CLOSE WINDOW

D1945
བོད་ཡིག

/'gro kun spros bral zhi ba la gnas te/ /sangs rgyas ye shes mngon du rtogs par shog /rdo rje gau rI'i sgrub thabs zhes bya ba rdzogs so//[ ]@##/ /rgya gar skad du/ b+haT+TA ka many+dzu shrI ya mA ri pU dza kra ma bid+hi nA ma/ bod skad du/ rje btsun 'jam dpal gshin rje gshed mchod pa'i cho ga'i rim pa zhes bya ba/bla ma rje btsun dam pa rnams la phyag 'tshal lo/ /shes rab snying rjer ldan zhing dad pa legs brtan dang / /sangs rgyas snying po 'dod phyir gang zag dbang thob pas/ /bsnyen dang sgrub pa'i rim pa khong du chud byas nas/ /rje btsun rnams la btud de rgyud 'dis sbyang bar bya//bdag nyid dran pa gcig pa'i 'gro blor ldan/ /bdag med pa las bzlog cing 'byor pa gsum dag pas/ /bsnyen dang sgrub la rab tu mkhas byas te/ /nyin dang mtshan mo thams cad g.yeng med tshul gyis 'bad/ /sku gsung thugs kyi 'khor lo rdo rje can bcas dang / /dri med snying po mthar mdzad bla ma rdo rje 'dzin//dgra las rgyal ba gshin rje gshed nag lha yi tshogs/ /thugs rjes thugs chud spyan ras nyid 'tsho dgongs su gsol/ /chos sku longs spyod rdzogs dang sprul sku'i rang bzhin can/ /rgyal ba'i rang bzhin phung pos sems can re 'dod skong / /'byor ldan phun sum tshogs pas nad gsos sman pa'i mchog /bla ma mgon po de la bdag ni phyag 'tshal lo/ /phung po lnga las rgyal zhing nyon mongs lnga rnams dag /rang gzhan don rdzogs gang zhig phag mo la sogs 'khril/ /ye shes rigs mtshungs lnga ldan rin chen lnga yi mdog /rnam thar pha rol phyin zhal phyag ldan khyod la 'dud//bdud bzhi las rgyal lta ba'i nges sgrol bcom nas kyang / /dad sogs rnam dag khro bo'i rtags su nges 'byung ba/ /thabs kyis phyag rgyas sgrib pa thams cad mthar spangs pa'i/ /'jigs shing rab gtum phyag mtshan rtags ldan phyag 'tshal bstod//sa chu me rlung 'byung ba bzhi ni rnam dag sku/ /byams dang snying rje dga' dang btang snyoms nyid/ /thabs dang smon lam ye shes rdzogs mdzad pa/ /tsartsi phag mo gau rI'i dbyangs ldan phyag 'tshal bstod/ /mchod yon gdan mchog zhabs bkru ldan pa dang / /spos dang me tog mar me zhal zas tshogs//rol mo'i sil snyan me tog phreng dang lda ldi dang / /mchod sdong bye bas brgyan pas rab tu mchod par bgyi/ /gzugs sgra dri ro reg bya 'dod pa'i yon tan tshogs/ /du mar spyad kyang tshim pa med cing ngo mtshar ba/ /yid ldan sems kyis ngal bso khyad par gyur pa rnams/ /mos blo dad pa'i mthu yis bde gshegs 'khor lo mchod//'khor lo rin chen rta dang glang po rab mtshan ldan/ /rgyal po btsun mo blon po mchog ni zhi zhing mdzes/ /'byor ldan phun sum tshogs pa 'khor los sgyur ba yi/ /khyad par rdzas kyis bde gshegs 'khor lo dam pa mchod/ /gdugs dang nyer ldan dung dang pad+mas rab tu mdzes//gun+d+he dpal be'u rgyal mtshan 'khor lo mdzes pa'i mchog /'jig rten dag na grags shing snyan par gang brjod pa'i/ /bla med rnams kyis bde gshegs 'khor lo dam pa mchod/ /dri chen rdo rje chur ldan byang chub sems dkar dmar dang bcas//mi sha rta dang ba lang glang chen khyi sha dang / /sgron ma che dang ldan pas dur khrod mdzes byas pas/ /rnam par rtog bral bde gshegs 'khor lo dam pa mchod/ /bde gshegs khyed la ji snyed gnas pa'i yon tan ni/ /bdag gis bskal pa'i mtha' bar brjod pas mi lang bas/ / sku gsung thugs kyi dkyil 'khor nam mkha' tsam mos 'dis/ /rgyal ba gcig bzhin sangs rgyas 'khor lo thams cad bstod/ /'dod chags zhe sdang gti mug dug mang gis bskyed cing / /lus ngag yid gsum sgo ru smin pa'i mi dge bcu/ /so so thar dang byang chub sems dang rig pa 'dzin//tshul khrims sdom dang dam tshigs nyams pa ji snyed bshags/ /bdag gis bgyis dang de bzhin bgyid du stsal/ /nyan thos rang rgyal theg pa chen po'i dge ba'i tshogs/ /slob dang mi slob sems kyis grogs su gang gyur pa/ /'das dang ma 'ongs da ltar dge la rjes yi rang //sangs rgyas zhing la bzhugs pa'i ston pa rdzogs sangs rgyas/ /gdul bya'i snang bar rab tu tshim mdzad khro dang zhi/ /'gro ba mig ldongs shes rab sman gyis gsol ba'i phyir/ /chos kyi phung po brgyad khri bzhi stong bskor bar bskul/ /rgyal ba bcom ldan mya ngan 'da' bar bzhed pa rnams//khyod mi bzhugs na 'jig rten 'di dag mgon med pas/ /nam mkhas gar khyab sems can ji srid mchis pa ru/ /de srid rgyal ba sras dang bcas pa bzhugs su gsol/ /bdag gi lus ngag yid kyi dge ba'i tshogs ji snyed/ /sbyin dang tshul khrims bsgoms pa nyid du ngas bsdus te//bdag gir bzung ba med cing sems can kun don du/ /dmigs pa med pa'i sems kyis yongs su bsngo bar bgyi/ /bdag gis rje btsun rnams la shin tu dad sems kyis/ /sems can kun la phan phyir bsod nams ye shes tshogs/ /'das dang ma 'ongs da ltar gsum du bsdus byas te//dpal ldan bla ma rje btsun mchog gi zhabs drung shog /nyon mongs tshogs rnams dag cing sems rtogs nas/ /rgyal ba mgon po bcom ldan 'das kyi skur gyur shog /me tog shu kra len cing spros pa nyid spangs te/ /nyon mongs mngal du mi 'jug bde ba len par shog /yid ches sems kyis lhan cig skyes pa rnyed gyur te/ /'byor pa'i nus pas rdo rje lta bu'i lus thob shog /chos rnams ro gcig bsam mi khyab kyi ro thob nas/ /rig dang tshogs kyi spyod pas sems can 'dul gyur cig /zhi rgyas dbang dang drag po'i phrin las nyer thob ste/ /gdug pa can rnams gshin rje gshed la mngon gzhol shog /thun mong dngos grub thogs pa med par thob nas kyang / /blo stobs dman pa'i rnal 'byor de nyid kyis 'tsho shog /nam mkha' dang mtshungs bde ba chen po'i sa thob nas/ /bdag dang sems can gshin rje gshed po nyid grub shog /sgrub po dad ldan lus ngag yid gsum rab sbyang phyir//rje btsun pa rnams mchod pa'i cho ga 'di byas pas/ /nyon mongs sgrib dang shes bya'i sgrib pa byang gyur te/ /rgyun chad med dang phun sum tshogs sku thob par shog /'gro ba thibs po nyon mongs lam la rab tu gzhol/ /sdig pa'i dba' klong 'khrug pa'i nang du rtag tu zhugs//rnam smin chu srin gdug pa can gyi khar zhugs nas/ /g.yeng bas ngal ba don med ma byed dge ba sbyongs/ /rje btsun 'jam dpal gshin rje gshed mchod pa'i cho ga'i rim pa zhes bya ba/ slob dpon chen po kr-iSh+Na paN+Di tas mdzad pa rdzogs so// //