CLOSE WINDOW

D1991
བོད་ཡིག

/[ ]@##/ /rgya gar skad du/ shrI badzra sA ra swa ti sA d+ha naM nA ma/ bod skad du/ dpal rdo rje dbyangs can ma'i sgrub thabs zhes bya ba/ dpal gshin rje gshed la phyag 'tshal lo//zla ba ltar gsal blo ngan bsreg /dug 'joms gzhan dbang byed mar grags/ /bde ba phun sum tshogs ster ma/ /dpal ldan ma la gus phyag 'tshal/ /dur khrod la sogs pa yid dang mthun pa'i gnas su dam tshig la sogs pa dang ldan pa'i sngags pas snga bar langs te/maN+Dal byug pa la sogs pa byas te/ stan bde ba la 'dug par bya'o/ /rang gi snying ga'i chu skyes la a las skyes pa'i zla ba'i dkyil 'khor blta'o/ /de'i steng du hrIHdkar po'i 'od zer gyis nam mkhar bla ma dang rdo rje dbyangs can ma la sogs pa yang dag par bltas la/snying ga'i sa bon las a 'thon pa'i lha mo rnams kyis mchod yon la sogs pas yang dag par mchod nas/ sdig pa la sogs pa bshags par bya'o/ /yang byams pa la sogs pa yang bsgom par bya ba nyid do/ /stong pa nyid kyi ye shes rtogs par bya ba'i phyir/oM swa b+hA ba shud+d+haHsarba d+harmAHswa b+hA ba shud+d+hou0f85haM/ zhes bya bas chos thams cad rmi lam lta bur rang gi rig pas shes par bya'o/ /yang snying ga'i sa bon gyis bsdus te dmigs pa med par bya'o/ /oM shU n+ya tA dz+nyA na badzra swa b+hA wa At+ma kou0f85haM/ zhes nga rgyal bya'o/ /de nas sngon gyi smon lam rj es su dran pas rang gi sems baM gyi rnam pa/de yongs su gyur pa las pad+ma dmar po/ de'i steng du a las skyes pa'i zla ba'i dkyil 'khor la yi ge hrIHdkar po blta'o/ /de las 'od zer 'phros shing bsdus te yongs su gyur pa las/ bdag nyid rdo rje dbyangs can ma ston ka'i zla ba ltar dkar ba pad+ma dkar po dang zla ba'i steng na g.yas brkyang gis bzhugs pa/phyag g.yas rdo rje gri gug bsnams pas rmongs pa'i dra ba gcod par mdzad ma/ g.yon pa bdud bzhi'i khrag gis gang ba'i thod pa bsnams pa spyan gsum dmar la zlum pa/ lo bcu drug gi cha byad can/ cung zad mche ba gtsigs pa'i zhal/ dbu skra phyed grol zhing / phyed 'khyil ba/ me tog gi thod can/ cod pan rdo rje thod can gyis brgyus pas mdzes pa/ 'khor lo dang rna cha dang / mgul rgyan dang / gdu bu dang / 'og pag gis brgyan pa/ sum khugs su 'khyog cing spyod pa'i ba dan gyis dgyes pa/rus rgyu ma la brgyus pa'i mi mgo rlon pa khrag dang bcas pa'i phreng ba 'chang ba/ gcer bu bskal pa'i me ltar gzi brjid 'bar ba/ sgeg pa la sogs pa'i nyams can/ me long gi gzugs brnyan dang mtshungs pa/ sprul pa sna tshogs kyis 'gro ba'i don la brtson pa/thugs kar pad+ma dmar po la zla ba'i steng du hrIHdkar po bsgom par bya'o/ /de nas bdag gi thugs ka'i sa bon gyi 'od zer gyis yang dag par bskul ba'i lha mo mdun gyi nam mkha' la 'dug ste/ mchod nas bdag nyid la gzhug par bya'o/ /yang sa bon des bskul ba'i mi bskyod pa la sogs pa'i de bzhin gshegs pa mdun du spyan drangs nas dbang bskur bar bya'o//spyi bor sna tshogs pad+ma dang nyi ma la gnas pa'i 'od dpag med kyis rgyas gdab par bya'o/ /de nas mchod pa rnams kyis bdag nyid la yang mchod par bya ste/ bdud rtsi myang bar bya'o//de bcom ldan 'das rdo rje dbyangs can ma nyid do zhes nga rgyal brtan par bya'o/ /yang rang gi snying gar pad+ma dmar po dang / zla ba'i dkyil 'khor la hrIHbsgoms te/ de las sngags kyi phreng ba dkar po zhal nas 'thon pa de'i 'od zer gyis/ 'jig rten dang 'jig rten las 'das pa'i shes rab dang ye shes dang yon tan gyi tshogs dang /sngags dang sman dang nor bu dang bstan bcos dang sgyu rtsal la sogs pa'i nus pa dang stobs rnams blangs te snying ga nas 'jug cing / bdag dang gzhan gyi mi shes pa'i mun pa dang / rmongs pa'i mun pa thams cad bsreg pa'i bdag nyid du bsgom par bya ste/de ltar ji srid 'dod kyi bar du bsgoms te/ spro ba dang bsdu ba'i rnal 'byor gyis myur ba la sogs pa'i skyon rnams dang bral bas sngags bzlas par byas te/ sngags ni 'di'o/ /ldang bar 'dod na sngags kyi phreng ba hrIHyig la bstims la mchod pa dang /gsol ba gdab ste yi ge brgya pa brjod cing / bsod nams yongs su bsngos te/ lha mo'i nga rgyal gyis ji ltar bde bar gnas par bya'o/ /thun gzhan la yang thams cad de bzhin du bya'o/ /mtshan phyed kyi thun la yang thams cad de bzhin du byas nas/ seng ge'i nyal stabs kyis lha dang bla ma yid la byed cing nyal bar bya'o//blo brtan pos 'bum phrag bcu bzlas na 'grub par the tshom med do/ /bstan bcos thams cad shes par 'gyur ro/ /sgyu rtsal thams cad la mkhas par 'gyur ro/ /smra mkhas par 'gyur ba dang / 'khor gyis kyang zil gyis mi non pa dang /'jigs pa med pa dang / yid gzhungs par 'gyur ro/ /blo gros phra ba dang / blo gros zhib par 'gyur ro/ /sngags grub pa las thod le skor la sngags btab ste/ gang la byin pa de blo dang ldan par 'gyur ro/ /yang dag pa'i lta ba rtogs par 'gyur ro/ / thabs shes rab zung 'jug gi ye shes phyag rgya chen po mngon du 'gyur ro/ /dug gi gnod pa zhi bar 'gyur ro/ /zas bdud rtsir 'gyur ro/ /mkha' 'gro ma la sogs pa thams cad dbang du 'gyur ro/ /dug sbrul la sogs pas nye bar mi nus so/ /'dis nye bar gtses pa gzhan rnams la yang phan par 'gyur ro//dpal rdo rje dbyangs can ma'i sgrub thabs/ grub thob kyi 'khor los sgyur ba'i slob dpon dpal 'dzin gyis mdzad pa rdzogs so// //rgya gar gyi paN+Di ta chen po rgyal ba'i sras dpal bi b+hU ti tsan+d+ra dang / glo bo lo tsA ba dge slong shes rab rin chen gyis chos kyi rgyal po'i pho brang sku mkhar nyi gzungs su bsgyur te gtan la phab pa'o/