CLOSE WINDOW

D2000
བོད་ཡིག

@##/ /rgya gar skad du/ shrI badzra b+hai ra wa ba liM bi d+hiH/ bod skad du/ dpal rdo rje 'jigs byed kyi gtor ma'i cho ga /dpal rdo rje 'jigs byed khros pa'i rgyal po la phyag 'tshal lo/ /gdod nas dag pa'i rang bzhin gyis/ /rdo rje 'jigs byed phyag 'tshal 'dud/ /bar chad zhi phyir gtor ma ni//'bad de yang dag bshad par bya/ /dpal ldan rdo rje 'jigs byed kyi/ /gtor ma byed par 'dod pa yis/ /bdud rtsi lnga la sogs pa yi/ /rdzas kyi gtor ma bsham par bya/ /sgrub po lha phyogs kha bltas la/ /skad cig tsam gyis 'jigs par bskyed/ /mdun du yaM dang raM las ni//rlung dang me yi dbyibs can bskyed/ /de yi steng du sgyed gsum bsam/ /de steng a las thod pa'i snod/ /nang du sha lnga bdud rtsi lnga/ /skad cig tsam gyis bsam par bya/ /steng du oM AHhUM yig rnams/ /go rims ji bzhin bsam par bya/ /'od spros sku sogs rim bkug la//rim pa bzhin du bstim pa dang / /de nyid gsum ni brjod pa yis/ /gtor ma dag par bsgom par bya/ /de nas rang gi snying ga'i hUM/ /'od spros rdo rje 'jigs byed sogs/ /lha rnams spyan drangs mdun du bsam/ /hUM brjod lce ni byin gyis brlab/ /oM hrIHSh+T+r-iHwi kr-i tA na na hUM phaT/ badzra b+hai ra wa a d+hi pa ti/i maM ba liM/ kha kha khA hi khA hi hUM phaT swA hA/ zhes pas dbul ba'i sngags brjod bya/ /de rnams gsol bar bsams nas ni/ /las kyi bye brag phrin las bcol/ /ci 'dod pa yi dngos grub blang / /khyad par drag po bcol ba ni/ /bla ma smod par byed pa dang / /dkon mchog gsum la gnod byed dang //bstan pa la gnod byed pa dang / /sems can kun la gnod byed dang / /sngags rgyud la gnod byed pa'i mi/ /'di rnams khyed kyis gsad du gsol/ /zhes pas phrin las bcol lo/ /de nas gnang ba byin par bsam/ /de nas yi ge brgya pa brjod/ /oM AHhUM muHsa mgron rnams ni//rang bzhin gnas su gshegs su gsol/ /de ltar byas pa'i phan yon ni/ /bar du gcod pa zhi ba dang / /mi mthun phyogs rnams 'joms pa dang / /dngos grub dam pa thob par gyur/ /gzhan yang rab tu sbyor ba na/ /nad dang dgra la sogs pa yi/ /tshar gcod rjes gzung thams cad ni/ /de ma thag tu 'grub par 'gyur/