CLOSE WINDOW

D1973
བོད་ཡིག

[ ]@##// //rgya gar skad du/ badzra b+hai ra ba tan+t+ra pany+tsi kA/ bod skad du/ rdo rje 'jigs byed kyi rgyud kyi dka' 'grel/ dpal rdo rje 'jigs byed la phyag 'tshal lo/ /dpa' bo rdo rje 'jigs byed dpal btud nas/ dpal ldan rdo rje 'jigs byed kyi//rgyud kyi dka' 'grel cung zad ni/ /gzhon nu zla ba yis ni byas/ /de nas zhes bya ba la sogs pa nas zhes pa ni 'jam dpal gyi rgyud chen po thams cad dang rdo rje 'jigs byed kyi sgrub thabs las so/ /de nas ni rjes thogs dang bkra shis te bstan bcos kyi dang bstan pa'o//sgrub pa'i thabs zhes pa 'di yang khyad par du byed/ yang dag par zhes pa ni yang dag par phye nas so/ /rab ces pa ni rab tu bsams nas so/ /bshad ces pa ni/ yongs brjod yang dag rab bshad bya/ /zhes bya'o/ /rdo rje shes rab nyid kyi phyir dang /thabs nyid kyi phyir na 'jigs byed do/ /de yang shin tu drag po'i lha thams cad 'jigs pa nyid kyi phyir ro/ /de yang snying rje 'bras bu nyid de/ gang du gdug pa'i sems can rnams la snying rjes 'dul ma yin/ /gang phyir zhi ba'i yon tan gyis ni 'dul ba ma yin te/ de'i phyir rdo rje can de 'jigs byed yang dag gyur//thod pa'i phreng bas rgyan byas thod pa bsnams pa'o/ /nyi 'od khros pa'i rdzing bu che/ /mtshungs pa'i sku ni rdo rje khro/ /gangs kyi kha ba bzhin du bsil/ /phyi rol drag pos 'gro ba skyongs/ /zhes rdo rje can gyis gsungs so/ /rdo rje 'jigs byed ces pa ni stong pa nyid dang snying rje dbyer med pa'i don dam pa byang chub kyi sems te bcom ldan 'das dpal rdo rje 'chang ngo //de'i grub pa ni sgrub thabs te 'bras bu'o/ /'dis sgrub par byed pas na lam yang ngo / /rang dga' 'jigs byed la sogs pa thams cad kun na ni gzhan rtog la sogs pa la rol pas na lha yin no//de kun kyang shin tu drag po ste thams cad zil gyis gnon pa'o/ /de nas 'jigs par byed pas na 'jigs byed do/ /des ni 'di ltar ston te 'jigs byed ces bya'o/ /yang dag pa'i gsung rab ni rjod byed do/ /de gnyis brjod bya rjod byed kyi ngo bo ni 'brel ba'o//dngos grub ni dgos pa'o/ /de'i sgrub thabs dang lam ni thabs so/ /dgos pa'i dgos pa ni shin tu drag po'i lha thams cad 'jigs pa bskyed pa'o/ /rdo rje 'jigs byed kyi sgrub thabs ni sgrub pa ste/ rang gi don phun sum tshogs pa'o/ /de yang gnyis te/ rtog pa phun sum tshogs pa dang / spangs pa phun sun tshogs pa'o/ /dang po ni ji snyed mngon par byang chub par bya ba byang chub pa'o/ /gnyis pa yang nyon mongs pa dang shes bya'i sgrib pa'i bag chags ma lus pa spangs pa'o/ /de'i thabs ni sgrub pa'i thabs kyi lam mo/ /de'i yang thabs ni gsung rab bo//gzhan gyi don phun sum tshogs pa ni gdug pa can 'jigs par byed pa'o/ /de'i thabs ni sgrub thabs so/ /de'i yang thabs ni gsung rab nyid yin no/ /sdud pa po gang yin pa'i tshig ni 'di nyid du rnam pa mang pos gsungs mod kyi/ 'dir ni gnas skabs yin no//de la zhes bya ba la sogs pa la de la zhes bya ba ni bcom ldan 'das bsgrub par bya ba'i ched du zhes bya ba'i don to/ /dang por ni dgos pa bsgrub pa la sogs pa'o/ /sngags zhes pa'i sngags kyis bsrung bar byas pa'o/ /gang yang gnas mang po'i ming yod kyang / de lta na yang la la gcig tu'o//de la yang gang dang gang nga ni ma yin te/ 'di nyid ni 'jam dpal rgyud chen por gsungs pa'o/ /'on kyang yid dang mthun pa'i gnas su'o/ /yang na de la zhes pa ni 'og nas bshad pa'i gnas mang po de rnams kyi nang nas kha cig go /yid dang mthun pa'i gnas zhes pas go bar bya'o//'og nas 'khyud pa'i dbang du bya ba la sogs pa thams cad ni dgos pa'i las so/ /de la zhes pa ni dgos pa'o/ /de'i ni ched du'o/ /shing gcig ni shing gzhan gyi grib mas ma reg pa'o/ /ma mo'i tshangs pa mo dang / khyab 'jug mo dang / drag mo la sogs pa'o//'thab mo yis ni g.yul ngo gang du dmag mi mang po shi ba'o/ /'byung po ni phyogs skyong rnam par rgyal ba la sogs pa'o/ /ro langs ni gang gis ro byin gyis brlabs nas 'grub par byed pa'o/ /sha za ni skyugs pa zas su za ba la sogs pa'o/ /gnod sbyin ni rnam thos sras la sogs pa'o//spras pa ni brgyan pa'o/ /de la zhes pa ni dkyil 'khor gru bzhi pa de'i dbus kyi snying po ste/ re'u mig brgyad du byas pas de yang re'u mig dgu ru 'gyur ro/ /ri mo zlum po gcig byas te/ de'i dbus su thad kar ri mo gnyis phreng du ri mo gnyis bya'o/ /gal te slob dpon gcig yin na de'i tshe sgo gcig dbye ba dang /grol ba dang / rab tu dbye ba dang / phye bar 'gyur ro/ /shar dang / dbang ldan dang / lho dang me'o/ /ro'i snod ni btung ba'i snod do/ /bzhi pa ni zla ba'i rnam pa'o/ /snying po 'phar ma ni re'u mig dgu pa'o/ /de nas zhes bya ba la sogs pa la 'khor lo'i phyi rol gyi 'phar ma'i phyag rgya dang rtags ni gri gug la sogs pa'i mtshan ma ni dbang ldan gyi mtshams nas bzung ste/g.yon skor du mtshams de nyid du thug par bri bar bya'o/ /mtshon rtse gcig pa ni lcags dbyug gi rnam pa rtse mo rma bya'i sgro'i chun po dang ldan pa'o//rdo rje rtse gcig pa ni phyed mdung ngo / /dbyug to ni dbyug pa'o/ /ro langs ni ro'o/ /bri bar bya ba ni gzhag par bya ba'o/ /sngags chen pa ni khyim bya'o/ /sngon du bya ba byas pa ni/ sngon du bsnyen pa byas pa'o/ /de'i mdun ni dkyil 'khor gyi mdun no/ /yi ge bcu pa ni/oM hrIHSh+T+r-iHwi kri tA na na hUM phaT/ ces pas so/ /de rnams ni kun no/ /bar chad ni glags tshol ba'o/ /skyes pa ni rnyed pa'o/ /de'i phyir 'jigs pa med pas so/ /rig pa ni sgrub pa'o/ /brjod pa ni mngon par 'dod pa'i dngos grub kyi ched du'o/ /dpal rdo rje 'jigs byed ces bya ba'i rgyud las rtog pa dang po'i dka' 'grel lo// //de nas zhes bya ba la sogs pa la nges par mnan pa'i bsad pa'o/ /bcu drug ces bya ba la dbus ni mtshams bzhi dor te brtsis pas re'u mig bzhi zung ngo / /de la phyi rol gyi bcu gnyis pa la/ /ya ma rA dza zhes bya ba la sogs pa dgod do//'di ru mtshams bzhi la dgod pa dang spel bar bya'o/ /me gnyis ni gru gsum nyis brtsegs so/ /bzhag pa ni gnas par bya ba nas so/ /nya phyis ni thod pa'o/ /ya gnyis gcig tu byas nas brtsis pas yi ge sum cu rtsa gcig gi sngags dang ldan pa zhes gsungs so//gzhan yang zhes bya ba la sogs pa la/ o ya ma rA dza sa do me ya/ ya me do ru Na yo da ya/ ya da yo ni ra yak+She ya/ yak+She yats+tsha ni rA ma ya phaT phaT/ ces bya bas gshin rje gshed po'i sngags gsungs pa'o/ /dur khrod la sogs pa nas rgyal po'i sgo'i bar gyi sa blang bar bya'o//rgya mtshor 'gro ba'i chu bo'i pha rol tshu rol gnyi ga'i chu ngogs kyi sa'o/ /gnas lnga ni spyi bo dang / dpral ba dang / mgrin pa dang snying ga dang gsang ba'i gnas su mi'i rus pa'i phur bus gdab par bya ste/ gong du gsungs pa de nyid kyis so/ /grog mkhar gyi sa bdun zhes pa ni grog mkhar gyi sa bdun gyi sa'i rdzas ni dur khrod la sogs pa nas rgyal po'i sgo yan chad kyis so//gzhan yang zhes bya ba la sogs pa la gang du bsgrub bya'i rkang pa la gos par gyur pa'i rdul ni rdul zhib tshod ltar gcig dang / de'i zhes bya ba ni pags pa'o/ /rdul dang chu ngan dang sa rnams kyis dgang bar bya'o//de sgra nyid ni bsgrub bya'i sgras so/ /de nas zhes bya ba la sogs pa 'khri ba ni byed pa'o/ /tsaN+Da lI ni g.yung mo'o/ /dur ni dur khrod do/ /ming ni che ge mo'o/ /dran pa ni dgos pa'o/ /sbal pa ni sbal pa'o/ /smyon pa ni gnod pa byas pa'o/ / rtog pa gnyis pa'i dka' 'grel lo// //de nas zhes bya ba la sogs pa la drug pa'i dang po ni ya'o/ /lnga pa'i lnga pa ni ma'o/ /kha cig las dang po zhes bya ba'i gzhung yang yod do/ /de la go rims bzlog nas bgrangs pa'i ni ma'o/ /drug pa'i gnyis pa ni ma'o/ /dbyangs kyi gnyis pa ni a'o//gnyis pa'i gsum pa ni dza'o/ /dbyangs kyi gnyis pa ni A'o/ /bdun pa'i gsum pa ni sa'o/ /gnyis pa zhes bya ba'i gzhung ni rim pa bzlog pa'i swa'o/ /bzhi pa'i gsum pa ni da'o/ /dbyangs yig bcu gsum pa ni o'o/ /lnga pa'i lnga pa ni ma'o/ /dbyangs yig bcu gcig pa e'o//drug pa'i dang po ni ya'o/ /nyis 'gyur ni ya'o/ /lnga pa'i lnga pa ni ma'o/ /dbyangs yig bcu gcig pa ni e'o/ /bzhi pa'i gsum pa ni da'o/ /dbyangs yig bcu gsum pa ni o'o/ /drug pa'i gnyis pa ni ra'o/ /dbyangs yig lnga pa ni u'o/ /gsum pa'i lnga pa Na'o//rlung gi sa bon ni ya'o/ /dbyangs yig bcu gsum pa o'o/ /bzhi pa'i gsum pa da'o/ /rlung gi sa bon ni ya'o/ /drug pa'i dang po ni ya'o/ /bzhi pa'i gsum pa ni da'o/ /rlung gi sa bon ni ya'o/ /dbyangs yig bcu gsum pa ni o'o/ /bzhi pa'i lnga pa ni na'o/ / dbyangs yig gsum pa ni i'o/ /me'i sa bon ni ra'o/ /rlung gi sa bon ni ya'o/ /yi ge'i mtha' ni k+Sha'o/ /dbyangs yig bcu gcig pa ni e'o/ /yi ge'i mtha' ni k+She de nyid do/ /de nyid kyi rlung gi sa bon ni ya'o/ /drug pa'i dang po ni ya'o/ /yi ge'i mthar gnas pa ni k+Sha'o/ dbyangs yig bcu gcig pa ni e'o/ /rlung gi sa bon ni ya'o/ /gnyis pa'i dang po ni tsa'o/ /gnyis bgrang ba ni ca'o/ /bzhi pa'i lnga pa ni na'o/ /dbyangs yig gsum pa i'o/ /me'i sa bon ni ra'o/ /dbyangs yig gnyis pa ni A'o/ /lnga ba'i lnga pa ni ma'o/ / rlung gi sa bon ni ya'o/ /dang po rnam par snang mdzad ni o'o/ /dam pa'i dbang phyug ni zla tshes dang thig le gnyis so/ /des ni oM mo/ /lnga pa'i gnyis pa ni pha'o/ /gsum pa'i dang po ni Ta'o/ /lan gnyis ni phaT phaT ces bya'o zhes bya ba ni phreng ba'i sngags btu ba'o/ /bdun pa'i bzhi pa ni ha'o//dbyangs yig bzhi pa ni I'o/ /me'i sa bon ni ra'o/ /bcu drug mtha' ni thig le gnyis so/ /des ni hrIH'o/ /bdun pa'i gnyis pa ni Sha'o/ /dbyangs yig bzhi pa ni I'o/ /gsum pa'i dang po ni Ta'o/ /me'i sa bon ni ra'o/ /bcu drug gi mtha' ni tsheg drag gnyis so//des ni Sh+T-iH'o/ /drug pa ya ra la wa zhes bya ba ni sde tshan gyi wa'o/ /dbyangs yig gsum pa ni i'o/ /dang po'i dang po ni ka'o/ /dbyangs yig bdun pa ni r-i'o/ /bzhi pa'i dang po ni ta'o/ /dbyangs yig gnyis pa ni A'o/ /bzhi pa'i lnga pa ni na'o/ /nyis 'gyur ni na'o//rnam par snang mdzad ni oM mo/ /brgyad pa ni ha'o/ /dbyangs yig drug pa ni U'o/ /lnga pa'i gnyis pa ni pa'o/ /gsum pa'i dang po Ta'o/ /nye ba'i snying po zhes bya ba yi ge bcu pa'i sngags btu ba'o/ /drug pa'i dang po ya'o/ /lnga pa'i lnga pa ma'o/ /dbyangs yig gnyis pa a'o//bzhi pa'i dang po na'o/ /lnga pa'i tha ma ta'o/ /dang po'i dang po ka'o/ /rnam par snang mdzad oM mo/ /dran pa'i mtha' ni zla tshes so/ /stong pa lha ni thig le'o/ /lnga pa'i gnyis pa pha'o/ /gsum pa'i dang po Ta'o/ /snying po zhes bya ba yi ge drug pa'i sngags btu ba'o/ / rtog pa gsum pa zhes bya ba'i dka' 'grel lo// //de nas zhes bya ba la sogs pa la rnam pa bdun gyis bla na med pa'i mchod pa byas nas/ tshangs pa'i gnas bsgoms te/ rang gi snying gar nyi ma'i dkyil 'khor la gnas pa'i sa bon gyi 'od zer gyis bgegs rnams bskrad de/ji skad gsungs pa bzhin du bya'o/ /rtog pa bzhi pa zhes bya ba'i dka' 'grel lo// //de nas zhes bya ba la sogs pa la/ gang gang nas g.yul ngor dngos su shi ba'o/ /de'i dpa' bo'i gos so/ /me tog ni zla mtshan no/ /des gos pa ni me tog gis gos su brjod do/ /gang gis bu btsas pa'i dus su bud med kyis gyon pa'i bu skyes pa'i ras so//ri mo mkhan bzang po ni dbang thob pa'o/ /rtog pa zhes bya ba ni bza' bar bya ba dang / bza' bar bya ba ma yin pa'i rnam par rtog pa dang bral ba'o/ /khro ba med pa ni byams pa'i sems dang ldan pa'o/ /cha phra bar bri ba ni mdzes shing nyes pa'i skyon med pa'o/brtson pa ni 'bad pa'o/ /dad pa ni dkon mchog gsum la yid ches pa'o/ /brtse ba ni sgrub pa po sgrub par 'dod pa'o/ /rnyed pa la mi blta ba ni 'dod pa chung ba'o/ /yon byin pa ni ri mo mkhan gyis ji tsam brjod pa'o/ /rtog pa lnga pa zhes bya ba'i dka' 'grel lo// //de nas zhes bya ba la sogs pa la/ rlung gi dkyil 'khor ni zla gam gyi rnam pa'o/ /hom khung de'i dbus su sangs rgyas kyang ni tshangs pa yang ngo / /rtog pa drug pa zhes bya ba'i dka' 'grel lo// //de nas zhes bya ba la sogs pa la/ gsang ba'i sngags ni gzhan la ni bstan pa'o//rtog pa bdun pa zhes bya ba'i dka' 'grel lo// //'bad pas dka' 'grel byas thob pa'i/ /bsod nams gzhon nu zla ba bzhin/ /de yis 'jig rten ma lus pa/ /dpal rdor 'jigs byed thob par shog /slob dpon mkhas pa chen po dpal gzhon nu zla bas mdzad pa'i dpal rdo rje 'jigs byed kyi rgyud chen po'i dka' 'grel rdzogs so/