CLOSE WINDOW

D2001
བོད་ཡིག

/rdo rje 'jigs byed gtor ma yi/ /cho ga phun sum tshogs pa brtsams/ /gang yod bsod nams de yis ni/ /sems can ma lus dgra las rgyal bar shog /slob dpon chen po la li ta badzras mdzad pa rdzogs so// //[ ]@##/ /dpal rdo rje 'jigs byed la phyag 'tshal lo//zhi ba'i las kyi bya ba bdun bshad par bya ste/ de la dang po mchod sbyin bya ste/ de la bkra shis pa'i gnas su maN+Dal byi dor bya ste/ me tog dang bdug pa dang / mar me dang / dri dang lha bshos rnams rab tu gtsang mar bya/ kha zas bzang po'i sbyin gtor ji ltar 'byor pa dang 'phags ma so sor 'brang ma la sogs pa'i mdo bklag pa dang /ji ltar nus pa rnams bya ste/ mi rnams la yang kha zas kyis dga' bar byas nas/ khyad par du yang bla ma dang mkhan po la yon phul te/ smon lam gdab par bya'o/ /mchod sbyin bya ba'i cho ga ste dang po'o// //de nas gtor ma'i las bshad de/ de nas nyi ma gnyis pa la me tog la sogs pa dang / kha zas bzang po'i gtor ma du 'byor pa dang / 'bras chan dkar po dang / rdul phye dang dkar gsum sbyar ba'i las kyi gtor ma cha gcig dang bshams te/ sngags pas chas gos gyon la ku sha'i steng du 'dug la kha shar du bltas te/ byams pa'i sems dang /zhi ba'i lta stangs dang ldan pas gtor ma sbyin par bya'o/ /de la dang por sngags pas/ oM swa b+hA wa shud+d+hAHsarba d+harmaHswa b+hA wa shud+d+hou0f85haM/ zhes brjod de/ chos thams cad bdag med pa mngon du bya'o/ /de nas nam mkha'i dkyil du/ yaM las rlung gi dkyil 'khor zla g am du bskyed de/a las zla ba'i dkyil 'khor du bsams nas/ de la yi ge d+hIHlas 'jam dpal gzhon nu'i sku dkar po ut+pa la sngon po bsnams pa cig bskyed do/ /de'i thugs kar a las zla ba'i dkyil 'khor bskyed do/ /de'i 'od zer gyis phyogs bcu'i rgyal ba sras dang bcas pa rnams bkug nas/de nyid du zhugs pas thams cad nyi ma'i dkyil 'khor nyid du 'gyur bar bya'o/ /de'i steng du hUM las rdo rje 'bar bar 'gyur te/ de las 'od 'phros dpal rdo rje 'jigs byed bskyed do/ /tshul zhi ba kha dog dkar po bskyed do/ /lus dang 'od kyi tshul du gzhal yas khang bskyed do//lcags kyu'i phyag rgya bcas la sngags 'dis spyan drang ngo / /oM hrIHb+ho b+ho ma hA kro d+ha A gats+tsha A gats+tsha asma ta pU dza pra ti gr-ih+Nan+tu pra sA d+haM me d+hi maM ku ru swA hA/ zhes spyan drangs la/ oM hUM hUM phaT phaT ces bsang gtor byas nas mchod pa dbul bar bya'o/ / oM hrIHSh+T+r-iHa zhes pa na ar+g+haM gyi'o/ /oM wi kr-i tA na na sarba duSh+T+ra satwa da ma ka gaHgaHdri'i'o/ /oM ku mA rU pi Ni dza dza hUM/ me tog gi'o/ /oM d+hIHha ha he he bdug pa'o/ /oM dIph+ta lo ca ni bi kr-i ta a nan ma hA aT+TAT+Ta ha sa na di dIph+tA ya swA hA/ mar me'i'o/ /lha bshos kyang yon chab kyis 'bul lo/ / de nas ye shes sbyin gtor gyi ye shes bdud rtsi'i 'od zer las 'das pa'i yon tan lngar gyur par dmigs te 'byung po'i tshogs rnams la sngags 'dis sbyin par bya'o/ /oM kA la rU pa sarba satwa/ da ma ka ma hA kA ma b+hU ta a d+hi pa ti/ i daM ba liM/ gr-ih+Na gr-ih+Na pa ya swA hA/ zhes bdun nam nyer gcig gis bzlas nas sbyin no//de nas las kyi gtor ma la/ oM hrIHSh+T-iHwi kr-i tA na na hUM hUM phaT phaT/ che ge mo shAn+tiM ku ru swA hA/ zhes bzlas shing phyogs bcur gtor bas/ bdag gi snying ga'i yi ge dang / gtor ma las 'od dkar po 'phros pas bsgrub bya'i lus ngag yid gsum la thim pas de dag thams cad byams pa dang /snying rje phyogs med par gyur par bya'o/ /'di lta bu ni ji ltar 'gyur bar byas na gtor ma'i las yin te gnyis pa'o// //de nas bzlas pa'i las bshad de/ nyi ma gsum pa la bzlas pa bya ba ni/ dang por bdag nyid dpal 'jigs byed chen por bskyed de/ mchod pa'i cho ga dang sbyin gtor bsngos te/bdag gi snying gar a las nyi ma'i dkyil 'khor gyi steng du bzlas pa'i yi ge rnams dmigs la rdo rje'i lce dang ldan pas sngags bzlas pas yi ge ye shes kyi 'od zer gyis/ bsgrub bya'i lus dang sems la thim pas de dag byang chub sems dang ldan par bsam mo/ / de la sngags ni 'di yin te/ oM ya ma rA dza sa do me ya/ ya me do ru Na yo da ya/ ya da yo ni ra ya k+She ya/yak+She yats+tsha ni rA ma ya/ che ge mo shAn+tiM ku ru swA hA/ zhes bya bas ni rtsa ba'i sngags so/ /oM hrIHSh+T+r-IHwi kr-i tA na na hUM che ge mo shAn+tiM ku ru swA hA/ zhes bya ba ni las kyi sngags te/ de dag bzlas par bya'o//de'i dus su yang chos gos dang 'dug stangs la sogs pa ni snga ma bzhin te/ thams cad du yang shin tu shes par bya'o/ /bzlas pa'i las te gsum pa'o// //da ni sbyin sreg gi las bshad de/ de la nyi ma bzhi pa la sbyin sreg gi las bya ba ni/ dang por bkra shis pa'i gnas su sbyin sreg gi maN+Dal bya ste/de la bdag nyid dpal rdo rje 'jigs byed kyi ting nge 'dzin dang ldan pa'i rnal 'byor pas kha shar du bltas te/ 'dug nas sa'i bdag po la gtor ma byin te/ de nas hUM rab tu 'bar bas sa gzhi'i skyon thams cad dag par bya'o/ /de nas thab khung brtsigs te/de yang rgyar khru gang pa la dpangs zabs su khru phyed pa kun nas zlum por bskor te/ sor bzhi dor ba'i phyi rol du kha khyer sor brgyad pa bya'o/ /de'i dbus su rdo rje dkar po srid du sor brgyad pa/ rngams su sor bzhi pa byas te gzhag /thab khung gi nang sa tshon dkar pos bkang la kha khyer gyi rtsar me ri btang /steng du rdo rje dkar pos bskor/ de'i phyi rol du 'od zer dkar pos bskor te/ thab kyi mtshan nyid do/ /de nas rdzas bsog ste/ bud shing dkar po mtho gang tshad la tsan+dan dkar po dang 'o mas sbyangs te gzhag /mchod sbyin gyi shing mdzub gang gi tshad la 'dab ma dang bcas pa'i rtse mo las bcad pa snga ma bzhin du chu gtsang la sbang /gzhan yang dkar gsum mngar gsum dang / 'bru sna tshogs dang / ku sha dang yon chab rnams g.yas su gzhag /me tog la sogs pa'i mchod pa lnga dang / bsang gtor dri chab dang / zhal bsil ba'i chu gtsang rnams g.yon du gzhag /mar gsar pa zhu ba'i khu ba dang / dgang gzar blugs gzar rnams mdun du gzhag go/ /rdzas bsags pa'o/ /de nas sngags pas chas gos dkar po dang ldan par bya ste/ rab tu dang ba'i yid dang ldan pas ku sha'i steng du sems dpa'i skyil krung gi kha shar du bltas te/'dug la zhi ba'i lta stangs dang ldan par bya'o/ /sngags pas 'dug pa'i rim pa'o/ /de nas thab khung gi kho ra khor yug tu tsan+dan dkar po'i chus gtor te/ thab kyi nang du shing mgo mjug ma log par rtse mo gyen du bstan to/ /kun nas zlum por rab brtsig gi//shing brtsig pa'o/ /de nas ku sha la a mr-i te kuN+Da li/ sarba big+h+naM nA sha ya hUM phaT/ ces bya ba'i las thams cad pa'i sngags 'dis bsang gtor byas nas thab kyi khor yug tu rtse mo phyir bstan te bsham par bya'o/ /ku sha dgram pa'i rim pa'o/ / de nas rang lha'i rnal 'byor bsgom par bya'o/ /re zhig dang por oM swa b+hA wa shud+d+haHsarba d+harmAHswa b+hA wa shud+d+hou0f85haM/ zhes brjod pas chos thams cad stong zhing bdag med par bsgom/ de ltar stong pa'i ngang las 'og phyogs su yi ge yaM las rlung gi dkyil 'khor du gyur/ de'i steng du zla ba'i dkyil 'khor gyi steng du yi ge d+hIHlas 'jam dpal gzhon nur bskyed par bya'o//de'i thugs kar A ring po nyi ma'i dkyil 'khor bsam ste/ de'i 'od kyis rgyal ba sras dang bcas pa spyan drangs te slar 'dus pa thams cad nyi ma'i dkyil 'khor du gyur par bya'o/ /de'i steng du hUM gi 'phro 'du las rdo rje dkar por gyur te/de las 'phro 'du las dpal rdo rje 'jigs byed sku mdog dkar po zhi ba'i tshul can bsams te/ thab kyi nang du b+h+rUM las gzhal yas khang du gyur par bsam mo/ /lha'i rnal 'byor gyi rim pa'o/ /de nas me spar te shing dkar po las byung ba'i gtsub shing gi me'am/bram ze'i khyim nas me blangs ma thag tu blugs nas rlung yab kyis g.yabs te sbar ro/ /las thams cad pas bsang gtor byas nas/ thab kyi nang du rdo rje las me lha dkar po tshul zhi ba drang srong gi cha byad can/ tshangs pa'i skud pa dkar po dang ldan pa phyag na dbyug pa dang bgrang phreng dang skyabs sbyin dang /gun+d+he bsnams pa cig bskyed do/ /de nas bdag gi thugs ka nas 'od 'phros pas shar lho mtshams nas ye shes kyi me lha tshul snga ma dang mthun pa cig spyan drang bar bya ste/ oM pA pa ag+ni a ka tsa ma ma shAn+tiM ku ru swA hA/ zhes brjod cing rlung yab kyis g.yabs pas shar lho'i mtshams su 'byon par bsams la chu gtsang dbul lo//oM ag+na ye A gats+tsha A gats+tsha oM ag+na ye swA hA/ zhes phul bas phyag zhal bsil bar bya'o/ /de nas yon chab dang ag+na ye swA hA/ zhes bya bas phul nas sa ma ya s+t+waM zhes bya bas dam tshig gi me lha dang gnyis su med par bzhugs par bsam mo//de nas las thams cad pas bsang gtor byas la snga ma bzhin du dbul lo/ /de nas mchod pa lnga dbul lo/ /oM ag+na ye de wa ta badzra puSh+pe hUM/ zhes pas me tog dbul lo/ /oM ag+na ye badzra d+hU pe hUM/ zhes pas bdug spos shangs la dbul lo//oM ag+na ye de wa ta badzra A lo ke AHhUM zhes pas mar me mdun du dbul lo/ /oM ag+na ye de ba ta badzra gan+d+he/ zhes dri chab thugs kar dbul lo/ /oM ag+na ye de wa ta nai wi d+ye/ zhes pas bshos gtsang zhal du dbul lo/ /oM ag+na ye de ba ta badzra zhes pas snga ma bzhin du zhal bsil zhal du dbul lo//de nas sreg rdzas rnams la bsang gtor byas te/ dang por mar gyis blugs gzar bkang ste/ na maHsa man+ta bud+d+ha nAM ag+na ye swA hA/ bdun nam nyi shu rtsa gcig gam/ brgya rtsa brgyad du dbul lo/ /de nas til dang mar bsres te/ oM sarba da ha na badzra swA hA/ zhes de bzhin du dbul lo/ /de nas dUr ba re re nas mar la bsnyugs la/ oM badzra AHyu She swA hA/ zhes dbul lo/ /de nas 'bras la sogs pa'i 'bru rnams mar la bcug ste/ badzra puSh+Ta ye swA hA/ zhes dbul lo/ /de nas ku sha dang / mchod sprin gyi shing rnams re re rtse mo mar la bsnyugs shing dbul te/oM a pra ti ha ta badzrA ya swA hA/ zhes dbul lo/ /de nas yon chab la/ oM pra wa ra sat+kA ra/ ar+g+haM pra tIts+tsha swA hA/ hUM zhes dbul lo/ /de nas rdo rje dril bu blangs te tshigs su bcad pa 'di brjod do/ /srid pa rang bzhin gyis dag phyir/ /ngo bo nyid kyis dag par byed//rang bzhin dag pa'i sems can rnams/ /dam pa srid pa'i byed pa'o/ /brjod de/ oM kA pa ka ag+na ye ma ma shAn+tiM ku ru swA hA/ zhes brjod cing thab tu gtor ro/ /phrin las bcol te me lha nyid me 'bar ba'i rang bzhin du gyur par bya'o/ /de la b+hi ta ho thab la bskor ba lan gsum du bya'o//phyag kyang bya'o/ /de nas las thams cad pas me bsang gtor byas te thab kyi dbus su dpal rdo rje 'jigs byed rang dang 'dra bar sngon gyi rim pas bskyed pas rang gi snying ga'i sa bon gyi 'od zer gyis ye shes kyi 'jigs byed spyan drang bar bya ste/oM hrIHb+ho b+ho ma hA kro d+ha/ A gats+tsha A gats+tsha asma ta pU dza pra ti gr-ih+na pra sA d+haM me d+hIHmaM ku ru swA hA/ zhes pas spyan drangs la/ oM hUM hUM phaT phaT phyag dang zhabs bsil gsol nas/ mchod pa dbul bar bya'o/ /oM hrIHSh+T-iHa ar+g+ha'i'o/ /oM ku mA ra rU pi Na dzaHdzaHhUM/me tog gi'o/ /oM hrIHha ha he he phaT/ bdug pa'o/ /oM dIp+ta lo tsa ni bi kr-i ta A nan ma hA aT+TAT+Ta ha sa na di ni dIp+tA ya swA hA/ mar me'o/ /oM wi kr-i tA na na duSh+Ta satwa da ma ka gaHgaHdri'i'o/ /oM hrIHSh+T+riHhaHbshos gtsang gi'o/ /de nas sreg rdzas rnams dbul bar bya ste/ de la dang po mar las dgang blugs brgya rtsa brgyad du dbul bar bya ste/ oM hrIHSh+T+r-iHwi kr-i tA na na hUM che ge mo shAn+tiM ku ru swA hA/ zhes dbul te/ de nas yam shing la sogs pa'i rdzas thams cad la sngags 'di nyid kyis brgya rtsa brgyad dbul lo/ /de nas rdo rje dril bu lag tu blangs la/ srid pa rang bzhin dag pa'i tshig brjod de/yungs kar la sngags 'di nyid kyis bzlas te phrin las bcol la bskor ba bya'o/ /de nas rdzas lhag ma thams cad me lha la dbul te gsang sngags 'dis slar gshegs su gsol lo/ /oM dza ya dza ya su dza ya bi shwa rU pa d+ha ri Ni gats+tsha gats+tsha swa s+thA na kr-i taM te na/ ta thA ga ta naM sarba bud+d+haSh+tsa bi sardza ya ma ma kAr+yaM ku ru swA hA/ zhes brjod de/ oM muHzhes brjod pas ting nge 'dzin bsdus te thab khung sbas te gzhag go/ /zhi ba'i sbyin sreg gi cho ga ste bzhi pa'o// //da ni zhi ba'i 'khor lo'i las bshad de/ de nas nyi ma gnyis pa la/ bram ze la sogs pa dge ba'i ras blangs la/gur gur dang gi wang gis gshin rje'i 'khor lo le tshe bcu drug pa/ phyi rol du mu khyud gsum gyis bskor ba bris te/ mu khyud phyi rol la oM yig gi phreng ba bri/ mu khyud bar pa la ka yig gi phreng ba bri'o/ /le tshe bcu drug dbus dang bcu bdun du yi ge sum cu rtsa gnyis kyi 'khor lo bri'o//dbus kyi ya'i nang du che ge mo shAn+tiM ku ru zhes pa yang bri'o/ /de'i phyi rol le tshe la sogs pa la hUM re re spel la bri'o/ /de'i phyi rol gyi le tshe bcu gnyis pa la yi ge bcu pa'i sngags dang spel te bri'o/ /de ltar bris nas spyan drangs pa dang / mchod pa dbul bar bya ste/bden pa'i byin rlabs dmigs par bya'o/ /de lta bu gnyis bya/ lto sbyar gyi nang du gzhag par bya'o/ /de yang sa skor rim pa bzhin du bri/ gnam skor ldog ste bri'o/ /de la maN+Dal dkar po bya ste/ de'i steng du bzhag la thal ba dkar pos dkris te/ me tog dkar po gtor nas/ bdag nyid dkar po'i chas gos dang ldan pas kha shar du bltas te/ dpal gshin rje 'jigs byed kyi ting nge 'dzin dang ldan pas dang ba'i sems kyis gsang sngags bzlas par bya'o/ /de la gsang sngags ni/ oM ya ma rA dza sa do me ya/ ya me do ru Na yo da ya/ ya da yo ni ra ya k+She ya/ yak+She yats+tsha ni rA ma ya che ge mo shAn+tiM ku ru swA hA/zhes pa ni rtsa sngags so/ /oM hrIHSh+T-iHwi kr-i tA na na hUM hUM che ge mo shAn+tiM ku ru swA hA/ zhes pa 'di ni las kyi sngags te/ 'di dag bzlas par bya'o/ /de nas gsang sngags brjod pa dang / 'khor lo de khyim gang zhi bar byed pa'i gnas sam/ bkra shis gsang ba'i gnas su sba bar byas na zhi bar 'gyur ro//'di yang zhi ba nyid gtsor bsgrub pa'i dus na nyi ma bzhi pa yin la/ gzhan grangs tsam yin/ nyin gcig gis yin no/ /zhi ba'i 'khor lo'i las kyi rim pa ste lnga pa'o// //da ni zhi ba'i bsam gtan gyi las bshad par bya ste/ 'di yang snga ma bzhin du nyi ma drug pa la chas gos dkar ba dang ldan pas kha shar du bltas te/ 'dug nas dpal rdo rje 'jigs byed kyi ting nge 'dzin du byas te/ de'i thugs kar a las zla ba'i dkyil 'khor gyi steng du pad+ma dkar po 'dab ma brgyad pa ge sar la pad+ma yi ge a dkar po dang ldan par bsam mo//mdun du zla ba'i dkyil 'khor gyi steng du bsgrub bya bsams te/ de nas thugs ka'i a las ye shes kyi bdud rtsi'i 'od zer 'phros pas bsgrub bya'i lus ngag yid la thim ste/ de la lus ngag yid gsum gyi skyon thams cad byang nas/ byang chub kyi sems dang ldan par bsam mo//zhi ba'i bsam gtan gyi las kyi rim pa ste drug pa'o// //de nas nyi ma bdun pa la las kyi lhag chad kha bskang bar bya ste/ gtor ma dang sbyin sreg gi bya ba dang / so sor bshags pa'i mdo gdon pa dang / sdig pa bshags shing smon lam gdab par bya'o/