218a2 //slob dpon dz+nyA nA kA ras mdzad pa rdzogs so// //zla ba'i 'od zer gyis bsgyur ba'o//[ {Da}]@##/ /rgya gar skad du/ shrI badzra b+hai ra ba stu ti/ bod skad du/ dpal rdo rje 'jigs byed kyi bstod pa/ dpal rdo rje 'jigs byed la phyag 'tshal lo/ /hUM 'jam dpal mkha' las
218a3 byung ba'i gser mdog can//'jam dpal thugs la chos kun rang bzhin gsal/ /'jam dpal gsung gi dbang phyug 'jam dpal dbyangs/ /'jam dpal bdag ni re ba'i sems kyis 'dud/ /thugs mchog 'jam pa'i ngang las ma g.yos kyang / /thugs rjes
218a4 gdug pa 'dul phyir gshin rje'i gshed//'jigs byed chen po 'jigs pa'i char bstan nas/ /mi bzad dus mtha'i bskal pa'i me ltar 'bar/ /zhal gdangs khro gnyer smin ma glog ltar 'gyu/ /spyan bgrad mche ba gtsigs shing rab tu 'bar/ /rdo rje'i rta gad drag po ha
218a5 har bzhad//mkha' 'gro sdud pa'i pheM skad gnam du 'don/ /khros pa'i zhabs chen brdabs pas khams gsum gnon/ /sdigs mdzub gnam du bsgrengs shing lha chen 'dul/ /ljags 'dril tshems chen gtsigs shing khrag gis myos/ /lha dang bcas pa'i 'jig rten
218a6 zhal du gsol//glang chen ko rlon thod pa'i phreng ba zhags/ /gcer bu 'jigs byed dbang phyug chen po'i tshul/ /'jigs byed ma he khros pa'i zhal gdangs shing / /zhal dgu 'bar bas srid pa zad par rngub/ /'gro ba sna tshogs 'dul ba'i phyag rgya 'bar/ /bdud bzhi
218a7 gnon pa'i zhabs ni brkyang bskum gnas//'jigs byed chen po'i sku la rtag tu 'dud/ /dbu dgu 'bar ba'i dkyil 'khor nas/ /g.yas kyi zhal gsum bgrad pa ni/ /mthing ga dmar dang ser ba'i zhal/ /g.yon gyi zhal gsum gdangs pa ni/ /dkar dang dud ka
218b1 gnag pa'i zhal//dbus kyi zhal gsum 'bar ba ni/ /khro dang chags dang zhi ba'i tshul/ /phyag rgya 'od zer 'bar ba las/ /g.yas kyi phyag mtshan bcu drug ni/ /rdeg cing 'joms pas mtshon cha gdengs/ /g.yon gyi phyag mtshan bcu drug ni/ /rol cing stobs pa'i mtshan
218b2 mas mdzes//brjid rngam zhabs kyi tsham ngam las/ /g.yas kyi zhabs brgyad bskum pa ni/ /dregs pa'i lha brgyad thabs kyis 'dul/ /g.yon gyi zhabs brgyad brkyang ba ni/ /dregs pa'i lha mo brgyad la rol/ /'dod chags chen po gdul ba'i phyir/ /rtag tu ling+ga
218b3 rgyas pa'i tshul//drag po'i tshul gyis zhe sdang 'dul/ /'dul sku khyod la phyag 'tshal lo/ /dur khrod chen po'i dkyil 'khor nas/ /bdud dang gshin rje thabs kyis 'dul/ /ma mo mkha' 'gro dbang du sdud/ /dbang sdud khyod la phyag 'tshal lo/ /dbang phyug chen
218b4 po'i dkyil 'khor nas//dbang med dad pas 'dus pa dang / /ye shes sprul pa'i 'khor gyis bskor/ /'khor bcas khyod la phyag 'tshal lo/ /ye shes thugs kyi dkyil 'khor nas/ /ji lta bur ni sprul gyur kyang / /rnam dag dbyings las ma g.yos pa'i/ /