| བོད་ཡིག |
104b1 /ring po dag ni spel ba ste/ /las dus bzlas pa de ltar ro/ /gru bzhi dang gsum pa'i phyogs bcu drug spel lo/ /gshed nag 'khor lo'i man ngag /slob dpon chen po nA ga bo d+his mdzad pa rdzogs so// //lo tsA ba dge slong chos rab kyis bsgyur// //[ ]@##/ /sbyin sreg gi cho ga
104b2 bzhugs/@##/ /dpal gshin rje gshed la phyag 'tshal lo/ /sbyin sreg gi rim pa ni/ sa'i cho ga dang sta gon dang / thig rnams tshul bzhin byas la/ thab khung yang lugs mthun par brus te/ sa nag pos byug go/ /rnga mo dang bong bu'i sbangs dang / /phub ma dang / me tog nag
104b3 po dri mi zhim pas byugs la/shin tu rtsub pa dang tsha ba dang dur khrod kyi thal bas kyang byugs la/ /yam shing yang de nyid las byung ba/ rtse mo khrag dang dug dang yungs mar la sogs pa dang / drag po'i sreg rdzas ji ltar 'os pa bsag /bdag nyid kyi chas gos kyang dur ras dang g.yang gzhi dang gos
104b4 nag la sogs pa bsham/de nas rdzas rnams g.yon du gzhag /mchod yon la sogs pa g.yas su gzhag /de nas bdag nyid stan med cing sra ba la rus sbal gyi 'dug stangs kyis 'dug la/ /kha lhor bltas te/ rgyan cha gyon te/ khros pa'i sems kyis so bca' zhing rnal 'byor gnyis byas
104b5 la//rjes su rnal 'byor la rang 'dra gzhug /rdzogs pa'i rnal 'byor bya ba de la/ rnal 'byor chen po rdzogs byas la/ /de nas thab yig a las byung ba nag po 'od nag po 'phro ba/ mthong ba tsam gyis kyang gsod par nus par bsam/ yo byad kun kyang ya yis byin gyis brlabs la/ rdzas re re
104b6 'ang 'od nag po 'phro ba/gang gis mthong ba'am/ reg na'ang gsod cing 'jigs pa/ lha rnams la phul bas kyang khro ba dang gtum par 'gyur bar bsam/ yi ge bcu bzhi pas thab dang rdzas kun bsangs la/ thab tu shing brtsig /de nas me gnyer te/ rigs ngan gyi khyim nas byung ba
104b7 'am/rdo drud pa las byung ba/ yam shing la me sbar te/ yi ge bcu bzhi pas bsangs la thab tu sbar de la yungs mar gang phul la rlung g.yab kyis g.yab cing / bzlas te/ dz+wA la raM dz+wA la raM/ de nas mtshan ma brtag par bya/ /ltas bzang ba dang me lha bskyed de dang por mngon par byang chub pas rdo rje
105a1 sems dpa' bskyed de 'od du zhu ba'i gong bu las lha mo bzhi chad de/des bskul bas/ raM nag po de las byung ba'i rdo rje las/ me lha 'khros pas zhes bya ba zhal la sogs pa gtso bo gnyis 'dra ba cig bsam/ de nas ye shes kyi me lha tsArtsi kAs dgug ste/ dad pa dang
105a2 ni dam tshig gis//tshur gshegs tshur gshegs 'byung po che/ /lha ya drang srong bram ze'i mchog /sreg blugs zhal zas bzhes slad du/ /'bar ba'i nang du bzhugs su gsol/ /sngags ni/ kro d+ha ag+ne che ge mo mA ra ya hUM phaT/ de la zhabs bsil phul la/ yi ge bcu bzhi pa'i
105a3 gzhug la/ar+g+haM pra tIts+tsha che ge mo mA ra ya hUM phaT ces so/ /zhabs bsil yang sngags kyi mjug la/ ni ri khaM che ge mo mA ra ya hUM phaT/ 'thor 'thung yang sngags kyi mjug la/ pra wa ra sat+kA ra pra tIts+tsha che ge mo mA ra ya hUM phaT ces brjod do/ /de nas sgo ba bzhis dgug gzhug bya/ de nas
105a4 mig la sogs pa byin gyis brlab pa dang /lus ngag sems kyang byin gyis brlab/ /de nas dbang byin/ de nas zhabs bsil la sogs pa dang / /rnam pa lnga dang / rang gi sngags kyi mjug la bskul tshig dang bcas pas so/ /de nas mar dang / yam shing de nas til/ de nas 'bras/
105a5 de nas dug dang / /rdzas kun yi ge bcu bzhi pa'i mjug la bskul tshig dang bcas pas so/ /de nas mchod dang bstod/ /bdud rtsi myang ba bya/ de nas kha lag bshal/ de nas me lha me 'bar ba'i rnam par 'gyur bar bsams la/ yang thab dang rdzas bsangs la/ 'bar ba'i nang du dkyil 'khor rdzogs pa'i
105a6 rnal 'byor gyi tshul du ston to/de'i mig la sogs pa byin gyis brlab pa dang / lus la sogs pa byin gyis brlabs te/ dbang bskur la ye shes 'khor lo dgug gzhug byas la dang po zhe sdang rdo rje la thun mong gi mchod pa byas la/ de nas sreg rdzas kun yi ge bcu bzhi pa'i sngags bskul tshig
105a7 dang bcas pas 'bul te/de nas mchod bstod/ bdud rtsi myang ba bya/ de nas yang thab bsangs la/ yang gti mug rdo rje dang / de de bzhin du rim pas dbul/ tha mar ling+ga la bkug 'dren byas la/ de nas gtub cing sreg /de nas ye shes pa gshegs su gsol/ dam tshig bdag la bsdu/ yang
me lha bskyed/