CLOSE WINDOW

D1972
བོད་ཡིག

/[ ]@##/ /rgya gar skad du/ shrI badzra b+hai ra ba tan+t+ra sU tra bi nA ma/ bod skad du/ dpal rdo rje 'jigs byed rgyud kyi mdo mdor bshad pa zhes bya ba/ dpal rdo rje sems dpa' la phyag 'tshal lo/ mgon po 'jigs byed dpal ldan bla ma yi/ /zhabs kyi pad+ma la yang phyag 'tshal lo//de yi rgyud kyi bshad pa ni/ /de yi bka' drin gyis ni bri bar bya/ /de nas zhes bya ba la sogs pa la/ /de nas kyi sgra ni 'dir de ma thag par rtogs par bya'o/ /'o na gal te de lta bu yang ji ltar rgyud kyi dang por bstan zhe na/ 'di skad bdag gis zhes bya ba la sogs pa dang po'i tshig bor te/de nas zhes bya ba'i sgra bstan pa ni/ 'jam dpal gyi rgyud grangs stong phrag bco brgyad pa las/ 'jigs byed chen po sgrub pa'i thabs kyi rjes las rgyud 'di phyung ba ste/ de ltar rtogs par byas la/ rgyud kyi dang por sbyar bar bya'o/ /yang de nas kyi sgra ni rtog pa bdun pa ma lus pa'i skabs su bab pa'i don te//yang dag bshad ces bya ba ni yang dag pa'i don te 'dir bzlas pa dang / 'khrul 'khor dang sbyin sreg dang / bsam gtan dang / phrin las dang / rdo rje 'jigs byed kyi sgrub thabs zhes bya ba ni/ rdo rje stong pa nyid du brjod/ /'jigs byed snying rjer 'dod pa ste/ /rdo rje 'jigs byed sbyor ba las//gnyi ga de yi bdag nyid 'grub/ /de ltar na stong pa dang snying rje dbyer mi phyed pa'o/ /rdo rje sems dpa' ni rdo rje 'jigs byed do/ /'di'i sgrub thabs ni sgrub par byed pa ste/ gzhung gi tshogs 'di yis rdo rje 'jigs byed kyi lha'i gzugs 'di lta bur byed pa'o/ /rgyud kyang 'di yin te rnam par bkod pa las byung bas na de nyid rgyud do//drag shul zhes bya ba ni khro bo'i thugs nyid las so/ /'jigs byed ces pa ni rnam par 'gyur ba'i gzugs las so/ /shing gcig ces bya ba ni shing gang la shing gzhan gyi grib mas ma phog pa'o/ /dbang dang dgug pa dang /bsad pa la sogs pa ni bstan pa'o/ /nye bar bshad pa ni dngos grub sna tshogs sgrub pa'i rtog pa las bstan to/ /ro bsregs thal bas zhes pa ni rdul tshon dkar po'o/ /dur khrod kyi sol bas ni rdul tshon nag po'o/ /ldong ros kyis ni ser po'o/ /dur khrod kyi so phag gis ni dmar po'o/ / nim pa dang / ni sun da ra'i lo ma la sogs pas ni ljang gu'o/ /rdul tshon de rnams kyis dkyil 'khor bri bar bya zhes par 'brel to/ /gru bzhi zhes pa ni mi mnyam pa med pas na'o/ /sgo bzhi zhes pa stong pa nyid dang mtshan ma med pa dang / smon pa med pa dang / mngon par 'dus ma byas pa ste/ rnam par thar pa'i sgo bzhi rnam par dag pa'i sgo rnams so/ /rta babs bzhi yis brgyan zhes pa ni bsam gtan bzhi'i rnam par dag pa'o/ /dril bu'i sgra 'khrol ba ni chos thams cad stong pa nyid du rtogs par byed pa'o/ /ba dan dgu ni gsung rab yan lag dgu'i rnam par dag pa'o/ /de'i me tog gi phreng ba dri zhim po ni 'dod pa'i yon tan lnga'i rnam par dag pa'o//rdo rje rin chen yang zhes pa ni/ rdo rje stong pa nyid do/ /rin chen zhes pa ni bla na med pa'i dga' ba rgyas pa'i rin po che ste/ snying rje chen po'o/ /de dag ni gnyis su med pa zhes bya bar ston to/ /zla ba phyed pa ni byang chub kyi sems 'jig pa'i rang bzhin ston pa'o//dra ba dang dra ba phyed pa ni thabs dang shes rab rnam par dag pa'o/ /de'i dbus su re'u mig dgu pa bri zhes pa ni go sla'o/ /sgo bzhi rnams su zhes pa ni sgo bzhi po rnams dang nye bar bsdu'o/ /ro langs chen po'o zhes pa ni/ ro langs chen po rnams te/ phyag gnyis pa/zhal gcig pa/ spyan gsum 'bar ba/ skra ser po gyen du brdzes pa/ gcer bu zhal mche ba gtsigs pa/ mdog nag po/ phyag g.yas kyis gri gug gsor bar byed pa/ g.yon gyis khrag gis bkang ba'i thod pa 'dzin pa'o/ /gzhag par bya ba ni bri bar bya'o/ /mar khu chen po zhes bya ba la sogs pa ni go sla'o//sngon du byas pa zhes pa ni sngon du bsnyen pa byas pa'o/ /ha ha zhes sgrogs byed ces pa gad mo brgyad kyis rnam par byed pa'o/ /shin tu mnyam par gzhag ces pa ni rdo rje 'jigs byed kyi rnal 'byor dang ldan pa'o/ /de'i dbus su bsgrub ces pa ni/ mngon par 'dod pa'i dngos grub bo//de'i steng du zhes pa ni de mnan pa'o/ /gal te sngags pas ma grub na zhes pa ni/ bcom ldan 'das dgyes te/ phyag rgya chen po ster ba las brgya lam na rnal 'byor pa bsod nams med pa'i dbang gi cha yin pa de'i tshe/ dman pa'i las de yis gdon mi za bar 'grub bo/ /de dag gi dad pas bskyed par bya ba'i don to//de dag ni zhes pa ni yongs su rdzogs pa'o/ /'jam dpal zhes pa ni 'jam dpal gyi sprul pa'o/ /dkyil 'khor nges par bstan zhes pa ni/ dkyil 'khor rdul tshon gyi dkyil 'khor ro/ /nges par bstan pa ni gang gi tshe brtags po de de bzhin du ston pa'o/ /'o na ji ltar rdul tshon gyi dkyil 'khor dang por bstan zhe na/dbang ma bskur bar rgyud las gsungs pa'i las mi bya zhing / rgyud nyid kyang mthong bar bya ba ma yin pa de ltar rtogs par bya ba'i phyir dang / dang po nyid du rdul tshon gyi dkyil 'khor bstan pa ni rigs pa'o/ /rdzogs so zhes pa ni yang dag par thob pa ste/rab tu thob pa'o/ /de dag ni rdo rje 'jigs byed rnal 'byor gyi rgyud las brtag pa dang po'i bshad pa'o// //dgos pa med par ni su yang 'jug par mi 'gyur ba 'dis na/ /dgos pa bstan pa'i don du/ de nas zhes bya ba la sogs pa'o/ /dngos grub sna tshogs sgrub pa'i rtog pa gsungs so//sngags pas shin tu khros pas zhes bya ba ni/ bsad pa dang / bskrad pa dang / dbye ba dang / las gsum ste/ khros pa'i sems kyis bya'o zhes pa lhag ma'o/ /me gnyis kyi dbus su zhes pa ni me ni re pha'o/ /gang las shes she na/ me'i sa bon yin pa'i phyir te/ rgyu la 'bras bu btags pas de nyid kyis rnyed do//hUM brgyad ces bya ba ni phyogs rnams su'o/ /zur rnams su phaT kyi yi ge zhes pa ni/ phyogs bral rnams su phaT kyi yi ge brgyad bri'o zhes 'brel to/ yang na rims kyis zin par 'dod na zhes bya ba ni/ gang gi tshe rnal 'byor pas rims kyis zin par 'dod pa de'i tshe cho ga ni 'di yin te/mtshon gyis phog pa'am sbyangs pa'i mi'i thod pa la rgya skyegs kyi khu ba'am/ rdo rgyus kyis rims mngon par bya'o/ /de la tsha ba'i rims ni dmar po skra gyen du 'bar ba'o/ /grang ba'i rims la yang dkar po gsus pa che ba skra 'phyang zhing du ba zhes pa'o/ /gnyis ka yang rkang pa gsum pa lag pa gsum pa zhes pa'o//phyi nas ro bsregs pa'i sol ba dang / sa dang thal ba dang bsgrub bya'i rkang pa'i rdul dang lhan cig bsregs pa las byas pa'i bsgrub bya'i gzugs brnyan gyi snying ga ru sngar cho ga nyid kyis bris pa'i 'khrul 'khor 'di gzhug par bya zhing / dug dang tsha dang ske tshe la sogs pas kyang byugs la/pad+ma'i snod gzhan zhig tu gzugs de gzhug par bya'o/ /gnyi ga la yang dgug cing gzhug par byas nas/ bris pa'i thod pa'i steng du kha sbub tu sbyin no/ /de'i rjes la de yis gzung bar bsam zhing / me thab kyi 'og tu bsregs te/ rdo rje 'jigs byed kyi rnal 'byor pas/mtshan thog thag bzlas na nges pa nyid du rims kyis zin par 'gyur bar the tshom med do/ /bya rog gi lhag ma zhes pa ni bya rog gis zos pa'i lhag mas so/ /bsad pa la ni che ge mo mA ra ya zhes pas spel ba'i 'khrul 'khor bri'o/ /bskrad pa la ni che ge mo uts+tsha ta ya zhes so/ / dbye ba la ni che ge mo bi dwe Sha zhes pas so/ /de lta bu la sogs pa las dang rjes su mthun par kun la shes par bya'o/ /bsad pa la ni gshin rje'i lto ba la gnas pa'i me'i dkyil 'khor bri bar bya'o/ /bskrad pa la rnga mo'i rgyab tu gnas pa'i rlung gi dkyil 'khor la'o/ /dran pa zhes bya ba ni ha yig ste/ man ngag las ha yig zla phyed thig le dbyangs drug pas brgyan par bya'o zhes rtogs par bya'o/ /rengs pa la ni ri rab bco brgyad kyis nye bar brgyan pa'i dbus so/ /dbang la ni bud med kyi chos 'byung gi dbus so/ /dgug pa la ni rkang pa brgyad pa seng ge'i rgyab tu'o/ /zhi ba la ni zla ba'o/ /rgyas pa ni zla ba ser ba'o//dbye ba ni ma he dang stag gnyis kyi snying gar ro/ /de lta bu la sogs pa'i gnas rnams ni las dang rjes su mthun pas bri bar bya'o/ /zhi ba'i 'khor lo bya ba/ ya dang tha ma ya yig ni/ /dbyi bar bya ste ni gnyis kyang / /phyi nas dkyil du ya yig ste/ /yi ge lhag ma ci bde ba'o//de dag ni rdo rje 'jigs byed kyi rnal 'byor gyi rgyud las rtog pa gnyis pa'i bshad pa'o// //rtog pa las gsungs pa'i dgongs pa de nyid kyang / sngags med na mi 'grub pas/ sngags 'di la the tshom med pa'i don du/ de nas zhes bya ba la sogs pas sngags btu ba'i rtog pa gsungs pa'o//de nas zhes bya ba ni go sla'o/ /ya yig zhe sdang nyid du 'gyur/ /k+She yi yi ge gti mug brjod/ /ma yig phra ma ru ni gsungs/ /ma ni 'dod chags dgra gsod pa'o/ /da yig phrag dog la yig 'gyur/ yats+tsha tho ba dbyug pa dang / /ni yig phyag na pad+ma'o/ /rA yi yi ge ral gri gtso//dza yig lha mo tsArtsi kA /phag mo yang ni sa yig ste/ /do la dbyangs can ma ru brjod/ /ru ni gau rA'i rang bzhin can/ /Na yo ni ra'i rang bzhin yang / thod pa gshin rje 'joms pa'o/ /yi ge bcu bdun po de rnams ni/ /lha bcu bdun gyi rang bzhin du bsams par byas la/rang gi snying ga'i sa bon gyi 'od zer gyis gshin rje gshed kyi lha bcu bdun gyi bdag nyid ye shes kyi dkyil 'khor nas spyan drangs te/ /mdun du bzhugs pa la mchod yon la sogs sbyin zhing / sngar bris pa'i 'khrul 'khor la tho ba la sogs pa'i sbyor bas rab tu gzhug par bya'o/ las dang rjes su mthun par gsungs pa'i rim pas bdag nyid bsgom zhing sngags yongs su bzlas pas las rab tu bsgrub par bya'o/ /de dag ni rdo rje 'jigs byed rnal 'byor gyi rgyud las rtog pa gsum pa'i bshad pa'o// //dgongs pa gsungs pa de yang lha la dmigs pa med na mi 'grub ces pas lha la dmigs pa'i don du/de nas zhes bya ba la sogs pa sgrub pa'i thabs kyi rtog pa gsungs so/ /de nas zhes pa ni sngags btu ba'i rtog pa'i de ma thag tu'o/ /rdo rje 'jigs byed kyi sgrub thabs zhes pa ni/ bsgrub par bya ba yang bdag nyid bsgrub par bya ba ste/ rdo rje 'jigs byed nyid kyi thabs des sgrub par byed pa'o//yang dag rab bshad ces bya ba ni yang dag pa'i don te/ 'dir bla ma'i man ngag ni bshad pa'o/ /de la man ngag ni 'di yin te/ chos thams cad bdag med pa sngon du song bas lha la dmigs par bya'o zhes pa'i tshig phyi nas rtogs par bya'o//dang po kho nas zhes pa nyid thog mar ro/ /de la dgongs pa ni 'di yin te/ dang po kho nar sngags pas dben pa'i gnas gang yang rung bar gnas shing stan bde ba la 'dug ste/ bdud rtsi la sogs pa khar bcug la/ gcer bu skra grol ba/ lhor mngon par phyogs par gyur pas/rang gi snying gar nyi ma la gnas pa'i 'od zer gyis phyogs bcu'i 'jig rten du mngon par khyab ste/ /sangs rgyas dang byang chub sems dpa' dang khro bo la sogs pa'i lha'i tshogs bkug nas/ mdun gyi nam mkha'i phyogs su gnas par byas pa dang / rang gi snying ga'i sa bon gyi 'od zer las byung ba'i rdo rje tsArtsi kA la sogs pa'i lha mo bzhi po sna tshogs pa la sogs pa'i mchod rdzas lag pa dag gis bzung ste/yang dag par mchod pa dang / bshags pa la sogs pa byas la slar gshegs par bya'o/ /de ltar thams cad rnam bsam pa/ /de'i rjes la chos thams cad bdag med pa zhes bya ba'i tshig gis tshangs pa'i gnas bzhi bsgom par ston te/de la byams pa ni/ sems can thams cad la bu gcig pa ltar brtse ba'i mtshan nyid can no/ /snying rje ni sdug bsngal dang sdug bsngal gyi rgyu las yang dag par sgrol bar 'dod pa'o/ /dga' ba ni bde ba de nyid kyis brtan par 'dod pa'o//btang snyoms ni gzung ba dang 'dzin pa'i rnam par rtog pa thams cad nye bar btang ba lags so/ /de nas thams cad rten cing 'brel bar 'byung bas mu bzhi dang bral bar rnam par bsam par byas pa/ oM shUn+ya tA dz+nyAn badzra swab+hA wa At+ma kou0f85haM/ zhes p a'i sngags brjod pas sngags kyi don mngon du byas te/bdag nyid dang khams gsum po yang snang ba med par bya'o/ /de nas smon lam gyi stobs kyis bar snang la a yig dmar po las skyes pa'i steng du hUM yig las 'od zer lnga spros la/ de yongs su gyur ba'i sna tshogs rdo rje yongs su gyur pa las/rdo rje ra ba dang / gur dang / bla re dang / sa gzhi yang yongs su bsgom par bya'o/ /yang de dag thams cad bsgom par bya ste phyi nas/ yaM las rlung gi dkyil 'khor zhes pa ni thig le dang yang dag par ldan pa'o/ /d+hIHyig ces pa ser po'o/ /'jam dpal zhes bya ba ni/ mgon po zhal gcig phyag gnyis pa/ /ral gri po ti phyag na bsnams/ /rdo rje skyil krung sbyor ba ste/ /rgyu yi rdo rje 'dzin bdag nyid/ /de nas rgyud las gsungs pa'i 'chad par 'gyur ba'i rim pas/ bdag nyid dur khrod brgyad kyis brgyan pa'i/ 'bras bu he ru ka'i gzugs su byas la/ srid pa dang zhi ba dbyer med pa'i nga rgyal du byed pa//oM swa b+hA wa shud+d+haHswa b+hA d+harmaHswa b+hA wa shud+d+hou0f85haM/ zhes pa'i sngags brjod par bya'o/ /de nas mig la sogs pa byin gyis brlab pa dang / /sku la sogs pa yang byin gyis brlabs pa byas la/ rang snying sa bon 'od zer gyis/ /sna tshogs sangs rgyas s ras bcas bzhugs//bkug la mdun du bltas pa dang / de rnams las spros yang na gang / /rdo rje tsArtsi kA la sogs pas bum pa zla ba lta bu bdud rtsi rnam lngas bkang ba bzung ste/ de rnams kyis bdag nyid la bkra shis kyi tshigs su bcad pa dang yang dag par ldan pas dbang bskur bar rnam par bsam par bya'o//dbang bskur ba'i mthar/ mi bskyod phyag rgya mgon po yi/ /rtsa ba'i dbu la bsgom par bya/ /sgeg pa la sogs ro dang ldan/ /phyi rol du ni khro bo'i gzugs/ /de nas snying ga'i sa bon gyi 'od zer gyis ye shes sems dpa' bkug cing / mdun du bzhag par byas la mchod yon dang zhabs bsil la sogs mchod pa dbul lo//de nas oM mung+gar dzaHzhes pa'i sngags kyis dgug pa dang / oMdaN+Da hUM zhes pas rab tu gzhug pa dang / oM pad+ma baM zhes pas rab tu bcing ba dang / oM khaD+ga hoHzhes pas dbang du bya ba dang / de nas rang gi snying ga'i sa bon las byung ba'i rdo rje tsArtsi kA la sogs pa rnams kyis sna tshogs kyi mchod pa'i rdzas rnams kyis mkhas pas mngon par mchod par bya'o//de nas bdud rtsi 'bar ba la sogs pa'i cho gas bsgrubs la rdo rje sbu gus drang zhing longs spyad par bya'o/ /bdag nyid lha'i rnam par bsgoms te/ de nyid rnal 'byor ro//bden min brdzun pa ma yin nyid/ /de nas rnam dag kyang dran bya/ /thod pas thod byas pa zhes bya ba ni/ ye shes rnam pa lnga'i rang bzhin no/ /'jigs su rung ba'i zhes bya ba ni/ bdud rnams 'jigs par byed pas so/ /thod pa'i rgyan gyis brgyan zhes bya ba ni chos kyi dbyings las skyes pa'i phyir ro//zhabs bcu drug ces pa ni/ stong pa nyid bcu drug gi rnam par dag pa'o/ /gcer bu ni chos thams cad sgrib pa med par rtogs pa'o/ /mtshan ma gyen du 'greng ba ni/ bde ba chen po'i bdag nyid du gyur pa'i phyir ro/ /zhabs g.yon brkyang ba ni/ chos thams cad stong pa nyid kyis so sor khyab pa'i phyir ro/ /gtum zhing khros pas na gsus pa che ba'o/ /skra gyen du brdzes pa ni mya ngan las 'das pa'i go 'phang ston pa'o/ /phe ta'i sgra sgrogs pa dang ldan pa ni/ ma rungs pa la sogs pa skrag par byed pas na'o/ /phyag sum cu rtsa bzhi ni/ byang chub kyi phyogs sum cu rtsa bzhi'i rnam par dag pa'o/ /yang dag pa'i rtsol ba dang / yang dag pa'i dran pa dang / yang dag pa'i ting nge 'dzin gsum ni/ bcom ldan 'das nyid kyi sku gsung thugs kyi rang bzhin gyis bsdus pa'o/ /legs pa dang mnyam par bzhag ces pa ni/ lus ngag yid gsum rnam par g.yeng ba med pa'o//rtag tu zhes pa ni dus gsum du'o/ /de kho na nyid kyi sbyor ba zhes pa ni/ bsgom bya dang / bsgom pa rnams su mi dmigs pas so/ /gri gug ni ma rig pa gcod pa'o/ /b+hin+da pha la ni gzung ba dang 'dzin pa'i rnam par rtog pa 'bigs pa'o//gtun shing ni dran pa nyams pa 'joms pa'o/ /chu gri ni srid pa gcod par byed pa'o/ /rdo rje rtse gcig pa ni lus ngag yid gsum gyi nyes pa 'joms pa'o/ /sta re ni sems kyi sra ba'i bag chags 'joms pa'o/ /mdung ni lta ba ngan pa 'bigs pa'o/ / mda' ni shin tu rmongs pa'i zug rngu 'bigs pa'o/ /lcags kyu ni 'gugs par byed pa'o/ /bai dbyug ni las kyi sgrib pa 'joms pa'o/ /kha T+wAM ga ni byang chub sems kyi rang bzhin no/ /'khor lo ni chos kyi 'khor lo bskor ba lags so/ /rdo rje ni ro gcig tu gyur pa'i ye shes lnga'i bdag nyid do//tho ba ni ser sna 'joms pa'o/ /ral gri ni ral gri la sogs pa'i dngos grub ster ba'o/ /cang te'u ni mchog tu dga' ba'i sgras sangs rgyas thams cad skul bar byed pa'o/ /thod pa khrag gis gang ba ni/ dam tshig skyong bas na'o/ /bram ze'i mgo bo ni thugs rje chen pos 'gro ba'i don mdzad pas na'o//phub ni bdud las rnam par rgyal bas na'o/ /rkang pa ni sangs rgyas kyi sku'i go 'phang ster bas na'o/ /zhags pa ni yang dag pa'i ye shes su 'ching ba'o/ /gzhu ni 'jig rten gsum las rgyal ba'o/ /rgyu mas ni stong pa nyid kyi snying po so sor rtogs pa'o/ / dril bu ni shes rab kyi pha rol tu phyin pa'i ngo bo'o/ /lag pa ni phrin las thams cad mdzad pas na'o/ /dur khrod kyi ras ni chos thams cad bdag med pa la ma rig pa'i sgrib g.yogs sel ba'o/ /gsal shing la btsugs zhes pa ni/ dngos po thams cad stong pa nyid la btsugs pa zhes so sor rtogs pa'i phyir ro//me thab ces pa ni chos thams cad 'od gsal bar ston pas na'o/ /thod tshal ni snying rje'i bdud rtsis gang ba'o/ /sdigs mdzub ni bdud rnams bsdigs par mdzad pa'o/ /'phan rtse gsum ni lus ngag yid gsum rang bzhin gcig tu rtog pa'o/ /rlung gi ras ni chos thams cad sgyu mar ston pa'o//glang po'i pags pa zhes pa ni gti mug glang po'i'o/ /g.yas pa'i zhabs kyis/ mi la sogs pa brgyad po ni dngos grub chen po brgyad po'i dag pas so/ /g.yon pa'i zhabs brgyad kyis/ bya rgod la sogs pa brgyad ni/ dbang phyug brgyad kyi dag pas so//zhal dgu po 'di lta bus ni/ yan lag dgu'i chos ston pas sems can yongs su smin pas na'o/ /ma he'i gdong ni khams gsum gyi bdag pos na'o/ rwa gnyis ni bden pa gnyis na'o/ phyag rgya lnga rnams ni de bzhin gshegs pa lnga'i rang bzhin no/ /sangs rgyas kyis sems can rnams mchod par byed pas na/steng gi zhal dmar po 'di lta bu khrag 'dzag pa'o/ /zhal dgu pa sar ba ni 'jam dpal gyi sprul pa ston pas na'o/ /byis pa'i rgyan gyi brgyan pa ni/ gzhon nu'i gzugs kyi phyir na'o/ /spyi bor ral pa lnga dang ldan pa ni/ mngon par byang chub pa lnga'i dag pa'o//spyan gsum ni dus gsum ston pa'o/ /de ltar bltas te bdag nyid ni/ /lha yi bdag nyid der gtad nas/ /sngags bzlas de tshe rnal 'byor ba/ /yid ni ji ltar mi skyo bar ro/ /gang yang rung ba'i sngags kyi yi ge nyid brjod pa ste/ de yang rang gi snying gar nyi ma'i dkyil 'khor gyi steng du g.yas skor du maN+Dal gyi rnam par bltas la/sna bug nas 'byung ba'i rlung spros pa'i gzugs kyis 'gro ba'i don byas nas/ yang bsdus te sna bug nas 'jug pa'i rlung gis rab tu zhugs te de nyid du gnas par ro/ /de ltar yang dang yang mi skyo'i bar du cho ga nyid kyis bzlas pa ste/de dag ni bzlas pa'o/ /de skyo bar gyur na/ cho ga ji lta bar gtor ma byin la/ ye shes sems dpa' gshegs su gsol te/ lha'i rnal 'byor du gnas par bya'o/ /de dag ni rdo rje 'jigs byed rnal 'byor gyi rgyud las bsgrub pa'i rtog pa ste bzhi pa'i bshad pa'o// //da ltar bsgom pa gsal ba'i don du/ de nas zhes pa bris sku'i cho ga'i rtog pa gsungs pa/ de nas zhes bya ba la sogs pa go sla'o/ /rnam par rtog pa med pa can zhes pa ni/ de kho na nyid shes pa'o/ /ri mo mkhan bzang po zhes pa ni/ dam tshig bsnyen pa'o//rtsa ba zhes pa ni ting nge 'dzin gyis bsgrub pa'i sems so/ /bsgrub pas zhes pa ni ri mo'i las kyis so/ /dpa' bo'i rim pa zhes pa ni/ chang dang sha la nye bar longs spyod pas/ dga' ba'i sems kyis so/ /glegs bam la lar ni/ dpa' bo'i chong zhes pa'i tshig /de la ri mo mkhan 'dod pa de byin la/ bri bar bya zhes 'brel to/ /lhag ma ni go sla'o/ /dung chen gyi phreng ba de rnams dag par bya ste/ de la rnam par dag pa'i man ngag ni 'di yin te/ rdog ma re re la hUM yig yongs su gyur pa las/ dpal rdo rje 'jigs byed chen po'i ngo bor blta'o//yang na mi'i mgo'i khrag 'dzags pa'i ngo bor bsam te/ sngags bzlas zhes pa 'brel to/ /de dag rdo rje 'jigs byed rnal 'byor gyi rgyud las rtog pa lnga pa'i bshad pa'o// //sbyin sreg las ni 'dod rnams kyis/ /sems can rnams la cho ga mchog / rdo rje sems dpa' bstan pa ste/ /las rnams thams cad rab 'grub pa'o/ /sbyin sreg las kyi cho ga zhes pa ni go sla'o/ /gang gis gsad par 'dod na zhes pa ni/ gang tshe rnal 'byor pas gsad par 'dod pa de'i tshe dur khrod du song la/ gsungs pa'i rdo rje 'jigs byed kyi rnal 'byor gyis/dur khrod kyi me la 'bad par 'gyur ba'i rim pas/ me la sogs pa'i zhal du gsungs pa'i rdzas kyi sbyin sreg bya'o/ /yang na bcu bzhi la khyim du gnas pa dang / dben pa byas la/ thab khung gru gsum dmar po/ sor nyi shu'i tshad la zabs sor lnga gnyis pa rdo rje phreng bas brgyan par bya'o//der dur khrod kyi me'am gtum po'i me'i dbus su paM yig las skyes pa sna tshogs pad+ma'i steng du/ me nyid gru gsum gyi dbus su raM las skyes pa'i me lha mdog nag po zhal gsum phyag drug pa'o/ /g.yas pa'i phyag na bgrang phreng dang gzhan mi 'jigs pa'o//g.yon pa ni dbyu gu gsum pa 'dzin pa dang / lhag ma gnyis gri gug 'dzin pa'o/ /zhabs g.yon brkyang bar gnas pa'i khro bo'i rgyan gyis rnam par brgyan pa'o/ /de'i snying gar raM gyi sa bon gnas pa/ de nas ye shes kyi me lha dgug la mchod yon dang zhabs bsil la sogs pa phul nas/dam tshig la rab tu bcug ste/ mchod pa la sogs pa bya'o/ /de'i kha ru raM bkod la ha oM ag+na ye swahA/ zhes bya ba'i sngags 'dis cung zad bsreg par bya'o/ /phyi nas de'i snying gar gsungs pa'i tshul gyis rdo rje 'jigs byed gsungs pa'i rim pas bsams te/mig la sogs pa byin gyis rlob pa sngon du 'gro ba can ye shes sems dpa' dgug pa la sogs pa bya zhing / mched pa la sogs pa bya'o/ /de'i khar yang re pha bsams la rang yang rdo rje 'jigs byed nag po'i rnal 'byor gyi bdag nyid rdzas de dag gis sbyin sreg bya ba ste/gsungs par 'gyur bas so/ /bsad pa dang / bskrad pa dang / dbye ba la sogs pa mngon spyod kyi las la ni khyad par 'di yin te/ bcu bzhi dang khros pa'i sems so/ /ji ltar bsad pa'i thabs su de bzhin du dbye ba la yang ngo / /de nas bskrad par 'dod pa zhes pa ni/ gang gi tshe bskrad par 'dod pa de'i tshe/thab khung sngon po khru do'i tshad las zabs su khru gang tsam gzhu'i rnam pa rdo rje'i phreng bas brgyan pa'o/ /der gsungs pa'i rim pas thams cad byas te bsreg par bya/ /zhes bya'o/ /yang na zhi bar byed par 'dod na zhes bya ba ni de'i rang bzhin gyi ngo bo tshes gcig la thab khung bya ba yang zlum zhing dkar ba khru gang pa'i tshad la zabs su khru phyed pa'o//'khor los brgyan pa'o/ /zhi bar 'dod pa zhes pa ni/ zhi ba ste dge ba'i sems kyis so/ /rdo rje 'jigs byed dkar po'i rnal 'byor gyis/ me thab ni sngar bzhin du thams cad byas la/gsungs pa'i sreg rdzas kyis sbyin sreg byas na zhi bar 'gyur ro/ /de'i tshe rgyas pa'i thab khung ni/ gru bzhi ser po khru do'i tshad la zabs su khru gang pa'i rin po che'i phreng bas yongs su brgyan pa'o/ /de sngar bzhin du thams cad byas la rdo rje 'jigs byed ser po'i rnal 'byor gyis kha byang du bltas te/zla ba nya la rgyas pa'i sems kyis sbyin sreg byas na rgyas par 'gyur ro/ /de nas dgug par 'dod na gang gi tshe/ tshes brgyad la thab khung sngar bzhin du rlung gi rnam pa byas te/ thams cad sngar bzhin du byas la/ rdo rje 'jigs byed dmar po'i rnal 'byor gyis/ chags pa'i sems dang ldan pas kha nub tu bltas te/ gsungs pa'i sreg rdzas kyis sbyin sreg byas na the tshom med par 'gugs par byed do/ /ji ltar 'gugs par byed pa de bzhin du dbang la yang ngo / /de dag ni rdo rje 'jigs byed rnal 'byor gyi rgyud las rtog pa drug pa'i bshad pa'o// // gang gi tshe sngags pas bsam gtan sngags bzlas byas pas dub pa na/ de la phan phyir kun mkhyen gyis/ /rtog pa bdun pa bstan pa'o/ /de nas zhes bya ba ni go sla'o/ /gal te sngags pas gsod par 'dod pa de'i tshe/ bdag nyid rdo rje 'jigs byed kyi rnal 'byor du dmigs la/ rang gi snying ga'i nyi ma'i sa bon las byung ba'i khro bo du ma'i tshogs kyis bskor ba'i sprul pa'i gzugs kyis song ste/bsgrub bya'i snying la rab tu zhugs nas de dag byin gyi rlob pa'i lha rnams yang dag par mchod nas gsol ba gdab ste/ 'di ni 'di lta bu'i las byed pas na/ gdon mi za ba nyid du dmyal bar 'gro'o//de'i phyir 'di ni khyed rnams kyis/ /yongs su btang la byon 'tshal lo/ /de nas de dag dang bcas pa'i bsrung ba khyer nas rang gi gnas su 'ongs te/ mchod yon la sogs pa byin la/ rang gi kha'i lam du zhugs nas/ rang gi snying gar bkod pas mnyes te gnas par bya'o//bsrung ba'i lha rnams ni khro bo rnams kyis khyer te nam mkha' la gshegs so/ /de nas stong pa'i lus su mthong ba'i bsgrub bya de la las bya'o/ /dpag tshad brgyar gnas pa'i skye bo'i gzugs can bzung ste zhes bya ba ni/ lo dang / mdog dang / mtshan ma dang / gzugs rnams shes par byas la/ bsam gtan brtsam par bya'o zhes par 'brel to/ /lag na lcags kyu zhags pa zhes bya ba ni/ lcags kyu dang zhags pa 'dzin pa'o/ /gshin rje gshed kyi gzugs zhes pa ni/ phyag gnyis pa/ zhal gcig pa ste/ pad+me gshin rje gshed kyi gzugs so//ma he'i gdong gi rnal 'byor dang ldan pas so/ /pad+ma 'dab ma brgyad pa zhes pa ni/ pad+ma 'dab ma brgyad pa dkar po ste/ de'i ze 'bru la hrIHyig dkar po bdud rtsi 'dzag pa'o/ /de'i 'dab ma brgyad pa rnams la ni a yig dkar po brgyad rnams so/ /mgo la a dang a yig rnams zhes pa ni/a yig yongs su gyur pa'i zla ba'i dkyil 'khor la/ a yig gnas zhes bya bar 'brel to/ /de dag ni dpal rdo rje 'jigs byed rnal 'byor gyi rgyud las rtog pa bdun pa'i bshad pa'o// //rdo rje 'jigs byed rgyud las ni/ /mdo mdor bshad pa gsal bar byas pa yis//bdag gis bsod nams gang thob pa/ /de yis 'gro rnams rgyal bar shog /dpal rdo rje 'jigs byed rnal 'byor gyi skabs mdo mdor bshad pa rdzogs so// //slob dpon dpal 'dzin gyi rjes su 'brangs pa'i slob dpon dpal chen po rdo rje grub pas mdzad pa rdzogs so/