158a1 / //[ ]@##/ /dpal 'jam pa'i rdo rje la phyag 'tshal lo/ /gang zhig las la sbyor bar 'dod pas/ sgrub chen dngos grub thob pa'am/ ting nge 'dzin las su yang rung ba'am/ /sngags grub pas sbyar ro
158a2 zhes gsungs so//de la gnas ni dur khrod dang / shing gcig gi drung dang / lam bzhi mdo la sogs pa ste/ 'byung po gnas pa'i sar bya'o/ /dus ni nyi shu gnyis nas gnam stong la bya'o/ /de la dang po gtor ma dang / /gtsang ba'i mchod pa dag gis 'phags pa
158a3 dang mkha' 'gro ma dag tshim par byas la/sa phyogs de'i gdon de mchod sbyin gyis mgu bar byas la/ bden pa bdar zhing stong grogs gyis shig par bsgo/ zhi ba'i sbyin sreg bya'o/ /de nas 'khor lo bri bar bya ste/ rang gi lha'i ting nge 'dzin dang ldan pas gcer bu kha
158a4 lho phyogs su bltas te bri bar bya'o//'di ltar dur khrod kyi ras la dug dang / khrag dang / ske tshe dang / nim pa dang / da du ra'i khu ba dang / bya rog gis zos pa'i lhag ma dang / dri chen dang / thal chen gyis byugs te ras legs par sbyangs la/ gong gi rdzas dang ro'i sol
158a5 bas snag tsha byas te/bya rog gi sgro rtsas 'khor lo bri bar bya'o/ /de la 'khor lo'i rim pa gsum la dbus su ya brgyad bris la/ de la rim pa gnyis pa yan chad yi ge sum cu rtsa gnyis pas bskor la/ dbus su ya dang ya'i bar du bsgrub bya'i ming bri'o/ /rim pa tha ma la
158a6 yi ge bcu pa dang bsgrub bya'i ming spel te bri'o//de'i phyi rol du yi ge phreng ba bri'o/ /phyogs mtshams su hUM brgyad bri'o/ /grwa bzhir phaT bri'o/ /de'i dus su dam tshig gi sngags dang phyag rgyas bris te/ zin pa dang lha la phyag byas nas bka' bden par gyur cig bya'o/ /de
158a7 nas grog mkhar gyi sa dang /chu 'gram gnyis kyi sa dang / rgyal po'i dri chen dang / dur khrod kyi sol ba nyin mtshan gyi gung la dri chus sbrus te/ bsgrub bya'i gzugs sor brgyad pa cig byas la/ de'i snying gar gong gi 'khor lo dril te gzhug go/ /de nas bsgrub bya
158b1 dgug pa'i sbyor bas bkug ste/bsgrub bya'i gzugs la phab la/ gnas lngar mi rus kyi phur pa brdeg cing tshigs thams cad tsher ma rnon pos dgang ngo / /de la dgug pa ni/ lha'i ting nge 'dzin la gnas pas mdun du yaM las rlung gi dkyil 'khor du gyur pa'i steng na zla ba'i
158b2 gdan steng na gnas pa'i gshin rje lag na lcags kyu dang /zhags pa thogs pa zhig bsams te/ de la che ge mo khug la shog ces bskul te/ sngags kyi mjug la che ge mo A kaR+Sha ya hUM phaT ces bzlas te gzugs la bstims te/ de nas phur bu 'debs pa'i dus su/
158b3 gshin rje lag na mtshon cha sna tshogs thogs pa/ brdeg cing za ba dang / gcan gzan gyi tshogs kyis za zhing 'thob par bsams te/ sngags kyi mjug la che ge mo mA ra ya phaT ces bzlas so/ /de nas ling+ga de thod pa kha sbyar gyi nang du gzhug par bya ste/ 'di ltar thod
158b4 pa 'og ma'i rgyab tu rlung gi maN+Dal bri'o//nang du pad+ma 'dab brgyad la dbab pa'i snying po bri'o/ /thod pa gong ma'i nang du me'i maN+Dal bri'o/ /rgyab tu dbang chen ri rab dang bcas pa bri'o/ /de'i nang du ling+ga bcug la skud pa nag pos dkris nas maN+Dal gru gsum nag po'i
158b5 steng du/dug shing gi 'dab ma la dro bar gyur pa tsam du bsro zhing sngags la sbyar bar bya'o/ /de la nyi ma dang po/ oM ya ma rA dza sa do me ya che ge mo b+ha ma ya ku ru hUM phaT ces khri phrag gcig bzlas te/ de bzhin du nyi ma bzhi'i bar du sngags dang bskul bar byas te/ ji lta
158b6 ba bzhin du bzlas pa bya'o//dmigs pa ni pho nya'i tshogs kyis bsgrub bya bkug ste/ ga'u'i nang du chud par byas nas/ der sngags kyi dbal gyis bsregs te/ sha khrag bskams/ rnam shes bral te/ rus pa thal ba brdung bar 'dug par bsam mo/ /de'i dus
158b7 su las mkhan dag gis dus gsum du gtor ma dang tshogs dang mchod pa byas te/dam la gnas pa'i gshin rje dang / ma mo mkha' 'gro ma yang bskul zhing phrin las bcol lo/ /gnas bdun grog mkhar gyi sa blangs la/ gshin rje'i mi khru gang pa'i tshad la
159a1 mche ba gtsigs pa/mdog sngo nag lag na ral gri dang g.yon pa zhags pa dang sdigs mdzub byed pa/ gcer bu skra lhug par 'dug pa byas la/ de'i snying gar ga'u bcug la/ gnam stong gi nam phyed na dur khrod kyi thab tu gting ring brus te/ der bzhag la
159a2 gshin rje spyan drangs te gzugs la bstims nas/gtor ma dang mchod pas dag par byas la/ de nas mgo lhor bstan la/ kha sbub tu bzhag la bden pa bdar dpang du btsugs la gshin rje la gtad la gzhag go/ /de nas rang gi khyim du 'ongs nas kyang gsang sngags kyi rjes
su bskul bar bya'o/