183a3 lo tsA ba mar pa dge bsnyen chos 'bar gyis bsgyur cing zhus te gtan la phab pa'o/ /[ ]@##/ /rgya gar skad du/ badzra ba da bi b+he da nA ma/ bod skad du/ /rdo rje'i tshig rnam par dbye ba zhes bya ba/ gang zhig khro ba las rgyal legs pa du ma 'byung ba'i gnas/ /duHkha che 'joms bde ba rab
183a4 rgyas bde chen ma he'i zhal//chags las rnam rgyal chags bral rab 'joms mtshan ma legs bsgrengs pa'i/ /bcom ldan 'jigs mdzad he ru ka la kun nas gus phyag 'tshal/ /gang zhig khams kyi snying po bde ba 'dzin byed dge slong chen po yin phyir dam tshig sdom pas brgyan/ /rgas
183a5 pa'i 'jigs bral rnam par mdzes ldan gzugs bzang dri med gzi 'od rab rgyas yun ring bde bar 'tsho//rdo rje'i sku thob mtshan dpes rab brgyan lha dang lha min gnod sbyin gdengs ka mkha' 'gro dbang du bsdu/ /rgyal ba'i thugs mthong dmyal ba'i 'jigs 'joms de yi mdun na rdo rje 'chang
183a6 gnas gshin rje'i grong las ring //byang chub sems nyams mkha' 'gro'i grong khyer bye ba 'jigs 'gyur lha dang bla ma sgrub la spyan mi blta/ /bde ba spangs phyir tshul khrims 'chal gyur dam tshig las 'das thub dbang bslus pas dmyal ba'i duHkha myong / /gzi 'od rab zad rgyud
183a7 las nyer gzir phrin las nyams shing dngos grub ring gyur rgas dang 'chi bas 'joms//ltung ba'i bde bas ye shes mi mthong 'dod chags dbang gyur rnal 'byor lam min tshe 'dir 'bras bu 'gag /so so'i skye bo nyams phyir 'bras chang zag dang don med tshangs spyod skams gyur don
183b1 chung gla rtsi ngan//rnal 'byor thabs dang ldan pa'i thig le don ldan 'gyur te mdzangs pa'i nor yin yon tan rab tu 'phel/ /sbyor lam la ni yun rings 'bad kyang skad cig gis nyams lo zla'i 'bras bu ser bas 'joms pa ltar/ /rdzas dang lam kha kha zas 'khrul 'khor rlung dang
183b2 dmigs pas rang lus sna tshogs 'di 'phel bya//tshad med snying rje rab rgyas skyabs 'gro sems bskyed rgya chen sems dpa' gsum ldan sngon du stong par sgom/ /rkang pa rdo rje skyil krung lag gnyis mnyam gzhag lus bsrang mgrin pa dgug cing dpung mgo legs par brkyang / /sna
183b3 rtser mig gtad phyir la rlung bud nang du bsdu dang bskyar te dgang zhing mjug tu gyen la 'phang ro rkyang //mi phyed phra gzugs brtan 'dzin rtog med gang ba'i dbus der 'bar ba'i a thung la sel bya/ /me dang nyi ma lan tshwa spangs la mthun pa'i zas brten thog mar rang lus bsgom bya dge ba
183b4 bsngo//tsha zhing gzer zug 'thems 'chus lhags pas lus dang rtsa yin stong dang bug pa rlung me chu sa sgom/ /nam mkhar sdigs mdzub rdo rje rol pa seng ge rnam grol brkyang bskum rol stabs ri bong gyad 'dzin dang / /ka ra na te 'khrul 'khor 'di drug mdun rgyab g.yas g.yon rdo rje
183b5 gar bya drag po'i rlung gi bu//steng dang 'og tu blta zhing 'dug ste brtson pas 'bad na rtsa yi stobs rgyas lus kyi nad rnams 'joms/ /dbug rngam rgod 'gag bzlog 'tshub gtor ba rlung dang ngag ste g.yas g.yon mdun rgyab steng 'og bug pa sgom/ /stag mo'i skyug stangs
183b6 sbrul gyi bya ba bsnyengs dang rgod kyi lding thabs ri bong mchog 'gros rma bya'i mjing skor dang //seng ge'i sprug stangs 'khrul 'khor 'di drug ha rings hi thung hUM zhes drag pa'i rlung dang bcas te bu/ /des ni bzlog 'tshub gtor ba'i skyon spong rlung gi stobs rgyas ngag gi nad rnams 'joms par
183b7 byed//'byongs 'dus ltengs pa yid kyi skyon ni nyams shing skam gyur chag dang zug rngu skyes pa thig le'i gags/ /sems ni bsdus phyir hUM gyur slar zhugs dbu mar thim ste gsang zhing 'phang bya gang 'dod yid la bsam/ /gu gul yungs kar thal chen gri khrag dug dang rus pa
184a1 sbrang mar gcan gzan pags pa tsha ba gsum//'khrul 'khor drug dang rdzas sngags dmigs pa gzung bzlog dgram ste thig le'i stobs rgyas yid kyi nad rnams 'joms/ /me phreng sdong po gtsub shing 'khor lo sum 'gyur kun khyab me yi dkyil 'khor drod kyi bogs su
184a2 'gyur//rlung gi gzhu yis me yi mda' 'phangs haM gi 'ben bcom lte ba'i snyoms 'jug yid 'phrog pad+ma dang / /steng 'og rlung gi 'khor lo kha sbyor 'og ma 'byed 'dzum yid kyi rig ma bde stong bogs su 'gyur/ /pad+ma'i phreng ba til gyi mar me mthing gi rgya mtsho rlung gi ba dan gsal ba'i bogs su
184a3 'gyur//lag pa'i phyag rgyas rigs lnga'i 'khor lo gsang ba'i rdo rje zhi bas gsor te dkar bsil ri bong dbab/ /'og rlung 'then zhing sgo gcig bsdams te gling bzhi bsdus nas rig byed sor mos lam gnyis mtshams su mnan/ /yid kyi phyag rgya yid 'ong la sems snyoms 'jug
184a4 ting 'dzin g.yos pas bde stong dga' ba dang po'o//mchog gi gnyen po rtsol ba dor la dbang po bzlog cing lam gcig gling bzhi rtsol med mgrin pa dgug /steng dang 'og la rlung la 'dor len bya zhing chags pas mi 'phrogs ting nge 'dzin ro myang haM la gtad/ /rdo rje khu tshur gling bzhi bsdu
184a5 zhing ngan 'gro'i lam dag rgya mtsho ri rab la sbyar lhun po dgug /ro 'dzin nyi zla steng phyogs thur sel gyen la 'dren cing sems dang theg le nam mkha'i dbus su gtad/ /lha dbang lhun po glang po snar 'dzin rnam 'gying rol pa rdo rje gtsug tor brgyad kyi 'dzin stangs dang / /rtse gsum gdengs ka 'di drug
184a6 hika dang hUM gis steng 'og rlung gzung drag tu 'then pas bdun gyis 'drongs//sprugs pa gar dang seng ge rnam rol rnam 'gying gzhon nu kun spyod lha mo'i rol stabs kyis/ /ldang dang 'dug cing thams cad bskyod pas sna tshogs lus sprug rab tu gsig cing skyil krung gdan la 'phags/ /
184a7 rlung dang bcas pas ro stod ro smad mgo dang dbang po yan lag bzhi ste gang 'dod rnams su dgram/ /thig le kun khyab ye shes bde chen ros gang bsgoms pas bzhi pa'i dga' ba rdo rje 'chang du 'gyur/ /sgrub 'dod slob ma theg chen rigs gyur gsang sngags la mos bla ma bzang 'dzin
184b1 thar pa 'dod rnams kyis//dang po'i don du rnam bdun dbang sbyin mchog dbang bskur la slob ma smin byas skal ldan nyid du sgrubs/ /bla ma la gus blo bzang lang tsho brtson bcas gyur na gdams pa mchog sbyin dam tshig don du bstan/ /rnal 'byor rtog bral dkar po mi nyams ting 'dzin rgyas
184b2 byed kun mkhyen thob phyir thabs dang ldan pas bya//gang zhig dkar po mi 'dor rnal 'byor pas ni rgyal ba'i bde ba sgrub cing pho nya'i lam/ /dpal ldan 'dus pa ma lus rgyud du thub dbang rnams kyis yang dag lam du thabs 'di legs par gsungs/ /sgrub po lang tshos lus dang rtsa
184b3 bzangs brtson bcas blo gros bzang ldan dbang gis rnam par smin//gsum pa'i dbang thob sngags dang rgyud kyi pha rol son cing bla ma'i lung gis sgrub dang skyon sel mkhas/ /dbang gi ye shes mngon du byas te rtsa dang rlung 'byongs thig le la dbang gnyen po 'dzin nus shing / /dbang dang dkyil
184b4 'khor lha sngags rdzogs rim thabs lam mthar phyin sems nyid nges rtogs sa bcu mngon du 'gyur//dpal ldan rgyud mchog rgya chen bla ma'i man ngag rab zab rnams las dri med bdud rtsi'i bcud babs pas/ /thabs lam man ngag rdo rje'i tshig 'byed me tog phreng 'dzin sbas pa'i gnad 'di
184b5 don yod rdo rjes phye//de yi dge ba mtha' yas rgya chen mi nyung des ni bde chen dbus su lhan cig skyes pas rab tu 'khyud gyur cig /'gro ba kun gyi bskal pa'i lam chen tshe 'dir bgrod de rdo rje 'chang dbang sngon du byed par shog /rgyud dang man ngag thams cad kyi don phyogs gcig tu bsdebs
mtshan ma gyen 'greng thig le'i 'khrul 'khor gyi man ngag /