192b5 slob dpon rat+na A ka ra shAn+tis mdzad pa rdzogs so// //rgya gar gyi mkhan po dI paM ka ra rak+Shi ta dang / lo tsA ba dge slong rdo rje grags kyis bsgyur ba'o// //[ ]@##/ /rgya gar skad du/ ts+tshuts+tshun+dA ra kalpa/ bod skad du/
192b6 ts+tshuts+tshun+dA ra'i rtog pa/ bcom ldan 'das gshin rje gshed la phyag 'tshal lo/ /de nas ts+tshuts+tshun+da ra'i cho ga zhib mo bshad par bya ste/ oM ru dro ya ma he shwa ra yo ga pra shA la ya/ yo ga sid+d+hi ma/ da dA hi me swA hA/ hUM hUM haHda ha da ha/ pa tsa pa tsa/ urde ya hUM phaT/ rig sngags 'di'i
192b7 bya ba'i cho ga ni/nyin mtshan du ni mi nyal bar dri dang me tog dang bdug spos phul nas gtor ma btang ste/ stong phrag brgyad bzlas na 'grub par 'gyur ro/ /de nas las rnams su gyur pa ni ts+tshuts+tshun+da ra shi ba blangs la/ pags pa dang rus pa dang sha dang spu rnams phye mar btags te/ stong
193a1 phrag gnyis bzlas nas phye ma des dpral ba la bskus na bdag nyid dgra yis mi mthong ngo //oM ma ma hu ya ti/ phye ma des lag pa la bskus nas gang la reg pa de dbang du 'gyur ro/ /phye ma de nyid rkang pa la bskus na dpag tshad brgya stong du phyin nas ldog go/ /phye ma de
193a2 nyid kyis dgra'i sgo logs la bskus nas khyim gyi sgor stong phrag brgyad bzlas na skrod par byed do//phye ma de dang dur khrod kyi sa dgra bo'i sgo rtsar bcad cing sbas na dgra bo'i rigs rnams 'joms par 'gyur ro/ /yang na dgra bo'i rigs skrod par 'dod na/ ts+tshuts+tshun+da ra'i pags pa blangs la stong
193a3 phrag brgyad yongs su bzlas nas gcin shul gyi sas bkang nas skud pa sngon pos bcings te nam mkhar btags na gcin 'gags par 'gyur ro//bkrol na thar ro/ /ts+tshuts+tshun+da ra'i pags pa phye mar btags nas lha chen po'i mdun du stong phrag brgyad bzlas la/ yang dri dang me tog
193a4 dang bdug spos dang /gtor ma btang ste/ slar yang stong phrag brgyad bzlas na de nas 'grub par 'gyur ro/ /phye ma de sna'i rtse mor bskus na skye 'gro thams cad sdud par 'gyur ro/ /mgo bor bzhag na dgra thams cad dang 'gyed pa'i len thebs par 'gyur ro/ /phye ma de nyid rang
193a5 gi snying gar bskus nas gal te dgra la bstan na snying ngan par 'gyur ro//sA lu'i phye ma las gzugs byas nas phye ma des bskus na dgra bo de rengs par 'gyur ro/ /sA lu'i phye ma las gzugs byas te phye ma des bskus na mdzes thebs par 'gyur ro/ /dur khrod kyi thal ba dang
193a6 bcas pas dgra'i tshogs la gtor na gang gis mnan pa dang mthong ba de dag nad kyis thebs par 'gyur ro//phye ma de la lan stong bzlas na gang gang gi mgo bor blugs pa de dbang du 'gyur ro/ /phye ma de thod pa dang lhan cig tu sgo glegs su bzhag na dgra bo dbye bar 'gyur ro/ /
193a7 phye ma des bud med kyi lag pa la bskus na bud med de 'chi bar 'gyur ro/ /phye ma de gang gi sgor sbas na skrod par 'gyur ro/ /phye ma de dang sha chen po bsres nas gang gi btung bar byin na/ nyi ma bdun na 'chi'o/ /phye ma de dag bshang ba dang bsres nas dgra la byin na/ dgra bo bkres pa
193b1 dang /gzhang 'brum dang tshad pas thebs nas phyi nas ni rang nyid dga' bar 'gyur ro/ /ts+tshu ts+tshun+da ra'i rus pa blangs nas gang gi khyim du sbas na 'chi'o/ /ts+tshu ts+tshun+da ra'i sha dang nya'i zhag dang bcas pas lha la mchod pa byas nas/ dur khrod du thod pa'i steng du 'dug la thod pa bzung la bzlas pa bya ste/
193b2 yang dur khrod kyi thal ba la lan stong du blugs shing sbyin sreg byas na 'grub par 'gyur te/ phye ma de tsha ba gsum dang bsres pas las su 'gyur ba ni/ gang gi khyim du bzhag na de la me'i tsha ba 'byung bar 'gyur ro/ /phye ma de ske tshe dang bsres pas kyang las de nyid du 'grub par 'gyur ro/ /
193b3 phye ma de dur khrod kyi sa las gzugs byas te sgo rtsar sbas na 'phral nas 'phral du na tsha dang gsod par 'gyur ro/ /phye ma de dang lan tshwar bsres nas gang la brdegs pa de dbang du 'gyur ro/ /phye ma de yungs kar dang bsres nas rgyal po'i sgo la gtor na/ rgyal po de dbang du 'gyur ro/ /
193b4 gang gis mnan pa de dag thams cad kyang dbang du 'gyur ro/ /kham phor so ma btang ba la pha wang brun gyis byugs la/ dgra'i dri chen dri chu drod ma yal ba la bkab na/ dri chen dri chu 'gag go/ /phyung na slar 'tsho'o/ /ts+tshu ts+tshun+da ra'i rtog pa rdzogs so// //b+ha ro phyag rdum
gyi phyag dpe las/