150a2 'jam pa'i dbyangs kyis rab mdzad pa/ /phyag gnyis pa'i sgrub thabs rdzogs so// //rgya gar gyi mkhan po A tsar+ya a nan+ta dang / bod kyi lo tsA ba dge slong rdo rje grags kyis bsgyur ba'o/ /[ ]@##/ /rgya gar skad du/
150a3 shrI badzra b+hai ra ba sA d+ha na no pi ka saM k+Ship+ta/ bod skad du/ dpal rdo rje 'jigs byed kyi sgrub pa'i thabs mdor bsdus pa/ 'jam dpal gzhon nur gyur pa la phyag 'tshal lo/ /dpal ldan gang zhig sngon bsgoms pas/ /dngos grub myur du thob 'gyur ba'i/ /rdo rje
150a4 can la gus btud nas//de yi sgrub thabs cho ga bshad/ /de la re zhig dpal rdo rje 'jigs byed kyi rgyud las ji skad gsungs pa'i dbang bskur ba phun sum tshogs pa la sogs pa'i mtshan nyid dang ldan pa'i sngags pas/ dur khrod la sogs pa'i gnas yid du 'ong ba
150a5 rnams su gnas la/stan bde ba la 'dug ste/ the tshom la sogs pa'i dogs pa bsal nas 'bad pas bsgrub par bya'o/ /de'i cho ga ni 'di yin te/ dang po kho nar bdag med pa bsgoms pas nang gi bdag nyid can gyi khrus byas la/ rang gi snying gar yi ge raM yongs
150a6 su gyur pa las nyi ma'i dkyil 'khor de'i steng du/hUM yongs su gyur ba las byung ba'i khro bo'i rdo rje/ de'i dbus su yang hUM kha dog nag po 'od zer sna tshogs 'phro ba bsams la/ de'i snang bas phyogs bcu dus gsum gyi de bzhin gshegs pa rnams spyan drangs te/ mchod
150a7 pa sna tshogs kyis mchod par bya'o//de nas sdig pa bshags pa dang / bsod nams la rjes su yi rang ba dang / dkon mchog gsum la skyabs su 'gro ba dang / byang chub tu sems bskyed pa dang / lam la gnas pa dang / bdag nyid dbul ba dang / yongs su bsngo
150b1 ba rnams byas la//tshangs pa'i gnas bzhi bsgom par bya'o/ /de nas chos thams cad rang bzhin gyis rnam par dag pa'i stong pa nyid du bsgom zhing de brtan pa'i sngags 'di brjod par bya'o/ /oM swa b+hA wa shud+d+haHsarba d+harmAHswa b+hA wa shud+d+hou0f85haM/ de ltar stong pa nyid bsgoms n
150b2 as yi ge yaM yongs su gyur pa las rlung gi dkyil 'khor gzhu lta bu kha dog nag po ba dan gyis mtshan pa bsams la/de'i steng du raM las byung ba'i nyi ma'i dkyil 'khor/ de'i dbus su hUM yongs su gyur pa las khro bo'i rdo rje/ de las rdo rje'i sa gzhi dang / ra ba dang bla re
150b3 dang /gur la sogs pa bsgoms te/ thams cad rdo rje'i rang bzhin gyi dbus su a yongs su gyur pa las zla ba'i dkyil 'khor/ de'i dbus su yi ge d+hIHyongs su gyur pa las ral gri/ ral gri'i dbus su yi ge d+hIHde dag thams cad yongs su gyur pa las
150b4 bcom ldan 'das 'jam dpal gzhon nur gyur pa sku mdog gser btso ma lta bu zhal gcig phyag gnyis dang ldan pa/phyag g.yas pas shes rab kyi ral gri dpung pa'i thad kar 'dzin pa/ g.yon pas glegs bam thugs kar bsnams pa/ gzhon nu rgyan thams
150b5 cad kyis brgyan pa/mtshan bzang po sum cu rtsa gnyis dang dpe byad bzang po brgyad cus brgyan pa/ ral pa dang thor tshugs can no/ /de'i snying gar yi ge maM yongs su gyur pa las nyi ma'i dkyil 'khor/ de las byung ba'i 'od zer gyis phyogs bcu dus gsum gyi
150b6 de bzhin gshegs pa thams cad dang /byang chub sems dpa' dang / rig pa'i lha mo dang / khro bo la sogs pa thams cad bkug la/ gzhug par bya'o/ /de nas de bzhin gshegs pa la sogs pa dang / rang 'jam dpal gyi gzugs su snang ba dang bcas
150b7 pa thams cad nyi ma'i dkyil 'khor la thim par gyur te/slar 'od zer cher 'phros pa las dpag tshad bye ba brgya stong du khyab pas 'gro ba'i don byas nas/ de bzhin gshegs pa la sogs pa bkug ste/ gcig tu bsdus pa las/ yi ge hUM kha dog nag po 'od
151a1 zer sna tshogs dang ldan pa bsams te/de las kyang 'od zer byung bas snga ma bzhin du byas te/ slar zhugs pas khro bo'i rdo rje/ de las rdo rje phra mo'i gzugs spros pas sangs rgyas dang byang chub sems dpa' dang / rig pa'i lha mo dang khro bo la sogs
151a2 pa spros te/nam mkha'i khams gang bar byas nas sems can gyi don byas te/ sems can thams cad kyis dpal rdo rje 'jigs byed nyid thob par byas nas slar bsdus te/ de dag thams cad yongs su gyur pa las bcom ldan 'das dpal rdo rje 'jigs byed kyi dkyil
151a3 'khor 'khor lo dang bcas pa/dur khrod brgyad kyis brgyan pa bsams pa ni/ /gru bzhi pa la sgo bzhi pa/ /rta babs bzhi dang yang dag ldan/ /dril bu dar gyi 'phan la sogs/ /me tog phreng dang yang dag ldan/ /sgo rnams kyi ni thams cad kyi/ /sgo khyud kyi ni
151a4 gnas su yang //zla phyed rdo rje rin chen no/ /de'i dbus kyi dkyil 'khor ni/ /re'u mig brgyad pa 'dra ba la/ /zhes gsungs pa'i rim pas gzhal yas khang de lta bu'i rnam pa can bsams te/ de'i dbus kyi lte ba la dpal rdo rje 'jigs byed zhal dgu pa/ phyag sum
151a5 cu rtsa bzhi pa/zhabs bcu drug dang ldan pa/ 'jigs pa rnams kyang 'jigs par byed pa/ ha ha zhes bzhad cing lce 'dril ba/ spyan bgrad pa/ 'jigs pa'i me ltar 'od 'phro ba/ mi'i sha dang zhag dang khrag la dgyes pa/ thod pa'i phreng bas
151a6 brgyan pa/mi'i rus pa'i phreng ba can/ phaT ces bya ba'i sgras sems can thams cad skrag par byed pa/ phyag dang po gnyis kyis glang po che'i pags pa gos su bsnams pa/ lhag ma rnams la go rims bzhin du gri gug dang / mtshon rtse gcig pa dang / thag
151a7 mdung dang /gtun shing dang / chu gri dang / shag glang dang / sta re dang / mda' dang / lcags kyu dang / dbyug to dang / kha T+wAM ga dang / 'khor lo dang / rdo rje dang / rdo rje tho ba dang / ral gri dang / cang te'u'o/ /g.yon pa rnams ni ka pA la dang / mgo bo dang /
151b1 phub chung dang / rkang pa dang / zhags pa dang / gzhu dang / rgyu ma dang / dril bu dang / lag pa dang / dur khrod kyi ras dang / gsal shing dang / me thab dang / thod tshal dang / sdigs mdzub dang / 'phan dang / rlung gi ras rnams so/ /zhabs g.yas pa rnams
151b2 kyis ni/mi dang / ma he dang / glang dang / bong bu dang / rnga mo dang / khyi dang / lug dang / wa rnams so/ /g.yon pa'i zhabs rnams kyis ni/ /bya rgod dang / bya rog dang / ne tso dang / seng ge dang / khra dang / bya chen po dang / srin bya dang / khrung khrung rnams mnan par
151b3 bsam par bya'o//zhal dang po ma he'i gdong can nag po/ rwa g.yas phyogs kyi zhal gsum la/ dang po sngon po gnyis pa dmar po/ gsum pa ser po'o/ /rwa g.yon phyogs kyi zhal gsum la dang po dkar po/ gnyis pa dud ka/ gsum pa nag po'o/ /
151b4 rwa gnyis kyi dbus kyi zhal dmar po khro ba dang bcas pa'o/ /steng gi zhal kha dog ser po cung zad khro ba/ gzhon pa'i cha lugs can/ zur phud lnga dang ldan pa ste/ zhal re re zhing yang spyan gsum gsum dang ldan pa'o/ /phyi rol du ni dur khrod brgyad dang ldan pa la/
151b5 shar phyogs su ni gtum drag ces bya ba'i dur khrod la nA ga ge sar gyi shing la gnas pa'i lha'i tshogs la sogs pa dgod par bya'o/ /lho phyogs su ni shin tu dgod pa zhes bya ba'i dur khrod la p+lak+Sha'i shing la gnas pa'i gshin rje'i sde dpon chen po dgod do/ /nub phyogs
151b6 su ni go ra an+ta ka ra zhes bya ba'i dur khrod la a shwad+tha la gnas pa'i sprin gyi rgyal po rnams yongs su dgod do//byang phyogs su ni ki li ki la zhes bya ba'i dur khrod la shing pa ta la la gnas pa'i gnod sbyin gyi gzugs can bsam par bya'o/ /me'i phyogs su ni
151b7 bi bi sha na zhes bya ba'i dur khrod la shing a kha rdzun la gnas pa'i drang srong gi tshogs bsgom par bya'o//bden bral gyi mtshams su ni 'bar ba'i rigs zhes bya ba'i dur khrod la shing pa ta la la gnas pa'i srin po la sogs pa dgod par bya'o/ /rlung gi mtshams
152a1 su ni dmyal ba la sogs pa zhes bya ba'i dur khrod la shing u dum+WA ra la gnas pa'i rlung gi bdag po dang bcas pa rnams dgod par bya'o//dbang ldan gyi mtshams su ni dbyibs can zhes bya ba'i dur khrod la shing a mra la gnas pa'i yi dwags kyi
152a2 tshogs bsgom par bya'o//gzhan yang dur khrod brgyad na bya sha za ba sna tshogs dang / gcan gzan sna tshogs pa dang / mi'i ro sna tshogs pa dang / ro langs dang srin po dang 'dre la sogs pa sna tshogs bsgom par bya'o/ /de ltar dur khrod kyi dbus su chud pa'i
152a3 gzhal yas khang rdo rje 'jigs byed dang bcas pa skad cig gis bsgoms la/rang gi snying gar rdo rje'i lte ba la gnas pa'i yi ge hUM gi 'od zer gyis rang bzhin gyi dkyil 'khor na gnas pa'i rdo rje 'jigs byed kyi sku bskul te/ rin po che la sogs pa'i bum pa phyag
152a4 gis bsnams pas dbang bskur bas/mi bskyod pa cod pan du bsams te/ de nyid slar rang gi lus la zhugs pas snying gar ye shes sems dpa' bsams la/ de'i snying gar ting nge 'dzin sems dpa' bsgom par bya'o/ /de ltar rang nyid rdo rje 'jigs byed
152a5 du bsgoms la/sngags kyi bzlas pa bya ste/ oM ya ma rA dza/ sa do me ya/ ya me do ru/ Na yo da ya/ ya de yo ni ra ya k+She ya/ yak+She yats+tsha ni rA ma ya hUM phaT phaT/ rtsa ba'i sngags so/ /oM hrIHSh+T+r-iHwi kr-i tA na na hUM phaT/ las kyi sngags so/ /oM ya mAn+ta ka hUM
152a6 phaT/snying po'o/ /snying gar nyi ma'i dkyil 'khor la sngags kyi yi ge de rnams las gang yang rung ba bsams te/ spro ba dang bsdu ba bya'o/ /sngags kyi yi ge'i 'od zer las khro bo sna tshogs pa dang / bya sna tshogs pa dang / 'dre dang srin po la sogs pa dang /
152a7 shin tu 'jigs su rung ba rnams spros te/ bsgrub par bya ba'i sha dang / rus pa dang / khrag dang chu ser rnams za zhing 'thung ba dang / 'jib par bsam par bya'o/ /de ltar bsgom pa dang bzlas pa las ldang bar 'dod na gtor ma gtang bar bya ste/ drug cu
152b1 pa'i 'bras chan dang /sha dang nya dang khrag dang sgog pa dang / chang dang bcas pa'i gtor ma bdud rtsi lnga dang bcas pa'am/ /yang rgyud las gsungs pa'i sha sna tshogs pas bdud rtsir byin gyis brlabs te/ sngags 'dis dbul bar bya'o/ /oM kA la rU pa sarba
152b2 duSh+Ta sa twa da ma ka ma hA b+hU ta a d+hi pa ti i daM pa liM gr-ih+Na gr-ih+NA pa ya ma ma sha trUM mA ra ya hUM phaT/ces pa ni gtor ma'i sngags so/ /de nas langs pa'i dus su yang rdo rje 'jigs byed kyi nga rgyal gyis gnas par bya'o/ /de ltar rnam par bsdus pa las byung ba'i/ /dge
152b3 ba des ni sems can ma lus kun//'phags pa 'jam dpal khros pa las byung ba'i/ /rdo rje 'jigs byed de dang 'dra bar shog /dpal rdo rje 'jigs byed kyi sgrub pa'i thabs mdor bsdus pa/ slob dpon chen po shrI b+ha dras mdzad pa rdzogs so// //