| བོད་ཡིག |
212a6 khro bo'i lta stangs dang / khros pa'i yid dang / dbugs 'bud pa la sogs pa dang ldan par bya'o/ /drag po'i 'khor lo'i las rdzogs so// //@##/ /[ ]da ni drag po'i bsam gtan gyi las bshad de/ de la dang po dpal rdo rje 'jigs byed chen po snga ma bzhin du bskyed de/
212a7 mchod pa dang gtor ma bsngos te/ sngon du bsgrub bya rlung nag po'i steng na/ me smug nag 'bar ba'i dkyil na gos dang bral ba/ lha dang bral ba/ yan lag lcags kyis thag pas bcings pa/ skra nag pa mes bsregs pa bzhin du gnas pa la/ bdag gi thugs ka nas srin po
212b1 rab tu rngam pa dang /khra dang 'ug pa la sogs pa dang / wa dang / ce spyang la sogs pa za zhing / rgyu ma dang / nang khrol nam mkha' la kun du khyer bar bsgoms na 'chi bar 'gyur ro/ /bsam gtan gyi las rdzogs so// //de nas las kyi kha bskang bar byas te/ mchod pa dang
212b2 sbyin sreg dang so sor bshags pa'i mdo gdon pa dang /smon lam gdab bo/ /dpal rdo rje 'jigs byed kyi drag po'i las kyi bya ba bdun pa dang / rim pa bzhin du bya ba'i cho ga /dpal u rgyan yul du 'dug pa/ dregs pa can 'dul ba'i thabs nyi tshe ba/ byang chub kyi sems dang ldan pas
bsgrub par bya'o/