CLOSE WINDOW

D1959
བོད་ཡིག

/'gro kun myur du gshin rje gshed gyur cig /'jam dpal gshin rje gshed khro bo chen po'i sgrub thabs slob dpon mkhas pa chen po dpal rdo rje'i blos mdzad pa rdzogs so//[ ]@##/ /dpal gshin rje gshed nag po'i 'khor lo bri ba'i cho ga bzhugs/@#/ /bcom ldan 'das gshin rje gshed la phyag 'tshal lo//don dam chos sku zhi ba nyid/ /gang 'dir khams gsum rnam rgyal te/ /gshin rje'i sgra zhes grags pa yi/ /'khor lo bskor ba'i cho ga bshad/ /yon tan ldan pa'i sngags pa ni/ /cho ga bzhin du bsnyen pa yis/ /dur khrod dben pa la sogs par/ /maN+Dal khru do'i tshad du bya//dri dang ba yi rnam lnga dang / /nyi zla sogs par byi dor bya/ /ba lang sha sogs dam rdzas lnga/ /gzhan yang tshogs kyi 'khor lo dang / /phyi nang mchod pa'i bye brag gis/ /legs par mchod pa byas nas ni/ /'khor lo bri dang btu ba dang / /drang dang bsre dang spo ba bsam/ /sngags pa rnal 'byor ldan pa yis//lho yi phyogs su kha bltas te/ /dam tshig rjes su dran pa yis/ /oM badzra sa ma ya hUM/ gsang sngags 'di ni dran byed cing / /'khor lo bri ba brtsam par bya/ /dbus nas sor tshad bcu drug par/ /kun du zlum por bskor ba ni/ /'di yi nang gi 'khor lo ste/ /rim pa gsum du bskor ba la//sgo med lcags mkhar bcu drug bya/ /'di ni gshin rje'i grong khyer te/ /srid pa gsum gyi 'jug sa yin/ /de yi phyi rim mu khyud gsum/ /kun du lcags ris bskor ba ste/ /mu khyud de dag re re yang / /khang pa bcu drug dag dang ldan/ /'gro ba'i chos bzhin gcod pa yi/ /'khor lo 'di dag bris nas ni//phyi rol mu khyud tha ma la/ /yi ge ka sogs da yig mtha'/ /nga nya bsal nas dgod par bya/ /yi ge d+ha sogs k+Sha yig mtha'/ /de yi rjes su bri bar bya/ /mu khyud dbus ma de la ni/ /dbyangs yig bcu drug nyis 'gyur dgod/ /btu dang dgod sogs brtsam pa na/ /mtshan ma 'di dag shes par bya//zla ba mig dang yon tan dang / /rig byed mda' dang dbang po dang / /rgya mtsho bkra shis gza' dang phyogs/ /grags pa nyi ma yan lag sa/ /tshes zhes bya bar rab tu grags/ /phyi rol mu khyud tha ma la/ /shar gyi tshangs thig nas brtsams te/ /rim min gza' can khang pa nas/ / yi ge bkra shis can blangs te/ /nang gi ngos kyi mu khyud kyi/ /tshangs pa'i thig gi ngos dag la/ /phyogs bzhir mig gi tshad du sbyin/ /rim min phyogs can khang pa nas/ /yi ge mig gi tshad blangs te/ /shar du de yi g.yas g.yon gzhag /rim min bkra shis khang pa nas/ /dbyangs yig gnyis pa can blangs nas//mig gi tshad du byas nas ni/ /de yi ngos la re re gzhag /shar gyi tshangs thig nas bgrangs pa'i/ /rgya mtsho can gyi khang pa nas/ /dbyangs yig bcu gcig pa dang ldan/ /mig gi tshad du blangs nas ni/ /lho yi ngos la de bzhin sbyin/ /shar nas rim pa bzhin pa yi//zla ba can gyi khyim nas ni/ /dbyangs yig bcu gsum pa dang ldan/ /lho ru de yi rjes sbyin bya/ /d+ha nyid dbyangs yig gsal ba ni/ /mig gi tshad du blangs byas la/ /sngon bzhin nub kyi phyogs su sbyin/ /shar nas bkra shis khang pa nas/ /dbyangs yig bcu gsum pa dang ldan/ / mig gi tshad du blangs nas ni/ /nub kyi ngos su de bzhin sbyin/ /shar brtsams tshes can khang pa nas/ /dbyangs yig bcu gcig dang ldan pa/ /mig gi tshad du blangs nas ni/ /byang gi ngos su de bzhin sbyin/ /rlung gi sa bon zhes bya ba/ /mig gi tshad blangs de rjes sbyin/ /mda' can khang pa na gnas pa//'od kyi gong bur byas pa dang / /de nyid nas ni bgrangs pa yi/ /gza' can khang pa la gnas pa/ /dbyangs yig gsum pa ldan pa dag/ /zla ba'i tshad du blangs nas ni/ /byang shar mtshams su re re sbyin/ /rgya mtsho'i khang pa na gnas pa/ /dbyangs yig gnyis pa dang ldan pa//rim min yon tan khang pa nas/ /zla ba'i tshad du bzung nas ni/ /shar lho mtshams su de bzhin sbyin/ /rim min bkra shis khang pa nas/ /dbyangs yig lnga pa ldan pa dang / /yan lag can gyi khang pa nas/ /zla ba'i tshad du blangs nas ni/ /lho nub mtshams su de bzhin sbyin/ / rim min tshes can khang pa nas/ /dbyangs yig gsum pa ldan pa dang / /rim min bkra shis khang pa nas/ /zla ba'i tshad du blangs nas ni/ /nub byang mtshams su de bzhin sbyin/ /de ltar dgod pa byas nas ni/ /de nas drang ba brtsam par bya/ /dam tshig rjes su dran byed cing / /rdo rje shugs dang ldan pa yis//shar gyi tshangs thig ngos gnyis nas/ /yi ge zung ldan drangs nas ni/ /dbus kyi khang par gzhag par bya/ /phyogs gzhan tshangs thig ngos dag nas/ /de bzhin zung ldan drangs nas ni/ /de bzhin dbus kyi khang par gzhag /de nas shar gyi yi ge yang / /zung ldan gnyis pa drangs nas ni//rim pa gnyis pa'i khang par gzhag /phyogs gzhan du yang de bzhin no/ /shar gyi zung ldan gsum pa yang / /rim pa gsum pa'i khang par drangs/ /phyogs gzhan du yang de bzhin no/ /mtshams kyi yi ge ya bral ni/ /rang rang nang ni mtshams su drang / /de dag byung ba khang stong du//dbyangs kyi yi ge drang bar bya/ /dbyangs kyi yi ge'i gzhi la ni/ /ming gi yi ge drang bar bya/ /ming gi yi ge'i gzhi la ni/ /so so'i las dang mthun pa yi/ /bskul ba'i yi ge dgod par bya/ /bsad dang bskrad dang dbye ba la/ /yi ge phaT ni gzhag par bya/ /mnan pa la ni yi ge laM//zhi ba la ni yi ge oM/ /rgyas pa la ni yi ge swA/ /dbang la hoHyis brgyan pa ste/ /dgug pa la ni yi ge dzaH/ /de la las kyi 'od zer ni/ /zhi la chu ste rgyas la sa/ /dbang gi me ste drag po'i rlung / /dbye dgug bskrad pa drag dang mthun/ /mnan pa dag gi rgyas pa bzhin/ /drang ba'i sbyor ba byas nas ni//bsre ba'i sbyor ba brtsam par bya/ /gnyis med sngags dang ldan pa yis/ /dbus kyi yi ge bkra shis la'ang / /zla ltar 'od kyi gong bur bya/ /'od kyi gong bu de'i nang du/ /'dod pa'i bsgrub bya gzhag par bya/ /de dkyil rang min dang por gzhag /phyogs kyi khyim na gnas pa yi//yi ge zur ma thams cad kyang / /de tshe 'od kyi gong bur bya/ /sngags kyi rgyal po bcu pa yang / /bcu drug khyim du spel te bri/ /byin rlob hUM zhes bya ba yang / /khang pa bzhi la zur rer mdzes/ /yongs su dag par bkod byas te/ /mchod dang gtor ma byas nas ni/ /spro ba dag ni brtsam par bya//las kyi dbye ba ji lta bar/ /'khor lo'i ras ni blang bya ste/ /zhi ba dang ni rgyas pa la/ /shin tu dge ba'i ras las bya/ /dbang dgug smad 'tshong smad dkris sogs/ /bsad dang dbye dang bskrad pa dang / /mnan pa la ni dur khrod ras/ /gi waM gur kum zhi rgyas la/ /dbang dang dgug la tsan+dan dmar//mnan pa la ni ldong ros sogs/ /bskrad la bya rog khrag gis te/ /dbye la rta dang ma he sogs/ /bsad la dug la sogs pa bri/ /dge ba'i las la shing bzang po/ /dge ba min la rus pa dang / /lcags la sogs pas bri bar bya/ /zhi la shar blta dbang la nub//rgyas pa byang ste drag po lho/ /gzhan yang ci rigs par sbyar bya/ /zhi rgyas dbang dang dgug pa la/ /sa skor rim bzhin bkod byas te/ /gnam skor dag ni rim las bzlog /bsad bskrad dbye dang mnan pa la/ /sa skor rim la bzlog pa ste/ /gnam skor dag ni rim bzhin bri//'di ltar legs par ma bris na/ /'khor lo rang la bzlog par 'gyur/ /de bas 'bad de nan tan bya/ /ras kyi 'khor lo legs zin nas/ /maN+Dal la gnas 'khor lo de/ /ras kyi 'khor lor spyan drangs te/ /rdo rje bsdu ba'i sbyor ba yis/ /maN+Dal 'khor lo bsdu bar bya/ /ras kyi 'khor lo mchod nas ni//bden pa'i byin rlabs dmigs par bya/ /ji ltar gsungs pa'i cho ga bzhin/ /'khor lo sba ba byas nas ni/ /gsang sngags bzlog pa brtsam par bya/ /oM badzra sa ma ya s+t+waM/ dam tshig gi sngags so/ /oM badzra be ga rdo rje shugs kyi sngags so/ /oM a sa me tri ma hA sa ma ye swA hA/yi ge bsre ba'i sngags so/ /oM badzra sa ma na dzaHdzA/ 'khor lo spo ba'i sngags so/ /oM ya ma rA dza sa do me ya/ ya me do ru Na yo da ya/ ya da yo ni/ ra ya k+She ya/ yak+She yats+tsha ni rA ma ya phaT phaT/ 'di ni rtsa ba'i gsang sngags te/ las thams cad pa'o/ /oM hrIH Sh+T+r-iHwi kr-i tA na na hUM hUM phaT phaT swA hA/'di ni las kyi sngags te las thams cad pa'o/ /shIn+taM ku ru swA hA/ zhi bar bskul ba'o/ /puSh+TiM ku ru swA hA/ rgyas par ro/ /ba shaM ku ru swA hA/ dbang gi'o/ /mA ra ya phaT gsad pa'i'o/ /bi dwe Sha ya phaT dbye ba'i'o/ /uts+tsha ta ya phaT/ bskrad pa'i'o/ /s+t+waM b+ha ya hUM laM mnan pa'i'o//A kaR+Sha ya hUM dzaHdgug pa'i'o/ /oM muHslar dgrol ba'i'o/ /A li kA li'i grong khyer ni/ /gsang sngags 'byung ba brtsam pa ste/ /las kyi btson ra dag kyang yin/ /yi ge btu ba med na ni/ /gsang sngags sgra ni log par 'gyur/ /yi ge tshad par ma bkod na//gsang sngags sgra ni nyams par 'gyur/ /gsang sngags brda yis ma bstan na/ /sngags pa'i dngos grub med par 'gyur/ /drang ba dag ni ma byas na/ /shin tu 'khor bar mi 'gyur ro/ /yi ge bsre ba ma byas na/ /khang pa bcu drug don med 'gyur/ /bskor phyogs log na don mi 'grub//rig sngags nyams dang log pa ni/ /lha min g.yul las pham pa dang / /dbang po'i dgra bo bsad pa bzhin/ /'khor lo spo ba ma byas na/ /cho ga dag ni nyams par 'gyur/ /rgyu yin pa dang sbyor ba dang / /dad pa bstan pas 'grub par 'gyur/ /de bas nan tan bskyed de bya/