64b5 /[ ]@##/ /rgya gar skad du/ kr-iSh+Na ya mA ri sA d+ha naM nA ma/ bod skad du/ gshin rje gshed nag po'i sgrub thabs zhes bya ba/ dpal rdo rje sems dpa' la phyag 'tshal lo/ /rje btsun rdo rje sems bdag
64b6 sngags//'jigs byed dpa' bo dgra nag la/ /btud de brgyud rim las rnyed pa/ /dngos grub 'byung phyir bshad par bya/ /rang gzugs rdzogs pa'i snying ga ru/ /ya yig las ni 'gro bar sbyang / /bdun po yis kyang sbyang byas nas/ /tshangs pa'i gnas la gzhag par bya/ /stong pa'i
64b7 snying po gsal bar bsam//bsrung ba pad+mar ldan pa'i nang / /chu skyes ri bong can rnon po/ /byang chub rgyu yi gshin rje gshed/ /rtsa ba'i zhal gyi khyad par can/ /zhu ba'i thig le byang chub sems/ /ya las mtshan ma bsdu bar bya/ /de las 'jam dpal gshin rje gshed/ /in+d+ra nI la
65a1 lta bu ste//g.yas dang g.yon pa dkar dang dmar/ /phag mo de mtshungs dam 'khyud pa/ /gri gug thod pa rtsa ba'i phyag /rdo rje bar dang tha ma gri/ /gzhan na 'khor lo pad+ma 'dzin/ /thod pa lnga yi dbu rgyan can/ /ser brdzes spyan dgu bzlog cing 'gyur/ /lnga bcu'i do
65a2 shal mnyam du dpyangs//gdug pa brgyad kyis sku brgyan cing / /rus pas brgyan cing dum bus sgeg /mtshon cha bcu gnyis 'khrug par bsam/ /ma he la bzhugs srid rtser 'bar/ /sku gsung thugs dang skye mched dang / /dbang dang byin rlabs mchod dang bstod/ /bdud
65a3 rtsi myong dang spro bsdu dang //bzlas pa'i rim pa'i man ngag las/ /shes pas dngos grub 'grub par 'gyur/ /oM kA la rU pa hUM/ oM ya ma rA dza/ sa do me ya/ ya me do ru/ Na yo da ya/ ya da yo ni/ ra yak+She ya/ yak+She yats+tsha/ ni rA ma ya/ hUM hUM phaT phaT swA hA/ oM hrIH Sh+T+riH wi kr-i tA na na
65a4 hUM hUM phaT phaT swA hA/drug pas gtor ma bsnyen par bya/ /sum cu brgyad pas nye bar bsnyen/ /bco lnga pas ni thams cad bsgrub/ /las kyi 'khor lo bskor bar bya/ /gshed nag rgyud dang 'byung ba las/ /rnyed de sgrub thabs 'di bris pas/ /blo ni rab dag gyur nas kyang / /gshin
rje gshed du 'gyur bar shog /