213a6 /rang sems dad pa bskyed pa'i phyir/ /gzhan la gus pas mchog tu bskur/ /rdzogs so// //[ ]@##/ /de nas gzhan yang bshad par bya/ /sngags pas rtag tu bsten pa ni/ /rus sbal 'o ma zhes bya ba/ /de bzhin 'od kyi lo ma dang / /'jim pa skam
213a7 po nyid dang ni//de bzhin me yi khu ba dang / /sgra snang gi ni rdzas dag dang / /'di rnams rtag tu sbyar na ni/ /rang bzhin gyis ni nad med cing / /tshe ring dbang po rgyas pa dang / /rtag tu lang tsho dar la bab/ /lha rnams kun gyis byin gyis rlobs/ /'di la spyad par mi bya ste/ /
213b1 yang na nyi ma'i sbu gus btung / /ting 'dzin sngags kyis byin brlabs na/ /las kyi rnam smin sbyong bar byed/ /rig pa 'dzin pa'i sa la gnas/ /de bzhin cho ga bzhin du bsten/ /tshes gcig skya rengs shar ba ni/ /snod la ma reg rus sbal zho/ /drod ma yal bar btung ba
213b2 'am//yang na nyi ma'i sbu gus btung / /mar gyi ngo yi tshes gcig la/ /'od kyi lo ma btsal nas ni/ /de nyid nas ni gzung bar bya/ /zhag gsum chu yi char pa gtang / /lo ma de bcad bza' bar bya/ /yang na nyi ma'i sbu gus btung / /'jim pa skam po sbyar nas ni/ /zhag
213b3 gsum chu yi nang du sbang //de blangs nas ni yang skams nas/ /phye ma byi la'i spar tshad re/ /ba yi 'o ma dang sbyar nas/ /sngags pas rtag tu btung bar bya/ /me yi sdong po ser po ni/ /sa yi mar gyis dril nas ni/ /kha sbyar sbyor dang ldan byas nas/ /me chu sa yis
213b4 bcir nas ni//btung ba'am nyi ma'i sbu gus btung / /lan tshwa bral ba dag la ni/ /zhag gsum 'chi ba'i sgra brnyan rdzas/ /nam kyi dus la sngags pas blangs/ /cha gsum snod du zhag gsum gzhag /kha yi cha ni byug pa ste/ /dbus ma'i cha ni bdud rtsi nyid/ /rtsa ba'i cha ni dor
213b5 ba sti//'di rnams so sor bstan pa na/ /tha mal 'bras bu gsum gyi phye/ /byi la'i sbar tshad de dang sbyar/ /ma sbyar na yang nyes pa med/ /tshogs par bstan nas bzla bar bya/ /re re bsten yang nyes pa med/ /dam rdzas rmad du bsgyur te bstan pa'i cho ga rdzogs so// //