| བོད་ཡིག |
84b3 /dpal mchog rdo rje gdan du rnam par brtsams/ /theg pa che la nyi ma'i 'od bzhin mdzes/ /rnal 'byor pa bsod nams pa pradz+nyA shrI dz+nyA na kI rtis rang 'gyur du byas pa'o//[ ]@##/ /rgya gar skad du/ sarba pre ta badzra pA sha ka/ /bod skad du/
84b4 yi dags thams cad rdo rjes bcings pa/ /dpal gshin rje gshed la phyag 'tshal lo/ /gshin rje'i slob dpon mi mchog gis/ /bsnyen pa las sngags bstan pa ni/ /sbyor ba rdzogs pa 'bum tsho gcig/ /mar ngo'i tshes bdun nas brtsams te/ /dgu yi bar du bzlas pa bya/ /gshin rje nyid kyang
84b5 'ching 'gyur na//de las gzhan pa smos ci dgos/ /mtheb sor nyi shu'i tshad can nang / /rgyar bcas gru gsum sor bcu zabs/ /sor gsum kha khyer phyir bskyed pa'i/ /sor gsum rgya dang dpangs su mnyam/ /dur khrod sol bas nang byugs te/ /khrug gis sor gsum gnyis kyang byug /
84b6 lcags phye thal chen sor re'i tshad/ /rabs chad nag po'i thod pa la/ /nang khrag dug gis byugs nas kyang / /tshangs pa'i bu gar skar khung gdong / /gsang khung chen po gcig btod nas/ /chos 'byung kha sbyor ljang gu la/ /mu khyud rdo rje ra bas bskor/ /sku yi yig 'bru drug
84b7 bkod la//lte bar bsgrub bya ming dang bcas/ /'og tu mnan pa'i rgyab stegs su/ /dur khrod ro yi ras dag la/ /gser gyi sa gzhi dang ldan pa'i/ /ri rab lcog brgyad bkod pa bri/ /de stengs sna tshogs rdo rjes mtshan/ /hUM dang laM dang hUM yig bri/ /re'u mig thag pa bzhis brtod
85a1 la//tsha ba rnams dang lcags phye sogs/ /'bru gsum bzlas pa byas la gdab/ /oM las chos 'byung dkyil nyid du/ /sprul pa'i khro bos bkug la gzugs/ /sa dang ri rab rdo rje dang / /bdag nyid gshin rje gshed kyis mnan/ /skrag cing gzir
85a2 cing 'bar bar blta//oM kA la ru pa hUM/ oM hrIHSh+T+r-iHwi kr-i tA na na hUM hUM phaT phaT swA hA/ oM nri ma ra nri mA ra/ snying Di shri Di shri/ ya ma khrag tshul ba baM/ si ri si ri/ /ril daM duM pu/ nag po ti pa ra na shag naM/ snying la thod pa pra shag naM/ badzra kI li kI li ya/ de nas dur khrod
85a3 g.yam pa la//dri sogs dug gis byugs nas kyang / /rgya gram rdo rje bris pa la/ /dbus su nri dang rtse mor dzaH/ /bkod pas kha dgab mnan par bya/ /thal chen dug gi rgya yang bya/ /hUM lus ngag sems las skyes pa yi/ /bgegs kyi tshogs rnams kun nyon cig/ /da ni dpal ldan rdo rje
85a4 'chang //mnan pa'i 'khor lo rab sbyor ba/ /rdo rje'i lus ni 'bar ba yis/ /gnas gsum las skyes gnon par byed/ /gal te kha cig bdag las 'da'/ /'jig par 'gyur gyi gzhan du min/ /'khor lo rin chen pad+ma dang / gzhan du yang ni de bzhin brjod/ /rdo rje gom pa'i stabs
85a5 ldan pas//shin tu mnan pa'i tshig 'di brjod/ /sems can las ngan sdig can khyod/ /gtad do gshin rje'i lag tu gtad/ /bcing ngo rgya mtsho'i gting du bcing / /mnan no ri rab ljid kyis mnan/ /sbyang ngo 'byung ba bzhi la sbyangs/ /sba'o klu rgyal snying la sba/ /'di las 'da'
85a6 bar ma byed cig//gal te byang chub sems bskyed de/ /shAkya thub pa'i bstan pa la/ /dad pas mgon po mchod srid na/ /nga yis khyod la bden pa bstan/ /mnan pa'i rdo rje sbyor chen po/ /rnal 'byor bar chad sel byed pa/ /stobs chen gzhan gyis mi thub nyid/ /mgon po de
85a7 la phyag 'tshal bstod//gshin rje gshed nag po'i rgyud bzhi brgya lnga bcu pa nas phyung ba/ slob dpon nag po zhabs kyis mdzad pa rdzogs so// //rnal 'byor pa pra dz+nyA na kIrti'i rang 'gyur ro// //