzlas pa'i sbyor ba yis/ /bya ba sna tshogs grub 'dod pas/ /mchod pa la sogs sbyor ba la/ /gsang sngags gang dag gang sbyor ba//mdor bsdus nas ni bshad par bya/ /sku bskyed pa dang sa bon dang / /yan lag byin gyis brlab pa dang / /bgegs bsal ba dang rdzas byin brlab/ /spyan drang ba dang gdan bzhugs dang / /zhal bsil la sogs mchod pa dbul/ /mchod dang gtor ma bsngo ba dang //bzlas dang gshegs su gsol ba dang / /bsrung dang khrus sogs spyod lam la/ /sngags sbyar tshul ni rnam gsum ste/ /gsang sngags gcig gis sbyor ba dang / /rtsa ba yan lag sngags dag gis/ /sde tshan rnams la sbyar bar bya/ /so so rang rang sngags rnams kyis//rang rang las la sbyar bar bya/ /bye brag gsum du shes par bya/ /gal te gcig gis sbyor ba na/ /gang la bzlas pa byed 'dod pa'i/ /sngags de nyid kyis las kun la/ /sbyor yang nyes par mi 'gyur te/ /ting 'dzin myur du thob par 'gyur/ / sde la sbyor bar 'dod pa na/ /rtsa ba'am ni yan lag gam/ /'on te gnyis kas sa bon bya/ /sku bskyed pa yang de bzhin bya/ /yan lag sngags kyis byin gyis brlab/ /bgegs rnams mtshon cha'i sngags kyis bsal/ /rdzas rnams byin gyis brlab pa dang / /spyan drang ba dang bzhugs pa dang //snying po sngags kyis bya bar bshad/ /me tog la sogs mchod pa ni/ /rtsa ba'i sngags kyis dbul bar bya/ /gtor ma mtshon cha'i sngags kyis bsngo/ /bzlas brjod rtsa ba'am snying po yi/ /sngags kyis lha rnams mnyes par bya/ /snying po'i sngags kyis slar gshegs gsol//bsrung ba yan lag lnga pa yi/ /sngags kyis byin gyis brlab par bya/ /khrus la sogs pa'i spyod lam la/ /ji ltar sbyar ba'ang bshad par bya/ /snying po'i sngags kyis khrus rtsi blang / /mtshon cha'i sngags kyis bgo ba dang / /sa dang chu yis bgegs bsal bya//spyi gtsug sngags kyis byin brlabs nas/ /rtsa ba'i sngags kyis bkru bar bya/ /mdun du bsams pa'i lha rnams la/ /chu yang rtsa ba'i sngags kyis dbul/ /snying po'i sngags kyis gshegs gsol te/ /yan lag lnga ba'i sngags rnams kyis//yan lag legs par 'bar byas te/ /khrus kyi gnas nas byung nas ni/ /sngags kyi khang par zhugs par bya/ /gal te bdag nyid chen po de/ /so so sngags kyi sbyor ba yis/ /rang rang las la sbyor 'dod na/ /rtog pa sna tshogs las gsungs pa'i//sa bon yi ge dag las de/ /ming gi sngags kyis sku bzhengs bya/ /byin gyis brlab pa'i gsang sngags kyang / /rtog las ji ltar gsungs las bya/ /las kun byed pas bgegs bsal te/ /spyan drangs gdan dbul la sogs pa/ /so so ji skad gsungs bzhin bya//'di ni bya ba sna tshogs la/ /sngags sbyar mdor bsdus bshad pa'o/ /de la 'dir bya ba sna tshogs la/ gsang sngags rnams ji ltar sbyar bar bya ba bstan te/ de la bya ba ni 'di lta ste/ 'phags pa 'jam dpal gzhon nur gyur pa dang / 'jam pa'i khro bo gshin rje gshed gang rung mnyes par bya ba'i sgo nas/ /dngos grub sna tshogs 'dod pa rnams/ de dag mnyes pa'i cho ga'i yan lag tu gyur pa/ lha rnams kyi sku bskyed pa'i sa bon gang gis bya ba dang / gsang sngags gang gis lha'i sku bskyed pa dang / de bzhin du lha'i sku legs par byin gyis brlab pa dang /bgegs bsal ba dang mchod pa la sogs pa'i rdzas byin gyis brlab pa dang / spyan drang ba dang / gdan la bzhugs su gsol ba dang / khrus chab gsol ba dang yon chab dbul ba dang / me tog la sogs pa mnyes pa'i mchod pa dbul ba dang /gtor ma bsngo ba dang / bzlas brjod bya ba dang / lha slar gshegs su gsol ba dang / bdag nyid bsrung ba rnams la gsang sngags gang dang gang sbyar ba dang gzhan yang khrus la sogs pa'i spyod lam dang / sbyor ba'i spyod pa rnams la gsang sngags ji ltar sbyar ba rnams rnal 'byor gyi rgyud spyi'i rjes su 'brangs nas/dgos pa bsgrub par 'dod pa'am gal te rgyud gcig gi rjes su 'brang na yang / bya ba sna tshogs kyi sbyor ba shes na the tshom med par 'gyur bas/ 'dir sngags kyi sbyor ba thams cad mdor bsdus te bstan to//de la sngags kyi sbyor ba'i tshul yang mdor bsdu na rnam pa gsum du 'gyur te/ de la dang po na gang la bzlas pa brjod pa'i gsang sngags de nyid kyis/ ji skad smos pa'i bya ba thams cad la sbyar ro zhes bya ba 'di yin no/ /gnyis pa ni rtsa ba'i sngags dang snying po la sogs pa'i yan lag gi sngags dag las ji skad du smos pa'i bya ba sde sde la sngags re re sbyar bar bya'o zhes bya ba 'di yin no//gsum pa ni ji skad du smos pa'i bya ba re re la/ gsang sngags so sor sbyar bar bya ste/ cho ga zhib mo las gsungs pa de bzhin du sbyar bar bya'o zhes bya ba ni 'di yin no//de la 'dir bcom ldan 'das 'jam dpal gzhon nur gyur pa'am/ 'jam pa'i khro bo dag gi bya ba sna tshogs la gsang sngags gang dang gang la sbyar ba bstan pa yin te/ de yang rtsa ba'i sngags dang yan lag gi sngags gnyis su gsungs te/ de la rtsa ba'i gsang sngags ni/rnam par thar pa'i sgo mtha' dag rgyas par bstan pa'i phyir/ gsang sngags kyi lha rnams kyi lus lta bu yin te de bas rtsa ba zhes bya'o/ /yan lag ni rnam par thar pa'i sgo re re ston pa'i phyir/ sngags kyi lha rnams kyi yan lag lta bu yin te/ de bas na yan lag ces bya'o//de yang snying po dang spyi gtsug dang mchog ma dang / go cha dang / mtshon cha lta bu ste de la snying po ni snying ga lta bu yin te/ rtsa ba las bsdus nas phyogs tsam ston pa'i bdag nyid yin no/ /spyi gtsug dang mchog ma ni yan lag gi gtso bo yin te/ de byin gyis rlob pa de la de skad ces bya'o//go cha ni brang la sogs pa gnad kyi gnas rnams byin gyis rlob cing srung bar byed pas go cha zhes bya'o/ /mtshon cha ni lag pa la sogs par bsams pas 'bar ba'i gzis bgegs rnams bsregs nas 'byer bar byed cing bka' las 'das pa rnams ma rungs par gyur pa rnams la sogs pa la sbyor bar byed pas mtshon cha zhes bya'o//gzhan yang las kyi sngags la sogs pa'ang yan lag tu bsdu bar bya'o/ /de re zhig 'jam dpal gzhon nur gyur pa'i rtsa ba'i gsang sngags ni rtog pa phal cher las grags pa yi ge drug pa zhes bya ba yin no//oM wA gI shwa ri muM/ gsang sngags 'di yang bcom ldan 'das 'jam dpal gzhon nur bskyed pa dang / sa bon dang / mchod pa dang / bzlas brjod dang / las la sbyar ba la sogs pa la sbyar bar bya'o/ /snying po'i sngags ni oM muM zhes bya ba 'di yin no//'di yang snga ma bzhin du thams cad la sbyar bar bya'o/ /mtshog ma la sogs pa la yang ji ltar rtog pa rnams las gsungs pa bzhin sbyar bar bya'o/ /'phags pa su sid+d+hi ka ra la sogs par bstan pas 'dir ched du bstan par ma mdzad de/ de bas na bcom ldan 'das 'jam dpal gzhon nur gyur pa mnyes par bya bar 'dod pas de dag tu gsungs pa'i cho ga nyid sbyar bar bya'o//dpal gshin rje gshed po mnyes par bya bar 'dod pas kyang gal te bya ba'i rgyud kyi rjes su 'brang bar 'dod pa rnams kyi ni/ khro bo nyid kyi rtog pa zhib mo las gsungs pa'i yan lag lnga pa'i sngags kyis byin gyis brlab pa la sogs pa'i bya ba rnams la sbyar bar bya'o//rnal 'byor rgyud kyi rjes su 'brang bar 'dod na ni/ /yan lag de dag gdon mi za bar dgos med de rtsa ba'am snying po tsam gyis sbyar bar bya'o/ /gsang sngags kyi bya ba sna tshogs yongs su sbyor ba'i cho ga bstan pa rdzogs so// //las kyi bya ba sna tshogs la/ /dkyil 'khor dag dang ri mo dang / /de bzhin brtul zhugs med par yang / /bya ba bsgrub pa bshad zin to/ /gzhan yang bya ba sna tshogs kyi/ /dngos grub sna tshogs bsgrub pa la/ /dkyil 'khor ri mo brtul zhugs la//brten pa'i cho ga bshad par bya/ /gal te sngags pa mtshan ma la/ /dga' bas dang po mtshan ma rnams/ /brtag pa'i cho ga bshad par bya/ /dngos grub rab dang bar ma dang / /dman dang phra mo grub 'dod pas/ /de dag 'grub bam mi 'grub pa'i//mtshan ma dang po brtag par bya/ /nyi ma 'byor ba bzang po la/ /sngags pas smyung ba byas nas ni/ /ras dkar gtsang ma bgos nas kyang / /gtsang zhing dben pa'i sa phyogs su/ /dkyil 'khor lnga ni dngar te bri/ /de dag ji ltar bri ba yang / /legs par rab tu bshad par bya//de dag kun la mtshungs par ni/ /dang po sa yi dkyil 'khor rnams/ /kun nas gru bzhi mdzes par bya/ /de yi dbus su chu'i dkyil 'khor/ /zlum po kun nas dgang bar bya/ /de yi steng du me tog dag /dri zhim mdzes pas dgang bar bya/ /dkyil 'khor dang po'i steng du yang //dpal ldan rnam par snang mdzad sogs/ /sangs rgyas lnga rnams dgod pa ni/ /gru gsum e yi steng du bri/ /ji ltar rigs pas bris byas nas/ /dkyil 'khor gnyis pa dag la ni/ /'jam dpal gzhon nu byams ba dang / /gzhan yang rgyal sras sna tshogs dag /nyan thos rnams dang bcas pa yang //rin chen steng du bri bar bya/ /yang na me tog nyid la ni/ /rang rang sngags kyis byin rlabs te/ /kun nas gnas par bsam par bya/ /dkyil 'khor gsum pa dag la yang / /chos kyi 'khor lo bri bya ste/ /rten 'brel sngags kyis byin gyis brlab/ / dkyil 'khor bzhi pa'i dbus dag tu/ /dpal ldan rdo rje sems dpa' gzhag /de bzhin dkyil 'khor lnga pa la/ /dkon mchog gsum gyi byin rlabs kyis/ /legs nyes gsal bar ston byed pa/ /kun nas gnas par bsam par bya/ /de ltar legs par bsams nas ni/ / dkyil 'khor lnga pa'i steng du yang / /me long ma chag ma gas pa/ /bzang po legs par phyis pa gzhag /de nas de dag mchod pa'i phyir/ /dkyil 'khor de dag re re yang / /me tog bdug pa la sogs pa'i/ /mchod pa rnams dang gtor mar bcas/ /re re la yang rdzogs par dbul//dang po sangs rgyas thams cad la/ /gnyis pa 'phags pa'i dge 'dun la/ /gsum pa dam chos 'khor lo la/ /bzhi pa rdo rje sems dpa' la/ /lnga pa gsal ston lha mo la/ /mchod pa legs par byas nas ni/ /shar gyi phyogs su kha bltas te/ /ku sha'i stan la 'dug nas ni//me long bzang po de nyid kyang / /lag pa g.yon pas bzung byas te/ /gsang sngags bzlas pa brtsam par bya/ /i ni de yi thog ma ste/ /la dad ar ni ldan pa dag /gnyis pa yin par rab tu grags/ /yA dang u dang oM sbyar ba/ / yi ge gsum sbyar gsum pa ni/ /yi ge gsum po de nyid la/ /i yi gnas su pi bzhag nas/ /lhag ma snga ma bzhin sbyar nas/ /yi ge drug tu gyur par bya/ /tha mar swA hA ldan byas la/ /thams cad mthong bar byed pa ste/ /lan 'bum sngon du bsnyen pa bya/ /de nas gzhon nu'am gzhon nu ma//mtshan ldan gcig gam gnyis sam gsum/ /zas gtsang zos shing khrus byas pa/ /de bzhin gos bzangs gyon pa dag /dkyil 'khor lnga pa'i shar phyogs nas/ /ku sha'i stan la 'dug nas ni/ /nub tu bltas te mi smra bar/ /kun nas thub par 'dug par bya//de nas sngags pa bdag nyid kyang / /khu tshur dpung par bsnol byas te/ /sa gol gdab cing gsang sngags bzlas/ /bkra shis lha mo dkar mo zhig /kun nas nye bar 'ongs nas ni/ /legs nyes ston pa bsam par bya/ /de ltar gsang sngags brgya rtsa brgyad//stod rtsa brgyad du bzlas bya zhing / /gzhon nu rnams la me long bstan/ /sangs rgyas byang chub sems dpa'am/ /sngags kyi bgrang phreng bzang po dag /bkra shis mtshan ma bzang po rnams/ /mthong bar gyur na dngos grub thob/ /sbrul dang sdom dang sdig pa dang / /de bzhin dmyal ba yi dwags rnams//mthong na dngos grub mi thob ste/ /slar yang sngags bsnyen nyid la 'bad/ /cho ga'i sbyor ba 'di yis ni/ /de bzhin gson dang 'chi ba dang / /stor ba rnyed dang mi rnyed dang / /phyi mar bde 'gro'am sdug bsngal dag /ji ltar myong bar 'gyur la sogs/ / bde bar rab tu mthong bar 'gyur/ /dbab snod la yang nyes pa med/ /de ltar bya ba zin nas ni/ /kha zas bzang po la sogs pas/ /gzhon nu de dag mgu byas te/ /dkyil 'khor gshegs su gsol te bsdu/ /de nas dgos pa'i bya ba la/ /gzhug pa'am ni bzlog par bya/ / de la sngon du dkyil 'khor dang / ri mo dang / brtul zhugs bzang po dag med par/ bzlas pa dang / sbyin sreg la sogs pa thabs sla ba rnams la brten nas/ gdug pa can 'dul ba la sogs pa las sna tshogs kyi sbyor ba bshad zin nas/ da ni dkyil 'khor dang ri mo dang phyi nang gi brtul zhugs bzang po dag la brten nas/thun mong dang mchog gi dngos grub bzang po rnams bstan par bzhed pas/ thog mar mtshan ma la dga' ba'i gang zag gzhug pa'i phyir/ pra se na blta ba zhes bya ba'i sbyor ba thog mar bstan te/ de bas na thog mar pra se na blta ste grub pa'i mtshan ma mthong na ni bsgrub pa la gzhug par bya'o//grub par mi 'gyur ba'i mtshan ma mthong na ni/ slar bsnyen pa la sbyar bar bya'o/ /mtshan ma gang yang mthong bar ma gyur na ni pra se na blta ba nyid kyi bsnyen pa la sbyar bar bya'o/ /de nas yang pra sen blta ba'i sbyor ba bya'o//de la 'di'i rim pa ni dang po bsnyen pa byas nas/ de nas pra se na blta ba'i sbyor ba byas te/ de yang dus tshod bzang po la gtsang ma'i gnas su song ste/ maN+Dal khru do pa'i tshad tsam lnga byang nas lhor dngar te byas la/ de dag kun kyang gzhi gru bzhir byas pa'i dbus su kha khyer zlum por bskor ba'i nang du chu gtsang mas bkang ste/de'i steng du me tog dri zhim po sil mas legs par bkang ste gzhag /dkyil 'khor dang po'i dbus su sangs rgyas kyi sa'i phyag rgya e gru gsum dkar po zhig rdul tshon dang me tog gis bris te/ de'i steng du dpal rnam par snang mdzad la sogs pa bde bar gshegs pa lnga rnams lugs ma 'am ri mo'am yi ge'am yang na me tog la bsngags te bzhugs su gsol lo//gnyis pa la byang chub sems dpa' sa'i phyag rgya rin po che bris te/ de'i steng du 'jam dpal gzhon nu la sogs pa'i byang chub sems dpa' rnams dang /'phags pa kauN+Di n+ya la sogs pa nyan thos chen po'i dge 'dun rnams lugs ma la sogs te snga ma bzhin du bzhugs su gsol lo/ /dkyil 'khor gsum pa la chos kyi 'khor lo'i phyag rgya bris te/ rten 'brel la sogs pa'i snying po dgod do/ / yang na dkyil 'khor gnyis pa la chos kyi 'khor lo bris te/ gsum pa la dge 'dun dkon mchog bris nas/ dkon mchog spyi'i lugs dang mthun pas de ltar bris/ bzhi pa la sangs rgyas thams cad kyi rgyal po byang chub sems kyi bdag nyid dpal rdo rje sems dpa' lugs ma la sogs pa gzhag /lnga pa la 'phags pa thams cad kyi thugs rje'i byin gyi rlabs mtshan ma nye bar ston pa'i lha mo/ tshig dbang bkra shis dkar mo rgyan thams cad kyis brgyan pa/ ri mo la sogs par gzhag pa'am/ yang na bsam par bya'o//dkyil 'khor de dag re re la yang ar+g+haM dang / me tog la sogs pa nye ba'i mchod pa rnam pa lnga dang gtor ma dang bcas pa yang gzhag par bya'o/ /de nas sngags pa bdag nyid khrus legs par byas nas/ smyung ba la gnas par byas nas/ gos dkar po gtsang ma bgos te dkyil 'khor gyi nub phyogs su rtswa ku sha'i stan la kha shar phyogs su bltas te 'dug par bya'o//me long bzang po skyon med pa zhig kyang legs par phyis te dkyil 'khor lnga pa'i steng du gzhag par bya'o/ /de nas sngags pa bdag nyid rang gi lha'i ting nge 'dzin du zhugs te mchod pa'i rdzas dang dkyil 'khor rnams la/ngo bo nyid kyis dag pa'i gsang sngags bzlas pa'i chus gtor te rnam par dag par bsams nas/ de nas dkyil 'khor dang por sangs rgyas thams cad spyan drangs nas legs par mchod par bya'o/ /de bzhin du dkyil 'khor 'og ma rnams la yang /ji ltar bkod pa'i lha rnams spyan drangs te de bzhin du mchod par bya'o/ /de nas gtor ma rnams kyang spyir 'gro ba rnams la bsngos te thams cad dga' bar byas nas lha rnams la bzod pa gsol te bzlas pa la 'jug par bya'o/ /de'i tshe lag pa g.yon pas me long bzung ste bsam pa ni 'phags pa rnams kyi byin gyi rlabs kyis/lha mo'i tshig dbang bkra shis ma bdag la nye bar dgongs shing / /legs nyes thams cad ston par dmigs te bzlas par bya'o/ /de la gsang sngags ni yi ge brgyad pa ste/ de la dang po ni I zhes bya'o/ / gnyis pa ni la dang A gnyis sbyar ba ste lA zhes bya ba'o/ /gsum pa ni ya dang a aM rnams gcig tu sbyar ba ste yUM zhes bya'o/ /de la yi ge gzhan rnams ni snga ma'i yi ge nyid la i gsal te pi'i yi ge gzhag pa ni yi ge brgyad pa ste/ pra se na thams cad mthong bar byed pa yin/ /gsang sngags 'di ltar ci nus pa bzlas te/de nas skyo bar gyur na lha rnams la bzod pa gsol te gshegs su gsol nas dkyil 'khor bsrung ba'i bsam pa dang ldan pas langs te cung zad ngal gso bar bya'o/ /de nas yang phyi de nyin par me tog rnying pa rnams bsal te/ me tog gsar pa'i maN+Dal legs par byas te yang mchod pa dang gtor ma de bzhin du phul te bzlas pa la 'jug par bya'o/ /de lta bu zhag lnga'am bdun nam 'bum phrag gcig thon par 'gyur te/ de ltar bsnyen pa byas nas pra se na blta ba'i phyir yang dkyil 'khor snga ma bzhin du legs par bya ste/byis pa gzhon nu'am gzhon nu ma/ khyim gyi chos kyis sma ma bab pa lus la skyon med pa rigs bzang ba gcig gam gnyis sam gsum zhig btsal te/ zas gtsang ma byin/ khrus legs par byas par gos gtsang ma bskon te dkyil 'khor lnga pa'i shar phyogs su ku sha'i stan la kha nub tu bltas te mi smra bar 'dug tu gzhug par bya'o//bdag nyid kyang nub phyogs su ku sha'i stan la snga ma bzhin du 'dug ste/ lag pa rdo rje khu tshur dpung bar bsnol bas se gol gyi sgras 'phags pa rnams la bskul zhing bsam pa snga ma dang ldan pas bzlas brjod brgya rtsa brgyad dam stong rtsa brgyad byas te/gzhon nu'am gzhon nu ma rnams la bstan na/ de'i tshe sangs rgyas sam byang chub sems dpa'am/ nor bu rin po che'am bgrang phreng bzang po lta bu bkra shis pa'i mtshan ma bzang po mthong na ni yid la bsam pa'i dngos grub tu 'gyur ro//gal te sbrul dang sdig pa dang / sems can dmyal ba dang yi dwags dag mthong na ni dngos grub thob par mi 'gyur bas/ slar bsnyen pa la 'bad par bya'o/ /sbyor ba'i 'dis ni dngos grub thob pa dang mi thob pa 'ba' zhig tu ma zad kyi bya ba sna tshogs mthong bar 'gyur te/de dag kyang re zhig 'dir bdag gis zhar la brjod par bya'o/ /de la nad pa lta bu 'chi'am gson par gyur pa blta bar 'dod na cho ga snga ma bzhin du byas te/ de 'chi ba'am gson par gyur pa blta ba yid la byed pas 'phags pas de bzhin du dmod btsugs te/gzhon nu rnams la bstan na gang zla ba drug gi bar du 'chi bar 'gyur ba de ni der mgo chad par snang bar 'gyur ro/ /de ltar mi 'gyur na ni mgo dang ldan par snang bar 'gyur ro/ /de ltar mi 'gyur na gzhan yang bdag gam gzhan dag skye ba phyi mar bde 'gror 'gyur ba'am ngan 'gror 'gyur ba blta bar 'dod na yang /cho ga thams cad snga ma bzhin du byas te/ skye ba phyi ma blta bar gyur pa'i bsam pas 'phangs pa'i yid la byed pas dmod btsugs te/ bltas na gang du skye bar 'gyur ba de'i gzugs brnyan 'byung bar 'gyur ro//gal te ngan 'gro'i gzugs brnyan mthong na des bsod nams bskyed pa'i las la myur du 'bad par bya'o/ /gzhan yang bdag gam gzhan gyi nor chen po dag stor nas rkun mo blta bar 'dod na/ cho ga thams cad de bzhin du byas nas rkun ma blta ba la dmigs nas bzlas brjod byas pa'i me long de bzhin du bstan na rkun ma gang yin pa de nyid kyi gzugs mthong bar 'gyur ro//gal te bdag gam gzhan la gnod pa'i gdon dag blta bar 'dod na/ yang cho ga thams cad de bzhin du byas te/ gdon blta ba'i yid la byed bas bstan na gdon gang yin pa de mthong bar 'gyur ro//cho ga 'di ni me long 'ba' zhig tu ma zad kyi thig le bzang po dang ral gri bzang po dang / snod gtsang ma bzang por blugs pa'i chu dag gis kyang mthong bar 'gyur ro/ /gzhan yang bdag nyid kyis khrus legs par byas te cho ga gzhan snga ma bzhin du byas nas/dri bzang po dang sbyar ba'i chu la sngags kyis btab ste/ lag pa g.yon pa'i mthe bong bkrus nas/ rgya skyegs kyi khu ba ska sla ran pa phun sum tshogs pas/ rim pa mang du bsku zhing gsang sngags bzlas la/ yang shel sgong la sogs pa legs par phyis te/gzugs brnyan mngon par gyur par byas nas cho ga gzhan snga ma bzhin byas te gzhon nu rnams la bstan na srid pa gsum mthong bar 'gyur ro/ /'di dag ni zhar la bshad pa ste/ 'dir ni dngos grub bsgrub par 'dod pas bsnyen pa byas nas sgrub pa la 'jug pa'i tshe pra se na bltas te dngos grub bsgrub pa'i sbyor ba byas nas 'dun pa skye bar dngos grub thob par 'gyur ba dang /thob par mi 'gyur ba'i mtshan ma mthong na yang / slar bsnyen pa la sbyar bar bya ba'i phyir bstan pa yin no/ /dngos grub kyi mtshan ma brtag pa'i sbyor ba bstan pa rdzogs so// //da ni brtul zhugs bzang po yis/ /dngos grub bzang po 'dod pa la/ /gzhon nu brtul zhugs gang yin pa/ /thog mar rab tu bshad par bya/ /sngags pas bsnyen pa byas nas ni/ /gzhon nu brtul zhugs brtsam par bya//de nas sgrub la 'jug par bya/ /ji ltar lha sras gzhon nu dag /de bzhin rig 'dzin gzhon nu ltar/ /gos dkar rab tu gtsang ma'am/ /yang na khra bo gtsang ma'am/ /gzhon nu'i tshul du bgo bar bya/ /gtsug phud gsum mam de bzhin lnga/ /legs par brgyan te gdags par bya//me tog mdzes pa'i thod dag dang / /rna cha mgul rgyan dpung rgyan dang / /legs par gser gyis spras par bya'o/ /dpral bar mtshal gyi thig le ni/ /shin tu mdzes pa zhig kyang bri/ /gzhon nu'i rgyan du 'os pa dag /ci rigs mdzes par byas nas ni/ / rin chen 'dra ba'i dkyil 'khor du/ /ri mo bkram ste mchod par bya/ /de ltar zla gsum zla drug tu/ /brtul zhugs brtan par byas nas ni/ /sgrub pa dag la zhugs pa na/ /dngos grub rab tu thob par 'gyur/ /de yi dkyil 'khor mtshan nyid kyang / /legs par 'dir ni bstan par bya//khru gang yang na de yi tshad/ /tha mar rin chen 'bar bas bskor/ /ba yi rnam lngas legs byugs shing / /dri yi chus kyang byug par bya/ /de la phye ma dkar po sogs/ /tshon sna gcig gis bri bya ba/ /pad+ma bzang po mdzes pa ni/ /ze ba bcas shing ge sar bcas//snying po oM gyis mtshan pa bri/ /de yi steng du gzhag bya ba'i/ /ri mo mtshan nyid bshad par bya/ /ras phran khru gang tsam po ni/ /gtsang mas bkal zhing btags pa las/ /kha tshar dag kyang ma nyams pa/ lhag pa'i rin gyis nyos byas pa'i/ / skyon med shin tu gtsang ba la/ /tshon rtsi bzang po skyon med pas/ /gzhon nu'i tshul can mdzes pa'i sku/ /sha tshugs ldan zhing mtshan nyid rdzogs/ /btso ma gser dang 'dra ba'i mdog /yang na dung dang kun+da 'dra/ /ut+pal sngon po mdzes pa ni/ /g.yon gyi phyag na bsnams pa ste//g.yas pa mchog sbyin phyag rgya mdzad/ /gtsug phud lnga ldan me tog mdzes/ /thams cad rgyan gyis brgyan byas pa/ /dge ba'i lag pas bri bar bya/ /kun nas me tog gtor ba dang / /rin chen ri phug na gnas shing / /lha sras gzhon nus mchod par bri//sngags pa gzhon nu'i brtul zhugs can/ /spyan sngar kun nas 'dud par bri/ /nyin re bzhin du sku gzugs de/ /dkyil 'khor steng du bkram nas ni/ /gtsang ma'i mchod pas mchod bya zhing / /brtul zhugs ldan pas bzlas pa tsam/ /wA gI shwa ri muM zhes pa/thog mar oM dang ldan pa dag /lha dang yig 'bru ma gtogs pa'i/ /rtog pa sna tshogs rab spangs nas/ /bzlas la 'bad nas grub par bya/ /sngags pa bdag nyid yan lag lngas/ /legs par byin gyis brlabs byas nas/ /mchod dang bzlas pa brtsam par bya//de ltar brtul zhugs spyad nas ni/ /gtong ba'i dus tshod shes pa na/ /bzlas pa lha la phul bya ste/ /gshegs su gsol nas lha rnams dang / /gnas sogs bsrungs nas gnas par bya/ /de ltar brtul zhugs spyad nas ni/ /de nas sgrub la 'jug par bya/ /gal te sngags pa skal ldan pa//de tshe bsgrub pa yod kyang srid/ /bsgrub pa'i cho ga bsdus pa dag /legs par rab tu bshad par bya/ /ral gri tri shUl la sogs pa/ /mtshon cha bzang po bsgrub 'dod dam/ /ldong ros mig sman la sogs pa'i/ /rdzas rnams sna tshogs bsgrub 'dod pas/ /tshes grangs bzang po dag la yang //bkra shis gtsang ma'i gnas dag tu/ /dkyil 'khor snga ma bzhin bris te/ /dpal ldan 'jam dbyangs gtso bo ni/ /legs par rab tu mchod par bya/ /ral gri la sogs mtshan ma la/ /me tog yang na bdug pa yi/ /brgya stong dag tu sbyin sreg bya//mtshon cha bsgrub par gyur na ni/ /lag pa g.yas pas bzung bar bya/ /ldong ros la sogs rdzas rnams dag /gal te bsgrub par 'dod pa na/ /bzang po'i snod dang ldan byas te/ /lag pa g.yon pas dgab par bya/ /de ltar rab tu 'bad par bya/ /de tshe nam gyi tha ma la//'bar bar gyur na nam mkhar 'gro/ /sangs rgyas zhing yang mthong bar 'gyur/ /rig 'dzin rnams kyis bkur bar 'gyur/ /gal te du ba byung gyur na/ /de yis lus ni sbed par 'gyur/ /gal te dro bar gyur na yang / /rkang mgyogs stobs dang ldan pa 'grub/ /de tshe 'grub par ma gyur kyang //phra mo'i las rnams 'grub par 'gyur/ /bkra shis phun sum tshogs 'gyur zhing / /mya ngan 'das pa'i grong mchog tu/ /myur du 'gro bar byed par 'gyur/ /gal te sgrub pa dman pa yis/ /de dag bsgrub par mi nus na/ /'o ma sgrub pa brtsam par bya/sngags pa brtul zhugs spyad pa yis/ /zla ba gza' yis zin pa'i tshe/ /ba bzang dag las byung ba yi/ /'o ma snod bzang ldan pa dag /lag pa g.yon pas bkab nas ni/ /ma btang bar du bzlas par bya/ /zla ba gza' yis ma btang bar/ /de tshe zho ru gyur na ni//'thungs pas shes rab dngos grub thob/ /gal te zho ru ma gyur kyang / /'thungs na shes rab 'phel bar 'gyur/ /gzhon nu brtul zhugs ldan pa yis/ /dngos grub bzang po grub pa dag /kun nas sbyor ba bshad zin to/ /'di ni gzhon nu brtul zhugs dang / /ri mo dang dkyil 'khor gyi sgo nas dngos grub sgrub pa'i cho ga bshad pa yin te/'phags pa su sid+d+hi ka ra la sogs pa las rgya cher bshad pa'i cho ga mdo tsam bshad par bya'o/ /re zhig 'phags pa 'jam dpal gyi rtsa ba'i gsang sngags 'bru drug pa zhes bya ba legs par mnos shing gnang ba thob pas khrus kyi cho ga dang /mchod pa dang bzlas brjod kyi sgo nas bsnyen pa byas pas dkyil 'khor dang sku gzugs kyi spyan sngar brtul zhugs brtsams pas ral gri dang tri shU la dang / be+e con la sogs pas mtshon cha'i dngos grub la sbyor ba dang /ldong ros dang any+dza na dang ri lu la sogs pa rdzas kyi dngos grub la sbyor ba'i tshe/ bdag bsam pa'i rim pa dang / lha bsam pa'i rim pa dang / de dag gi sngags dag dang / khrus la sogs pa'i bya ba la sbyor ba'i gsang sngags dag gsal bar ma bstan pas de dag brjod par bya'o//dang por phyi nang gi khrus byas nas sngags kyi khang par zhugs te/ stan la mtshon cha'i sngags kyis btab la 'dug ste/ dang por chos thams cad ngo bo nyid kyis dag par bsam mo/ /de nas snying rje chen po'i blos bskyed de/ rang gi snying gar snying po'i gsang sngags gzhag par bya'o//de la gsang sngags ni 'di'o/ /oM mu/ de nas mtshog mar mtshog ma'i gsang sngags gzhag par bya ste/ oM mu mu/ zhes bya ba ni gsang sngags so/ /de bzhin du spyi gtsug tu/ oM iM mu/ zhes bya ba gzhag par bya'o/ /de nas snying ga dang / dpung mgo gnyis dang / mgrin pa dang dpral ba rnams su/ oM iM mu swA hA/ zhes bya ba'i go cha'i gsang sngags 'di dgod par bya'o/ /de nas lag pa dang mig dag tu/ oM oM mu/ zhes bya ba mtshon cha'i sngags 'di gzhag par bya ste/ yi ge 'di dag kyang 'od 'bar bar bsgom par bya'o//des bdag 'jam pa'i rdo rje nyid du gyur pa yin par nga rgyal bya ste/ de nas bdag gi mdun du yang dkyil 'khor gyi dbus su pad+ma de nyid yi ge oM las 'dab ma stong dang ldan zhing 'od 'bar ba'i steng du/ oM mu/ zhes bya ba las 'jam dpal gzhon nu gser btso ma lta bu ut+pal dang mchog sbyin can bskyed par bya ste/de nas snying ga la sogs par snying po la sogs pa'i yan lag lnga pa'i gsang sngags dag kyang bdag nyid la bkod pa bzhin du 'dir yang dgod par bya'o/ /gzhan yang / oM wA gI shwa ri muM/ zhes bya ba rtsa ba'i gsang sngags las kyang / 'jam dpal gzhon nur gyur pa'i sku dung dang / me tog kun+da'i kha dog lta bu zhig bskyed par bya ste/ de nas snying po'i sngags kyis spyan drang ba byas nas bskyed pa'i rim pa bzhin du mchod par bya ste/ mtshon cha'i sngags kyis nor bu blangs nas rtsa ba'i gsang sngags bzlas brjod bya'o/ /de yang mi myur mi bul zhing lha dang gsang sngags la sems pa ma gtogs par/yid la byed pa thams cad spangs te/ ji srid yid mi skyo ba'i bar du bzlas nas gtong bar 'dod pa na/ bzlas pa de yang grangs kyi rnam pa yid la byed pas lha la phul te snying po'i sngags kyis gshegs su gsol/bdag nyid yan lag lnga pa'i sngags kyis bsrungs nas cung zad dbugs phyung ste bsod nams kyi las gzhan dag bya'o/ /'di ni re zhig gzhon nu brtul zhugs kyi sgo nas dngos grub bsgrub pa'i sbyor ba bstan pa yin no/ /gang dag bzlas pa la mi dga' zhing sgom pa la mos pa rnams kyis 'khor lo bsgom par bya ste/'di yang gzhan du rgya cher bshad pas rtsa ba'i 'khor lo 'ga' zhig bshad par bya'o/ /de la 'khor lo bsgom par 'dod pas mchod pa byas pa'i rjes la/ snying gar zla ba lta bu'i 'khor lo lang zhing srab la dang zhing chung ba/ rtsibs brgyad pa snying po brtsegs pa lta bu khor yug kun nas zlum pa zhig bsam par bya'o//'khor lo'i phyogs bzhir dag thams cad kyi rtsa ba yi ge 'bru bzhi bsgom par bya'o/ /'di ltar oM aM iM uM rnams bsam mo/ /mtshams bzhir wA gI shwa ra zhes bya ba bsams te/ de ltar rtsibs brgyad la yi ge 'bru brgyad kha dog dkar zhing 'od gsal ba ma rig pa'i mun pa thams cad sel bar byed pa blos dus gcig tu gsal bar bsgom par bya'o//snying po la ni yi ge mu rab tu 'od 'bar ba bsams te/ de'i 'od zer gyis yi ge dang 'khor lo dang bdag gi lus thams cad gsal ba/nyon mongs pa'i dri ma thams cad kyang dag cing gsal bar ji ltar nus pa bsam par bya'o/ /gtong bar 'dod pa na chos thams cad kyang rang gi sems snang ba tsam ste sems ni shes rab kyi 'khor lor gyur cing snang la ji ltar 'khor lo dang zhing gsal la zhi ba bzhin du/ chos thams cad kyang spros pa rab tu zhi zhing rang bzhin gyis 'od gsal te mngon par 'du bya ba thams cad dang bral bar bsams te/de bzhin du bsam par gzhag par bya'o/ /de las ldang bar 'dod na snying rje'i sems skyes par bsam ste/ 'gro ba'i don bya ba'i bsam pas langs te spyod lam dag 'tsham par bya'o//gzhon nu'i brtul zhugs la brten pa'i dngos grub kyi cho ga dang bsod nams dang ye shes kyi tshogs sgrub pa'i thabs bstan pa 'jam dpal gyi rtog pa rgya che ba dag las mdor bsdus te bstan pa rdzogs so// //de nas 'jam rgyal khro bo yi//brtul zhugs la sogs bstan par bya/ /bsnyen pa legs byas de 'og tu/ /khro bo'i brtul zhugs brtsam par bya/ /skra ni lhug par bshig byas shing / /bzhin yang rnam par bsgyur byas te/ /be+e con ral gri tri shUl sogs/ /lag pa g.yas kyis gzung bar bya//sdigs mdzub dag dang ldan par bya/ /smyung ba la yang gnas bzhin du/ /khro bo yid la dran byed cing / /gsang sngags rgyal po bzla bar bya/ /gtam gzhan smra bar mi bya ste/ /khro bo dran pa ma gtogs pa/ /'jigs dang chags pa spang bar bya/ /tha mal mi dang mi 'grogs par//gcig pu khyad par lam nas rgyu/ /'di ltar zla drug spyad nas ni/ /sgrub pa la ni 'jug par bya/ /dur khrod dben pa la sogs par/ /dkyil 'khor bzang po khyad par can/ /dur khrod thal ba'am de ldan par/ /legs par bri bar bya ba ni/ /sgo bzhir ldan zhing grwa bzhir ldan//snying po re mig dgu pa la/ /yi ge bcu bdun legs par dgod/ /de yi dbus su gshin rje gshed/ /dur khrod ras la bris pa ni/ /mi bzad rab tu 'bar ba gzhag /de yi mdun du be con dang / /ral gri tri shUl la sogs pa/ /ji ltar sngon du brjod pa bzhin/ / legs par brgyan te gzhag par bya/ /sngags pa lha yi 'byor ldan pas/ /gshin rje gshed po spyan drangs te/ /mchod pa'i cho gas mnyes byas nas/ /de nas bzlas la 'bad par bya/ /grub pa'i mtshan ma thob gyur na/ /dngos grub sngon dang mtshungs par 'gyur/ /de dag phyi rol brtul zhugs kyi//sbyor bar bcas pa bshad pa yin/ /de nas bshad par bya ba ni/ /de las mchog tu gyur pa ste/ /smyung bdag kyang bya mi dgos/ /kha zas dag kyang sdom mi dgos/ /phyag rgya sngags dang bsam pa dag /snga ma bzhin du bsgrubs nas ni/ /sha chen za zhing khrag chen 'thung //ba lang khyi sha de bzhin te/ /rta dang glang po la sogs pa'i/ /sha rnams rjen par bza' bar bya/ /khrag dang chang du sbyar ba yi/ /de bzhin bag dang ldan par btung / /bshang gci khrag la sogs pa yi/ /bdud rtsi lnga po za byed cing / /de bzhin lus kyang byug par bya//skye bo med pa'i sa phyogs su/ /khro bo'i gad mo drag por dgod/ /kun la sdigs shing nyam nga med/ /'di ltar zla drug bsgrubs nas ni/ /sgrub pa la ni 'jug par bya/ /mtshan mo dur khrod dben par ni/ /dkyil 'khor snga ma bzhin bris te/ /de bzhin sku gzugs gzhag par bya//mtshon cha la sogs de bzhin te/ /ci dga' ba dag bzhag nas ni/ /bdag nyid rnal 'byor ldan pa yis/ /gshin rje gshed po spyan drangs te/ /sha lnga dang ni bdud rtsi yis/ /nyin re rtag tu mchod byas nas/ /bzlas pa la ni rnam par 'bad/ /de ltar rab tu brtson pa la//cho 'phrul sna tshogs 'byung 'gyur yang / /ma nyams bzlas la 'bad par bya/ /de la gshin rje gshed po nyid/ /dgod cing dngos grub stsol bar byed/ /yang na mtshon cha 'bar ba dang / /'bar dang du ba dro ba 'byung / /gal te grub par ma gyur yang / /las rnams grub pa gdon mi za//'di ni brtul zhugs mchog ldan pas/ /dngos grub sgrub bar byed pa la/ /dpa' bo rnams kyis bsgrub bya ba/ /thun mong min pa bshad pa yin/ /'dir bcom ldan 'das gshin rje gshed po'i brtul zhugs spyad pas/ /dngos grub chen po rnams bsgrub par bstan pa las/brtul zhugs kyang rnam pa gnyis gsungs te/ 'di ltar phyi rol dang nang gi'o/ /de la phyi rol ni smyung ba dang bcas shing phyi rol gyi bya ba srung ba dang bcas pa'o/ /nang gi phyi rol gyi smyung ba la gnas pa dang srung ba phra mo dag med de/ rnal 'byor ba'i dam tshig gi rdzas mi la sogs pa'i sha rnam pa lnga dang /bdud rtsi rnam pa lnga la rol cing phyi rol gyi bya ba la nyam nga ba med pa'i spyod pa'o/ /de gnyis ka'i thun mong lus ngag yid gsum gyi sgo nas lha'i cha lugs 'dzin cing / gsang sngags kyi bzlas pa dang lha yid la byed pa dang ldan pa dag ni mtshungs par shes par bya'o//de la re zhig lus kyi spyod pa ni gos med pa'am yang na stag gi pags pa la sogs pa'am dur khrod kyi thal ba'am khrag lta bus bsgos pa'i ras gyon pa dang / skra spyi bor bcing ba'am/ lhug par bshig pa'am/ lus dur khrod kyi sol ba 'am thal ba la sogs pas byugs pa'am/bzhin rnam par bsgyur ba dang / dbugs 'bud pa dang / lag pa g.yas par mtshon cha be con dang / ral gri dang tri shUl la sogs pa gang yang rung ba'i mtshon cha thogs pa dang / g.yon pa'i sdigs mdzub dang ldan pas dung chen po la sogs pa'i phreng ba thogs pa dang /skye bo med pa'i lam du rgyu zhing phrad pa dag la yang lam mi 'dzur zhing phyag mi 'tshal ba dang / mtshan mo yang dur khrod la sogs pa byis pa rnams nyam nga ba'i gnas su gnas shing rgyu bar byed pa ni khro bo chen po lus kyi brtul zhugs so/ /rtag tu gsang sngags zlos shing tshig tha mal pa dag mi smra ba dang /gal te bdud kyi rigs dag yid du 'ong ba'am mi 'ong ba dag sprul nas/ spro ba'i tshig dag gis dbugs 'byin tam ma rungs pa'i tshig gis skrag par byed kyang lan smra bar mi byed pa ni ngag gi brtul zhugs so/ /rtag tu bcom ldan 'das gshin rje gshed po 'ba' zhig sems par byed cing /rtog pa gzhan yongs su 'dor ba dang / rang gi lha ma gtogs pa gzhan gang la yang ma chags shing / rtag tu rang gi lha la sems dang ba dang / gzugs mi sdug pa dag snang bar gyur cing / sgra mi snyan pa dag thos kyang sems nyam nga ba med cing /de bzhin du yid du 'ong ba'i yul dag snang bar gyur kyang / g.yeng zhing chags par mi 'gyur bar blo rab tu brtan par gnas pa ni yid kyi brtul zhugs so/ /brtul zhugs rnam pa 'di gsum dang ldan par spyad pa ni phyi dang nang gnyis ka la thun mong du 'gyur ro/ /de la khyad par ni 'di yin te phyi rol gyi brtul zhugs 'dzin pas ni kha zas mi za bar smyung ba la gnas pas dus gsum du khrus bya'o//ltogs par gyur na yang ba lang gi lci ba bza'o/ /des lus gnas par ma nus na ba'i 'o ma dang sbyar te btung bar bya'o/ /yang na ba'i rnam pa lnga legs par sbyar te btung par bya'o//de la legs par sbyar ba'i cho ga ni 'di yin te/ dang po ba lang gi lci ba dang ba'i gcin du sbyar te/ legs par mnyes nas cung zad cig gzhag par bya'o/ /de nas steng gi dngas ma dang zhabs kyi snyigs ma gnyis bzhag ste/ cha bar ma ska sla ran par blangs te der ba'i 'o ma dang ba'i mar dang ba'i kha chu rnams dang sbyar te legs par gdus nas dus dus su btung bar bya'o//gal te de ltar mi nus pa dag gis kyang dkar gsum la sogs te/ zas gtsang zhing bsngags pa zos nas khrus legs par byas te brtul zhugs spyad par bya'o/ /de la dus kyi dus chen po gsum ni nang par langs ma thag dang /nyi ma gung dang dgongs nyal ka rnam pa gsum yin no/ /lhag ma'i dus ni sa chen po byas ba'i dus su lus thams cad bkru bar bya'o/ /sa chung ngu dang snabs 'dor ba dag la ni kha dang lag pa gnyis bkru bar bya'o/ /stod smad kyi dbugs ngan pa brgyus pa dang /lud pa 'dor ba dang / kha zas za ba dang / zos pa'i rjes rnams su ni kha tsam bkru bar bya'o/ /gzhan yang bag bya bar 'os pa sangs rgyas kyis ma gnang ba ngag kyang bsrung bar bya ste/ 'di ni phyi rol gyi brtul zhugs kyi mtshan nyid thun mong ma yin pa'o//de la nang gi brtul zhugs thun mong ma yin pa'i mtshan nyid gang zhe na/ smyung ba la gnas pa med cing khrus med pa/ kha zas bsdams pa med cing gtsang sme med par bza' ba dang / dam tshig gi zas su gyur pa mi dang / glang po che dang / rta dang / ba glang dang / khyi sha rnams rjen par za ba dang /snang mdzad dang / dri chu dang / sa bon dang / pad+ma rak+ta dang / sha chen po zhes bya ba bdud rtsi lnga po rnams za zhing las bya ba gang la yang 'dzem pa dang mi 'dzem pa zhes bya ba gnyis kyi bsam pa dang / spyod pa dang bral bas gnas par byed cing brtul zhugs spyod par byed pa ni nang gi mtshan nyid do//de ltar brtul zhugs zla ba drug spyad nas sgrub pa la 'jug par gsungs te/ brtul zhugs spyod pa'i sngon rol du ni dus nges pa dang / grangs nges pa dang / mtshan ma thob pa zhes bya ba'i bsnyen pa rnam pa gsum gang yang rung ba la sbyar dgos so zhes shes par bya'o//de ltar bsnyen pa dang brtul zhugs dang ldan pas sgrub pa la 'jug par bya ste/ re zhig 'byor ba bzang po la dur khrod la sogs pa'i gnas su song ste/ dur khrod kyi thal bas ji skad gsungs pa'i dkyil 'khor mtshan mo bri bar bya'o/ / de la 'dir re zhig bcom ldan 'das kyi rdo rje dkyil 'khor gyi mtshan nyid bstan pa ni/ snying po'i dkyil 'khor re'u mig dgu dang ldan pa sna tshogs rdo rjes mtshan pa/ de'i steng du sna tshogs pad+ma 'dab ma brgyad dam bcu drug gam brgya'am stong la sogs pa ci dga' ba bri bar bya'o/ /snying po'i dkyil 'khor de'i phyi rol du grwa bzhi dang /sgo bzhi dang rta babs dang bcas pa yang bri bar bya'o/ /de'i phyi rol 'khor yug tu 'khor lo rtsibs brgya stong gi rtse mo la rdo rje 'bar bas bskor ba las me 'bar ba 'phro bar bri'o/ /dbus dang phyogs mtshams dang sgo rnams su yang / ji ltar sngon du rang gi snying gar 'khor lo bsgom pa ji lta ba bzhin du/nyi ma dang zla ba'i gnas la yi ge bcu bdun dgod par bya'o/ /me tog dang bdug pa la sogs pas mchod pa dang gtor ma la sogs pa rnams ni/ phyi nang gnyis ka la bye brag med par khrag gis gtor ba'i me tog dang sha chen po'i bdug pa dang /til chen po'i mar me'i phreng ba dang / sha sna tshogs 'di ltar sha rnam pa lnga la sogs pa srog chags thams cad kyi sha rnams dang rjen pa dang / btsos pa rnams dang bsregs pa dang / skam po rnams dang ldan pa'i bshos dang gtor ma yang dbul bar bya'o/ /de la re zhig 'di'i cho ga ni dkyil 'khor legs par bri ste/mchod pa'i rdzas kyang bsog ste sku gzugs bzang po yang dkyil 'khor du bkram nas/ ji skad du smos pa'i be con la sogs pa'i mtshon cha rus pa'i rgyan dang me tog gi rgyan gyis brgyan te/ bdug pas bdugs te bcom ldan 'das dang / bdag nyid kyi mdun du legs par btsugs te gzhag go/ /gal te rdzas las bsgrub pa zhig na mtshon cha'i gnas su ldong ros sam/ any+tsa na la sogs pa snod bzang po'i nang du gzhug go/ /de nas bdag nyid lha'i sbyor ba dang ldan pas dkyil 'khor 'khor lo'i gnas su bcom ldan 'das gshin rje gshed por bsams te/ji ltar sngon du brjod pa bzhin du der spyan drang ba dang mchod pa'i cho ga legs par bya'o/ /mtshon cha la yang mchod pa bya ste/ de nyid la me tog dang bdug pa'i sbyin sreg byas nas/ lag pa g.yas pas bzung ste bzlas brjod la 'jug par bya'o/ /de yang ji srid du mtshon cha de me ltar 'bar bar ma gyur pa de srid du bzlas par bya ba'am/yang na zla ba drug gi bar du bzlas par bya'o/ /de'i tshe mtshon cha de dag ji lta ba bzhin du 'bar ba la sogs pa'i mtshan ma byung na dang po lha la gus pas btud de/ bdag nyid phul nas dngos grub kyi rdzas de dag kyang bdag nyid dang lha dang slob dpon dang /grogs rnams la ci rigs su bsgo bar bya'o/ /gal te grub par ma gyur na yang slar spogs pa'i cho ga dag brtsam par bya'o/ /gal te grub pa las nyams par gyur na dngos grub slar dbrog pa'i cho ga dag bya'o/ /gal te dus ma yin par mtshan ma byung na srung ba byas te dus su bslang bar bya'o//gal te grub par ma gyur na yang bgo ba la sogs pa de bzhin du byas te/ legs par bsrungs te bzhag na dngos grub 'bring po thob par 'gyur ro/ /de la slar spogs pa'i cho ga ni dang por sgrub pa nyid dang 'dra ste/ zla ba drug tu sgrub pa'i cho ga de nyid slar bskyar bar bya'o/ / des grub par ma gyur na cho ga gnyis pa ni thabs de nyid zla ba gnyis su bskyar bar bya'o/ /des grub par ma gyur na yang thabs gsum pa la yang cho ga de nyid zla ba gnyis su bskyar ba yin no/ /de ltar spogs pa'i cho ga lan gsum du bsgrubs kyang sngon gyi las dang ting nge 'dzin dang / dad pa'i bye brag gis dngos grub kyi snod du cung zad ma gyur pa srid pas de nas drag shul gyi sbyor bas zhag bdun bsgrub par bya ste/rang gi snying ga'i sa bon las sprul pa'i khro bo chen po lag na lcags kyu thogs pa zhig dang / rdo rje thogs pa zhig sprul te/ lcags kyu can gyis ye shes kyi lha'i thugs ka nas drangs te/rdo rje can gyis rgyab nas brdeg cing phul te dbang med par bkug nas/ sngon du smos pa'i dngos grub kyi rten rnams la thim par bsam zhing tshig 'dis yang bskul bar bya'o/ /sku gsung thugs su bdag sbyor bas/ /sangs rgyas thams cad bdag la gson/ / nga ni dpal ldan ral gri 'chang / /bka' yi 'khor lo rab sbyor bas/ /gal te dam las 'gal gyur cing / /grub pa tshul bzhin ma stsal na/ /sangs rgyas sku gsung las byung ba'ang / /dam tshig mchog gis 'gas par 'gyur/ /zhig par gyur par gdon mi za/ /zhes bya ba'i tshig dag gis dam tshig rab tu bskul zhing /zhag bdun du bar chad med par lha gzir ba'i cho ga byas pas gdon mi za bar 'grub par bshad do/ /'di ni bcom ldan 'das 'jam pa'i khro bo'i phyi nang brtul zhugs rnam pa gnyis 'dzin pas dngos grub chen po'i sgrub pa'i khyad par bstan pa ste/ cho ga 'di dag nyid kyis lcags kyu dang zhags pa dang thod pa dang sdigs mdzub dang /gzhan yang ldong ros dang / mig sman dang ri lu dang bcud kyis len dang / rkang pa byug pa la sogs pa rdzas thams cad sgrub pa la sbyar bar bya'o/ /gal te mchog gi dngos grub chen po bsgrub mi nus pa rnams kyis ni/ 'o ma dang zho dang mar dang chu gtsang dang rtsab mo la sogs pa las bsgrub par bya'o//de la 'o ma la sogs pa bsgrub pa la ni/ sngon du bsnyen pa 'bum phrag gsum mam zla ba drug tu bsnyen pa byas te bsgrub pa zla ba phyed byas nas tha ma zla ba gzas zin pa'i nub mo dkyil 'khor byas kyang rung ma byas kyang rung ste/ zla ba gzas ma btang gi bar du mar la sogs pa lag pa g.yon pas bkab ste/ dngos grub la dmigs nas rtse gcig pas bzlas brjod byas na/ de zla ba btang bar gyur tsam na mtshan ma byung na ni/ de dag 'thungs pas shes rab 'phel ba la sogs pa dngos grub 'bring po 'byung bar 'gyur ro/ / mtshan ma ma byung na yang phan pa 'byung bar 'gyur ro/ /de lta bu dag la yang ni brtul zhugs 'dzin pa med kyang sgrub tu rung ngo / /'di ni re zhig zhar la brjod pa ste/ brtul zhugs dang ri mo dang dkyil 'khor la sogs pa dang ldan pas dngos grub chen po bsgrub pa'i mtshan nyid bstan pa rdzogs so// // dngos grub pa dag gi spyod lam gyi mtshan nyid bya ba sna tshogs dag spyod pa la tshogs chen por 'gyur ba dang / dngos grub kyi rgyur 'gyur ba dang / bgegs la sogs pa'i bar chad du mi 'gyur zhing bkra shis par 'gyur ba dang / kha na ma tho ba med pas 'gro ba rnams sdud par 'gyur ba'i cho ga rnams bshad par bya ste/de la spyod lam ni khrus dang / kha zas za ba dang / tha mal pa'i bya ba la 'jug pa'i mtshan nyid dang / nyal ba dang ldang ba'i bya ba dang / rnam par g.yeng bar bya ba'i spyod pa dag ste rtsed mo la sogs pa la 'jug pa'i mtshan nyid do/ /'di dag thams cad la yang thun mong du ni byang chub kyi sems rnam pa gnyis dang ma bral ba ste/'di chos thams cad skye ba med par rtogs pa dang / sgyu ma tsam du snang ba'i 'gro ba rnams la yongs su bskyab pa'i phyir rang gi lha'i ting nge 'dzin mi gtong ba'o/ /bgegs bskrad cing srung ba yang de nyid kyis byas par 'gyur ro/ /khyad par du ni khrus byed pa'i tshe sangs rgyas rnams kyi byang chub kyi sems kyi rang bzhin bdud rtsi'i chu yis dbang bskur bar bsam par bya ste//de yang mdun gyi nam mkha' la rang gi ye shes kyi lha bsams te de la yid kyis phyag byas nas/ ji skad smos pa'i khrus byas pas ye shes kyi bdud rtsi'i bum pas bdag la spyi bo nas dbang bskur bas sgrib pa'i dri ma thams cad yongs su dag par bsam mo//de nas yang bdag nyid kyi snyim pas chu gtsang ma blangs te/ de yang bdud rtsir bsams nas bde bar gshegs pa rnams la lan gsum du phul te slar gshegs su gsol nas/ /de nas bdag nyid ldang bar bya'o//de nas srung ba dang yang ldan par bya ste/ /'di ni re zhig khrus kyi cho ga bstan pa rnams kyi ting nge 'dzin mdor bsdus pa'o/ /kha zas za ba'i cho ga ni phyi rol dang nang gi bye brag gis rnam pa gnyis te/ de la phyi rol gyi ni sred cing chags pas longs spyad pa'i phyir ma yin gyi/phung po gnas pas bdag dang gzhan gyi don gyi phyir tshogs chen po bskyed par bya'o snyam du bsams te/ kha na ma tho ba med pa ci ran du za'o/ /nang gi dam tshig bdud rtsir byin gyis brlabs pa'i sbyor bas thams cad mchod pa ste/ /de la re zhig 'di'i cho ga ni kha zas kyi snod ni pad+ma'i snod du byin gyis brlab par bya'o//kha zas ni mi la sogs pa dam tshig gi sha rnam pa lnga dang / snang mdzad la sogs pa dam tshig gi bdud rtsi lnga'i rang bzhin du brtags te/ ye shes kyi bdud rtsi'i rang bzhin sku gsung thugs kyi bdag nyid dang ldan pa 'dod pa'i yon tan sna tshogs 'byung ba yon tan dang ldan par byin gyis brlab bo//yang na bza' ba'i bye brag rnams ni bde bar gshegs pa rnams 'od du zhu ba las gyur pa'i kha zas su bsam mo/ /btung ba'i bye brag rnams ni yul rnams 'od du zhu ba las gyur pa'i bdud rtsi btung bar bsam mo/ /de ltar yab yum gnyis su med pa'i bde ba chen po'i ros thams cad mnyes par byed pa'i mthu dang ldan par byin gyis brlab bo//de la bdag nyid kyi lus lha'i dkyil 'khor du byin gyis brlabs te lce dang lag pa dag kyang sprul pa'i lus kyis mchod pa byed pa'i bdag nyid du bsam par bya'o/ /yang na lag pa'i sor mo lnga ni rigs lnga'i bdag nyid lag mthil gyi dkyil 'khor ni sangs rgyas rnams bzhugs pa'i pho brang /kha zas rnams lag tu blangs pa ni tshogs chen po la rol cing spyod pa ste mchod pa'i ting nge 'dzin dang po'o/ /de nas kha ni rnam par thar pa'i gzhal yas khang / lce ni sangs rgyas thams cad kyi yang dag pa'i ye shes/ kha zas zos pa ni byang chub kyi sems rnam par mi rtog pa'i ro myong ba'i mtshan nyid la rol ba'i mchod pa ste/de bzhin du mchod pa gnyis pa'o/ /de nas dbang po dang bcas pa'i khog pa ni rang gi lha'i dkyil 'khor/ kha zas kyis tshim par byas pa ni rang gi lha'i dkyil 'khor rgyun du mchod pa/ zhu zhing mi snang bar gyur pas chos thams cad ma skyes pa'i ngang du rnam par dag pa ste/ 'di ltar kham gyi zas kyi rdul phra rab gcig gis kyang mchod pa gsum byas par 'gyur la/mchod pa gcig kyang byang chub kyi sems rnam pa gnyis dang ldan pas bdag dang gzhan gyi don du 'gyur zhing / bsod nams dang ye shes dag kyang rdzogs pa ste 'di ni rgya che ba bla na med pa'i mchod pa zhes bshad do/ /za ba'i ting nge 'dzin sna tshogs dag kyang 'dir 'dus par dgongs so//de la kha zas za ba'i tshe phyag rgya rnam pa bzhi yin te/ nam mkha' lding gi phyag rgyas dug sbyangs shing bdud rtsir byin gyis brlab pa dang / spyan 'dren pa'i phyag rgyas tshogs kyi 'khor lor sangs rgyas rnams spyan drangs pa dang / pad+ma'i phyag rgyas tshogs kyi 'khor lo longs spyod pa dang / slar gshegs su gsol ba'i phyag rgyas mchod pa zin nas sangs rgyas rnams rang gi gnas su gshegs par bya'o//de la nam mkha' lding gi phyag rgya ni/ mthe bong dang srin lag rtse sprad de nam mkha' lding gi mchu ltar byas lhag ma rnams sbrul mgo ltar brkyang ba 'di ni dug thams cad 'byin par byed cing / bdud rtsi sbyin par byed pa'i nam mkha' lding gi phyag rgya zhes bya ba ste/'dir ni zas kyi steng du bzhag nas rang gi lha'i gsang sngags yang rung ba'am/ rdo rje bdud rtsi'i gsang sngags sam/ yum rnams kyi sngags sam/ ngo bo nyid kyis dag pa'i sngags sam/ rdo rje mkha' lding rang gi gsang sngags kyis bzlas nas byin gyis brlab par 'gyur ro/ / yang na lha thams cad kyi de kho na nyid kyi snying po bsdus par gyur pa oM AHhUM zhes bya ba 'di nyid kyis thams cad byin gyis brlabs par 'gyur ro/ /de la nam mkha' lding gi snying po ni/ oM badzra ga ru Da a mr-i te hUM phaT/ ces bya ba 'di yin no/ /de la spyan 'dren pa'i phyag ni lag pa gnyis kyi sor mo g.yab pa'i tshul gyis snying gar mkhrig ma bsnol te/se gol lan gsum brdabs nas de nas zhi ba'i thal mo brdab pa'o/ /pad+ma'i phyag rgya ni lag pa gnyis rting pa sprad de/ mthe bo dang mthe'u chung ngos sbyar nas lhag ma pad+ma kha bye ba ltar byas te/ 'dis kha zas kyi snod bzung ste bza' zhing sbyin par bya'o/ /slar gshegs su gsol ba'i phyag rgya ni lag pa gnyis sor mo'i rgyab kyis phyir g.yab pa ste/'dis lha rnams slar gshegs su gsol ba byas par 'gyur ro/ /phyi rol gyi dgos pa'i bya ba sna tshogs la 'jug pa'i tshe ni rang gi lha'i ting nge 'dzin gyis gzhan gyi don spyod pa'i phyag rgya ni nyid mi gtong ba tsam yin no/ /nyal ba'i dus na ni stong pa nyid kyi ting nge 'dzin yid la byed pa yin no//ldang ba'i tshe na ni snying rje chen po'i stobs bskyed pa'o/ /rtsed mo la sogs pa'i rnam par g.yeng ba'i tshe na yang / dang po byang chub sems kyi shugs ma btang ba nyid kyis nyams par mi 'gyur zhes bshad do/ /'di dag tu srung ba thams cad la yang / bsrung ba'i bsam pa dang ldan pa tsam dang / sngags dang phyag rgya dang ldan pa dang /gzhan yang mig bltas pa dang / rdzas gtor ba dang / thal mo drag tu brdabs pa dag gis kyang bgegs bskrad cing srung bar 'gyur ro/ /mchod rten gdab pa dang / dam pa'i chos klog pa'i tshe na yang snying rje'i stobs kyis bdag dang gzhan gyi don bsgrub pa'i phyir/ dge ba 'di spyad par bya'o snyam du byas pa'i yid la byed pas 'phags te bya'o//spyod lam bsdus pa'i mtshan nyid ces bya ba nye bar bstan pa'i mtshan nyid rdzogs so// //nam mkha'i khams kyi mthas klas rab 'byam du/ /'jig rten dag na 'jigs byed ji snyed cig /bdud dang srin po gnod sbyin la sogs pa/ /de dag kun las gshin rje gcig mi bzad//rig pa'i rgyal po khro bo gcig pu yang / /gshin rje stong pas lhag par rab tu 'jigs/ /shin tu mi bzad khro rgyal gshin rje gshed/ /mthong ba tsam gyis khro bo thams cad kyi/ /mthu nyams spa bkong rang gi lag cha shor/ /de phyir sangs rgyas zhing khams thams cad na/ /'jigs byed rab 'jigs zhing gi rdul snyed kyang //gshin rje gshed dang mtshungs pa 'ga' ma mchis/ /de phyir rtog pa'i rgyal po 'di nyid las/ /gang bshad de ni cho ga kun gyi gtso/ /lha 'am bdud dam de bzhin gshegs kun la/ /log 'dren mu stegs skye bo ngan pa rnams/ /kun nas 'dus kyang bar du gcod mi nus/ /shes rab ting 'dzin dad pa dman pas kyang //rang gar 'dod pa'i bya ba sna tshogs byed/ /gang dag dad brtson phun sum tshogs pa yis/ /dngos grub kun la sbyor ba smos ci dgos/ /'on kyang sangs rgyas dgongs pa mi rtogs shing / /lus ngag spyod pa lam du mthong ba dag /ma rungs gzhom dang dman pa la sogs pa'i/ /tshar gcad las kyis gdul ba'i cho ga la//byang chub sems dang bral zhes rtog pa byed/ /de lta'i rgyud ldan 'gro ba dman pa yis/ /thos nas skrag gam gal te bcings gyur kyang / /zab mo don chen snying po mi mthong bas/ /dad pas byang chub sems bskyed bral ba dang / /grub dang bka' la the tshom za 'gyur te/ /kha cig skur pas ltung ba'i rgyur 'gyur bas/ /'gro ba dman 'gyur de lta gzung ba'i phyir//sangs rgyas mdzad pa'i mtshan nyid ci 'dra dang / /rnal 'byor lam chen gang gis 'grub 'gyur ba/ /de dag mdor bsdus cung zad bshad par bya/ /phyogs bcu dag na sangs rgyas ji snyed cig /'das dang da ltar ma 'ongs 'byung 'gyur ba/ /de dag dka' ba sna tshogs ci spyod kyang / /mnyam nyid snying rje thob par ma gyur bar//byang chub mchog thob gang yang yod ma yin/ /mnyam nyid de yang chos kun skye med cing / /'gag pa med cing rtag pa chad pa med/ /de bzhin 'gro dang 'ong ba'i bya ba dang / /de bzhin tha dad don dang don gcig sogs/ /'khrul pa'i blo la ji ltar snang 'gyur zhing / /mtshan ma ming gi brjod 'gyur thams cad kun/ /de la de yi rang bzhin de mi dmigs//rang bzhin shes bya gzhan gyis ma byas shing / /brten pa med cing 'gyur ba med pa ste/ /skye ba'i chos la rang bzhin de lta bu/ /yod na skye ba nyid du ga la 'gyur/ /des na rtag pa'i ngo bo 'ga' yang med/ /dngos po skye ba tsam du snang ba yang / /skad cig gcig gis skye ba'ang mi rdzogs la/ /skad cig gzhan du skye ba'ang zhig pa'i phyir//sgyu ma tsam du skye bar snang ba de/ /blo yis brtag tu rung ba'i rten med de/ /de phyir skye ba'i chos tsam yod ma yin/ /gang la skye ba dngos por ma grub pa/ /de la 'gag pa 'grub par ga la 'gyur/ /des na chos rnams 'di dag thams cad kun/ /rtag dang chad pa grub par mi 'gyur te/ /skye ba med na rtag pa ci las byung //'gag pa med na chad pa de bzhin te/ /chos rnams blo yis gzhig tu rung ba'i phyir/ /don gcig pa yang 'grub par mi 'gyur la/ /gcig la yongs su brten par ma gyur pa'i/ /du ma de yang gang gi dbang gis gzhag /gcig dang du ma grub par ma gyur pa'i/ /chos la 'gro 'ong bya ba ga la yod/ /'gro 'ong med na thar dang mthar zhes//'phags dang skye bor bzhag pa mi 'grub la/ /kun nas nyon mongs rnam par byang ba zhes/ /de yi lam du bzhag pa ga la 'grub/ /gal te don dam kun rdzob gnyis dbang gis/ /kun rdzob dbang la khyad par yod ce na/ /kun rdzob rnam par gzhag pa'i tshad gang zhig /ji ltar snang ba'i de tsam kun rdzob bam//'on te mtshan nyid rnam par gzhag pa dag /kun rdzob ces bya'i tshad du brtag grang na/ /snang ba tsam nyid kun rdzob yin gyur na/ /sems can kun la bdag lta yod pa'i phyir/ /bdag ces bya ba kun rdzob yin par 'gyur/ /de ltar gyur na kun rdzob bden pa la/ /lta ba mtho dman bye brag med par 'gyur/ /gal te snang ba'i chos kyi mtshan nyid zhig /kun rdzob bden par rnam par gzhag grang na/ /mtshan nyid blo yis phye ba yin pa'i phyir/ /de la mtha' dang tshad yod ma yin no/ /dngos gzhi tshad med pa la chos gzhig pa/ /byis pa mkha' la rtsod dang de 'dra mod/ /kun rdzob tsam du kun rdzob mi rnyed na/ /yang dag don du kun rdzob ga la rnyed/ /de ltar kun rdzob rnyed par ma gyur na//don dam de yang rnyed par mi 'gyur te/ /phan tshun ltos te rnam par gzhag pa kun/ /gang tshe ltos gzhi grub par ma gyur pa/ /de tshe de la ltos pa ma grub zin/ /de phyir chos rnams sna tshogs snang ba kun/ /rnam par gzhag tu rung ba gang ma mthong / /gang ma mthong bas gang la mi zhen cing / /mi bsgrub mi dor blo yi rtsol dang bral//mnyam nyid byang chub sems zhes de la brjod/ /'di ma rtogs par dus gsum sangs rgyas rnams/ /gang zhig 'byung ba sangs rgyas kyis ma gsungs/ /bsam pa 'di dang ldan zhing 'dir mos pas/ /sgo gsum spyod pa'i mtshan nyid nyes med do/ /sems can mang po yun du bder 'gyur zhing //bsgrub bya rang la yul du phan 'dogs na/ /'phral du sbyor ba rtsub par snang ba yang / /sangs rgyas mdzad par sangs rgyas kyis gsung ste/ /rnal 'byor lam yang de las gud na med/ /de phyir rgyal ba'i theg pa mchog 'di ni/ /shes rab snying rje ldan pas bsgrub 'gyur na/ /sbyin sogs lam gyi chos la ma brten par//'di nyid dam ni pha rol dag tu yang / /bkra shis phun sum tshogs pa thams cad kun/ /rang gi lha mnyes byas pa tsam gyis 'grub/ /mya ngan 'das mchog phun sum tshogs 'gyur ba'i/ /chos kyi dbang phyug sangs rgyas bcom ldan 'das/ /thabs 'di nyid kyis myur du 'grub 'gyur na/ /shes rab ldan pa ci phyir 'dir mi rten//theg chen mdzad spyod rmad du byung ba las/ /nor bu rin chen rin thang med pa bzhin/ /sems can mang po'i bsam pa sgrub byed cing / /tshar gcad phan 'dogs bya ba ston pa la/ /'gro ba blo dman dngos lta can rnams kyis/ /sangs rgyas mdzad dang de yi lam yin par/ /blos ma mthong bas gol sa gnyis su 'gyur//kha cig skur pas ltung ba'i gnas su 'gyur/ /kha cig mos kyang lam du ma mthong ste/ /'di ched tsam gyis cho ga mthong 'gyur bas/ /mos pas zhugs kyang don chen dag la ring / /de bas tshul bzhin 'dzin pa dag gis kyang / /shes rab zhen zhing mos pa ldan pa la/ /gdams ngag thabs kyis legs par zin par bya/ gal te gdams ngag bral ba'i 'gro ba yis/ /glegs bam mthong bas skur bar mi bya ste/ /legs par bsams te brtag pa rnam gnyis bya/ /gal te don ldan skur ba yin yang srid/ /de la skur 'gyur ltung ba thob par nges/ /gal te don chen ldan pa ma yin na/ /btang snyoms bzhag pas sdig pa 'phel mi 'gyur/ /blo dang gdams ngag gnyis kas ma zin yang //rtag par 'di ltar sgro skur bral bar gyis/ /gang zhig 'di 'dzin 'chang ba 'dod rnams kyis/ /dad dang brtson 'grus shes rab gsum ldan zhing / /sngon chad man ngag brtan par 'chang ba yi/ /ngang tshul ldan na man ngag gzhag pa'i snod/ /mos pa brtan na shes rab mi ldan yang / /bka' bzhin byed pa man ngag snod du gzhag /'jam dbyangs rgyud rgyal rgya mtsho lta bu ni/ /dngos grub rin chen sna tshogs 'byung khungs gnas/ /rang dang rgyud tsam 'tsho bar 'gyur ba yi/ /rin chen mchog bsdus sor bzhi za ma tog /rdo rje rab 'byed tshul las cher bsdus te/ /gang du rang gnas lus la 'chang ba tsam/ /tshul 'di sgeg pa'i rdo rjes bsdus pa yin//'phags pa 'jam dpal gyi rtogs pa thams cad bsdus pa rdo rje rab tu 'byed pa zhes bya ba'i cho ga zhib mo rin po che'i rgya mtsho lta bu las 'di dang / gzhan du myur du spyad par bya ba'i cho ga rin po che mchog bsdus pa/ sor bzhi pa'i tshad kyi za ma tog gang tsam zhig bsdus te/ rang gi lus la bcangs nas rang dang rang la brten pa rnams la phan gdags pa'i thabs slob dpon chen po dpal ldan sgeg pa'i rdo rjes kun nas bsdus pa rdzogs so// //sprin med nyi ma shar ba las/ /lam rnams kun du gsal 'gyur yang / /'gro ba ma goms pa rnams kyis/ /bsgribs pa bzhin du bgrod mi shes/ /de lta'i sgrib pa bsal ba'i phyir//phyi ma 'di ni bdag gis byas/ /mtha' dag don rnams dpyad pa ni/ /mkhan po bzhed bzhin ma shes phyir/ /de ni bdag gis nus ma yin/ /re zhig 'di la 'jug pa tsam/ /phra mo'i lam sgo bstan par bya/ /de la rtogs pa 'dir las phra mo'i dngos grub sna tshogs bsgrub ba dang / dngos grub chen po dang bla na med pa'i byang chub nyid bsgrub par bya ba'i thabs su gyur pa cho ga zhib mo bstan pa las/sngags pas 'jug par bya ba'i go rims ji ltar 'jug par bya ba dang / go rims kyi don gyi mtshan nyid dag legs par shes pas 'jug nus par 'gyur ba'i phyir 'di bstan par bya ste/ de la dang por bya ba'i cho ga ni sbyor ba la 'jug par rtogs pa legs par brtags pa'i bla ma las rang gi lha dang sngags dag mnos nas de nas dngos grub sgrub pa'i thabs kyi cho ga dang /las bya ba'i cho ga dag legs par bslab par bya'o/ /de'i 'og tu dngos grub sgrub pa'i thabs kyi cho ga la zhugs te 'bad par bya'o/ / de'i 'og tu grub pa thob par gyur kyang rung ma gyur kyang rung ste/ sangs rgyas kyi mdzad pa nye bar bzung nas las sna tshogs kyis sems can gyi don yang sgrub cing / mnyam pa nyid kyi ting nge 'dzin la gnas pas byang chub chen po bsgrub pa yang gtang bar mi bya'o/ /de la sngon du spyad pa'i cho ga legs par spyad pa'i rnal 'byor pas/lha bsnyen cing bsgrub pa'i phyir gnas bde zhing dben par song la/ der lha mchod pa'i gzhir gyur pa maN+Dal legs par byi dor byas te/ der lugs ma'am ri mo la sogs pa mchod pa'i rten gyi phyir bzhugs par bya ba dang / me tog la sogs pa mchod pa'i yo byad kyi phyir bsags te/rig pas bsgrub par 'os pa thams cad tshogs par byas nas/ 'dir spyad par bya ba ni lhur blangs te spyad par bya ba dang / grogs kyi dge ba dang ngo bo nyid dang ldan pa'i spyod lam ste/ de la lhur blang ba'i bya ba ni bsgom pa dang / mchod par bya ba dang bzlas brjod do/ /grogs kyi dge ba ni dbugs 'byin pa'i tshe dam pa'i chos bklag pa dang mchod rten gdab pa la sogs pa'o//spyod lam ni mi rnams kyi chos lugs khrus byed pa dang / kha zas za ba la sogs pa'o/ /de la lhur len pa'i spyod pa de dag kyang sbyor ba dang gzhug pa'i bya ba dang ldan pa ste/ de la sbyor ba ni sdom pa gso zhing gzung ba la sogs pa'o//gzhug pa ni bzod par gsol ba dang slar gshegs su gsol ba la sogs pa'o/ /de'i rim pa ni 'di yin te dang po nyid ni nang par sdar langs te/ sems can gyi don bya'o snyam du bsam par bya'o/ /de nas cung zad cig legs par spyad pa dang nyes par spyad pa bsams te/nyes pa rnams dgag cing legs pa rnams bstan par bya'o snyam du dam bcas nas langs te/ khrus phra mo byas nas bdug pa bsreg cing me tog thogs te/ sku gzugs la sogs pa la gtor nas/ tshigs su bcad pa 'di dag brjod cing dge ba'i chos 'di dag rgyud la bskyed par bya'o//'jam rgyal rdo rje la sogs pa'i/ /rgyal ba sras dang bcas pa la/ /lus dang ngag yid gus ldan pas/ /kun nas btud de phyag 'tshal lo/ /sangs rgyas zhing du gang bsngags pa/ /'jig rten dag na mchog gyur pa'i/ /rin chen me tog bdug spos sogs/ /kun nas sprul te mchod par bgyi//bdag gis sngon chad byas pa'i sdig /kun nas bsags par gyur pa rnams/ /rang bzhin med dang yod tshul gyis/ /rgyal ba rnams kyi spyan sngar bshags/ /mgon po kun gyi bsod nams dang / /dman pa'i dge ba thams cad la/ /de bzhin mthun par lta sems kyis/ /dang bas rjes su yi rang ngo //bde gshegs byang chub mchog brnyes nas/ /'gro ba thugs rjes gdul slad du/ /chos kyi 'khor lo bskor ba la/ /tshangs pa bzhin du gsol ba 'debs/ /mya ngan 'das bzhed de dag la/ /'gro kun yun du bde ba'i phyir/ /ji srid 'khor ba de srid du/ /mya ngan mi 'da' bzhugs su gsol//ji srid 'khor ba ma zad par/ /bdag gi dge ba'ang de bzhin du/ /kun nas zad par ma gyur par/ /sems can yongs su smin par shog /bdag kyang dus 'di phan chad nas/ /byang chub snying po'i bar du ni/ /mgon po'i 'bangs su 'bul lags kyis/ /thugs rjes yongs su gzung bar mdzod//dus 'di nas ni bzung nas ni/ /mgon po khyod kyi bka' bzhin du/ /sems can kun don bsgrub lags kyi/ /byin gyis brlab par mdzad du gsol/ /zhes tshigs su bcad pa 'di dag gis rang gi rgyud la dge ba'i chos bskyed nas/ de nyid kyi tshe rdo rje dkyil 'khor bsgom pa la 'jug pa'am/ yang na de nas langs te dam pa'i chos bklag pa dang / kha zas bza' ba byas te phyi rol gyis la sogs pa legs par byas nas khrus chen po yang byas te/ de nas rang gi stan la legs par 'dug nas rdo rje'i dkyil 'khor bsgom par bya'o/ /de'i cho ga ni sngon nyid du legs par bstan pa de nyid 'dir sbyar bar bya'o//de ltar bsgoms te mchod pa'i las la sbyar bar bya'o/ /de dag gi gsang sngags ni lung sngon du bstan kyang / de dag gi ngo bo ma bstan pas de bdag gis cung zad sbyar bar bya ste/ de la rtsa ba'i gsang sngags kyis spyan 'dren par 'dod na ni/ de nyid kyi rjes su dzaHhUM baM hoHzhes bya ba 'di nyid sbyar bar bya'o//gdan dbul ba yang de dag gi rjes su sa ma ya staM/ zhes sbyar ro/ /me tog la sogs pa mchod pa rnams la yang rtsa ba'i sngags kyi rjes su ma hA pU dza sa ma ye hUM/ zhes bya ba sbyar ro/ /de bzhin du slar gshegs su gsol ba ni bi sa rA dza ya swA hA/ zhes bya ba sbyar ba'o/ /yang na sngags so so la sbyar bar 'dod na spyan drang ba dang /gdan dbul ba dang / ar+g+ha dbul ba dang / slar gshegs su gsol ba rnams la oM ya mAn+ta ka hUM phaT/ ces bya ba 'di nyid sbyar bar bya'o/ /gzhan dbul ba ni rtsa ba'i gsang sngags nyid bskul ba med par sbyar bar bya'o/ /bgegs bskrad pa dang gtor ma bsngo ba la ni oM hrIHSh+T+r-iHwi kr-i tA na na hUM phaT/ces bya ba sbyar bar bya'o/ /'di dag ni kun nas bsdus pa la dga' ba'i cho ga yin te/ rnam par spros pa la dga' ba rnams la ni/ lhung lhung 'degs kyi ngag gis mdzes par byas pa'i tshigs su bcad pas spyan drang ba dang / mchod pa la sogs pa bya ba rnams byas te/bsam pas rgyud la chos bskyed la/ sngags dang phyag rgyas de dag gus par byin gyis brlab par bya'o/ /de la lhung lhung 'degs kyi ngag ni lha'i bu rnams kyi ngag yin te ha cang mi bul ha cang mi myur/ lha yis sprul ba'i chu yis khrus gsol bzhin/ /deng 'dir phyag zhabs kun nas bcabs par mdzod//ces brjod do/ /rnam par dag pa'i gsang sngags ci dga' bar brjod par bya ste/ dag par bsams nas dang por mchod yon dbul ba la sbyar bar bya ba ni/ 'jig rten dag na mchod pa ji snyed pa'i/ /sngon du bdud rtsi zil dngar dam pa 'gro/ /de phul nas ni mchod pa thams cad kyang / /nges par phyag rgyas rab tu gdab par 'gyur//zhes brjod de/ mchod yon gyi sngags la ci dga' bar sbyar bar bya'o/ /de nas 'dod pa'i yon tan gyi sgor gyur pa me tog la sogs pa nye bar sogs nas/ 'dod ldan dang por mthong bas dgar 'gyur ba'i/ /kha dogs dbyibs legs rnams las me tog mchog /sgra snyan yid 'ong rnam pa sna tshogs kyang //kun las khyad par 'phags pa tshangs pa'i ngag /yid 'ong dri ngad kun nas ldang ba yang / /lha rdzas ut+pal ngad dang gang mi mtshungs/ /ror ldan kha zas sna tshogs mchog rnams las/ /tshangs pa'i zil dngar ro dang gang mi mnyam/ /bde zhing spyad du bzod pa'i reg pa kun/ /lha yi bu mo'i reg pa lta bu med//de phyir 'dod pa'i mchog tu rab bsngags pa/ /gang gis de 'drar byin gyis brlabs byas nas/ /bsod nams zhing 'gyur byed la dbul bar bgyi/ oM badzra puSh+pam hA pU dza sa ma ye swA hA/ yang na de bzhin gshegs pa thams cad kyi de kho na nyid snang ba'i bdag nyid/ oM AHhUM zhes bya ba nyid dam/ yang na 'di dag dang mchod pa rang rang gi ming gi gsang sngags dang /byin gyis rlob pa dang bcas pa spel bar bya ste/ 'di ltar oM AHbadzra puSh+pa ma hA pU dza sa ma ye hUM zhes bya bas me tog gi mchod pa la sbyar bar bya'o/ /de bzhin du badzra d+hU pa/ badzra dI pa/ badzra gan+d+he/ badzra nai wi d+ya zhes pas snga ma bzhin du spel bas/ bdug pa dang mar me dang byug pa dang /bshos gtsang rnams la sbyar bar bya'o//de dag dang mchod pa gzhan rnams la yang thun mong du byin gyis rlob pa mchod pa'i sprin chen po 'byung bar 'gyur ba'i rig pa chen mo 'dis byin gyis brlab par bya'o/ /oM a nut+ta ra sarba pU dza me g+ha s+pha ra Na ma hA sa ma ye swA hA/ zhes bya ba 'di thams cad la sbyar bar bya'o/ /rdo rje dril bu la sogs te sil snyan gyi mchod pa thams cad la yang shes rab kyi pha rol tu phyin pa'i gsang sngags sgra thams cad zab mo'i chos su byin gyis rlob par byed pa'i rig pa chen mo 'dis byin gyis brlab par bya'o//oM badzra g+haN+De ra Ni pra ra Na saM pra ra Na sarba ta thA ga ta bud+d+ha k+She TaM pra tsa la ye pradz+nyA pA ra mi tA swa b+hA be hUM swA hA/ zhes bya ba sgra thams cad la sbyar bar bya'o//de ltar mchod pa zin nas de bzhin du gtor ma bsngo ba yang hrIHSh+T+r-iHla sogs pa'i gsang sngags kyis ci dga' bar bsngos te/ gsang sngags de nyid kyi sngags kyis nor bu blangs te/ ri mo'am sku gzugs la mngon par phyogs par 'dug nas cung zad sems mnyam par bzhag ste/ bzlas brjod kyi cho ga sngon du bstan pa lta bu ci nus zhig bya'o//de nas gtong bar 'dod pa na yang mchod par bya'o/ /mchod pa mi nus na me tog mngon par gtor bar bya'o/ /de nas thal mo sbyar ba btud nas ri mo la mngon par phyogs te/ chos mchog mi g.yo bla med rab brnyes shing / /yon tan rgya mtsho dpag med tshogs mnga' yang / /'gro ba kun la thugs rje snyoms mdzad pa/'jam mgon khyod kyi zhabs la rtag tu 'dud/ /rgyal ba mnyes phyir bzlas brjod rin po che/ /dang bas spyan sngar rtag tu mtshon bgyi ba/ /lus ngag dub dang bsam pa g.yeng ba yis/ /cung zad bde bar gnas 'tshal bzod pa bzhes/ /dang bas bskyed pa'i bsod nams phra mo yang / /'ga' yang chud zos mi 'gyur don 'gyur phyir//gsang sngags rin chen rnam grangs 'di tsam zhig /mgon po mchog nyid la ni gdams par bgyi/ /nad dang sdug bsngal dgra bgegs la sogs te/ /'khor ba rgya mtsho gnod pa sna tshogs dag /'di dang pha rol rtag tu gar byung yang / /gsang sngags rin chen 'bras bu der mchis mdzod/ /deng 'dir bdag gi dgos pa bsgrub legs kyis//thugs rje mnga' bdag sras dang bcas pa kun/ /bde ldan nyid kyi gnas su gshegs su gsol/ /slar yang 'gro ba'i don du gshegs par mdzod/ /oM AHhUM muHzhes bya ba'i gsang sngags kyang brjod par bya'o/ /tshigs su bcad pa 'di dag gis bcom ldan 'das 'jam pa'i rdo rje la rgyal ba'i dbang por bstod pa dang /bzlas pa gtang bar bzod par gsol ba dang / don yod par bya ba'i phyir gsang sngags rgyal ba nyid la gdams pa dang / dgos pa'i bya ba la dus bzhin du spyad pa'i mthu yod pa'i phyir/ dus su thob par gsol ba gdab pa dang / bdag nyid dbugs 'byin cing g.yeng ba la zhugs pa'i tshe rang gi lha gnas dang dus ma yin par bzhugs par rigs pa ma yin pas/slar gshegs su gsol bar bya ba rnams rdzogs par byas nas/ bdag nyid dang / grogs dang / gnas dang / yo byad rnams man ngag tu brjod pa bzhin du bsrungs nas/ dbugs 'byung zhing spyod lam dag bya'o/ /'di ltar nyin zhag re re la dus bzhi'am gsum mam/re re rgyun ma chad par ji srid du dam bcas pa/ grangs sam dus sam/ mtshan ma ma thob kyi bar du de bzhin du spyod pa ni bsnyen pa'i cho ga'o/ /de nas brtul zhugs dang bcas kyang rung / brtul zhugs med kyang rung ste/ mtshon cha sna tshogs dang / rdzas sna tshogs las dngos grub sgrub pa'i cho ga ste/ 'di la ni bsnyen pa'am brtson 'grus bskyed par bya ba lhag par spyad par bya'o//de dag thams cad kyang dngos grub sgrub pa'i spyod pa zhes bya'o/ /de nas grub pa'i spyod par gsungs pa zhi ba la sogs pa las sna tshogs kyi bya ba la ni/ bsgom pa dang mchod pa dang / bzlas brjod rnams ni 'dir yang snga ma bzhin te/ bye brag tu ni ting nge 'dzin bye brag dang /gsang sngags bskul ba dang bcas pa dang / phyi rol gyi sbyor ba'i bya ba rnams ni/ las kyi cho ga zhib mo nyid du sngon du bstan pa bzhin du so so rang rang gi las la sbyar bar bya'o/ /de ltar bya ba rnam pa gsum gyis bsdus pa 'di ni sngags 'chang rnams kyi spyod pa ste/ 'di dag kho na tsam gyis sngags 'chang rnams kyi dgos pa grub par byed de/de la sngags mchog tu gyur pa rnams ni/ thabs 'di nyid kyis mthong ba'i chos 'di nyid la rig 'dzin gyi dngos grub thob par byas te/ lha dang mi'i skal ba bzang po rnams la yang longs spyod cing / bya ba sna tshogs la mthu phun sum tshogs pa thob pa nyid kyis sems can rnams kyang yongs su sdud/sangs rgyas kyi zhing sna tshogs na byang chub sems dpa' 'am rdo rje 'chang rnams byang chub kyi spyod pa mngon par bsgrubs pa rnams blta ba'i phyir dang / zhing de dag na gnas pa'i sangs rgyas bcom ldan 'das rnams blta ba'i phyir dang / mchod pa'i phyir rdzu 'phrul rnam par 'phrul pas zhing sna tshogs su zhugs shing de dag dang rtse zhing longs spyod nas kyang /dngos grub de dag las nyams pa med par ting nge 'dzin mchog la yang snyoms par 'jug cing / bla na med pa'i byang chub kyang tshe 'di nyid la sbyor bar byed pa dag kyang yod do/ /kha cig ni tshe 'di nyid la dngos grub thob par byas te/ de tshe bskal ba gcig gam de las lhag par yang rung ste/de tsam du bsod nams dang ldan pa'i lha dang / lha ma yin la sogs pa dam pa rnams kyis bkur zhing / lha dang lha ma yin dang / gnod sbyin dang / rig sngags 'chang gi bu mo khyad par du 'phags pa rnams la yang longs spyad de/ de nas tshe 'phos nas ma 'ongs pa'i sangs rgyas kyi zhing zhig tu 'khor 'dus pa dang por 'gyur ba'i skye ba blangs te/der rab tu phyung nas chos kyi mig dag par gyur te byang chub sems dpar gyur nas/ de nas 'og min gyi gnas na gnas pa rnams dang skal ba mnyam par skye ste/ de nas bla na med pa'i byang chub chen po thob par byed pa dag kyang yod do/ /kha cig tshe 'di nyid la dngos grub phra mo thob ste/lo brgya'am stong ngam stong phrag du ma dag tu 'tsho zhing rdzu 'phrul dang mngon par shes pa dag dang yang ldan nas/ mthong ba'i chos la bde bar 'tsho zhing longs spyad nas/ gzhan du sangs rgyas 'byung ba dang phrad kyang rung ma phrad kyang rung ste/ skal ba bzang po la sbyar nas rim gyis byang chub thob par byed pa yod do//dngos grub thob pa de dag kyang kha cig ni dngos grub thob pa las kyang ma nyams par skal ba bzang po'i sgo nas bar chad med par byang chub la sbyor bar byed do/ /kha cig ni dngos grub thob nas 'dod pa'i yon tan gyi sred pa la longs spyod pas te/ dngos grub thob pa las nyams nas bar chad med par sbyor mi nus te/bar chad dang bcas pas byang chub sgrub par byed pa yang yod do/ /kha cig ni skye ba 'di la dngos grub grub par ma gyur par shi 'phos te bar ma do'i srid par mngon par grub nas der dngos grub thob par 'gyur ba yang yod do/ /kha cig ni skye ba phyi ma yongs su grub nas skyes ma thag gam cung zad cig na dngos grub thob par 'gyur ba yang yod do//kha cig ni 'di'i las kyi mtshams sbyar nas/ phyi ma'i srid pa la skal ba dang ldan pa'i sprul pa po mngon par brtson pa can du gyur te/ der dngos grub can du 'gyur ba'am/ de bzhin du skye ba gnyis dang gsum pa la sogs pa du mas dngos grub can du 'gyur ba dag kyang yod do//gzhan yang sgrub pa po rtsol ba mthu chung bar gyur pas/ skye ba gzhan du rkyen sna tshogs kyi dbang du gyur pa dag kyang yod la/ gzhan yang byang chub kyi sems kyis zin par ma gyur pas sred pa'i dbang gis sngon du skal ba dman pa la sbyor bar byed pa dag kyang yod de/de ltar dman zhing mnyam par gyur kyang thar pa'i sa bon ma bzhag pa yang ma yin no/ /de bas na sgo 'dir zhugs pa rnams kyis lam 'ba' zhig la brten par bya zhing / byang chub kyi sems kyi stobs bskyed par bya'o/ /gang zhig mthong ba'i chos la bya ba phra mo bsgrub par 'dod pa rnams kyi gang zag gis kyang shes rab dang snying rje'i stobs bskyed par bya'o//de'i mthus bya ba rnams kyang 'grub par 'gyur zhing yun du bde ba yang de'i stobs kyis 'byung bar 'gyur ro/ /gang dag dngos grub grub par gyur pa las nyams par gyur cing rkyen gzhan gyi dbang du 'gyur te/thar pa'i bar chad du gyur pa'i chos rnams kyang byang chub kyi sems rnam pa gnyis kyi stobs chung ba'i dbang las gyur pa yin te/ de bas na gtsor bsams pa 'dis 'phangs te spyad na bya ba thams cad kyang yongs su gtsang bar 'gyur ro/ /bdud thams cad zil gyis gnon par 'gyur ro zhes rgyal ba rnams kyis gsungs shing bla mas kyang legs par gdams pa'o//'gro ba'i mgon gyur 'jam mchog gang yin des/ /rig pa'i gnas mchog rgya cher bstan pa las/ /gsang ba'i mtshan ldan sgeg pa zhes bya ba/ /'gro ba sgrol 'gyur bya ba gang yin des//thabs mchog cho ga zhib mo legs bstan mdzad/ /lam der 'jug pa'i dka' tshigs phra mo tsam/ /rigs pa bzang pos dman la phan phyir byas/ /'phags pa 'jam dpal gyi rtog pa thams cad bsdus par gyur pa/ rdo rje rab tu 'byed pa zhes bya ba'i cho ga zhib mo las/ slob dpon dpal ldan sgeg pa'i rdo rjes/las dang dngos grub kyi cho ga zhib mo slob dpon rigs pa bzang pos de la phan pa'i le'u gcig mdzad pa dang bcas pa rdzogs so// //rgya gar gyi mkhan po dpal u pA ya shrI mi tra dang / rong zom chos kyi bzang pos bsgyur te gtan la phab pa// //