CLOSE WINDOW

D1946
བོད་ཡིག

@##/ /rgya gar skad du/ kr-iSh+Na ya mA ri bud+d+ha sA d+ha naM nA ma/ bod skad du/ sangs rgyas gshin rje gshed nag po sgrub pa'i thabs zhes bya ba/ 'jam dpal gzhon nur gyur pa la phyag 'tshal lo/ /bla ma rje btsun bla med dang / /sku gsum mgon po gshegs nyid las/ /btud de de nyid sgrub pa'i thabs//blo dman bdag gis bshad par bya/ /sngags pa blo dang ldan pa yis/ /snying rje chen po rab bskyed de/ /skad cig dran pas gsal bar bya/ /gnyis pas rdzogs pa thig le che/ /bzang po nyid dang dpal gyi mgon/ /so so las kyang bzhi 'byung bya/ /rdzogs dang rab tu gnas pa dang //mngon par btud la mchod byas te/ /ya yig sprul pa'i las bya'o/ /bshags dang rjes su yi rang dang / /bskul dang gsol ba gdab pa dang / /skyabs su 'gro dang sems bskyed che/ /lus dbul yongs su bsngo ba bya'o/ /smon lam gdab dang gshegs su gsol/ /tshangs pa'i gnas bzhi sngon song bas//rnam thar gsum gyi bdag nyid bsgom/ /oM swA b+hA wa shud+d+haHsarba d+harmaHswAb+hA wa shud+d+hou0f85haM/ gnas dang dag pa'i ngo bo dang / /bde ba bzang po 'di bsgom bya/ /shU n+ya tA dz+nyA na badzra swa b+hA wa At+ma kou0f85haM/ sku gsung thugs kyi bdag nyid ni/ /yi ge gsum gyi ngo bor blta/ /dag pa'i th ig le nam mkha' yi//rgyun gyis gnas pa'i nyi ma hUM/ /gyur pa rdo rje gzhal med khang / /zla ba rdo rje'i sbyor ba yis/ /chos kyi 'byung gnas rnam par gnas/ /sna tshogs pad+ma'i dkyil nyid du/ /zla ba yi ge bcu drug bcas/ /re pha las byung gnyis pa las/ /gsal byed yi ge khor yug blta/ / ro mnyam pa la sa bon nyid/ /nor bu rdo rje spro dang bsdu/ /nga rgyal gyur pas rdo rje sems/ /dkar dang gnag dang dmar ba'i zhal/ /shes rab gnyis med sgeg dang stangs/ /gdug dang dur khrod rgyan gyis spras/ /gri gug thod pa rtsa ba'i phyag /rdo rje ral gri g.yas na bsnams/ /g.yon na 'khor lo chu skyes so//sa bon 'od kyi bdag nyid dpal/ /rjes su gyur pas khu bar blta/ /sku gsung thugs kyi rdo rje gnas/ /nyi ma dmar po ya gcig bcas/ /gyur pas rdo rje sngon po ste/ /sa bon 'od las gshin rje gshed/ /char sprin gzhon nu lta bu'i mdog /g.yas pa zla ba lta bu ste/ / g.yon pa pad+ma rA ga'i mdog /rang gi yum dang ldan pa'i sku/ /rtsa ba'i phyag gis 'khyud pa'i stangs/ /rdo rje ral gri 'khor lo dang / /pad+ma 'od zer chen po 'bar/ /gri gug rdo rje mtshan pa dang / /thod pa byang chub sems bkang ba/ /yum dang mtshungs par 'dzin pa ste/ /gcer bu rgyan bral skra grol ba'o//snyoms par 'jug pa'i stangs dang ldan/ /brgya phyed mgo bo'i phreng ba can/ /pad+ma zla ba'i gdan stengs su/ /ma he nyi ma gnas pa'i stengs/ /rdo rje gshed po bsgom par bya/ /sku gsung thugs dang ldan pa yis/ /sems dpa'i rdo rje bde bar bsgom/ /skye mched zla ba'i dkyil 'khor te//sems dpa'i yi ge gsal bar bya/ /k+ShiM dziM kha~M ga~M ka~M sa~M/ /spyi gtsug mgrin pa snying ga'i steng / /zla ba pad+ma nyi ma'i dkyil/ /dkar dmar gnag pa'i yi ge dgod/ /oM AHhUM/ sa bon las 'phros gshin rje gshed/ /yab yum gnyis med sbyor ba yis/ /bde chen byang chub sems kyi rgyun//phab ste spyi gtsug bab gyur pas/ /dri med dag pas rdo rje sems/ /spros dang bsdus pas de nyid don/ /mnyes par byas la rgyud la bstim/ /nges dang gsal dang brtan pa dang / /phab la thig le thig le che/ /byed pa sbyor dang phra ma dang / /go rims nam mkha'i rdo rje'o/ /'di ni 'grub med 'grub pa med//rang bzhin nyid nas rdo rje sems/ /rdo rje nam mkha'i khams sbyor bas/ /gnyis med ye shes chos kyi sku/ /'di ni rnam par dag pa'o/ /ldang ba sA lu'i 'bras ltar du/ /gnas pa rgyal po'i dbang bsgyur zhing / /dbyings kyi rdo rje tha mi dad/ /sbyor ba'i byang chub sems phab pas//sa stengs sa 'og sa bla yi/ /gnas su sku gsung thugs bsams te/ /ma yengs don grub bzlas par bya/ /oM kA la rU pa hUM/ 'dis ni brgya byin la sogs pa brgyal bar byed pa'o/ /oM ya ma rA dza/ sa do me ya/ ya me do ru/ Na yo da ya/ ya da yo ni/ra ya k+She ya/ ya k+She yats+tsha ni rA ma ya/ hUM hUM hUM phaT phaT swA hA/ 'dis ni dngos grub chen po yang thob par 'gyur ro/ /oM hrIHSh+T+r-iHwi kr-i tA na na hUM hUM phaT phaT swA hA/ 'dis ni las thams cad 'grub bo/ /ha cang drag min dal ba min/ /cung zad ring ba ma yin te/ /thung dang mi gsal rnams spangs te//tshig gi bar du ma chod pa'i/ /chen pos bzlas pa 'grub par 'gyur/ /'di ni bsgrub pa'i don du byas/ /las kun bla ma brgyud shes bya/ /mi shes pa dag dgrol ba'i phyir/ /bdag gis rtogs par gyur pa brtsams/ /'di las 'byung ba'i bsod nams kyis/ / dpal ldan gshin rje gshed 'gyur shog /sangs rgyas gshin rje gshed nag po'i sgrub thabs/ nA da ku be ra las byung ba'i don/ kun da nak+She ri na bzhugs pa'i mkhas pa chen po rnal 'byor pa nag po zhabs kyis mdzad pa rdzogs so// //rnal 'byor pa pradz+nyA shrI dz+nyA na kIrtis rang 'gyur du mdzad pa'o/