CLOSE WINDOW

D1989
བོད་ཡིག

/ //rgya gar gyi paN+Di ta rgyal sras bi b+hU ti tsaN+Di'i zhal snga nas/ glo bo lo tsA ba dge slong shes rab rin chen gyis chos kyi rgyal po'i pho brang sku mkhar nyi gzungs su bsgyur ba'o/ /[ ]@##/ /rgya gar skad du/ badzra b+hai ra wa sAd+ha nA ma/bod skad du/ rdo rje 'jigs byed kyi sgrub thabs zhes bya ba/ 'jam pa'i rdo rje la phyag 'tshal lo/ /rab tu khros shing gdug pa 'dul/ /ma lus log pa'i bdud 'dul ba/ /zhal dang phyag drug mtshon cha 'dzin/ /ma he zhal la phyag 'tshal te/ /de yi sgrub pa'i rim pa zhig /bdag gis dran nas brtsam par bya//dang por yid dang mthun pa'i gnas su bdag nyid khrus byas te stan bde ba la 'dug nas/ oM badzra b+hA+ai ra ba dz+wa la dz+wa la hUM/ zhes pas lus bsrungs nas/ bla ma dkon mchog la mchod pa rnams kyis yang dag par mchod nas sdig pa bshags pa la sogs pa bya'o/ / oM a b+ha bA swa b+ha wa bi shud+d+ha badzra tsakra a a aM a/ zhes bya bas stong pa nyid bsgom mo/ /de nas bdag nyid yi ge ar gnas pa las de'i 'od zer gyis tshangs pa dang brgya byin gyi steng du a zhu ba las ut+pal 'khor los mtshan pa de zhu ba las bcom ldan 'das 'jam pa'i rdo rje zhes bya ba sku mdog mthing nag g.yas na rdo rje g.yon na ut+pal 'dzin pa/gzhon nu'i cha lugs la rgyan gyis brgyan pa bsam mo/ /de'i thugs ka nas nyi ma la hUM gnas pa can du bsams te/ hUM zhes bya ba'i sgra rgyun mi 'chad par byung bas phyogs bcu'i sangs rgyas thams cad mchod/ /tshur hUM la thim pas/ zhe sdang gi skur gyur pa ni/zhal drug phyag rnam pa drug dang ldan pa/ stobs che ba/ ma he'i zhal can/ sku mdog mthing nag /mi mgo brgya'i do shal can/ zhabs brkyang bskum du bzhugs pa/ phyag drug g.yas g.yon gyi dang po keng rus kyi dbyug pa dang rdo rje bsnams pa/ g.yas g.yon gyi bar pa na mda' gzhu dang ral gri/tha ma na sna tshogs rdo rje dang mdung bsnams pa'o/ /de las tshad med pa bzhi'i khro bo 'phro ba can no/ /zhabs bzhi brkyang bskum du bzhugs pa bsgom/ de'i thugs kar nyi ma'i steng du hUM bsams la/ spyan drang ba la sogs pa rdzogs pa dang gsang sngags bzlas pa ni/oM hrIHSh+T+r-iHwi kr-i tA na na hUM hUM/ zhes pa'am/ oM duHkha tshe da hUM hUM/ zhes pa bzlas par bya'o/ /de nas mtshan gyi sgo nas bstod do/ /gtor ma btang nas gshegs su gsol te ldang bar bya'o/ /bdag gis dge ba 'di byas pas/ /bla med byang chub thob par shog /rdo rje 'jigs byed kyi sgrub thabs slob dpon a sho ka shrIs mdzad pa rdzogs so/