CLOSE WINDOW

D1953
བོད་ཡིག

/maN+Dal cho ga bsod snyoms pa yis byas/ /deng sang rnal 'byor lta spyod ldan pa yis/ /dus rnams rtag tu maN+Dal 'bad par rigs//[ ]@##/ /rgya gar skad du/ d+harma kA ya kI paM bi d+hi nA ma/ bod skad du/ chos kyi sku'i snang ba'i cho ga zhes bya ba/ dpal gshin rje gshed la phyag 'tshal lo//dang po snying rje'i bdag nyid pas/ /srid pa'i bde la ma chags shing / /bdag 'dzin dag la rgyab kyis phyogs/ /bdag 'dzin yongs su dor byas te/ /bdag dang gzhan du mnyam pa dang / /rang dang gzhan gyis blang ba'i phyir/ /phyi nang bar chad sel ba'i mchog /chos sku rten mchog gdab pa'i phyir/ /gshin rje gshed la gus btud de/ /mchod rten cho ga bshad par bya/ /zung du 'jug pa'i rnal 'byor pas/ /yid dga' ba yi sa phyogs su/ /dur khrod dgon pa'i gnas mchog tu/ /bkra shis sa ni bzang po la/ /bdud rtsi rnam lngas legs byugs te//spos dang dri yi tshogs rnams dang / /gser dang mu tig byi ru sogs/ /rin chen rnam mang bcug nas kyang / /khrus byas dag pa'i rnal 'byor pas/ /'jim pa'i gong bu dril nas kyang / /bdag nyid lha ru rnam bskyed nas/ /bsod nams ye shes tshogs bsags bya//srung ba'i 'khor lo rdzogs byas la/ /chos kyi dbyings kyi khang pa dang / /gzhal yas khang mchog bskyed nas ni/ /gzhal yas khang gi dbus nyid du/ /skye med snang ba las byung ba'i/ /thabs dang shes rab gsal ldan bsam/ /gyur pas ro mnyam thig le'o/ /de la thugs kyi yi ge ste//de nas thugs mchog nyid du 'gyur/ /nga rgyal sku gsung thugs bcug ste/ /zhu bas chos kyi sku ru gyur/ /de yi sa bon yi ge las/ /'phros pas gshin rje gshed bkug ste/ /zhal du zhugs nas zhu bar bsam/ /bdag nyid thig le chen por blta/ /phyogs bcur thig le bzhi spros pas/ /tsartsi phag mo'i dbyangs ldan ma//gau rI lha mo bzhir gyur te/ /rje btsun thig le bskul bar bya/ /rje btsun bzhengs shig snying rje khro/ /srid gsum pa yi ma rig sol/ /rje btsun bzhengs shig rgyal rigs bdud bzhi las ni rgyal ba'i sems ni g.yengs/ /rje btsun bzhengs shig 'jig rten snyan mnan stong pa nyid la bzhugs sam ci//ci phyir 'jig rten snyan mnan stong pa nyid la sems te bzhugs/ /bcom ldan rgyal pos bskul nas kyang / /lha mo nyid kyang thim par gyur/ /de la nyi ma sa bon bcas/ /gyur pas rdo rje mtshan ma can/ /de la gshin rje gshed mchog sku/ /rtog pa bzhin du gsal bar bsam//de las mkha' gsang byin brlabs te/ /ye shes dkyil 'khor bkug nas kyang / /zhu bas khams mchog dag pa'i nang / /thig le bcu bdun nyid du gyur/ /de las sa bon gzugs su gyur/ /ya k+She ma me da/ /ya tsa ni ra/ dza sa do ru/ Na yo ni rA/ rdo rje sngo dang 'khor lo dkar//rin chen ser dang pad+ma dmar/ /ral gri ljang gu tho ba sngo/ /dbyug pa gar gyi phyag rgyar gyur/ /de las yongs su rdzogs pa'i sku/ /dgra lnga yum bzhi bsgom par gyur/ /mngal nas skye ba'i tshul nyid du/ /so so gnas su dgod par bya/ /de nas bdag gi snying ga nas/ /sa bon dag las 'od 'phros pas//dkyil 'khor dag la phog gyur te/ /'khor lo 'khor ba'i tshul nyid kyis/ /gsal ba'i bzlas pa dbul bar bya/ /oM hrIHSh+T+r-iHwi kr-i tA na na hUM hUM phaT phaT swA hA/ na mo b+ha ga wa te bai ro tsa na/ pra b+ha rA dzA ya/ ta thA ga tA ya/ aR+ha te samyaka saM bud+d+hA ya/ oM he ru ka su k+Sh+me/sa me sa ma te/ sa ma ye/ sa ma ro bye/ a na lam+be ta raM be ya sho ba ti/ ma hA te dza/ nir ku le nirba Ne/ sarba ta thA ga tA/ hr-i da ya a d+hiSh+ThA na a d+hi Sh+ThI te swA hA/ gtso bo dag la ji lta bzhin/ /gti mug sogs la rim bzhin no/ /oM dzi na dzika /oM rat+na d+h+r-ika /oM A ro l-ika /oM pradz+nyA d+h+r-ika /oM mung+ga ra d+h+r-ika /oM daN+Da d+h+r-ika /oM pad+ma d+h+r-ika /oM khaD+ga d+h+r-ika /oM mo ha ra ti/ oM dwe Sha ra ti/ oM rA ga ra ti/ oM badzra ra ti/ nyi shu rtsa gcig lnga bcu dang / /brgya dang brgya rtsa brgyad dang ni/ /gtso dang 'khor gyi rim pa yis/ /bzlas pa bsdu ba'i tshul gyis bzhu/ /'od kyi phung por bsams nas ni/ /de nas skol phor g.yas thogs te//gu gul a kar nag la sogs/ /dri yi bdug pas bdug par bya/ /de nas 'od kyi gong bu las/ /bcad cing sku gdung gdab par bya/ /snying por 'brel pa'i rten 'brel dag /bzlas shing dkyil 'khor dbyung bar bya/ /bkod pa'i tshul gyis mkha' la bzhag /rdzogs nas lha yi dkyil 'khor lo//skye mched byin gyis brlab pa dang / /sku gsung thugs dang de bzhin te/ /dbang bskur dgug gzhug mchod bstod dang / /bdud rtsi myang gis smin par bya/ /de nas gsol ba gdab pa dang / /bshags dang bsngo ba byas nas ni/ /sgyu ma'i blo yis zin par bya/ / de nas smon lam btab nas ni/ /gnas khang bzang por bzhugs par bya/ /dus rnams kun du mchod pa dang / /bskor ba sogs kyis mnyes par bya/ /na mo rat+na tra yA ya/ /ye d+harmA he tu pra b+ha wA/ he tun te ShAn ta thA ga to h+ya ba da ta/ te ShAny+tsa yo ni ro d+ha/ e waM wA dI ma hA shra ma NaH/ gsang ba'i dkyil 'khor bzang po la/ /mos pa'i blo yis bskor bar bya/ /na mo b+ha ga wa te/ rat+na ke tu rA dzA ya/ ta thA ga tA ya/ ar+ha te samyaka saM bud+d+hA ya/ tad+ya thA/ oM rat+ne rat+ne/ ma hA rat+ne/ rat+ne bI dza yi swA hA/ rnal 'byor sems la gnod gyur na/ /nam mkha' dag la gdab par bya//cho ga'i rnam pa gong bzhin te/ /mtshan med phyir na mchog yin no/ /rkyen rnams tshogs par bya ba'i phyir/ /chu dang me dang rlung dag la/ /ba~M ra~M ya~M ni rnam bsams te/ /'phros pas rgyal ba sras bcas dag /bsdus te yig 'bru la bstims pas/ /chu la dkar dang me la dmar//rlung la khro bo sngon po bsam/ /zhu bas 'od kyi phung por gyur/ /skol phor thogs la gdab par bya/ /rab gnas bya ba gong bzhin te/ /de la khyad par yod ma yin/ /rnal 'byor bsod nams bsags pa dang / /bar chod myur du zhi bya'i phyir/ /bdag gis sku gdung cho ga'i mchog / mngon par brtsams pa'i dge ba 'dis/ /khams gsum sems can thams cad kyis/ /rnal 'byor lam la gnas pa rnams/ /sgo gsum sdig pa dag gyur te/ /chos sku gnyis med thob par shog /rgya gar gyi mkhan po ka lA pa ma hA zhes bya bas mdzad pa mchod rten gyi cho ga rdzogs so// // rnal 'byor bsod snyoms pa pradz+nyA shrI dz+nyA nas rang 'gyur du byas pa'o/ /som pu ri'i gtsug lag khang chen du/ /nag po zhabs zhes bya ba'i rnal 'byor pas/ /rnal 'byor tshe 'phos de ba pA la yis/ /yab mchog d+harma pA la 'das gyur pa'i/ /ched du gsol btab rgyal po'i zhal ngo ru/