196b3 dpal rdo rje 'jigs byed kyi drag po'i sbyin sreg gi cho ga a mo g+ha badzras mdzad pa rdzogs so// //rwa rdo rje grags kyis bsgyur ba'o/ /[ ]@##/ /rgya gar skad du/ shrI badzra b+hai ra ba sA d+ha naM no pi kA/ bod skad du/ dpal rdo rje
196b4 'jigs byed kyi sgrub thabs/dpal rdo rje 'jigs byed la phyag 'tshal lo/ /gzugs mchog rab tu drag po che/ /dpa' bo mchog gi spyod yul can/ /gdul dka' 'dul ba'i don mdzad pa/ /rdo rje 'jigs byed phyag 'tshal nas/ /sgrub pa'i thabs ni yang dag par/ /
196b5 bdag gis nges par brjod par bya/ /rtogs dga'i rgyud rtog la btud nas/ /rim pa 'di la 'jug par bya/ /phun sum tshogs sogs mtshan nyid can/ /bla ma dang po mnyes par bya/ /rdo rje 'jigs byed mchog gi don/ /thams cad slob mar de bzhin te/ /dus kun du ni
196b6 snying rje ba//lus can kun la bsgom par bya/ /sngags pas thog mar langs nas ni/ /ci bde bar ni bsgom par bya/ /dang po dur khrod chu 'gram mam/ /shing gcig gam ni mtshan gcig gnas/ /bzhi mdo'am ni ri bo yi/ /rtse mo dang ni khang stong gnas/ /ma mo'i khyim
196b7 mam yang thog mdzes//lha yi khang pa dag tu dang / /'thab mo'i sa dang grong khyer stong / /yid du 'ong ba'i grong dag tu/ /'bol ba'i steng sogs la 'dug nas/ /thang ka la sogs gzugs gzhan bsgom/ /mchod dang bdud rtsi la sogs kyis/ /zhi ba la sogs
197a1 khyad par rnams//sha rnams kun gyi gtor ma ni/ /'byung po la sogs 'jigs la sbyin/ /dang por lha la bzod par gsol/ /zhing skyong la sogs thams cad gshegs/ /snying gar zla ba nyi dkyil gnas/ /yi ge hUM ni 'bar ba'i mchog /de la
197a2 'od kyi phreng 'phro bas//'jigs byed la sogs bkug nas ni/ /lha rnams lag na thogs pa yi/ /mchod pa rnams kyis legs par mchod/ /de yis bcom ldan 'das rnams dgyes/ /'khor rnams la yang lhan cig dbul/ /sdig pa rnams ni bshags par bya/ /
197a3 skyes shing byung ba rnams ni bsal/ /mi byed par ni spyan sngar brjod/ /de bzhin bsod nams rjes yi rang / /bdag gis bde 'gro yongs su bsngo/ /dkon mchog gsum la skyabs su 'gro/ /sems can thams cad bdag gis bsgral/ /byang chub gnas la dgod par bgyi/ /
197a4 byang chub sems ni yang dag bskyed/ /tshad med bzhi yi khang bzang lam/ /mchod pa bdun ni rab tu bya/ /gtso bo mkha' la bzhugs su gsol/ /lha dang chos rnams thams cad kun/ /bdag med par ni bsam par bya/ /dang por sngags 'di brjod pa yis/ /de bzhin
197a5 bdag med dran par bya//oM swa b+hA wa shud+d+haHsarba d+harmAH swa b+ha wa shud+d+hou0f85haM/ oM shU n+ya tA dz+nyA na badzra swa b+hA wa At+ma kou0f85haM/ 'di yis chos rnams thams cad dang / /bdag nyid stong par rnam par bsam/ /sems can bla med bya ba'i phyir/ /sngon gyi smon lam dran par bya/ /stong la
197a6 s yi ge yaM du gyur//rlung gi dkyil 'khor rnam par bsam/ /du ba'i mdog can rdo rje'i gdan/ /de dbus yi ge a las zla/ /de yi steng du yi ge d+hIH/ /'jam dpal gzhon nu yi ni gzugs/ /de yi snying gar rnam bsam pa/ /yi ge AHlas nyi dkyil 'khor/ /
197a7 bdag dang nyi ma gcig tu gyur/ /de las 'od zer rnam par 'phro/ /de rtser 'od zer rnam 'phro ba/ /'jam dpal gzugs ni bsam mi khyab/ /rdo rje ral gri g.yas na 'dzin/ /g.yon pa na ni sdigs mdzub kyang / /bgegs dang bar chod yang dag gsod/ /slar
197b1 'dus de yi dkyil du thim//slar yang 'od zer spros pa yis/ /phyogs bcu por ni yongs su gnas/ /de bzhin gshegs dang byang chub sems/ /rig pa 'dzin dang lha yi tshogs/ /khro bo la sogs de dag kun/ /slar 'dus nyi mar rnam par thim/ /de bzhin
197b2 gshegs dang 'jam pa'i dpal//rig pa 'dzin dang lha yi tshogs/ /nyi mar gcig tu gyur par bsam/ /gdug pa chen po'i 'od 'bar bas/ /dpag tshad dag ni stong phrag brgyar/ /thams cad khyab par rab tu gnas/ /de yi dbus su gzhal yas bsam/ /zur
197b3 bzhi pa la sgo bzhi pa//rta babs bzhi yis mdzes pa dang / /ba dan dril bu la sogs dang / /phreng ba la sogs rnams kyis spras/ /sgo khyud kyi ni phug dag tu/ /rdo rje rin chen sogs kyis spras/ /'khor lo nyis brtsegs yang dag bsam/ /lnga bcur gcig gis ma tshang dag /
197b4 pad+ma zla ba yang dag gnas/ /de dag steng na nyi dkyil 'khor/ /thams cad mchog tu bsreg pa yi/ /me lce 'bar ba'i 'od zer can/ /de la rim pa bzhin du yang / /lnga bcur gcig gis ma tshang ba'i/ /lha rnams de dkyil ro steng bsam/ /shar dang lho dang nub dang ni/ /byang
197b5 dang dbus su go rims bzhin//mgo dang lag pa rgyu ma rkang / /me sogs grwa bzhi dag tu yang / /de bzhin thod pa thod tshal pa/ /dur khrod kyi ni ras kyang gzhag /skyes bu gsal shing btsugs pa gzhag /de bzhin du yang phyag rgya'i ming / /shar la sogs pa'i snam bu bzhir/ /
197b6 gri dang mtshon ni rtse gcig dang / /gtun shing dang ni chu gri dang / /rtse gcig lcags kyu ma he dang / /ba lang lhan cig shar du brgyad/ /sta re mda' dang dbyug to dang / /kha T+wAM 'khor lo de bzhin zhags/ /phag dang bong bu lho phyogs kyi/ /snam bu la ni rim pa bzhin/ /rdo rje rde chung dang ni
197b7 phub//gzhu dang dril bu rlung gi ras/ /rnga mo khyi ni nub phyogs kyi/ /snam bu la ni de bzhin bri/ /sdigs mdzub dang ni 'phan rtse gsum/ /glang chen lpags dang tho ba dang / /mdung dang me yi thab dang ni/ /lug dang spyang ki lhan cig brgyad/ /byang du rtag tu bsam par bya/ /sgo yi
198a1 phyogs su gzhag pa ni//shar gyi sgo ru bya rgod gzhag /lho yi sgo ru 'ug pa gzhag /nub tu bya rog seng ge yang / /byang du rnam par bsam par bya/ /me grwa khyung ni legs par gzhag /bden bral du ni khra gzhag go/ /rlung gi gnas su ri skegs te/ /dbang
198a2 ldan du ni de bzhin bzhad//thams cad de bzhin rnam par dgod/ /zla ba'i gzugs su bsam par bya/ /dbus kyi zla bar yi ge d+hIH/ /sngon gyi 'jam pa'i gzugs 'dra bar/ /gti mug brdzun dang chags phrag dog /shar sogs le'u tshe bzhi la'o/ /me yi grwa sogs rnam
198a3 bsam pa//sems ma rdo rje de bzhin du/ /rin chen rdor ma bsgom par bya/ /chos kyi rdor ma de bzhin te/ /las kyi rdor ma rnam bsam bya/ /rdo rje rnon po rdo ral gri/ /byams pa dang ni 'jam dpal gzhag /ye shes sku dang ngag dbang phyug /zla ba'i 'od dang ye shes mtsho/ /shar
198a4 du brgyad po de dag gzhag /lho phyogs su ni gzhag bya ba/ /rdo rje sna tshogs rdor gnon sbyin/ /rdo rje khu tshur rdo rje chos/ /rdo rje srung ba rnon rdo rje/ /rdo rje rgyu dang dra ba'i 'od/ /nub phyogs de bzhin brgyad gzhag pa/ /rdo rje smra ba rdo rje sems/ /rdo rje rgyal po rdo rje chags/ /rdo rje legs
198a5 dang rdor rin chen//nyi ma'i 'od dang rdor nyi ma/ /byang du yang ni brjod bya ba/ /rdo rje dpal dang rdo rje bzhad/ /spos kyi glang po ye shes rtog /thams cad thabs kyis 'gro ming dang / /rgya mtsho'i blo gros legs par gzhag /blo gros mi zad bsgom par bya/ /bdud rtsi 'od dang
198a6 brgyad gzhag go /shar la sogs pa'i sgo bzhi ru/ /rdo rje lcags kyu rdo rje zhags/ /rdo rje lcags sgrog rdo rje dril/ /rim pa bzhin du bsgom par bya/ /me la sogs pa'i grwa ru yang / /rdo rje gnod mdzes gtsug tor dang / /rdo rje hUM mdzad de bzhin du/ /rdo rje gzhan gyis mi thub
198a7 pa'o//shar gyi phyogs pa thams cad gnag /de bzhin lho pa thams cad ser/ /mun pa thams cad dmar po yin/ /byang ni thams cad ljang gu yin/ /'di dag sa bon yi ge ni/ /oM AM dzrIM khaM/ saM raM d+haM kaM /baM khaM meM maM/ dz+nyAM baM tsaM dz+nyAM/ biM yaM mUM d+haM/ raM taM haM dzAM/ b+haM baM rAM raM/ sAM
198b1 raM sUM baM/kaM haM gaM dz+nyAM/ saM sAM aM aM aM praM spoM g+haM/ suM uM hUM a zhes pa'o/ /de nas yi ge a sogs ni/ /yi ge ha yi mthar thug pa/ /'di dag thams cad yongs gyur las/ /gong gi lha ru rnam bsam bya/ /yang ni de bzhin kun la yang / /yi ge a las nyi dkyil 'khor/ /
198b2 de bzhin nyi ma'i dkyil 'khor las/ /'od zer dag ni rnam 'phros pas/ /phyogs bcu kun du bzhugs pa yi/ /de bzhin gshegs dag yang dag bskul/ /thams cad dgyes byas slar yang ni/ /bsdus nas nyi ma dag la thim/ /de la zhugs pa brtan par bsgom/ /rnam par rtog
198b3 pa thams cad bsal//de yis rang bzhin dag pa'i ming / /'od gsal ba yi ting nge 'dzin/ /de la yang ni 'jam dpal sogs/ /de bzhin gshegs pa la sogs kun/ /gtso la bskor nas lhan cig tu/ /de bzhin du ni thim nas kyang / /nyi ma'i dkyil 'khor du bsam bya/ /'od
198b4 zer 'bar ba'i gzugs can no//de yi dkyil du gtso sogs kyi/ /sa bon yi ge rnam bsam bya/ /yi ge hUM ni gtso bo sbyin/ /snying po thams cad nyi ma la/ /oM hrIHSh+T+r-iHwi kr-i tA na na/ gti mug sogs kyi dkyil 'khor lo/ /yak+She yats+tsha ni rA ma ya/ shar du yang dag bsam par bya/ /
198b5 ya ma rA dza sa do me ya/ /de bzhin lho yi phyogs su gnas/ /ya me do ru Na yo da ya/ nub phyogs snam bu la ni sbyin/ /ya da yo ni ra yak+She ya/ byang du lha de gzhag par bya/ /ya mAn+ta ka sgo bzhi ru/ /shar la sogs pa rnam bsam bya/ /oM oM oM oM me la sogs pa'i grwa bzhi ru/ /
198b6 thams cad 'od zer lnga rang bzhin/ /dbus sogs shar phyogs dkar po yin/ ser po dmar po ljang gu'i mdog /lho dang nub dang byang yin no/ /de bzhin thams cad 'od zer ni/ /rnam par 'phro bar bsam par bya/ /sngon brjod de bzhin gshegs la sogs/ /slar
198b7 yang bsdus nas gzhug par bya//dbus kyi yi ge las khro bo'i/ /rdo rje chen po kha dog gnag /'od zer 'gyed par rnam bsam bya/ /de bzhin rdo rje phra mo'i gzugs/ /sangs rgyas byang chub sems khro bo/ /rig pa'i lha mo nam mkha'i steng / /til gyi gang bu bzhin gang bar/ /
199a1 gnas par bsam par bya ba yin/ /de bzhin sangs rgyas la sogs pas/ /sems can yongs su smin par yang / /btul nas byang chub la gzhag ste/ /yang bsdus 'ongs te rdo rje la/ /thim par rnam par bsam par bya'o/ /'khor ba gnas pa byas
199a2 pa ni//sngon du brjod pa'i mgo sogs brgya/ /'od ltar kha dog khyad par sbyar/ /'od zer rang bzhin rnam bsam bya/ /so so rigs kyi lha bzhin du/ /nam mkha'i steng du gnas pa ni/ /til gyi gang bu bzhin nyi ma'i/ /gdan la mngon par gnas par bsgom/ /de yis 'gro don byas
199a3 na yang //'ongs nas rang la gzhug par bya/ /slar yang nyi ma'i dkyil 'khor la/ /thams cad 'og tu rang gnas su/ /rang mtshan lhan cig yongs su gyur/ /gtso bo la ni bskor nas gnas/ /myur ba nyid du sku ru rdzogs/ /hrIHSh+T+riHbrjod pa'i rang bzhin can/ /gtso bo bstan pa
199a4 de bzhin 'dir//sgrub pa pos ni de bzhin bsgom/ /de ni rdo rje yi ni gzugs/ /zhal dgu pa ni rtag tu drag /ma he yi ni gzugs can te/ /'jig pa'i me dang mnyam pa'i 'od/ /thams cad drag po'i bdag nyid gzugs/ /dpal chen rdo rje 'jigs byed do/ /khams gsum
199a5 po ni za bar nus//rnam par gtsigs pa'i zhal bgrad pa/ /ljags 'dril ba ni gzi brjid che/ /rdo rje me dang mnyam par 'phro/ /rnam par gtsigs pa drag por gtsigs/ /khro gnyer zhal bgrad smin bgreng spyan/ /'jig pa chen po'i dus dang mnyam/ /'brug gi sgra dang rtag tu
199a6 mtshungs//mi yi khrag dang rkang dang zhag /tshil bu klad pa za rang bzhin/ /'jig rten 'jig rten 'das sogs pa'i/ /lha la bsdigs par byed pa'i gtso/ /brgya byin tshangs dbang biSh+Nu dang / /gzhon nu bi nA ya ka sogs/ /thams cad yang ni gsol bar byed/ /thod pa yis ni
199a7 thod du byas//lha la 'jigs pa chen por byed/ /pheM gyi sgra ni sgrogs pa yin/ /shin tu khros pa yi ni gzugs/ /thod pa'i 'phyang 'phrul dag gis brgyan/ /kham pa shin tu yang dag brdzes/ /gcer bu zhabs ni bcu drug ste/ /g.yon pa'i zhabs kun brkyang ba yin/ /'dar zhing
199b1 g.yo bar yang dag sbyor//'jigs pa chen po yi ni sku/ /thams cad 'bar ba gyen du brdzes/ /phyag ni sum cu rtsa bzhi ste/ /gnyis kyis glang po'i pags rlon 'dzin/ /g.yas kyi dang po gri gug 'chang / /gnyis pa rdo rje rtse gcig pa/ /gsum pa gtun shing de bzhin no/ /bzhi
199b2 pa lnga pa drug pa ni//chu gri rtse gcig sta re'o/ /bdun pa mdung rtse brgyad pa na/ /mda' ste dgu pa lcags kyu'o/ /de bzhin bcu pa dbyug to'o/ /bcu gcig pa na kha T+wAM ga /de bzhin bcu gnyis 'khor lo'o/ /bcu gsum pa ni rdo rje ste/ /bcu bzhi pa na tho ba'o/ /bco lnga pa na ral
199b3 gri ste//bcu drug pa na rnge'u chung ngo / /g.yon pa'i dang po thod pa ste/ /gnyis pa na ni mgo bo'o/ /gsum pa phub ste bzhi pa rkang / /lnga pa de bzhin zhags pa'o/ /drug pa gzhu ste bdun rgyu ma/ /brgyad pa dril bu dgu ni lag /bcu pa na ni dur khrod ras/ /bcu gcig skyes bu
199b4 gsal shing btsugs//bcu gnyis pa na me thab bo/ /bcu gsum pa na thod tshal te/ /bcu bzhi pa na sdigs mdzub bo/ /bco lnga pa na 'phan rtse gsum/ /bcu drug pa na rlung gi ras/ /rim bzhin bsgom ste gzhan yang ni/ /g.yas kyi rkang pa dang pos ni/ /gnyis pa yi ni
199b5 ma he'o//gsum pa yis ni ba lang ste/ /bzhi pas de bzhin bong bu'o/ /lnga pas rnga mo drug pas khyi/ /bdun pas lug ste brgyad spyang ki/ /g.yas kyi rkang pas de dag zhon/ /g.yon gyi rkang pa dang po yis/ /bya rgod gnyis pas 'ug pa'o/ /gsum pas bya rog bzhi pas seng / /
199b6 lnga pas khyung ste drug pas khra/ /de bzhin bdun pas ri skegs te/ /brgyad pa yis ni bzhad yin no/ /rim pa bzhin du zhon pa'o/ /dpal chen rdo rje 'jigs byed zhal/ /dang po ma he'i gdong pa ste/ /nag po khro ba g.yas pa yi/ /rwa rtsa na ni zhal gsum ste/ /g.yas kyi dang
199b7 po'i zhal ni sngo//de yi g.yas dmar ser po dang / /g.yon pa'i rwa rtsa'i zhal gsum ni/ /dkar dang dud ka nag po'o/ /thams cad shin tu khros pa ste/ /zhal gtsigs par ni rnam par bsam/ /rwa gnyis kyi ni dbus ma'i zhal/ /brgyad pa yin te dmar po'o/ /zhal
200a1 nas khrag rnams 'dzag pa ni//shin tu de bzhin bsgom par bya/ /de yi steng du kun bzang gi/ /zhal ni cung zad ser ba'o/ /cung zad tsam ni khro ba'i gzugs/ /gzhon nu'i rgyan gyis brgyan pa'o/ /gtsug phud lnga yi rtse mo can/ /dgu pa yin te dus kun du'o/ /
200a2 zhal rnams thams cad spyan gsum par/ /bdag nyid de bzhin bsgom par bya/ /'khor gyi tshul rnams thams cad kyi/ /ming dang gzugs la sogs pa brjod/ /shar gyi ming ni rdo rje mgo/ /lho yi rdo rje lag pa'o/ /nub kyi rdo rje rgyu ma ste/ /byang ni rdo rje rkang pa'o/ /me grwa'i rdo rje thod pa mo/ /
200a3 bden bral rdo rje thod tshal ma/ /rlung du dur khrod ras ma'o/ /dbang ldan mdung rtser bskyon pa'o/ /phyi rim shar phyogs snam bu la/ /de bzhin rim par bsgom bya ba/ /rdo rje gri dang rdo rtse gcig /de bzhin rdo rje gtun shing dang / /rdo rje chu gri mtshon rtse gcig /rdo rje lcags kyu de bzhin gzhan/ /
200a4 rdo rje ma he rdo rje ba/ shar na gnas pa brgyad kyi'o/ /snam bu dang por shes par bya/ /lho yi rdo rje sta re dang / /rdo rje mda' dang rdo rje dbyug /rdo rje kha T+wAM de bzhin te/ /rdo rje 'khor lo rdo rje zhags/ /de bzhin rdo rje phag pa yang / /rdo rje bong bu brgyad pa'o/ /nub tu rdo rje rdo rde'u/ /rdo rje phub dang
200a5 rdo rje gzhu//rdo rje dril bu de nas yang / /rdo rje rlung gi ras yin no/ /de bzhin rdo rje rnga mor shes/ /rdo rje khyi ni brgyad pa'o/ /byang gi rdo rje sdigs mdzub dang / /rdo rje 'phan rtse gsum pa dang / /rdo rje glang pags rdo tho ba/ /rdo rje mdung dang rdor me thab/ /rdo rje lug ni de bzhin te/ /rdo rje spyang
200a6 ki brgyad pa'o//gnas bzhi ru ni bsgom par bya/ /shar sgo skyong ba bya rgod do/ /lho yi skyong ba 'ug pa ste/ /nub kyi skyong ba bya rog go/ /byang gi skyong ba seng yin no/ /me grwar khyung ni legs par gzhag /bden bral gyi ni khra yin no/ /de bzhin rlung gi ri skegs bsrung / /dbang
200a7 ldan bsrung ba bzhad yin no//ming gi thog ma kun rdo rje/ /dang po gzugs mdog nag por brjod/ /de rnams kha dog gcig yin te/ /phyag gnyis pa la zhal gcig pa'o/ /rang gi ming bzhin phyag mtshan 'dzin/ /g.yas bskum zhabs kyis brtan par bzhugs/ /
200b1 thams cad ro yi gdan la bzhugs/ /spyan gsum pa ni cher drag pa/ /dbu skra kham pa 'bar ba'o/ /thams cad thod pas brgyan pa ste/ /bcom ldan 'das kyi zhal du blta/ /cher 'khrugs pa ni bzhad pa'i zhal/ /zhal nas pheM gyi sgra sgrogs 'phro/ /bcom ldan de bzhin
200b2 thams cad kyang //de bzhin gcer bu mtshan gyen 'greng / /lha rnams thams cad la mtshungs par/ /rang gi sa bon snying gar dgod/ /de las sprul pa'i 'od 'phro bas/ /ye shes 'khor lo spyan drang ngo / /dzaHhUM baM hoH'i yi ges dgug /gzhug dang bcing dang mnyes
200b3 par bya//sngags pa yang ni gcig pu ni/ /dbang bskur ba yang bsgom par bya/ /mchod pa sna tshogs mchod par bya/ /bdag gis thams cad bstod par bya/ /mi yi sha la sogs pa dang / /khrag gis kyang ni mchod par bya/ /'di yi dkyil 'khor rdzogs pa ni/ /snying rjes
200b4 'khrugs pa'i ting 'dzin gyis//drag po'i las kyi don du ni/ /sngags bzlas de bzhin dran par bya/ /brnyas pa'i sems can gdul bar bya/ /thams cad rjes su mthun par bya/ /oM hrIHSh+T+r-iHwi kr-i tA na na hUM phaT/ ces pa nye ba'i snying po'i sngags/ /oM ya mAn+ta ka hUM phaT/ ces
200b5 pa yang ni snying po'i sngags//oM ya ma rA dza sa do me ya/ ya me do ru Na yo da ya/ /ya da yo ni ra yak+She ya/ yak+She yats+tsha ni rA ma ya hUM hUM phaT phaT swA hA/ zhes pa dag ni rtsa sngags so/ /'di rnams de ni gang 'don par/ /sngags bzlas par ni de bzhin bya/ /yi ge 'bar bar bsgoms pa
200b6 yis//dngos grub dag ni myur ba yin/ /thams cad la ni dbang bsgyur bar/ /snying gar nyi ma rnam bsam bya/ /thams cad kyis ni 'khor bar yang / /ma he'i gdong gi snying gar dgod/ /snying po'i sngags sogs dang por ni/ /sngags gsum bzlas pa yang dag sbyar/ /de
200b7 bzhin sngags ni so sor bzlas//sgrub pa pos ni gang 'dod bya/ /snying po la sogs brtan gnas pa/ /lha rnams la yang de bzhin dgod/ /sha rnams thams cad za ba na/ /dang por ma he'i gdong la dbul/ /gtor ma 'byung po thams cad la/ /sngags bzlas pas ni sbyin par bya/ /
201a1 oM b+hU tsa ra NaM/ ya pA tA la tsa rA ya/ maM khe tsa rA ya/ ta pUrba ni gA naM/ ka dak+Shi Na dI gA yA/ hUM pa sh+tsi mAM mAM/ phaT ut+ta ra dI gA ya/ oM hrIHyaSh+T+riHpA wi k+Shi kr-i ko/ /tA na na de/ hUM b+h+yo phaT sarba b+hU te b+h+yaHrtsa ba'i sngags kyis byin brlab bya/ /brtan pa ru ni bsgom pa yis/ /'di yis
201a2 thams cad rdzogs par bya//ting nge 'dzin ni bsgrub pa'i ming / /sgrib pa thams cad sel ba'o/ /dus gsum du ni de ltar bsgrub/ /rgyun du brtan par bsgrub par bya/ /thams cad las ni gang byed pa/ /bdag nyid ma he'i zhal gyis so/ /ting 'dzin gsum ni sems kyis bya/ /'khrugs
201a3 pa'i 'bar ba'i sems kyis sbyor//sems can mthun dang mi mthun dag /yid kyis bya ba rab tu bya/ /bdag gis byang chub tu rab gdul/ /sems can mnyam par yang dag byung / /dam pa'i don du rnam dag pa/ /dus ni dpa' bo chen po'i gzugs/ /zhal brgyad thun tshod brgyad
201a4 yin no//zhal dgu thun tshod spyi yin no/ /phyag dang zhabs gnyis zla ba dang / /zla ba phyed dang yang dag sbyor/ /bzhon pa bcu drug dus dang ni/ /zla ba yi ni zhag tu shes/ /zhal ni gza' dgu dag tu shes/ /phyag ni rgyu skar dag dang sbyar/ /zhabs ni 'pho ba bcu gnyis dang / /dus bzhi
201a5 yang ni de bzhin no//mtshon cha rnams ni stong pa dang / /snying rje dag ni bcu drug gnyis/ /glang chen pags pa bgegs chen te/ /drag po'i gzugs ni sdug bsngal che/ /sel bar byed pa'i gtso bo'o/ /kha dog nag po byams pa che/ /thod pa'i rgyan ni mi 'gyur ba'o/ /dkyil 'khor lha
201a6 ni thams cad dag /rang bzhin 'byung ba'i dus dag go/ /sngags gsum dag pa sku gsum mo/ /lha rnams nyid ni rang ming ni/ /dang por oM dang hUM phaT mtha'/ /thod par btung ba'i dus dag go/ /dkyil 'khor byang chub phyogs yin no/ /zhon pa sa ri san+ti ka /mdog sogs de
201a7 bzhin gshegs pa ste//dag pa thams cad shes pa'o/ /'di ni dag pa cung zad tsam/ /'jam dpal rgyud na rgyas pa yin/ /bdag gis sgrub thabs 'di byas pas/ /bsod nams de ni gang rnyed pa/ /de yis 'jig rten bsod nams shog /bdag gi sdug bsngal bral gyur
201b1 cig/dpal gyi sgrub thabs 'di bsdus pa/ /rdo rje 'jigs byed rtog pa ni/ /sum brgya pa ste 'jam dpal gyi/ /rgyud las cung zad tsam zhig phyung / /ma tshang lhag pa gang yin pa/ /bdag la legs par bzod par mdzod/ /sngon du bdag gis gang las mthong / /de ni mnyes
201b2 par bya ba tsam//dpal rdo rje 'jigs byed kyi sgrub pa'i thabs slob dpon la li ta badzra'i zhabs kyis mdzad pa rdzogs so// //rgya gar gyi mkhan po pradz+nyA shrI de ba dang / bod kyi lo tsA ba cog gru ban+de shes rab bla mas bsgyur cing zhus te gtan la phab pa'o// //