85b1 @##/ /rgya gar skad du/ /kr-iSh+Na ya mA ri ya b+hi sa ma ya kra ma/ bod skad du/ gshin rje gshed nag po'i mngon par rtogs pa'i rim pa/ bcom ldan 'das gshin rje gshed la phyag 'tshal lo/ /gus pas bla ma dang ni gshin rje gshed nag rdo rje ni/ /nyid mtshungs
85b2 dang 'dus bde bas yongs gang gzhan gyi don 'jug pa//rdo rje ral gri 'khor lo chu skyes gri gug thod pa phyag na bsnams/ /zhal gsum pa la 'jigs pa sel mdzad de la phyag 'tshal lo/ /dus dgra nag po sgrub pa nyid/ /gang zhig 'dod nas de nyid rig /dbang bskur la sogs thob pa dag /de
85b3 yi bsgom pa'i rim pa 'di//byis pas bde bar rtogs phyir dang / /mtshungs pa rnams kyis dran phyir dang / /gong ma byis pa'i tshig dag la/ /mgu ba bskyed phyir bri bar bya/ /sbyin dang tshul khrims la sogs ldan/ /sems can don dga' blo dang ldan/ /byams pa la sogs yon tan rdzogs/ /
85b4 dad dang thos pas rnam brgyan pas/ /dang por gdong la sogs bkru ba/ /snying rje'i bdag nyid sngon du bya/ /dben pa'i gnas su brtsam bya ste/ dur khrod la sogs bde gnas la/ /'dug nas snying gar pad+ma dang / /shin tu 'od gsal zla ba blta/ /ya yig sngon po 'od mdzes pa/ /sems can
85b5 'byor pa'i don byed blta//nam mkha'i khams ni kun gang ba'i/ /bla ma dang ni rdzogs sangs bsgom/ /lus kyi bkod pa byas nas ni/ /de rnams dmigs nas phyag kyang bya/ /tsArtsi kA sogs kyis mchod pa/ /byas la sdig pa bshags pa'ang bya/ /lus dang ngag dang yid kyis sdig /
85b6 bgyis dang bgyid du stsal ba dang / /gang yang rjes su yi rang ba/ /de ni mgon la dus gsum bshags/ /rdzogs sangs rgyas dang de yi sras/ /'phags pa rnams kyis bsags pa yi/ /bsod nams kun la rjes yi rang / /dam pa'i chos dang tshogs mchog bcas/ /rdzogs sangs
85b7 rgyas la skyabs su mchi//yon tan rgya mtsho khyed rnams la/ /bdag gis lus ni dbul bar bgyi/ /dam pa'i chos kun ston mdzad pa'i/ /sgra yis mdzes pas khyed bzhugs gsol/ /yang dag rdzogs sangs sras bcas pa'i/ /sbyin pa la sogs ngo bo la/ /sku gsum ye shes
86a1 thob bya'i phyir//rab tu dga' bas gnas par bgyi/ /sems can don phyir yang dag rdzogs/ /byang chub sems ni bskyed par bgyi/ /dge ba yang dag gang bsags pa/ /byang chub tu ni bsngo bar bgyi/ /dpal ldan gshin rje gshed gyur nas/ /bdag gis 'gro la phan
86a2 bgyi'o zhes//smon lam de ltar btab nas ni/ /de nas blo yis gshegs su gsol/ /snying rjes cho ga bzhin bltas nas/ /sna tshogs stong par rnam par bsam/ /ngo bo nyid dang bral ba'i phyir/ /rgyu nyid kyi ni mtshan ma med/ /rnam par rtog pa spangs pa'i phyir/ /smon pa nyid kyang rnam par
86a3 spangs//oM shU n+ya tA dz+nyA na badzra swa b+hA wa At+ma kou0f85haM/ sems can de brtan par byas nas ni/ /raM las byung ba'i nyi ma la/ /hUM las byung ba'i mdog sngon po/ /'od zer 'phro bas kun bskor ba'i/ /rdo rje kun nas rtse lnga pa/ /bsrung ba'i don du bsgom par bya/ /rdo rje sa yi dkyil 'khor dang / /ra ba gur y
86a4 ang de bzhin no//sangs rgyas zhing ni rnam sbyang phyir/ /yang dag bsgom pa yang brtsam bya/ /de la sna tshogs pad zla bar/ /rdo rje bzang po'i lus byung ba'i/ /chos 'byung dkar po gru gsum pa'i/ /nang du sna tshogs pad rdo rje/ /gyen 'greng mkha' mnyam bsgom par bya/ /de nang du ni
86a5 dkyil 'khor yang //b+h+rUM yig 'khor lo las byung ba'i/ /rtag pa'i yan lag las byung ba/ /gru bzhi pa la sgo bzhi pa/ /rta babs bzhi yis mdzes par brgyan/ /do shal se mo do yis mdzes/ /ba dan rtse mo sna tshogs la/ /rlung gis bskyod pa'i dril bur ldan/ /sna tshogs rdo rje rnam
86a6 par mnan//zla ba nyi ma rgyal ba'i gdan/ /shar gyi phyogs ni dkar po che/ /lho phyogs ser po yang dag ldan/ /nub kyi cha ni dmar po ste/ /byang phyogs ma rgad lta bu'o/ /dbang ldan sngon po'i mdog 'dra ba/ /dbus kyi cha ni bsgom par bya/ /'di bzhin sna tshogs rdo rje dang / /rtsig ngos
86a7 steng g.yogs kyang bsgom bya//rnam pa lnga ni rnam bsgom la/ /sangs rgyas gzugs ni bsgom par bya/ /dpal ldan rdo rje 'chang nyid de/ /rnam pa lnga yin gshin rje rnams/ /'jigs byed sangs rgyas gzugs zhes grags/ /de yi dbye ba bshad par bya/ /sna tshogs gdan
86b1 gyi lte ba la//pad+ma zla ba dbyangs yig zung / /de nas zla ba ka sogs pa/ /Da D+ha da d+ha ya la yang / /bsnan pa gnyis 'gyur las byung ba/ zla ba dmar po bsgom par bya/ /'di dag yongs su rdzogs pa ni/ /me long lta bu'i ye shes brjod/ /de dag gcig gyur mnyam pa nyid/ /der skyes hUM ni
86b2 so sor rtog /bya ba nan tan ldan ye shes/ /de las skyes pa'i rdo rje'o/ /nyi ma'i mdangs ldan nor bu 'dra/ /sa bon dang bcas 'od zer 'khrug /oM badzra At+ma kou0f85haM/ zhes bya bas nga rgyal bya'o/ /de las skya rengs dang po'i mdog can thub pa'i tshogs kyis mdzes pa nyid mtshungs kyis 'khyud sku/ /sgeg
86b3 dang khro bo'i gzugs can bde mchog gi rang bzhin dkar dang sngo dang dmar ba'i zhal//g.yon brkyang ba yis gnas pa 'bar ba'i ral gri rdo rje gri gug gsor mdzad cing / /'khor lo chu skyes snod ni 'od zer 'phro ba g.yas dang g.yon pa'i phyag na bsnams/ /chos dbyings ye shes ngo bo ni/ /rdo rje 'chang
86b4 gi bdag nyid gang //rnam pa lnga yi ngo bo nyid/ /rnal 'byor zhes ni brjod pa yin/ /'di ni rnal 'byor ro/ /'dod chags chen pos 'dul ba yi/ /'gro ba gsum la gzigs nas kyang / /rang snying ye shes 'od 'phro bas/ /sna tshogs sangs rgyas gzugs su bya/ /dga' bde dam pa'i
86b5 gzugs kyis ni//rang gi lus la mnyam par gzhug /kun rtog thams cad spangs pa yi/ /longs spyod rdzogs par bdag nyid bsgom/ /de ltar sngags mchog yi ge gsum/ /dmar po hoHgnyis kyis brten pa/ /ji ltar skar mda' 'pho ba bzhin/ /byang chub sems ni de nas gzhug /
86b6 snying rje chags pa'i sems nyid kyis/ /rdo rje 'chang nyid rang yang zhu/ /tsArtsi kA sogs byams sogs pas/ /'khor lo'i gtso bo skul bar byed/ /snying rjes khros pa'i dad sgrol bzhengs/ /khams gsum kun gyi gti mug sol/ /dad sgrol rtsol med ma bzhugs bzhengs/ /bdud 'di
86b7 dag las rgyal bar mdzod//'jig rten mgon pos stong nyid ci ste bzhugs/ /dad sgrol 'jig rten bsod nams kyis bzhengs shig /byang chub 'dod pa'i 'jig rten mgron bos nas/ /ji ltar stong pa nyid ni sems par byed/ /bskyal nas khu ba der thim par/ /de la rjes su chags
87a1 par gyur//de lta'i glu yi ngo nyid du/ /de la rgud pa ltar bsams nas/ /khu ba'i gzugs ni yongs gyur te/ /yaM sngon nyi ma las byung ba/ /khro bo sngon po 'phro bar bcas/ /rus pa'i rgyan gyis rnam par brgyan/ /rwa rnon 'bar zhing spu ser skya/ /rmig pas brko zhing 'jigs sbyin
87a2 pa'i//ma he yi ni rgyab gnas pa'i/ /rdo rje sngon po 'od dang bcas/ /sa bon bcas pa de'i 'od kyis/ /ma 'ongs las dgra 'jigs byas nas/ /bdag nyid la ni yang dag zhugs/ /'jigs pa chen po'ang 'jigs byed pa/ /ma he'i rdo rje rnam bsgoms nas/ /dkyil 'khor gtso bo bsgom par bya/ /
87a3 'jig rten gsum gyi bdud dkyil 'khor/ /'od zer drag po spros pas skrod/ /drag po mun 'dra gzugs drag po/ /lce 'dril ba la 'od 'byin pa/ /sma ra smin ma mgo skyes ser/ /g.yon brkyang pa yi gnas pa yis/ /gshin rje dran pa med par byed/ /rtsa ba'i zhal ni nag po ste/ /g.yas
87a4 pa zla ba'i 'od 'dra ba//g.yon pa khrag dang 'dra bar bshad/ /rdo rje rgyan gyis rnam par brgyan/ /thung zhing gsus pa 'phyang la sbom/ /mgo bo'i phreng bas rnam par 'phyang / /g.yas dang g.yon gyi phyag dag la/ /thod pa dang ni gri gug bsnams/ /nyid mtshungs shes rab kyis 'khyud cing / /
87a5 bde bar snyoms 'jug gzhan don 'dod/ /g.yas pa'i phyag ni lhag ma la/ /rdo rje ral gri 'bar ba bsnams/ /'khor lo chu skyes g.yon dag la/ /sbrul gyi dbang pos rgyan du byas/ /sbrul rgyan sngon po dga' bo yis/ /skra bcings shin tu 'jigs par byed/ /tak+Sha ka klu dmar po yis/ /
87a6 rna cha gdub kor byas pas 'jigs/ /rigs ldan khra bo dpung rgyan te/ /dung skyong zhes bya'i klu de ni/ /ser po lag pa'i gdu bu byas/ /pad+ma dkar pos do shal byas/ karko Ta ni ljang gu ste/ /se ral kha ru byas pas mdzes/ /bdud rtsi'i mdog dang 'dra ba yi/ /nor rgyas bus ni ska rags
87a7 byas//pad+ma'i rtsa ba ltar dkar mdog /pad+ma chen po rkang gdub yin/ /kun kyang phaT sgra drag po sgrogs/ /lce gnyis mche ba'i phreng ba can/ /de ltar 'khor ba mya ngan 'das/ /gshin rje 'dul ba'i gzugs su shes/ /rnam par rtog pa spang ba'i phyir/ /sngags kyis yang dag byin gyis brlabs/ /
87b1 oM d+harma d+hA tu swa b+hA ba At+ma kou0f85haM/ zhes bya ba ni rjes su rnal 'byor ro/ /rang snying sa bon 'od kyis bkug /yang dag rdzogs sangs mkha' khyab pa/ /kun du kha nas gzhug par bya/ /bde ba myong bas snying gar bzhu/ /byas nas blo ldan khu ba de/ /rdo rje'i lam nas spro bar bya/ /nyid mtshungs pad+ma'i nang du
87b2 gnas//sa bon ngo bo ldan byas te/ /sa bon las byung 'khor lo mchog /sa bon kun gyi byin rlabs la/ /me stag tshogs kyis gsal gyur pa/ /blo ldan cho ga bzhin du bsgom/ /dkyil du yaM sngon las byung ba/ /bstan pa'i mtshan ldan 'khor lo can/ /shar du k+She dang 'khor los byung / /rtag
87b3 pa phyag drug dkar po'o//gnas na 'khor lo ral gri phyag/ /g.yon na rin chen chu skyes 'dzin/ /lha ru ma dang rin chen las/ /byung ba rin chen 'byung ldan te/ /btso ma gser gyi mdog 'dra ba/ /g.yas na rin chen ral gri bsnams/ /phyag g.yon 'khor lo chu skyes so/ /nub tu 'dod chags
87b4 rdo rje can//me dang pad+ma las byung ba/ /pad+ma rA ga 'dra ba'i mdog /pad+ma ral gri rin chen dang / /'khor lo g.yas g.yon phyag na dgod/ /da dang ral gri las byung ba/ /ljang gu phrag dog gshin rje gshed/ /g.yas na ral gri 'khor lo bsnams/ /mdzes pa nor bu pad+ma g.yon/ /khro bo'i
87b5 gzugs can thams cad kyang //zhe sdang gshin rje mtshan nyid 'dra/ /de dag rtsa ba'i phyag gnyis pa/ /gri gug dang ni thod pa bsam/ /rang gi shes rab lus dag dang / /bde ba'i ngo bor gnyis med gyur/ /nyi ma'i dkyil 'khor mnyam par gnon/ /rtag pa zla ba'i dkyil 'khor la/ /rdo rje
87b6 rtsibs kyi rtsar gnas pa//sems can don mdzad bsgom par bya/ /shar sgor ya dang tho ba las/ /byung ba sngon po'i gzugs can te/ g.yas na tho ba ral gri 'dzin/ /nor bu mchog dang pad+ma g.yon/ /tho ba zhe sdang gshin gshed 'dra/ /rtsi dang dbyug pa las byung lhor/ /dbyug pa gshin
87b7 gshed mdog dkar po'o//dbyug pa ral gri pad 'khor lo/ /nub tu pad+ma gshin rje gshed/ /Ni las 'dod chags mthar byed 'dra/ /byang du ral gri gshin rje gshed/ /ra las phrag dog mthar byed mtshungs/ /chu skyes sngon po'i khyad par gyis/ /bsgyur ba lta chung la 'jigs byin/ /
88a1 kun kyang sbrul gyis rnam par brgyan/ /rnam 'jigs dgod pas 'jigs byed pa/ /skra ni 'bar zhing gyen du 'greng / /nyi ma'i dkyil 'khor la gnas pa/ /mche ba gtsigs shing 'jigs pa'i zhal/ /gri gug thod pa 'dzin par mdzad/ /sna tshogs rdo rje'i mtshams
88a2 bzhi ru//de bzhin lha mo zla bar gnas/ /shar lhor dza dang 'khor lo las/ /lha mo rdo rje tsArtsi kA/ /skem mo dkar mo cher khro ba/ /gti mug gshin rje gshed dang mtshungs/ /lho nub mtshams su sa dang ni/ /rdo rje las byung rdo rje phag /khro zhing phag gi gdong pa can/ /zhe sdang gshin rje
88a3 gshed dang mtshungs//nub dang byang gi mtshams su ni/ /rab tu zhi ba'i dbyangs can ma/ /do las byung ba rab tu dmar/ /'dod chags gshin rje gshed dang mtshungs/ /byang shar mtshams su ru las ni/ /gau rI ljang gu 'jigs byed ma/ /phrag dog gshin rje gshed dang mtshungs/ /
88a4 sngon po'i g.yas pa dkar po ste/ /dkar po'i g.yas pa sngon po yin/ /de dag zhal g.yon dmar po'o/ /gzhan gyi sngo dang dkar ba'o/ /mtshams bzhin Na yo ni rA las/ /dkyil 'khor mtshams su thod pa'o/ /ji ltar rang rang sngags bstan pa/ /bskyed la blo ldan gyis spro bya/ /hrIH
88a5 Sh+T+riHla sogs sngags sgra yis//dkyil 'khor bdag po bskul bar bya/ /sprul pa dpag med spros byas la/ /sems can don ni mchog byas nas/ /rnam pa kun gyis rang lus la/ /khro bo dpa' bo gzhug par bya/ /shar du dzi ni dzika ces pas/ /rmongs pas rmongs pa mthar byed pa/ /rtsibs
88a6 rtsa'i sna tshogs pad+ma dang //zla ba la ni de bzhin bzhag /rat+na d+h+r-ika ces bya ba yis/ /lho rtsibs rtsa bar pad nyi la/ /phra ma zhes bya bkug nas ni/ /cho ga bzhin du gzhag par bya/ /A ro l-ika ces pa sngags kyis/ /'dod chags gshin rje 'jigs byed la/ /nub tu pad+ma nyi ma la/ cho
88a7 ga yis ni rnam par bsam//de nyid pradz+nyA d+h+r-ika ces pas/ /phrag dog nag po 'jigs byed pa/ /byang du pad+ma 'od rno la/ /cho ga bzhin du gzhag par bya/ /mud+ga ra d+h+r-ika de nyid kyis/ /shar sgo pad+ma nyi ma la/ /tho ba mthar byed 'jigs byed pa/ /mkhas pas cho ga bzhin du bsam/ /daN+Da d+h+r-ika
88b1 kyi sngags kyis ni//lho yi phyogs sgor gnas pa yi/ /dbyug pa gdul dka' gshin rje'i dgra/ /sna tshogs pad+ma nyi mar dgod/ /pad+ma d+h+r-ika ces bya ba 'dis/ /pad+ma gshin rje gcod byed pa/ /nub sgor pad+ma nyi ma la/ /stobs chen khro bo bsgom par bya/ /khaD+ga d+h+r-ika gi de nyid kyis/ /ral gri
88b2 gshin rje zad byed pa//byang du pad+ma nyi ma la/ /bdud tshar gcod pa bsam par bya/ /sna tshogs rdo rje'i mtshams bzhi ru/ /'di ltar lha mo mchog bzhi bsgom/ /shar lho mtshams kyi lha mo ni/ /skem mo khro la 'od bzang ma/ /mo ha ra ti'i sngags kyis ni/ /sna tshogs pad+ma zla bar gnas/ /
88b3 de yi nub tu rigs mchog ma/ /rdo rje phag mo zhes bya ba/ /dwe Sha ra ti'i sngags kyis ni/ /pad+ma zla bar mkhas pas dgod/ /de yi byang gi mtshams su ni/ /rA ga ra ti'i gsang sngags kyis/ /pad+ma zla bar dbyangs can dgod/ /de yi shar du gau rI ma/ /pad+ma zla bar badzra ra ti yis/ /phyag 'tshal bas
88b4 ni 'di dag brgyan//dkyil 'khor phyi yi mtshams bzhi ru/ /de nyid gsum gyi thod pa ste/ /de ltar dkyil 'khor dam pa spro/ /bde ba dang bcas bstan par bya/ /'khor lo snga ma der thim par/ /mnyam par bzhag pas blta bar bya/ /'di ni shin tu rnal 'byor ro/ /nag po gshin rje
88b5 'jigs byed kyi//dkyil 'khor pa yi ngo bo nyid/ /lus dang mig sogs lha rnams kyis/ /mngon par byin gyis brlab par bya/ /'khor lo k+ShiM las gti mug mtshungs/ /cung zhig khro ba mig la ste/ /rdo rje mig ni mkhas pas bsgom/ /rna bar dzraM las rdo rje las/ /nag po rdo rje dang
88b6 mtshungs pa//sna la khaM dang rin chen las/ /phra ma dang mtshungs zla ba la/ /lce la gaM dang pad+ma las/ /pad+ma ri bong can la bsam/ /'dod chags dang mtshungs kaM ral gri/ /pad+ma ri bong can bzhugs sku/ /rdo rje phrag dog gshin gshed mtshungs/ /lus zhes bya ba dpral ba la'o/ /saM dang rdo rjes
88b7 lte ba'i steng //rdo rje 'chang 'dra rdo rje'i thugs/ /sgeg dang khro ba'i gzugs can no/ /yan lag drug la dgod pa 'di/ /mngon shes don ni sgrub phyir bshad/ /snying gar hUM dang rdo rje las/ /gshin rje 'joms pa'i thugs rdo rje/ /mdog dang mtshon char yang dag ldan/ /mgrin par AHdang pad+ma
89a1 las//'dod chags gshin rje gshed 'dra ba/ /ngag gi rdo rje bsam par bya/ /mgo bor oM dang 'khor lo las/ /sku yi 'khor lo 'dra ba lus/ /phyag dang sku mdog mtshon chas ldan/ /rdo rje sku mchog de nyid gsum/ /bskyed la nam mkha'i dkyil 'khor gnas pa'i/ /sangs
89a2 rgyas mchog la sngags kyis ni//byin gyis brlab pa dag kyang bya/ /oM sarba ta thA ga ta tsit+ta badzra swa b+hA wa At+ma kou0f85haM/ oM sarba ta thA ga ta wA ka badzra swa b+hA At+ma kou0f85haM/ oM sarba ta thA ga ta kA ya badzra swa b+hA wa At+ma kou0f85haM/ /rang snying sa bon 'od zer gyis/ /phyogs bzhugs sangs rgyas sras dang bca
89a3 s//bkug nas mdun du blta bar bya/ /de dag las ni spros pa yi/ /zla 'dra tsArtsi kA sogs kyis/ /bzung ba'i bum pa dag gis ni/ /de dag bkra shis glu la sogs/ /dar dir dbyangs kyang yang byas la/ /bdag nyid dam ni gzhan dag kyang / /dbang bskur ba ni bsam par bya/ /
89a4 gshin rje gshed nag mgo la'o/ /bdag nyid mgo la rdo rje 'chang / /rang snying sa bon 'od zer gyis/ /ye shes 'khor lo spyan drangs la/ /rang gi mdun du blta bar bya/ /khro bos bgegs rnams tshar bcad bsrung / /yon chab zhabs bsil sogs phul la/ /oM mung+ga ra dzaH'i
89a5 sngags kyis dgug /oM daN+Da hUM zhes bya bas gzhug /oM pad+ma baM zhes bya bas bcing / /oM khaD+ga hoHzhes bya bas mnyes par bya'o/ /snying ga'i sa bon 'od kyis ni/ /sangs rgyas kun bkug zhal du gzhug/ /snying gar zhu bar byas par blta/ /rdo rje'i lam nas rjes byung nas/ /rang gi
89a6 rig pa'i dbang dkyil du//zla ba las byung lha mo'i tshogs/ /me tog phreng ba sna tshogs sogs/ /lag pa'i snod du gzung byas pa/ /de dag sgeg dang bcas pas mchod/ /mchod pa'i glu ni yid 'phrog pa/ /bsgyur ba rnam pa sna tshogs pa/ /bde ba chen po gsal bar byed/ /a kye
89a7 kye gshin rje gshed nag po//srin po'i gzugs can rang bzhin khyod/ /bdag gis mthong na shin tu 'jigs/ /khros pa'i rang bzhin 'di thong mdzod/ /mi dang sa 'og rgya mtshor bcas/ /khyod kyi gar gyis g.yos par mdzod/ /any+dza nag po bcag 'dra ba'i/ /khro bos ro langs
89b1 bzhin gar mdzod//rnam pa sna tshogs gzugs sprul cing / /mdangs gnag tshad ni thung ba la/ /bde chen ngo bos gar mdzod ces/ /rdo rje dbyangs can ma gsol 'debs/ /hrIHSh+TiHsngags dang gar gyis khyod/ /srid pa gsum gyi 'khrul pa gcod/ /snying rje khros nas gar mdzad pa/ /
89b2 'gro bas mthong na ngo mtshar gyur/ /oM sarba ta thA ga ta pU dza badzra swa b+hA wa At+ma kou0f85haM/ sgra yi rnams thams cad ni/ /brag ca 'dra bar blta byas nas/ /dkyil 'khor pas ni gtso bo bstod/ /des kyang de dag de bzhin no/ /gshin rje gshed po rab 'jigs pa/ /gti mug rdo rje'i
89b3 ngo bo khyod//ston pa sangs rgyas kun rang bzhin/ /rdo rje sku la phyag 'tshal bstod/ /phyung bar bsams la/ /oM badzra kI la ya badzra mung+ga ra A ko Ta ya hUM phaT ces brjod do/ /oM badzra uta kI la ya zhes bya ba'i sngags dang phur bu phyung bar bsams pas/ /phyogs skyong ba thams cad
89b4 gshin rje gshed du gyur par bsams te/de rnams la oM in+d+ra ya hrIHya mA yaSh+TiHba ru NA ya wi/ ku be+e rA ya kr-i/ I sha nA ya ta/ ag+ha ye A/ nai r+r-i tA ya na/ bA ya be ya na/ tsan+d+rA ya hUM arkA ya hUM/ prah+ma NA ya phaT/ ba su d+ha ra ye phaT/ be ma tsi trA ya swA/ sarba b+hU te b+h+yo hA/ hA hA hA hI hI hI hUM hUM hUM pheM
89b5 pheM pheM swA hA/zhes bya ba'i sngags kyis gtor ma phul nas/ /khyed kyis bdag gi smon lam thams cad grub pa'i grogs mdzod cig ces brjod la/ /sarba de bA di muHzhes brjod pas/ /'byung po thams cad slar btang bar bsam mo/ /de nas bdag gi dge ba 'dis bdag myur du 'jam dpal
89b6 gshin rje gshed khro bo chen por gyur cig ces smon lam btab la/sngar bskyed pa'i gnas la sogs pa je chung 'dus nas bdag nyid kyi bar du mi snang bar bsam pa gshegs pa chen po zhes bya ste/ oM many+dzu shrI sa ma ya/ /ma nu pA la ya/ many+dzu shrI twe no pa tiSh+Tha dr-i D+ho me b+ha ba/ /su to Sh+yo me b+ha wa/ a nu
89b7 rak+to me b+ha wa/su po Sh+yo me b+ha wa/ sarba sid+d+hi m+me pra yats+tsha/ sarba karma su tsa me tsit+taM shre yaHku ru hUM/ ha ha ha ha hoHb+ha ga wA na/ sarba ta thA ga ta/ badzra mA me muny+tsa/ badzrI b+ha wa ma hA sa ma ya satwa AHzhes bya ba bcom ldan 'das 'jam dpal gyi yi ge brgya pa brjod par bya'o/ /de ltar bsgom pa
90a1 dang //bzlas pa'i bsnyen pa byas te/ ji lta ba bzhin pa'i las kyi cho ga byas pas ni/ zhi ba la sogs pa dngos grub bcu po gang yang rung ba 'grub par 'gyur ro/ /phal cher zla gsang nag rgyud la brten nas/ khro chen 'jam dpal gshin rje gshed po yi/ /sgrub thabs ji bzhin
byas pa'i dge ba 'dis/