CLOSE WINDOW

D1995
བོད་ཡིག

slob dpon many+dzu badzras mdzad pa rdzogs so// //bal po'i paN+Di ta b+ha ro phyag rdum dang / bod kyi lo tsA ba rdo rje grags kyis bsgyur cing zhus te gtan la phab pa'o/ /[ ]@##/ /rgya gar skad du/ badzra d+hai ra ba ga Na tsakra nA ma/bod skad du/ rdo rje 'jigs byed kyi tshogs kyi 'khor lo zhes bya ba/ 'jam dpal gzhon nur gyur pa la phyag 'tshal lo/ /dngos dang dngos med bdag nyid gtso/ /dang por rdo rje sems la phyag 'tshal nas/ /'dod pa thams cad rab stsol ba/ /tshogs kyi 'khor lo bdag gis bshad//sngags pa mchog tu rtog med pas/ /dus kun du ni mnyam par gzhag /rgyud kun gyi ni rjes 'brang shes/ /de nyid bcu ni mchog tu rig /zab cing rgya che chos rnams la/ /yid ni dal bar gyur pa dang / /nga rgyal med pa'i slob ma rnams/ /legs par thos 'dod dad rnams la//tshogs kyi lha ni yongs rdzogs pas/ /'dod yon lnga yi 'bras bu ster/ /dben zhing nyams dga'i khang pa ru/ /der ni rang gis mchod pa brtsam/ /rnal 'byor rgan pa'i rim pa yis/ /phyag dang mchod pa bya bar grags/ /yang na yon tan che ba'am//mgron po yin phyir gus pa dang / /khrus dang dri zhim gos dang ni/ /me tog phreng bas brgyan pa dang / /mchod yon bdug pa ci nus pas/ /tshogs kyi 'khor lo brtsam par bya/ /las kyi rdo rje mnyam bzhag pas/ /'di dag la ni bsang gtor bya/ /mdzod spu spyi bor thal sbyar nas//yan lag brgyad kyis phyag bya'o/ /rin chen snod sogs gtor ma gzhag /rgyal ba 'jig rten 'das la dbul/ /'jig rten pa dang sngags lha la/ /de nyid rig pas mchod pa brtsam/ /rgyud kyi dgongs pa'i sbyor ba yis/ /pad+ma'i snod du bdud rtsi che/ / lcags kyu bcu ni yang dag bzlas/ /de dag thams cad tshim par bya/ /thun mong kun gyi mchod pa dang / /kun la gsang ba mchog gi mchod/ /bde ba chen po'i go 'phang gnas/ /tshogs kyi gtso bo 'jug par bya/ /bu mo dal ba tshang zhing zhal gyi pad+ma'i mgo bo smad/ /yon tan chen po shin tu rgyas shing de nyid yang dag rig par rung ba nyid//sems kyi rnam rtog bral zhing rgyan rnams kun dang ldan/ /nu ma gnyis ni mchog tu rgyas pas bdud rtsi'i snod ni de yis 'bul/ /rang byung ye shes me 'bar bas/ /'od 'phro gdan gyi lus 'bud cing / /khar ni de nyid sbyin sreg phyir//ro la sogs pa dbab par bya/ /de nas snying ga'i zla dkyil sar/ /thig le'i lha ni mnga' bdag che/ /yang na rang gi 'dod sogs lha/ /'khor lo rgyan gyis brgyan pa'o/ /ming med thig les thig le ste/ /de nyid bsrung bsrubs 'od zer can/ /lce yi rtse la nyung zad dgod/ / bdud rtsi'i rgyun gyis tshim bya'o/ /lte ba'i 'khor lo nA da las/ /byung bas de yi ro bkug nas/ /lan gsum du ni 'thungs nas su/ /rnal 'byor pa de bde bar gnas/ /bi mu ma ra shu da ha na go ku pany+tsa ka/ /rgyud dang rgyud gzhan brjod pa yi/ /gzhan yang bdud rtsi chen po rnams/ / bar snang du ni gnas pa la/ /kun la mdzub gtor byin par bya/ /dpa' bos dpa' bo'i lha dang ni/ /lha mo kun gyi tshogs la gsal/ /lcags kyu bcu yi de nyid ni/ /thogs nas sbyin bdag sems dag phyir/ /ji ltar rigs par rtogs nas ni/ /phyi rol lha la dbul bar bya//sems can rnams la sangs rgyas nyid/ /kun gyi snying rje'i stobs kyis bsgrub/ /rdo rje dril bu ldan pas bstod/ /'khor los sgyur la bstod par bya/ /sgeg pa'i tshul kyis ster ba dang / /mchod rdzas kyi ni snod dag rnams/ /so so'am kun la gcig tu'o/ /dag dang ma dag spyad mi bya//ji ltar 'dod pa'i bza' dang btung ba rnams/ /mchod pa sna tshogs mang po yis/ /rdo rje can gyis mchod pa yin/ /ci bde ji ltar 'dod par gsol/ /de ltar seng ge bzhin du dogs med rtogs bral bas/ /srid zhi'i go 'phang de nyid gnas pas bde bar ldan/ /rang gi yid 'ong ke shi ka la sogs pa'i glu//rgyal ba ma lus tshogs la gar gyis kyang ni mchod par bya/ /snod ni gang gis lag par gzhag /gar gyi lag pas gzung bar bya/ /mi shes pa'am rmongs pa yis/ /smod par gyur na chad pa thob/ /lus ngag yid kyi las kyis ni/ / la la dul bar ma gyur na/ /chad pas de ni zhi ba'i phyir/ /de yis ji ltar rigs par brtag /lag pa gnyis kyi phyag rgya yis/ /de nyid gtso bo'i cho ga bzhin/ /phan tshun du ni tshim par bya/ /sgeg dang rtse ba'i ro yis bde/ /zab dang rgya che'i gtam brjod cing / /de nyid brtson pas mchod par bya//glu dang rnga sogs gar gyis ni/ /thabs dang shes rab bde ba'i mchog /phan tshun du ni mnyam par gus/ /dam tshig nyan par shin tu 'dod/ /pha rol phyin bcu sbyor ba yis/ /brtul zhugs can gyis mchod sbyin bya/ /'gro bar 'dod pas thal sbyar nas/ / sngon du bzod gsol 'gro bar bya/ /bya ba byas nas blo ldan gyis/ /de nas phyag byas 'jug par bya/ /rtag tu rnal 'byor bdag nyid dang / /rtag tu de nyid lam la zhugs/ /rtag tu 'dul bar ldan pa yin/ /tshogs kyi 'khor lo rtag tu bya/ /sbyin pa'i zas sbyin pa rnams la/ /phyag rgya thun mong du ni brjod//de phyir grol bar 'dod pa yis/ /bdag dang gzhan la mchod par bya/ /ji srid rang gi bde 'dod pas/ /'di nyid rol dang sgeg pa yis/ /de srid phyag rgya lhan cig tu/ /gnyug ma 'di yis mchod par bya/ /mig la sogs pa'i thabs chen gyis/ / gzugs sogs rdo rje ma yi tshogs/ /rnam shes rnams kyi bde chen po/ /phyi rol gyi ni rtag tu 'jug /rdo rje pad+ma'i 'od zer gyis/ /zla ba'i 'od zer dkar po 'dra/ /rgyal ba'i tshogs kyi 'od zer 'byung bas rang bzhin med par rang bzhin can/ /shin tu bde ba mchog tu 'phags pas yid du 'ong ba'i shes rab bka' nyan las//dag pa'i lce yis len byed sems can de ni rdo rje sems/ /de nas gshegs gsol thob pa na/ /bkra shis klu dang lha kun la/ /tshogs kyi 'khor lo mngon byas nas/ /yon bdag mgo la me tog gzhag /bkra shis brjod la sdom pa sbyar/ /'byung po thams cad sangs rgyas su/ /bla na med par smon lam gdab/ /lhag ma'i gtor mas tshim par bya/ /gtor ma chen po yang dag bsdus/ /chos bdag ye shes gyur nas ni/ /blo dang ldan pas dge la sbyar/ /mtho gang tsam gyi mtho ba ru//rgyal ba chos kyi gzhi bsam bya/ /de las bdud rtsi rgyun 'dzag pa/ /rang nyid la ni bsam par bya/ /yungs kar tsam gyi phra ba ni/ /rdo rje can gyi mtshan ma ste/ /rdo rje rtse'am sna rtser bsam/ /brtan par gyur nas spro bar bya/ /snying ga'i dkyil ni nam mkha' la//zla ba'i dkyil 'khor rdzogs pa ste/ /der ni chos kyi 'byung gnas gnas/ /phra mo'i rdo rje rtag tu dran/ /rdo rje la sogs ro dang ldan/ /yid kyi rang bzhin rnam thar gsum/ /rnam pa kun gyi don dag la/ /'gyur ba med pa'i bde ba che/ /thabs dang shes rab rnal 'byor dag /las kun la ni thams cad du/ /yang dag byang chub legs sems gzugs/ /de nyid brtson pas bsam par bya/ /sngags ni srog gi yi ge bzlas/ /thig le'i rang bzhin 'od gsal ba/ /chos dang chos min las grol ba/ /rtag tu yongs su bsgom par bya//de yis dus sam thams cad du/ /grol ba'i lam la brtson pa yis/ /rtag pa'i dus su bsgom byas na/ /de yis grol thob phun sum tshogs/ /'gro ba rnams kyi bsam pa sbyin pa la sogs kun gyis myur du yongs rdzogs nas/ /bdag med rdo rje la sogs kyis ni rnam rtog rmongs pa'i grong khyer thams cad brtag byas nas//rgyal ba'i 'khor lo gang zhig bskor bas bla ma'i ye shes 'char zhing thar pa ster byed pa/ /'phags pa de yi thugs rje chen pos nad rnams rtag par shin tu grol bar byed/ /zab pa'i tshogs kyis yon tan gter ldan pas//rnam par rtog pa'i rtog pa las rgyal nyon mongs spangs pa yi/ /bag chags bcas pa'i gnas las gol zhing rnam grol ba'i/ /dngos dang dngos med rnam grol rnal 'byor pa la phyag 'tshal lo/ /yan lag rgyan rnams kyis ni rnam par brgyan pa yi/ /nam mkha' zla ba'i 'od zer cha ni rnam pa sna tshogs byed pa gang //shes rab tshogs kyi bdag nyid la ni phyag 'tshal 'dud/ /'jig rten 'jig rten 'das bcas bla ma'i 'khor lo can/ /bsgom bya rnam par bsgoms pas 'gro ba grol ba'i phyir/ /gang zhig phan pa'i bsam pas 'dir ni dkyil 'khor byed pa yi//tshogs kyi 'khor lo byed pa de la phyag 'tshal 'dud/ /sems can thams cad la gnas dri med dngos po yi/ /bsgoms pas gsal bar gyur pa'i bde chen bsdus pa la/ /phyag rgya dang bcas byed pa de la phyag 'tshal lo/ /dpal ldan rdo rje 'jigs byed kyi tshogs kyi 'khor lo/