186a2 / //paN+Di ta d+harmA shrI mi tra dang / lo tsA ba chos kyi bzang pos bsgyur ba'o/ /[ ]@##/ /rgya gar skad du/ shrI badzra bA rA hI sA d+ha naM/ bod skad du/ dpal rdo rje phag mo'i sgrub thabs/ dpal gshin
186a3 rje gshed dmar po la phyag 'tshal lo//gang zhig sgrub pa pos gdug pa can rnams sangs rgyas kyi bstan pa la gzhug pa'i phyir/ skal ba dang ldan pa'i sgrub pa pos dben pa'i gnas su song ste/ stan bde ba la 'dug nas/ mchod pa dang gtor ma sngon du song bas/ rdo rje phag mo
186a4 bsgom par bya'o//zhal gcig phyag gnyis ma sku mdog dmar mo/ phyag g.yon thod pa khrag gis gang ba thugs kar 'dzin pa/ de'i steng du g.yas gri gug 'jog pa/ pad+ma dang zla ba'i steng du g.yon brkyang bas bzhugs pa/ g.yas bskum pas de'i byin pa'i steng du reg pa'i
186a5 brkyang bskum gyis bzhugs pa/spyan gsum pa/ dbu skra grol ba cung zad khro ba'i rnam pa can/ rus pa'i rgyan gyis brgyan pa/ gar gyi ro dang ldan pa bsgom mo/ /de'i snying ga'i chu skyes las zla ba'i steng du hrIHdmar po blta'o/ /chu skyes 'dab ma brgyad pa kha phye ba la/ A li bcu drug
186a6 'dab ma re re la gnyis gnyis mdun nas brtsams te/g.yas skor du mgo gyen du bstan pa mdog dmar po bsams la/ ji srid mi skyo'i bar du bsgom par bya'o/ /de nas sngags bzlas par bya ste/ oM a A/ i I/ u U/ r-i r-I/ l-i l-I/ e ai/ o au/ aM aHhrIHswA hA/ zhes
186a7 'bum phrag nyi shu rtsa gcig pa'i sems kyis bzlas so//de'i man ngag ni/ rang gi snying ga'i hUM hrIHlas 'od zer 'phros te song bas bsgrub bya'i snying la phog /bdag la ma dad pa'i dri ma phyir bsal te/ gus pa'i sems gsal bar skyes par bsam/ de nas bsgrub bya de'i snying
186b1 gar sngags kyi dbyangs kyi yi ge bsams la/bdag gi snying ga nas sna bug g.yas nas hrIHthon te/ sna bug g.yon nas zhugs te/ snying ga'i dbyangs yig dang rang gi snying ga'i yig 'bru la bsil la bde ba bsam kho'i snying ga'i yig 'bru rnams dang / ming yig dang po skom dungs dungs
186b2 par bsam mo//hrIHla thim pas skom pa'i gdung ba sel ba dang / bde ba skyes pa de gzhi bas nas/ yang snying gar bsdus pa la 'og gi tshigs bcad kyi don dran par bya'o/ /de ltar zhag bdun gyi mthar mtshan thog thag bya'o/ /des 'grub par 'gyur ro/ /yang rang kha nub tu bstan
186b3 pa'i mdun du me long la dris byugs te/sin+d+hu ra bkram la/ de la pad+ma 'dab ma bzhi pa lte ba dang bcas pa bris te/ lte bar hrIHshar dang lho dang nub dang byang du yaM raM baM laM rim pa bzhin bkod pa dang / ji ltar 'byor pa'i mchod pa dang / nam mkha' la yi ge lnga bris pa lta bu ste/ nag po dang /
186b4 dmar po dang / dkar po dang / ser po'i rnam par bsams la/ me long gi yi ge rnams la bstim/ yi ge'i rnam pa can gyi mkha' 'gro ma rnam pa lnga la sngags de nyid brjod cing / me tog dmar po dang / chang gi mchod pa bya'o/ /de nas phreng ba dmar po bzung ste/ yaM raM baM laM hrIHzhes bzlas
186b5 so//lte ba'i yi ge las 'od kyi phreng ba spros te/ mdun gyi sngags la thim pa la sogs pa spro ba dang bsdu ba'i rnam pa bya'o/ /de ltar sa ya phrag gnyis bzlas so/ /de nas nya'i nub mo mtshan thog thag bya'o/ /de ni bsnyen pa bya ba'o/ /de nas rang byung gi me tog sin+d+hu ra dang bcas pa'i maN+Dal sngar
186b6 bzhin bkram ste/shar la sogs pa'i yig 'bru yaM la sogs pa bkod la/ snga ma ltar yi ge la bstim/ mchod pa rgya chen po bya zhing / sngags bzlas pas/ chu skyes kyi hrIHlas 'od 'phros te bsgrub bya mdun du bkug ste/ 'gyel ba dang / yang hrIH'i 'od zer dmar po'i snying
186b7 gar thim pas/dmar khrig ste khengs nas myos te/ bdag la chags pas brgyal bar bsams la/ hrIHla thim pa dang / yi ge sngags rnams rnam par yangs/ /sgra dang thig le sems kyang med/ /'di ni bde ba chen po'i mchog /bdag dang gzhan du yod ma yin/ /zhes
187a1 brjod do//de ltar zhag bdun gyis 'grub par 'gyur ro/ /rdo rje phag mo'i sgrub thabs grub thob kyi 'khor los sgyur ba'i slob dpon dpal 'dzin gyis mdzad pa rdzogs so// //rgya gar gyi paN+Di ta chen po rgyal ba'i sras bi b+hU ti tsan+d+ra'i zhal snga nas/ dpal chos
kyi dbyings kyi gtsug lag khang rang byung du mdzad pa las glo bo lo tsA ba dge slong shes rab rin chen gyis zhus te gtan la phab pa'o/